متمردة فى قبضة الفهد

 بقلم الكاتبة المبدعه والمتميزة فاتن فتحى

تبدأ قصتنا 

في فيلة الحسيني كان قاعد بطلنا فهد  مع امه ( ثريا) وكان بيتكلم بنبره كلها غضب 

فهد : لا يا ماما لو سمحت لحد هنا وكفايه انا مش عايز اتجوز اي حد انا اللي عايز اتجوزها لازم تكون عندها اخلاق ومبادئ 

ثريا : ما انا بجبلك وبجيب بنات زي القمر اخلاق اي وحلاوة اي وشطارة اي وانت بتطلع فيهم العيوب الفطسانه 

فهد: يا ست الكل مرتحتش ولا لي واحده فيهم وبعدين لسه قلبي مختارش البت اللي هتجوزها 

ثريا: والله انا فقدت فيك الامل انت وقلبك اللي قرقنا يلا روح شغلك ده انت تشل 

اول ما فهد سمع منها كده تبسم وقام حضن امه وباس راسها وقال 

فهد : ماشي يا امي انا رايح شغلي دعواتك بقى عشان انتي عارفه مش بعرف امشي غير لما تدعيلي 

ثريا: بتعرف تثبتني ياض انت روح ربنا يوفقك ويرزقك ويبعد عنك ولاد الحرام ويرزقك ببنت الحلال اللي تريح قبلك يارب 

فهد: اللهم آمين سلام يا امي 

ومشي فهد  

واول ما مشي جه تليفون ثريا رن واول ما ردت على التليفون انصدمت وقالت 

ثريا بصدمه : اي ده ازاي وامتى ده حصل لا انا جايه فورا بس انتي اهدي ومتخافيش ومتعيطيش يا حبيبتي يلا انا هقفل وهجيلك 

وقفلت ثريا معاها التليفون ومشيت جري 

عند فهد  كان قاعد في مكتبه ودخلت عليه  بت جميله شعرها اصفر عيونها خضرا جسمها رشيق ودي كانت سكرتيرة يوسف يارا وكمان اللي معجبه فهد جدا ونفسها تتجوزه اول ما دخلت قالت 

يارا: هاي يا مستر فهد  انا جبتلك الملفات اللي كنت طالبها مني اتفضل اهي 

فهد  ببرود: طيب حطيهم عندك واتفضلي يا يارا وللمره المليون بقولك بطلي تتكلمي قدامي بدلع كده ممكن 

يارا: فين الدلع اللي كلمتك بيه يا مستر فهد  بقولك خد الملفات مش شايفه فيها حاجه وبعدين ليه انت بتعاملني بجمود كده ومش بتفكر تاخد بالك مني ولا تديني فرصه 

فهد  اول ما سمع كده قام ووقف قدامها وبصلها بغضب وقال 

فهد بغضب: ولا هفكر ابصلك ولا اديكي فرصه عشان انتي كل اللي بتعمليه طريقة لبسك غلط طريقة كلامك غلط احيانا بحس انك مقلله من نفسك جامد 

يارا بصدمه: مقلله من نفسي هو انا عشان بحبك يا فهد  وبتمنى انك تديني فرصه ولو حصل نصيب نتجوز ابقى كده مقلله من نفسي 

فهد : انتي متنفعيش بكل المقاييس مش انتي البت اللي انا بحلم بيها يا يارا ياريت تعرفي كده وياريت كمان تغيري طريقة لبسك انتي فاكره ان انتي كده بتلفتي النظر بس انتي متعرفيش ممكن الناس تقول عنك اي وياريت تتعلمي لما تلاقي حد رفض حبك تتقبلي ومتزوديش فيها انا مستحملك عشان لولا ان انتي قريبة شخص غالي عليا خلاني اوعده اني استحملك واستحمل تصرفاتك ياريت متخلنيش اضطر اخلف الوعد ده اتفضلي يلا 

اول ما يارا سمعت كده ملامح الغضب ظهرت على وشها ومكنتش عارفه ترد عليه وقالت في نفسها 

يارا في نفسها: ماشي يا فهد  بقى بترفضني وبترفض حبي في اول فرصه هفضحك وهخليك سيره على كل اللسان مسيرك تقع يا حلو 

ومشيت يارا 

ومر اليوم على فهد دون احداث جديده في الشركه 

وفي مساء اليوم 

كان راح فهد على البيت وانصدم لما شاف امه قاعده منهاره من العياط جري عليها ووقف قدامها وقال 

فهد بتوتر: مالك يا امي بس بتعيطي ليه حد دايقك او عملك حاجه قوليلي 

ثريا بانهيار: خالتك ماتت انهارده اتصلوا بيا وقالولي انصدمت وروفان بنت خالتك مصدومه وابو روفان عايز يسافر ويسيب روفان طول عمري بقول انه راجل قليل الاصل 

يوسف بصدمه :لا اله الا الله دول لسه راجعين من ايطاليا مكملوش 5 شهور اي اللي حصل طيب وليه ابو روفان عايز يسيب روفان ولو هيسافر هيسافر فين 

ثريا: هيرجع ايطاليا هو كان بيقول اصلا انه رجع غصب فروفان قالت ماشي اجي معاك قالها لا انتي كبرتي واهتمي بنفسك انا عايز اعيش حياتي لوحدي ده واحنا بندفن كان ماشي معانا بالعافيه 

فهد بصدمه : دفنتوا وانا معرفش ومتصلتيش بيا ليه بس هي مش خالتي 

ثريا: اتصلت وانت مرتدش محبناش نعطل نفسنا بقى 

فهد: والله ما خدت بالي انك اتصلتي اصلا على العموم حصل خير يا امي اهدي طيب وروفان هيحصل معاها اي 

ثريا بتوتر: اه بخصوص روفان انا عاوزه اكلمك في موضوعها روفان هتيجي تعيش معانا هنا 

فهد: طيب وانا يا امي مينفعش اقعد معاها في بيت واحد ولو خدت شقه تانيه وحبيت اجي ازورك مينفعش نقعد انا وهي في مكان واحد ومفيش حاجه بينا والناس هتقول علينا اي 

ثريا: ما عشان كده انا طالبه منك تتجوز روفان بكره جواز على الورق طبعا عشان تقدر تقعد معانا 

