بقلم الكاتبه المبدعه والمتميزه فاتن فتحى
.png)
تبدأ قصتنا في حاره شعبيه
كانت بطلتنا لواحظ قاعده كرسي وبتشرب ارجيله ومشعلقه شاب في نص الحاره وبتقول بنبره كلها غضب
لواحظ بغضب: بقى انت يا جعر يا عرة الرجاله جاي غريب حارتنا وبتعاكس بناتي انت مش عارف دول بنات مين دول بنات المعلمه لواحظ
الشاب بخوف: خلاص يا معلمه حقك عليا مش هتتكرر تاني ابدا ابدا نزليني انا بموت خلي قلبك حنين او اعتبريني زي ابنك
لواحظ: لا انا قلبي مش حنين وميشرفنيش انك تكون ابني كاتك البلا في شكلك
الشاب: طيب نزليني طيب وانتي مش هتشوفي وشي تاني
لواحظ: اخس عليك اخس عايز تمشي من غير ما نعمل معاك الواجب ولا اي يرضيك الناس تقول علينا معندناش اصل
الشاب بتوتر: هو حد يقدر يتكلم عليكي يا معلمه وبعدين انتي ام الاصل كله نزليني بقى وروحيني
قامت لواحظ من على كرسيها ووقفت قدامه وبصتله بغضب وقالت
لواحظ بغضب: هتمشي بس بعد ما نعمل الواجب معاك
وفجأه علت لواحظ صوتها وقالت
لواحظ بصوت عالي: انت يا ولا يا حمااااااده
في اللحظه دي جه حماده وكان ماسك في ايده صاعق كهربائي
الشاب اول ما شاف الصاعق اتوتر وقال
الشاب بتوتر وخوف: لا ابوس ايدك يا معلمه لواحظ بلاش الصاعق انا مش قده
لواحظ بسخريه: معلش خليك قده ما انا قولتلك لازم نعمل معاك الواجب
وادت لواحظ اشاره لي حماده انه يبتدي يكهرب الشاب ده
ووقف لواحظ في نص الحاره وقالت
لواحظ: اي حد سواء من الحاره او براها يفكر يجي عليا او على بناتي او على حد تبعي هفرمه ماشي حاره قرف
ومشيت لواحظ وراحت بيتها
وبعد وقت جم تلات بنات ودول ابطالنا جنان زينب سلمى
اتكلمت جنان وقالت
جنان: هو اللي انا سمعته ده صح انتي عرفتي تجيبي الواد اللي احنا قولنالك عليه انه عاكسنا ازاي
لواحظ: قدرات خاصه حاجه ملكوش دعوه ليها
زينب: ايوه بقى يا لواحظ يا جامد اللي بتجبلنا حقنا وبتحبنا
سلمى: لا وقولي كمان اللي مش بترفض لينا طلب ولو طلبنا نجمه هتجبهلنا احلى ام دي ولا اي
لواحظ بشك: بقولك يا بت منك ليها طلعوا اللي عندكم وقولوا عايزين اي ومتاكلوش بعقلي حلاوه عشان الدخله دي انا عرفاها كويس جداً وراها مصيبه وانتم اصلا مش بيجوا من وراكم غير المصايب كاتكم البلا
جنان: تسلمي يا ست الكل وبما انك عارفه اننا عايزين حاجه منك سلمى هي اللي هتتكلم
سلمى : وانا مالي يا لمبي وربنا ما انا ناطقه حاجه زينب ربنا يخليهنا هي اللي تتكلم
زينب: ده عندكم مش قايله حاجه جنان هي اللي تتكلم
جنان: اي ده هي لفت وجتلي تاني
في اللحظه دي اتكلمت لواحظ بغضب شديد وقالت
لواحظ بغضب: بقولكم اي انطقوا وقولوا انتم عايزين اي عشان مرتبكش فيكم جريمه انا خلقي ضيق لوحده كاتكم البلا
اول ما التلات بنات سمعوا كده قالوا بصوت واحد
جنان سلمى و زينب: بصراحه احنا عايزين نطلع مصيف شتوي
لواحظ بغضب: نعععععععععم لا ده انتم اتهبلتوا خالص تعالولي
وقامت لواحظ جريت ورا التلات بنات وكانت بتجري وهي بتقول
لواحظ بغضب: هو اي المصيف الشتوي هو انتم هتألفوا وبعدين احنا بتوع مصايف انتم عايزين الناس تاكل وشي بقى انا مربيه الحاره كلها مش عارفه اربيكم بس هربيكم يعني هربيكم
اتكلم جنان بنهجان وقالت
جنان بنهجان: يا ماما افهمي هو اي المصيف ده الاول قبل ما تحكمي ده غير الصيفي
سلمى: اه والله اسمعينا بس
زينب: طيب نتفاهم نتناقش هو اي كله ضرب ضرب مفيش شتيمه
لواحظ بغضب: والله ما ازعلك ضرب وشتيمه قال مصيف قال قال تفهموني قال كاتكم البلا ده انتم هتتشعلقوا
البنات التلاته اول ما سمعوا كده بقوا يجروا وهي تجري وراهم
وبعد وقت
كانوا التلات بنات متشعلقين وهي كانت واقفه قدامهم وبتقول
لواحظ: بقى عايزين تروحوا مصيف شتوي يا بنات لواحظ وبعدين في مصيف في الشتا اصلا طول عمرنا يختي بسمع انا عن مصيف صيفي واحنا كمان مش بنروحه وحتى الكلمه فيها الصيف انتم شكلكوا بتألفوا عليا وعايزين تصيعوا هو انا عشان دلعتكم تسوقوا فيها كاتكم البلا في شكلكم
جنان: نصيع اي اول حاجه ده حاجه جديده احنا قولنا نعملها والاسم ده احنا اللي مألفينه احنا لو رحنا هنلعب بالتلج مثلا
زينب: ونتزحلق على الجليد ونضرب بعض بالتلج
جنان: وفي هناك مخيم شتوي هايل حاجه كريتيف يعني وكمان لبسنا هيكون شتوي اكيد يعني مش زي المصيف الصيفي مايوهات وكده دي حاجه حلوه وجديده عشان خاطرنا وافقي يا ماما لو سمحت
لواحظ: بس بردو اكيد هيكون في شباب هناك
جنان: طيب واحنا مالنا بالشباب احنا تربيتك جعافر يا ماما
سلمى: ها قولتي بقى وافقي يا ماما
زينب: لو سمحت وافقي احنا فهمناكي اهو وهي مجرد مغامره جديده
واتكلموا التلات بنات بصوت واحد وقالواو
زينب وسلمى وجنان بصوت واحد: وافقي وافقي وافقي وافقي
