بقلم الكاتبه المبدعه والمتميزه فاتن فتحى
تبدأ قصتنا
في بيت راقي في القاهره كانوا قاعدين ابطالنا شادي وفادي مع ابوهم احمد
احمد: بقولكم اي انتم الاتنين احنا هنسافر الصعيد بكره وهنستقر هناك
شادي بغضب: اي الكلام ده يا بابا اكيد لا انا مش موافق على الكلام ده خالص صعيد اي اللي نسافرها دي يا بابا
فادي: يعني بعد ما عشنا حياتنا في القاهره تيجي تقول نسافر الصعيد اكيد لا ده يبقى ظلم ونحن شعب يرفض الظلم والاستعباد
احمد: بطلوا هبل انتم الاتنين ظلم اي واستعباد اي وبعدين انتم متمسكين بالقاهره كده عشان السهرات اللي بتسهروها في الملهى الليلي مش كده والبنات اللي بتمشوا معاها انتم فاكريني نايم على وداني مش عارف حاجه
شادي: ولو يا بابا صعيد مش هنسافر نروح للناموس والحر والقرف هناك وصوت البهايم وريحتهم لا لا
فادي: اه طبعا تخيل يا بابا دول بيصحوا على الساعه 7 الصبح ليه يعني بيبيعوا لبن صعيد ومش هنسافر
احمد بغضب: بقولكم اي انتم الاتنين هتتنيلوا تسافروا الصعيد وانا على فكره مش باخد رأيكم انا بأمركم يلا الشنط تتحضر عشان بكره مسافرين وتنسوا القاهره نهائي وتنسوا الملهى الليلي والحاجات القرف اللي بتعملوها دي انا ماشي
ومشي احمد وساب ولاده قاعدين في قمة غضبهم هما مش مستعدين يسيبوا القاهره ابدا لانهم فاكرين ان الحياه في الصعيد صعبه وانهم صعب يتأقلموا على العيشه هناك
و انتهى اليوم على كده
وفي صباح يوم جديد كانوا وصلوا الصعيد وخاصة قدام دوار عيلة الشريف
شادي: معقول بقى انت يا بابا كنت عايش في القصر ده هو حلو اوي بس لو مكنش في الصعيد
فادي: عارف يا شادي مفيش حاجه كامله اول ما تخش هتلاقيه ذريبه انا واثق
احمد: لموا نفسكم ده جوه احسن بكتير بس عارفين منك ليه لو قلتوا كلمه جوه تجرح ابويا هديكم بالجزمه
ومشي احمد ودخل الدوار
ودخلوا شادي وفادي الدوار وراه وكان في استقابلهم جدهم الحج حسن
حسن: حبايبي حبايبي نورتوا الصعيد كلياتها يا حبايب جلبي
شادي: ده بنورك يا جدو والله انبسطت بشوفتك
فادي: اه وانا انبسطت بشوفتك يا جدو
احمد: يا جزمه منك ليه روحوا احضنوا جدكم وبوسوا راسه يلا
حسن: لاه يا ولدي خليهم على راحتهم هما لسه
مش متعودين علي
في اللحظه دي شادي وفادي راحوا حضنوا جدهم وباسوا راسه
وبعد مرور لحظات كانوا شادي وفادي قاعدين مع جدهم وابوهم
احمد: اومال فين فوز وفريده ماجوش سلموا يعني
حسن: والله يا ولدي مخابرش كل واحده فيهم بتكون مشغوله في حاچه اهنه اللي بتسجي الورد واللي تلاجيها مع البهايم
فادي: طيب يا جدو انا هقوم اتمشى شويه في الحديقه
حسن: روح يا ولدي
ومشي فادي
شادي: طيب انا عاوز اطلع على اوضتي ممكن يا جدو
هز الجد راسه بالموافقه
ومشي شادي
وبعد مرور لحظات كان فادي بيتمشى في الحديقه
وهو بيتمشى اتزحلق و وقع على الارض
فادي بتعب : اه رجلي اتكسرت اه يا انا يا ما انا
رجلي وجعاني
في اللحظه دي ظهرت بت ملامحها جميله اوي محجبه وعيونها لونها بني جميله ودي كانت بطلتنا فريده بنت عمهم
فريده بغضب: في اي يا عم مش تخلي بالك وانت ماشي هو انت اعمى
فادي بغضب: يا بت انتي مبتشوفيش انا اللي واقع انا اللي رجلي اتكسرت بدلا ما تيجي تسنديني وتعتذريلي بتزعقيلي
فريده بغضب:ونبي بلاش دلع صدق اللي قال الرجاله ماتت في حرب 73 اي اتزحلقت في حبة ميه ممتش يعني
فادي بتعب: وبعدين انتي بتعملي ايه عشان تدلقي المياه دي كلها وازاي انتي من الصعيد وبتتكلمي زينا
فريده: عادي يعني عشان انا واختي متعلمين تعليم عالي في جامعة القاهره وبعمل هنا اي بسقي الورد وبرش الحديقه ويلا قوم بطل دلع
فادي بتعب: والله ما قادر تعالي انتي قوميني
فريده: ده لما تشوف حلمة ودنك ابقى اقومك خليك واقع كده زي ما بيوقعوا البهيمه عشان يدبحوها لكن انا مش هقوم حد
فادي : قصدك اني انا بهيم ولا ايه يا بت انتي
فريده بضحك: والله اللي على راسه بطحه يحسس عليها بقى وبعدين انت مين انا اول مره اشوفك هنا
فادي: انا فادي احمد الشريف ابقى حفيد الحج حسن
فريده بصدمه: ابن عمي يعني انا فريده ذكريا الشريف
فادي بفرحه: حلو تعالي قوميني يا بت عمي يهون عليكي افضل واقع كده يا حلوه انتي
فريده بغضب: اياك تقولي كلمه حلوه ولا تغازلني تاني ومش هقومك خليك كده انت لما تلاقي محدش هيساعدك هتقوم لوحدك يلا سلام
وبالفعل مشيت فريده وسابت فادي واقع على الارض
عند شادي كان قاعد في اوضته وكان زهقان
شادي بملل: انا زهقان اما انزل اتمشى في الحديقه شويه
وبعد مرور لحظات كان شادي طلع من الدوار وراح الحديقه عشان يتمشى
وفجأه وهو ماشي شاف اسد واقف في الحديقه واول ما الاسد ما شاف شادي بقى يعمل اصوات تخوف شادي وعمال يقرب منه