فهد بصدمه: نععععم روفان مين اللي اتجوزها بقولك عايز اتجوز واحده عندها مبادئ روفان معندهاش اي مبادئ خالص دلوعه ولبسها مش لطيف ده غير اني بحس انها بجحه لا لا مستحيل 

ثريا اول ما سمعت كده بصت على فهد بغضب وقالت 

ثريا: هو انا قولتلك كمل معاها عمرك كله دي هي فتره لحد ما تلاقي اللي يستاهلها نحكيله الظروف ونعرفه انك مقربتش منها وبعد كده كل واحد هيروح لحاله حاجه احتياطي كده عشان البنت متقعدش لوحدها وانت اكتر واحد عارف روفان جبانه قد اي رغم تمردها بس جبانه وابوها عايز يسافر بكره عشان كده لازم تتجوزوا بكره 

فهد : بس يا امي مينفعش كده حرام اصلا اللي بتقوليه ده 

ثريا : الحرام اننا نسيت بنت خالتك لوحدها وهي مبتعرفش تعمل حاجه لوحدها ابدا الحرام اننا نسمح انها تكون مطمع لعيون اي حد غريب واحنا قدامنا الحل وبعدين قولتلك كله على الورق عشان لو حد اتكلم نوريله ورقة الجواز مفهاش حاجه يعني واعمل حسابك لو انت رفضت انت مش ابني ولا اعرفك 

فهد: بس يا امي مفيش حل تاني يعني غير الجواز 

ثريا : مفيش وانت عارف اني مينفعش اروح هناك عشان حالفه اني مش هسيب هنا غير لما اموت وحتى لو انت هتيجي تزورني وتقعد معانا ازاي وهي موجوده ونفترض انك جيت وانا خارجه مثلا وغير كده الناس اللي هناك هتقول اي لما يشفوك رايح جاي علينا 

اول ما فهد سمع كده سرح وفضل يفكر في اي حل يرضى جميع الاطراف لكن ملقاش واتأكد ان الحل الوحيد هو الجواز وقال 

يوسف : خلاص يا امي موافق بس هي موافقه 

ثريا: اومال انا هتكلم من غير ما اكون ما اعرف هي موافقه ولا لا هي الاول كانت رافضه بس لما فهمتها وافقت واتفقنا ان بكره الصبح هتيجي عشان تتفقوا مع بعض على كل حاجه وبليل ابوها هيجي بالمأذون يجوزكم ويسافر تمام 

اول ما فهد سمع كده خد نفس عميق وقال 

يوسف بتنهيده: تمام يا امي بعد اذنك انا داخل انام عشان بكره ورايا يوم طويل 

هزت ثريا راسها بالموافقه واذنلته انه يمشي 

ومشي فهد وهو كان بيفكر في الجوازه اللي هو داخل عليها دي اللي مكنتش ولا على البال ولا الخاطر وخصوصا انه عارف طبع روفان صعب وبتعمل اللي في دماغها ومتحرره وهو مكنش عايز كده خالص لكن خلاص امر الله نفذ ومفيش هروب وفضل يقول نفسه طول ما هو ماشي 

فهد في نفسه: هل هكون قد المسئوليه دي ولا لا حتى لو كان جوازنا على الورق بس هتكون مراتي ازاي هقدر اقنعها باللي المفروض تعمله يارب القوه من عندك

و انتهى اليوم على كده 

وفي صباح يوم جديد كان قاعد فهد مع امه مستنيين روفان واتكلم فهد وقال 

فهد : اتأخرت يبقى اكيد حلت مشكلتها مع ابوها وهتسافر معاه 

ثريا: لا انا اتصلت بيها كانت في العربيه اصبر انت هي وشويه هتيجي 

وبعد لحظات كان جت روفان بت جميله بكل المقاييس شعرها اسود طويل عينيها زرقاء رشيقه ملامحها وكانت حاطه ميكب خفيف فهد اول ما شافها انبهر مكنش مصدق ان هي دي روفان هو عارف انها جميله بس عشان كان بقاله مده مشفهاش مكنش متوقع انها تكون بقت في قمة الجمال ولكن بعد ما كان منبهر بيها اول ما لاحظ فستانها الاسود الضيق القصير نظرته اتقلبت لنظرة احتقار 

دخلت روفان وسلمت على ثريا ومدت ايديها عشان تسلم فهد وقالت

روفان: هاي يا فهد عامل اي مالك متنح كده متسلم عليا 

فهد: عفوا مبسلمش على بنت طول ما مفيش بيني وبينها حاجه رسميه حتى لو كانت بنت خالتي 

عانت روفان ايديها وقالت 

روفان: اي قلة الذوق دي يا فهد بس اصلا اقول عوايدك ولا هتشتريها 

فهد: اولا انا مسمحلكيش تغلطي فيا مش من حقك ثانيا لما تبقي مراتي نبقى نتكلم  

روفان لما سمعت كده طلعت سيجاره وابتدت تشرب فيها وقالت 

روفان : لا ميرسي انا مش عاوزه اتكلم معاك دلوقتي ولا لما ابقى مراتك اكيد خالتو قالتلك ان كله على الورق مش اكتر 

فهد بغضب: هو انتي بتشربي سجاير انتي مجنونه يا بنتي ده انا مبشربهاش 

روفان ببرود: طيب وانا مالي هو انا كنت قولتلك متشربهاش 

كان لسه فهد هيتكلم ويتخانق معاها لكن ثريا راحت ووقفت جمبه ومسكت ايديه وقالت 

ثريا: اصل يا فهد هي متربيه بره فالحاجات دي هناك عادي اهدى يا حبيبي 

روفان لاحظت ان ثريا ماسكه ايد فهد اتكلمت وقالت 

روفان بسخريه: ماسكه ايده ليه يا خالتو خايفه يمد ايده عليا لا متخافيش هو ميقدرش يمد ايده عليا لان استاذ فهد عارف بالمبادئ والاخلاق كويس وان غلط راجل يضرب الست ده غير اني لسه مش مراته وحتى لو بقيت مراته مش من حقه يضربني عارفه ليه قولي ليه يا خالتو 

ساعتها ثريا بصت لي فهد بصه معناه انه يهدى وميعملش حاجه غلط وبعد كده بصت لي روفان وقالت 

