البارت الاول
في مقر المخابرات في مكتب اللواء محمد كان واقف بطلنا قدام اللواء بقناعه الاسود
اللواء محمد:
انا عايزك يا مالك تروح الحاره اللي هديك عنوانها دلوقتي عشان تحاول تلاقي اي خيط يوصلنا للبص الكبير ..... وصلنى اخبار ان الحارة دي فيها عصابة مشبوهة بتشتغل من تحت لتحت ... عايزك تروح تدور وراهم يمكن يكون ليهم علاقة بالراس الكبيرة
رد مالك: تمام يا فندم بس تاني مره متقوليش مالك انا اسمي الشيطان عشان المره الجاية مش هيحصل كويس
اللواء محمد:
تمام يا شيطان .... بس اهم حاجه المهمة تتنفذ في أقرب وقت ... عشان مش هنسيب حق أرواح الناس اللي ماتو بسبب السم اللي بيبعو ده اكتر من كده
مالك: دول شوية كلاب مش هياخدو معايا غلوه وهدوسهم تحت رجلي ومتخافش انا دخلت الشرطة عشان
اجيب حق الناس الابرياء الا بتضيع
اللواء محمد:
يارب بس اهم حاجه تركز في المهمه دي كويس مش عايزين ولا غلطه....
لأن الغلطة فيها ارواح ناس كتير واحنا طبعا في غنى عن ده
مالك: انت عارف ومتأكد كويس جدا اني مش بغلط في شغلي وعمري ما غلط فيه وعشان كده اختارتني انا بالذات للمهمه دي
اللواء محمد:
طبعا انا واثق فيك جدا.... ده انت الشيطان بس برضو بنبهك .... عشان تاخد بالك كويس دي فيها حياة ناس يا شيطان
مالك: لا متخافش انا واخد بالي اوي من اللي انا بعمله ....
وعارف شغلي كويس يا سيادة اللواء
استأذن منه مالك بعد ما خد منه العنوان وخرج عشان يحضر للمهمه اللي هينزلها تانى يوم
وفي مكان تاني عند بطلتنا نور في قسم الشرطة كانت واقفة قدام العقيد محمود في مكتبه
محمود:
بصي بقى وركزي معايا عشان انا مش عايز اي أخطاء في المهمه دي وبلاش حتة الخوف دي ....عشان منروحش في داهيه بصي المهمة كالآتي....
انتي هتروحي حاره شعبية هتتنكري في بياعة خضار عشان تراقبي العماره اللي فيها العصابة اللي بتخطف البنات والأطفال
نور: يماما اكيد مش هعمل كده افرض اتخطفت لا لا لا انتي شوفلي مهمه تانيه تكون أسهل من كده شويه ... انت عارف اصلا ان انا داخله الكلية دي بالحظ والله
محمود كان بيحاول يهدي نفسه عشان ميتعصبش عليها لأن المرحوم ابوها اللواء كان موصيه عليها وقالها:
لا متخافيش دي عمليه بسيطه بس اهم حاجه تركزي وبلاش تلفتي النظر اوي حواليكي
نور: لا يا فندم عشان خاطري بلاش المهمه دي انا خلاص مش هروح
محمود بصرامة:
هو ايه اللي مش هتروحي قولت هتروحي يعني هتروحي... كفاية دلع لحد كده بقى ... انتي مش عيلة انتي ظابط يعني لازم تعرفي ان معاكي مسؤولية كبيرة
نور: يوو بقى يعني انت برضو مش عايز تديني مهمه أسهل شويه انت عارف اني بخاف اطلع مهمه لوحدي وهبقى في حاره شعبية
محمود بهزار:
لا اطمني ياختي معاكي عصابة انما ايه سكر خطف تلاقي تجارة أعضاء تلاقي كل اللي نفسك فيه موجود عايزه ايه تاني اكتر من كده بقى
نور: ما هو دي المشكلة ان كل حاجه موجوده يالا مش مشكلة اهي موته والسلامه
محمود:
ماشي يالا بقى روحي ونامي كويس عشان بكرا يوم متعب وطويل ... وعارفه لو سهرتي وصحيتي متأخر زي كل مره وتيجيلي بقى متأخر والكلام ده ممنوع وبالذات بكرا فاهمه والا لا