وشادي اول ما شاف الاسد وسمع صوته صرخ بصوت عالي وحط ايده على راسه وقعد يتنطط
شادي بصراخ: عاااااااا الحقوني اسد يا بابا يا جدو في اسد الحقووووووني هياكلني عاااااا
في اللحظه دي جت بطلتنا التانيه فوز اخت فريده وكانت بتجري وهي لابسه عبايه وحجاب
فوز : اسكار يا اسكار تعالى يا حبيبي هو مش انا قولتلك متخوفش حد غير لما اقولك تعالى يا اسكار
اول ما اسكار شاف فوز جري عليها وقعد قدامها
وفوز قعدت على الارض وحطت ايديها على راسه
فوز بحب: حبيب قلبي اللي بيسمع كلامي خليك قاعد كده ماشي
وقامت فوز من على الارض وبصت لي شادي بغضب
فوز بغضب: في ايه ما براحه خوفت اسكار هو لما بيخاف بيعمل اصوات تخوف كده
شادي بصدمه: انتي طبيعيه يا بت انتي مربيه اسد اسد انا اسمع الواحد يربي كلب قطه لكن اسد يا مفتريه انتي متأكده انك طبيعيه
في اللحظه دي جم احمد وحسن وفريده
حسن بتوتر : مالك يا ولدي بس خوفتني عليك
احمد: في اي يلا انطق هببت ايه
شادي: مفيش شوفت اسد بس انت ازي يا جدي مخلي اسد في الدوار
فوز بغضب: يلا بقولك اي اقف عوج واتكلم عدل ليه اسم واسمه اسكار ماشي وعادي يعني اربي اسد القطه والكلب دول بتوع العيال التوتو اللي زيك كده يا قلب امك
حسن بضحك: خلاص يا فوز اهدي معلش يا ولدي بس هي فوز بتعشج الحيوانات واتصرفت وچابت اسد وسمته اسكار
في اللحظه دي جه فادي وكان مش قادر يمشي
شادي بتوتر: فادي مالك يا اخويا اي اللي حصلك
في اللحظه دي فادي بص على فريده
فادي بغضب: انتي عارفه انا وقعت كام وقعه وانا جاي بسببك الله ينتقم منك
فريده بغضب: انت عارف ان الدعوه بتلف تلف تلف وترجع لصاحبها يبقى ان انت اللي ربنا هينتقم منك
في اللحظه دي فادي خد باله من الاسد
فادي بخوف: عاااااا اسد الحقونا هياكلنا
فوز بنفاذ صبر: استغفر الله العظيم مالكم بس خايفين كده ليه ده اسكار كيوت اوي وبعدين يلا انت بتزعق لاختي ليه يلا وبعدين انتم مين اصلا
فريده بضحك : اللي مش قادر يقف على حيله ده فادي واكيد التاني شادي ولاد عمنا
شادي بصدمه: فوز وفريده انتم معقول بنات عمنا
فوز بضحك: يا على حظي الاسود يا نا يا ما يطع ابن عمي فرفور بيخاف من الاسد
شادي بغضب: والله انا مش فرفور انا انسان طبيعي لكن انتم كلكم مش طبيعين كلكم
احمد بغضب: ما تلم نفسك واعمل حساب ان انا وجدك واقفين
فادي: انتم مستوعبين ان احنا واقفين ومعانا اسد
فوز بغضب: يادي النيله اسد اسد ما قولنا اسمه اسكار وكلمه تانيه هخليه ياكلكم وانت يا اللي مش قادر تقف على حيلك مش هتعرف تجري يعني فريسه سهله
فادي : ما كله بسبب فريده هانم
فوز: اولا اختي مبتغلطش ثانيا انت شكلك فرفور زي اخوك التاني المهم خلينا ورا الكداب لحد باب الدار احكي يا اخويا فريده عملت معاك ايه
وحكى فادي كل اللي حصل بينه وبين فريده
والعيله اول ما سمعت كده ضحكت
فريده بضحك: هو انا ذنبي ان انت اعمى ماشي مش واخد بالك من الميه انا غلطانه يا فوز
فوز: لا يا قلب اختك هو اللي اعمى مبيشفش
شادي بخوف: المهم الاسد ده قصدي اسكار بتسيبيه كده ولا بتعملي ايه
فوز: لا بحطه في المندره بس لو انت حبيبته وعايزين اسيبه عادي جدا
شادي: انا مش مصدق ان انتي تبقى بنت عمي و مربيه اسد
فوز بضحك: شكلك كده غيران اني ارجل منك وبربي اسود ولسه هجيب حيوانات تاني
فادي بغضب: دول مبيحسوش البنتين دول جبابره
فريده: والله احنا مش جبابره احنا بنات صعايده مأصلين لكن انتم اللي فرافير
في اللحظه دي الجد حسن اتكلم وكان باين عليه ملامح الغضب
حسن بغضب: ما خلاص بجا اي انتم الاربعه مش عاملين ليا احترام فريده اعتذري لي فادي فوز اعتذري لي شادي ورچعي اسكار المندره مش عايز عراك بيناتكم تاني لسه مكملتوش يوم جاعدين مع بعض وبتتعاركوا اكده اومال بعد كام يوم هتعملوا ايه
فوز بضحك: هنولع في بعض روق كده يا حجوج انا هاخد فريده عشان نودي اسكار المندره
شادي: انتي يا بلوه اعتذريلي وخلي اختك تعتذر من اخويا
فوز: اعتذرلك انت متأكد اسكار اهجم عليه يلا
وسابت اسكار يروح ناحيه شادي
وشادي فضل يرجع لورا واسكار عمال يقرب منه
شادي بخوف: لا لا انا اللي اسف حقك عليا انا رجعيه بقى
فوز بضحك: تعالى يا اسكار خلاص اتعلم من غلطته
ورجع اسكار تاني عند فوز
في اللحظه دي اتكلم حسن وقال
حسن بغضب: فوز اللي عملتيه ده غلط اعتذري يا فوز
شادي بخوف: لا لا انا مسامحها دي بنت عمي وانا مخليش بنت عمي تعتذر احنا مش عايزين حد يعتذر مننا خالص مش كده يا فادي
فادي بخوف: اه اه انا استاهل اللي حصلي ماشي مش واخد بالي لازم الحديقه تترش والورد يتسقي والمسامح كريم اعتذار لا يا جدي مش عايزين
