بقلم الكاتبه المبدعه والمتميزة لادو غنيم
بيعدى وقت طويل وبيوصل سلطان لمكان شبة مهجور وبينزل من المكنه بتاعته وبيلاقي عزت واقف قدام باب عمارة شكلها قديم قوى فبيدخل وبيدخل وراه سلطان اللي اول مابيخش العمارة حد من رجالة عزت بياجى من وراه وبيضربه بالعصاية علي دماغه فبيغم عليه اما سمرا فبتكون وصلت وشافة اللي حصل وبتكون بتقول بقلق
ياولاد الهرمة بتعملوا اي في سلطان أنا لازم اتصرف واعمل حاجة كدا مش هينفع
وبتفضل سمرا بتراقبهم وبتشوفهم وهما بيشلوه وبيطلعوا فبتطلع وراهم وبعد عشر دقايق بيكون سلطان قاعد علي كرسي ومتكتف وواقف قدامه عزت اللي بمجرد ما بيلاقية فاق بيبتسم ويقوله بخبث:
اهلا باسلطان باشا النعمان منور البيت المتواضع قولي صحيح ياباشا ايه رايك في المكان الرومانسي دا مش حكاية صح
بيحاول سلطان يحرك نفسه بعنف عشان يفك الحبل وهو بيقول بضيق
اه ياروحمك رومانسي ناقصلك فيه العروسة هجوز هالك علي يدي متقلقش فكنى يالا أنت كدا بتذود العداوة مش سلطان النعمان اللي يحصل فيه كدا
بيشد عزت كرسي وبيقعد عليه قدامه وبيبدء يتكلم ببرود
توء توء انت زعلان والا ايه ياباشا البشوات
دانا فكرة انك هتفرح بالاستقبال الحافل اللي عامل هولك لاء انا كدا بجد زعلت من نفسي تصدق انى كدا انا وحش حقيقي شايف نفسي وحش وقوي كمان
سلطان بضيق
والا شغل لت وعجن الحريم دا مليش فيه هات اخرك ياروحمك بدل مانا مجيبة قسما باللي خلق الخلق لو حطيت ايدي عليك مش هحلك والا في اي دكر خلقه ربنا هيقدر يخلصك من ايدي فنجز كدا وهات اللي في عبك ياحيلة امك
قام عزت وقرب منه وببرود اتكلم
اظن الباشا مش واخد باله مين متكتف ومين واقف علي رجلية لمؤاخذة شكل كدا نظرك ضعف قوى ومحتاج نضارة تحب اجبلك والا عندك ياباشا البشوات
سكت عزت وفضل يضحك اما سلطان ففضل يتحرك بالكرسي بغضب بيحاول يفك تفسه فسكت عزت وقال
خلاص خلاص يا باشا متتعصيش قوى كدا انا هريحك وقولك جبتك الحد هنا ليه معا انك نبيه واكيد عارف انا جايبك ليه طبعاً بخصوص سمرا مراتي اللي حطيت ايدك عليها ومش عايز ترجع هالي اكنها املاك من املاك عائلتك المحترمة بس لاء سمرا مراتي سامع مراتي وهاخدها منك يعنى هاخدها برضاك بقا او غصب عنك هسيب الوقت هو اللي يقرر
سلطان ببرود
تاخد مين من مين يالا انت اخرك تاخد منى كيس شيبسي وهكون سايب هولك بمزاجى فوق ياروحمك مش سلطان ابن حارس اللي يتاخد منه حاجه مطوية تحت جناحة عشان اللي هيقربلها هكون باعت دماغه للحجه امه تعمل عليها فتة في العيد
عزت بضيق
وهو سلطان بقا مفكرنى علي الله وهسيبة يخرج من هنا حى دي كانت مجرد جس نبض اشوف بيه رد فعلك لو كنت لقيتك جاي في ترجعها كنت هسيبك تروح انما بقا بعد اللي قولته فاظن العيشة حرام عليك بس مش انا اللي هخلص عليك لاء دول رجلتى وخلي بقا حباية الشجاعه اللي واخدها تنفعك خلص عليه يابنى انت وهو ونضفه وراكم مش عايز اثر لاي حاجه مهما كانت صغيرة وحصلونى علي البيت سلام ياسلطات باشا
خرج عزت ونزل وركب عربيته ومشي اما سلطان فلقي الراجلين طلعوا سلاح وصوبوا نحيتة فقال ببتسامة استهزاء