نور: اه خلاص فهمت متزقش بس
نور وهيه خارجة : منك لله يا سيد قرعه روحت وسيبتنى فى الهم ده لوحدى
وبعد ما نور خرجت قعد محمود يضحك على جنانها وقال: البت دي شويه وتجيبلي شلل .... مكنش ينفع تدخل شرطة خالص غلطت ابوها الوحيده ان دخلها
وعند نور قدام باب شقتها فتحته بودخلت و قالت وهيه داخله :
اهلا بشقتي اللي عايشة فيها لوحدي ... بعد موت سيد قرعه
ودخلت الحمام خدت شاور وطلعت لبست هدومها ونامت
البارت الثانى
وتاني يوم في بيت بطلنا الشيطان قام من على سريره ودخل الحمام خد شاور وخرج لبس هدومه و قناعه الاسود اللي مش بيمشي من غيره
...... وركب عربيته وراح على مقر المخابرات عشان يجهز للمهمه
وعند نور كان المنبه عمال يرن وهيه والا هنا .... كانت في سابع نومه
وبعد وقت صحيت نور وقالت بنعاس:
ياربي بقى انا عايزه انام شويه
وبعدها افتكرت ان عليها مهمه النهارده وهم ما يتلم
نور:
يوو بقى دي المهمه النهارده وانا الصراحه متدربتش خالص هتصرف ازاي .... بس يالا عادي نسيبها على ربنا بقى
وقامت من السرير ودخلت خدت شاور وخرجت ولبست جلبية عشان الدور اللي هتعمله
وقالت وهيه فى المطبخ بتجهز الفطار لنفسها
: يا سلام على البيض اللا بعمله ..... يااا شغل فاخر من الاخر يعني
وبعد ما فطرت نزلت ركبت تاكسى وراحت على القسم .... عشان تاخد التعليمات من العقيد محمود
...........
دخلت نور مكتب العقيد وهيه بتقول
نور:
سلاموز بالموز حبايبي الجوز
العقيد محمود
: انتي ازاي تدخلي قبل ما تخبطي .... يا بنتي احترميني شوية بقى .... والا انت عمرك ما احترمتي حد في حياتك يعني والا ايه
سكت شويه وبص على الجلبية اللي هيه لبساها وانفجر من الضحك على منظرها
نور بغضب:
انت بتضحك على ايه مش ده اللي انت الا طلبت مني البس جلبية .... وبعدين بقى انا شكلي قمر ده انا بسكوتاية يا جدع
العقيد محمود:
خلاص كفاية هزار بقى ونتكلم جد شويه انتي لازم تتقني الدور وتقفي في المكان اللي هقولك عليه عشان تحاولي توصلي لأي حاجه
نور:
طبعا طبعا ده انا أعجبك يا فندم وهتشوف .... شوف بس واتفرج كده انا هعمل ايه
العقيد محمود:
لما نشوف يا ست نور انا حاسس اني هنبهر .. اهم حاجه متنسيش المايك اللي هيبقى معاكي خبيه كويس في هدومك عشان هما اكيد مراقبين كل حاجه هناك وخصوصا بقى ان انتي هتبقى قدامهم
وبعد فترة في الحاره كانت قاعده نور ورابطة طرحة على دماغها وبتقول: خيار يا قوطة يالا تعالي يا مدام اشتري ... تعالى يا باشا اشتري ... ده كيلو القوطة بعشرة جنيه
وكان في واحد معدي من قدامها قالت له : تغالى يا بيه اشتري جرجير بسعر الجملة
بصلها بقرف ومشي وسابها
نور: ده ايه الحاره دي اول مره اشوف .... الناس بتكبر على ايه يعني .... ده اتلاقيهم كلهم مفلسين على الآخر عشان كده مش بيشترو خضار يالا مش مشكلة بقى
وقعدت تاكل في الخياره
بصت لقت عربية سوده وقفت فجأه قدامها ونزل منها راجل وقالها:
انتي مين انا عمري ما شوفتك هنا قبل كده ... انتي منين او جايه ليه
قالها وهو بيبصلها بنظرة شك
نور:
انا معنديش مكان اروحو فقررت اجيب خضار وابيعه في اي حاره
.... وهي دي الحاره اللي لقيتها...
