بقلم الكاتبة المبدعه والمتميزة مروة محمد
البارت الاول
كانت نايمه علي السرير زاي الملاك و فجاه صحيت على صوت المطر بيخبط علي الشباك
قامت و ابتسمت ب ابتسامه جميله و قالت : اخيرا جيالك يا حبيبي وحشتني وحشتني اوي
و غيرت هدومها و اخدت العجله بتاعتها و طلعت جري علي البحيره قعدت علي الارض جنب البحيره و طلعت صوره بدأت تكلمها
نجمه : وحشتني وحشتني اوي يا بابا النهارده عدا عشر سنين علي موتك فاكر لما كنت بتجيبني هنا عشان نصتاد سمك و كل مره المطره تمطر علينا و نلعب تحت المطر و نرجع عندنا فلونزه
ابتسمت و نزلت دموعها و هي بتفتكر ذكرياتها مع ابوها و لحظتهم السعيده
أما في مكان تاني كان قاعد جود و ماسك شمعه و باصص ليها بتركيز
و قالت جاكلين مامته : انت هتفضل مبحلق كتير كده
جود و هو لسه باصص ل الشمعه : فاضل كام نقطه بس و تخلص
جاكلين : انا مش مصدقه أن واحد مفتري و قاسي زيك يكبر انا كنت بدعي أن الشمعه دي عمرها ما تخلص عشان الكائن ده مستحيل يحكم ب العدل
جود ب ضيق: امي ده مش وقت كلام سخيف زاي ده
جاكلين : اكدب يعني أنا صريحه يا جود
جود فجاه ابتسم و قال ب فرحه : خلصت خلصت اخير هلاقي نصي الثاني و هتظهر قوتي الخاصه و هحكم عالم مصاصين الدماء كله
جاكلين : يا نهار طين ايمنا السوده بدات طب أن شاء الله مش هتلاقي نصك التاني ابدا
جود : هلقيها يا امي هلقيها ب اي شكل و اي طريقه
جاكلين ب ضيق: طب خد تروح دلوقت عند البحيره و ترقص الرقصه ده و تعمل كل اللي مكتوب في الكتاب ب الحرف يلا ربنا يكملك بعقلك و يلين قلبك علينا
خد منها الكتاب ب ابتسامه و طلع جري بره البيت و ركب العجله بتاعته
جاكلين: ريح فين يا جود انت دلوقت تقدر تطير
جود ابتسم ب خبث : اه صح نسيت
و نزل من علي العجله و طار راح عند البحيره
و لما وصل نزل و فتح الكتاب و بدأ يقرأ
و قال : اخيرا هاحكم العالم مصاصين الدماء و بعده العالم كله
و بدأ يولع شمع حولين البحيره و شغل مزيكا غريبه و بدأ يتمتم ب كلام غريب و يتمايل و يرقص زاي ما مكتوب في الكتاب
أما عند نجمه كانت حاضنه الصوره و بترقص تحت المطر
و فجاه ظهر نور غريب من البحيره و لما قربت تشوف لقيت البحيره سحبتها ل جوه
و بعد دقائق فاقت علي صوت كان بيقول
جود : فوقي فوقي
نجمه : في ايه
و قالت ب صدمه : انت مين انا فين و ايه اللي لابسه ده انا فين
جود : اهدي اهدي شويه و قوليلي انتي مين و ايه اللي جابك هنا جيتي ازاي
نجمه : انا كنت قاعده عند البحيره و كنت برقص و بعدين ظهر منها نور غريب و لما قربت اشوف مش عارفه ايه حصل بعد كده
جود ب صدمه : طب استني كده عشان دي هتكون كارثه لو كان اللي في دماغي صح
و راح جري بص في البحيره لقي صورت نجمه فيها و رجع بص علي نجمه و يبص علي البحيره تاني و هو مصدوم
بدأ يصرخ فيها : انتي اللي جابك هنا مفيش غيرك هي اللي يطلع لي ايه الحظ ده
نجمه : مالك انت مجنون ولا ايه هو انا جيت جنبك
جود : مصيبه انتي مصيبتي اللي جاتني اعمل فيكي ايه دلوقت
نجمه ب استفهام : مصيبه ايه
جود ب ضيق : بقي بعد كل السنين دي يطلع نصي التاني بشريه و انا اللي كنت مستني تطلعلي ملكه من ملوك العالم السفلي ولا سيده من اسياد الجن قوم تطلعي انتي