ااه دانتو جايلي أنا بقا بصوا يا رجالة انا بقول التفاهم سيد الناس استهدو كدا بالله عشان انتو فاهمين غلط خالص سيب يابابا منك ليه السلاح دا مش عايزين هطل بقا وطرطشة دم لسه بقا هنمسح ونضف علي ايه الفرهدة دي انا بقول تحصلة الباشا بتاعكم تعملوله الرضعه وانا هصرف نفسي بمعرفتى من غير متعبكم معايا رايكم ايه
شدو اجزاء السلاح وقربه منه ولسة هيطلقوا عليه لقا سمرا دخلت ومعاها شومه وضربتهم علي دماغهم فقالها سلطان بحماس
الله ينور عليكى تسلم ايدك ياسمرا عاش يابطل
فرحت سمرا وقالت بحماس
بجد عجبتك ياسلطان شوفتنى ادتهم ازي علي دماغهم حركة اكشن مش كدا
سلطان بجدية
فعلا حركة اكشن بس لو مفكتنيش عشان نمشي من هنا هيفوقة وهيعملوا معانا احلة اكشن فكينى ياما انتي لسه هترغي يالا مفيش وقت
سمرا بضيق
تصدق بالله انت خسارة فيك المساعدة بقا انا جاية وراك وساعدتك قبل ما يعملوك كفته وكمان مش عجبك وبتزعق ايه الراجل دا
بصلها سلطان واتتبه انها كانت بتراقبه فقال بضيق
استني استنى انتى ايه اللي جابك هنا من اصلوا انتى بتراقبينى داني هطلع عين اهلك انطقي يابت كنتى بتراقبينى ليه ياست سمرا هانم
اتوترت سمرا وقالت بقلق
هقولك بس متتعصبش عليا انا بصراحه كدا فكرتك رايح تقابل نسوان فقولت يعنى اجى وراك والحقك قبل مايحصل بينكم حاجه كده والا كدا ماهو بردو ياسي سلطان كلة الا شرف الراجل لو اتكسر مينفعش يتصلح
سلطان بضيق
شرف الراجل لو اتكسر دا علي اساس انى نوال ما تظبطى كلامك وبعدين انتى مالك رايح اقابل نسوان والا حتى رايح اتجوز كنتي ولية امري وانا معرفش والا هو اي هبل والسلام
سمرا بضيق
يعنى انا كمان الغلطانة دا بدل متشكرنى لو مكتتش جات وراك كان زمان الطحشين دول خلصوا عليك صحيح مابينوب المخلص الا تقطيع هدومه
سلطان بضيق
فكينى ياما انتى لسه هتقولى امثال اخلصي خلينا نغور من هنا وبعدين نتحاسب
قربة منه سمرا وفكته اما سلطان فقام ومسكها وخرج بيها وركبه المكنه بتاعته فسالته باستغراب
انت كدا هتعمل ايه معا عزت انا سمعت اللي دار بينكم هتتصرف معاه ازى بعد مكان عايز يخلص عليك
سلطان بجدية
لاء دا بقا محتاح تخطيط جامد وحياة امه لهخلية يعيط بدل الدموع دم علي الحركة العار اللي عملها معايا صبرك بس عليا
سمرا بحماس
ايوة يقا علي سلطان باشا انا متحمسة قوى بقولك ايه انت رايح عنده دلوقتي متاخدنى معاك واحكيلة اتقذتك من رجلته ازى خلية يتفرس ويطب ساكت بحصرته ايه رايك
بصلها سلطان بستغراب وقال
بت انتى هو في حد مصلطك عليا انا مش فاهم انا اللي هتفرس من غبائك وهطب منك ساكت انتى تخرسي خالص مش عايز اسمع نفس انا علي اخري من الكل خصوصا منك ولسه حسابك معايا
سمرا بضيق
بردو اللي فيك فيك دا بدل ماتشكرنى وتعزمنى علي العشا في مكان محترم والا حتى تشربنى كوباية عصير عمال تسم في بدنى بالكلام والله معارفه اقولك ايه كتر خيرك يامحترم مكنش العشم
سلطان بجدية
والا حتى الغدا انتى مش مقدره اللي حصل و بقولك ايه بقا كفياكى كلام دماغى صدعت بس برجع وقول انا اللي جبت وجع الدماغ دا لنفسي ومن هنا الحد لما نوصل البيت مش عايز اسمع نفس واحد منك بدل مخش بيكى في مقطورة
بصتله ببرود فساق المكنه عشان يرجعوا علي حى السيدة زينب بعد مانجى سلطان من الموت باعجوبة زي ماحصل