عشان كده جيت تاخد قوطة يا باشا
الراجل: لا انا مش عايزه قوطة
نور: اومال عايز ايه خيار؟
الراجل: لا انا هاخدك انتي وشاور بصباعه للناس ...
وفى ثانية كانت فاقده الوعى وحطوها معاهم في العربية ومشوا
........
واللي كان بيراقب الموقف من
بعيد الشيطان.... الا فضل ماشى وراهم بعربيته من غير ما ياخدوا بالهم
......
وبعد وقت وصلو مكان مفهوش حد
.....
دخل الراجل وهو شايل نور زي شوال البطاطس ....
ورماها مع مجموعة بنات في المخزن
وقال للحارس :
خليك واقف قدام الباب ومتخليش حد يعمل صوت خالص عشان عايز اشتغل شويه مع نفسي
وعند نور في الاوضة كان البنات بيحاولو يفوقوها
وبعد وقت مسكت راسها بصداع وقالت:
انا فين وايه اللي جابني هنا
كلمتها واحده من البنات وقالت لها:
انتي ايه اللي جابك هنا بس ياريتك ما جيتي ....
احنا محبوسين هنا بقالنا فتره ومش عارفين نخرج ...
وخلاص المفروض هنتباع بكرا او بعده
نور بصوت واطي:
هو في كاميرات هنا في المكان؟
ردت نفس البنت وقالت:
لا مفيش هو الحارس اللي بره ده بس ....
وهو اصلا بينام اتلاقي نايم دلوقتي اصلا اتكلمي براحتك
نور: متخافوش يا بنات انا ظابط وجايه عشان اساعدكو واقبض على العصابة وارجعكو لأهلكو متقلقوش احنا بس هنستنى شويه وبعديها نحاول نخرج من المخروبة دي
فرحو البنات أن هي هتساعدهم كأنهم ما صدقو لقو حد ينجدهم من العذاب اللي هما عايشينه
وعند شجرة جمب المخزن كان واقف الشيطان بهيبته وقناعه الاسود على وشه ....
كان مستني القوات تيجي عشان يبدأ يهجم ويحرر نور
الشيطان:
لا انا مستحيل اقعد استنى القوات زي ما اللواء قال ...
انا مش هقدر اشوف ناس مخطوفين واقعد اتفرج اكيد لا
وفعلا اتسلل مالك واي حارس بيقابله بيخلص عليه علطول
لغاية ما وصل خبر للراجل اللي خطف نور ان في واحد غريب بيخلص على الحراس
مالك بص حواليه لقى حارس نايم على كرسي ووراه باب
...
عرف ان البنت في الاوضة دي اتسحب براحه وخلص على الحارس
ولسه هيفتح الباب سمع صوت من وراه
بيقول:
على فين يا حلو حاسب ايدك الحلوه دي من على الباب ...
البضاعة دي تخصني وانت ملكش دعوه
...