لواحظ بصوت عالي: خلااااص اتنيلت وافقت بس هتقعدوا هناك قد اي وهتسافروا امتى
جنان: اسبوع كده ودي مده قليله خالص وهنسافر بعد يومين
لواحظ بغضب: نععععععم يا روح امك هما ٥ ايام مفيش غيرهم والا هرفض
سلمى: يعني عملتي مشكله على اليومين دول بس ماشي ٥ ٥
زينب: خلاص نزلينا بقى عشان انا تعبت من الشعلقه دي
بصتلهم لواحظ وقالت
لواحظ: كاتكم البلا قدرتوا تخلوني اوافق هنزلكم خلاص
وبالفعل لواحظ نزلتهم ومشيت
اتكلمت جنان وهي حاطه ايدها على ظهرها وقالت
جنان: والله الواحد مش حاسس بجسمه خالص اه يا ظهري
سلمى: اه رجلي وجعاني مش قادره
زينب: اه يا جسمي كله يانا ما مش قادره
وبعد لحظات من تألمهم وشكوتهم من وجع جسمهم
اتكلمت جنان وقالت
جنان: بس اهم حاجه انها وافقت yes
زينب وسلمى بصوت: yes yes وهنعمل مصيف شتوي هيه
وفضلوا التلات بنات يتنططوا من فرحتهم
وبعد يومين كانوا سفروا البنات وكانوا لابسين لبس شتوي جامد لان المنطقة اللي هما فيها منطقه شتويه وكانوا وصلوا الكمبوند
اتكلمت جنان وقالت
جنان: الحمدلله يا بنات ان ماما وافقت اننا نيجي هما ومأصرتش تيجي معانا عشان نقدر ناخد راحتنا في السفريه بقى
زينب: اه بس احنا هنعمل اي دلوقتي احنا جايين مش عاملين اي بروجرام خالص
سلمى: احنا ننام ولما نصحى ننزل ناكل وبعد كده نشوف هنعمل اي
جنان بغضب: هو انتي همك الاكل والنوم بس يا بت انتي اومال كنتي متحمسه للسفريه ليه وحاولتي تقنعي ماما ليه ما كنتي قعدتي كلتي ونمتي
زينب: احنا ننزل تحت نلعب بالتلج تحت انا نفسي العب بالتلج اوي يلا يا جنان
وبصت زينب على سلمى وقالت
زينب: وانتي عاوزه تيجي معانا تعالي مش عاوزه كلي ونامي
وراحت زينب ومسكت ايد جنان ومشيوا
سلمى اول ما مشيوا مشيت وراهم وهي بتقول
سلمى: طيب استنوني خلاص هاجي هو انا كان قصدي ننام عشان نكسب طاقه مش اكتر
وبعد وقت كانوا البنات التلاته بيلعبوا وبيرقصوا على التلج وبيحدفوا التلج على بعض
في اللحظه دي جم ابطالنا التلات شباب وهما محمد وسفيان و شهاب
كانوا بيبصوا عليهم باعجاب
اتكلم محمد: الله الله اي اي الجمال ده كله
سفيان: بس براحه على التلج عشان مش بتاعنا
شهاب: انا بقى سأسكت احتراما وتقديرا لهذا الجمااااااال
انتبهوا التلات بنات ليهم وكانوا بيسمعوا كلامهم وهما كان باين عليهم ملامح الغضب
اتكلمت جنان وقالت
جنان: غور يلا منك ليه من هنا عشان منزعلكمش
سلمى: ايوه عشان انتم مش قدنا
زينب: وانتم مش عارفين احنا نقدر نعمل فيكم اي
بص سفيان على زينب باعجاب
سفيان باعجاب: اووو اكتر حاجه بحبها ان البنت تكون قطه مخربشه زيك كده اعرفك بنفسي انا سفيان وافضل تقوليلي سوفي هيكون منك حلو انتي اسمك اي يا قمر
زينب بغضب:عزرائيل اللي هياخد روحك ان شاء الله
سفيان اول ما سمع كده اتحرج ومحمد وشهاب ضحكوا
اتكلم محمد بسخريه وقال
محمد بسخريه: تستاهل ملقتش غير دي تعاكسها وكمان ده كلام تقوله اتعلم مني
بص محمد على سلمى
محمد: انا شفت كتير وقليل في حياتي بس مفيش ولا بنت قدرت تخطفني غيرك جمال عينك سحرتني انا اسمي محمد انتي بقى اسمك اي يا ام عيون عسليه
سلمى: بس مش عيني دي لينسز وبعدين اي الهبل اللي انت بتقوله ده
اول ما سلمى قالت كده محمد اتحرج و سفيان و شهاب
في اللحظه دي جنان بصت على شهاب وقالت
جنان بغضب: اياك تنطق تقول حاجه عشان انا مش بتكلم انا بضرب على طول عايز تنضرب
بلع شهاب ريقه وقال
شهاب: لا وعلى اي انا هسكت احسنلي اصلا احنا غلطنا احنا افتكرناكم بنات طلعتوا جعافر
محمد: اه والله طلعوا معدومين الاحساس والمشاعر
سفيان : والمفهوميه ده احنا كل البنات بتتمنى بس نبصلها وانتم فاكرين نفسكم اي
اول ما التلات بنات سمعوا كده اتعصبوا
وبصت زينب على سفيان وقالتو
زينب: انت اللي فاكر نفسك اي ده انت برص حيطان وفار غيطان وافه من غير ودان
سفيان: ده انا
بضتله زينب بغضب ومرتدش
بصت سلمى على محمد وقالت
سلمى: وانت يلا يا شاشه من غير روموت يا لمبه من غير عمود يا سمك من غير فسفور يا عربيه من غير ماتور
محمد: ده انا
بصتله سلمى بغضب ومرتدش
بصت جنان على شهاب وقالت
جنان: ده الوش مهبب والكوع مدبب وايحه وتلقيحه ومش بتحط كلونيا ولا ريحه
شهاب: ده انا
اتكلموا التلات بنات بصوت واحد
جنان وزينب وسلمى: انتم شكلكم مش عارفين احنا نبقى بنات مين
شهاب وسفيان ومحمد: مين
جنان وزينب وسلمى: احنا نبقى بنات المعلمه لواحظ اللي لو قولنالها ان انتم بتدايقونا هتخليكوا تنوروا في الضلمه
في اللحظه دي سمعوا صوت لواحظ وهي بتقول
لواحظ: مش محتاجين تقوليلي انا عرفت كل حاجة
اول ما البنات والشباب سمعوا الصوت لفوا وانصدموا لما شافوا لواحظ قاعده على ظهر الاسد الشتوي وكانت نظراتها كلها غضب