نجمه ب رفعه حاجب : مالك ياد انت مجنون ايه اللي بتقوله ده
جود ب غضب : مجنون انا مجنون ! انتي دمرتي كل الخطات بتاعتي و بتقولي مجنون انا كنت مستني واحده تخاليني أقوه قوم تطلعي انتي تطلعلي بشريه بدال ما تحميني و ترفع مستوى قوتي احميها انا و تاخد من قوتي
نجمه : انت متخلف ولا ايه نظامك هو فيه ايه
جود : تعالي معايا نروح البيت لحد ما اشوف حل ل المصيبه دي
نجمه : نعم نعم يا عين امك بيت مين اللي اروحه انت فاكرني ايه يا صايع يا بايظ يا فلاتي
جود ب ضيق: بصي انا مش ناقصك تخرصي خالص و مش عايز اسمع ليكي صوت
و راح لفحها علي كتفه و طار للبيت تحت صدمه نجمه و خوفها منه
و بعد دقائق كان وصل البيت
و نزل نجمه علي الارض
نجمه ب خوف : احنا فين و جبتني هنا ليه
جود : مش عايزه اسمع ليكي صوت نفسك ده لو سمعته هتزعلي مني جامد فاهمه
نجمه ب دموع : فاهمه
جود: تترزعي هنا لحد ما اشوف حل ل المصيبه دي و أرجع
نجمه هزت راسها ب الموافقه و دموعها مغرقه وشها
و هو سابها و طلع ل بره
وقفته جاكلين و سالت : مين دي يا جود و بتعمل ايه هنا
جود ب ضيق: نصي الثاني دي اللي المفروض تكون قوتي و تساعدني احكم عالم مصاصين الدماء
جاكلين : و انت حبسها كده ليه و رايح فين دلوقت
جود : حبسها عشان محدش يعرف ب وجودها لأنها نقطه ضعفي دلوقت بس انا مش هسكت انا هشوف طريقه و هبدلها
البارت الثانى
جاكلين: طريقه ايه انت مجنون دي قدرك من يوم ولادتك و هي مرطبته بيك مينفعش تغيرها دي نصيبك افهم
جود : ابعدي عني يا امي دلوقت قدري و هغيره مش هتكون دي نصي التاني ابدا
و سابها و طلع ل بره و هو في قمه غضبه
و رجع بعد كام ساعه ولقيها لسه بتعيط مكانه
جاكلين: البنت بتعيط من لما جت حرام عليك و حتي مكلتش لقمه
جود دخل عنده و قال ب ضيق : قومي يلا
نجمه : اروح فين
جود: لما اقول كلمه تسمع قومي يلا
نجمه ب دموع : حاضر
و قامت مشيت معاها
جود شور علي السفر : اقعدي
قعدت نجمه بهدوء
جود : كلي يلا
نجمه : مش جعانه
جود و هو بيمد الاكل ليه : بقولك كلي
فتحت بقها و هو بدأ يأكلها
و بعد شويه لما خلصت اكل قال : روحي نامي يلا
و طلعت تنام و هي ساكته خالص
و بعد شويه راح ليه و بص من جنب الباب لقيها نائمه
قرب منها و غطها و قال ب اسف : انا اسف يا نجمه انا عارف أنه مش ذنبك بس انا مش هقدر احميكي انا عايز شخص يخليني اقوه مش أضعف ب سببه
و سابها و طلع بره
و عدت الايام بين خنقه معاها و عصبيته و شويه حنين
و في يوم
دخل جود و هو باين علي ملامحه العصبيه الشديده و نده ب صوت عالي: نجمه نجمه انزلي فورا
نزلت نجمه و هي بتجري و قالت ب خوف من صوته العالي : ايوه ايوه جيت حضرتك عايز مني حاجه
جود : امسكي الكتاب ده
مسكته نجمه من ايده : كتاب ايه ده
جود : افتحي و اقري اول صفحه فيه و ولعي الشمع ده في دائره و اقعدي فيها
نجمه : حاضر
دخلت جاكلين و قالت : مش هينفع يا جود ده رابط اروح هتكسره ازاي هي نصك التاني
جود سحبها ل بره و قال ب ضيق: لا مش نصي التاني و هكسر الرابط ده يعني هكسره و هي اللي هتكسره ب ايدها