ثريا: مش وقته الكلام ده يا روفان اطلعي ارتاحي في اوضتك اول اوضه ناحية اليمين 

روفان: امممم شكلك مش عايزة تقولي ليه انا هقولك ليه عشان انا مش هعتبر فهد جوزي نهائيا 

وخدت روفان شنطتها وطلعت الاوضه 

اول ما مشيت روفان بص فهد على امه وقال 

فهد: دي شكل واحده امها ميته امبارح وابوها سافر ومش عايزها معاه ما طبعا لازم ميخدهاش في حته معاه بسبب افعالها دي وهو انتي فاكره يا امي ان دي حد يبصلها دي بتشرب سجاير وشايفه لبسها عامل ازاي 

ثريا بحزن: وطي صوتك عشان متسمعش ده الجمود اللي هي فيه اثار صدمه هي بتحاول تتماسك انت مشفتهاش كانت منهاره ازاي حرام عليك متقولش كده تاني هي مش ناقصه 

وكان لسه فهد هيتكلم لكن قاطعه صوت روفان لما قالت 

روفان: لا وليه خليه يتكلم براحته يا خالتو اللي يزعل من حد يزعل منه لو الشخص ده فارق معاه لكن فهد مش فارق معايا بسمع كلامه من هنا وبطلعه من الناحيه التانيه 

بص فهد على روفان شافها واقفه على السلم راح وقف قدامها وبصلها بكل غضب وقال 

فهد بغضب: روووووفااااااان متخلنيش اتعصب عليكي انتي اي مبتحسيش خالص واحده غيرك لو كانت سمعت الكلام ده كانت انهارت وحبت تغير نفسها لكن انتي لا 

روفان: اتكلم من هنا للصبح انت والحيطه واحد انا اصلا اكتر حاجه بكرهها ان حد ينتقدني وبخصوص الحزن على مامي وعلى ان بابي سابني انت مدخلتش جوه قلبي وعرفت متدايقه ولا لا 

فهد : انتي عماله تقلي في ادبك من ساعة ما جيتي وافتكري كلامك عشان لو مخلتكيش تشوفي ايام سودا مبقاش اسمي فهد الحسيني 

ومشي فهد 

واول ما مشي ثريا راحت وخدت روفان في حضنها وقالت 

ثريا: معلش يا حبيبتي انا عارفه انتي حزينه على موت امك ازاي بس بتحاولي تبيني انك جامده انتي عارفه فهد كلامه دبش 

روفان: يا خالتو انا مغلطش في حاجه هو اللي ابتدى بالمشاكل من ساعة ما جيت سلمت عليه ورفض وعمال يقول كلام زي القطر بس براحته ولا هيفرق معايا بقى عايز يوريني ايام سودا ولا هيفرق معايا بعد اذنك يا خالتو 

ومشيت روفان 

اول ما روفان مشيت ثريا قالت بينها وبين نفسها 

ثريا: يارب جيب العواقب سليمه الاتنين دماغهم انشف من بعض ربنا يهدي الحال 

وفي مساء اليوم كانوا قاعدين روفان وفهد قدام المأذون 

والمأذون كان بيعمل اجراءات الجواز وبعد لحظات المأذون قال جملته الشهيره 

المأذون: بارك الله لكما وبارك عليكما وجمع بينكما في خير وعلى خير 

اول ما روفان وفهد سمعوا كده نظرتهم اتقلبت لحزن شديد كل واحد فيهم عارف انه مش هيقدر يتأقلم مع التاني نهائيا بس خلاص مكنش في ايدهم حل 

وبعد وقت كان المأذون مشي وكانوا واقفين قدام ثريا اللي بصت على فهد وقالت 

ثريا: طبعا اكيد يا فهد انت هتنام في اوضه وروفان هتنام في اوضتها مش كده 

روفان: اكيد طبعاً كله على الورق حاجه تبرر قعادي عندكم 

فهد: طبعا يا امي بس انا عايز روفان في كلمه في اوضتها هي لو تسمح طبعا 

روفان: لا مسمحش انا مش عاوزه يكون ليا كلام معاك اصلا وياريت ميكنش في بينا اي وسيلة تواصل 

فهد بص على روفان وقال 

فهد: هو انتي مينفعش معاكي الادب ما تقولي اه مره وتريحيني ده اي الاستفزاز ده 

روفان: اريحك انت بتحلم يا فهد اني اسمع كلامك في حاجه واعمل حسابك مش هدخلك اوضتي واتكلم معاك ابسولوتلي 

اتكلمت ثريا وقالت 

ثريا: عشان خاطري انا يا بنتي شوفي هو عايز اي ومتقلقيش مش هيقول كلمه تدايقك ولا حاجه تلاقيه بس عايز يحل معاكي الامور 

وبصت على فهد وكملت كلامها وقالت 

ثريا: مش كده يا فهد عايز تصلح الامور مع روفان ولا اي 

فهد: اه عايز احط النقط على الحروف مع روفان وده حقي هي دلوقتي مراتي وقبل ما تكون مراتي بنت خالتلي 

روفان: طيب انا داخله اوضتي ابقى تعالى ورايا اما نشوف اخرة اليوم اللي مش عايز يعدي ده اي حاجه تخنق اوف 

ومشيت روفان 

واول ما مشيت فهد بص على أثرها بغضب وثريا لاحظت نظرته دي وراحت وقفت قدامه ومسكت ايده وقالت 

ثريا: متدايقهاش هي فيها اللي مكفيها وزياده متبقاش انت والزمن عليها 

فهد: اي حاجه هتحصل هتكون هي السبب فيها يا امي لازم تتربى متشتغليش بالك انا هعرف اتصرف معاها كويس 

ثريا: بس  يا فهد روفان مش قدك هي تبان قويه بس دي هشه اوي 

فهد : خشي نامي يا امي لو سمحت وانا هروح عند روفان 

ومشي فهد

وبعد لحظات كانت روفان قاعده على سريرها وباين عليها ملامح الغضب 

دخل عليها فهد وكان باين عليه ملامح الغضب وراح وقف قدامها وقال 

فهد: قومي تعالي معايا عايز اوريكي حاجه 

روفان: مش قايمه ومش جايه انا مش تحت امرك انا قومي تعالي روحي لا لا اللي عايز تقوله قوله وانا قاعده وسمعاك 

