البلطجية والظابط مربى الاسود

بقلم الكاتبه المبدعه والمتميزة فاتن فتحى

تبدأ قصتنا

عند بطلتنا رقيه الشهيره بي روكا كانت قاعده في التاكسي ولابسه لبس شبه بتاع الرجاله وكانت رافعه شعرها لفوق وكانت بتقول

روكا: اي يسطا هتاخد كام بقولك اي متغليش عليا ماشي

السواق: هما 200ج انا جايبك من محطة القطر لحد الحديقه يعني المفروض اخد 250 بس انا كرمتك

روكا بغضب: 200 اي 200 عفريت لما ينططوك يا بعيد هما 100ج انا مش دافعه غيرهم

السواق بغضب: 100ج اي يا انسه ده مشوار بقولك كارمك

اول ما روكا سمعت كده نزلت من التاكسي والسواق نزل وراها و وقف قدامها وبص بغضب وقال

السواق: بقولك اي يا انسه انتي نازله راحه فين مش هتمشي من هنا غير لما تدفعي ال 250ج مش 200

روكا اول ما سمعت كده ضربته على قفاه ومسكته من قفاه وبصتله بغضب وقالت

روكا بغضب: ادفع اي يا نصاب يا حرامي لا مش دافعه غير ال100ج واللي عندك اعمله

في اللحظه دي الناس اتلمت وقعدوا يتفرجوا على الخناقه

السواق: يا انسه حرام عليكي لميتي علينا الناس وهتقطعي عيشي كده

روكا بغضب: ماليش فيه تستاهل عشان انت حرامي ونصاب

في اللحظه دي اتكلم راجل من اللي كانوا واقفين وقال

الراجل: ماهو انتم لو محلتوهاش هنتضطر نروح القسم عشان مينفعش الفضايح دي

روكا: حلو اوي وانا بحب الاقسام يلا بينا على القسم عشان الراجل النصاب ده يعرف غلطه

السواق: حسبي الله ونعم الوكيل مش هقول غير كده

وبعد وقت

كانوا وصلوا روكا والسواق القسم وكانوا واقفين قدام بطلنا اسد اللي كان بيبصلهم بغضب اوي لما عرف الحكايه

اسد بغضب: بقى عشان 150ج تعملوا ده كله ده اي التفاهه دي انا مش عارف

روكا بغضب: ماهو بالنسبالك انت 150ج سهله عشان انت معاك فلوس لكن في ناس تانيه معهاش والسواقين دول استغلالين مشوار من المحطه لحد الحديقه ياخد 250ج ليه يعني

السواق: حقي والله يا حضرة الظابط ال 250ج دول

روكا بغضب: كداب يا حضرة الظابط مش حقه هو حقه ال 100ج بس

وكان لسه السواق هيتكلم لكن اسد اتكلم بغضب وقال

اسد بغضب: هو في اي مش عاملين ليا اي احترام خالص اصلا انا مبحبش حد يتكلم وانا بتكلم

روكا بغضب: ليه يعني فاكر نفسك مين هو عشان انت ظابط هتشوف نفسك لا فوق لنفسك كده احنا كلنا ولاد تسعه اه

وقالت روكا في نفسها

روكا في نفسها: هو عشان انت حلو شويه يعني تتكبر ولا اي

قطع سرحانها صوت اسد لما قال

اسد: بقولك اي يا شيخ الغفر انتي اي اللي يرضيكي عشان نخلص انا مش ناقص تفاهه

سكتت روكا ومتكلمتش

عاد اسد كلامه وقال

اسد: يا انسه يا بنتي يا شيخ الغفر بقولك اي انتي عارفه لو مرتديش هحبسك

روكا: مش هرد عليك عشان انت شخص بارد ورخم ومستفز في حد يقول للبنت شيخ الغفر

اسد: لما تكون قدامي بنت لكن انا واقف قدامي بلطجيه بصراحه

اول ما روكا سمعت كده اتعصبت جدا وبصت لي اسد بغضب وقالت

روكا بغضب: لا بقولك اي اقف عوج واتكلم عدل ماشي انا مسمحش لحد يقلل مني اه والا

في اللحظه دي قام اسد وراح وقف قدامها وبصلها بغضب جامد ورفع عليها المسدس وقال

اسد بغضب: نصيحه متفكريش تعلي صوتك عليا ماشي عشان انا لما بتعصب بعمل حاجات متعجبش حد فاهمه

روكا بغضب: يعني ده اخرك يعني ترفع المسدس وتحبسني مش كده اقولك على حاجه ولا يفرق معايا اصلا

بص اسد لي السواق وقال

اسد: تصور ليك حق تقدم فيها شكوى ومتتنازلش عن حقك بس متقلقش حقك هجيبه

اول ما روكا سمعت كده استغربت ومكنتش فاهمه معنى كلامه

لكن اتفاجئت لما سمعت اسد وهو بيقول بصوت عالي

اسد بصوت عالي: موفااااساااا تعالى وراك شغل

في اللحظه دي ظهر الاسد وراح وقف جنب اسد وكان بيعمل اصوات تخوف جامد والسواق كان واقف بيترعش من الخوف

اما روكا كانت فاتحه بقها بصدمه ومش عارفه تعمل اي

روكا بخوف: هو هو ازاي اسد في قسم الشرطه ازاي

اسد: ملكيش فيه ده شغلي بقى عرفتي بقى اني اقدر اعمل حاجات تانيه غير اني ارفع عليكي المسدس واحبسك

روكا بتوتر: طيب مشي موفاسا ونزل المسدس ونتفاهم تمام

اول ما السواق شاف كده اتوتر وقعد يتنطط من كتر الخوف وقال

السواق: لا لا انا غلطان انا اصلا استغلالي خلاص انا مش عايز منها فلوس انا ماشي اسد ياما تعالي الحقيني