جاكلين ب ضيق : طول عمري عارفه انك قاسي بس مش لدرجه انك تخلي بنت تتنازل عن حياتها عشانك بس اللي انت متعرفوش أن هي لو جرت ليه اي حاجه انت هتموت هي روحك يا جود
جود ب برود : عارف كل الكلام ده بس هي هتفك العهد لما تتنازل عن روحها و بكده اكون حر من الرابط ده و البحيره هتختار ليا شريك تاني غيره أقوي و احسن
جاكلين ضحكت ب صوت عالي: ههههههههه انت غبي يا جود قولتلك لو جرت ليه حاجه انت هتموت و التعويذه دي مش هتخليها تتنازل عن روحها و روحك كمان انت حر اعمل اللي انت عايزه خلينا نخلص من جنانك
و طلعت ل بره ب غيظ
و جود بص علي نجمه و فجاه حس أن قلبه اتقبض جري عليها و سحب من أيدها الكتاب
جود : اطلعي فوق يلا
و نجمه هزت راسها ب الموافقه و طلعت تجري ل فوق ب دموع
و هو طلع ل بره ب غيظ
و في الوقت ده
دخلت جاكلين عند نجمه و لقيتها منهاره من العياط
جاكلين حضنتها و هي بتقول : مالك يا بنتي اهدي
نجمه : اهدا ازاي و انا مش عارفه انا فين ولا بعمل ايه ولا المجنون اللي بره ده متعصب مني ليه و بيتخانق معايا
جاكلين: اهدي انتي هنا في عالم مصاصين الدماء و المجنون ده ابني و دلوقت بقي حاكم مصاصين الدماء كلهم
نجمه ب هستيريا: عالم مصاصين الدماء ازاي انا عايزه امشي من هنا ارجوكي طلعيني من هنا
جاكلين: مش هينفع انتي دلوقت الملكه دلوقت والنص الثاني ل جود
نجمه : انا مش عايزه اكون ملكه انا عايزه ارجع من هنا انا اتخنقت من معاملته الوحشه دي
جاكلين: متزعليش يا بنتي انتي تقدري تعلميه الادب و تخليه زاي الخاتم في صباعك
نجمه : ازاي
جاكلين: انا قولتلك انك نصه التاني انتي نقطه قوته و نقطه ضعفه يعني هو مش هيقدر ياذيكي مهما يحصل
نجمه : يعني ايه
جاكلين: يعني عايزكي تتفنني في ازعاجه و مدايقته و مش كل حاجه يقولها تعمليها ب الحرف خليكي عنيده
نجمه: بس انا اخف اعمل كده
جاكلين: متخافيش انا معاكي احنا هنعمل ........
و بدات تحكي ليها تعمل ايه
و بعد ساعات رجع جود و هو بيغلي من جوه و قعد في الجنينه و نده ب صوت عالي: جومانه اعمليلي حاجه اشربها
و قعد و سند رأسه علي التربيزه ب تعب و كان هيروح في النوم
و بعد شويه فاق علي صوت نجمه وهي بتقول ب صوت عالي: بخ
اتنفض ب فزع من الصوت
و قال ب عصبيه : انتي مجنونه ايه اللي بتعمليه ده
نجمه قالت ب برود مسطنع : اتخضيت يا كتكوت معلش انا كنت جيبالك البتاع اللي هتشربه ده مش عارفه أن كان كمون و لا محن مغلي ولا ايه المهم اطفح ب الهنا و الشفاء مطرح ما يسري يهري
و حطته و طلعت جري علي البيت
و قال جود ب عصبيه : نجمه تعالي هنا لما امسكك هقتلك
و عند نجمه كانت دخلت البيت و قلبها بيدق بسرعه
جاكلين: ها عملتي ايه
نجمه : فل حرقت دمه سنه ل قدام
جاكلين : كفك شاطره اختفي شويه بقي لحد ما ينسا و تكملي ب نفس الطريقه لحد ما تجننيه
نجمه : اجننه لا طبعا انا هجبله سكته قلبه و اريحك منه
جاكلين : فل ربنا يقدرنا علي فعل الخير
و ضحكت هي و نجمه ب شر
و طلعت اوضتها و قفلت الباب
و بعد دقائق طلع ورها جود و خبط علي الباب ب قوه
و قال ب عصبيه : افتحي يا نجمه افتحي
نجمه : ها بتقول حاجه يا جوجو
