بقلم الكاتبه المبدعه والمتميزة لادو غنيم
لينك قناة الواتساب اضغط هنا
ــــــــــــــــــــــــــــــــــ
بيروح خليل للمكتب بعد ما بيسيب فلك عند سلطان ووالدته واول ما بيوصل مكتب الشركة بيلاقي والدته مستنياه فبيافجى من و جودها و بيكون كاره وجودها قدام اول ما بيشوفها بيحس انه رجع للزمان لورا وقت مسابته و بيبان علي ملامحه الزعل و الغضب في نفس الوقت و بكل تجاهل و جفاء بيقولها و هو بيتحرك عشان يقعد علي المكتب
ايه اللي جابك اتفضلي علي بره وجودك هنا غير مرحب بيه نهائي
بيان عليها الزعل و كسرة النفس و القلب و بتخبي دموعها قبل ما تنزل و بتقوله
انا عارفه ان وجودى مش على هواك يا خليل و عارفه ان عمرك ما هتصفالي مهما قولتلك او مهما بررت بس انا مش، جيالك عشان اقولك تسامحنى و تدينى فرصه اشرحلك اللي حصل لانى عارفه انك مش هتوافق تسمعنى ابدا
كلامها كان عكس اللي بيتمناه خليل لانه كان بيتمنى انها تحكيله اللي حصل زمان و ليه وافقت تتخله عنه و تتجوز بعدوهم بس امه مكنتش قادر تفهم كدا و هو غروره و كبريائه منعه من انه يسالها و يلح عليها عشان تحكيله عشان كدا بكل جفاء قالها
فعلاً انا مش فارق عندى اي حاجه من اللي قولتيها و الا عايز اعرف و ياريت تخرجى عشان ةرايا شغل اهم من وجودك
قربت امه من المكتب و قالتله
انا جايه عشان اقولك حاجه مهمه حصلت انعام هانم جات عندنا البيت و قعدة عدوك و كان واضح انهم بيتفقه علي حاجة مهمه عشان كدا جات اقولك لانى متاكده انك متغرفش حاجة عن الزياره دي هو دا الموضوع اللي جاتلك عشانه و لو عرفت هى كانت جايه ليه اسمحلى اتصل عليك و اعرفك عن اذنك يابنى
مشيت والدته اما هو فكان مصدوم من اللي سمعه ازي جدته راحتله و ليه و اتفقت معاه علي اي هى دي الاسئلة اللي كانت بدور في عقل خليل و خلته يبرق بغضب لانه بقا متاكد ان انعام بدات الغدر بيه
ــــــــــــــــــــــــــــــ"
اما بمكتب سليم فكان بيتكلم علي التلفون معا نورا اللي متصله عليه و بتقوله بزعيق:
يعنى ايه مش هتقدر تخلينى ارجع الشغل و البيت لاء بقولك ايه يا سليم انا لحمى مر و ممكن اقلب الطربيزة علي دماغك لو مخدتلكش موقف وصممت علي رجوعى و انت عارفنى مجنونة و اعملها
كان سليم واصل لقمة غضبه منها لان ملكة بدات تشك فيه فقالها بكامل انفعاله:
بقولك ايه التهديد دا ما يتعملش معايا انا لان انا اللي علي اخري منك و من عمايلك انتى مالك انتى بفلك و بخليل بتدخلي ليه في حكايتهم مالك و مالهم واقفه ضددها ليه حد قالك انك فرد مننا و مسمحلك با الكلام انتى اللي عملتى في نفسك كدا فمتلوميش بقا غير نفسك
كانت نورا عارفه انه معا حق و انها السبب في كل اللي حصل ليها و خروجها من البيت فقالت بضيق
انا عارفه انى السبب بس مكنش قصدى اعمل كدا انا مكنتش عايز غير انى اكسب ود جدتك و قرب منها عشان لما نقول اننا هنتجوز متعترضش و تدعمنا و انت فاهم كدل كويس فبلاش بقا تعمل نفسك متغرش حاجة و متفاجى منى و الله تلاقيك كنت ساببنى اعك عشان امشي من البيت و الشركة و تخلص منى انا فاهمه دماغك يا استاذ سليم و عارفه انت بتفكر ازى و بتحسبها ازي فلو هتلعب عليا منصحكش لانك عارفنى ممكن اعمل ايه
