بقلم الكاتبه المبدعه والمتميزة لادو غنيم
ـــــــــــــــــــ
خليل بغضب
واضح انك مجهدى و رجلك مش قادرة تمشي عليها فا هتقولي مالك و الا تحبي انزل تحت و اعرف بنفسي انتى مخبية عنى ايه ووقتها بقا متلوميش غير نفسك يا هانم هاا انطقي ايه اللي حصل متخلنيش اتهور و اعرف بطريفتى لانى لو عرفت انك بتخبي عليا حاجه مش هرحمك و لا هسمى عليكى انتى لحد دلوقتي مشوفتيش قلبتى اللي بجد فمتخلنيش اتحول عليكى و تشوفي النسخه الوسخه منى يالا انطقي يابت مالك فيكى ايه قولي متكدبيش كفياكى كدب لحد كدا انطقي
صوت شخطته اللي كانت في اخر الكلام خلتها ترتعش بخوف و تقولها بعياط
مفيش حاجه انا تعبانة بسبب الظلم اللي فية و معاملتك ليا ... انت اه طيب و جدع بس مبشفش في عنيك غير الكرة ليا و نظره كلها قرف كانى زبالة في حياتك زي ماقولتلي قبل كدا ... هى دي الحقيقة و معنديش حاجه تانية اقولها يا استاذ خليل و بلاش كل شويه تبصلي كدا و تقولي كلام وحش و تحاول تخلينى اقول حاجه محصلتش عشان انا معنديش اكتر من اللي قولته ... لانى مش مسجونه و انت بدافع عنى ... كفاية كدا بجد والله العظيم أنا تعبت و مش مستحملة اي حاجه تانية حرام بجد .... كفايه عليا كدا حتى لو للنهاردة بس
كلامها الغريب مدخلش دماغ خليل و قرر ميجادلهاش اكتر من كدا اكتفي بس بانه يقولها ببرود باين في صوته و ملامحه
فعلاً بشوفك نوع من الزبالة وسخ حياتى,,, نوع حاولت انضفه و لو بنسبه بسيطه بس رافض و حابب يفضل في السلة عاملة زي المجرمين اللي فى القفص بيبقا قدامهم اختيار يبرئوا نفسهم بس خوفهم من حاجه اكبر منهم بتخليهم يقبلوا السكوت و السجن اللي بيقضي عليهم و ميخلهمش يصلحوا للعيشة وسط الناس ابدا و انتى يا فلك كدا بالظبط متختلفيش عنهم في حاجه ابدا هتفضلي طول عمرك كدا مهما عشتى لانك شايفه نفسك متستهليش غير كدا
مشي خليل و دخل الحمام اما هى فحست بوجع شديد في قلبها من كلامه و اتحصرت اكتر لانها مش قادره تتكلم و تقوله الحقيقة و فضلت قعدة مكانها لحد لما خرج من الحمام و كان لابس هدوم النوم بنطلون و تيشرت بالون الاسود و بينشف شعره بالفوطه و لقته بيبصلها و يقولها بامر
قومى هاتلي اكل و كوباية عصير لمون خلينى اروق دمي اللي حرقتية و ياريت متغبيش عشان انا علي اخري منك ... يالا متبصليش كتير قومى انزلي نفذي دا امر مش طلب ياست هانم
من غير تردد قامت و قالت بكل خضوع
حاضر
بصلها بجفاء بس لاحظ انها ماشية بتعرج و مش قادره حرفيا تمشي و باين علي وشها التعب لكنه تجاهل كل دا بسبب سكوتها و قعد يتابع شغلة علي الاب توب اما هى فنزلت و بعد ما عدت نص ساعة مكنتش لسة رجعت فبص خليل للساعه و استغرب كل الوقت دا و قام واتحرك و نزل تحت لحد ما وصل المطبخ و اول ما شغل اللمبه لقاها مغم عليها جنب كبس النور ففتح عنية بصدمه و قرب منها حاول يفوقها بس مستجبتش و كان جسمها صاقع جدا و شاحب فشالها بسرعه و من غير تردد خرج بيها لبره القصر للعربية بتاعته وحطها في الكرسي الخلفي وركب قدام و ساق بيها لاقرب مستشفي
