بقلم الكاتبة المبدعه والمتميزة جودى ياسر
البارت الاول
في الاسكندرية
وتحديدا في بيت راقي
كان في بنتين واقفين قدام مامتهم وباباهم
اتكلمت بنت منهم بغضب والي كان اسمها جورين : يعني اي هربو يا ماما حضرتك عارفه بتقولي اي احنا هنقع في مصيبة لو ماراحوش الجيش .
الام : طب انا ذنبي اي يا بنتي انا كنت رايحه اصحيهم عشان يروحو بس لما دخلت ملقتهمش وسايبين وراقه وبيقولو انهم مش هيقدرو يروحو ما انتي قراتيها
اتكلمت اخت جورين والي كان اسمها دانه : انا عارفه فكره مين هو في غيرو ..... المتخلف سيف الا فكر في الفكره دي اصل الافكار دي متطلعش من بدر ابدا .
الاب : طب هنعمل اي دلوقتي يا بنات مفيش حل هنروح يعني نبلغ عنهم.
جورين بعد تفكير : انا عندي حل .
دانه : اي هو قولي بسرعه مفيش وقت.
جورين : احنا هنتنكر في شكل الولاد وهنحاول نبقي شبه بدر وسيف ونروح انا و دانه مكانهم.
الكل في نفس واحد بصدمه : اييييه ازاى .
**********
وبعد شوية فى اوضة بدر اخو جورين و دانه
كانت جورين واقفه بتنقي من دلاب بدر لبس ليها
دخلت دانه عليها فجأه وهيه بتقول : الحقيني يا جورين الحقيني .
جورين بخضه : اي يا بنتي فزعتيني.
دانه : سيف .
جورين : مالو سي زفت.
دانه : ملقتش عندو حاجه حلوه البسها .... االالوان معجبتنيش .
جورين : اللبس مش عاجبك اي رأيك البسك حاجه احلا.
دانه بحماس : حبيبتي يا جوري اي هيا يا روحي .
جورين وهيا بتوطي وتاخد الشبشب من الارض : الشبشب يا عيوني .
وحدفتها بالشبشب
دانه : اااه راهيبه راهيبه في تنشين الشبشب .
*********
وبعد ساعه
البنات كانت جهزت وخرجت كل واحده من اوضه اخواها
جورين بصدمه : اي دا يانهار ابيض اي الي انتي عملاه دا.
دانه : اي في اي ما انا لبسه لبس سيف اهو ..... ما تشوفي نفسك انتي الاول ب ناضرتك دي.
دانه كانت لابسه تيشيرت واسع لونه ازرق و بنطلون اسود جينز و شوز ابيض ولابسه بروكه علي شعرها لونها اسود زي شعر سيف وحاطه شانب.
اما جورين فا كانت لبسه تيشيرت اسود مع بنطلون ابيض و شوز رمادي و حاطه بروكه علي شعرها لونها بني زي شعر بدر و حطه دقن .
جورين : اعمل اي يعني ما بدر هو الي بيلبس كده مش احسن من الي انتي عمله ده
دا انتي حطه جل علي شعرك.
دانه : انتي بتقوليلي انا وانا مالي ما سيف هو الي بيحط علبة الجل كلها علي شعره
جات مامتهم جيهان : ما كفايه خناق.. ايه الا انتو عاملينو دا.
جورين : دا احنا كده مش هنخلص يلا يا سيف ياحبيبي .
دانه : يلا يا بدورا يا حبيبي.
دانه لمامتها : في رعاية الله ياما الحمدلله مش هشوف ابو ورده تاني.
جيهان : لا ازاي دا كان عايز يودعك ويسلم عليكي.
وفي لحظه كانت ماسكه الشبشب ورمياه عليها.
دانه بوجع : ااااه حرام بقي انا اتهزقت في البيت دا كتير .
جورين وهيا بتخد الشنط بتشدها من قفها : يلا قدامي انتي لسه هتبرطمي سلام يا ماما.
دانه بصوت عالي : ادعيلي ياما دا انا دخله علي حرب.