جود : هقتلك لو مفتحتيش
نجمه : ايه هتاكلني تفاح لو منجحتش بس انا خلصت مدرسه من زمان يا جوجو
جود ب غيظ : بت افتحي و بلاش عبط
نجمه : مين كل الظلط
جود: اوف انا نازل بس اعملي حسابك لو مسكتك هزعلك
نجمه : انت كنت تقدر
نزل جود ب غيظ و هو بيدبدب في الأرض
و تاني يوم الصبح جود كان نائم في امان الله لحد ما نجمه جابت صواريخ فرقعتها تحت السرير
قام جود مفزوع : ايه في زلزال بركان مصيبه صح
نجمه : صباح الخير يا جوجو عشان حته صروخ تعمل كل ده مكنتش اعرف ان نجمك خفيف كده
جود : هو انتي يا جزمه طب تعالي هنا
و قام يجري وراها و هي بتجري و تطلع لسانها ليه
جود ب غيظ : نجمه اوقفي عندك هنفخك
نجمه : نصيحه من نجمه صغننه بلاش طوله لسان عشان احسنلك
و فجاه جود اتزحلق في صابون اللي كان علي الارض و بدأ يصرخ من الوجع
و نجمه وقفت جنبه و هي بتضحك بصوت عالي: نيهاهاها مش قولتلك خد بالك من أفعالك عشان هتاخد لفه و رجعالك تشاو يا جوجو
و جريت من قدمه
و جود قال ب غيظ: نجمههههههه هقتلك
نجمه : قولتك لو تقدر وريني
جود : حد يجي يساعدني اقف
البارت الثالث
جري عليه الخدم و سعدوه يوقف و قام اتسند علي السلم و طلع وراها
و اول ما طلع خبط علي باب الاوضه : هي بقيت عاده عندك تعملي المصيبه و تتخبي في اوضتك طيب افتحي يا نجمه
نجمه : مش فاتحه زق عجلك من هنا يا جوجو
جود : طيب انتي حره
و نده ب صوت عالي: جومانه جومانه اطلعي فورا هنا
جومانه : نعم جلالتك
جود : انا قفلت باب الاوضه ده و خارج دلوقت و لو رجعت لقيت الباب مفتوح أو أي حد دخل ليه اكل ولا ميه هيشوف وشي التاني و مش هيعجبه حد خالص
نجمه من ورا الباب : هو في اوحش من كده و بعدين مين قالك أن ده عاجبنا عشان وشك التاني ميعجبناش اتوكس
جود : حسابك معايا بعدين يا نجمه انا اللي هطفيكي وشوف هتبقي نجمه ازاي بعد كده
و اخد بعضه و مشي ب غيظ
جاكلين : رايح فين كده و قافل علي البنت المسكينه هي قدك
جود : امي متدخليش في الموضوع ده و اوعي تقربي ناحيه الباب فاهمه
جاكلين : عيني حاضر يا عين امك
و بعد ما مشي جاكلين طلعت اوضه نجمه و فتحت ليه الباب
و نجمه جريت عليه و حضنتها و قالت ب حماس : ايه رايك يا جاكي قطمت ضهره عشان خاطرك
جاكلين : جدعه يا بت تربيتي عايزه اللي جايه يشيب شعر رأسه
نجمه : ده اقل واجب يا جاكي دا انا هنفخه دا انا نوياله علي نيه طين
جاكلين: ربنا يقدرك يا حبيبتي علي البغل ده
و ندهت ب صوت عالي: جومانا جومانا
جومانا : نعم جلالتك تحبي تامريني ب حاجه
جاكلين: هاتي اكل و ميه ل نجمه
جومانا ب ارتباك : بس بس جلاله الملك جود منع أن أي حد يدخل ليه اكل او ميه حتي الباب منع أن حد يفتحه و لو جبت ليه اكل جلاله الملك هيعقبني
جاكلين: و لو رفضتي امري انا هعاقبك ولا ليه جلاله الملكه هي اللي تعاقبك انتي نسيتي أن نجمه الملكه و هي نقطه قوه و نقطه ضعفه جود يعني هي تقدر تمحيكي من علي الارض ايه رايك بقي
جومانا ب خوف : لا لا هعمل كل اللي تطلبيه جلالتك
جاكلين : شاطره يا جومانا روحي هاتي الاكل بقي
هزت جومانا راسها ب الموافقه و نزلت تجري
نجمه : ايه الجبروت ده يا جاكي تخيلي كده تعرف انك بتكدبي عليها