اول ما التلات بنات شافوا كده انصدموا وقالوا
جنان وزينب وسلمى بصوت واحد: ماما انتي جيتي هنا ازاي
تجاهلت لواحظ سؤال بناتها وبصت للشباب بغضب وقالت
لواحظ بغضب: بقوا انتم يا جعرات بتعاكسوا بناتي كاتكم البلا ده انتم هتشوفوا ايام سوده اسود من الخروب
اول ما الشباب سمعوا كده جريوا ولواحظ كانت بتجري وراهم بالاسد
وبعد لحظات في الكمبوند
كانوا التلات شباب متشعلقين بالشقلوب وكانت لواحظ واقفه قدامهم وجمبها الاسد وبتبصلهم بغضب والتلات بنات كانوا واقفين جمبها
لواحظ بغضب: اي يا حلو منك ليه بتعاكسوا بناتي ليه بقى
اتكلم محمد بحزن وقال
محمد: يا معلمه لواحظ غلطه ومش هتتكرر تاني ابدا وبعدين بناتك عملوا الواجب معانا بستفونا ما تقول حاجه يا شهاب
شهاب: معلمه لواحظ وعد ما هنعاكس اي بنات تاني احنا اتعلمنا الادب
سفيان: يا ست الكل سامحينا ونزلينا ومشينا
في اللحظه دي اتكلمت جنان وقالت
جنان: ههههه والله تستاهلوا اللي بيحصلكم ده عاملين فيها صيع اوي وبتعاكسوا وانتم طلعتوا هبلولا خالص
زينب: صدق اللي قال الرجاله ماتت في حرب ٧٣
سلمى: شكلكم يضحك اوي هههههه
بصتلهم لواحظ بغضب وقالت
لواحظ بغضب: انا هنزلكم بس مش عاوزه اشوف وشكم ولا تقربوا من بناتي
الشباب التلاته بصوت واحد: حاضر يا معلمه لواحظ
لواحظ بغضب: كاتكم البلا
ونزلت لواحظ الشباب
واول ما نزلوا جريوا من قدامهم والبنات فضلت تضحك عليهم
وبعد لحظات كانوا التلات شباب واقفين خارج الاوتيل
خد محمد نفس عميق وقال
محمد: انا بصراحه مش مصدق اننا لسه عايشين انا قولت هقول على نفسي يا رحمن يا رحيم
شهاب: دي ست جباره يا عم مش عايزين يكون لينا علاقه بيها لا هي ولا بناتها
سفيان: رغم ان كان نفسي اتعرف على البت الللي كنت بتناقر معاها بس يلا مالناش نصيب
شهاب: متقلبش عليا المواجع انا بردو كان نفسي اتعرف على البت اللي بتضرب مش اللي بتتكلم دي
محمد: انا كان نفسي اتعرف على ام عيون عسليه بس لو لينا نصيب نقابلهم بعيد عن لواحظ دي يبقى حلو يلا بقى نروح ننام عشان تعبنا وبكره ورانا مسابقه التزلج على الجليد
ومشيوا التلات شباب
عند لواحظ كانت قاعدة وسط بناتها
اتكلمت جنان وقالت
جنان : انا بس نفسي اعرف انتي جيتي ازاي وجبتي الاسد ده ازاي انا هتجنن
زينب: اكيد يعني يا ماما مش هتخبي عننا حاجه وهتقوللنا جيتي ازاي
سلمى: يلا يا ماما كلي اذان صاغيه
لواحظ بغضب: فزي يا بت منك ليها خشوا ناموا واعملوا حسابكم ملكوش دعوه بالشباب دول ولو شفتوهم متسلموش عليهم وانا هقعد معاكم طول ال ٥ ايام
جنان: بس يا ماما
لواحظ بغضب: مبسش يلا خشوا ناموا متصدعونيش
اول ما التلات بنات سمعوا كده جريوا من قدامها
اول ما مشيوا لواحظ قالت بغضب
لواحظ بغضب: كاتكم البلا بتعصبوني على طول كده
و انتهى اليوم على كده
وفي صباح يوم جديد
كانوا التلات شباب واقفين على الجليد مستنيين المذيع يجي عشان يعلن على بدء المسابقه
في اللحظه دي البنات جم بعد ما اتحايلوا على لواحظ انهم يخرجوا
الشباب التلاته اول ما شافوا البنات انبسطوا لكن كانوا خايفين يكلموهم بسبب لواحظ
والبنات التلاته اول ما شافوا الشباب بصوا عليهم ومدهمش اي اهتمام
وبعد لحظات جه المذيع وقال
المذيع: اهلا بكم جميعا والأن ستبتدي مسابقة التزلج على الجليد واللي هيكون فيها شاب مع بنت بيسابقوا بعض ونشوف مين اللي هيكسب هل الشباب ولا البنات وهيكون شهاب مع جنان محمد مع سلمى سفيان مع زينب
اول ما الشباب سمعوا كده انصدموا واتكلم شهاب وقال
شهاب: اي ده هما مقالوش كده من الاول ليه ومين البنات اللي هتيجي معانا دي
محمد: معرفش هي هتكون تجربه جديده اننا نتزلج مع بنت بس اكيد هتكون لذيذه
سفيان: هي اصلا شكلها رحله غريبه عماله تحصل فيها حاجات غريبه كفايه لواحظ والاسد وبناتها هتيجي على نظام تغيير المسابقه الواحد جتله مناعه من الصدمات
وضحكوا الشباب التلاته مع بعض
عند البنات
اتكلمت جنان وقالت
جنان: هينصدموا لما يعرفوا اننا احنا بس يلا خلينا نرعبهم شويه
سلمى بضحك: متخيله منظر محمد لما يشوفني حاسه هيقع من طوله
زينب: ولا اللي مسمي نفسه سوفي ده كمان هيقع من طوله بردو بس هما هينصدموا وهيخافوا مش مننا من ماما
جنان: مش مهم المهم يترعبوا ويفضلوا خايفين ان ماما تيجي في اي وقت
سلمى: اه بس احسن حاجه انها قالت انها مش هتجلنا عشان تعبانه فنتسلى بيهم براحتنا
وضربوا التلات بنات كفهم مع بعض وضحكوا
وبعد لحظات
كانت بدأت المسابقه
وشهاب انصدم لما لقى وراه جنان قال
شهاب: اي ده هو انتي جنان انتي بتعملي اي مش احنا قولنا مالناش دعوه ببعض
