بقلم الكاتبه المبدعه والمتميزة لادو غنيم
ـــــــــــــــــــ
في اوضة خليل بعد مطلع من تحت هو وفلك فضل واقف في البلكونه مبيكلمهاش اما هى فكان الفضول هيقتلها لانها مكنتش فاهمه سبب سكوته الغريب وداه اللي خلاها تقوم من علي سريرها وتقرب منه وتسالة بستغراب وهى بتترعش بالكلام
استاذ خليل انت هتفضل ساكت كدا كتير من ساعة مطلعنا وانت مقولتش اي حاجه خالص
بصلها بطرف عينه لورا بكل برود وقالها
عايزانى اقولك ايه
استغربت كلامه وقالت
اي حاجه انا قولت انك لما هتطلع هتبهدلنى عشان مشيت من وراك و معملتلكش حساب
كان خليل جواه بركان بيغلي من كل اللي بيحصل حولية ومنها هى مخصوص بسبب غبائها وعدم سماعنها لكلامة و تحذيره ليها الدايم فدخل من البكلونه وفضل يقرب منها بخطوات راسيه جدا ووقف قدامها وعقد ايديها امام صدره و بكل برود تانى قالها
يعنى انتى عارفه انك عملتى عاملة شنيعه من غير مترجعيلي ولازم تتعاقبى عليها مش كدا
قلقت منه وارتبكت وقالت
لاء انا مقولتش كدا
في الحظة دي مقدرش خليل يسيطر علي اعصابة والا علي غضبة ومسكها بقوة من دراعتها وقال بصوت عالي هز جسمها كلة
اومال قولتى ايه الهانم شايفة نفسها مش غلطانه يالا قولى شايفه نفسك ايه خرجتى من القصر يوم فرحنا وكنتى هدبسينى في موقف زبالة قدام الكل خلتينى اتجبر علي طلب جدتى واتجوز واحدة مش بطيقها وكل دا عشان انقذ شكلى قدام الصحافة والعالم اللي كانت هنا خلتينى احس لاول مرة في حياتى انى مليش كلمة وواحدة ست بتقررلي حتى لو كانت جدتى خليتى شكلى زبالة قدام العائلة وعيال عمى اللي لقوا مراتى سابتنى ومشيت بامر من جدتى و كانى مش جوزك والا ليا حكم عليكى لاء وكمان لما حاولت ارجعك عشتيلي في دور الغلبانه المسكينة اللي عايزة تطلق عشان ايه ترحمنى من العار بتاعها لانها شايفه انى استحق زوجه احسن منها طب مدام الموضوع كدا و شاغلك شكلى قوى قدام الناس لية من الاول مقولتيش الحقيقة لية مقولتيش انك كنتى متجوزة غيري و كنتى فعلا هتصلحى موقف بس طبعا لاء ازى الهانم تضيع فرصة العمر بجوازها منى تصدقي باللي خلقك انك متسويش عندى اي حاجة رباط الجزمة بتاعى اغلي منك و قيمته اكبر منك انتى متلزمنيش خليكى عارفه دا كويس و اوعى يخونك تفكيرك انى ممكن احبك او حتى اعجب بيكى لانك ملكيش قيمة عندى
حدفها بعيد عنها و هى منهارة من العياط كلامة ليها رغم ان كل حقيقة هى عارفها من الاول الا انها صعب عليها نفسها قوى و حست بالكسرة اكتر من الاول بس رغم كدا قربت منه و هى كلها وجع و سالتة بحزن
مدام حضرتك شايف رباط جزمتك اغلي منى ليه مصمم تكمل معايا ليه عايزنى افضل مراتك انا مش فاهمه حاجه لية جات خدتنى من البلد كنت سبت قريبك يخلص عليا ليه رديتلي كرامتى تحت قدامهم ولية هنا طالع بتقتل اخر ذرة كرامة فيا
بصلها خليل بكل تقيل وقرب منها اكتر و قال ببرود زي برود اصقع لليلة في الشتاء