جاكلين : انا مش بكدب انتي دلوقت النص التاني ل جود و عندك نفس القوه بتاعته و كمان قدرات خاصه بيكي غير اللي عنده
نجمه ب فرحه : بجد يعني اقدر اعمل ايه
جاكلين : تطيري مثلا تحولي شكلك و تخليه شكل اي حد تاني جود مثلا بيطلع ليزر من عينه و بيقدر يخفي حاجات و يظهرها تاني وحاجات زاي كده
نجمه : يعني أنا قدر اعمل زاي كده
جاكلين : طبعا و اكتر بكتير
و في الوقت ده دخلت جومانا و هي جايبه الاكل
جاكلين: حطيه هنا و انزلي
و كملت : كلي دلوقت انا نازله قبل ما جود يجي زمانه جاي دلوقت نبقا نتكلم بعدين
هزت نجمه راسها ب الموافقه و بدات تاكل
و في نفس الوقت وصل جود و قرب من الباب و حط ودنه عليه عشان يشوف أن كانت نجمه جوه ولا لا
و نجمه لمحت ضله من تحت الباب ف بدأت تمثل الالم و الجوع الشديد و بدات تخبط علي الباب و تقول : افتحولي حرام عليكم انا هموت من الجوع بطني بيتقطع هموت
جود ابتسم و مشي من عند الباب و راح اوضته و حول ينام
بس معرفش و فضل يتقلب في السرير و بعدين وقف
وقال : لا مش هينفع تنام و هي جعانه كده انا هروح اعملها حاجه تاكلها
ايه اللي انت بتقوله ده يا جود انت اتجننت قلبك حن ولا ايه
لا لا محنش انا هعملها تاكل عشان متتعبش و قوتي تنقص
اه صح ده عشاني انا أما اقوم اعملها تاكل
و قام نزل يعمل ليها اكل
و في المطبخ
جود : و هي دي بتحب تاكل ايه مش مهم انا هعمل ليه اي حاجه
لا مش هينفع دي من الصبح جعانه لازم اعمل ليه حاجه كويسه
ايه ده منك لله يا نجمه خلتيني اكلم نفسي
و بدأ يحضر ليه الاكل و لما خلص
جود : تسلم ايدي ايه العظمه دي دي هتطير من حلوه الاكل
و اخد الاكل و طلع ليها ب فرحه
و خبط علي الباب ب خفه
جود : نجمه نجمه انتي صاحيه
نجمه : نعم انت عايز ايه تاني جاي تقتلني مش مكفيك اللي عملته فيا النهارده
جود : انا عملتلك اكل ممكن تفتحي عشان ادخل
نجمه اتصدمت و قامت بسرعه عشان تخبئ صنيه الاكل
نجمه : ثانيه اغير هدومي
اروح فين و اجي منين لو شاف الصنيه هينفخني اخبيكي فين اه في الدولاب مش هتدخل تحت السرير ملهاش حل غير تحت السرير
جود : خلصي يا نجمه ايه كل ده انتي بتغيري ولا بتصنعي الهدوم
نجمه و هي بتدخل الصنيه تحت السرير : جايه اهو
و قامت فتحت
نجمه : ها عايز ايه
جود : جبتلك اكل
نجمه : و طبعا حاطط فيه سم عشان تخلص مني
جود : لا محطتش فيها سم انا جبتلك اكل عشان متضعفيش و مستوى قوتي ينزل
نجمه : قول كده انت خايف علي نفسك
جود زقها و دخل : اه تعالي اترزعي عشان ناكل مع بعض انا مكلتش من الصبح
نجمه : لا مش عايزه منك حاجه يا قاسي
جود سحبها من أيدها و قعدها علي السرير و قال : اقعدي بقي هموت من الجوع
نجمه : مش هاكل برض
قاطع كلامها المعلقه اللي دفسها في زوراها و قال : حلو مش كده تسلم ايدي
و نجمه فضلت تكح
و جود ضربه علي ضهرها و قال : صحه صحه
نجمه : كنت هموت يا حيوان
جود حمر عنيه و كشر : ايه
البارت الرابع
نجمه : مش عليك يا عم الناس انا الحيوانه
جود ب ابتسامه: ناس تخاف متختشيش
نجمه : حياتي اولا يا عم الناس احم بقولك ايه انت ازي قلبت عنيك كده ازي