سليم كان خلاص فاض بيه الامر فرد بكل ضيق جواه
انتى مش فاهمه اي حاجه و الا عارفه اي حاجه عماله تعكى الدنيا من هنا لهنا و تخربيها علينا كلنا و بسيب غبائك حصلك اللي حصل و من الاخر بقا مش عايز اي اتصال منك الايام دي عشان ملكه شكلها شكه فيا و مش مرتحالي نهائي فبعدى بقا عنى الايام دى الحد لما الدنيا تهدا عشان انا مبقتش حمل وش و قرف تانى بسببك سلام
قفل سليم التلفون و هو بيتمنى يخلص منها اما نورا فكانت متعصبه من اسلوبه معاها و مسكت الڤاظة و حدفتها علي الارض بكل غضب و هى بتتوعدله بالغدر لو حسته انه بيبعد عنها
ــــــــــــــــــــــــ"
اما في مول كبير كانت ماشية داليدا تشتري شوية حاجات و فحاءه قابلة حسام قدامها فبعدة خطوة لورا بقلق و قالت
استاذ حسام انت هنا
ابتسم حسام بستغراب
مالك رجعتى و خوفتى كدا ليه في حاجه و الا ايه مالك قوليلي انا مضايقك
كانت داليدا متوتره من وجوده في نفس المكان لانه بيخليها تحس بمشاعر مش حبه انها تحسها و قالت
لاء ابدا انا بس استغربة من وجودك هنا علي العموم فرصة سعيدة عن اذنك مضطرة امشي عشان ورايا حاجات كتير اجيبها
اتحركت عشان تمشي بس وقف حسام قدامها بيبتسم بستغراب و بيقولها:
مالك يابنتى عايزة تبعدى اكنى هاكلك ليه هو في ايه انتى قلقانه منى والا ايه والا ادهم مانع كلامك معايا والا ايه قوليلي لو مانع كلامك معايا هتفهم جدا معا انى هزعل جدا لانى بصراحه بحب الكلام معاكى و بعتز بصداقتى بيكى جدا
بصتله داليدا من تحت النقاب بقلق لان فعلاً ادهم كان منبه عليها عدم وجودها معاه في اي مكان بس دارت علي حسام الموضوع لانها كمان كانت حسه با الراحه في وجوده في حياتها و قالتله:
لاء و هو ادهم هيعمل كدا ليه انا بس مستعجلة غشان لسه في للبس هروح اشتريه فا مستعجلة شوية عشان كدا لازم امشي عشان الحق
ابتسم حسام بقتراح و قالها
و الله انا حظى حلو انا جاي اصلا عشان اشتري هدية لتيتة انعام لان عيد ميلادها بكرا فقرصه بقا تختاري معايا اصل انا محتار و مش عارف اجبلها ايه الصراحه برايك اجيب طقم الماظ والا مثلا ساعة اورچينال أو للبس من براند غالي انتى رايك ايه انا محتار جداً و مش عارف ايه المناسب ليها و لسنها و اظن ان عندك خبره كافيه عن الحاجات اللي بتفضلها بما انك عايشه معاها
اتحمحمت داليدا بقتراح:
من خبرة عيشتى معا تيتة اللي اعرفه انه بتحب جداً الالماظ بتقول بيدى للانثى فخامة و شياكه فاظن تجبلها طقم الماظ افضل و اظن هتحبه جداً و هتقدره
حسام ببتسامه
تمام كدا شكرا يا داليدا علي المساعده بس انا طمعان في انك تيحى معايا و تختاري الطقم معايا دا لو يعنى مش هضايقك بس انا فعلا مليش ذوق قوى في المجوهرات ها قولتى ايه
اتحرجت انها ترفض فقالت بقلق:
مفيش مشكلة اتقضل عشان الحق اجيب انا كمان حاجاتى
مشيت داليدا معا حسام عشان تختارله الطقم و هى مش عارفه ان المساعدة دى هتتسببلها في مصيبة معا ادهم
ــــــــــــــــــــــــــــــ
جوه بيت سلطان كانت قعدة صفيه معا فلك في البلكونه بيشربه الشاي و فلك كانت بتبص علي الحاره و قد ايه الحاره جميلة و مريحه ووجود سلطان تحت قدامها في القهوة كان محسسها بالامان ووسط سرحانها سالتها صفيه بستغراب