هتمشي بالذوق والادب ولا أعلم عليك
الشيطان:
انت مش عارف انت بتكلم مع مين ده انا اوديك ورا الشمس انت فاهم ولا اجي افهمك
طلع الراجل سلاح وصوبه نحية مالك وقال:
انت اللي بدأت وانا هعورك تعويره بسيطة كده ... مش هتحس بأي حاجه خالص
وقبل ما يضغط على الزناد وقفه صوت الشرطة وهيه بتقول:
اثبت مكانك المكان كله محاصر... وارمي السلاح اللي في ايدك
واستغل مالك صدمته وجه من وراه وخد السلاح ... والشرطة قبضت عليه
مالك: روحو انتو بيه وانا هوصل البنت لأهلها واروح على بيتي
مشيت الشرطة ودخل مالك لقى مجموعة بنات وبينهم البنت اللي شافها وهي بتتخطف قدامه
نور: انت مين يا جدع انت وعايز مننا ايه بالظبط ... سيبونا في حالنا بقى انت مش شايف البنات خايفة ازاي
مالك: متخافيش انا جاي اهربكو من المكان ده هما مش موجودين دلوقتي يالا نمشي بقى قبل ما يرجعوا تاني
نور: انت كداب انت واحد من العصابه ده اكيد جاي تخطفنا
مالك: اخطفكو ايه انتو اصلا مخطوفين مش ناقصة ذكاء هيه ...
خلاص أدام انتي مش مصدقه طب يالا بقى يا بنات عشان اوصلكو لأهلكو وخليكى انتى
......
مالك مكنش عايز يقول ان ظابط عشان مش بيحب انه يكشف هويته حتى وهو مغطي وشه
وافقو البنات يمشوا معاه ولسه هيتحركو
نور بسرعه قالت
: لا خلاص خلاص هاجي وأمري لله انا مش هقعد لوحدي يعني مع الناس اللي تخوف دي يمامي
ضحك مالك من ورا القناع
وخرجوا كلهم وركبو العربية ...وبعد وقت كان وصل كل البنات ومكنش فاضل غير نور ووقف العربية وقالها:
ها بقى انتي اسمك ايه وبيتك فين عشان اوصلك واروح انام
نور: بص الصراحه بقى انا عايزه اعترفلك بحاجه انا ظابط وكنت رايحه عشان اجمع معلومات عن العصابة دي ... اللي انت منهم تقريبا بس ما علينا انا مش هبلغ الشرطة علنك عشان ساعدتني ورجعت البنات لبيتها
مالك وهو بيحاول يكتم ضحكته على غبائها:
ماشي يا ستي متشكرة انك مش هتبلغي عني ... ها بقى مكان بيتك فين عشان اوصلك
نور: بص قبل ما اقولك على عنوان بيتي عايزه اطلب منك طلب صغنتوت اد كده
مالك: قولي يا ستي سامعك اهو بس بسرعة عشان الوقت اتأخر ولازم تطمني اهلك عليكي
نور: انا اصلا وحيده وأهلي ميتين ...
بص بقى يا سيدي من عضلاتك كده باين انك عارف فنون القتال وبتعرف تدافع عن نفسك كويس ....
عشان كده عايزاك تعلمني...
على فكره انا بعرف ادافع عن نفسي برضو ...
عشان انت عارف طبعا اني ظابط بس محتاجة اتعلم شوية حاجات صغنونة
مالك: طب هو ايه اللي يخليني أوافق اصلا وانا ورايا مليون حاجه اعملها ومش فاضيلك
نور: براحتك بس متزعلش بقى لما أبلغ عنك الشرطة .... انك تبع العصابة اللي هما بيدوروا عليها.... ايه رأيك في الكلام ده بقى
البارت الثالث
مالك: لا لا لا خلاص يا ستي ماشي ....انا موافق ....
قوليلي بقى عنوان بيتك وانا بكرا هاجي اخدك وامرنك في ساحة التدريب الا بتدرب فيها ...بس متبلغيش الشرطة
قالتله نور على عنوانها وشغل العربية وراح على العنوان .... وقبل ما تنزل من العربية قالتله:
بالمناسبة انا اسمي نور وده رقمي عشان تبقى تكلمني وانتي اسمك ايه بقى؟
مالك: اسمي مالك ياستي ... انتي اول واحده تعرف أسمي الحقيقي عدي الجمايل بقى
ضحكتله نور وطلعت بيتها دخلت وهيه مبسوطة جدا
نور: اما اروح بقى اخد شاور ده انا ريحتي بقت معفنه اوي
...