فريده وفوز بصوت واحد: جادعين والله تعيشوا وتاخدوا غيرها
ومشيوا فريده وفوز ومعاهم اسكار
اما حسن بص لاحفاده وقال
حسن بحزن: سامحوني على اللي فريده وفوز عملوا ده بس هما طبعهم صعب اكده حجكم علي أني
احمد بضحك: والله انا كنت واقف مش قادر اتكلم لاني كنت ماسك ضحكتي بالعافيه وبعدين عادي البنتين دول جامدين اوي وشكلهم كده هيربوا عيالي اللي مشفوش بربع ساعه تربيه يلا يابا تعالى وهما يجو ورانا
ومشي احمد وخد معاه الحج حسن
ومشيوا شادي وفادي وراهم وكان شادي مسند فادي
وبعد مرور فتره زمنيه قصيره
كانت العيله كلها قاعده على ترابيزه السفره بياكلوا
فوز: الف هنا وشفا كلوا يا ولاد عمي انا وفريده اللي طابخين
اول ما فادي وشادي سمعوا كده قعدوا يكحوا
شادي: عملتيه امتى قبل ما تلمسي اسكار ولا بعد
فوز بضحك: عملناه انا وفريده بعد ما حمينا اسكار ورحنا نضفنا الذريبه وحطينا اكل للبقر بس مش فاكره غسلت ايدي ولا لا اصل انا ذاكرتي بقت ضعيفه ما تفكريني يا فريده
فريده بضحك: لا وانا كمان مش فاكره احنا المفروض نروح نكشف على الذاكره
فادي بخوف: يع كنتم في الذريبه وحميتوا اسكار متاكلش يا شادي متاكلش يا جدي متاكلش يابابا دول معفنين
حسن بضحك : يا ولدي دول بيضحكوا معاك فوز وفريده دول نضاف جوي
احمد بضحك: كلوا كلوا يسلم ايدك يا فوز انتي وفريده
شادي: لا انا قرفت مش هاكل تاني خلاص انا هقوم
فوز: تعليمات جدي بتقول ان محدش يقوم من على الاكل غير لما الكل يخلص اكله انت فاكرها سايبه ولا ايه مش كده يا جدو
حسن: معلش يا ولدي مينفعش تجوم غير لما الكل يخلص وكل
فادي: طيب يا جدو يا حبيبي انا تعبان من الوقعه ممكن اقوم وبعدين مش عايز اكل
حسن: خلاص يا ولدي بما انك عيان ماشي
فريده: عيان اي يا جدو ده بيمثل هو كان اتضرب بنار ولا وقع على مية نار اي اتزحلق طيب ما انا ياما اتزحقلت ولما كنت بتزحلق ابويا وامي الله يرحمهم كانوا يضربوني عشان مش واخده بالي فعادي انت هتستعبط يلا لا زيك زي شادي مش هتقوموا انتم الاتنين
فادي اول ما سمع كده بص لي شادي وعيونهم كانت مليانه حزن
اما فوز وفريده بصوا لبعض وعيونهم كانت مليانه خبث وكانوا بيضحكوا
وبعد مرور لحظات كانوا خلصوا اكل واحمد وحسن كانوا مشيوا واللي كان فاضل فادي وفريده وشادي وفوز
فادي بتنهيده: الحمدلله خلصتوا نتقابل على العشا وياريت تغسلوا ايديكم ماشي يا فريده
شادي: يعني هي فريده بس ما فوز كمان مش بتغسل ايدها معفنين
فوز بغضب: ده لو افتكرت اغسلها اصلي عندي عاده وحشه اوي بعد الاكل بروح اغسل المواعين وبعد كده بروح اقعد مع اسكار العب معاه وبعد اسكار اروح انضف البهايم اصلهم بيبهدلوا نفسهم جامد
شادي باستغراب: هما مين اللي بيبهدلوا نفسهم
فوز: البهايم انت غبي يا ابني وبعد ما انضفهم تاني اجي اقطع البطاطس والبتنجان واحمرهم واعمل العشا بس
فادي اول ما سمع كده حط ايده على بطنه
فادي بتعب: انتي بتهزري صح اكيد لما بتعملي ده كله مش بتغسلي ايديكي قولي انك بتهزري ولو على كده فريده معاكي
فريده: اه اومال هسيب اختي تعمل ده كله لوحدها ليه معنديش اصل
فوز بضحك: المهم لو مش عايزين تاكلوا من ايدينا في جبنه في التلاجه وفي اوطه وفي خيار قطع اوطه وخيار على الجبنه واتعشوا ومتقرفونيش عشان انتم هبل بصراحه اكيد بغسل ايدي انا كنت بهزر عشان اقرفكم وخلاص
شادي: ايش ضمني انك مش بتضحكي علينا مش ممكن تكوني عاوزه تخلصي علينا
اول ما فادي سمع كده سقف لي شادي وقال
فادي: سؤال ذكي جاوبي بقى
فوز: لا وانت الصادق سؤال غبي جدو بياكل من ايدي بقاله سنين محصلهوش حاجه ازاي يا ذكي منك ليه
فريد بصت لي فادي وقالت
فريده : وانت يا اهبل ياللي اسمك فادي عايم على عومه كاتك وكسه
فوز: و عقابا ليكم عايزاكم انتم اللي تعملوا العشا انهارده عشان انا بحب اكل من ايد الاذكياء اوي واه صح تقول لجدي انكم انتم اللي حبيتوا تعملوا كده ولو اشتكيتوا هسيب اسكار والبهايم والخرفان عليكم ماشي
فريده: اه وعلى الاقل تريحونا انهارده اصلنا تعبنا اوي من كتر الخناقات يلا يا فوز
فوز بضحك: يلا يا قلب فوز متتأخروش على العشا ماشي
ومشيوا فوز وفريده وكانوا بيضحكوا بصوت عالي عشان يدايقوا شادي وفادي
اما شادي وفادي بصوا لبعض وقالوا بصوت واحد
شادي وفادي بصوت واحد: ده باينه هيبقى مرار طافح
وفي مساء اليوم
كانت العيله كلها قاعده على ترابيزه السفره وكان شادي وفادي بيقدموا الاكل تحت استغراب احمد وحسن
حسن باستغراب: ليه بس انتم اللي عملتم العشا
اوعوا تكونوا صدجتوا كلام فوز دي بتهزر وبعدين يعني ما هي بتاكل من الاكل وفريده بتاكل وانا باكل وابوك كل محدش حصله حاچه