وجري السواق من قسم الشرطه

روكا بخوف: خلاص اهو اعترف انه استغلالي مشيه بقى لو سمحت

اسد بسخريه: شكلك جميل وانتي خايفه كده بس همشيه ماشي

وامر اسد موفاسا انه يمشي

واول ما موفاسا مشي اسد راح قعد على مكتبه وقال

اسد: بصي انا عايزك دلوقتي تخفي من وشي يعني وشك ده لو شوفته صدفه هحبسك ومش هخليكي تشوفي الشارع في حياتك مفهووووم

روكا: واصلا اصلا مين قالك اني عاوزه اشوف وشك ده انت وشك فقر غور

ومشيت روكا جري من قدام اسد

اول ما روكا مشيت اسد بص على أثرها بغضب وقال

اسد بغضب: عشوائيه وبلطجيه وشيخ غفر ده اي ده في حد كده اما اكمل شغلي عشان انسى الشخصيه المستفزه دي

وبعد وقت

كان اسد خلص شغله وطلع عشان يركب عربيته وانصدم لما شاف كوتيشات العربيه كلها مفسيه

اسد بصدمه: اي ده ازاي مين اتجرأ يعمل كده في عربيتي

في اللحظه دي ظهرت روكا وهي راكبه العجله

روكا بسخريه: تعيش وتاخد غيرها يا حضرة الظابط

اسد بص على روكا بغضب وقال

اسد بغضب: يعني انتي ده انتي ليلتك سودا انهارده

اول ما روكا سمعت كده ضحكت وغمزت لي اسد

ومشيت بسرعه بالعجله

في اللحظه دي ظهر طفل صغير عنده حوالي 5 سنين كان بيعيط وبيقول

الطفل: شايف يا عمو خدت مني العجله بتاعتي طنط دي شريره اوي

اول ما اسد سمع كده انصدم وضرب كف على كف وقال

اسد بصدمه: حتى الطفل مسلمش من مشرك انتي اي قنبله ذريه يا شيخه

وبص اسد على الطفل ملقهوش موجود

اسد في اللحظه حط ايده على راسه وقال

اسد بتفكير: هروح انا ازاي دلوقتي ده احنا جايلنا ضيوف انهارده الله يخربيتك يا شيخه

بعد وقت في فيلة العقرب كان قاعد كبير عيلة العقرب ( رياض العقرب) كان قاعد مع روكا وكان بيقول

رياض: كويس انك سمعتي الكلام وجيتي عشان تعيشي معانا وسبتي الحاره اللي كانوا امك وابوكي مقعدينك فيها دي

روكا: انا جيت بس عشان انت قولتلي اجي وقولت كمان اني مينفعش اقعد في الحاره لوحدي عشان في ناس شمامين كتير هناك واني مهما كنت قويه مش هعرف ادافع عن نفسي سمعت الكلام لكن انا مسمحلكش تتريق على مكان سكني تمام يا عمي ولا مش تمام

رياض: لا جدعه بتعرفي تردي زي امك وابوكي طيب اعملي حسابك يا روكا ان طريقتك ولبسك ده مينفعش هنا احنا بيجلنا ناس كبيره واصحاب مراكز في المجتمع

روكا: والله لو اسلوبي مش عاجبك يا عمي هاتلي اي شقه وامشي من هنا لكن اسلوبي ولبسي مش هيتغيروا واصلا انا مش عارفه انت افتكرتني ليه بعد ما منعت بابا انه يعيش في العز ده بس عشان حب بنت فقيره

رياض: بصلح غلطتي عشان كده انتي مش هتمشي تمام يلا اتفضلي اطلعي اوضتك ارتاحي اول الدور واول اوضه على اليمين الخدامين وضبوهالك

هزت روكا راسها بالموافقه

وكانت لسه هتقوم عشان تخش اوضتها لكن انصدمت لما شافت اسد داخل من باب الفيله وكان باين على وشه البهدله

روكا بصدمه: يخربيتك هو انت جيت هنا عشان تقبض عليا مش كده بس انت عرفت مكان بيتي منين لا بقولك اي متفكرش انا عيلتي كبيره والله اخليهم يرفضوك

اسد بغضب: اتنيلي اتنيلي ده انا مش عاوز اشوف خلقتك دي خالص يا شيخه انتي بتعملي اي في بيتي وليه بتقولي عليه بيتك انا ابقى اسد رياض العقرب

في اللحظه دي جه رياض وهو بيقول

رياض: اعرفك يا اسد روكا بنت عمك اللي كنت بقولك انها جايه انهارده

وبص رياض لي روكا وقال

رياض: ده بقى يا روكا اسد ابني ويبقى ابن عمك بس هو انتم تعرفوا بعض

اول ما روكا واسد سمعوا كده انصدموا وبصوا لبعض

واتكلم اسد بغضب وقال

اسد بغضب: مين بنت عمي دي بت بلطجيه مسكت سواق التاكسي كانت هتقتله عشان 150ج زياده

روكا بغضب: بقولك اي متغلطش فيا وسواق التاكسي ده كان نصاب وهو اعترف بكده واصلا هو انت تطول اكون انا بنت عمك

اسد بغضب: لا مش عايز اطول ولا اقصر انا مش متقبل وجودك ازاي هتقبل تعيشي معايا في بيت واحد واشوف وشك كل يوم

روكا بغضب : وماله وشي بقى قمر اهو وزي الفل واقول للقمر قوم وانا اقعد مكانك

اسد بغضب: قمر بالستر يا اسمك اي انتي وبعدين انتي ازاي تتجرأي تبوظيلي كويتشات العربيه كلها وتسرقي عجلة الواد الصغير انتي اتجننتي

روكا بتوتر: احم احم هو انت عرفت رغم اني قولتله لو قولت لحد هجيلك في الحلم اضربك وهو صدق