انا مكنتش برد كرامتك انتى انا كنت برد كرامتى انا قدامهم و لازم تبقي فاهمه حاجه واحدة ان وجودك هنا مش هيدوم تخلص بس الانتخابات و اظبط اموري و بعدين هتشوفى انا هخلص من وجودك ازي و من هنا للانتخابات مش عايز ذرة غباء عشان قسما باللي خلقك ما هرحمك المرادى اظن كلامى واضح
هددها خليل ورجع وقف في البلكونه اما هى فقعدة علي السرير و فضلت تعيط بحصرة وصوت مكتوم من كتر وجع قلبها
ــــــــــــــــــــــــــــــــ
اما في اوضة الجدة انعام فكانت في كامل عصبيتها و غضبها و بتتكلم معا مهدى علي التلفون و هى بتقولة بغضب
بقا هو دا اتفقنا يا مهدى تسيبة يرجع بيها لاء و تكلمنى و تقولى اطمنى دا طلقها و انا اللي هحاسبها وتاريها اصلا جايبها معاه من ورا علمك و انت زي الخروف و انا اللي كنت مفكرة نفسي معتمدة علي راجل اتريك عيل صغير
رغم ضيقة مهدى من كلامها و تقللها منه الا انه احترم سنها و قال بتوعد
بلاش كلام ملوش لازمة يا مرات جدى انا قولتلك اللي شوفته و مكنتش متوقع من خليل انه يعمل حيلة عشان ياخدها من هنا فبلاش كلام زى السم كدا و انتى عارفه كويس مين هو مهدى و يقدر يعمل ايه و الا مكنتيش هتبعتيها ليا عشان اادب هالك
انعام بغضب
تادب ايه و تنيل ايه دي مكملتش عندك يوم و جه خليل جابها من وسط بيتك و رجالتك و انت كمان و محدش قدر يكشف لعبته و عايزنى اسمى عليك و مقولش كلام زي السم اسمع يا مهدى البت دى تاخدها باي طريقها تخطفها بقا تقتلها جوة القصر المهم متعش تانى و اظن انت عارف كويس تقدر تعمل كدا ازى
استغرب مهدى من كلامها و مدا كراهيتها لفلك و قال بجدية
اقتلها جوة القصر للدرجادى مش طيقاها لية كل دا انا كنت مفكر عشان اللي حكيتى هولى بس شكل كدا الموضوع اكبر و بعدين حد قالك عنى قتال قتلة انا كل اللي بعملة بهدد بطين عيشت اللي يضايقنا اموتة من الخوف و القلق انما اقبض روح لاء انا مهما كان عمدة و موسخش ايدي بدم حد و لو عايزانى اخطفها مفيش مشكله بس خليل هيدور عليها و هيلاقيها تاهى تقدري بقا وقتها تقوليلي هنعمل ايه ايه هنفضل ناخدها منه و هو يرجعها
اتغاظت الجدة من كلامه و اسلوبه معاها و حست انه بيستهون بالموضوع ودا اللي خلاها تثور عليه و تقولة بكامل غضبها
مهدى اوعا لنفسك و افتكر انك بتكلم كبيرة عائلة النعمان ورحمة النعمان الكبير كلمة استهانه ذيادة و انت عارف كويس ممكن اعمل معاك ايه و انا لما بقول حاجه تتنفذ مفهاش نقاش و العمودية اللي خايف عليها قوى دي مجتش غير بزرعي ليكم هناك و تقويتك بالنفوذ اللي خلت الكل يبقاله صيت و اسم من زمان قوى والا انت مفكر ان جدك كان ليه شان هناك لاء جدك كان خارج عن العائلة منفي بامر من والدة و انا اللي ساعدته و خليت نفوذنا تساعده و تكبره من غير ما والدة ميعرف فبلاش بقا تخلينى اهد كل حاجه علي دماغكم كلكم و كلامى يتنفذ فلك تغور من هنا باي شكل من الاشكال و لو دا محصلش اعتبر جزر العائلة في الصعيد اتهد من دلوقتي و من غير سلام