جنان: وانت مين قالك اني هيكون ليا دعوه بيك اصلا انا جايه اسابقك واكسبك واكسفك
شهاب : مفتكرش انك هتقدري عليا ده انا حريف التزلج فبلاش انا
جنان: لنرى من سوف يضحك في الاخر وييييي
وقالت كده جنان وسبقته وهو انصدم وجري وراها
عند سفيان وزينب
سفيان كان مصدوم لما شاف زينب وقال
سفيان: لا مش معقول زوبا هانم بحالها هتسابقني
زينب: زوبا اي يا متخلف انت انا اسمي زينب
سفيان: عارف بس شايف زوبا لايقه اكتر نبقى زوبا وسيفي
زينب: ونبي اتوكس عشان انا مش فيقالك
وسبقته زينب وسفيان انصدم وجري وراها
عند محمد وسلمي
محمد كان مصدوم لكن كان فرحان عشان سلمى هي اللي هتسابقه وقال
محمد: انا مصدوم وفرحان يعني ام عيون عسليه زاد نفسها هي اللي هتسابقني
سلمي: اه هسابقك وهكسبك وهعرفك مين سلمى
وسبقته وهو لما شافها سبقته قال
محمد: ماشي يا ام عيون عسليه مش هخليكي تكسبيني بردو
وجري وراها
وبعد وقت من السباق
كانوا واققين ابطالنا في انتظار اعلان الفائز
كان شهاب واقف جمب جنان ومحمد جمب سلمى وزينب جمب سفيان
وكان كل ثنائي بيبصوا على بعض بنظرات تحدي
في اللحظه دي المذيع جه وقال
المذيع: والفائز في هذه المسابقه هما
في اللحظه دي جت لواحظ وكان جمبها نمر شتوي واتكلمت بنبره كلها غضب وقالت
لواحظ: محدش كسب عارف ليه عشان كلهم هيقولوا على نفسهم يا رحمن يا رحيم عشان مش المعلمه لواحظ اللي كلامها ميتسمعش
المذيع اول ما شاف لواحظ مع النمر خاف وجري
اما البنات والشباب كانوا مصدومين وحطوا ايدهم على راسهم وجريوا
ولواحظ اول ما شافت كده قالت
لواحظ: اجروا براحتكم هجبكم هجبكم كاتكم البلا
وادت لواحظ للنمر اشاره انه يجري وراهم وبالفعل جري وراهم
وبعد وقت
في الكمبوند
كانوا الشباب والبنات مشتعلقين بالشقلوب وكانت لواحظ واقفه قدامهم وجمبها النمر وبتبصلهم بغضب وبتقول
لواحظ: هو مش انا قولت انتم ال ٦ ملكوش دعوه ببعض كلامي مبيتسمعش ليه
اتكلم شهاب وقال
شهاب: احنا المرادي مالناش ذنب احنا مشتركين في المسابقه بقالنا كام يوم هما جم اشتركوا وهما عارفين اننا احنا اللي هنكون معاهم كانوا عايزين يغيظونا يعني هما اللي مش بيسمعوا كلامكم
جنان بغضب : اخس عليك بقى بتعبني من اول قلم
شهاب: لا بقولك اي انا لو وقعت مش هقع لوحدي لازم اوقعك معايا
جنان: بطل هبل واسكت
ووجهت جنان الكلام لي لواحظ وقالت
جنان: يا ماما احنا كنا عايزين نخش المسابقه دي عشان نكسبهم ونحرجهم ونخوفهم مش اكتر كنا عايزينهم يعرفوا ان بنات المعلمه لواحظ مش بيخافوا وانهم بيتزلجوا على الجليد كويس وبيكسبوا
اتكلمت سلمى وقالت
سلمى: اه والله يا ماما دي كانت نيتنا نرعبهم مش اكتر وبعدين انتي عارفه اني بسمع كلامك على طول ومش بعاندك واصلا مش بعمل في حياتي حاجه غير الاكل والنوم بس قولت ارعبهم ويارتني ما فكرت في كده
محمد: بس ده مينكرش انك مسمعتيش كلام الست الوالده يا سلمى هي قالت ملكوش دعوه بينا بتعانديها ليه لا انا ميرضنيش
سلمى بغضب: اخرس خالص بدل ما اقطعلك لسانك ده
محمد: ازاي هتقطعيه وانتي مشتعلقه معايا هههه
بصتله سلمى بغضب وسكتت
اتكلمت زينب وقالت
زينب: انا بقى قولت اخوف سفيان واكرر اسمك قدامه عشان يقع في النص والناس تضحك عليه
سفيان: اخس عليكي يا زوبا اهون عليكي الناس تضحك عليا
زينب بغضب: متقولش زوباااااااا بقى ده كان يوم اسود يوم ما عرفتك والله موتك على ايدي
سفيان: لا ما كنش يوم اسود كان يوم خميس وبعدين مفيش يوم اسمه اسود في ايام الاسبوع يا زوبا وبعدين هتموتيني ازاي وانتي متشعلقه جمبي ولو اتفكينا المعلمه هتقول ملكيش دعوه بيهم فانتي هتيجي تقتليني يعني مش هتسمعي كلام المعلمه للمره التانيه لا اخس عليكي يا زوبا
زينب: الله يخربيتك انت ناوي تعصبها من ناحيتي يعني
ضحك سفيان ومتكلمش
في اللحظه دي اتكلمت لواحظ بغضب وقالت
لواحظ: خلصتوا رغي وكلام فاضي ولا لسه وبعدين مالكم مش بتترجوني انزلكم يعني
الشباب والبنات بصوت واحد: لا ما احنا اتعودنا خلاص
واتكلم شهاب وقال
شهاب: شفتي احنا شاطرين اتعودنا بسرعه من تاني مره لقتينا متعودين بس انا عاوزه اعرف حاجه بناتك هما اللي مسمعوش كلامك احنا نتشعلق ليه
لواحظ بغضب: عشان كان المفروض هما يجلكم انتم تمشوا وتسبوهم
شهاب: مينفعش اللي يدخل يخرج
لواحظ بغضب: مش مشكلتي انا مش بحب كلامي ميتنذفش
اتكلمت جنان وقالت
جنان: دلوقتي احنا نعمل اي عشان ترضي علينا وتنزلينا
لواحظ: اول حاجه هشوف مين اللي كسب لو خسرتي انتي واخواتك هتتكهربوا كلكم انتم والشباب عشان هما استجروا وكسبوكم
جنان: طيب لو عرفتي اننا احنا اللي كسبنا
لواحظ: هتتكهربوا كلكم انتم والشباب عشان انا مش بحب كلامي ميتسمعش وبعدين انتم زعلانين من اي في حد يكره انه ينور في الضلمه