اسد اول ما سمع كده انصدم وحط ايده على راسه وقال

اسد: هو انتي اي يا شيخه مبتحسيش ده طفل تخوفيه ليه يعني فهميني

روكا: يعني اومال كنت اروح بايه الله

في اللحظه دي اتكلم رياض بغضب وقال

رياض بغضب: هو في اي انتم اتنين عمالين ترغوا وتتخانقوا ومش عاملين ليا اي احترام كده خالص متلموا نفسكم وفهموني اي اللي بينكم بالظبط

روكا: مفيش حاجه بينا يا عمي والله غير ان ابنك راجل ظالم ومفتري وبيجي على الغلابه

اسد بغضب: بطلي كدب يا كدابه بقى انا هحكيلك يا بابا كل حاجه

وحكى اسد لي رياض كل حاجه حصلت بينه وبين روكا

في اللحظه دي روكا اتكلمت وقالت

روكا: اهو شوفت يا عمي يرضيك ابنك يخلي بنت رقيقه زيي كده يظهر قدامها اسد ويفضل يعمل حركات تخوف قدامها

رياض كان سامع كل ده وكان مصدوم مكنش عارف يتكلم يقول اي

لكن اسد حط ايده على راسه وقعد يبص بعينيه كأنه بيدور على حاجه

اتكلمت روكا وقالت

روكا باستغراب: اي معنى الحركه دي مش فاهمه بتدور على مين

اسد: لا مفيش اصلي بدور على البت الرقيقه انا مش شايف قدامي غير بت بلطجيه شيخ غفر قدامي

روكا بثقه: اه قول بقى انك متغاظ مني عشان انا بنت بمية راجل صح

وابتدت روكا ترقص وهي بتغني وبتقول

روكا بغناء: متغاظ عارفك يلا مننا متغاظ مخك فاضي مخي انا الماظ

اما رياض كان شايف ده كله وكان بيضحك من قلبه

اما اسد اول ما شافها بترقص وبتغني كده طلع مسدسه و وجهه قدامها وبصلها بغضب وقال

اسد بغضب: هو لحق يوحشك المسدس يا روكا ولا اي

روكا اول ما سمعت كده طلعت المطوه بتاعتها ووجهتها ناحية اسد وضحكت وقالت

روكا بسخريه: اوعى يلا تكون فاكرني بخاف من المسدسات دي كانت حركه عشان متسجنش لا يا بابا ده انا بلعب بالمطاوي

اسد بصدمه: لا ده انا هحبسك بقى انتي نهايتك السجن

كانت لسه روكا هتتكلم لكن قاطعها رياض لما قال بنبره كلها غضب

رياض بغضب: هو في اي انا اول حاجه خدت الموضوع هزار وقولت مش طايقين بعض عادي دي اول مره يشوفه بعض نعديها لكن توصل ترفعوا الاسلحه على بعض في وجودي اهو ده اللي لا يمكن يحصل ابدا كل واحد يشيل سلاحه

وبص رياض لي روكا وقال

رياض: بقولك اي يا بنتي المطوه دي تتشال مش عايز اشوفها معاكي تاني

وبالفعل روكا واسد شالوا اسلحتهم واتكلمت روكا وقالت

روكا: دي يا عمي مطوه انا مخلياها عشان لو حد فكر يأذيني وانا في الحاره وطلعتها عشان ابنك رفع عليا المسدس

اسد: انا رفعت عليكي المسدس عشان انتي عصبتيني

رياض بغضب: بقولك اي يا اسد روح على اوضتك وانتي يا روكا على اوضتك ومش عايز اسمع صوتكم فاهمين

اسد بغضب: انا ماشي انا اصلا مش طايق اشوف وشها ده باينه هيبقى مرار طافح

ومشي اسد

اول ما اسد مشي بصت روكا على أثره بخبث وقالت في نفسها

روكا في نفسها: انا هوريك انا هعمل فيك اي لو معلمتكش الادب ميكنش اسمي روكا

ومشيت روكا

في مساء اليوم الجديد

كان واقف اسد قدام المسبح وهو مش لابس غير البنطلون بس وكان بيقول

اسد: الحمدلله ان القنبله الذريه مش موجوده اما انزل اسبح براحتي

ونط اسد في المسبح

وبعد لحظات كان طلع اسد من المسبح واول ما طلع حس بكهرباء شديده وقعد يتكهرب و وقع في المسبح تاني

وكانت روكا ماسكه الصاعق وبتضحك وهي شيفاه واقع في المسبح وبتقول

روكا بضحك: بقى انا قنبله ذريه والله تستاهل

بعد لحظات

كان طلع اسد من المسبح و وقف قدام روكا وكان بيبص لي روكا بغضب

اسد بغضب: انتي قد الحركه اللي عملتيها دي يا بت انتي

روكا بضحك: هههههه اه قدها يا ابني انا مش قليله انا قدك وقد عشره زيك

اسد في اللحظه دي بص لي روكا بغضب شديد

اسد بغضب: فهههههههههد تاااااااااايجر

في اللحظه دي جه نمر من ناحية اليمين و روكا اول ما شافته انصدمت ولفت وشها ناحية الشمال شافت فهد جاي

روكا في اللحظه دي خافت جدا واتوترت

روكا بتوتر وبخوف: لا لا لا انا عندي فوبيا الحيوانات دي لا لا

اسد بخبث: عشان تبقي تكهربي اسد العقرب مره تانيه

وفجأه قال اسد بصوت عالي

اسد بنبره عاليه: هجووووووووم

في اللحظه دي النمر والفهد قعدوا يجروا ورا روكا وركا كانت بتجري وهي حاطه ايدها على راسها وخايفه وبتصرخ من خوف وهي بتجري اتكعبلت و وقعت في المسبح

اسد اول ما شاف كده أمر النمر والفهد انهم يمشوا وبص على روكا وضحك من قلبه وهو شايفها واقعه في المسبح