شادي: لا اصل انا بحب الطبخ اوي فقولت لازم اعمل اكل لجدي بايدي وكمان اريح بنات عمي بيتعبوا طول النهار
فوز بضحك: يعني انت قصدك ان مفيش فرق بين الراجل والست في شغل البيت مش كده
شادي بتوتر: ها اه طبعا ده قصدي انا ضد التفرقه العنصريه
في اللحظه دي احمد اتدخل في الحوار وقال
احمد بضحك: يلا بقى يا حبايبي اقعدوا كلوا
وبالفعل قعدوا شادي وفادي و كلوا والاجواء كانت مشاكسه بين فوز وشادي وبين فادي وفريده وكان جدهم بيزعقلهم عشان يبطلوا خناقات لكن هما مكنوش يسمعوا الكلام
وبعد مرور فتره زمنيه قصيره
كانوا خلصوا اكل وكل واحد فيهم قرر انه يطلع اوضته
اما عند شادي كان طلع اوضته واول ما دخل شاف تعبان على السرير
شادي حط ايده على راسه وقعد يتنطط تاني
شادي بصراخ: الحقوووووني تعباااان في اوضتي اه
و وقع شادي على الارض و اغمى عليه
وبعد مرور لحظات
كان شادي نايم على السرير وكانت العيله حواليه
وكانت فوز قاعده جمبه بتحاول تفوق فيه
فوز بغضب: ما تقوم بقى هو انت شوفت اي يعني هاتي يا فريده كوباية ميه هو مش هيصحى غير كده
وراحت فريده وجابت كوباية ميه وادتها لفوز
وفوز رشتها على شادي
شادي بفزع: اسد تعبان الحقوني هموت هتاكل
فوز: ما تهدى شويه كده ده حتى كان تعبان كيوت خالص
شادي بغضب: هو انتي عندك كل حاجه كيوت اسد وتعبان انتي اي يا شيخه انتي جنسيتك اي
حسن: معلش يا ولدي اصلها بتحب التعابين فاتصرفت و چابت تعبان وبعدين متجلجش هي شالت السم منيه
فوز: يعني بذكائك هخلي التعبان مسموم انت ذكي اوي على فكره
شادي بغضب: لا انا غبي غبي ارتحتي ناقص اشوف اي تاني عقارب ونمور
فوز: عايز تشوف عقرب اروح اجبلك عادي يا شادي وشايله السم منه
شادي بصراخ: اه ابعدي عني يا شيخه قرفتيني في عيشتي ده لسه اول يوم وحصل فيا كده بابا احنا لازم نرجع القاهره انا مش مستغني عن حياتي هنا
فادي: اه يا بابا ده هنا في اسد وتعبان وعقرب ناقص ايه تاني بابا رجعنا
احمد بغضب: انتم اتجننتوا ولا ايه عادي بنات عمكم بيهزروا معاكم مفهاش حاجه وهما شايلين السم من التعبان والعقرب والاسد هي مربياه وبيسمع كلامها هي وبس يعني متقلقش بتهزر معاك يا شادي
في اللحظه دي شادي بص لي فوز وعينيه كانت بتطق شرار
شادي بغضب: ممكن اعرف التعبان ده دخل اوضتي ازاي
فوز بتوتر: ما هو اصل انا نسيت وخليته يسرح في البيت كله فدخل اوضتك غصب عني
شادي بغضب: هعمل نفسي مصدق بس انتي ايه عندك زهايمر مبكر يا بت انتي الاسد وطلعتيه ونسيتي ترجعيه والتعبان نسيتي وخلتيه يسرح اي
فوز بغضب: بقولك اي متزعقليش ما خلاص انت واخوك مأفورنها اوي اوي عادي المفروض تعرفوا اني اكيد مش هجيب حاجه مؤذيه الله
فريده: يا جماعه حصل خير خلاص
فادي بص لي فريده وقالها
فادي: فريده انا عاوز اخش انام في حاجه في اوضتي يعني مش هلاقي ديناصورات جوه
فريده: لا الديناصورات انقرضت ومتقلقش مفيش اي حاجه في اوضتك والله
فوز: اه الدنياصورات انقرضت كان نفسي انها تكون موجوده وكنت جبت واحد
العيله اول ما سمعت كده ضحكوا من قلبهم على كلام فوز
اما شادي خد المخده اللي جنبه وضرب فوز. بيها.
فوز : اه اي الغباء ده تضربني بالمخده ليه يعني ده انت. بارد
فادي: طيب استأذنكم انا يا جماعه اليوم انهارده كان سفر وخناقات وحاجات كتيره انا تعبت وداخل انام وانت يا شادي شد حيلك عادي يعني لما تشوف اسد وتعبان بت عمك بتهزر
ومشي فادي
فريده: وانا كمان تصبحوا على خير يا جماعه
ومشيت فريده
في اللحظه دي شادي بص لي فوز
شادي: وانتي يا ست الحسن مش هتمشي عايز
اتخمد
فوز: عايزه اطمن عليك يا ابن عمي انت شكلك معرفتش غلاوتك عندي لحد دلوقتي
شادي بغضب: اخفي من وشي يا فوز دلوقتي احسن
حسن بتعب: يلا يا بتي نمشوا انا تعبت منيكم خلاص جدروا انتي واياه اني راچل صاحب مرض
احمد: معلش يا با بيهزروا معانا استحملهم
فوز: خلاص ماشيه عاوزه اتأكد انه بقى تمام تقولوا اني بتعبكم خيرا تعمل شرا تلقى يلا تصبحوا على خير
ومشيت فوز وراح وراها احمد وحسن
اما شادي قرر انه هو ينام بعد يوم طويل من الخناقات والرعب اللي كان فيه
و انتهى اليوم على كده
وفي صباح يوم جديد
كان فادي كان صحى من النوم وكانت الساعه 10
ونزل وراح عند جده وابوه
فادي: صباح الخير يا جدي صباح الخير يا بابا
حسن: صباح الخير يا ولدي اي النوم ده كلياته يا ولدي
احمد بضحك: هو ابني كده عاشق للنوم هو بيعمل حاجه في حياته غير انه ينام وبس هو واخوه التاني اخوك لسه مصحاش بردو
فادي: المهم انا عايز افطر فين الاكل بقى عشان انا هموت من الجوع