بقولك يابنتى انا مكنتش ناوية اسئلك عن حاجه بس شكلك طيبه و غلبانه و عكس الكلام اللي قالته حماتى عشان كدا عايزة اعرف ايه حكايتك و ليه بتكرهك قوى كدا انا عارفه انك ممكن متحكيش ودا حقك مقدرش الومك و هسيبك علي راحتك بس لو حكتيلي يمكن اعرف انصحك و افهمك الصح من الغلط و ازى تكسبي قلب و عقل انعام حماتى
بصتلها فلك بنتباه شديد و حست با الاطمئنان و انها هتبقلها الام اللي اتمنت تحكلها عشان تخف الحمل اللي علي قلبها و اتنهدة بحزن شديد و قالت بنبره حزينة زي ملامحها
انا فلك كبرت و لقيت نفسي يتيمة الام و الاب و لقيت مليش في الدنيا غير اخ واحد اسمه عماد لقيته بيبع فيا لكل راجل يدفع اكتر كان بيجوزنى ليهم مقابل مهر كبير اتجوزت تلت مرات با القوة و في كل مره كنت بتعامل معاملة الكلاب من ضرب لشتيمه لمعاملة تقرف الحيوانات منها حتى حقوقهم كانوا بيخدوها بطريقة الكلاب و لما كانوا بيزهقه منى كانوا بيطلقونى و ارجع لعماد غشان يعمل فيا نفس البيعه تانى بس اخر مره عملي فيديو معا خليل حاجه كدا متفبركه عشان ياخد منه فلوس و يبتزه بس من ستر ربنا شوفته و خدته و غرفت مكان استاذ خليل ورحتله و حكتله كل حاجة و اتفاجئة بيه بيطلبنى للجواز عشان يحمينى و يهد اي خدع هيعملها اخويا و خدنى علي القصر و قابلة جدته اللي مطاقتنيش و عرفت الماضي بتاعى و من لحظتها و هى مش طيقانى و المصايب بتقع واحده وره التانيه علي دماغ خليل و انا عاجزة مش قادرة اعمله اي حاجه هى دي حكايتى يا خالتى معنديش حكاية غيرها والله ويشهد ربنا انى كنت بتجبر عشان اتجوز عمري موافقت اعمل كدا بمزاجى والله مفيش واحده توافق علي كدا غير لو كانت اخلاقها وحشة بس ربنا شاهد علي اخلاقي و ان عمري مكان ليا في الطرق الوحشة و الجري ورا الفلوس بس مين بقا هيصدق كلام واحده زيه
ــــــــــــــــــــــــــ
لينك قناة الواتساب اضغط هنا
عرض رواية حواء بين سلاسل القدر الجزء الاول + والثانى 💃متاحه pdf للتسليم بسعر 🔥🔥
عرض 200 بدل 400 لفتره محدوده
📌ده يا جماعه اخر واقل عرض يتعمل عشان الناس الا كانت بتشتكى من الاسعار حرفيا سعر الجزئين نزل عرض لفتره محدوده اقل من تمن الجزء التانى
الناس الا برا مصر تقدروا تطلبوا دلوقتى الجزئين ب ٢٠ دولار مفيش احلى من كدا عروض
للتواصل والطلب 🎀 01065748496 🙊🙊
ــــــــــــــــــــــــــ
نزلت دموعها معا اخر كلمه قالتها اما صفيه فحست انها فعلا صادقة و اتنهدة بزعل عليها و قالت
انا اصدق يابنتى و ما تستغربيش كلامى بس انا ياما شوفت و ياما عشت وسط ناس الكدب ماشي في دمهم و يتظهرة انهم مخدوغين و ناس غلبانه مغصوبة و بيتقال عليهم غدارين و ماشين علي هواهم انا كبيره و بعرف افرق بين الحق و الباطل الصادق و الكداب و انتى صدقه وربنا قادر يكشف براتك قدام الكل ياينتى و انا هفضل جانبك و هساعدك لانك خلاص دخلتى قلبي و اعتبرتك زي بنتى والله و من الحظى دي سلطان اخوكى حمايتك و سندك و ضهرك متتكسفيش منه و اللي تحتاجية اطلبيه منه و خليل هيبقا ليكى مدام اتمسك بيكى يبقي عمره ما هيفرد فيكى ابدا و بكرا تقولي الخاله صفيه قالت و الدنيا هتضحكلك و تفتخلك ابوابها اللي كلها هنا يا حبيبتى