ــــــــــــــــــــــ
كانت الساعة اتناشر بالليل جوة حى السيدة زينب علي القهوة كان قاعد سلطان و بيتكلم مع الحج منصور و الحج سعد في حضور شابين باين عليهم انهم ضاربين بعض و سمرا كانت واقفه في البلكونه بتتفرج عليهم و كان حواليهم ناس كتير واقفه بتشوف اللي هيحصل و كانت بداية الكلام معا الحج منصور اللي بيقول و هو متعصب
زي ماسمعت كدا يا سلطان يابنى محمد ابن سعد عاكس بنتى و دي مش اول مره هو منين ما يشوفها يعاكس فيها و مش سايبها في حالها و لما سالم ابن عمها عرف باللي حصل و شاف الواد بعينة و هو بيعاكسها وضربه قام الحج سعد جاب عيال اخوه و جم كسرو الدكان بتاعنا و دبو خناقه معانا و احنا عشان ناس نعرف الاصول جنالك عشان تحكم بنا بما انك كبير السيدة زينب
كان لسه سلطان هيتكلم بس لقا سعد بيتكلم و بيقول بعصبية
طب بما انك بتقوله اللي حصل مقلتلوش ليه ان ابن اخوك مش بس ضرب ابنى لاء دا كمان سب و لعن في حريم بيتنا و جاب سيرة شرفهم ووسخه بالكلام اللي قاله عنهم و الا انت بتقول اللي علي مزاجك و بس يا منصور مدام بنحكم سلطان نبقا نقول الحق كلة و انا مبقولش ان ابنى مش غلطان لاء غلطان لما عاكس بنتكم بس مكنش عندنا علم بكدا خالص و لما جينا و كسرنا الدكان فده كان بسبب الكلام الوسخ اللي قاله ابن اخوك عن نسوانه وخوضه في شرفهم
في الحظة دي بصلهم سلطان و قال بصوت خشن كلة جدية و ملامح حادة برزت قوة شخصيتة
خلاص خلصنا انا سمعت كل واحد و الغلط راكبكم انتو الاتنين من فوقكم لتحتكم و عيالكم كمان غلطانين و يستهلو ضرب الجزم منكم و عشان الحكم يبقا بالعدل هسال سالم سؤال و عايز اجابة من غير لف ودوران انت يابنى ماشي تعاكس في البت لية ايه متعرفش انه هيتردلك في اهلك
سالم بجدية
بصراحه كدا يا معلم سلطان انا عاكستها كتير لانها شاغله باللي الصراحه يعنى عجبانى
سلطان بضيق خبط علي الطربيزة و قال
و مدام عجباك مدخلتش ليه البيت من بابه و الا البيت مكنلوش مفتاح يا عم سالم حكمى عليكم سالم هيخطب بنتك ياحج منصور و في فترة الخطوبه يحق لبنتك تسيبه لو قل ادبه معاها و طلع راجل مش تمام ... و مش كدا و بس الحج سعد ملزم بتصليح الدكان اللي كسره اما انت بقا يا محمد فهتقوم قدام الخلق دي كلها و هتاخد جزمة الحج سعد و تحطها علي دماغك و تتاسفله قدام اهل السيدة زينب علي خوضك في شرف بناتهم و مش كدا وبس لاء هتدفعله ربع مليون جنية تعويض منك علي وساخة لسانك لان شرف الست مبيتنضفش بفلوس الدنيا اظن انى كدا حكمت بالعدل و الا ايه يا رجالة
في الحظة دي بداو الكل يهتف باسم سلطان و فعلا نفذ محمد الكلام و منصور وسعد نفذو الاوامر اما سمرا فكانت بتبص علي سلطان و منبهره بشخصيته و بقد ايه هو حكيم وراجل جدع و يعتمد عليه اما هو فلاحظ و جودها فشاورها براسه انها تدخل فبتسمتله و دخلت اما هو فبتسم ببساطة و بعدين بص للرجالة و حياهم برجولة