وبعد وقت خدت شاور وخرجت لبست ترنج بيتى ورمت نفسها على السرير
نور: يااا اخيرا خلصت .... اليوم كان متعب جدا
ونسيب نور تنام ونروح
عند مالك ....
دخل شقته وهو بيضحك على جنان نور
.....
خد شاور وطلع لبس هدومه ورقد على السرير
كان باصص على السقف وبيضحك وهو بيقول
يا لهوي مش قادر بجد
كفايه اللي هيه كانت لابساه .... شكلها دخلت الكلية واسطه .... بس البت قمر الصراحه يعني وكمان هشوفها بكرا وهي نضيفة شويه بدل ريحة المجاري اللي كانت طالعة منها دي
وبعد شويه استسلم مالك لسلطان النوم
وتاني يوم
صحيت بطلتنا نور بنشاط غير العادة قامت جهزت نفسها ولبست لبس رياضة....
وشويه ورن تليفونها برقم غريب
ردت وهيه بتقول : مين معايا
المتصل: جهزتي نفسك عشان اجي اخدك ... خلال نص ساعة هكون عندك ... عشان نروح نتمرن زي ما وعدتك
نور: مالك..
انا جهزت خلاص ومستنياك عشان تيجي اول لما توصل رنلي....
عشان انزلك بس متتأخرش عشان ورايا رواية لازم اتفرج عليها ضروري
مالك: رواية هو انتي من بتوع الروايات وابطال الروايات وكده
نور: ما هو انت مش فاهم الروايات دي عندي ايه ... والنهارده بقى لازم لازم اتفرج على الحلقة دي ..... عشان مستنياها بقالي ايام ومتشوقة جدا اعرف ايه اللي هيحصل
مالك: احنا في رغيك ده مستحيل اني اجي بدري ... اقفلي بقى عشان اجيلك بسرعه
نور: ماشي يا عم خلاص في ايه هقفل اهو ... اصلا الكلام معاك مش مسلي ومش عايزه اتكلم معاك ... يلا سلام
وقفلت السكة في وشه وضحكت بإنتصار
وعند مالك بعد ما قفلت معاه السكه قال:
وربنا طفلة مش عارفه هيه جايبة الدماغ دي منين
بعد ما خلص كلامه نزل ركب عربيته عشان يروح لنور
....
وبعد وقت وقف مالك العربية قدام بيت نور واتصل بيها
وبعد شويه ردت وقالت:
ها عايز ايه بقى قولت مش عايزه اتكلم معاك
مالك: يا بت انتي عبيطة انا تحت البيت يلا انزلي ....بدل ما اطلع اجيبك انا من فوق
نور: خلاص خلاص نازله اهو استناني بس دقيقتين وتلاقيني قدامك
قفل معاها وبعد دقيقتين نزلت ركبت جمبه :
متأخرتش اهو جيت بعد دقيقتين بالظبط
مالك:
ايوه كده شاطره ... انا بحب الناس اللي منتظمة في مواعيدها
ابتسمتله نور واتحركو للمكان اللي هيتدربوا فيه
وبعد فتره وصلوا المكان ونزل مالك ... ونور فضلت في العربية
مالك: ايه مش هتنزلي ولا ايه احنا وصلنا المكان اهو
نور: مش المفروض تفتحلي باب العربية عشان انزل منه وكده يعني ما انت الولد بقى
مالك: افتحلك باب العربية بتاع ايه .... هو انتي اتشليتي ولا ايه يلا انزلي وخلصيني عشان مش بحب اتأخر على التمرين
نور:
يوو بقى حاضر نازله اهو
........