قفلت الجدة انعام و هى ناوية علي الانتقام باي شكل من الاشكال اما مهدى فكان في حالة صدمة و ارتباك من كل اللي سامعه و مكنش عارف ايه الحل الصح يخطف فلك و ينفذ كلام الجدة و الا يشوف خطة تانية متسببلهوش مشاكل معا الحكومة و خليل
ـــــــــــــــــــــــ
و عدا الليل وجه النهار جوة مكتب خليل في الشركة كان قاعد معا سليم و فجاه لقا
برهان المحمدى داخل عليهم المكتب و قعد و حط رجل علي رجل و بكل برود بصلهم و قال
ملقيش عندكم شوية بن اصل البن اللي عندى مش بيعجبنى فقولت اجي اخد معاكم فنجال قهوة من البن المخصوص بتاع حافظ اللة يرحمه
بص سليم لخليل و لقاه ملامح وشة في قمة الغضب فبص بسرعه لبرهان و قال بجفاء
وجود مش مرحب بيه فمن غير كلام كتير ملوش اي تلاتين لازمه تاخدها كدا من سكات و تخرج احنا مش فضيالك
بص برهان لخليل و ابتسم و بكل بجاحة قال
مش فضيلي ليه ايه سيادة النائب معملش دخلة و الا العروسة موافقتش يقرب منها اصلها اكيد مش بتتكسف دى بردك قضت تلت ليالي دخل قبل كدا بس سيبك انت الدخلة عندك اكيد هتبقا مختلفه و ليها قيمة صحيح يابن حافظ كنت محضرلك هدية فرحك بس بصراحه كدا جدتك سبقتنى و قدمتلك نور الحب القديم انا بصراحة اتصدمت لما شوفت اللي بيحصل و قولت هو حظك وحش قوي كدا ليه مبتتجوزش غير النسوان اللي قضتها معا رجالة غيرك بس مش مهم انت بردو غير بس دا ما يمنعض ان هديتك محفوظة و بدل الهدية اتنين و متاكد انهم هيعجبوك قوى
في الحظة دي كان جوة خليل بركان حرفيا بيغلي بسبب كلامه الجارح لكرامته و رجولته ودا اللي خله سليم يلحق الموقف قبل ما يتهور خليل و قال بحدة و هو بيخبط علي المكتب
الحد كدا و كفاية سبق و قولتلك وجودك هنا ملوش اي لازمه انت ايه معندكش كرامه ما تغور متخليش الواحد يتهور احترم سنك متخلناش نهينك في مكتبنا زي مكان اهلنا بيعملوا معاك زمان يا برهان و يالا اتقضل من هنا بدل ما الامن ياجو يخرجوك و ناخدلك صورة حلوة و انت بتتطرد و تبقا ترند
مهمش برهان الكلام و ضحك و قال بكل بجاحة مرة تانيه
تاخدولي صوري و الامن بيطردنى طب و الله ياريت عشان استخدمها و اعملكم قضية بيها و بعدين اهلكم دول اللي بتتكلمه عنهم مكنوش يستجروا يطردونى عارفين ليه لانى كنت العفريت اللي بقضلهم كل مصالحهم و الاهم بقا انى مش اقل من اي حد فيكم لانكم اقل منى بكتير قوى علي الاقل انا متجوزتش واحدة اتجوزت بدالي تلاته و كانت زي العربية بيشتريها اي سواق معفن بيدفع اكتر و الا اتجوزت واحدة باعتنى و اترمت في حضن راجل غيري دا كلة ميثبتش انى احسن منكم و منك انت مخصوص يابن حافظ و الا انتو بتمشوا الامور علي هواكم تقبلوا اللي تقبلوه و ترفضه اللي ترفضوه
سليم بضيق وقف و قال
انت راجل مش محترم و لولة اننا متربين كويس كنا ردينا عليك بوساخة اللسان اللي تفهمها و يالا غور من هنا بدل ورحمة ابويها ما هسمى عليك
بص برهان لخليل و بذات الابتسامة قال
يعنى من ساعة مدخلت مسمعتش صوت العريس ايه العرايس كلوا لسانك من ورا وساختهم و الا الصدمة مقصره عليك بس ابن عمك عنده حق انا فعلا لازم امشي من هنا كفاية اللي انت فيه انت مهما كان ابن مراتى الغالية و يعز عليا اشوفك مكسور كدا بس بردك الهدايا هتوصلك يا عريسنا