جود ب ثقه : دي قدرات اكبر من خيالك يا صغنن
نجمه ب ضيق : انت كياد اوي يا عم
جود : بطلي لماضه و اطفحي
نجمه : حسبي الله ونعم الوكيل في الظالم
جود : بت اطفحي خلنا نخلص
و قعد يأكلها ب ايده و بعد شويه خلصو اكل
و قال جود : نامي يلا تصبحي علي خير
نجمه : وانت ملهلب في نار جهنم
جود : بتقولي ايه
نجمه : بدعيلك يا حبيبي
جود : هههه نامي يلا
و اخد بعضه و طلع ل بره و نزل الصنيه و راح ينام
أما نجمه كانت ب تتلوا من وجع بطنها بسبب كتر الاكل اللي أكلته النهارده و مش عارفه تنام
نجمه : منك لله يا جود يا ابن ام جود ده وقت تطلع فيه الحته الطيبه اللي دفنها جواك مكنت تسيبها مدفونه اه يا بطني اه
و عدا الليل و هي بتقطع من الوجع
و تاني يوم الصبح
كان جود و جاكلين قاعدين علي السفره عشان يفطرو
و قال جود ب ارتباك : احم اومال فين نجمه
جاكلين ب خبث : وانت بتسال ليه يا جوجو
جود ب ضيق : اسمي جود يا امي
جاكلين: ماشي يا سي جود قولي بقي بتسال ليه
جود : لا عادي
جاكلين ب كدب : مش عارفه مش انت مانع اي حد يقرب من الاوضه بتاعتها يا عيني تلقيها تعبانه مكلتش حاجه من امبارح و هي اصلا كانت تعبانه بسبب كتر العياط اللي بتعيطه من لما جت هنا
جود ب ارتباك : طيب انا طالع اشوفها عشان لو تعبت قوتي هتضعف زاي ما انتي عارفه
جاكلين ب سخريه : عارفه روح يا ابني روح
و طلع جود ليه و لما فتح الباب لقيها نائمه على السرير قرب منه ب هدوء
و قال : نجمه نجمه اصحي
بس نجمه مش بترد و بتمتم ب كلام مش مفهوم
جود : نجمه نجمه فوقي
و حط ايده علي دماغها لقها سخنه مولعه
ايه ده دي جسمه مولع جومانا هاتي ميه بارده من عندك
جابت جومانا الميه و طلعتها ليه و هو قعد يعمل ليها كمادات
و فضل جنبها اليوم كله
و طلعت ليه جاكلين اللي قالت ب سخريه : بقي جلاله الملك جود القاسي اللي معندوش قلب قاعد يعمل كمادات ل حته بنت ملهاش لزمه و خايف عليها كمان
جود ب ضيق : امي ده مش وقت هزار البنت تعبانه
جاكلين : شكل كده في حد قلبه لأن و وقع في الحب
جود : امي روحي هاتي حاجه سخنه ل نجمه تشربها
جاكلين: هروح ربنا يشفي اللي في بالي
و نزلت ل تحت
أما جود كان سرحان في كلام أمه هل فعلا وقع في حب نجمه حته البنت البشريه الضعيفه اللي هتضعف قوته و هتكون نقطه ضعفه ممكن
هز رأسه كأنه بينفض الأفكار دي و قال ب صوت واطي : لا اكيد لا مش انا اللي احب و يوم ما احب احب بشريه اكيد لا
نجمه ب تعب : ليه متحبش بشريه بتعض مثلا
جود : لا عشان لمضه و لسانها طويل مثلا
خدي اشربي ده عشان تبقي كويسه
نجمه : مش عايزه
جود شربها الكبايه و هو بيقول : هو انا هحايل فيكي اشربي
و بعد شويه قال : شاطره اسيبك انا ترتاحي شويه و اروح اشوف شغلي سلام يا نجمتي
و سابها و طلع و جاكلين دخلت عندها و قالت : برافو عليكي يا نجمه بقي بتعملي تعبانه عشان يحبك جدعه يا بت تربيتي
نجمه : بس انا كنت تعبانه ب جد بطني وجعني من كتر الاكل اللي كلته امبارح
جاكلين: اكل ايه الاكل اللي كلتيه ميكفيش ضفضع
نجمه : ما هو جود عمل ليا اكل امبارح و فضل ياكلني لحد ما كنت هنفجر و اعتذر ليا كمان