ــــــــــــــــــــــــــ_
اما في سرايا برهان فكان واقف مصدوم قدام السيدة انعام اللى جاتلة و نزل لقاها قعدة و حطه رجل علي رجل و بتبصله من تحت لفوق و بتقوله بكل كبريائها
طبعاً مكنتش تخطر علي بالك ابدا انك تلقينى قدامك او حتى ازورك في يوم من الايام اصلها كبيره عليك قوي مش كدا و الا انا غلطانه يا برهان صحيح اقولك يا برهان و لا يا عزمى ... اناديك باسمك الحقيقي عزمى الاهوجى و الا نسيته و نسيت ايام القهوة و ايام ما كنت فراش بتشتغل عندنا بعشرة جنية في الشهر اظن انك لسه فاكر لان مفيش حد بينسى اصله ولا انا غلطانه و بعدين مالك واقف ليه دا بردو بيتك حتى لو كنت بنيته من فلوسنا اللي سرقتها زمان
قعد برهان بنفس الكبرياء و حاول يبان هادى و مش متاثر بكلامها اللي كان كله حقايق دفنها الماضى و قالها
مظنش انك نزلتى من قصرك و ركبتى عربيتك و جيتى لحد هنا عشان تتكلمى في الماضي و تفتحى في دفاتر اتقفلت من سنين انا عارفك كويس يا انعام مبتوسخيش كعب جزمتك بزيارة حد الا لو كان ليكى عنده مصلحه مهمه قوى اظن كلامى مظبوط و لا انا كبرت و خرفت و بقيت افهمك غلط يا انعام من غير هانم خلاص الروس اتساوت
رغم غضب انعام من طريقة كلامه معاها الا ان هدؤ اعصابها كان اقوي بكتير مما توقع خصوصا لما ابتسمت و قالت
الروس عمرها ما هتتساوي اصل ازاي راس خيل عربي اصيل يساوي ملاين تتساوى براس حمار عديم النسل و الاصل و بيشد الزباله ... بس انت عندك حق انا مبوسخش كعب جزمتى غير لو جاية في شغل و طبعاً انت اكتر واحد يقدر الشغل خصوصا انك بتعشق الفلوس و التلميع اي حاجه يعنى تخليك تحس انك بنى ادم مش مجرد عبد ذليل اصل في ناس مبتقدرش تنسا اصلها و بيفضل عامل زي العمل الاسود في حياتها يا برهان من غير باشا لان عمرك ما كنت باشا
في الحظة دي قدرة تستفز برهان اللي اتعصب و قال و هو بيقوم
من غير كلام كتير
جاية ليه
ابتسمت بتكبر اشد و قالت
اقعد لسه بدري علي فوران دمك انا جيالك بخصوص الانتخابات
قعد برهان و حط رجل علي رجل و ابتسم و قالها
ااه الانتخابات قولي كدا بقا جاية تترجينى انى انسحب من قدام خليل عشان يكسب بس للاسف مش هقدر اوافق لانى مش هسيب الانتخابات ليه مهما عمل ... فريحى نفسك ومكنش في داعى لتوسيخ جزمتك لانى مش هنسحب من الانتخابات مهما عملتى و مهما قدمتى عروض عشان اخلع يا انعام
ابتسمت انعام و قالت
طول عمرك حمار مين قالك انى جيالك عشان تنسحب و تسيب خليل يكسب بالعكس انا عايزاك تستمر و بكل قوتك و انا هدعمك من غير محد يعرف و هساعدك علي انك تكسب خليل و اظن انت عارف كويس انى مبوعدش بحاجه او بقول كلمة غير و انا قدها يا برهان انا عارفه انك مستغرب و شاكك فيا بس كمان عارف انى مش من النوع اللي بيلف و يدور و مبقولش حاجه غير و انا نوياها بجد مهما كان التمن يا برهان اظن دا كلام ميترفضش ابدا يا سيادة النائب القادم
بصلها برهان بصدمه بسبب طلبها الغريب جداً بالنسباله