قام برهان عشان يمشي بس لقا خليل خبط علي المكتب و بكل غضب وصوت خش حرك جدران المكتب قال
لما تبقا قاعد قدام خليل النعمان مش مسمحلك تخرج غير باذنى و الا تحب اقوم أعلمك الخدم اللي زيك بيعملوا بشواتهم ازي ياسطا برهان يا اهوجى
في الحظة دي لف برهان و بص لخليل بكل غضب و بعض الخوف اتملك قلبة خصوصا لما قام خليل و قرب منه ووقف قدامه و قال يصوت خشن كلة برود و ملامح مرعبة تموت
انا سبتك قولت العفن اللي مالي مخك و قلبك سبتك تخرج شماتك و كرهكك بكلام وسخ زيك بس سكوتى مكنش معنا كسرة عين و الا كرامه لاء انا سكوت كان عشان اخليك تجيب كل عفنتك دفعه واحدة عشان الرد يبقا مرة واحدة
اتهز برهان لثوانى من نظرات خليل ولف وشة ودا اللي خله خليل يبتسم برعب اكتر و يبصله جوة عنية و يكمل كلامه بكبرياء ونفس النبره المخيفه و الملامح المرعبة
لاء متلفليش وشك زي النسوان اللي انت تعرفهم كويس النسوان اللي عنيها مكسورة ايه اللي حصل مانت كنت لسة راجل ايوة صح انت حبتين الشجاعه اللي كنت واخدهم فجاه خلصوا و حسيت انك مره في نفسك و مش قادر ترفع عينك فيا بس تمام كدا احسن الكلام لما بيتقال لواحدة بياثر و بيكسر اكتر بص بقا يا برهان الكلام اللي قولته دا ميلزمنيش و ميهزش شعره واحدة منى و الا يجرح كرامتى و الا كبريائي عارف ليه لان ارجل من اهلك و حريم اشرف منك و من عائلتك و ملكش داخل اذا كانوا متجوزين غيري و الا لاء انت مش ربهم اللي هتحاسبهم و الا القاضي اللي هيصدر حكمه عليهم و يفضلوا معايا او ميفضلوش دا قراري لما اجى اشكيلك همى ابقا جرح براحتك انما غير كدا مقامك تحت رجلي و كلام النسوان اللي هديت بيه نارك بلوه و اشرب ميته من اقربها مصورة مجاري اما بقا امى فهى متلومنيش ماتت بالنسبالي اما بقا الهداية بتاعتك فخلي هالك يمكن تهديك شوية بس انا بقا محضرلك هدية هتوصلك بكرا اوعدك انك هتخليك تصقفلي و مش بعيد تقف تضربلي تحية سلام كمان و دلوقتي بقا احب اقولك اخرج مكانك مش هنا مش مرحب بيك يا برهان مش قادر اقولك يابيه لان البهوية مبهوئه عليك قوى الواحد مبيشترهاش زي مانت ما عملت انت مجرد اهوجى لا روحت و الا جات اصغرها عيل في عائلة النعمان برقبة مليون من صنفك ااه و يكون في علمك المبارة بنا لسه بتبدا و اوعدك ان في اخر المتش هكون مفنشك و مدخل فيك بدل الجون مية مبقاش انا خليل ابن حافظ ان مخليتك تقعد تعيط علي جنب و تشكى همك للنسوان و تقول يارتنى مكنت جات علي سكتك يابن حافظ و اظن انت عارف كوس ان كلمتى سيف مبتنزلش من علي رقبتى لو فيها موتى
نظرات التوعد كانت زي السهام بتخرج من خليل اما برهان فكان غضبه ذاد و حس بقلة كرامته وانها اتهان جامد فخرج من غير مايقول اي كلامه اما سليم فقرب من خليل وطبطب علي كتفه و قاله بكل هدوا