فهد: قومي وتعالي معايا احسن ما اجيبك بطريقتي وطريقتي هتزعلك 

روفان : مش جايه هو بالعافيه يا عم انت ولا اي وخلاص يلا اطلع بره مش عاوزه اسمع منك حاجه 

اول ما فهد سمع كده راح شالها وهي اتعصبت من طريقته وفضلت تحرك نفسها عشان تنزل وهو كان ماسك فيها جامد وقال 

فهد: قولتلك تعالي معايا عندتي وانا مبحبش اللي بيعاندني 

روفان: نزلني انا مش عاوزه اروح في حته والله لاوريك نزلني بقولك 

وفهد كان متجاهل كلامها كأنها مبتتكلمش اصلها وفضي ماشي بيها 

وبعد لحظات كانوا وصلوا لجنينه وفهد نزل روفان وهي بصتله بغضب ورفعت صباعها ناحيته وقالت 

روفان: انت مجنون ولا اي اوعى تكون صدقت نفسك انك جوزي لا يا شاطر مش روفان الالفي اللي تحب واحد زيك قليل الذوق اياك ثم اياك تقرب مني او تلمسني تاني فاهم 

فهد ابتسم ابتسامه خبيثه وقال 

فهد: بصي وراكي بعد كده اتكلمي وعلى صوتك براحتك 

لفت روفان وراها وانصدمت لما شافت اسد ونمر واقفين قدامها بيعملوا اصوات تخوف 

روفان بصراخ: عاااااااا يا ماما يا ماماااااااااا اسد اسد ووووو نمر لاااااا 

ولفت روفان ناحيه فهد وخبت راسها في حضنه وقالت 

روفان: ارجوك مشيهم ارجوك انا نبض قلبي زاد وممكن اموت فيها مشيهم 

فهد : دلوقتي بتترجيني اومال فين جرائتك اللي كانت معايا من شويه مش همشيهم غير لما تعتذري عن قلة ادبك معايا 

روفان: اسفه اسفه اسفه مشيهم بقى انا لسه سامعه صوتهم حرام عليك انا هموت 

فهد: ايوه كده لازم تتعلمي الادب عشان تعرفي مين فهد الحسيني كويس 

روفان: مش وقته انا بتخنق مشيهم بقى 

وبالفعل فهد اذن الاسد والنمر انهم يمشوا 

فهد: خلاص مشتهم ابعدي عني بقى رغم انك قولتي مش عايزه تقربي مني خالص 

بالفعل عدلت روفان نفسها وبصت على فهد وقالت 

روفان: انت اكيد اكيد مريض مش طبيعي ازاي مربي اسد ونمر دول كانوا هياكلوني 

فهد حط ايده في جيبه وقال 

فهد : بصي بقى اوعي تكوني فكراني حنين والكلام ده لا انا اسم على مسمى وانتي دخلتي وكر الفهد على فكره انا مكنش في بالي اعاملك كده وقولت هوريكي الجانب الطيب ممكن تنعدلي لكن لا حسك علي عليا وبتعانديني وبتشربي سجاير قدامي وحاجه في قمة القرف من انهارده لو فكرتي تعانديني او تعملي فيا حاجه هخلي الاسد والنمر ياكلوكي ميخلوش فيكي حته سليمه 

روفان: انت ازي كده على فكره مش شطاره انك تستقوى بالحيوانات بتوعك وانا متكسرش ابدا وعلى فكره انا ممكن اروح ابلغ عنك انك بتهددني انك تخلي الاسد والنمر ياكلوني اي هي البلد مفهاش قانون 

فهد: روحي اعمليها هقدر اخبيهم واقول معلش اصل مراتي مجنونه بتتخيل حاجات مش حقيقيه وهتدخلي انتي مستشفى المجانين اي رأيك 

روفان: انت بتعمل معايا كده ليه انت ملكش حق تفرض سيطرتك عليا ابدا اشرب سجاير مشربش البس حلو البس وحش انت مالك 

اول ما فهد سمع كده قرب روفان منه ومسكها من خصرها جامد لدرجه ان روفان كان بتتوجع من مسكة ايده وبص في عيونها بكل غضب وقال 

فهد: هما لحقوا الاسد والنمر يوحشوكي ولا اي عشان تعلي حسك عليا تاني ويعني اي ماليش حق انتي مراتي حتى لو على الورق بس قدام ربنا مراتي وقانونا مراتي ومن حقي اقولك تلبسي اي ومتلبسيش اي 

روفان بتوجع: فهد انت بتوجعني على فكره ابعد عني لو سمحت 

فهد قربها منه اكتر وقال 

فهد: على فكره انا كان ممكن اخدك اوضتي واخليكي تنامي على الارض بس قولت لا مش حمل ده كله هي خلي بالك من افعالك عشان اي حركه كده او كده مش هتعجبني هجبهملك 

وبعد فهد عن روفان وهي فضلت تاخد انفاسها بصعوبه وبعد كده بصت لي فهد وقالت 

روفان: انت مكنش باين عليكي انك قاسي كده خالص اي اللي حصلك 

فهد: انا فعلاً مش كده انا بقيت كده بسببك وبسبب عنادك وتمردك اللي مالوش اي لازمه 

روفان: فهد اعمل حسابك انا مش هنسالك اللي انت عملته معايا ده انهارده وهدفعك تمنه ولو فكرني هتغير مش هتغير 

فهد: اممم معقوله مش خايفه اجبلك الاسد والنمر تاني واخليهم فعلا يخلصوا عليكي 

روفان: لا لانك مش هتقدر تعملها وتخليهم يخلصوا عليا اخلاقك ومبادئك مش هتسمحلك انا خفت منهم عشان اتفاجئت ولو شفتهم هخاف تاني وتالت ورابع بس هكون واثقه من حاجه انهم مش هيأذوني لانك مش هتسمحلهم يأذوني فهد انا مش عرفاك انهارده ده احنا عارفين بعض من ساعه ما كنا صغيرين 

فهد : وانتي مش هتشوفي في عيني نظرة الاحترام طول ما انتي بحالتك دي هفضل كارهك ومش طايقك اوعي تكوني فاكره ان اللبس ده اناقه وشياكه انتي كده بتقللي من نفسك ومش مقدره نفسك كله هيجي فوق دماغك انتي على فكره 