وخرجو من الشقه
********
البارت الثانى
وهما نزلين قابلو جارهم جلال الا بص للشقه الا خارجين منها وبعدين بصلهم و وقفهم وقال
جلال : ثانيه واحده يا باشمهندسين.
وقفت جورين و دانه
دانه بصوت واطي : اتكشفنه يا اختشي .
جورين بصوت واطي : انتي تخرسي خالص.
لفتله جورين وقالت وهيه بتخن صوتها : افندم.
جلال : هيا مش دي شقه استاذ شريف .... ثانيه واحده انا بشبه عليك.
دانه : ايوا هيا جور..
قبل ما تكمل كلامها كانت جورين ضرباها على قفاها
دانه : ااه عملت ايه انا.
وجلال بيبصلهم باستغراب وتدقيق وبعدين قال
: انا شوفت السحنه دي فين قبل كده
جورين بصوت تخين : هختصر عليك الوقت عشان احنا مستعجلين انا بدر ودا سيف وسلام بقي عشان احنا مستعجلين .
قالت كدا وشدت دانه من ايديها ونزلت
دانه بصوت عالي وهيا مسحوبه لفت ليها وقالت : سلام يا جلال هتوحشنا نكتك البيخه والله .
جلال بصلهم وقال باستغراب : الله هيا عرف اسمي منين
.... اي دا انا بخرف ولا اي .... مين دي ولا دا ..... ولا اي الي بيحصل انا مش فاهمه حاجه يالهوي .... يا مصيبتى انا اتعديت ولا ايه ..... اللهم احفظنه. ....
قال كدا ودخل شقته جري وهو بيقول ..... اه ما اهو العمر مش بعزقه .
*********
خرجت جورين ودانه من العماره و حطو الشنط وركبو العربيه و ساقت جورين وانطلقو الي مصيرهم المجهول
وبعد ساعه
وصلو ل معسكر الجيش
وقفت جورين العربيه ونزلت منها هيه و دانه
جورين خرجت الشنط وبصتلها وقالت
جورين : انا مش عايزه عبط احنا دخلين والله اعلم هنخرج تاني ولا لا ..... فا اتهدي كده عشان ما نتكشفش.
دانه : هو انا بعمل حاجه.
جورين بصتلها برفعة حاجب
دانه : خلاص ما تبصليش كده مش هعمل حاجه.
جورين : شاطره وتخني صوتك لحسن نتفضح وحاولي تقلدي سيف في كل حاجه وانا هقلد بدر وامر لله ... انا مش عارفه هعمل كده ازاي بس يلا توكلنا علي الله...
.
قالت كدا ومسكة شنطتها ودخلت المعسكر و وراها دانه وهيا بتجر شنطتها هيه كمان
اول ما داخلو لقو مجموعة شباب واقفين صف و قدامهم واقف
شاب لابس لبس الجيش
الشاب قال من غير ما يلف ليهم : اتأخرتو ليه.
قال كده ولف ليهم وبصلهم وهو مستني الاجابه
بس جورين و دانه كانو ساكتين ومش عارفين يقولو ايه
الشاب بحده : انتباه يا جندي منك ليه .
جورين و دانه بصوت حاولو يخلو تخين : تمام يا فندم .
الشاب بحده : اتأخرتو ليه .
جورين بتوتر : اصل اصل العربيه عطلت واحنا في الطريق.
الشاب بنظره ثاقبه : اممم عطلت طب اتفضل منك ليه اقفو فى الصف .
جورين و دانه : حاضر .
جه شاب تاني و وقف جنب الشاب الاول
واتكلم الشاب الاول بصوت حاد وقال : اعرفكم بنفسي انا الرائد براء العمري .
الشاب الثاني : وانا الرائد سليم الانصاري .
برء : يلا كل واحد يعرفنا بأسمه.
بدا الكل يقولو اسمأهم
لحد ما وصل برء ل جورين الا وقفت ساكته
برء : اسمك ايه يا جندي.
جورين بخوف : انا.
براء بحده : لا خيالك اسمك ايه.
جورين بصوت تخين : بدر اسمي بدر الشريف .