اسد بضحك: قولتلك متلعبيش معايا انا انتي مش قدي يا جعفر

بعد لحظات كانت طلعت روكا من المسبح وكانت واقفه قدام اسد وبتبصله بغضب شديد

روكا بغضب: بقى انا تخلي اسد يطلعلي في القسم ودلوقتي نمر وفهد طيب والله لاوريك

اسد: ها ها ها ابقي قابليني لو عرفتي تعملي حاجه فيا انا ماشي ومن غير تصبحي على خير

ومشي اسد

اول ما مشي اسد روكا بصت على أثره بغضب وقالت

روكا بغضب: طيب انت اللي اخترت قابل بقى اللي جاي عشان اللي جاي ضرب نار

و انتهى اليوم على كده

وفي صباح يوم جديد

كان اسد ابتدى يفتح عينيه واول ما فتح عينيه انصدم لما شاف عقرب على الترابيزه بتاعته

اسد بصراخ: عااااااا عقرب جه هنا ازاي ده الحقوني انا بخاف من الحاجات دي الحقوووووووني

في اللحظه دي جم روكا ورياض وروكا كانت بتبص لاسد بشماته وكانت بتضحك واسد لاحظ كده وبصلها بغضب شديد

ورياض اتكلم وقال

رياض: في اي يا ابني والعقرب ده جه منين

في اللحظه دي راح اسد ومسك روكا من قفاها وقال

اسد بغضب: انتي اللي جبتيه مش كده ده عاوزه تنتصري عليا اكيد عرفتي اني بخاف من العقارب والتعابين مش كده ردي عليا والا هخلص عليكي دلوقتي

روكا بغضب: بقولك اي يا يسطا كده نزل ايدك لاحسن توحشك واي عادي زي ما طلعت عليا النمر والفهد امبارح انهارده انا اطلع عليك العقرب وبعدين ماله العقرب ده حتى اسم عيلتنا الله يا اسد لا لا هتزعلني منك جامد

اول ما اسد سمع كده بعد عنها وبصلها بغضب

اسد بغضب: ماشي يا روكا هردلك القلم 100 قلم

روكا: لا لا خلاص دورك عدى ودلوقتي دوري انا في الانتقام

اتكلم رياض بغضب وقال

رياض بغضب: هو انتم اطفال ولا اي عشان تعملوا مقالب وتطلعوا حيوانات وعقارب على بعض وترفعوا الاسلحه انا بصراحه كده الجو ده ميعجبنيش مش احفاد عيلة العقرب اللي يعملوا كده في بعض

روكا بسخريه: لا والله لكن عادي في عيلة العقرب اخ يمشي اخوه عشان حب بنت فقيره مش كده يا عمو ولا اي

رياض: هو انتي هتفضلي تتكلمي في السيره قولتلك بأمر ابويا غصب عني وبعد ما ابونا مات رحت وقولتله ارجع رفض خلاص بقى انسي وسامحي

روكا بغضب: اسامح اه انت مش عارف انا عشت ازاي اصلا

اسد بص لي روكا بغضب وقال

اسد بغضب: اتكلمي مع ابويا عدل يا روكا احسن

روكا: طيب بس الحق الحق العقرب تحت رجليك اهو

اول ما اسد سمع كده قعد يتنطط من خوف ويقول

اسد بخوف: مشيه يا بابا مشيه مشيه وانا هحبسلك روكا اللي مدايقاك دي

روكا كانت بتضحك من قلبها وهي شايفه اسد بيتنطط قدامها كده

رياض بغضب: مفيش حاجه يا اهبل تحتيك دي بتضحك عليك اعدل نفسك

في اللحظه دي عدل اسد نفسه وهرش في شعره من كتر الاحراج وبص على روكا اللي كانت بتضحك وقال

اسد: يا بنتي انتي اي مش من شويه كنتي متدايقه ومتأثره وقولت هتعيشينا دراما وتحكي مأساتك بقى قلبتي كده ازاي

روكا: هو انا كده رغم الاسيه بس لسه عسليه وجرحي بيلم بسرعه وبعدين انا لو قعدت اتكلم في الماضي الماضي هيرجع لا

رياض في اللحظه دي راح وحط ايده على راس روكا وقال

رياض: والله يا بنتي مش ذنبي انا عارف انك بتداري حزنك بالحركات اللي بتعمليها دي وعارف كمان انك مش بتحبيني بس ده كله كان بأمر من جدك هو اللي قالي اعمل كده ولما مات رحت قولت اخلي ابوكي يرجع بس هو رفض هو وامك

روكا: قول للزمان ارجع يا زمان الكلام ده هيفيد اي اسامح مش قادره دلوقتي وخلاص وصح انا حاليا مش طايقه حد وخصوصا ابنك يلا انا راحه أكل سلام

ومشيت روكا

اول ما مشيت اسد راح وطبطب على ابوه وقال

اسد: معلش هي معدومة الاحساس وغبيه مش فاهمه انك ملكش ذنب

رياض: لا هي عارفه اني انا اللي طردته عشان لما جدك مات وانا رحت ارجعه كانت هي موجوده وكبيره وكبرت على اني انا اللي طردتهم وانا اصلا لما رحت وقولت ان ابويا هو اللي امرني بكده محدش صدق لان بابا مبينش حاجه غير رفضه بس انا اللي طردته وقولتله انسى العيله دي ومفكرتش اتصل بيه خالص هما افتكروا انه بعد ما مات حسيت بغلطي قولت بقى ادبسها في الميت وخلاص الماضي اللي بيني وبين روكا كبير وهي جرحها اكبر لما تكون عارفه انها بنت عيله كبيره وهي عايشه حياه فقيره حقها تعمل اكتر من كده

اسد: اه فعلا جرحها كبير وكل حاجه بس ده ميمنعش انها جعفر ومعندهاش ريحة الانوثه ودبش في كلامها ده كفايه لبس الصبيان بتاعها ده

رياض بغضب: عيب تتكلم عنها كده دي بنت عمك و واجب عليك تستحملها فاهم ومتفكرش تدايقها بعد اذنك بقى