بصوا ابطابنا لبعض بحزن
ولواحظ ضحكت ضحكه شريره ومشيت
وبعد لحظات
لواحظ رجعت وكان معاها الصاعق وقفت قدامهم وقالت
لواحظ: بناتي هما اللي كسبوا بس بردو الكل هيتكهربوا عشان انا كلامي لازم يتسمع كاتكم البلا
وبالفعل كهربتهم لواحظ كلهم
وبعد وقت
كانوا التلات الشباب خرجوا من الاوتيل
اتكلم سفيان وقال
سفيان: هو انا ليه حاسس اننا اتبهدلنا اوي
شهاب: حاسس مش متأكد هههه احنا كل اللي بيحصلنا بسبب البنات بس بصراحة جنان تستاهل اني اتبهدل عشانها مش عارف ليه لما اشوفها بحب انرفزها
سفيان: لا زوبا بقى يهون كل حاجة عشانها
محمد: ولا ام عيون عسليه دي غير وغير احنا شكلنا وقعنا في الحب ولا بس مش مع بنات عاديه دول بنات المعلمه لواحظ يالهوي
شهاب: اه عشان كده لازم نتعود على الشعلقه والكهربا ويلا بقى عشان ورانا بكره مسابقه تانيه
وضحكوا التلات شباب مع بعض
عند البنات كانوا قاعدين مع لواحظ بيحاولوا يصالحوها لكن لواحظ بصتلهم بغضب وقالت
لواحظ بغضب: اخفوا من وشي كاتكم البلا
اول ما التلات بنات سمعوا كده خافوا وكل بنت جربت على اوضتها
وكل بنت نامت على سريرها وقعدت تتذكر لحظاتها مع البطل بتاعها
جنان بتفكر في شهاب
سملى بتفكر في محمد ورخامته عليها
زينب بتفكر في سفيان وفي اصراره انه يدايقها
و انتهى اليوم على كده
وفي صباح يوم جديد
كانوا التلات شباب واقفين في انتظار المذيع يعلن عن المسابقه
اتكلم محمد وقال
محمد: تفتكروا ممكن يحصل مغامرات مع المعلمه لواحظ في المسابقه دي ولا لا
سفيان: لو البنات مجوش يبقى مش هيحصل حاجه لكن لو جم اضمنوا شعلقه وكهربا واسد او نمر
شهاب: اوبااااا دول جم اهم
بصوا محمد وسفيان وانصدموا لما شافوا البنات التلاته جت
اتكلم سفيان وقال
سفيان: خلاص كده ضمنا شعلقه وكهربا واسد او نمر بس يلا المهم شفت زوبا
محمد: وانا شفت ام عيون عسليه
شهاب: وانا شفت جنان اسم على مسمى جنان وهي جنان على اخر
محمد: دي لو سمعتك هتفورك
وضحكوا التلات شباب مع بعض
عند البنات
اتكلمت جنان وقالت
جنان: والله هينصدموا لما يلاقونا معاهم في مسابقة الموتسكيلات كمان هههه
سلمى: اه واحلى حاجه اننا قفلنا باب الاوضه على ماما عشان متجيش باسد او نمر وتجري ورانا عايزه اغيظ محمد عشان انام وانا فرحانه اني غيظاه
زينب: وانا عاوزه اغيظ سوفي عشان ميقليش زوبا تاني
في اللحظة دي جه المذيع وقال
المذيع: والأن سوف نبتدي مسابقة الموتسكيلات وهتكون المسابقه بين كل اتنين ولد وبنت شهاب ضد جنان سفيان ضد زينب محمد ضد سلمي
اول ما الشباب سمعوا كده انصدموا وبلعوا ريقهم بصعوبه وقالوا بصوت واحد
الشباب بصوت واحد: تاني يبقى هنتشعلق هنتشعلق
والبنات اول ما شافوا منظر الشباب وهما مصدومين وخايفين ضحكوا عليهم
وبعد لحظات كان كل واحد ركب الموتسكيل بتاعه
عند شهاب وجنان
شهاب: بصراحة يعني مكنتش عارف ان جمالي لا يقاوم عشان على طول بتكوني معايا في المسابقات
جنان: لا وانت صادق انا بحب اشوفك وانت خايف من امي وكمان بحب اكسبك زي ما كسبتك امبارح هكسبك انهارده
شهاب: لا يا ماما انا سواق بريمو في الموتسكيلات يعني محدش يعرف يكسبني
جنان: اما نشوف سلام عليكم
وجريت جنان بالموتسيكل وشهاب جري وراها
عند سفيان وزنيب
سفيان: زوبا انا بحبك اه لكن اوعي تفتكري انك تكسبيني اه
زينب: حبك برص وعشره خرص واتنين طرش واربعه عمي وهكسبك ومتقولش زوبا تاني
وقالت كده وجريت بالموتسيكل بتاعها وسفيان لحقها
عند محمد وسلمى
محمد: ام عيون عسليه بزاد نفسها هتسابقني معقول
سلمى: اه وهكسبك كمان عشان مش سلمى اللي حد يكسبها
وجريت سلمى وجري وراها محمد
وبعد وقت
كانوا وصلوا كلهم خط النهايه وكانت البنات مسابقه الشباب بجداره
واول ما نزلوا من الموتسكيلات هما ال 6 انصدموا لما شافوا لواحظ قدامهم وجمبها فهد شتوي
اول ما ابطالنا ال 6 شافوها انصدموا وقالوا بصوت واحد
ابطالنا ال 6:تاني انتي تاني طالعنا دايما هنا وهناك تاني تاني
لواحظ بغضب: تاني ايوه تاني حد قالكم متسمعوش كلام المعلمه لواحظ
اول ما ابطالنا سمعوا كده وشافوا نظرة الغضب في عينيها حطوا ايدهم على راسهم وقعدوا يجروا ولواحظ ادت اشاره للفهد انه يجري وراهم
وبعد وقت
كانوا كلهم قاعدين في الكمبوند وحواليهم ولواحظ كانت واقفه قدامهم بتبصلهم بغضب شديد
اتكلم شهاب وقال
شهاب: بس غريبه يا معلمه لواحظ كل شوية تطلعنا بحيوان شكل اسد مره نمر مره فهد مره بتجبيهم منين دول
بصتله. لواحظ بغضب ومرتدش عليه
اتكلم محمد وقال
محمد : بس غريبه مفيش شعلقه انهارده لا تتحسدي بصراحه
سفيان: اه ولا كهربا كمان لا كده هتقلقينا عليكي يا معلمه