روفان: ملكش فيه لو جيت اشتكلتك ابقى قولي كده انا داخله انام 

ومشيت روفان 

واول ما مشيت فهد بص على أثرها بغضب وقال 

فهد: هتفضلي معانده لحد امتى مسيرك تسمعي كلامك وتقولي انت صح 

و انتهى اليوم على كده

وفي صباح اليوم الجديد 

كانت روفان قاعده مع ثريا على السفره مستيين فهد ينزل وروفان اتكلمت وقالت 

روفان: انا مش عارفه ليه بصراحه نستناه يا خالتو يعني هو صغير ما ياكل لوحده 

ثريا: معلش يا بنتي عشان ميزعلش بردو وبعدين هو متعود يفطر معايا هو شويه وينزل انا معرفش اتأخر ليه مش عوايده 

في اللحظه دي روفان سرحت وحطت ايدها على دقنها واتذكرت كل اللي حصل بينهم امبارح وقالت في نفسها 

روفان: معقوله يكون بيحضر حاجه يخوفني بيها او يدايقني بيها اكيد ربنا يستر بس مهما كان انا مستحيل ابين اني خايفه منه 

وهي سرحانه سمعت صوت فهد وهو بيقولها في ودنها 

فهد: انا عارف انك خايفه لاكون بخطط لحاجه اخوفك بيها بس مش عاوزه تبيني وده اللي عاوزه خليكي مرعوبه كده 

اول ما روفان سمعت اللي قاله قامت من على الكرسي بفزع ووقفت قدام فهد وقالت 

روفان بفزع: انت جيت امتى اصلا وازاي تتجرأ تقرب مني وتكلمني في وداني وتخوفني بالطريقاتي انت اتجننت ولا اي 

فهد اول ما سمع كده تجاهل كلامها وخد كرسي وقعد  عليه وبص لثريا وقال 

فهد: انا هفطر يا امي ورايح الشغل لو سمحت لو التليفون رن والهانم ردت متخلهاش تقول انها مراتي 

ثريا: ليه بس كده يا ابني الكلام ده عيب تقول كده قدامها هي اي معندهاش احساس

اول ما روفان سمعت كده اتعصب وقالت 

روفان بغضب: لا يا خالتو اسمعي كلامه عادي على فكره مش فارقه معايا وبعدين من امتى وابنك بيعرف في العيب 

وبصت لي فهد وقالت 

روفان: وانت مين قالك اني عاوزه حد يعرف اني مراتك 

فهد بص على روفان ببرود وقال 

فهد ببرود: على الاقل انا عندي سبب اني مش عايز حد يعرف انك مراتي وهو انك متنفعيش تظهري معايا في حته عشان استايل لبسك ده طيب انتي اي السبب اللي  مخليكي مش عاوزه تعرفي حد اني جوزك قلوده اوي يا روفان 

روفان بغضب: لا في سبب وهو اني بكرهك مستفز اوي 

ومشيت روفان 

اول ما مشيت ثريا بصت على فهد وقالت 

ثريا: مكنش ليه داعي الكلام ده على الصبح كده دي كانت جعانه مفطرتش بسببك 

فهد: احسن ان شا الله عنها ما فطرت وبعدين يا امي انا عارف انا بعمل اي كويس كملي اكلك ومتشغليش بالك بينا 

ثريا عرفت ان مهما اتكلمت مع فهد مش هتقدر تخليه يغير من طبعه مع روفان فقررت تاكل وهي ساكته 

عند روفان كانت واقفه قدام المسبح بتفتكر كلام فهد اللي قالهولها وبتبكي وبتقول 

روفان بعياط: هو انا ليه متأثره كده المرادي من امتى كلامه وبيفرق معايا اصلا لا لازم ابطل عياط فهد رأيه فيا ميهمنيش المهم اني شايفه نفسي صح 

في اللحظه دي سمعت صوت فهد وراها وهو بيقول 

" بتعيطي اول مره اكتشف ان عندك احساس وبتعيطي "

لفت روفان وشها ناحية فهد شافته وهو بيقرب منها وبيقول 

فهد: مكملتيش اكلك ليه زعلتي عشان مش عايز اعترف بيكي مش كده وعايز اقولك ان اي حد يشوفك بلبسك ده هيبصلك نفس البصه اللي ببصهالك انتي محدش هيحبك ولا هيقدرك وهتفضلي طول عمرك لوحدك كده 

روفان بغضب: انا زهقت اي عمال تكرر كلامك لبسك لبسك انت مالك هكون لوحدي محدش هيحبني انا عاوزه اكون لوحدي لما اجي اشتكيلك ابقى عاتبني لكن دلوقتي لا والف لا 

فهد بغضب: للمره الاخيره بقولك متتكلميش معايا بطريقتك المستفزه دي تاني 

روفان: هتكلم بطريقتي المستفزه ومش هسمع كلامك في اي حاجه 

فهد بص على روفان بغضب وابتدى يقرب منها وهي ترجع ورا وهي بتقول 

روفان بتوتر: انت بتقرب ليه ابعد بقولك ابعد يا فهد ابعد 

وفهد مكنش بيسمع كلامها كان بيقرب منها اكتر وقرب منها ومسكها من خصرها جامد وقربها منه وقال 

فهد: بقى شايفه نفسك صح وبتعانديني ومبتسمعيش كلامي تستاهلي اللي هعمله فيكي 

روفان باستغراب: هتعمل اي يعني انت متقدرش 

وكانت لسه هتكمل كلامها ولكن فهد زقها وقعت في المسبح 

روفان بغضب: انت شكلك هربان من مستشفى المجانين توقعني في المسبح ليه 

فهد: براحتي كيفي جه اني اوقعك في المسبح رحت وقعتك وكمان قولت اوقعك في المسبح تتبهدلي احسن ما اجيبلك الاسد والنمر يصبحوا عليكي مش كده ولا اي يا زوجتي 

روفان بغضب: اتفضل ساعدني اطلع لو سمحت اعصابي تعبانه مش قادره امسك نفسي

فهد:وانا مالي اطلعي مع نفسك مش هبهدل نفسي في المياه انا خليكي في المياه يا روحي لحد ما تتمالكي اعصابك باي 