دخلو المكان وانبهرت نور من شكل المكان لانه كان واسع جدااا وجميل ... وفيه العاب رياضية كتير
مالك: يالا بقى اعلمك فنون القتال عشان تعرفي تدافعي عن نفسك كويس .... بصي احنا هندخل تحدي مع بعض ونشوف مين اللي هيكسب
ولسه بيرفع ايده عشان يبدأو
نور:
لا خلاص خلاص عشان خاطري متضربش يماما
مالك:
انتي مستحيل تكوني ظابط ... انا حاسس اني واخد معايا بنت اختي الصغيرة ... ما تنشفي كده وبعدين انا قولت لك هنضرب براحه يعني مش هعمللك حاجه
.... ده تدريب خفيف ده انا لسه مبدأتش حتى ولقيتك شويه وهتعيطي
نور:
لا اعيط ايه بس ده انا جامده واعجبك على فكره... ومع الوقت هتعود يعني مفيش مشكلة
مالك: طب يالا نكمل بقى عشان الوقت
وفعلا بدأ يعلمها واحده واحده ازاي تدافع عن نفسها ...
وسط ما هو بيعلمها اتزحلقت نور وكانت هتقع لحقها بسرعة ومسكها وفضلوا باصين فى عيون بعض
نور بتوهان:
رغم انك مش مبين حاجه من وشك غير عينيك بس عيونك تسحر اي حد بجمالها ولونها الصافي
مالك:
وانا مستعد اشيل القناع واسحرك اكتر واكتر بملامحي زي ما سحرتيني بكل حاجه فيكي تصرفاتك وجمالك وطفولتك
بعدت عنه نور:
احم احم انا بقول كفاية كده عشان تعبت نريح شويه او نمشي
مالك:
خلاص مش مشكلة اللي انتي عايزاه اهم حاجه تكوني كويسة وانا بكرا اجازه من الشغل لو عايزه نكمل بكرا
نور: تمام ماشي بس ممكن اطلب منك طلب
مالك: اطلبي يا ستي
نور: انا عايزه اشوف وشك وقبل ما تعترض متنساش اني ممكن أبلغ عنك ...و احسنلك بقى توريني وشك
مالك:
مش عارف الصراحه ... خايف عليكي من وسامتي بقى وكده ده انتي مش قادره تقاومي جمال عيوني ...
وغمز لها
نور:
يالا بقى متبقاش رخم يا جدع انا عايزه اشوف وشك... عشان الفضول مش اكتر وعلى فكره بقى عيونك متسحرش ولا حاجه دي عاديه جدا
قالتها نور وهيه مركزه في عيونه
مالك: ايوه طبعا طبعا عاديه جدا لدرجة انك مكنتيش عارفه تشيلي عيونك من عليها ... انا خايف منك لتحسديني ولا حاجه
نور: خلاص بقى يا مالك براحتك عايز تشيل القناع شيله مش عايز براحتك انا مش هتحايل على حضرتك يعني... ومش عايزه اشوف حاجه انا افتكرت بقى ان احنا صحاب وكده
مالك: خلاص يا ستي ولا تزعلى هوريكي وشي ... واحنا صحاب وانتي اختي وكل حاجه ... بس كل الحكاية اني مش متعود اكشف وشي لحد من ساعة ما كنت في ثانوي ... ..
عشان كانت البنات بتضايقني ...
وانا بقول كده مش منظرة والا تكبر ....
انا فعلا كنت بتضايق من الحاجه دي
وبعد ما خلص كلامه قلع القناع اللي كان لابسه وظهرت ملامح وشه الوسيمة وجمال عيونه زادت مع ملامح وشه
كانت نور بصاله بذهول مكنتش تتخيل انه وسيم كده
نور: يخربيت جمال امك يا جدع ايه ده بسم الله ما شاء الله ... ده ايه الجمال ده كله .... انا متوقعتش كده خالص .... ده انت من حقك تتغر وتتكبر براحتك
مالك: لا مش للدرجادي يعني انا شكلي عادي هما الناس اللي بيأفورو شويه
فضله يهزرو مع بعض وبعد وقت وصلها بيتها
وفضلوا على الحال ده كتير كل ما يبقى اجازه يروح ياخدها يدربها ويرجعها بيتها تاني
وبعد ايام مالك كان في مكتب اللواء محمد
مالك: بعد محاولات في مراقبة العصابة زرعت جاسوس بينهم .... وقدر يعرف موعد تسليم الشحنه الجديده وموقع تسليمها ....