سليم ل دانه : وانت يا جندي اسمك ايه.
دانه : انا اسمي دان... اااه.
مكملتش كلمتها وكانت ضربااها جورين بكوعها في بطنها.
برء بحده : في ايه مش بيقولك اسمك ايه.
دانه : اسمي سيف الشريف .
سليم : انتم اخوات.
دانه : اه اخوات في مانع.
سليم بحده : انتباه يا جندي واتكلم عدل.
دانه : تمام يا فندم.
جورين بهمس ل دانه : الله يخربيتك انتي بتعملي ايه.
دانه : ايه في ايه مش قولتيلي اقلد سيف ما انا بقلدو اهو .
جورين : انتي غبيه يا بت قصدي في حركاته و لبسه وكلامه مش في طولة لسانو .
دانه : اوبسس مش كنتي توضحي .
جورين : اه صح معلش دي عندي انا نسيت انك غبيه و فهمك علي قدك هبقي اخد بالي بعد كده .
برء بحده وهو بيوجه كلامو ل جورين و دانه : لما يكون القائد بتاعك بيتكلم يا جندي منك ليه
تقف بانتباه وتسمع بيقول ايه مش تتكلم مع غيرك مفهوم .
جورين و دانه : مفهوم يا فندم.
برء بجديه : خلينا نتكلم في الجد بقي معاد التدريب الساعه سته .... سته ودقيقه هيبقي في عقاب الفطار الساعه 8 .....
مدة الفطار نص ساعه .... تخلصو فطار ونرجع نكمل تدريب تاني
الساعه 5 هيبقي الغدا ..... 5 ونص الاكل هيخلص معاده.....
الساعه 8 هيبقي العشاء ....
8 ونص الوقت هينتهي و تروحو علي العنبر وتتتخمدو .
جورين في سرها : خمدتك عقربه يا بعيد .
سليم بجديه : دلوقتى روحو علي العنبر بتاعكم كل اتنين هيبقو في عنبر .
برء : يلا انصراف .
بدء الكل يروح اوضهم
جورين شدت شنطتها ومشيت و دانه وراها
البارت الثالث
دخلت جورين و دانه للأوضه بتاعتهم
دانه وهيا بتبص للأوضه بقرف :
ايه القرف دا دي أوضه.
جورين : اقعدي ساكته بقي مش لو كنتي قفلتي عليهم الاوضه كان زماني دلوقتي في الشركه .
دانه : وانا مالي حد قالهم يهربو .
جورين : لو مكنتيش سبتيهم و روحتي تلعبي ببجي كان زمانهم موجودين هنا.
دانه : يعني اخسر الجيم عشان سيف وبدر لا والله يبقي عيب عليا
جورين : طيب اسكتي خالص دلوقتي ..... بقي انا حد يتكلم معايا كدا وبسببك انتي يا مفعوصه .
دانه : وانا مالي اوختشي الله انتي هتلبسيها فيا .
جورين : طب اسكوتي بقي واتخمدي في اي حته .
دانه : طب ما تزوقيش طب .
ودخلو غيرو هدومهم ونامو
***********
في أوضة برء و سليم
كان سليم نايم في سريره اما برء كان قاعد بيفكر وبيقرء ملف بدر و سيف الي هما جورين و دانه
برء ل سليم : الولادين دول شكلهم غريب وحاسس ان مش هما الي في الصوره دي وبذات الي اسمو بدر دا شكلو غريب تحس انو... سليم انت سامعني ولا انا بكلم نفسي .
بص برء ل سليم لقاه نايم
برء بغيظ : جاتك القرف في شكلك ليك نفس تنام دا بدل ما تقعد تفكر معايا .
قال كده وبصله لقاه لسه نايم فا ابتسم وقام نام هو كمان .
**********
الساعه 6 الصبح
صوت الصفاره بيصفر بيعلن عن وقت التدريب الكل بدا يصحي
اما عند جورين ودانه
كانو نايمين في سابع نومه
دانه بصوت نايم : واطو صوت التلفزيوووون .