لاول مره فلك كانت تحس بالراحه و احساس الاطمئنان اللي ياما اتحرمت منه علي ايد اخوها
ـــــــــــــــــــــــــــــــــ"
اما عند سلطان تحت في القهوة فلقي تلفونه بيرن برقم عزت فرد بتنهيدة بارده و قال
خير مش فضيلك ارغي
رد عليه عزت اللي قاعد جوة اوضة نومه
انا متصل عشان اقولك كام حاجه كدا عشان انت اللي تفتح عينك و تعرف مين فينا اللي قلبه علي التانى و ظالم التانى الكلام عن ربة الصون و العفاف الست سمرا هانم اللي ساعتك بتهددنى عشانها يا سلطان بيه بس معلش انا متاكد انها بتلعب عليك و مش مفهماك الحقيقه كلها و بتعمل فيك زي ما عملت فيا و اكتر كمان
كلام عزت ذاد شكوك سلطان من نحية سمرا خصوصا لما افتكر ان والدته كدبة معظم الكلام اللي سمرا حكته و قال
هات اللي عندك بس لو قولت حرف واحد كدب متزعلش من رد فعلي اللي هيجيبك انت و اهلك الأرض
اتنهد عزت بثقه مبالغ فيه و كان واضح من نبرته انه متصل عشان يقول الحقيقه و بس و قال:
متقلقش انا متصل عشان اقفل بيبان الغدر نهائي اولا كدا انا مش عارف هى قايللك ايه با الظبط بس اللي لازم تغرفه كويس ان سمرا تبقا كدابه قوي و كانت بتشتغل معايا و هى عارفه هى كانت بتشتغل معايا في ايه دي حتى هى اللي كانت بترتب المواعيد و الاماكن
كلام عزت كان متغطى و مش مفهوم هو يقصد اي با الظبط ودا اللي خله سلطان يضايق و يقوله بعصبيه
بقولك ايه شغل الحريم و الكلام المداري دا مليش فيه قول اللي عندك من غير لف و دوران انا مش فضيلك يا خويا اخلص
عزت بجدية
لاء الحقيقه تعرفها منها علي مهلك و براحتك اللي عايزك تعرفه اننا متجوزين من ست شهور و كنا فيهم زي السمنه علي العسل زي ما بتقوله في الحواري عندكم دا غير انها كانت بدير جزء مهم من الشغل و هى اللي كانت بتظبط المواعيد و اماكن المقابلات و مش هقدر افسرلك اكتر من كدا لو عايز تعرف الحقيقه الكاملة دور عليها بنفسك و انت هتغرف مين فينا الظالم و المظلوم انا و الا هى
رد عليه سلطان ببرود
و انا ايه اللي يخلينى اصدق انكم متحوزين من ست شهور مش زي مقالت انكم متجوزين من كام يوم
عزت بجدية
سهلة قوي هبعتلك صورة من قسيمة الجواز علي تلفونك و انت هتتاكد بنفسك و اه دور وراها كويس لان وراها بلاوي هى مش ملاك زي مانت عارف دي بلوة كارثة متحركة معجونة بمية كدب و انت هدور و تتاكد بنفسك عشان مترجعش بقا تيجى عليا عشانها يا سلطان
بان علي سلطان الضيق و قاله ببرود
عشانك و عشانها اي كان حد قالك عليا خطيبتك بقولك ايه ابعتلي الزفته و انا هتاكد بنفسي يس وعهد الله لو طلعت بتكدب هوريك الويل و المرادى مش كلام لاء المرادى هتلاقي رد فعل مش هيعجبك خالص عشان لت و عجن النسوان دا مليش فيه بروح اهلك سلام
قفل سلطان المكالمه و بعد دقايق دق بصورة قسيمة الزواج فكبر سلطان الشاشه و توسعت عنيه بضيق لما فعلا شافها و عرفه انها متجوزة من ست شهور في الحظة دي اتاكد سلطان انها بتكدب و انها وراها مصيبه محدش يعرف عنها حاجه و قرر انا هيلاعبها الحد لما يكشف حقيقتها اللي مخبياها عنه
ـــــــــــــــــــــــــــ
عند ملكة كانت قعدة في مكتبها و لقت سليم دخل عندها و جايبلها ورد و بيقولها ببتسامه:
احله ورد لاحله ملكه في حياة سليم النعمان
ادها الورد فبصتله يشكوك و قالت