ومشي رياض

اول ما رياض مشي اسد نظرته قلبت توتر وقال

اسد بتوتر: مدايقهاش اي ده ربنا يستر عليا لتخلص عليا دي معندهاش ياما ارحميني دي عرفت تدخل عقرب البيت يا ترى بعد كده هتدخل اي

عند روكا كانت بتتكلم في التليفون وبتقول

روكا: اه اتصرف يا حسام وهاتلي تعبان وانا هعرف ادخلهوله منين لو مكرتهوش في اليوم اللي اتولد فيه مبقاش روكا العقرب

وقفلت روكا التليفون

وحطت رجل على رجل وضحكت ضحكه خبيثه

ومر اليوم دون احداث جديده

في مساء يوم جديد كان قاعد اسد في الحديقه بيقرأ في الكتاب وفي اللحظه دي جت روكا قعدت قدامه ومسكت التليفون واتكلمت بصوت عالي وقالت

روكا: الو ازيك يا خالتي وحشاني اوي والله والواد مصطفى ازيه اه والحمار عامل اي طيب اطمنت على الحمار الجاموسه عامله اي هاجي اشوفك بعد كام يوم كده سلا سلا سلا سلا سلام

وقفلت روكا التليفون ولاحظت اسد بيبصلها بغضب شديد وبيقول

اسد بغضب: حمار بتطمني على حمار وجاموسه يا جاموسه انتي

روكا: اه عادي انا مربياهم مع ام مصطفى مطمنش عليهم يبقى عيب انا بصون البرسيم والعلف اوي

اول ما اسد سمع كده بص على روكا بغضب واستحقار وقال

اسد باستحقار : انتي شخصيه بيئيه وسوقيه اوي اتعلمي يا بنتي تكوني هاي كده سلام

ومشي اسد

اول ما اسد مشي روكا ضحكت وقالت

روكا: هاي سيبنالك انت الهاي يا ابو هاي

وراحت روكا وفتحت البوابه وقابلت حسام وقالت

روكا: جبته يا حسام بالسرعه دي ازاي لا جدع

حسام بغمزه: تربيتك يا معلمه يلا خدي وخضي بيه اللي انتي عايزاه

هزت روكا راسها بالموافقه

وخدت الصندوق وامرت حسام انه يمشي

واول ما حسام مشي فتحت روكا الصندوق وشافت التعبان وقالت

روكا : كيوووووت اوي حبيته انا يلا مش هستخسرك في ابن عمي الغالي انك تخليه يتنطط كده

و انتهى اليوم على كده

وفي صباح اليوم الجديد كان قاعد اسد في قسم الشرطه دخلت عليه روكا وهي ماسكه شنطه وبتقول

روكا: ابن عمي العزيز ازيك ينفع كده تخرج من غير ما نتخانق زي كل يوم

اسد: تقدري تقولي محبتش اصطبح بوشك عشان لما بصطبح بوشك يومي بيكون وحش

روكا: بس انت مش بتصطبح بوشي انت بتصطبح بوشك انت اول ما تقوم مش بتبص على نفسك في المرايا انا ماليش ذنب المهم انا جايه عشان نفتح صفحه جديده وننسى المشاكل دي كلها انا جيبالك اكل عشان مفطرتش معانا الصبح

اول ما اسد سمع كده بص على روكا باستغراب وقال

اسد باستغراب: معقول ده انتي يعني فعلا انتي عقلتي

ابسمت روكا وهزت راسها بالموافقه

وادت الكيس لاسد واستأذنت ومشيت

اول ما روكا مشيت اسد حس ان في حاجه بتمشي تحتيه بص تحته شاف تعبان قام فضل يتنطط قدام كل اللي كان في القسم

والكل استغربوا وفيه اللي فهم ان ده مقلب من روكا وفضل يضحك

اما اسد فضل يتنطط وبيصرخ وبيقول

اسد بصراخ : انتم بتتفرجوا عليا تعالوا ساعدوني وشيلوا الزفت ده انا بخااااااف

بعد لحظات كانوا شالوا التعبان من قدام اسد واسد فتح الشنطه وشاف ان فيها صندوق وعرف انها سربت التعبان من الصندوق وكان مصدوم ومتعصب

في اللحظه دي دخلت روكا وهي كانت بتضحك وبتقول

روكا بضحك: ابن حلال وتستاهلها والله فرحانه فيك

اسد بغضب: نفسي اعرف سربتيه من الصندوق ازاي يا روكااااا

روكا بثقه: سر المهنه يا ابن عمي مش هقولك عليها ويلا كان درس صغنن كده عشان متفكرش تيجي على روكا العقرب ابدا تمام يلا جود باي

ومشيت روكا

اول ما مشيت روكا اسد بص على أثرها بغضب واتوعدلها

وفي مساء اليوم كان اسد قاعد مع روكا ورياض بياكله واسد كان باين عليه ملامح الغضب

لاحظ رياض بص لي اسد وقال

رياض: مالك متعصب ليه ومش طايق نفسك كده ليه يا ابني

اسد بغضب: اسأل الهانم اللي جنبك عملت اي وكسفتني في شغلي ازاي

رياض: ليه روكا عملت اي دي كانت رايحه توديلك اكل اتخانقتوا ولا اي

حكى اسد لي رياض كل اللي روكا عملته

اول ما رياض سمع كده بص لي روكا بغضب وقال

رياض بغضب: يعني ينفع اللي انتي بتعمليه ده مش كفايه عليه مقلب العقرب والكهربه ودلوقتي التعبان

روكا: ماهو كده تعادل طلع عليا اسد ونمر وفهد ورفع المسدس عليا وكان عايز يحبسني حقي وجبته وهو اللي ابتدى