جورين بصوت نايم : يا ماما خلاص عرفت انك بتعملي المحشي الي طلبتو مش لازم ترزعي في الحلل .
الباب خبط
فا جورين رادت بصوت رجولي : ميييين .
العسكري عطيه : قوم يا جندي منك ليه برء باشا بيقولكم لو ما جتوش في خلال خمس دقايق هيجلكم بالمسدس .
جورين : قولو جاين اهو .
مشي العسكري ورجعت جورين كملت نوم
دقايق وسمعو صوت ضرب نار
اتنفضو الاتنين و وقعو علي الارض
جورين : ايه في ايه كابسه ولا ايه اتقفشنا احيه يابو سوسو احيه هنضرب ب الناااار .
دانه : يالهوي يا مستهوي اتقفشنا يخربيت افكارك يا وليه .
فجأه سمعو صوت خبط علي الباب قوي جدا
برء بعصبيه : انتو نهاركم اسود معايا انهارده افتحو الباب .
قامت جورين جري تفتح الباب طبعا كانو لبسين البروكه والشنب بتاع وهما نايمين
فتحت جورين الباب
ودخل بدر ومعا سليم
برء بعصبيه : كمان مش جاهزين لا لبسين لبس الجيش و نايمين هنا زي البهايم .
جورين بغيظ : بس البهايم ما بتنامش يا باشا بتتعاشر واكبر مثال اهو حضرتك يا برء باشا معاشر سليم باشا مهو البهايم ما بتعشرش غير الي شبها وبغمزه : ولا ايه يا باشا .
برء و سليم بصولها بصدمه وهما فتحين بؤهم علي الاخر
دانه : اقفلو بؤكم يا بشاوات لحسن الدبان كتر اليومين دول .
برء بعد ما فاق من صدمتو
قال بغيظ : من بدايتها عايزين تربيه وانا بقي الي هربيكم خمس دقايق والقيكم قدامي يلا يا سليم .
وخرج برء وسليم من الأوضه بتاعتهم .
جورين بغيظ : بقي انا يتقالي بهيمه انا انا بهيمه وحيات امك يا برء يا بن امو برء ما انا سيباك .
دانه بهيام : شوفتيه عسل ازاي .
جورين : مين دا الي عسل ياختي .
دانه : سليم باشا .
جورين بغمزه : هو الحلو وقع ولا ايه .
دانه : ها مش يلا بقي عشان برء باشا ميجيش يقتلنا .
جورين : اهربي اهربي بس معاكي حق بصراحه يلا بسرعه .
وجريو بسرعه يلبسو
***********
البارت الرابع
بعد وقت
كان الكل متجمع في ساحة التدريب
برء : دلوقتي هنبدأ تدريب اول حاجه هنسخن كده ب 100 ضغط.
جورين بصوت واطي : يا مفتري هنسخن ب 100 ربنا يخدك .
كمل برء وهو بيبص ل جورين بتحدي : اما بقي جندي بدر و جندي سيف هيعملو 200 ضغط كا عقاب ليهم علي التأخر وطولت اللسان .
دانه : انا مالي يا باشا طب هو طول لسانو انا مال امي .
سليم بسخرية : يعنى تسيب اخوك يتعاقب لوحدو اتعاقب معا دا العقاب جميل جدا وسهل .
دانه : انا بياعه اساسا.
سليم باستغراب : بياعه!! .
دانه بتوتر : السمع بعافيه ولا ايه يا باشا بقول بياع .
برء : يلا منك لي انتو لسه هتحكو انجزو عشان مضعفوش و يبقو 400.
دانه : لا وعلي ايه يلا يا سيف يا خويا اهي موته و السلام .
وبدأت دانه و جورين يعملو الضغط لحد ما خلصو
دانه بوجع : ااااه ياني يا عصعوصتي .
جورين : اااه ضهري مش حاسس بيه .
برء : ماتنشف منك ليه كده دا احنا لسه بنقول ياهدي .
جورين : هو احنا مخلصناش .
برء بصلها وقال : يا جمااال .