جاكلين: اوب اخيرا وقع جود بيحبك يا نجمه ها انتي بتحبيه ولا لا
نجمه : مش عارفه ممكن
و فضلو يتكلمو شويه و هما غافلين عن جومانا اللي كانت واقفه تصنت عليهم
و بعد شويه نزلت و اتصلت ب حد و قالت : وقع في حب نجمه خلاص
الشخص التاني : ههههه اخيرا كويس جدا تقدري تطلعيها بره القصر
جومانا : هحاول
و قفلت الخط و ابتسمت ب شر
و بعدين طلعت ل فوق و دخلت عند نجمه اللي كانت جاكلين سابتها و نزلت
و قالت جومانا : سنيوريتا نجمه ممكن ادخل
نجمه : اتفضلي بس ايه سنيوريتا دي
جومانا : ده لقب حضرتك دلوقت سنيوريتا نجمه
نجمه : بجد طب قولي كنتي عايزه ايه
جومانا : انا عارفه ان حضرتك تعبانه قولت اجي اخدك الجنينه تشمي هواء عشان تتحسني
نجمه : بجد ينفع أخرج لا بس جود هيزعل لامش عايزه
جومانا : و ايه اللي هيزعل جلاله الملك جود ده هيفرج عشان هتخفي لأن انتي نقطه ضعفه عشان كده هو هيفرح لما تخفي
نجمه ب تفكير. : اه فعلا هو بيخاف عليا اوي اكيد مش هتكلم يلا بينا يا جومانا
و أخدتها و نزلت في الخباثه من غير ما حد يشوفها و قالت عند باب القصر : سنيوريتا نجمه اطلعي انتي و انا هشوف البوتجاز و ارجعلك
هزت نجمه راسها ب الموافقه و طلعت ل بره و قعدت تلفلف في الجنينه و تشم الورد
و فجاه طلع من وراها حد و حط علي بوقها منديل و خدرها و اخدها معاها
و بعد ساعات رجع جود البيت و طلع عشان يطمن علي نجمه بس ملقهاش و قعد ينده عليها
و جومانا كانت بترقبه و اول ما دخل الاوضه اتصلت ب الشخص المجهول و قالت : الو هو وصل دلوقت في اوضتها
و قفلت الفون و نزلت المطبخ
أما جود نزل ل تحت و بدأ ينده : نجمه يا نجمه امي امي
جاكلين: ايوه يا حبيبي
جود : هي نجمه فين
جاكلين: في الاوضه بتاعتها بترتاح
جود : لا مش فوق اكيد نزلت جومانا جومانا تعالي هنا
جومانا : ايوه جلالتك
جود : شوفتي سنيوريتا نجمه في أي مكان هنا
جومانا : لا جلالتك
جود : طب اجمعي الخدم و دورو عليه في القصر كله
هزت جومانا راسها ب الموافقه و راحت عملت نفسها بتدور عليها و هي بتمثل الخوف
و في الوقت ده وصل مكالمه ل جود فتح و قال : الو مين معايا
: بقي مش عارف رقمي يا جلاله الملك انا ايان اللي كان المفروض يكون الملك مكانك بس ملحوقه
جود : قصدك ايه
ايان : قصدي أن السنيوره بتاعتك معايا تحب تسمع صوتها
و قرب الفون من نجمه و قال : اتكلمي انطقي
نجمه ب دموع : الحقني يا جود الحقني
جود : اهدي اهدي انا جاي ليكي
سحب ايان الفون منها و قال : ايه رايك
جود : لو قربت ليه اقتلك لو لمست منها شعره واحده هندمك علي عمرك فاهم
ايان : اقرب ليه لا دا انا هقرب و أقرب كمان و هقتلها وقت غروب الشمس و في الوقت ده هكون انا الملك
و قفل الخط قبل ما جود يرد عليه
جود خبط الفون علي الارض ب عصبيه و قال : ايان هقتلك يا ايان
جاكلين ب خوف : في ايه نجمه مالها
جود : ايان خطفها
جومانا جومانا اجمعي الحرس كلهم هنا حالا
و بعد دقائق كان الكل واقف قصاد جود و قال ب ضيق : ايان خطف سنيوره نجمه خلال دقائق تكون عندي هي و الكلب ايان اتفرقو في المملكه كلها و تجبوها ليا
و طلع هو و الحرس يدورو عليها
و بعد وقت طويل من البحث رجع جود البيت