حسن باستغراب: يا ولدي احنا بنفطروا على الساعه ٨ بعت فريده تخبط عليك تصحيك بتجول انها سمعت وانت بتجولها انك مش هتنزل تفطر وانك مبتفطرش معلش بجا احنا فطرنا خلاص روح عند فريده في المطبخ لو في بواجي تدهالك وبعد اكده اصحى بدري دي عوايدنا اهنه
فادي بصدمه: بواقي وبتفطروا الساعه 8 وعلى فكره فريده بتكدب عشان انا مفيش حاجه بتصحيني غير خبطة الباب هي تلاقيها مجتش خبطت اصلا ما تقول حاجه يا بابا مش انا اول ما الباب يخبط بقوم على طول
احمد بتوتر: احم ممكن تكون من تعب السفر محستش عيب تحكم على بت عمك كده
فادي بغضب: طيب ماشي انا رايحلها وهخليها تفطرني غصب عنها
ومشي فادي
عند فريده كانت واقفه في المطبخ بتعمل الاكل ودخل عليها فادي
فادي بغضب: بقولك اي اتصرفي واعمليلي فطار انا جعان فاهمه
فريده: ما انا جيت خبطت عليك قولت انك مش بتفطر انا غلطت في ايه
فادي: انتي بتضحكي عليا انا مش بصحى اصلا غير لما الباب بيخبط لاني من صغري وانا بخاف من خبطة الباب
فريده: ولو يا فادي انت صعبت عليا عشان وقعتك امبارح وخليتك تعمل الاكل واتخانقت معاك قولت حرام اسيبه نايم قولت هتصحى على واحده او اتنين اكون عملت الغدا
فادي: طيب حرام انا عصافير بطني بتسوسو هاتيلي اي حاجه اكلها حرام
فريده: مفيش الفطار خلص والجبنه خلصت وكل حاجه خلصت لسه هنشتري استنى على الغدا ده يعلمك تصحى على الساعه 8 تستاهل يلا يا حلو خليني اشوف شغلي عشان لو فضلت ترغي معايا كده مش هعرف اخلص الغدا وهخلصه على الساعه 5 ها قولت اي
فادي بتنهيده: قولت لا اله الا الله حاضر هستنى سلام بس تعرفي ان انتي عيونك حلوه
فريده بضحك: لا والله عايزني اصدقك فاجبلك حاجه تفطر بيها لا بردو انسى مش انا اللي يتاكل دماغي بكام كلمه حلوه
فادي بغضب: ماشي يختي انا سيبهالك وماشي وياريت ياريت الغدا ميتأخرش
فريده بضحك: متقلقش 6 سنين واخلصه
فادي اول ما سمع كده بص لي فريده بغضب ومشي راح قعد مع جده وابوه
وبعد مرور ساعتين كان شادي صحي ونزل راح لابوه وجده واخوه
احمد بغضب: صباح الخير يا بيه صحيلي الساعه 12 بقى ده اسمه كلام كسفتوني قدام ابويا وبنات اخويا بقى هما يصحوا من الساعه 7 وانتم واحد فيكم يصحى الساعه 10 والتاني الساعه 12
حسن بضحك: معلش يا ولدي ما هو بردك مش متعود مره على مره يتعود معلش
شادي: المهم فين الفطار انا هموت من الجوع مش قادر اتحمل
فادي اول ما سمع كده ضحك جامد
شادي بغضب: بتضحك على اي يا رخم انت
فادي بضحك: اصل مفيش فطار عايز تفطر تنزل الساعه 8 ومتقولش جبنه عشان مفيش جبنه وكل حاجه خلصت في التلاجه والغدا هيتعمل على الساعه واحده او اتنين استنى بقى
شادي بصدمه: طيب محدش صحاني ليه ممكن اعرف
حسن بتنهيده: والله يا ولدي بعتلك فوز تصحيك جالت مرضاش ينزل
شادي بغضب: اراهنك يا جدي ان فوز مجتش اصلا هي بتكرهني هي فين
احمد: هي عند البهايم اصل جدك هيهادي عجل لي جارنا الحج اسماعيل فهي راحت تختار احسن عجل عشان هيتدبح
شادي بغضب: طيب انا رايحلها وهعلمها الادب عشان تبقى متصحنيش مره تانيه
ومشي شادي
عند فوز كانت واقفه بره الذريبه وكانت ماسكه عجل وكانت بتبصله بحزن وبتقول
فوز بحزن: هتوحشني اوي بس لازم اودي احسن حاجه عند الجيران عشان ده هديه هتوحشني
في اللحظه دي جه شادي وبصلها بغضب
شادي بغضب: ممكن اعرف انتي ازاي متصحنيش يا هانم
فوز بغضب: صعبت عليا قولت الراجل شايف اسد وتعبان ولو كان استنى شويه كان هيشوف عقرب اسيبه نايم قولت انك هتصحى على واحده او اتنين على الغدا اهو ناقص ساعه استنى
شادي بغضب: انتي قصداها عشان مش عايزاني افطر صح قولي ده اسمه قلة ادب على فكره
فوز بغضب: اي قصدك اني قليلة الادب لا سبنالك انت الادب كله يا بتاع الملهى الليلي والبنات يا صايع يا صايع ابوك فتن عليك
شادي بغضب: انا مسمحلكيش تكلميني بالطريقه دي انتي هنتيني كتير ولحد هنا استوب
فوز بخبث: لا لا معاك حق يا شادي استقبل اللي هتشوفه بقى
وفكت فوز الحبل بتاع العجل وضربت العجل خلت العجل يتعصب ويجري على شادي
وشادي اول ما شاف كده حط ايده على راسه وقعد يجري ويصرخ
شادي بصراخ: الحقووووني العجل بيجري ورايا هموت
اما فوز كانت شايفه كل ده وهي كانت بتضحك من قلبها
فوز: امسكهولك وتعتذر مني ولا لا يا شادي
شادي بصراخ: هعتذر هعتذر لكن امسكيه مش عارف هروح فين
في اللحظه دي راحت فوز ومسكت العجل وعرفت تسيطر عليه ورجعته وربطته تاني
فوز بتنهيده : ها كنت جاي تقولي اي يا شادي يلا قول
شادي بغضب: انا اسف اني اتعصبت عليكي
فوز: اهو اعمل اي قلبي الطيب ده موديني في داهيه
شادي: فعلا هو في زيك ولا زي قلبك الطيب يا فوز
فوز بابتسامه : تسلم يا اخويا يلا اخفي من وشي
ومشي شادي جري
وبعد مرور لحظات كان شادي وصل وقعد مع ابوه وجده واخوه