ومشي فهد 

وروفان بصت على أثره بغضب وقالت 

روفان بغضب : يارب تعرف الشخص تعرف الطلب يارب ريحني منه 

وحاولت روفان انها تطلع من المسبح 

وبالفعل طلعت وجريت على اوضتها عشان تغير هدومها 

و مر اليوم دون احداث جديده على ابطالنا 

وبعد مرور شهرين من اليوم ده وكانت طول الفتره دي فهد بيعامل روفان بقسوه جديده ودايما كان بيهينها ويقلل منها وهي كانت دايما بتعانده ومكنوش هما الاتنين مريحين مع بعض لكن رغم ده كله روفان بدأت تحس انها بدأت تتعلق بفهد واتأكدت انه بيعمل كده خوف عليها من كلام ونظرات الناس وقررت انها تبتدي واحده واحده بالتغيير اما يارا كانت بتحاول تقرب من فهد بردو او تلاقي حاجه توقعه بيها 

لكن جه اليوم اللي خلى روفان تغير قرارها في حوار التغيير 

في يوم كان فهد واخد اجازه من الشغل واتصل بي يارا عشان تيجي تجبله الملفات 

وبعد وقت كان فهد قاعد في الجنينه مستني يارا

ويارا جت بلبسها المكشوف وكانت ماشيه بدلع وفهد لاول مره يقوم يقفلها ويقابلها بابتسامه ويقول 

فهد: نورتي يا يارا بجد شكرا ليكي انك جيتي وتعبتي نفسك 

يارا كانت مستغربه من فهد لانه اول مره يقابلها كده وقالت 

يارا: لا عادي يا مستر فهد تعبك راحه بس انا مبسوطه اوي ان حضرتك ابتديت تتبسملي مش قابلني بوش الخشب ده 

فهد بابتسامه: اصل مزاجي رايق انهارده يا يارا عشان كده اي رأيك تقعدي تتغدي معانا 

يارا بخجل: لا ورايا شغل الشركه لازم امشي شغل الشركه كأن حضرتك موجود بالظبط 

فهد: بتحرجيني انتي يا يارا والله تسلمي فعلا 

واللي كان ملاحظ وشايف ده كله هي روفان اللي كانت غيرانه جدا وكان باين على ملامحها الغضب ونادت بصوت عالي وقالت 

روفان: فهد تعالى لو سمحت انا عايزاك فورا في موضوع ضروري 

بصت يارا على روفان باستغراب وبعد كده بصت على فهد وقالت 

يارا: غريبه مين دي يا مستر فهد انا اول مره اعرف ان حضرتك عندك قرايب بنات 

روفان بغضب: انا يا حبيبتي اكون مرا 

وقاطعها فهد وقال 

فهد: بنت خالتي كانت بره وجايه زياره بعد اذنك يا يارا هطلع اشوف هي عاوزه اي وشكرا ليكي مره تانيه 

هزت يارا راسها بالموافقه 

ومشي فهد 

اول ما مشي فهد يارا قالت في نفسها 

يارا في نفسها: هي كانت هتقول انا مرا بعد كده هو قال بنتي خالتي في حاجه غلط في الموضوع ده وانا هحاول اتصرف واجي هنا تاني واعرف مين دي 

ومشيت يارا 

عند روفان كان قاعده ودخل عليها فهد اللي كان باين عليه ملامح الغضب وهو بيقولها 

فهد بغضب: انتي مجنونه اكيد عايزه تقوللها انك مراتي مش احنا اتفقنا ان محدش هيعرف 

روفان بغضب: اه قول كده مكنتش عايز حد يعرف عشان تقضيها مع ست يارا بتاعتك وعملي فيها بتاع اخلاق ومبادئ ولبسك مقلل منك وانتي مش مقدره نفسك ومحدش هيقدرك وهتفضلي لوحدك وفضلت تعيد في الكلام ده كأنك راديو بالظبط وانا كنت قربت اقتنع انك خايف عليا وعايز مصلحتي وكنت هتغير واتنيلت ابتديت احس بناحيتك مشاعر تطلع مصاحب يارا اللي لبسها ميقلش حاجه عني ده انت طلعت راجل 

وكانت لسه روفان هتشتم لكن فهد قاطعها وقال 

فهد بغضب: انا مسمحلكيش تغلطي فيا وبعدين انتي لو عاوزه تتغيري عشان نفسك مش عشاني وانا مفيش حاجه بيني وبين يارا 

روفان: كداب لو مكنش في حاجه بينكم مخلتنيش اقول ليه اني مراتك ودلوقتي انا عاوزه الكل يعرف اني مراتك حقي 

فهد: انتي ملكيش حقوق عندي لاني لحد دلوقتي مش معتبرك مراتي وانتي عارفه كده 

روفان: ولا هتعتبرني مراتك عشان انت دماغك مشغوله بست يارا 

فهد بغضب: روفاااااااان قولتلك مفيش في دماغي يارا ولا غير يارا 

روفان بغضب: لو عايزني  اصدقك خلينا نعمل حفله وخليها تعرف اني مراتك غير كده مش هصدقك وكمان عشان انا حسيت انها بتحبك من نظراتها ليك وانا مسمحش ان جوزي حد يبصله نظرات حب 

فهد بغضب: روفان لو سمحت بلاش كلام فارغ واصلا انتي من امتى وانتي بتغيري عليا

روفان: من دلوقتي وانا ماليش دعوه عاوزه يارا تعرف اني مراتك 

فهد: مش دلوقتي يا روفان  لما تبقي احسن وتبطلي سجاير هبقى اقول 

روفان: متتحجش بالسجاير انا بطلت اشرب كتير زي الاول ويعتبر ابتديت اتغير واحده واحده يعني معندكش حجه 

فهد: انتي عاوزه اي دلوقتي يا روفان عشان انا مش فاضي للكلام ده 

روفان: عايزاك تعرف الكل انك متجوز اي ابسط حقوقي 

فهد: ليه مش كله على الورق مش ممكن حد يكون معجب بيكي ولا حاجه لما يعرف كده يمشي 

روفان قربت من فهد وحطت ايدها على وشه وقالت 

روفان : انا مش عاوزه حد غيرك خالص فهد انا ابتديت فعلا احبك حبيت اصرارك على تغيير لبسي حييت انك مفكرتش تقرب مني غصب عني حبيت خناقتنا وعنادنا حتى لما وقعتني في المسبح حبيت اللحظه دي 