غريبه بمناسبة ايه الورد دا بقا يا سليم يا نعمان
قرب سليم منها و خدها في حضنه و قالها بكل حب
بمناسبة انى بحبك و ان قلبي مش بيدق لغيرك و انك عندى الدنيا و مافيها يا ملكه عرفتى بقا بمناسبة ايه يا حبيبتى
لاول مره ملكه مكنتش حسه في حضنه با الامان فبعدت عنه براحه وقعدى علي مكتبها و حطت الورد علي جنب و قالتله بكل جدية:
تمام بس انا ورايا شغل مهم دلوقتي ممكن نتكلم بعدين
بصلها سليم بستغراب و قالها
انتى زعلانه منى في حاجه يا ملكه انا زعلتك بقالي كام يوم حاسس انك كرهانى معرفش ليه
رفعت عنيها و بصتله بستغراب، شديد و قالتله بكامل برودهل:
يااه كلمه كبيره قوى دي و انا هكرهك ليه يا سليم عملتلي ايه عشان تحس با الاحساس المقيت دا مظنش انك عملتلي حاجه عشان تقولي كلمه كبيره زى ديه
سليم بجدية
مش عارف بس حسك غريبه بقالك كام يوم متغيره معايا و كلامك مش قد كدا لو كنت ضايقتك في حاجه عرفينى عشان اعتذر و الموضوع يخلص و نتصافي يا حبيبتى
ملكه بجدية
مفيش حاجه اصلا عشان تتصافا انت بتتوهم يا سليم انا بس متغيره بسبب ضغطط الشغل مش اكتر صدقنى
سليم بجدية
ماشي يا ملكه هسيبك تكملى شغلك
خرج سليم اما هى فحست بالحزن لانها زعلانه منه عشان مقدرش يصدقها و كدبها لما حكتله عن نورا و اعترفها الخبيث ليها
ـــــــــــــــــــــــ"
اما في شقة سلطان فكانت دخلت سمرا و اتعرفت علي فلك و قعدة معاها بس فجاءه طلع سلطان و اول ما شافها قالها بمكر
بنت حلال تعالي معايا عايزك في موضوع مهم في البلكونه عن اذنك يامى
مشي سلطان و خدها معاه للبلكونه و اول ما وقفه سالته بستغراب:
في ايه قلقتنى يا سلطان
قرر سلطان انه يبقا مكار زيها عشان يكشف حقيقتها و قالها بجدية
فيه يا سمرا كلمة محامى كبير عشان يقف معانا و نرفع قضية علي عزت عشان يطلقك با القانون بس قالي ان لازمه قسيمة الجواز عشان يقدر يوري للمحكمة انك مكملتيش معاه يومين جواز و هربتى من عمايله الوسخه بس متوقفين علي القسيمة هى فين
في الحظة دي بان علي سمرا القلق ووشها اصفر فشاف دا سلطان و حس انها مخبيه عنه حاجات كتير فعاد السؤال تانى
فين القسيمة يا سمرا عشان اوديها للمحامى و اخلصك من عزت
سمرا برتباك
هاا ااه القسيمة دي معا عزت هو اللي شايلها مكنتش معايا انا بس هو لازم يعنى القسيمة مينفعش اي طريقة تانيه
سلطان بمكر
لاء مفيش اي طريقه تانيه احنا لازم نلاقي القسيمة و نجبها معانا باي طريقه فكري بقا كدا في حاجه تقدر تخلينا نحصل علي القسيمة يا سمرا باسرع وقت عشان اخلصك من الزفت دا و تعيشي حياتك بقا
كان ظاهر علي سمرا القلق بجد فقالت برتباك
ربنا يسهل و قدر ارجعها منه يا سلطان يارب
سلطان ببرود
يارب
فضل سلطان باصص لها و هو بقا متاكد انها كدابه و مخبيه عنه حاجات كتيره قوى مش عايزة تكشف عنها ليه او لغيره
ـــــــــــــــــــــــــ"
اما في القصر فرجع خليل مخصوص و راح اوضة عمه منذر اللي لسه في الغيبوبه و لقاه انعام عنده فقال ببرود
كويس قوى انك هنا عشان عمى منذر يسمع الكلام اللي جاي اقوله
قامت جدته بكل برود و قالت
اهلا با الحفيد العاق المتمرد علي اصولنا خير ايه المصيبه المرادى
كلام جدته كان مبين قد ايه هى بقت متغيره معاه و مش حباه زي الاول فقالها بكل برود