فادي بضحك : اي يا سيد الرجاله عرفتها غلطها
شادي بحزن : اسكت بقى عشان هعيط من اللي شوفته في الدوار ده من ساعة ما جيت
حسن بحزن: اني خابر ان فوز وفريده معاملتهم مش زينه معاكم بس هما عشان مش متعودين عليكم
شادي: مش متعودين اي يا جدو اومال لو كانوا متعودين كانوا عملوا ايه
احمد: عادي فداهم اي بيهزروا معاكم
فادي: هو انت يا بابا مفيش في بقك حاجه غير انهم بيهزروا
احمد بغضب: بس يلا لم نفسك وانت يا شادي مالك جاي وشك اصفر
وحكى شادي اللي حصل بينه وبين فوز
وكان لسه حسن هيتكلم لكن قاطعه احمد
احمد: معلش هنعرفها غلطها اطلعوا على اوضكم عايز اتكلم مع ابويا كلمتين لوحدنا
هزوا شادي وفادي راسهم بالموافقه ومشيوا
احمد: يا با بصراحه كده في فكره في بالي انا عاوز انفذها او بمعنى اصح انا جيت عشان انفذها
حسن باستغراب: خير يا ولدي جول عايز ايه
احمد: هقولك بس امانه عليك توافق يا ابويا
هز حسن راسه بالموافقه
وحكى احمد خطته كلها
حسن بصدمه: واه يا ولدي انت اكده بتولعها اكتر ما هي والعه يعني بمعنى اصح بتحط البنزين چنب النار
احمد بضحك: عارف وفي نفس الوقت عارف انهم هيدعولي قولت ايه
حسن بتنهيده: موافج يا ولدي تحب نبتدي ميتى
احمد: هقولك بس لما نشوف الاوضاع بينهم عامله ازاي
و انتهى اليوم على كده لكن معداش بهدوء طبعا كانت خناقات شادي وفوز وفادي وفريده
كانت ماليه الدوار وحتى احمد وحسن بطلوا يتدخلوا وسابوهم يتخانقوا لانهم عرفوا ان مفيش امل انهم يبطلوا خناقات
وبعد مرور شهر كانت صحة الحج حسن كانت بتتعب لكن طبعا شادي وفوز وفادي وفريده كانوا بيتخانقوا وكانوا هما الاربعه بيعملوا مقالب في بعض جامده وكان احمد كان قاعد مع ابوه عشان كان قلقان عليه وكان شادي وفادي ابتدوا يتأقلموا في الصعيد
لحد ما في يوم كان الحج حسن تعبان اوي وكانت العيله كلها كانت حواليه
فوز: لا يا جدي الف سلامه عليك معلش وش شادي فقر
شادي بغضب: وشي انا اللي فقر مش ممكن يكون صوتك العالي وانك مبتسمعيش كلامه هو اللي تعبه
فوز : ولو انت السبب انت اللي بتعصبني فمبقتش اسمع الكلام يعني لو حصل حاجه لجدي انا احملك المسؤوليه كامله
شادي بغضب: ليه وانا مالي انتي السبب دايما كان بيقولك مدايقيش شادي وانتي كنتي بتدايقيني عديلي كده كام مره سيبتي عليا اسكار والبهايم
فوز: كتير بس كله بسبب افعالك اسمعك تكلم البنات تعاكسهم واقعد ساكته ازاي
في اللحظه دي فريده اتكلمت وقالت
فريده: خلاص يا فوز انتي وشادي انتم الاتنين ملكوش ذنب وش فادي هو السبب
فادي بغضب: نعم يختي هو انتم مش قادرين على الحمار تتشطروا على البردعه ولا ايه انتي السبب لانه حصله كده حزن لانك مكنتيش بتفطريني
فريده: وانا ذنبي اي يعني في حد قالك تصحى متأخر وبعدين بقولك في جبنه في التلاجه
فادي بغضب: خلاص انا والجبنه زهقنا من بعض حرام عليكي ارحميني وارحميها
اما فوز كانت بتضحك وشادي لاحظ كده
شادي: بتضحكي على ايه ان شاء الله ممكن اعرف
فوز بضحك : على هبلك لما فادي قال مش قادرين على الحمار تتشطروا على البردعه قصدوا عليك انك انت الحمار تستاهل
شادي بغضب: بقى كده يا فادي خليت اللي يسوى واللي ميسواش يتريق عليا
وكانت لسه فوز هترد على شادي لكن قاطعها احمد لما قال بصوت عالي خوف الكل منه
احمد بغضب: هو انتم مبتحسوش جدكم عيان قدامكم ومجمعكم عشان عايز يتكلم معاكم في حاجه مهمه وانتم بتتخانقوا كلكم كده انتم الاربعه مفكوش حد عاقل مش عايز اسمع صوت حد فيكم غير لما نشوف ابويا هيقول ايه
وبالفعل الكل سكت
والحاج حسن اتكلم بتعب وقال
حسن بتعب: أني حاسس ان خلاص جربت نهايتي كنت بتمنى اجولكم الكلام ده وأني بصحتي لكن الحظ بجا انتم خابرين ان عادتنا وتجاليدنا محدش يتچوز برات العيله عشان اكده عايز شادي وفوز يتچوزوا و فريده وفادي يتچوزوا واللي هيجول لاه هيتحرم من الورث ومش هياخد حاچه واصل
واول ما سمعوا كده انصدموا مجاش في بالهم ان ممكن جدهم الشخص الطيب الحنين يطلع بيفكر بالطريقه دي
لكن فوز تمالكت نفسها وقالت
فوز بتوتر: طيب لو احنا الاربعه رفضنا رد فعلك هتكون ايه
حسن بتعب : الفلوس والاملاك كلياتها لدار الايتام ومش هسبلكم حاچه عشان أني مبحبش كلامي ينزل الارض واصل الفرح هيكون الخميس الچاي ويلا انزلوا اجعدوا مع بعضيكم وشوفوا هتعملوا ايه يلا
وبالفعل نزلوا كلهم وقعدوا هما الاربعه في الحديقه ودي كانت تعتبر اول مره هما الاربعه يقعدوا مع بعض عشان يتفقوا على حاجه
فادي: انا زاد نفسي معنديش مانع اتجوز فريده انا اصلا بقيت معجب بيها
فريده: نعم انا اللي عندي مشكله كبيره اني اتجوزك انا مش بطيقك