ـــــــــــــــــــــــ
اما في قصر النعمان فوصل خليل بفلك ودخل بيها قدام الكل واول ماشافتهم الجدة انعام قامت بصدمة وثارة
ايه اللي رجع المخلوقة دي هنا تانى انطقي ايه اللي رجعك
قربت منها الجدة وكانت هتضربها بس وقف قدامها خليل وقال ببرود
من فضلك الزمى الهدواء فلك مراتي وهتفضل مراتي والا حضرتك كنتى مفكراني هقبل بالامر الواقع واسكت واستسلم لجوازى من نور وافرح لاء مش انا اللي حياته تتخططلة وانتى عارفه كدا كويس وفاهم يعنى ايه اخد قرار مش انا اللي يرجع في قرار خده ياجدتى وانتى فاهمه كدا كويس قوي فبلاش بقا الزعيق وياريت تقبلي بالامر الواقع عشان كلنا نرتاح
اتعصبت اكتر جدته وبصت لفلك بغضب شديد وقالت بهجوم
نرتاح ايه والزفتة دي موجوده في القصر وفي حياتنا انا مش فاهم انت متمسك بيها كدا ليه الست فلك بصمة عار علي عايلتنا وعليك انت شخصيا لازم تخلص منها وانا قولت هالك قبل كدا وبقول هالك تانى انت هطلق البنت دي وهترجعها للشارع اللي جات منه ولو معملتش كدا يا خليل انا بقا اللي هعمل و انا قولت هالك عندى الف طريقه وطريقه اخلص بيها منها انا مش فاهمه انت عايز ايه بالظبط زمان زعلت علي نور وانها مكنتش ليك ولما جبتها الحد عندك بقيت مش عايزها و يترفض العرض الهايل اللي قدمتهولك مش دي نور حب عمرك اللي قعدة سنه بحالها مكتبئب عشان اتجوزت غيرك اديها بقت ليك افهم ايه بقا الموضوع بقيت رافضها ومتمسك بواحدة اتجوزت غيرك بدل الراجل تلاته انت ايه ياخى مخك دا حصل فيه ايه مبقتش فاهم انت بتعمل ايه ليه ركز شويه وانت هتلاقي نفسك بضيع وبضيعنا معاك بتهدنا كلنا عشان نشفان دماغك وتمسكك بحاجة ملهاش اي قيمة او كرامه متمسك ببنت اقل خدام عندنا ميقبلش بيها زوجه ليك مش انت خليل باشا النعمان اللي اغنياء البلد يتمنوا نسبك وانت ماشاء الله عليك رايح تناسبلي بلطجى قواد بيبع اخته للي يشتري اكتر واخته زوجتك المصون بتوافق وتتباع عارف ليه لانها رخيصه عارفه قيمة نفسها وفاهمة ان لحمها ارخص من ان خدام عندنا يشترية
في الحظة دي فقد خليل كل اعصابة وبص لفلك اللي بتترعش بعياط الحزن والحصره وقال لجدته
الحد كدا ومش هسمحلك تتكلمى كلمة ذيادة انتى اه جدتى واحترامك واجب عليا بس كمان فلك تبقا مراتي واحترامها في المقام الاول عندى ورد بقا علي كلامك العظيم نور هانم الهدية الثمينة اللي رجعتهالي متلزمنيش انا وافقت اتجوزها منعا لاحراجك قدام الناس عملت لاحترامك حساب وكبرتك في وقت انتي كنتى بتكسرينى وبتصغرينى فيه اوعى تكونى مفكرانى سعيد بجوازى منها لاء نور هي النقطة السودا الحقيقية اللي في حياتي ووجودها زي عدمه مش فارق معايا اما بقا نسب فلك فدا اخر همي اهلها كلهم ميهمونيش يولعوا بجاز وسخ اللي تهمنى هي فلك وبس مش ذنبها اللي حصلها وان اخوها قواد ملوش شرف والا كرامه وحتى لو اتجوزت تلاته قبلي كل دا مش فارق معايا عارفه ليه لان ميزان فلك يكسب عندى من ميزان نور علي الاقل فلك اتجبرت انها تقبل بالامر الواقع وتتباع زي ما قولتى للراجل اللي يدفع اكتر اما بقا الست نور فهى باعت نفسها بمزاجها من غير محد يضغط عليها والكل يشهد بكدا عشان كدا كلام في الموضوع دا خلص فلك هتفضل مراتي مهما حصل واي حد هيقول عنها كلمة وحشة مش هيلاقي غيري في وشة مهما كان هو مين