اسد بغضب: استني اللي جاي لو مجبتش حقي ميبقاش اسمي اسد العقرب

روكا : ياعم اقعد ساكت ده انت صداع كل شويه استني اللي جاي استني اللي جاي

اسد: ماشي ماشي اتريقي اما نشوف مين هيضحك في الاخر

اول ما روكا سمعت كده ضحكت بسخريه

اما رياض بصلهم هما الاتنين بغضب وقال بنبرة صوت عاليه

رياض بغضب: اي مش عاملين ليا احترام خالص لموا نفسكم شويه ده انا لو بربي اطفال مش هيتعبوني كده مش عايز اسمع صوت حد فيكم الاكل ليه احترامه عيب كده

هزوا روكا واسد راسهم بالموافقه ولكن كانوا بيبصوا هما الاتنين في عيون بعض بنظرات كلها غضب وانتقام وهما الاتنين كانوا بيفكروا في حاجه واحده مين هينتصر على مين

و انتهى اليوم على كده

وفي صباح يوم جديد

كانت روكا نايمه وابتدت تفتح عينها وتفوق واول ما صحيت انصدمت لما شافت ان في اسد قاعد على الارض ناحية اليمين لفت وشها الناحيه التانيه شافت نمر قاعد على الارض

في اللحظه دي روكا حطت ايدها على راسها وقامت وقفت على السرير وقعدت تصرخ وحطت ايدها على بقها وكانت بتترعش

في اللحظه دي دخل اسد وهو كان بيضحك من قلبه وقال

اسد بضحك: ههههههه شفتي بقى لما احب اعمل حاجه اعملها ممكن بكلمه مني دلوقتي اخليهم يهبوا عليكي ياكلوكي ونخلص منك يا جعفر

روكا في اللحظه دي بصتله بغضب شديد واكتفت بالسكوت

في اللحظه دي رياض دخل وشاف الموقف اتعصب جدا وأمر الاسد والنمر انهم يمشوا

وبصلهم بغضب وقال

رياض بغضب: انتم الاتنين تعالوا ورايا في كلام لازم تعرفوا ورايا

ومشي رياض

اول ما مشي رياض روكا مسكت المخده ورمتها على اسد وقالت

روكا: يلا اجهز للتهزيق يا حلو

اسد بغضب : لا ده انتي متربتيش على كده وشكلك كده عاوزه تتربي

اول ما روكا سمعت كده نطت من على السرير وجريت واسد جري وراها

بعد لحظات كانوا روكا واسد قاعدين مع رياض اللي كان بيبصلهم بغضب وبيقول

رياض بغضب: بصوا بقى حركات الاطفال بتاعتكم دي متعجبنيش خالص لازم تعدلوا نفسكم عشان لو معدلتوش نفسكم هتصرف تصرف مش هيعجبكم وانا مش عايز اعمل كده

اسد: انا هرتاح لو هي سابت البيت ومشيت مش عايز اشوف وشها

روكا : وقال عملي فيها ظابط ده انت خيبت الظباط رجاله اخر زمن طب ما تمشي انت واستقل بنفسك احسن

اسد: البيت بيت ابونا والغرب يجوا يطردونا قول حاجه يا بابا

روكا: ياي بقيت تتكلم بطريقه بلدي اوي مش بقول انت ظلمت الظباط

اسد: اتعلمت منك يا روكا وبعدين يلا روحي لمي هدومك وروحي مطرح ما جيتي

روكا: لا ده مستحيل يحصل انا ليا في البيت زي زيك ده بيت ابويا بردوا لا اقف عوج واتكلم عدل

كان لسه اسد هيرد على روكا لكن قاطعه رياض لما قال بغضب شديد

رياض بغضب: والله عال بتطردوا بعض انا سكتلكم كتير وكنت بقول عادي مش متعودين على بعض هيتفاهموا لكن انتم علاقتكم بتتنيل اكتر عشان كده لو معدلتوش نفسكم هطردكم انتم وعشان يا روكا متعمليش حساب البيت اللي في الحاره البيت ده انا بعته تمام واه كمان لو معدلتوش نفسكم هحرمكم من الميراث عشان انتم الاتنين عاملين زي الاطفال محدش يأمنلكم على حاجه ياريت كلامي يتفهم سلام

ومشي رياض

اول ما رياض مشي روكا حطت رجل على رجل واسد عمل نفس الحركه وبصوا هما الاتنين على بعض وهما مش عارفين يعملوا اي يرضي رياض

بعد لحظات

كانوا اسد وروكا اتعدلوا في قعدتهم واسد قال

اسد: ياريت نتكلم زي اي اتنين ناضجين وبلاش عصبيه احنا لازم نحاول نتقبل بعض

روكا: فعلا بس. بصراحه انا مش بطيقك يعني مش عارفه اشوف وشك اقول لازم اغيظك

اول ما اسد سمع كده ضرب روكا بالمخده وقال

اسد: لمي نفسك بقى ما مش بعد ده كله هتحرم من الميراث انا بسبب واحده زيك

روكا: والله انا لامه نفسي الدور والباقي عليك مين اللي ضربني بالمخده اهو انت بتقول يا شر اشتر

اسد: مين ضرب الاول مش انتي اللي ضربتيني فوق بالمخده

اول ما روكا سمعت كده سكتت واسد كمل كلامه وقال

اسد: دلوقتي احنا عايزين نمثل اننا بقينا بنحترم بعض قدام بابا عشان منطردش ونترمي رمية الكلاب تمام

روكا: لا يا اخويا لا نمثل ولا منمثلش هي هتكون كده صباح الخير يا جاري انت في حالك وانا في حالي احسن

اسد: تمام احسن بس مش عايزين بابا ياخد باله يعني نتكلم عادي من غير قصف جبهات ولا تريقه ولا حاجه اتفقنا

هزت روكا راسها بالموافقه

وقاموا هما الاتنين وقفوا قصاد بعض وسلموا على البعض واتفقوا انهم يبطلوا المقالب دي