شادي: انا مش هقدر اتجوز فوز مش بطيق ابص في وشها بصراحه
فوز بغضب: حوش حوش يعني انا اللي هموت عليك هي ملهاش غير حل واحد انتم الاتنين ترفضوا الجوازه ترجعوا مصر وتبعدوا عننا ونبعد عنكم
شادي بغضب : لا والله ونعيش فين في مصر بعد ما بابا باع الشقه اللي كنا ساكنين فيها ارفضي انتي وبعدين انا مش هتنازل عن حقي في الورث
فوز بغضب: وانت شايفني هبله اكيد طبعاً مش هتنازل انا كمان
فريده بحزن: ولا انا هتنازل يعني لو انا رفضت كله يروح لفادي بعد ده كله يا لهوي
فادي: وانا لو قتلتوني مش هتنازل عن حقي ابدا
فوز: اومال هنعمل اي فكروا معايا كده
في اللحظه دي كان نزل احمد وسمع كلامهم كله
احمد بابتسامه: هي ملهاش غير حل واحد تتجوزوا وتحاولوا تعيشوا مع بعض وانا حاسس ان انتم لو قربتم من بعض هتحبوا بعض ها نقول مبروك
في اللحظه دي هما مكانوش عارفين يعملوا اي لانهم كانوا في موقف صعب ومالوش حل
لكن قالوا بصوت واحد
الاربعه بصوت واحد: قول مبروك موافقين
وفي يوم الفرح كانوا هما الاربعه قاعدين ومكنوش طايقين بعض وكانوا مكشرين لانهم مجبورين اما حسن واحمد كانوا في قمة سعادتهم كأن اللي عايزينه تم
وبعد مرور لحظات كان المأذون قال جملته الشهيره
المأذون:بارك الله لكما وبارك عليكما وجمع بينكم في خير
اول ما ابطالنا الاربعه سمعوا كده انصدموا مكنوش مصدقين ان خلاص كل واحد ارتبط بالتاني بعد ما كانوا اعداء وخصوصا شادي وفوز اما فادي كان مبسوط لانه بالفعل كان ابتدى يحب فريده
وبعد انتهاء الفرح كان كل واحد خد عروسته ودخل اوضته
عند فادي وفريده
فادي بحب: عارفه يا فيرو اني معجب بيكي اوي انا اصلا مش مصدق انك مراتي خلاص يعني بقيتي ملكي
وراح فادي وقرب ناحية فريده وخدها في حضنه
فادي بغمزه: جاهزه يا ست العرايس
فريده بغمزه: اجهز انت للي هعمله فيك دلوقتي
وفي اللحظه دي فريده كهربت فادي عشان كان معاها جهاز بيكهرب وفادي قعد يتنطط من كتر الكهربه اللي جت عليه
فريده بضحك: مش بمزاجك يلا انا لسه مش متقبلاك واعمل حسابك انا اللي هنام على السرير وانت شوف هتنام فيك معجب بيكي قال غور
ومشيت فريده عشان تغير الفستان اما فادي كان مصدوم من اللي حصل ده لانه مجاش في باله انها ممكن ترفضه وبالطريقه القاسيه دي كمان
عند شادي وفوز
كان شادي مصدوم من اللي شافه عشان اول ما دخل لقى نمر على السرير
فوز: ايه يا شادي هتفضل مصدوم كده بقالك حوالي ربع ساعه فاقد النطق
شادي بخوف: نمر نمر مش كفايه اسكار والتعبان والعقارب كمان جبتي نمر هو انتي عاوزه تخلصي عليا ولا حاجه يا فوز قولي اقتل نفسي وارتاح
فوز: لا بس لسه جيباه قولت اورهالك وبعدين اخلص منك ازاي ده انت بيقيت جوزي قرة عيني المهم متقلقش هنزل تايجر اشيله في حته شوف انت هتنام فين اكيد مش على السرير
شادي: اكيد مش هنام على السرير وكان نايم عليه نمر لا لا
فوز بضحك: طيب ما انت نمت عليه بعد التعبان والعقرب عادي
شادي بتوتر: احم دي حاجه ودي حاجه تانيه انزلي بقى شوفي هتشيلي استاذ تايجر ده فين
فوز: خلاص حاضر متزعقش بس تايجر حبيبي يلا يلا نروح ننام
وبالفعل تايجر راح عندها وخدتوا فوز ومشيت
اول ما مشيت شادي ضرب كف على كف وقال
شادي بصدمه: لا حول ولا قوة الا بالله بتعامل النمر كأنه ابنها لا وهو بيسمعلها البت دي مخاويه ولا ايه اما اخش اغير وانام احسن لاني تعبت
و انتهى اليوم على كده
وبعد مرور فتره من جوازهم الاوضاع مكنتش هديت بينهم بالعكس كانت اتوترت اكتر والمقالب اللي بيعملوها زادت وفوز كانت دايما بتخلي اسكار وتايجر يجروا ورا شادي اما فادي كان بيحاول يقرب من فريده لكن فريده كانت دايما بتصده وكانوا شادي وفادي بيناموا على الكنبه وطبعا الوضع ده مكنش عاجب احمد وحسن خالص
لحد ما في يوم كانوا شادي وفادي قاعدين مع بعض في الجنينه
فادي بحزن : انا متدايق اوي يا شادي فريده مش عاوزه تقرب مني وانا فعلا بحبها ومش عارف اخليها تحس بده قولي اعمل اي ما انت خبره في البنات
شادي: سبني في همي انا مبفتش خبره في البنات خلاص انا بقيت خبره في اسكار وتايجر والتعبان والعقرب والبهايم والخرفان ده اللي بقيت افهم فيه انا اتعلمت الادب خلاص مش انت بتحب فريده انا مش طايق فوز
في اللحظه دي جت فوز وضربت شادي على قفاه
فوز بغضب : ومالها فوز يا قلب فوز علمتك الادب وخلتك تبطل تتكلم مع البنات المايعه دي وعلمتك تصحى بدري على رأي المثل خيرا تعمل شرا تلقى
شادي بضحك : بهزر يا برعي اي مبتهزرش طيب والله انا حياتي من غيرك ملهاش طعم
فوز بضحك : ايوه كده كل بعقلي حلاوه يلا
فادي بحزن : ياريت فريده كانت سامعه كلامي زي ما انتي كنتي سامعه كلام شادي