عايزك تجهزلي قوات على أحسن مستوى عشان هما اكيد مأمنين نفسهم كويس
اللواء محمد:
كل حاجه جاهزه انت بس تقولي المهمه هتم في انهي بلد وامتى وكل حاجه هتبقى موجوده وتحت امرك
مالك:
هما اذكياء جدا عشان يعملوها في مصر عشان فاكرين ان احنا هنحط في دماغنا ان العملية دي بتم في بلاد بره زى كل مره ...بس اكيد هما مش أذكى مني ولا أذكى من المخابرات المصرية
اللواء محمد: انا حقيقي فخور بيك يا شيطان انك قدرت تعرف مكانهم وتزرع الجاسوس ....
انا بقالي فتره بحاول ازرع ما بينهم اي حد لكن مقدرتش ....
انت حقيقي حققت حاجه عظيمة...
وان شاء الله بعد المهمه دي ليك ترقية كبيرة
مالك: بإذن الله بس متبلغش حد ان احنا عرفنا حاجه لحد ما يجي موعد التسليم ....
عشان هما اكيد زارعين جاسوس وسطينا وانا هبعتلك موقع وميعاد التسليم من خط تاني على الخط ده
واداله الخط وقاله:
ده حطه في موبايلك عشان لو انت متراقب برضو
وخد منه الخط وحطه في موبايله واستأذن منه مالك وخرج
البارت الرابع
وبعد كام يوم في موعد التسليم كان مالك بيراقب المكان من غير ما حد ياخد باله .... واول لما شاف البص وهو واقف قدام العميل اللي هيسلمله الشحنه مالك ادا الإشارة للقوات عشان تجهز للهجوم
ولسه البص هيسلم الشحنه
صوب مالك مسدسه وقال
مالك: سلم نفسك يا زعيم ... خلاص كل حاجه انتهت
وحصل ما بينهم اشتباك ناري وقبضت الشرطة على العميل والحرس بتاعته
مالك بعصبية:
هو فين الكلب التاني ... راح منكو فين ده أهم واحد فيهم ... هرب منكو ازاي
قال ظابط من الظباط
_ شكله هرب وسط ما احنا في اشتباك مع حراسه
مالك بعصبيه ...
دورو عليه في كل حته لازم نلاقيه ... انا مش هرتاح غير لما نقبض عليه ويتحكم عليه بالإعدام
........
وبعد فتره من التدوير على البص
مالك قال :
ده اختفى ولا كأن الارض انشقت وبلعته .... بس اهم حاجه تقفلوا المخارج خالص عشان ميهربش بره مصر
وادوا اوامر بكده ان يفقلوا المطارات
وروح مالك بيته وخد شاور ونام
.....
وتاني يوم الساعة سته الصبح صحي مالك على رنة موبايله
رد بنعاس: الو مين
نور بعياط:
الحقني يا شيطان انا مخطوفه
واتكلم الزعيم وقال:
نور حبيبتك معايا لو عايزها تعديلي الشحنه الجديدة من المينا من غير اي تفتيش .
.. ساعتها بقى هتلاقي حبيبتك عندك صاغ سليم غير كده مضمنش
مالك: اه يا كلب انا هوريك
الزعيم:
هكلمك كمان 24 ساعة تكون فكرت في العرض ده كويس وأفضل فاكر ان حياة حبيبتك نور مرتبطة بقرارك يا وطنك يا حبيبتك
وقفل السكة في وشه
.....