في الحظة دي كانت فلك سعيدة جدا بالكلام اللي بتسمعه اما الجدة فكان غضبها بيذيد اما نور فكانت اتحصرت وحست انها فعلا مبقاش ليها مكان في قلبه فذاد كرهها للانتقام خصوصا من فلك اللي حست انها المفضلة عند خليل اما الجدة فقربت منه اكتر وقالت بغضب
هى حصلت بتهددنا كدا من غير استحياء والله عال جه اليوم اللي خليل الكبير بتاعنا يقف في وشنا و يهددنا ماشي ياخليل انا بقا مش هسكت وهعمل اللي اقدر عليه عشان اخرج العقربة دي بره حياتنا مش هسمحلك تدمرنا مهما كان التمن اما الكلام اللي قولته هتتحاسب عليه كله في اوانه وعمك منذر لو كان موجود دلوقتي وسطينا كان هيبقاله تصرف تاني معاك استحالة كان يقبل بالهبل والتهديد اللي قولته
خليل بجدية
عمى منذر لو كان واقف وسطينا دلوقتي كان هيبقا في صفي و بيدعم موقفي مش بيعارضنى وبيحاول يكسر كبريائي ويكسر كلمتى قدام العائلة اللي انا مفروض كبيرها يا جدتى
الجدة بغيظ
كبير ايه بقا انت خليت فيها كبير الكبير بافعاله ومساندته لعائلته ورفع راسها دايما مش يحط راسها العريقه في الوحل بسبب واحدة زباله زي فلك هانم بتاعت الرجالة والا لاء بلاش نقول كدا عشان خليل بيه ميتعصبش نقول بقا بتاعت التلات رجالة بلاش نعمم عشان منجيش علي شرفها المصون
في الحظة دي ثار خليل وقال
الحد كدا وكفاية مش مسموح بكلمة واحدة ذيادة قسما بدين الله ماهعمل اعتبار لاي حد واللي هيقول كلمة ذيادة هنسا الدم اللي بنا
قام بسرعه سليم وقرب من جدته وقالها عشان يهديها
اهدى يا جدتى مفيش داعي للكلام دا وبعدين خليل مش صغير هو فاهم كويس هو بيعمل ايه فبلاش نصعب الموضيع علي بعض دي مهما كان تبقا مراته وميصحش الاتهامات والكلام دا انا عارف انك مش متقبله الموضوع بس معا الوقت هتتقبلية ومش بعيد انتى اللي تتمسكى بيها كمان لو خليل فكر في يوم يسيبها
بعدت عنه الجدة بغضب وقالت
انا اتمسك بالحساله دي انتو شكلكم كلكم اتجننتوا بس تمام قوى يااحفاد النعمان انا بقا هوريكم انعام النعمان هتعمل ايه وازي هتنضف القصر من الواسخة اللي دخلت فيه ويكون في علمك يا خليل انا مبتعاندش وانت عارف كدا كويس والوقوف ضدي هيخسرك كل حاجه حتى لو كنت حفيد بس مصلحة العائلة اهم من معتقداتك ومتنساش انك انت اللي اخترت الجبها الخسرانه
مشيت الجدة من قدامهم اما سليم فقرب من خليل وقاله
متزعلش من كلامها انت عارف جدتك كويس
مبتحبش حد يعاند قرارتها او يتسبب بنحطاط العائلة وانا فاهم ومقدر طبعا ان كلامها كان قاسي بس كله بيعدى وانت قدها وقدود
بص خليل لكل اللي قاعدين وقال ببرود
من الحظة دي فلك كرامتها من كرامتى كلمتها امر يتنفذ مدام في الصح والخير تتعامل معاملة الهوانم زيكم واي كلمة او اي نظرة حقيرة هتتوجه لها اللي قالها هيلاقي نفسه خارج القصر مهما كان هو مين اظن كلامى واضح عشان محدش يرجع يزعل لما دا يحصل
مسك خليل ايد فلك ومشي اما كلهم ففضلوا يبصوا لبعض بسبب اللي قاله اما نور فذاد قهرها وكراهيتها وقامت وطلعت هى كمان اما داليدا و ملكة فبصوا لبعض ببتسامة لانهم مبسوطين برجوع فلك ووقوف خليل جنبها