ـــــــــــــــــــــــــ
علي الطريق في شارع مقطوع كان واقف سليم جنب عربيته واقف بيتكلم مع نورا اللي جاتله و شافة قد ايه هو متعصب و قبل ما تنطق باي كلمة لقتها بيمسك ايدها بقوة و بيقولها
انتى ايه مخك دا في ايه معندكيش ذرة تفكير واحده انا مش فاهم انتى عايزة منى ايه عايزه توصلي لايه مالك و مال ملكة قولتلك الف مره تبعدى عنها مش كفاية اللي حصلها بسببنا ياشيخه انا خلاص زهقت ياما حظرتك و نبهتك و انتى مخك دا مبيستوعبش و مش هتسكتى غير لما تكشفينا للكل ووقتها محدش هينفع حد يا نورا انا خلاص زهقت
كان واضح من كلام سليم ان في اسرار كتير بينهم خصوصا لما نورا شدت ايديها منه بالقوة و قالت بغضب شديد بان في صوتها و ملامحها
انت ايه كل حاجه ملكه ملكه ايه مفيش حاجه اسمها نورا خالص عايز بجد منى ايه ...كل دا عشان بحبك و عايزه بقا الزفته دي تغور من حياتنا و ياما قولتلك كدا بس انت اللي كل مره تقولي مينفعش و استنى شويه و بكرا هتزهق لوحدها و تطلق من غير مالشغل اللي بنا و بين عالتها يتاذي و بعد كل دا جاي تزعق معايا و تقولي كفاية اللي عملنا فيها هو احنا كنا عملنا ايه انا مش فاهمه كل اللي حصلها كان مجرد حادثة غصب عننا مكناش قاصدين انها تتاذي و انت عارف كدا كويس فبلاش بقا كل شويه تفكرنى بالموضوع دا كانى المذنبه الوحيدة يا سليم لان انت مذنب معايا و يمكن اكتر منى ولا انت نسيت ان انت اللي اتفقت معا الواد اياه و يكون في علمك انا مش هسيبك ليها كفاية بقا كل السنين دي هي اللي مراتك و انا مجرد سكرتيره ملهاش اي لازمه و انت دايما تهتم بيها قدامى و تجرح مشاعري كانك مش بتحبنى خالص فين كلامك و فين وعودك ليا يا سليم فين الحب اللي كان بيخرج من عيونك ليا ايه خلاص عايز تنسا كل دا عشان الهانم اكيد اشتكتلك و يعالم قالتلك ايه عليا
في الحظة دي وضحت بعض الاسرار اللي كانت بردو متخبيه بشوية غبار مظهرش كل حقيقتها اما سليم فخبط علي العربية بكل قوته و اتملت عنيه بالدموع و قال بعصبية كلها غضب خلت نورا تترعش من الخوف و تبعد لورا'
خلاص بقا خلاص انا بكره السيرة دي بكره الحظة اللي بتفكر فيها اليوم المشئوم دا بكره الحظة اللي قولتلك فيها انى بحبك بكره نفسي و بكره صوتى اللي اتفق بكره عينى اللي دورت و جابت بكره نفسي اللي خططت و قابلة انها تعمل في ملكه كدا و النتيجه كانت ايه كل حاجه ادمرة كل حاجه عبارة عن اسرار لو اتكشفت حياتى كلها هتتهد عليا و انتى مش مبطلة غباء و عناد و فيها و ناسيه اننا دمرنها كل دا بسببنا و انتى عايزه تعشيلي في دور المظلومه اللي الدنيا جات عليها بس خلاص كفايه بقا الحد كدا حسك عينك تقربي من ملكه كفاية الحد كدا كفاية بقا
في الحظة دي فتح سليم باب عربيته وركبها و ساق علب اعلي سرعه اما ملكه فكانت بصه بصدمه كلها عياط و غضب و بتقول
انسا انى اسيبك ليها يوم ما تفكر تسبنى ههد كل حاجه علي دماغك يا حبيبي