لواحظ بغضب: اتكتموا كاتكم البلا مش عاوزه اسمع حسكم
بصت لواحظ على بناتها بغضب وقالت
لواحظ بغضب: بقى انتم تتحدوا وتقفلوا باب الاوضه عليا عشان مجيش وراكم بس على مين ده انا لواحظ لما احط حاجه في دماغي بعملها
جنان: يا ماما انتي فهمتي غلط احنا قولنا نقفله عشان لا اسد ولا نمر يخشوا يصحوكي الا صح هما فين سبحان الله بشوف الحيوان مره واحده وهو بيجري ورايا ومره وانا متشعلقه وبعد كده بيختفوا لكن فهد عشان متشعلقش ظهر مره واحده بس فانا قولت ممكن الاسد او النمر يجوا فجأه يزعجوكي
سلمى: اه بالظبط كده انتي فهمتينا غلط
زينب: ايوه صح معقوله احنا بناتك حبايبك يعني نحبسك
بصتلهم لواحظ بغضب وقالت
لواحظ بغضب: انا الكلام ده ميدخلش دماغي ببصله وعقابا ليكم بقى هنمشي بكره اديكم قعدتوا تلات ايام حلوين هنمشي في الرابع عشان تتربوا من اول وجديد وتتعلموا تقفلوا باب الاوضه عليا
وبصت لواحظ على الشباب وقالت
لواحظ: وانتم مستغربين ليه متشعلقتوش ولا اتكهربتوا عشان مش بيجي معاكم بفايده وبتعاندوني وانا مش بحب اللي بيعاندني عشان كده انتم تطلعوا من هنا ومش عايزة اشوف وشكم تاني كاتكم البلا
الشباب اول ما سمعوا ان لواحظ هتاخد بناتها ويمشوا زعلوا وكمان زعلوا من كلام لواحظ ليهم
واتكلم شهاب وقال
شهاب: معلمه لواحظ متعكريش فرحتهم احنا اللي هنسافر لكن خليهم يقعدوا ال 5 ايام
محمد: معلمه لواحظ انا بعتذرلك وبوعدك اني مش هدايق سلمى ولا هدايقك تاني لكن متعكريش فرحتهم هما جايين ينبسطوا واحنا اللي غلطانين
سفيان: معلمه لواحظ انا كمان اسف احنا كنا بنهزر معاهم في الاول ومكناش عارفين ان كل ده هيحصل لكن احنا احترمناكي وقدرناكي جامد وحابين اهتمامك وخوفك عليهم خليهم يكملوا رحتلهم واحنا اللي هنمشي
لواحظ بغضب: عايزين تغوروا غوروا عايزين تقعدوا براحتكم انا هاخد بناتي ونمشي يلا اخفوا انتم من وشي يلا امشوا
بصوا الشباب على البنات بحزن ومشيوا
بالفعل مشيوا الشباب
واول ما مشيوا لواحظ بصت على البنات وقالت
لواحظ: وانتم يلا على اوضكم ومفيش خروج من الاوتيل الا بكره عشان نرجع الحاره يلا اخفوا من وشي كاتكم البلا
هزوا البنات راسهم بالموافقه
ومشيوا البنات
في مساء اليوم
كانت كل بنت قاعده في اوضتها
عند جنان كانت قاعدة وباين عليها ملامح الحزن عشان مش هتشوف شهاب تاني وفجأه تليفونها رن وكان رقم غريب ردت وانصدمت لما سمعت صوت شهاب وهو بيقولها
شهاب: جنان انا مستنيكي عند التليفرك حاولي تيجي لازم اعترفلك بحاجه مهمه جدا
جنان: شهاب جبت رقمي ازاي وعايز اي
شهاب: جبت رقمك من صاحب الكمبوند اللي انتم مأجرينه وعايز اي دي هتعرفيها لما تيجي تعالي هستناكي
جنان: حاضر كده كده ماما نايمه وهي مستحيل تصحى في نص الليل لو الصبح نخاف يلا باي هغير واجي
وقفلت جنان تليفونها وقامت عشان تغير هدومها
عند زينب كانت قاعدة وبتقول
زينب: يعني كده خلاص مفيش مناقره في سوفي تاني ومش هسمع زوبا الله يخربيتك يا سوفي انا حبيت الاسم ده
في اللحظه دي رن تليفونها وكان رقم غريب ردت وانصدمت لما سمعت صوت سفيان وهو بيقولها
سفيان: زوبا بقولك اي انا عايز اشوفك لازم تعرفي حاجه مهمه هستناكي عند الحديقه العامه
زينب: سوفي انت جبت الرقم منين
سفيان : من صاحب الكمبوند لو سمحت تعالي يا زوبا لازم اقولك على اللي في قلبي
زينب: حاضر يا سوفي شويه وجايه وباي
وقفلوا مع بعض التليفون
عند سلمى
كانت سلمى نايمه وصحيت على رنة تليفونها
صحيت سلمى وقالت بغضب
سلمى بغضب: مين الرخم اللي بيرن عليا في الوقت ده صحتوني من حلم فرحي كنت بحلم اني بتجوز الرخم الغتت الغلس محمد اما اشوف مين بيرن وانام اكمل الحلم واكل التورته
ردت سلمى على تليفونها وقالت
سلمى: الو مين معايا معلش هو في حد عاقل يرن على حد في الوقت ده ضيعت عليا التورته
محمد: حتى وانتي في الحلم طفسه انا محمد وعايزاك تجيلي عند المخيم الشتوي بتاعي في موضوع عايز اكلمك فيه ضروري
سلمى : محمد مين
محمد: محمد اللي بيتشعلق وبيتكهرب من امك فوقي يا سلمى وتعالي
سلمى: اه محمد عايز اي
محمد بغضب: سلمى فوقي وتعالي عند المخيم الشتوي هقولك كلمتين وهتتنيلي ترجعي تكملي نومك
سلمى: حاضر بس انت جبت رقمي منين
محمد: من صاحب الكمبوند متتأخريش وتعالي
سلمى: حاضر باي
وقفلت سلمى التليفون وقامت عشان تجهز نفسها
وبعد وقت عند شهاب كانت جنان وصلت
شهاب اول ما شافها قال
شهاب: يا مرحب يا سفينة مراحب نورتي يا جنان
جنان: عايز اي يا شهاب مش خايف ماما تصحى وتيجي هي اه مبتصحاش بليل بس الله اعلم بقى هههه
شهاب: تصحى متصحهاش براحتها انا هقولك على الكلمتين اللي في قلبي ومستعد بعدها اتشعلق اتكهرب اموت عادي