و مر اليوم دون احداث جديده و انتهى اليوم على كده

وبعد مرور شهر من اليوم ده كانوا اسد وروكا بيحاولوا يعاملوا بعض كويس قدام رياض لكن كان باين عليهم انهم بيتصنعوا واحيانا كانوا هما الاتنين بينسوا الاتفاق وبيتخانقوا قدام بعض قدامه وروكا كانت بدأت تسامح رياض على اللي حصل زمان لكن رياض كان هو اللي زعلان من تصرفاتهم ودايما كان يهددهم انه هيرحمهم من الميراث وهما كانوا يرجعوا يعيدوا الاتفاق من الاول تاني وفضلوا كده لحد ما فعلا بدأوا يقربوا من بعض وميتخانقوش كتير

لحد ما في يوم كان اسد في المطبخ بيشرب ميه

ولف وشه عشان يمشي ويرجع اوضته شاف روكا واقفه قدامه وشعرها كان منكوش و واقف كده وكانت مبهدله

اسد اول ما شاف كده انصدم وقال

اسد بصدمه: سلام قولا من رب رحيم مين انتي

روكا: انا روكا اي مالك كده شفت عفريت جيت اشرب ميه

اسد : والله لو شفت عفريت كان يبقى ارحم يا شيخه كنتي اعدلي شعرك قبل ما تنزلي خضتيني

روكا: عفريت يبقى ارحم والله ما هرد عليك عارف ليه عشان انا محترمه

اسد: الاحترام بيخر من عينك يا بت بس عارفه رغم انك جعفر ومش زي باقي البنات اللي بشفهم ومستفزه كمان بس انا حاسس انك لو حبيتي تثبتي انوثتك هتثبتيها بس انتي حاولي وادي نفسك فرصه

روكا: اي الكلام الغريب انت اكيد شارب حاجه او جايبلي عريس وعايز تخلص مني لكن ده بعينك مش سيبهالك وقاعده على قلبك

في اللحظه دي اسد قرب من روكا وحط ايده على راسها وعدلها شعرها وقال

اسد: تقدر تقولي تعبت من المناقره معاكي وفعلا عايزاك تتغيري ونبطل خناقات ولا مش جايبلك عريس انا اصلا ميجيش في بالي ان ممكن تناقري في حد غيري هههه يلا تصبحي على خير

ومشي اسد

اول ما مشي اسد فتحت روكا بقها بصدمه وقالت

روكا بصدمه: اي الكلام الغريب ده وانا ليه قلبي بينبض كده الله يخربيتك بتعرف تقول كلام يلغبط كاتك البلا في شكلك الحلو ده

و انتهى اليوم على كده

وبعد مرور اسبوعين من اليوم ده كان عيد ميلاد رياض قرب كانوا اسد وروكا فعلا بطلوا يتخانقوا كتير

وروكا كان كلام اسد اللي قاله عنها وعن انوثتها مش عايز يطلع من دماغها ورياض كان ابتدى يسامحهم لما شافهم عقلوا وبطلوا مقالب في بعض

لحد ما جه يوم عيد ميلاد رياض كانت روكا واقفه في اوضتها قدام مرايتها مسيبه شعرها وحاطه ايدها على دقنها وبتقول

روكا: انا بنت ليه تصرفاتي عامله زي الرجاله كده ممكن عشان عشت مع شباب الحاره اللي كان لازم اكون ارجل منهم عشان اعلمهم الادب طيب دلوقتي ليه محاولش اغير من نفسي واثبت نفسي قدام الضيوف المهمه اللي جايه وخصوصا قدام اسد اللي مش عارفه امتى وازاي بقيت افكر فيه وبقى يهمني مبقتش حساه زي الاول خلاص اسد وجوده بقى يفرق في حياتي جامد لكن دلوقتي انا عرفت هعمل اي واثبت نفسي ازاي قدام الضيوف

وبعد وقت

كان اسد ورياض مشغولين مع الضيوف وفجأه اسد شاف روكا وهي كانت نازله ولابسه فستان لونه احمر جميل جداً ومسيبه شعرها وحاطه تاج فوق راسها والميكب بتاعها كان خفيف

اسد وكل اللي كانوا حفله انبهروا بجمالها ورياض مكنش مصدق اصلا ان دي بنت اخوه

مشي اسد وراح وقف قدام السلم واستناها لما تنزل واول ما روكا نزلت وقفت قدامه وبصتله وقالت

روكا: خير عاوز اي واقف في طريقي ليه

اسد: مبهور بصراحه انتي جعفر وشيخ الغفر لا لا مش مصدق بس ليه التغيير ده كله

روكا: حاجه متخصكش يا اخي الله اعمل اللي انا عايزاه

اسد بغمزه: لا من حق الجميل يتدلع ولما البت الحلوه تعدي كله يوسع كل يعدي

روكا: ميرسي وسع كده هروح اقف مع اونكل رياض

ومشيت روكا

اما اسد كان بيبص عليها وهي ماشيه باعجاب شديد

ومرت الحفله مع نظرات الكل لي روكا وغيرة اسد الشديده عليها ومكنش بيسمح لحد انه يقرب منها او حتى يتكلم معاها

وبعد وقت كانت الحفله خلصت والضيوف كانوا مشيوا وكانت روكا قاعده مع اسد ورياض وبتبص لي اسد وبتقول

روكا: خير يا اسد مالك كنت عامل كأنك حارسي الشخصي ليه كده في الحفله

اسد بغضب: يعني انتي كنتي عاوزه اشوفهم بيعاكسوكي وبيحاولوا يقربوا منك واسكت

رياض: كان لازم يعمل كده يا بنتي الكل عينه كانت عليكي بس قوليلي اي لازمته التغيير ده