فوز بضحك : ما هي سامعه اصل احنا بنحب نتسنط عادي
في اللحظه دي جت فريده وراحت قعدت جمب فادي
فريده بحب : انت بجد بتحبني ولا معجب بيا اصلها تفرق اصل الاعجاب فتره وبيروح لكن الحب بيستمر
فادي بحب: مش بحبك بس انا ولا اقولك هقولك بعدين عشان اخويا ومرات اخويا قاعدين عيب
اول ما شادي وفوز سمعوا كده ضحكوا
فوز: بقولكم اي عاوزه اخد رأيكم في حاجه عاوزه اجيب حيوان جديد بس محتاره اجيب غوريلا ولا زيبرا
شادي : هاتي قرد اهو على الاقل حيوان بحبه انتي قرفتيني في عيشتي يا شيخه فريده اتغيرت وفادي اتغير وانا اتغيرت وانتي اي مبتتغيريش
فوز بضحك: اجيب قرد وانت موجود يا حبيبي معقول بردو تبقى عيبه في حقك
اول ما شادي سمع كده قام ومسك فوز من طرحتها
شادي بغضب : انا قرد لو انا قرد تبقي انتي مغناطيس الحيوانات عايزه تجيبي غوريلا وزيبرا
فوز بخوف: خلاص بلاش زيبرا خليها غوريلا دي حتى صديقه للانسان
شادي بغضب: والله لو جبتي غوريلا هقتلهالك وهقتلك وهقتل نفسي عشان خلاص زهقت
فوز: خلاص ياض شيل ايدك من طرحتي بتعب لحد ما اظبطها الله مش هتزفت اجيب حاجه اهمد بقى
وبالفعل شال شادي ايده من على طرحة فوز
في اللحظه دي جه احمد وقال
احمد: بقولكم اي تعالوا ورايا ابويا عايزكم في حاجه مهمه
شادي: خير عايز يخلينا نطلق ولا اي بس اعمل حسابك انا مش هطلق فوز انا عايزها تبقى جمبي عمري كله بس من غير الغوريلا
فوز اول ما سمعت كده بصت لي شادي بابتسامه
فادي : ولا انا هطلق فريده ده انا ما صدقت انها بقت تكلمني حلو يا جدعان واعترفتلها بحبي عايز مننا اي جدو
وفريده اول ما سمعت كده بصت للي فادي بابتسامه
احمد بضحك : لا يا لمض منك ليه مفيش طلاق ولا حاجه تعالوا وانتم تعرفوا
ومشي احمد وهما مشيوا وراه
وبعد مرور لحظات كانوا كلهم قاعدين قدام الجد
حسن: بصوا بجا أني مكنتش عيان ولا حاچه أني عملت اكده بطلب من ولدي احمد هو اللي جال اني اجولكم اكده عشان تتچوزوا عشان يضمن لولاده زوچه اصيله وفي نفس الوجت يضمن لبنات اخوه رچاله احنا كنا فاكرين انكم ممكن تحبوا بعض لكن محصلش شكله وعكاركم كتر وخايفين لتكونوا متمسكين ببعض بس تعود مش حب لكن الفرصه جدامكم لو مش حابين تكملوا مع بعض جولوا أني ماشي وانتم فكروا
أني اكده جولت اللي يرضي ضميري
ومشي حسن وراح وراه احمد
وسابوهم بيفكروا في كلام جدهم وكانوا مصدومين من اللي سمعوا يعني كل ده كان خطه عشان يتجوزوا بس هما خلاص محدش هيقدر يبعد عن التاني ابدا
وفي مساء اليوم
عند فوز كانت لابسه قميص نوم لونه احمر جميل وكانت مسيبه شعرها وحطت على السرير ورد
في اللحظه دي دخل عليها شادي واول ما شاف المنظر ده انصدم
شادي بصدمه: فوز معقوله انتي عامله ده كله عشاني
فوز بتوتر: بص انا مش عارفه مشاعرك من ناحيتي ايه يا شادي اذا كنت بتحبني ولا فعلا مش طايقني لكن اللي اعرفه اني بحبك واعمل حسابك لو انت مش عايز تكمل معايا عادي والله مش هزعل خالص انا قضيت معاك احلى ايام حياتي يا شادي
في اللحظه دي راح شادي وقف قدام فوز وقربها ليه وخدها في حضنه
شادي بحب: انتي غيرتيني بعد ما كنت فلاتي بقيت حاجه تانيه خالص طيب تصدقي اني بقيت احب تايجر واسكار كمان
اول ما فوز سمعت كده ضحكت
شادي قرب من فوز اكتر وباس خدها
شادي بحب: جاهزه ننهي كل اللي فات ونبتدي مع بعض صفحه جديده
هزت فوز راسها بالموافقه
وشادي شال فوز وبصوا في عيون بعض بحب
عند فادي وفريده
كانت فريده قاعده وباين عليها ملامح الحزن
وجه فادي وقعد جمبها وخدها في حضنه
فادي: القمر بتاعي متدايق ليه بس ما احنا اكيد مش هنسيب بعض
فريده: خايفه ليطلع ده كله اعجاب مش حب وبعد فتره تزهق مني
فادي: انا مش بحبك بس انا بعشقك يا فريده هو في حد يقدر يتخلي عن روحه اهو انتي روحي مقدرش اتخلى عنك
فريده بابتسامه: بحبك اوي يا فادي واقدر اقولك دلوقتي اني مستعده اكمل حياتي معاك
وبصوا هما الاتنين في عيون بعض بحب
و انتهى اليوم على كده
وبعد مرور شهرين كانوا اتفقوا انهم يتعملهم فرح كبير في قاعة كبيره
في يوم الفرح كانوا ابطالنا بيرقصوا رقصه رومانسيه
عند فريده وفادي
فادي: تعرفي اني حبيتك من اول مره شوفتك فيها
فريده بضحك: كان واضح من خناقتنا اوي على فكره
فادي بضحك: يا بنتي لازم تعرفي ان المشاكسه بتعبر عن المحبه
اول ما فريده سمعت كده ضحكت
عند شادي وفوز
شادي: بحبك اوي يا فوز قد الدنيا كلها مفتكرتش في حياتي اني ممكن احب حد بالطريقه دي
فوز: وانا كمان بحبك يا حبيبي اكمني بهواك وبحس انك مني
اول ما شادي سمع كده شال فوز ولف بيها
وفادي بردوا شال فريده ولف بيها
و انتهت قصتنا على كده
مصايب وجنان التؤام _ حكايات شروق للقصص الكامله