فهد كان سامع الكلام ده وكان متوتر وقال 

فهد : حتى لو انتي حسيتي من ناحيتي بحاجه انا مش هقولك حاجه عن احساسي دلوقتي ولا هقول حاجه لحد عن جوازنا غير لما اتأكد انك بقيتي زي مانا عايز ماشي 

ومشي فهد 

اول ما مشي فهد روفان بصت على اثره بغضب وقالت 

روفان: بقى لما تتأكد اكيد دي حجه ماشي انا هخلي الكل يعرف اني مراتك عليا وعلى اعدائي يا فهد 

و انتهى اليوم على كده

وفي اليوم الجديد كان فهد راح الشركه 

وروفان كانت في اوضتها لابسه فستان احمر قصير حاطه ميكب خفيف واقفه قدام المرايا وبتقول 

روفان: انت اللي جبته لنفسك انا هروح واقول ليارا اني مراتك وهي عاوزه تقول للموظفين او متقولش فارقه المهم اعرفها الحقيقه بس هقول لماما لثريا اني خارجه اتمشى لاني زهقت من قعدة البيت عشان لو عرفت انا ناويه على اي هترفض 

وخدت روفان نفس عميق مصحوب بخوف وتوتر  هي عارفه ان اللي بتعمله ده غلط بس في نفس الوقت مش قادره تتحمل ان يارا تكون بتفكر في فهد وبتفكر انها  تكون مراته فعشان كده روفان خدت القرار النهائي وانها تروح تقول لي يارا 

ومشيت روفان 

وبعد وقت 

في شركة فهد كانت يارا قاعده على مكتبها بتفكر في

طريقه فهد معاها امبارح وبتفكر في البت اللي شافتها وبتقول بينها وبين نفسها 

يارا : مين البت دي وكان اي قصدها ب مرا دي وليه هو قاطعها معقوله تكون مراته طيب ولو مراته مقالش ليه 

في اللحظه دي جت روفان وشافتها سرحانه وسمعت هي بتقول اي وقالت 

روفان: ايوه صح انا مراته وهو كدب عليكي امبارح عشان بس كنا متخانقين 

يارا اول ما سمعت كده قامت من على الكرسي وهي كانت مصدومه وقالت 

يارا بصدمه: ايوه بس ازاي انتي مراته ده مقالش ولا عزمنا على الفرح 

روفان: اول حاجه عشان نتكلم براحتنا فهد فين دلوقتي 

يارا: في غرفة الاجتماعات اتكلمي انا عاوزه اعرف كل حاجه 

روفان: مفيش يا ستي احنا معملناش فرح عشان والدتي توفت قبل الفرح وكانت وصيتها اننا منأجلش الفرح فعملناه على الضيق اما حوار هو مقالكوش ليه ده انا اللي قولتله عشان كنت هحس بالخجل لما تعرفوا ومتجوش او معملكوش حفله فقولت ميقولش بس كده 

يارا كانت لسه هتتكلم لكن لاحظت لبسها اللي ميقلش حاجه عنها وقالت 

يارا: ازاي مستر فهد اختارك وانتي بتلبسي قصير كده ده بيكره اوي اللبس ده 

روفان بخبث: الحب يصنع المعجزات اه بقولك اي صح متقوليش لحد عشان فهد ميتدايقش انا قولت اقولك عشان معرفتش اقولك امبارح يلا باي باي يارا حبيبتي 

ومشيت روفان وهي حاسه بانتصار من انها قدرت تكيد يارا وكمان كانت متأكده ان يارا هتقول للكل على جوازهم وهي عاوزه كده عشان تحط فهد تحت الامر الواقع

واول ما روفان مشيت يارا قالت 

يارا: مقولش  لحد ده انا هقول للكل بقى يقولي انا رافضك عشان طريقة لبسك واسلوبك ويطلع كان خاطب ست الحسن ده انت طلعت يا فهد ممثل اوي انا هقول للكل وخصوصا الناس المهمه ونشوف رد فعلهم اي لما فهد باشا يتجوز وميقولش لحد بقى بترفضني انا عشانها ماشي استقبل اللي جاي 

ومشيت يارا وهي بتحضر تقول اي للشركاء عشان تخليهم يقلبوا على فهد 

وفي مساء اليوم 

كانت روفان قاعده في اوضتها دخل عليها فهد وكان باين عليه ملامح الغضب وقال 

فهد بغضب: انتي ازاي تتجرأي تيجي الشركه وتقولي لي يارا انك مراتي انتي بردو عملتي اللي في دماغك 

روفان قامت من على السرير ووقفت قدام فهد وبصتله بغضب وقالت 

روفان بغضب: اه ومش ندمانه عشان تلغي من دماغها اي فكره انها تقربلك 

فهد بغضب: يا شيخه حرام عليك اعمل فيكي اي انا بكرهك يا روفان بكرهك بسببك انتي يارا راحت كلمت الشركا بتوعي وقالتلهم اني اتجوزت ومقولتش وزودت اني عملت حفله ومعزمتش حد من الشركه ولا الشركا وانها عرفت بالصدفه وزودت اني بستهزأ بيهم كمان اتصلوا بيا وسمعت كلام عمري ما سمعته في حياتي قبل كده وحاولت اهدي الموضوع بأقصى الطرق وياريت بس كده راحت تقول للموظفين ان المدير اللي مش بيشجع اللبس القصير مراته جت الشركه وهي لابسه فستان احمر قصير وبدل ما كنت قدوه مبقاش حد يحترمني اعمل فيكي اي 

روفان كانت سامعه ده كله وكانت مصدومه هي مجاش في بالها ولا بنسبة ان 1% ان يارا تعمل كده هي افتكرت هتقول اتجوز بس للموظفين 

وانهارت روفان من العياط وقالت 

روفان بعياط: انا والله ما كنت اعرف ان هيحصل ده كله والله سامحني 

في اللحظه دي جت ثريا وثالت 

ثريا: في اي مالكم صوتكم عالي اي مش كلنا بطلنا خناقات 

بص فهد على ثريا وحكالها كل اللي حصل 

اول ما ثريا سمعت اللي حصل بصت على روفان اللي كانت منهاره من العياط وقالت 

ثريا: ليه عملتي كده ليه كدبتي عليا غيرتك دي ودتك في داهيه لا انتي غلطانه يا روفان 