كنتى بتعملى ايه عند ابن المحمدى ايه كنتى رايحه تشربي معاه القهوة و الا تتفقه عليا اصل انا مبقتش استبعد حاجه عن تفكيرك والله
انعام بكل برود و بجاحه قالتله
الاتنين ايه عندك مانع يا خليل لو عندك قول انا سمعاك
صرحتها خلتيه يبتسم بضيق و قالها
لاء شابوة علي الصراحه دى لاء حقيقي انتى وصلتلى لليڤين محدش وصله قبل كدا الصراحه
انعام بجدية
مسبتليش حل تانى يا خليل تمسكك با الزفت اللي معاك هيخلينى اعمل اكتر من كدا لو مرجعتش عن اللي في دماغك و سبتها في حالها ورجعت خليل كبير العائلة
خليل بجدية
و انا هفضل كببر العائلة غصبن عن الكل يا انعام هانم و فلك هتفضل مراتى كل ما هتصري انى اسيبها كل ما هصر انى اتمسك بيها اكتر و اكتر و للعلم اتحادك معاه ضددي هيخلينى اعاملك معاملة الاعداء من الحظة دي انتى مكانتك عندى اتلغت اللي بنا دلوقتي حرب و في النهاية هوريكى مين اللي هيكسب الحرب دي
انعام بحدة
والله عال بتتحدانى كمان تمام يا خليل و انا موافقه و قدام عمك بس مترجعش تعتذر عشان ارحمك و اسامحك
خليل ببرود
عمري ما عملتها و الا هعملها متقلقيش مش انا اللي احى اعتذر لعدوي لو كانت حتى السكينه علي رقبتى و انتى عارفه كدا كويس دانا تربيتك و تلميذك هيوريكى ازى هيتفوق علي استاذه بس مترجعيش بقا انتى اللي تزعلي منى يا انعام هانم
مشي خليل و سابها و اقفه و باين عليها الغضب
ـــــــــــــــــــــــــــــــــــ
خرج خليل و لقا نور فوشه فقالها ببرود
كويس انى شوفتك انا سمعت الكلام اللي قولتيه لفلك و سكت بمزاجى عليه بس دا مش معناه انك علي حق و تفكيرك صح لاء لانك عمرك ما هيبقالك مكان في قلبي مهما عملتى و خططى و ادينى بقول هالك مشيك من البيت دا قرب قوى فستعدى بقا عشان تخرجى بكرامتك بدل ما تخرجى من غيرها يا نور هانم
حزنة نور من كلامه و غضبة في نفس الوقت و قالت
والله يا خليل بقا بتقولي انا الكلام دا ليه هى كانت عملتلك اي سحرتلك و الا ايه مش فاهمه متمسك بيها و مفرد فيا انا دا ليه افهم عملتلك ايه عشان تتمسك بيها بالسرعه دى برغم القرف اللي عملته و جوزاتها من غيرك
خليل بجدية
لمى لسانك عشان مزعلكيش و سيرتها متجيش تانى علي لسانك عشان هتزعلي منى جامد و اه متمسك بيها ورافدك مهما عملتى لان الفرق بينها و بينك كبير قوى فبلاش تقارنى نفسك بيها لانها احسن ة انضف منك بكتير يا نور هانم
مشي خليل من قدامها و هو مش طايقها اما هى فكانت مصدومه و في قمة حزنها و غضبها بسبب كلامه القاسي ليها و ذاد اسرارها علي الانتقام منها باي طريقه ممكنه
ـــــــــــــــــــــــــ ولنا في الحديث بقيه
ــــــــــــــــــــــــــ
لينك قناة الواتساب اضغط هنا
عرض رواية حواء بين سلاسل القدر الجزء الاول + والثانى 💃متاحه pdf للتسليم بسعر 🔥🔥
عرض 200 بدل 400 لفتره محدوده
📌ده يا جماعه اخر واقل عرض يتعمل عشان الناس الا كانت بتشتكى من الاسعار حرفيا سعر الجزئين نزل عرض لفتره محدوده اقل من تمن الجزء التانى
الناس الا برا مصر تقدروا تطلبوا دلوقتى الجزئين ب ٢٠ دولار مفيش احلى من كدا عروض
للتواصل والطلب 🎀 01065748496 🙊🙊
ــــــــــــــــــــــــــ
انتقل الى الفصل التاسع عشر