قام مالك بسرعة غير هدومه وراح على مقر المخابرات واول لما وصل دخل مكتب واحد صاحبه وقاله
مالك: انا عايزك تجهز القوات وتجيبلى موقع الرقم ده حالا ومن غير نقاش كتير
واداله رقم نور والرقم اللي رن عليه من شويه
صاحبه:
انا اسف جدا بس الأرقام دي مش هنعرف نوصل لموقعها لأن تقريبا صاحبها قطع الخطوط
مالك خبط ايده في الحيطة بغضب وقال:
ماشي شكرا ليك
وخرج بعصبية وراح لمكتب اللواء وسمعه تسجيل المكالمة بتاعت الصبح
اللواء محمد:
انا مش عارف هنعمل ايه ...
هو غدار يعنى حتى لو وافقت عمره ما هيديك نور
.........
كان قاعد مالك بحزن شديد مش عارف يعمل ايه نور كانت وحشاه اوي
وفي وسط ما هو بيفكر افتكر حاجه مهمه
ونروح flash back
من يومين كان حاسس مالك انه متراقب وكان خايف جدا على نور من البص عشان كده راحلها وخبط على باب الشقة
فتحت نور وقالت:
ايه ده مالك انتي جاي هنا ليه
مالك:
كان في هدية كنت جايبهالك المره اللي فاتت بس نسيت اديهالك وقولت اجيلك مخصوص عشان اديهالك
واداها سلسلة فراشة شكلها رقيق جدا
مالك:
خدي دي ومتقلعيهاش من رقبتك خالص
نور:
دي بجد ليا شكرا جدا ليك ... يا مالك مش عارفه اقولك ايه ... ومتخافيش عمري ما هقلعها
نرجع من الFlash back
مالك:
انا افتكرت ... السلسلة اللي هي لبساها فيها جهاز تتبع
اللواء محمد:
طب ي مستني ايه يالا بسرعه نروح نلحقها
وجابوا موقعها واتحركو بالقوات للمكان ....
وبعد ما وصلو اقتحمت القوات المكان
ودخل مالك يدور على نور زي المجنون
وحصل اشتباك ما بين القوات والبص وحراسه تاني ....
بس المره دي مالك مكنش معاهم كان بيدور على نوره في كل حته
لحد ما لقى باب مقفول وعليه حارس ..... راح مالك خلص علية
..... وفتح الباب لقى نور قاعده على الارض وضامه نفسها وبتعيط
مالك خدها في حضنه وهو بيحاول يهديها
مالك: متخافيش يا عمري خلاص كل حاجه هتبقى كويسة
نور: طب ازاي انت مش خايف حد يقبض عليك
مالك بضحك: انتي صدقتي اني من العصابة والا ايه انا كنت بهزر معاكي انا اصلا ظابط في المخابرات السرية ... بس فكنا بقى من السيرة دي... ويالا نطلع
بره دلوقتي عشان عايزك
....
وخدها وطلع والشرطة قبضت على البص ورجالته
مالك اخد نور وراح بيها على مكان اللي كان عباره عن مطعم فاضي مفهوش ولا حد وكان شكله جميل وراقي ومتزين بأحلى زينه
مالك: بصي ادخلي الحمام هتلاقي فستان البسيه وتعالي
دخلت نور الحمام ولبست الفستان اللي كان شيق ورقيق عليها جدا
وخرجتله
نور: الله يا مالك انت عملت كل ده امتى
مالك: انا كنت محضرلك المفاجأه دي من زمان عشان بعد المهمه كنت عايز اعترفلك بحاجه .....
ونزل على ركبته وطلع علبة فتحها وكان فيها خاتم جميل جدا
مالك: تقبلي تكوني ملكي وحلالي و نوري اللي ينور حياتي الباقيه
نور بفرحة:
اقبل طبعا
مالك: فين المأذون ... بسرعة هاتو المأذون
ضحكت نور ... وفعلا واتجوزو وعملها فرح فى احسن قاعه فى مصر وعاشوا حياه سعيدة مليانه حب وحنان