و لما دخل جريت عليه جاكلين و قالت : عملت ايه يا ابني لقيتها
جود حضنها و هو بيعيط : لا ملقتهاش ضاعت يا امي ضاعت
جاكلين ب صدمه : انت بتعيط يا جود انت حبيتها ولا خايف على ملكك
جود : مش فارق معايا حاجه غيرها يا امي انا خايف عليها
البارت الخامس
جاكلين ب ابتسامه : طب كده كويس
جود ب دموع : كويس انها اتخطفت
جاكلين : امسح دموعك دي كويس انك حبيتها كده بقي في رابط قلب بينك و بينها تقدر تعرف مكانها و انت هنا
جود : ازاي ده
جاكلين : هي نصك التاني يا غبي و نص روحك بينك و بينها رابط روح و لما تحبها بيكون في رابط قلب بيخليكم تعرفو مكان بعض عن بعد
جود : بجد
جاكلين: ما هو انت لو عصرت علي نفسك لمونه و قريت الكتاب كنت عرفت الكلام ده قوم يلا عشان تجيبها قوم
قام جود ب فرحه و جاب الكتاب و فتح صفحه من الصفحات و بدأ يقرأ منها و هو حاطت ايده علي قلبه و فجاه اختفي من مكانه و ظهر في الخزن اللي فيه نجمه
و شافها من ورا الصناديق و كانت مربوطه على الكرسي
جود : نجمتي
و قرب منها و هو بيتسحب و فكها
و قال : انا اسف يا نجمتي
نجمه ب خوف : طلعني من هنا يا جود
جود : هنطلع من هنا متخافيش
و اخدها و كان طالع ل بره و هو بيتسحب بس شافه اين اللي قال : عندك يا جلاله الملك رايح فين ب نجمتي
انقض عليه جود و هو بيضربه و بيقول بغيظ: نجمتك نجمت مين يا حيوان انا هقتلك
بس ايان زقه علي الارض و ضرب عليه ليزر من ايده
و نجمه صرخت : جود
جود : متخافيش انا كويس
و قام هو كمان ضرب ايان ب الليزر بس ايان كان أقوه
جود : نجمه تعالي هنا
و اول ما قربت منه زادت قوه جود و بدات معركه قويه بينهم
و بعد شويه وقع ايان علي الارض
و جود حبسه في قفص من الليزر
و قال ب غيظ: بقي انت عايز تقتلني و تقتل نجمه انا بقي هنفيك من المملكه نهاي و اسحب قوتك كمان وريني هتعيش ازاي من غير قوتكايان ب ضعف : مش هتقدر
جود : هنشوف
و بدأ يتمتم ب كلام غريب و سحب قوته منه
و هو بيصرخ ب الم : جود مش هسيبك
و لما جود خلص قال : اهو انت بقيت أضعف من انك تتحرك حتي
و بص ل نجمه و قال يلا يا نجمتي نروح
و مسك أيدها و طار بيها و هي طارت معاه ب صدمه و قالت ب رعب : نزلني هموت نفسي اتقطع نزلني
و فضلت تضرب فيه
و بعد شويه نزلها و قالت ب غيظ : انت مجنون ايه اللي عملتيه ده
جود : شويه طيران علي الماشي علي فكره انتي بتعرفي تطيري كمان جربي كده
نجمه : اجرب ايه انت عبيط
جود : هاتي ايدك طيب
و مسك أيدها و طار شويه عن الأرض و هي بتصرخ
جود : اهدي اهدي بس بلاش صريخ
نجمه : انا خايفه
جود : انا معاكي ثقي فيا ولا مش واثقه فيا
نجمه : واثقه فيك
جود : غمضي عينك كده
و لما غمضت ساب أيدها و هي اتفزعت و صرخت
جود : اهدي انتي طائره لوحدك اهو
نجمه ب صدمه : ازاي
جود ب غمزه : قدرات يا نجمتي
و بدات نجمه تسبح في السما بحريه كأنها عصفور و مصدق طلع من عشه
و قرب منها جود و حضنها بقوه و قال ب همس : بحبك يا نجمتي بحبك
نجمه ب كسوف : و انا كمان
جود : تتجوزيني
نجمه هزت راسها ب الموافقه و دفنت وشها في حضن
و جود حضنها بقوه و طار بيها ل فوق قوي و قال ب صوت عالي: بحبك يا نجمتي بحبك