ــــــــــــــــــــــــــــــ
بعد نص ساعه في اوضة المكتب كان واقف ادهم معا سليم وبيقول بستغرب
يعنى ايه الكلام اللي خليل قال دا هو غلطان وكمان بيقاوح مش كفاية فعلا انه متجوز واحده اخوها سوابق و هى نفسها كانت متجوزه غيره تلت مرات لاء، دا كمان بيدافع عنها و بيعملها هانم علينا وكمان مش عاجبة
و بيزعق لجدتك قدامنا كلنا انا مش فاهم جاب البجاحه دي منين
سليم بجدية
مالك يا ادهم عيب عليك ميصحش كدا دا بردو خليل ومهما حصل هيفضل الكبير ومهما قال او عمل مينفعش نقف قدامه او نقول عنه كلامه مش حلوة متنساش انه ثار بسبب كلام جدتك و تجرحها ليه قدامنا ومتنساش انها خاضت في شرف مراته واي راجل حر كان هياخد نفس الموقف دا من حقه زي ما كمان فلك من حقها تتعامل كزوجه محترمة وعلي الكلام اللي سمعته وفهمته انها فعلا مظلومة
ادهم بجدية
سليم ونبي متبرر الليى حصل انت عارف ان خليل غلط فينا كلنا ودا اللي فعلا ميصحش يا سليم انا مش فاهم ايه هدو الاعصاب اللي عندك دا انت ايه مش فاهم الكلام اللي قاله والا ايه انا مش فاهمك
سليم بجدية
لاء انا فاهم وسمعت كلامه كويس وقولتلك هو قال كدا ليه فبلاش بقا نتحامل عليه عشان هو في اللي مكفية يا ادهم و يلاا بقا اطلع علي اوضتك وانا كمان هطلع عشان محتاج انى انام بعد اليوم المتعب دا
خرج سليم وساب ادهم بيفكر فكل اللي حصل و مفيش دقايق وطلع ادهم اوضته وبص لداليدا وقال ببرود
ممكن افهم ايه الابتسامة الشاسعه اللي كانت مالية وشك وهو خليل بيدافع عن مراته كدا
بصتله داليدا بحزن وقالت
اديك قولتها مراته وبيدافع عنها يا ادهم خليل عمل الصح ورجع لفلك كرامتها لانها فعلا غلبانه و متستحقش غير انها تاخد فرصة جديده معا شخص محترم و كويس زي خليل ومظنش ان دي حاجه ممكن تضايق حد كل واحد حر في حياته و في قراراته
قلع ادهم الجاكت وحدفه و قالها ببرود
طبعا مانتو زي بعض والازم تدافعه عن بعض ماهما كدا الرخاص دايما قلبهم بيبقا علي قلب بعض وانتى بردو ماشاء الله عليكى لبسالي وش قاا الله وقال الرسول وانتى مفيش منك اتنين في الانحلال والقعاد معا الرجالة صحيح اخبار حسام ايه والا اقولك روحى لفلك خليها تديكى درس في الانحلال الذايد ماهى خبره ومتجوزه بدل الراجل اربعه
في الحظة دي اتصدمة داليدا من كلامه و قامت وقالت وهى مقهوره و بتعيط
حرام عليك ايه اللي بتقوله دا دا بدل مدافع عن شرفي في وش اي حد رايح انت اللي تقذفنى بالباطل انت ايه حرام عليك بتخوض في شرفي وشرف مرات ابن عمك ايه المرض اللي مالي قلبك دا انت ازي اسود قوي كدا تعرف انا بقيت بكرهك قوى بكرهك فوق ما تتخيل يا ادهم انا عايزة اطلق كفاية بقا رخص فعلا الحد كدا
لفلها ادهم وضربها قلم وشدها بغضب من دراعها وقال بزعيق
اطلقك دا بعينك انسي انك تبقي حره ااه عايزانى اطلقك عشان تمشي علي حل شعرك وتقلعي النقاب وتوري الناس جمالك و تخرجى خالص من توب العفه اللي مصدراه للكل لاء يا ست داليدا دا بعينك مهما حصل مش هطلقك حتى لو اضطريت احبسك في مكان مهجور مفهوش غيرك انتى وبس فاهمه ولا مش فاهمه