جنان: بعد الشر عليك عايز تقول اي
شهاب: يلا نركب التلفريك واقولك اللي عاوزه
هزت جنان راسها بالموافقه
وركبوا هما الاتنين التلفريك والتلفريك طلع بيهم
بص شهاب في عيوني جنان وقال
شهاب: جنان انا بحبك وعايز اتجوزك على فكره انا مش وحش انا لما جيت وعاكستك عشان انتي عجبتيني ودخلتي قلبي اول ما شفتك لكن انا مش بعاكس البنات انا حسيت معاكي الاحساس الحب من اول نظره وحبيت مناقرتنا ورغم اني كنت بتشعلق وبتكرهب كنت بكون مبسوط عشان شايفك قدامي انا مش بتاع لف ودوران وبقولك تتجوزيني
جنان بفرحه: وانا كمان بحبك بس ماما تقدر تقنعها
شهاب: سبيها على الله انا عشانك هحط نفسي جوه النار هحاول اقنعها
تبسمت جنان ليه
وكملوا رحلتلهم بالتليفرك
عند سفيان كان قاعد على الدكه مستني زينب
اول ما زينب جت قام وقال
سفيان: زوبا هانم منوره والله
زينب: تصدق لو قولتلك اني بقيت بحب اسم زوبا عشان انت اللي بتقوله يا سوفي
سفيان: ده حلم
زينب: لا علم واخلص بقى وقول عاوز اي
سفيان : ايوه كده ارجعي جعفر بصراحة انا بحبك وعايز اتجوزك اول ما شوفتك واتخانقت معاكي حبيتك وقولت هي دي اللي تستاهل تبقى ام عيالي والله انا مش وحش ومش بعاكس البنات انا رخمت عليكي انتي عشان حبيتك من اول نظره تقبلي تتجوزيني يا زوبا
زينب: سوفي وانا بحبك كمان وبتمنى نتجوز بس ماما
سفيان: هحاول اقنعها واقولها انا مستعد تعملي فيا اللي انتي عاوزاه ان شا الله ترميني قدام تمساح بس تجوزيني زوبا
زينب: بحبك والله
وابتسموا لبعض
عند محمد كان واقف مستني سلمى
في اللحظه دي جت سلمى وكانت بتفرك في عينيها
اول ما شافها قال
محمد: اي براحه على عينك هتخرميها يا بنتي
سلمى: انت اللي صحتني وخلتني اسيب التورته والسرير وتقولي موضوع مهم موضوع اي ده اللي تقومني من نومي عشانه
محمد: هنتكلم هنا خشي الخيمه شوفي الجو اللي عامله جوه
هزت سلمى راسها بالموافقه
ودخلت الخيمه وانبهرت بجمال الزينه وكان حاطط نار في النص
قعدت سلمى قدام النار ومحمد قعد قدامها
اتكلمت سلمى وقالت
سلمى: حلوه الاجواء اوي والنار دي حلوه اوي بتدفي قول بقى عايز اي
محمد: سلمى انا بحبك وللاسف عايزك تبقى مراتي
سلمى: اي للاسف دي هو انت هتطول ابصلك اصلا
محمد بضحك: بهزر معاكي لا انا بحبك يا ام عيون عسليه اول ما شفتك من بعيد وانتي بتهزري مع اخواتك حبيتك وجيت رخمت عليكي وكنت بنبسط لما نتناقر انا وانتي وفي المسابقات ببقى مبسوط لما انتي تكسبيني حبيتك من النظره الاولى وعاوز اتجوزك وتبقي مراتي حلالي
سلمى: وانا والله حبيتك واوي كمان وبتمنى نتجوز بس انا خايفه من ماما ترفض ساعتها هيكون اي الحل
محمد: متقلقيش هعمل اللي اقدر عليه عشان اقنعها ان شا الله اربي اسود ونمور بس تقتنع
سلمى: والله انت عسل بس بقولك اي لو اتجوزنا هتخليني انام مش هتصحيني ادورلك على فردة الشراب الكحلي اللي ضايعه ها
محمد: اشمعنا الكحلي يعني
سلمى: هي كده انت هتسأل كتير من اولها
محمد: خلاص متتعصبيش رغم انك حتى وانتي متعصبه بتكوني قمر
سلمى : احرجتني والله اوي اوي
وضحكوا هما الاتنين مع بعض
وبعد الوقت كانوا البنات رجعوا وكل بنت دخلت اوضتها كانت مبسوطه من اللي حصل لكن في نفس الوقت كانوا خايفين هل هيقدورا يقنعوا لواحظ ولا لا
و انتهى اليوم على كده
وعدى من بعد اليوم ده اسبوع وكانت لواحظ بتعامل بناتها معامله قاسيه لانها كانت زعلانه منهم جامد والبنات كانوا زعلانين عشان الشباب مجوش اتقدموا وافتكروا انهم بيضحكوا عليهم ولواحظ كانت فاهمه كل حاجة وكانت بتتريق عليهم عشان اتضحك عليهم
لحد ما في يوم كانت لواحظ قاعدة مع بناتها
والباب خبط كانت جنان هتقوم تفتح لكن اتكلمت لواحظ وقالت
لواحظ: خليكي ده اكيد الواد حماده هقوم افتحله
هزت جنان راسها بالموافقه وقعدت
وراحت لواحظ وفتحت الباب وانصدمت لما شافت الشباب التلاته واقفين وكل شاب معاه بوكيه ورد
واتكلموا وقالوا بصوت واحد
الشباب التلاته بصوت واحد: معلمه لواحظ وحشتينا اوي اوي والله
البنات اول ما سمعوا صوت الشباب جريوا وانصدموا لما شافوهم لكن في نفس الوقت فرحوا
اما لواحظ بصتلهم وقالت
لواحظ: تاني انتم تاني مش كنا خلصنا ليه متنيلين جايين تاني
الشباب بصوت واحد: عشان وحشتينا وبنحبك ممكن نخش بقى
لواحظ: هتخشوا عشان مش المعلمه لواحظ اللي حد يجلها وميخشش خشوا كاتكم البلا
اتكلم محمد وقال
محمد: وحشتنا والله كاتكم البلا منك
شهاب : هي كاتكم البلا بس اللي وحشتنا ده الشعلقه والكهربا وحشتنا
سفيان: والاسد والنمر والفهد وحشونا بردو
البنات كانوا سامعين كده وكانوا بيضحكوا عليهم
ولواحظ بصتلهم بغضب وقالت
لواحظ بغضب: هتخشوا ولا اقفل الباب في وشكوا