روفان بانهيار: والله ما اعرف ان كل ده هيحصل انا كنت عاوزه اخليها تبعد عنك وبس لكن معرفش انها ابليسه اوي كمان 

فهد بص على روفان بصه تدل على الحزن والقهره وقال 

فهد : يعني حتى لما تحبي تقولي تلبسي قصير بردو مصممه تعانديني انا فقدت الامل فيكي تصوري اني كان نفسي علاقتنا تتحسن عشان ابتديت احبك لكن بعد اللي عملتيه انهارده وانتي خليتي كل المشاعر اللي كانت في قلبي من ناحيتك تتقلب لكره خلاص من انهارده اعملي اللي عايزاه انا شلتك من مسئولياتي  دمرتيني ودمرتي شغلي 

روفان بانهيار: لاااا متقولش كده خلاص انا هتصرف وهصلح كل حاجه بس انت اهدى 

فهد : لا خلاص شكرا انا ماشي وياريت محدش يدور عليا 

ومشي فهد 

وجريت روفان وراه عشان تلحقه ولكن شافته وهو بيركب العربيه بيمشي ملحقتهوش 

بصت روفان على عربيته وهي ماشيه بعيد وقالت 

روفان: كنت استنيت والله هصلح كل حاجه متقلقش 

في اللحظه دي جت ثريا وخدت روفان في حضنها وقالت 

ثريا: خلاص اللي حصل حصل انتي غلطتي بس هنعمل اي وهو هيرجع هيروح فين يعني متقلقيش 

روفان: خليه يبعد براحته يا ماما انا مش هرتاح ولا هعرف ارجعه غير لما اصلح اللي انا عملته ده 

ومشيت روفان 

وانتهى اليوم على كده 

وبعد مرور 10 ايام وطول الفتره دي مكنش حد فيهم يعرف حاجه عن فهد نهائي اما روفان راحت عند يارا وبهدلتها وخدت ارقام كل الناس المهمه واتصلت وقالت ليهم الحقيقه وقالت ان يارا بتكدب وهما صدقوها عشان هما عارفين طبع فهد كويس بس كلام يارا أثر فيهم وقررت تتحجب وراحت الشركه وهي محجبه وجمعت كل الموظفين وقالت 

روفان: اهو انا روفان مرات فهد الحسيني بنت محجبه ملتزمه الاول مش هنكر اني كنت بلبس قصير لكن فهد غيرني رغم قسوته عليا بس سمعت كلامه فهد هو فهد نفسه مديركم اللي انتم عارفينه وعلى فكره هو لما يقولكلم مثلا لا على اللبس القصير يبقى عشانكم انتم لمصلحتكم وعشان هو شاب وعارف الشباب التانيه بتفكر ازاي كويس فخايف على اخواته البنات وكمان هو شايف البنت جوهره نادره والجوهره بتكون متصانه ومحفوظه في علبه ومتغطيه لحد ما اللي يستاهلها ياخدها عشان كده اوعى حد فيكم يقول كلمه وحشه عن فهد ابدا 

ومشيت روفان بعد ما قالت الكلام ده هي مبسوطه انها قدرت توصل رسالة فهد زي ما كان عايز وفي نفس الوقت مبسوطه بنفسها انها اتغيرت 

وراحت روفان على البيت ودخلت اوضتها وحاولت تتصل بفهد لكن مفيش فايده فقررت تبعتله رساله تعبر فيها عن اللي في قلبها وقالت في الرساله 

روفان "لماذا  تختبرني بغيابك اتعلم انني لا استطيع تحمل غيابك إن قلبي ينكسر عندما امر في المكان الذي كنت تجلس فيه  ولا اراك احس باليأس واحس ان الايام اصبحت سوداء في نظري  ان حياتي بدون وجودك فيها ليس لها اي معنى 

  يكفي غيابا و عود ان القلب والعين اشتاقوا  لي رؤياك

احبك كثيرا يا اول شخص نبض له قلبي 

انت وحشتني اوي انا فعلا مش عارفه اعيش من غيرك" 

بعتت روفان الرساله نامت وهي دمعتها على خدها 

عند فهد كان قاعد في اوتيل وكان عرف كل اللي روفان عملته عشانه وكان فرحان جدا وفرحته زادت وهو بيقرأ الرساله اللي هي بعتتهاله وقال 

فهد بتنهيده مصحوبه بابتسامه: روفان انتي عملتي كل ده عشاني لا خلاص كفايه كده 

وقام فهد مكانه ومشي 

بعد وقت 

عند روفان كانت نايمه ولكن حست ان في حد بيبوسها من راسها فتحت عينيها وهي كانت خايفه وقالت 

روفان بنعاس: في اي مين هنا مين هنا الحقوني 

وركزت في الشخص الموجود وانصدمت لما شافت فهد قدامها 

اول ما شافته قامت حضنته وقالت

روفان: وحشتني اوي اوي انت جيت امتى وبعدين ليه بتبوسني من راسي كنت صحيني 

بعد فهد روفان عنه وقال 

وركع على رجليه قدامها وقال 

فهد: مش هنكر انك عصبتيني كتير وطلعتي عيني بس رغم ده كله مقدرتش اكرهك ابدا ولو كنت قولتلك مره كرهتك اعرفي انها مش من قلبي  انا عرفت بكل اللي عملتيه وعرفت انك اتحجبتي عشان كده جاي اقولك كلمتين اسف وتقبلي تتجوزيني وهعملك فرح في احلى قاعه وهعزم الكل زي ما انتي عاوزه 

روفان: طبعا موافقه بحبك اوي 

وقام فهد من على الارض وشال روفان ولف بيها 

في اللحظه دي دخلت ثريا وكانت بتزغرط وقالت 

ثريا: معلش كنت بتسنط بس المهم مبروك عليكم الفرح الكبير يا حبايب قلبي 

بصورا روفان وفهد على بعض وابتسموا 

وبعد شهر 

كان فرح روفان وفهد في قاعة كبيره وكانوا بيرقصوا سلو وكانوا مبسوطين 

وبعد كده وقفوا ثريا وفهد وروفان قدام الكاميرا وعملوا باي للكاميرا 

و انتهت قصتنا على كده

متمردة فى قبضة الفهد _ حكايات شروق للقصص الكاملة

Related Posts