عاش يابن حافظ خدت حقك منه بمعلمه معا ان كلامه كان بيدبح بس ردك علية جز رقبته خالص عاش بجد انا هطلبلك كوباية قهوة بالزعفران تهدى بيها اعصابك و انا هروح اكمل الشغل
مشي سليم اما خليل فتحولة ملامحه للغضب الشديد و افتكر كلام برهان المهين ليه و قرب من لوحة زجاج في الحيطة و خبطها بكل قوته بايده اليمين فنزلت متكسرة اما ايدة فتجرحت جرح عميق بس مكنش زي جرح قلبه اللي خله يلهث بغضب عمره محس بيه قبل كدا
ــــــــــــــــــــــــــــــــــ
اما جوة القصر فكانت واقفه ملكة في ممر الغرف بتتكلم معا نورا و بتقولها ببرود
انتى ايه معندكيش دم مكفكيش اللي حصلك و التقليل اللي عمل هولك خليل و اعتذارلك ليا فبلاش بقا بردو و غوري من هنا بدل ما اخرجك بطريقتى انا سكتالك بس عشان كلمة خليل و انا مش من النوع اللي ممكن يكسر كلمته
ضحكت نورا بكل برود و هى مش هاممها اي كلام اتقال و قالتلها
كلمة خليل الله اكبر علي كلمته لاء و انتى مؤدبة و بتسمعى الكلام بقولك ايه يا ملكة مشى من هنا مش همشي لو فيها موتى و يكون في علمك كلها شوية و انتي اللي هتخرجى و انا مش هاخد بس مكانك في القصر لاء و كمان مكانك في قلوب الكل و اهم حاجه قلب سليم حبيبي
قربت منها ملكة و مسكتها بغضب من دراعها و قالت بضيق
دا بعينك علي جثتى انك تبقي مكانى و انت عارفه كدا كويس و عارفه انا اقدر اعمل فيكى ايه و سيباكى بس احتراما للناس اللي هنا عشان محدش يقول عنى بكسر كلمة الكبير انما ورحمة بابا لو مامشيتى بمزاجك و بهدو هكون مخرجاكى بالقوة و رمياكى في الشارع و انتى عارفة كدا كويس قوى
في الحظة دي كانت جاية الجدة فمثلت نورا العياط و قالت بمكر
حرام عليكى انتى ليه بتكرهينى كدا هو انا مش بنت عمك عايزه افخم وجودى هنا مزعلك في ايه انا بعتبرك زي اختى حرام عليكى القسوة دي و لو مش، طيقانى في القصر اللي هو بيتك انا همشي حاضر هروح حالا احضر شنطتى و امشي يا ملكة اهم حاجه انك متزعليش منى انا مليش غيرك في الدنيا
وقفت الجدة وسطيهم ففهمت ملكة سبب رد فعل نورا الغريب اما الجدة فبعد ماسمعت كلام نورا وقفت و قالت بضيق
ايه اللي بسمعه دا يعنى ايه هتمشي يا نورا القصر دا بتاعى انا و لو في حد مش عاجبة و جودك يقدر هو اللي يمشي اظن كلامى و اضح
نورا بمكر
لاء يا انعام هانم البيت بيتكم انتو و ملكة انما انا مليش مكان وسطيكم ووجودى مضايق ملكة و انا مش عايزة اضايقها باي طريقة عشان كدا لازم امشي
ملكة بغضب
ياريت تنفذي كلامك و تمشي مش مرحب بيكى اكتر من كدا في القصر يا نورا اظن الكلام دا سمعته قبل كدا بدل المرة عشرة
بصت الجدة لملكة بغضب و قالت
انتى ايه كان القصر باسمك عشان تقولي مين اللي يقعد فيه و مين اللي ميقعدش انتى هنا زيك زي اي واحده ملكيش كلمه الكلمة هنا كلمتى وبس و انا قولتها كلمة و مش هتنزل لو مش عجبك وجود نورا تقدري تمشي ودا اخر كلام ومسمعش كلمة تانية في الموضوع دا القصر خلاص من كتر المصايب اللي بقت فيه الواحد مبقاش عارف يحل ايه و الا ايه جاتكم القرف عدمين المنفعه يالا روحوا شوفوا وراكم ايه كفاية بقا انا بقيت علي اخري من الكل خصوصا منك انتى يا ملكة مبقتيش عاملة حساب لاي حد بس ورحمة النعمان اي تصرف منك مش هيعجبنى هتشوفي رد فعل مكنتيش تتخيله حتى في احلامك