اول ما الشباب سمعوا كده دخلوا جري
ولواحظ بصت لبناتها عشان يخشوا جوه
وبالفعل البنات دخلوا
وراحت لواحظ وقعدت معاهم وقالت
لواحظ: ارغوا وقولوا وعايزين اي من غير لف ودوران
شهاب: احنا مش جايين نلف ولا ندور انا جاي اطلب ايد جنان لاني بحبها ولما رحت دايقتها عشان كنت عايز افتح معاها اي كلام لكن انا مش بعاكس البنات واخواتي كذلك وكمان بقولك انك مهما عملتي انا مش هتنازل عن جنان عايزه تشعلقيني شعلقيني تكهربيني كهربيني ترميني وسط النار انا موافق
جنان كانت سامعه الكلام ده وكانت مبسوطه
محمد: وانا زي شهاب مش بعاكس لكن كنت بكلم سلمى عشانها عشان انا بردو حبتها وعايز اجي اتجوزها احنا اللي اخرنا اننا نيجي نتقدم هو انه جالنا شغل مكناش عارفين نمسك تليفونا حتى اول ما خلصنا شغلنا جينا وبقولك اني مش هتخلى عن سلمى ابدا حتى لو هتحطيني جمب التمساح
سلمى كانت سامعه الكلام ده وكانت مصدومه
سفيان: وانا جاي اتقدم لي زوبا قصدي زينب لاني بحبها ومش هسبها ولو حتى سيبتي عليا الاسد والنمر والفهد وشعلقتيني من هنا للسنه الجايه مش هتخلى عن زوبا لاني بحبها
زينب كانت سامعه الكلام ده وكانت مبسوطه
لواحظ كانت سامعه الكلام ده وكانت مبسوطه من كلامهم لكن قررت تختبرهم وقالت
لواحظ: ماشي بس مش بالسهوله دي اوافق عليكم هعملكم اختبار صغير
الشباب بصوت واحد: اي هو
لواحظ: هتعرفوا كل حاجه
وبعد وقت
كانوا التلات شباب متشعلقين بالشقلوب وكانت لواحظ واقفه قدامهم بالصاعق والبنات كانوا واقفين جمبها خايفين على الشباب
واتكلمت جنان وقالت
جنان: يا ماما ارجوكي نزلي شهاب انتي بتعملي كده ليه هو عملك اي ده جه طلب ايدي منك رسمي
سلمى: يا ماما ومحمد نزليه عشان خاطري وانا بوعدك اني هبطل كسل وهعمل اللي انتي عايزاه كله بس نزليه كفايه عليه كده وبعدين هو مغلطش ده جه طلب ايدي مخطفنيش يعني
زينب : ماما نزلي سفيان لو سمحت وبلاش تمرمطيه كده وبما انك رافضه كنتي طردتيهم لكن بلاش تمرمطيهم كده وبعدين سفيان جه وقالك انه عايز يتجوزني مقالش انه هيخطفني ليه ده كله
في اللحظه دي اتكلم شهاب وهو بيبص على جنان وقال
شهاب: جنان متخافيش انا مستعد افضل متشعلق كده عمري كله بس امك توافق عليا هي لازم تعرفوا اني راجل وهتحمل اي حاجه عشانك وعشان نبقا مع بعض
ومحمد بص على سلمى وقال
محمد: سلمى متخافيش انا كويس وبردو عادي اتشعلق واتكهرب بس امك توافق
وسفيان بص على زينب وقال
سفيان: زوبا اوعي تزعلي نفسك انا والله عادي الشقلعه بالنسبالي ولو اتطلب مني ارمي نفسي وسط نار عشان اثبت لامك حبي ليكي انا موافق
اول ما البنات التلاته سمعوا كده عيطوا
اما لواحظ كانت شايفه ده كله وكانت بتضحك وقالت
لواحظ: نجحتوا في الاختبار مقعدتوش تولولوا عشان تنزلوا وفي نفس عرفتم تاخدوا قلب بناتي وانا مش هقف وسط سعادتكم انا موافقه على الجوازه
البنات اول ما سمعوا كده اتنططوا من فرحتهم
واتكلم شهاب وقال
شهاب: حبيبتي يا معلمه لواحظ نزلينا بقى عشان نتفق على كل حاجه
لواحظ بمكر: لازم تاخدوا واجبكم قبل ما تنزلوا
وكهربتهم لواحظ بالصاعق
والكل ضحك وقالوا لواحظ هتفضل لواحظ مش هتتغير
وبعد وقت
كانوا الشباب نزلوا واتفقوا على ميعاد الفرح
واتكلمت لواحظ وقالت
لواحظ: الفرح هيتعمل في الحاره اكيد
اتكلمت جنان وقالت
جنان: لا بصراحة احنا عايزينه على الجليد مكان ما تقابلنا عايزين نعمل فرحنا هناك
سلمى : اه بليز وافقي يا ماما
زينب: هتبقى حاجه جديده محدش عملها قبل كده
سمعت لواحظ كلامهم وبصت على الشباب وقالت
لواحظ: انتم يا رجاله موافقين على كده
الشباب بصوت واحد: مفيش احلى من كده
لواحظ: كاتكم البلا خلاص ماشي على الجليد علؤ الجليد
اول ما الشباب والبنات سمعوا كده قاموا اتنططوا من الفرحة
وفي يوم الفرح
وسط جبال الثلج اللي بتلمع، ماشية عربيات خشب كلاسيك بتجرها خيول أصيلة، في مشهد خيالي لست أبطال في يوم فرحهم:
شهاب وجنان: قاعدين في أول عربية، هو ببدلته البيضا وهي بفستانها الأسطوري، وعيونهم غرقانة في بعض بمنتهى الرومانسية.
محمد وسلمى: في العربية اللي وراهم، محمد ببدلته السوداء الشيك ماسك إيد سلمى، ونظراتهم كلها دفا وحنية وسط برد الثلج.
سفيان وزينب: مقفلين الموكب بضحكة مالية وشوشهم، سفيان بيبص لزينب بفخر وهي بفستانها الدانتيل بتتبادل معاه نظرات الفرحة والبداية الجديدة
ولكن لواحظ هتسكت اكيد
ركبت عربيه بخيل ومشيت وراهم وقالت
لواحظ : هو انتم فاكرين لما تتجوزوا هترتاحوا اكيد لا هفضل وراكم وراكم
ابطالنا بصوا عليها الاول بصدمه ولكن بعد كده ضحكوا
و انتهت قصتنا على كده
لواحظ وبناتها المجانين فى الشتويه _ حكايات شروق للقصص الكاملة