جه جمال ومعا اربع كلاب شرسين جدا وكبار
برء : التمرين التاني هتجرو لحد الجبل وتيجو تاني بسرعه .
جورين : طب دول بيعملو ايه .
ابتسم برء بشر وقال : ما دول الي هيخلوكم تجرو بسرعه ركس تركس .
اول ما قال كده الكلاب جريو بسرعه ورا الجنود وطبعا من ضمنهم جورين و دانه
صرخت جورين و قالت
جورين : اععععع ابعدو الكائن دا عني .
دانه بصريخ : الكلب هيعضني الحقيني ياماااا .
جورين : ياختاااي يعني انت ملقتش غيري تجري ورا ايه معندكش اخوات بنات .
دانه : يا زهره شبابك الي دبلت يا دودي يا خلفك الي اتقطع با دوووودي .
جورين بصريخ وصوت عالي : يالههههوووويي الحقني يا باشا الكلب هيهبرني .
سمع برء صوتها فا جري ورا الكلاب وقال : تركس .
قال كده وفجأه الكلاب وقفت جري وراحو عندو
برء طبطب عليهم ب بتسامه : شاطرين يلا روحو يلا مع جمال .
فعلا الكلاب راحت مع العسكري
بص برء علي البنات لقاهم مرمين علي الارض
برء بسخرية : قوم يا سوسو منك لي دا انتو عالا علي الرجاله .
جورين بصتلو بكره
وقامت وقفت هيا ودانه
ودانه كانت بتبص ل سليم ب هيام
وسليم بيبصلها باستغراب
برء بحده : دلوقتي معاد الفطار اتفضلو يلا عشان هيا نص ساعه .
*********
و فعلا قام الكل وراحو الكافتريا بتاعت الجيش
وكلو خد اكلو وقعد علي طرابيظه
و جورين و دانه قعدو هما كمان بعد ما خدو اكلهم
دانه وهيا بتاكل : تفتكري عرفو اننا مش بدر وسيف .
جورين : ششش واطي صوتك لحد يسمعني وما تقلاقيش هما اكيد معرفوش انا خطتي متخرش الميه .
دانه : يا خوفي لا تخر المره دي وتغرقني .
جورين : طب اطفحي بقي وانتي ساكته .
وبعد وقت
الكل خلص اكل
ورجعو ل برء وسليم تاني عشان يكملو التدريب
**********
وبعد يوم متعب شاق
رجعت البنات اوضتهم من تاني
اترمت جورين علي السرير وقالت : ااااه يا ضهري ماكنش يومك يا قرمط .
دانه وهيا بتنام علي السرير : انا مش حاسه بنفسي ولا حاسه بحاجه خالص اهي اهي اهي مكنش يومك يا دودي والله .
جورين : انا هطلع برا اشم هوا وارتاح شويه .
دانه : ماشي انا عن نفسي هغير هدومي و اناااام لحسن الواحد مش قادر يتحرك .
جورين : ماشي ياختي تصبحي علي خير .
دانه : وانتي من اهلو يا عسسسل .
وخرجت جورين تتمشي شويه بس وهيا ماشيه حست ان في حد ماشي وراها فا سرعت في مشيتها فا حست الي ماشي وراها بيسرع مشيتو هو كمان قامت طلعه تجري وهو وراها
جورين : يالهوي يعني يارب يوم ما اتخطف اتخطف في الجيش وسط الشرطه البلد جرلها ايه يا جودعان .
فجأه لقت الي بيشدها من درعها بتبص لقتو هو برء
فضلو بصين في عيون بعض بصمت
قطعت جورين الصمت بكلمها وقالت بتوهان : انت انت بتعمل ايه هنا يا برء باشا .
برء وهو بيبص لعيونها بتركيز : انتي مين .
جورين بصدمة : نعم
حضرتك قولت ايه .
برء وهو بيتك علي كل حرف : انتي مين .
جورين : حضرتك فاهم غلط اناااا....
قطع كلمها لما لقيت ايدو بتتحرك وبتشيل البروكه من علي شعرها فا اتفرد شعرها الاسود الطويل علي ضهرها
برء بهدوء شديد : لسه مصممه انك بدر .