كان واضح من طريقة نورا انها مش بتهدد لاء دي حقيقه هتعملها لو فعلاً اتخلي عنها بس ايه هى الاسرار اللي بينها هى و سليم و ممكن تدمر علاقة نهائيا بملكه
ــــــــــــــــــ'
اما في القصر فكانت قعدة ملكه و بتعيط في حضن داليدا اللي بتقولها و بتحاول تهون عليها
طب اهدى و متزعليش انا عارفه انك بتقولي الحقيقة و مصدقه كل كلمة بتقوليها يا حبييتي مفيش داعي انك تحلفي او حتى تحاولي تثبتيلي حاجه انا عرفاكى كويس يا ملكه و مش مضطرة تقدميلي اثبتات عشان اقتنع باي حاجه بتقوليها اهدى بس و هنحل كل حاجه سوا
خرجت ملكه من حضنها و مسكت الصور اللي لقتها فعلا لسه متحرقتش و كانت مصدومه و كلها دموع و بتقول
انا مش فاهمه ازي الصور موجوده و الله العظيم حرقتها قدامى و قالت انها بتحبه يا داليدا انا مش مجنونه المصيبة ان سليم مش عايز يصدقنى ابدا مفكرنى اتجننت و بتوهم كلام مش بيحصل بقا انا كدا خلاص بقيت مجنونه و سليم حبيبي و شريك عمري مش مقتنع بيا و بيدافع عن نورا قدامى دا غير انعام هانم و معاملتها اللي بقت زفت ليا انا بجد مش فاهمه انا ليه بيحصلي كل دا مش كفاية انى اتحرمت من انى ابقا ام انا بجد صعبان عليا نفسي قوي صعبان عليا نفسي يا داليدا انا مستهلش كل اللي بيحصل فيا دا انا عمري ما اذيت حد والله عمري
حست داليدا بظلم ملكه فخدتها في حضنها تانى و طبطبت عليها و قالتلها بهدو و حكمة
انتى مش وحشة و محبوبة عند ربنا ربنا لما بيحب حد قوي بيبتليه و انتى مبتليه يعنى ربنا بيحبك يا عبيطة دي مش حاجه وحشه دي نعمه احمدى ربنا عليها المبتلين ليهم باب مخصص في الجنه بيدخله منه و كل البشر بيبقوا بيحسدوهم عليه يا حبييتي اما بقا بالنسبة لتيته فهى بقت عصبية من ساعة ما خليل ما تجوز فلك و خالف قرارتها و مبقتش تعاملك انتى لوحدك كدا وحش لاء بتعامل الكل بالطريقة دي هى بتحبك جدا و كلنا عارفين كدا كويس اما نورا فواضح من كلامك انها مش ساهله خالص و قادرة تخدع الكل بطريقتها ووش الطيبة اللي لبساه بس كل دي حاجات تخليكى تتمسكى اكتر بسليم و بانك متستسلميش و تحاولى تظهري حقيقتها ليهم في اسرع وقت يا ملكه و انا هبقا معاكى و هساعدك في اي حاجه تطلبيها منى ربنا عالم انى بعتبرك فعلا اختى و مثلي الاعلي في القوة و انا محبش اشوفك ضعيفه و مهزمه كدا مهما حصل خليكى دايما قويه يا حبييتي زي متعودنا كلنا نشوفك لانى الضعف و العياط مش هيفيدوكى في اي حاجه صدقني
خرجت ملكه من حضنها و مسحت دموعها و بان ان كلام داليدا جاب معاها نتيجه و قامت و بكل صمود و كبرياء قالت
عندك حق العياط و الضعف مش هيفيدنى في اي حاجه عندك حق لازم افضل قويه واقف قدامهم و اثبت كل كلمه قولته و اظهر حقيقة نورا قدامهم كلهم مهما كلفنى الموضوع كفاية الحد كدا بقا لعب عليا كل حاجه هتبان و قريب قوي
بصت ملكه لداليدا اللي شافت جوة عين ملكه الاسرار في انها هتكشف الحقيقه في اقرب وقت جاي
ــــــــــــــــــــ
انعام بجدية
اظن دا كلاك ميترفضش ابدا يا سيادة النائب القادم