زقها ادهم فوقعت علي الارض وفضلت تعيط اما هو فدخل الحمام
ـــــــــــــــــــــــــــ
اما في اوضة نور فكانت واقفه معا نورا اللي دخلت وبتحاول تسممها بالكلام و بتقولها
والله يا نور صعبتى عليا جداً جداً وانتى واقفه وخليل بيقطع فيكى كدا ومش فارقله كرامتك و كل اللي فارقله كرامة الرخيصه تربية الشوارع انا مش فاهمه عقله فين بقا بيدافع عن وحدة كانت متجوزة غيره تلاته وعرضة نفسها سلعه للراجل اللي يدفع اكتر انا مش فاهمه ازي يفرط في قمر متعلمة زيك لاء وكمان كانت العشق بتاعته انا بجد مش فاهمه بس هو دا المنتظر لان ملكة بدافع عنها قدامه وواخده صفها جدا دي لسه من يومين متخانقه معا الجدة بسببها هى اللي مقوية خليل ومخلية يتسمك بفلك ومش مستبعدة نهائي ان هى كمان اللي تكون بتحرضة ضددك
كان كره نور ليهم بيذيد كل ما بتسمع حاجه وعنيها بتتملي بدموع حصره و قالت
ملكة بس دي كانت صديقتى قبل متجوز حسيب و ياما حاولت تقنع الجدة بجوازى من خليل و كانت بتطمن عليا من الوقت للتانى بعد متجوزة حسيب فازاي هى اللي بتحرض خليل ضدى انتى متاكدة من الكلام اللي بتقولية دا يا نورا
ابتسمت نوار بخبث شديد وقعدة علي الكرسي و قالت
طبعا متاكدة يا حبيبتى وعشان ابقا صريحه معاكى اكتر انا سمعتها بنفسي امبارح بالليل وهى بتقول لخليل ميدخلش اوضتك ويسيبك لوحدك ويروح يشوف فلك فين وان فلك هى اللي تستحق تفضل مراته وانها يحرام مظلومه وملهاش ذنب في اي حاجه و طبعا خليل اقتنع بكلامها جدا اصلها مقنعه زي الحية بتتلون علي كل لون شوية واديكى شوفتى بنفسك لما خليل دافع عن فلك كانت ملكة فرحانه ازى والضحكه مالية وشها والا انتى مخدتيش بالك وعلي العموم انا بقولك كل دا عشان انتى فعلا صعبانه عليا ومش هاين عليا الذل والاهانه اللي اتعرضتلها قدام الكل شكلك كان زبالة قوى متزعليش منى وانا لوله انى حسيتك زى اختى مكنتش ابدا هنطق او اجي اتكلم معاكى
صدقة نور كلام نورا ولكره ذاد اكتر وقالت
كتر خيرك فعلا اختى اما ملكة فورحمة بابا مش هسيبها والا ههنيها علي حياتها معا سليم زي مخربة حياتى دلوقتي والله اعلم مش بعيد تكون هى اللي خربتها زمان وانا زي الهبلة معرفش وصدقتها
قامت نورا وقربت منها وهى سعيدة لانها قدرة تاثر عليها وتقنعها بمكرها و قالت
طبعا طبعا مش بعيد خالص انتى متعرفيش ملكة زي مش هى بنت عمي بس ياما اذتنى وعملت معايا مصايب كتير وانا عشان صلة الدم استحملتها ولسه بستحملها و بقول كله عند الله بس مهنش عليا اشوفها بتظلمك واقف ساكته لان الساكت عن الحق شيطان اخرس وانا استحالة ابقا شيطان بس كل اللي قولت هولك دا يفضل بينى و بينك ومتقلقيش لو احتاجتنى في اي وقت هتلاقينى جانبك و بدعمك يانور ربنا يعلم حبيتك قوى ازي تعالي في حضني يا حبيبة اختك وربنا يقويكى علي العقربة ملكه وينصرك علي كل اعدائك اللي بيكرهوكى و بيتمنولك الشر يا حبيبة قلبي
خدت نور في حضنها وهى في قمة السعادة عشان قدرة تحرض حد ضدد ملكة اما نور فكان الكره والغدر ملي قلبها وقررت الانتقام من ملكة الاول حتى لو كان الانتقام هيكون بتمن عمرها كله
ـــــــــــــــــــــــــــ تمت
انتقل الى الفصل العاشر
التسميات
روايات