جورين بتوتر وصدمه : انا انت انت .
برء : انا ايه .
جورين : انت عرفت ازاي .
برء بهدوء وهو بيشيل الشنب والدقن : كنت شاكك انكم بنات من طريقتكم وطريقة مشيكم حسستني انكم بنات بس انا عايز اعرف انتو مين وليه وعملتو كده .
جورين : انا انا جورين الشريف والي جوه تبقي دانه الشريف .
برء : انتم أخوات بدر وسيف .
جورين : ايوا احنا أخوات بدر وسيف الشريف .
برء وهو بيقلعها النضارة وبيقول بهدوء : ليه اتنكرتم وجيتو مكان بدر وسيف .
جورين بتوتر من قربو : هقولك بس ممكن تبعد شويه لو سمحت .
برء تجاهل كلمها وقال : سمعك .
اتنهدت جورين وحكتلو سبب وجدهم مكان اخواتهم .
جورين : هو دا الي حصل وكان لازم نعمل كده عشان ميدخلوش السجن .
برء بعد عنها وقال : بس هما كده كده هيتحسبو لو عرف وزير الداخليه بالي حصل دا هيحبسهم اكيد .
جورين بخوف : طب مفيش اي حل يخليهم ما يتحسبوش .
برء بتفكير : في حل واحد .
جورين بلهفه : ايه هو .
برء : بصي هو في حالين يا اما تكملو انتو فتره الجيش يا اما لما تاخدو اجازه الجيش يبقو هما يروحو مكنكم .
جورين : طيب انت شايف انهي افضل .
برء : انا افضل انهم هما الي يجو هنا الجيش بس اتمني انهم ما يتكشفوش .
جورين : تمام شكراً جدا لحضرتك انا مش عارفه من غيرك كنت هعمل ايه .
برء : العفو علي ايه بس انا معملتش حاجه دا واجبي .
جورين بابتسامة : طيب عن اذنك وشكرا مره تانيه .
ومشيت جورين وسابت قلبو يدق دق من قربها .
*********
البارت الخامس
بعد مرور شهرين
في بيت جورين
دخلت بيتها هيا و دانه
دانه بصوت عالي : ماما يا امي الغالية اشتقت لكي كثييييرا .
جت جيهان علي صوتها و شريف وراها وقالت
جيهان : وانا ارتحت كثيييييرا من زنك يابنت الزنانه .
دانه : جرا ايه يا وليه دا بدل ما تقوليلي حمدلله علي السلامه يا فلازت كبدي انا مليش غير شيفو حبيب قلبي اكيد وحشتك صح .
شريف : ولا اصرتي فيا حتي .
دانه : انا فين علتي يا جدعان .
جورين بابتسامة وهيا بتحضن باباها : وحشتني اوي يا بابا .
شريف ب حنان وهو بيبادلها الحضن : وانتي اكتر يا ضي عيوني عامله ايه.
جورين : الحمدلله.
دانه : يا سلام يا سي بابا ست جورين ضي عيونك وانا الضلمة ولا ايه يعني نقول ايه ناس ليها الحضن و الطبطبه وناس ليها التهزيق وقلت الأيمه .
شريف : انا بحبكم كلكم عشان كلكم ولادي .
دانه وهيا بتحضنو : ماشي سماح المره دي .
جيهان بمزح : سماح ولا سعديه هههههه .
دانه : هاهاها مش انا قولتلك قبل كده تطلق الوليه دي .
جيهان : عايزه تطلقي امك يا جزمه .
دانه : تسلامي ياما .
فجأه سمعو صوت سيف جاي عليهم
سيف : اخوااااتي حبايبي وحشتوني والله .
جريت جورين عليه ومسكتو من قفه وقالت
جورين : بقي انت يا جزمه يا عرت الرجاله تعمل فينا كده .
سيف : سماح ياسطا مش هعمل كده تاني والله .
دانه : فين بدر يا واطي يا مان .
جه صوت بدر من وراهم
بدر : انا اهو .
جريو الاتنين عليه وحضنو
جورين : وحشتني اوي اوي يا بدر.