بصلها برهان بصدمه بسبب طلبها الغريب جداً بالنسباله و حس ان الموضوع ورا سر كبير قوي ودا اللي خله يسالها بستغراب شديد
انا مش مصدق اللي بسمعه بقولك ايه من غير لف و دوران هاتى من الاخر و قوليلي ايه هدفك من الكلام اللي قولتى دا لو فعلا بتقولي الحقيقه و مش بتحاولي تخدعينى و توقعينى في شبكه جديده من شبك العابك يا انعام يا نعمان انا عارفك كويس هاتي من الاخر و قولي ايه هدفك من كل الكلام و العروض اللي عرضتيها دي عشان اجي معاكى علي الخط
اتنهدة انعام و بصتله و بكل هدو و جفاء قالت و هى بتفتكر طريقة كلام خليل معاها و تحديها لي قدام كل اهل القصر و قالت
عايزه اكسر نفس خليل باي تمن و مفيش افضل من ان الانتخابات يخسرها علي ايديك اظن كلامى واضج جدا و مفيش صراحه اصدق من كدا هتسالنى طبعا ليه عايزه اعمل معاه كدا خصوصا انه اهم حفيد في العائلة و الكبير هقولك لان مفيش كبير ببصمة عار مفيش كبير بيخالف اوامر المصلحه و يتمسك بمصلحته الشخصية مفيش كبير يقف قدامى و يقلل من حكمتى و يشكك في قدراتى اظن دى كلها حاجات تستحق انى اسحب البساط من تحت رجلية عشان يقع علي دماغه و يفوق من الغيبوبو اللي فيها و يرجع لعقله مره تانيه يا برهان و الا انت ايه رايك
كلامها كان صدمه بالنسبة لبرهان و اتاكد انها مبيهمهاش اي حد غير مصلحتها و مصلحة العائلة حتى لو كان علي حساب احفادها فقالها بكبرياء و برود
فعلا ملكة العقل مفيش افضل من ان الواحد يفكر في مصلحة عايلته كلها مش مصلحة فرد واحد انا طبعا مقدر اللي بتقوليه و موافق علي كل حرف قولتيه بس خليل بقا لما يعرف انك حطيتى ايدك في ايدي ضدده متخيلتيش رد فعله هيبقي ايه مظنش انه هيسكت و يتقبل الموضوع بالعكس دا هيثر اكتر انه يكسب و هيحاربنا بقوة اكبر و الا انا غلطان
انعام بجدية
لاء مش غلطان معاك حق طبعا خليل عندي و لو شم خبر مش هيسكت و هيكسب حتى لو كان فيها موته عشان كدا هنشغله شوية ودا بقا هيبقا التمن اللي هتدفعه انت عشان تكسب يا برهان ما انت لازم تعرف انى مبعملش حاجه ببلاش لحد انت عارف كدا كويس انا جمعية خيرية
بصلها برهان ببتسامه خبيثة و قالها
كنت عارف ان ليكى طلب غير جو المصلحه تمام قولي اوامرك و اعتبربها حصلت و اتنفذت من دلوقتي يا انعام هانم مش انعام حاف
ابتسمت انعام و قالت بكل كراهية
فلك اظن انت عارفها كويس البنت دي تتخطف باي طريقة من القصر و مش كدا و بس دي تقدمها هدية لرجلتك يعملوا معاها احلة شغل و مش كدا و بس دي تتصور باحدث كاميرا عايزها منوره في الفيديو عايزاها تبقا تراند يا برهان مش عايزه بيت في مصر ميشوفهاش بس طبعا تبان انها بتعمل كدا بمزاجها معا رجالتك و شاهد قبل الحذف فلك معا الذئاب واهلنا باليكات
ختمت كلامها ببتسامة شيطانيه خلت برهان في حالة صدمه حقيقة من اللي بيسمعه بس ياتره هيبقا رد فعل برهان ايه هيوافق فعلاً و الا هيبقاله كلام تانى
ــــــــــــــــــ نهاية الحلقه
انتقل الى الفصل الثالث عشر