مشيت الجدة اما نورا فبصت لملكة بشماته و قالت ببتسامه
شوفتى بقا مين فينا اللي مش مرحب بيها فب القصر يا ملكة ياريت بقا تخلي عندك دم و تمشي من هنا بدل ما تلاقي الجدة بتطردك قريب قوى علي ايدي ان شاء الله يابنت عمى
مشيت نورا و هى عمالة تضحك اما ملكة فكانت مصدومة من كل اللي حصل
ـــــــــــــــــــــــ
بعد تلت ساعات في مكتب برهان كان قاعد و بيبص علي عماد اللي بعت جابة و بيقولة
طبعا انت مستغرب انا مين و جايبك هنا ليه صح كدا و الا انت نبية و بتعرفها لوحدك
ابتسم عماد بمكر و قال
فاهم ياباشا طبعا عارفك برهان بيه المترشح عندنا ضدد خليل اللي اتجوز اختى اللي موضوع جوزتها معروف عند الكل و اكيد جايبنى عشان تستغلنى في توقيع خليل باشا صح كدا
ضحك برهان و قال
صح انت نبية قوى بس مش دا اللي انا عايزك فيه بالظبط انا عايز ابعتك في زيارة لاختك تسلم عليها و تشوف اخبارها و تشرفها قدام نسايبكم والا انا غلطان
كان عماد فاهم ان برهان بيستغله لتقليل خليل فبتسم بوضاعه و قاله
طبعا ياباشا بس مش الزيارة محتاجه بردو لشوية فلوس والا انت عايزنى اروح لاختى بايدى فاضيه ودول طبعا مش اي حد دول عايلة غنية يعنى الهدية لازم تكون غالية و انا بصراحه كدا ممعيش تمن الهدية
ضحك برهان لانه فهم معنا كلام عماد و قاله
بس كدا طبعا عندك حق لو علي الهدية هديك عشر بواكى قبلها و عشرة بعدها ايه رايك مرضي كدا يا عماد والا تحب تذود قيمة الهدية
عماد بجشع
عشرة ايه بس ياباشا دول ميجبوش علبة جاتوة محترمة تليق بيهم خليهم عشرين قبل و عشرين بعد
برهان بجدية
بس كدا اعتبرو حصل بس و انت بتزوها هديك جهاز كدا صغير تحطه في اوضة اختك من غير محد يشوفك تحوطة في مكان مش متشاف خليك ناصح كدا و لو عملت كدا هديك في العشرين خمسين و هيبقا بنا مصالح تانية كتير
فرح عماد و ابتسم بجشع و قالة
اعتبرو حصل يا كبير انا رقبتى سدادة انا مسمينى عماد المخلص عشان بخلص اي مصلحة علي اكمل وجه و باقصي سرعه و باحسن اداء و ساعتك هتشوف دا بعنيك انا خدام القرش و اللي بيدفع القرش المحترم ياباشا و انت شكلك محترم
طلع برهان الفلوس من الدرح وحدف هومله فخدهم اما برهان فبتسم و قاله
و انا بحب العيل المخلص الفالح اللي ينفذ اللي بيطلب منه علي اكمل وجه من غير غباء ولو عملت اللي طلبته منك اعتبر طاقة القدر اتفتحلك باب علي بابا اتفتحلك هعيشك في نعيم انما بقا لو اتغابيت فمش هتشوف غير الفقر ولحس التراب
خد عماد الفلوس و قال بجشع
وانا مبكرهش اكتر من الفقر ياياشا اعتبرني من النهارده الفانوس السحري بتاعك و طلباتك كلها مجابة سلام ياباشا
مشي عماد بعد مخد الجهاز من برهان اللي ابتسم بمكر شديد و كره.وقال
اشرب بقا يابن حافظ من الحظة دى انت تحت رجلى
ــــــــــــــــــ تمت
انتقل الى الفصل الحادى عشر