دانه : وانا كمان والله بجد وحشتني اوي .
بدر بحنان : وانتو وحشتوني اكتر .
سيف : ايه يا جودعان انا موحشتش حد ولا ايه .
جورين : دا انا هوديك الجيش من كتر ما انت وحشتني .
*********
بعد مرور اكتر من سنتين
في اشهر اويتل في اسكندريه
كانت قاعة الافراح مصممه بكل عنايه وليه لا انهارده اهم فرح في البلد فرح الرائد برء العمري علي جورين الشريف و فرح الرائد سليم الانصاري علي دانه الشريف
في جناح جورين كانت واقفه قدام المرايا بتبص لنفسها بسعاده وفرح وليه لا حلمها خلاص اتحقق هتتجوز من حبيبها وحبها الاول والاخير بصت علي فستنها لاخر مره فستنها الابيض المترز بفصوص الماظ وشعرها الاسود الطويل الي مفرود علي ضهرها
خبط الباب ودخل بابها ومعا اختها الي كانت لبسه فستان فرحها برضو وكانت جميله وجذابه جدا
شريف بدموع : قمر يا حبايبي ربنا يهنيكم و يفرحكم يارب .
جورين : ليه الدموع بس هتخليني اعيط انا كمان والله .
شريف : لا خلاص اهو مش بعيط .
خبط الباب ودخلت جيهان
جيهان ب عياط : قمر يا حبايب قلبي ماما .
دانه : يا وليه بطلي عياط الميكاب هيبوظ .
جيهان : فشارتي يا حبيبتي دا كلو طبيعي .
شريف : انتو لسه هتتخنقو يلا الناس مستنيه تحت .
خد شريف البنات و خرج بيهم وجيهان وراهم بتزغرت
نزل شريف بيهم وكان برء وسليم واقفين قدام السلم
مسك شريف ايد بنتو جورين وحطها في ايد برء ومسك ايد بنتو دانه وحطها في ايد سليم وقال : انا اديتكم اغلي حاجه عندي تحطوهم في عيونكم وتصنوهم انا معنديش اغلي من بناتي .
برء : ما تقلقش يا عمي انا هحطها في قلبي قبل عيوني .
سليم : ما تخفش علي دانه وهيا معايا يا عمي .
فجأه اشتغلت اغنيه هاديه فا مسك برء ايد جورين ومسك سليم ايد دانه وراحو ساحت الرقص
وبدأو يرقصو سلو
عند سليم و دانه
دانه : بقولك ايه .
سليم : ايه .
دانه : انا مش ناوي تبطل تحلو كده انا هيجيلي اكتأب من كتر حلاوتك يا جدع .
ضحك سليم
فا قالت دانه : يخربيت حلاوة أمك يا جدع .
وعند برء و جورين
برء كان بيبص في عيون جورين ب تركيز
جورين ب احراج : احم انت بتبصلي كده ليه .
برء : انتي حاطه لنسس .
جورين : لا ليه .
برء : فيها سحر غريب بيخليني عايز ابصلهم علي طول.
جورين ب كسوف : شكراً .
برء : شكرا دا الي ربنا قدرك عليه طب استني ثانيه .
سبها برء وراح للدي جي اتكلم معاه واخد منو المايك
ورجع وقف في ساحة الرقص
برء : لو سمحتم ممكن الكل يركز معايا دقيقه .
انتبه الكل ل برء
برء : ايوا كده في البداية أحب اشكركم علي حضوركم للفرح بتاعي.. تاني حاجه احب اقولها أن زي انهارده قبلت اجمل انسانه شفتها عيوني و شفها قلبي الي دق ليها اول لما شاف عيونها الي سحرتني من اول مره انا انهارده وبعترف قدام الكل ب اني بحبها انا بحبك بحبك يا جورين يا أجمل بنت شفتها عيوني و شفها قلبي بحبك يا جوري بحبك يا جورين .
الكل سقف لي
برء شالها ولف بيها
وهنا اقدر اقول الكاميرا خدت احلي صوره لأحلى عروسين .