روكا: حاولت احس بأنوثتي عادي يعني يلا بعد اذنكم داخله انام

وقامت روكا عشان تمشي لكن قام اسد و وقف قدامها وقال

اسد : ممكن اتكلم معاكي شويه

رياض: عايز اي منها بس سيبها يا ابني

اسد: موضوع عادي مش هنتخانق ولا حاجه بس لو هي توافق هنتكلم في الحديقه شويه

هزت روكا راسها بالموافقه

ومشيوا روكا واسد

روكا: خير عايز اي اخلص عشان انا مصدعه وعاوزه انام

اسد: عايز اتجوزك بصراحه

روكا بضحك: تت اي تتجوزني انا عارف يا اسد انا لو كان بقى في قلبي حاجه من ناحيتك صدقني الحاجه دي هتكون راحت انهارده انا قدامك بقالي قد اي مكنتش بتعمل حاجه غير انك تناقر فيا تتريق عليا وخلاص وكنت مسميني جعفر شيخ الغفر اول ما ظبطت شكلي احلويت في عينك حبيت تتجوزني

اسد: لا والله مش كده انا اصلا حبيتك وبأمارة المطبخ لو تفتكري لما عدلتك شعرك وقربت منك انا حبيتك اول ما شوفتك بس كنت بنكر ده انتي بنت مختلفه دمك خفيف عصبيه بنت ب 100 راجل فيكي كل حاجه حلوه ولو انتي عاوزه ترجعي لاستايلك القديم انا موافق

روكا: خايفه اصدق كلامك ده عشان مش مبرر تطلب ايدي بعد ما غيرت شكلي

اسد: والله كنت هطلب ايدك حتى لو كنتي نزلتي بلبسك العادي مش مغيره استايلك ولا حاجه والله

وقرب اسد من روكا وحط ايده على وشها بكل حنيه وبص في عيونها وقال بكل حب

اسد بحب: ياريتك يا روكا فعلا تحسي بمشاعري انا اول ما شوفتك حسيت ان قلبي اتهز بس قولت لا ده هو انبهار بشخصيتها لما عرفت انك بنت عمي فرحت بس داريت ده بالخناقه والدليل اني بحبك انك لما جيتي القسم وضحكتي عليا وقولتي جيبالي اكل صدقته وخدته منك على طول

روكا بتوتر: بس انا خايفه ومش مطمنه خايفه يكون ده كله كلام عشان تبرر موقفك خايفه اوافق تشوف بنت اجمل مني تحبها

اسد: احلفلك بايه كنت هتقدملك انهارده سواء غيرتي استايلك او لا

روكا بصت لي اسد جامد وبعدت عنه ومشيت من غير ما تقول كلمه حتى

اما اسد قرر انه يخليها تصدق انه بيحبها فعلا

و انتهى اليوم على كده

وبعد مرور اسبوعين كانت روكا رجعت لاستايلها القديم عشان تغيظ اسد ولكن اسد كان دايما بيقول

اسد: تعرفي ان انتي كده احلى يا روكا

روكا بغضب: مش لايقه عليك الرومانسيه والله

وتمشي وتسيبه بعد ما تقوله كده واسد فضل يحاول جامد انه يقنعها بحبه وبين اهتمامه بيها وروكا كانت ابتدت تصدق عشان هو مسبهاش بعد ما رجعت لاستايلها القديم تاني لكن كانت بتغيظه ورياض لاحظ كده وقرر انه يحل الموضوع ده بطريقته

لحد ما في يوم رياض كان قاعد مع روكا واسد وبيقول

رياض: لازم نشوف حل لموضوعكم ده انتم الاتنين مش هينفع انا ملاحظ تصرفاتكم

اسد: الموضوع ده مش هيتحل غير لما روكا تحن وتوافق على جوازي منها ونكتب الكتاب ونعلي الجواب

روكا اول ماسمعت كده ضحكت

واسد اول ما لاحظ كده قال

اسد بفرحه: ضحكت يعني قلبها مال اهي والله العظيم يا روكا حبيتك قبل التغيير بس كنت بكابر نفسي

روكا: بتكابر نفسك عشان مينفعش تتجوز بت عامله زي جعفر في تصرفاتها ودي المشكله

اسد: لا انا كنت بكابر عشان كنت حاسس انك مش طيقاني ومش بتحبيني ودايما بتحبي تدايقني وكنت خايف انك متسامحيش بابا وكنت فاكر انك هتكوني حاقده عليا عشان انا عشت في العز ده وانتي لا فقولت معشمش نفسي

روكا: امممم كلام مقنع بصراحه بس اي اللي خلاك تغير وجهة نظرك يعني

اسد: اول ما بابا هددنا انه هيحرمنا من الميراث وبدأنا نقرب من بعض ونعامل بعض حلو وانتي سامحتي بابا ساعتها قررت اتقدملك بس هي جت في اليوم اللي انتي غيرتي في استايلك انا اعمل اي

اتكلم رياض وقال

رياض: ها يا بنتي قولتي اي موافقه ولا لا عشان نحسم الموضوع ده

روكا بكسوف: موافقه اعمل اي قدر يغلبني ابن العقرب

اسد بفرحه : حلو اوي يبقى الفرح بعد شهر مبروك يا عروسه

روكا بغضب: نعم ده مستحيل اكيد لا شهر اي انا مش موافقه

وبعد شهر

كان فرح روكا واسد وكانوا بيرقصوا رقصه رومانسيه

اسد: انا فرحان فيكي اوي رغم انك كنتي رافضه الجواز بعد شهر بس اهو وافقتي

روكا : زنك هو اللي خلاني اوافق

اسد: تعرفي اني بحبك اوي يا جعفر انتي

روكا بغضب: اسد

اسد: بس احلى جعفر في حياتي بحبك اوي

وشال اسد روكا ولف بيها

و انتهت قصتنا على كده

البلطجية والظابط مربى الاسود _ قصص شروق

آخر الأخبار

عواطف وبناتها المجانين فى المصيف

عشقنا قلوب عاصيه ( ظلمات آل نعمان ) الفصل الاول

القناصة والرائد

طفلة الثلاثينى

عشقنا قلوب عاصيه ( ظلمات آل نعمان ) الفصل الثانى

يتـيمه وقعـت بـيـن قـبضه الوحـش

مصايب وجنان التؤام