بقلم الكاتبة المبدعه والمتميزة مروة محمد
البارت الاول
في بيت صغير وسط القاهره
كان قاعد جلال وسط اولاده و باباه بيفطرو
قال احمد : مالك يا بوب مكشر ليه كده في حاجه مديقاك
جلال : اصل جتلي سفريه شغل و مش عارف اعمل ايه
احمد : تعمل ايه في ايه انت عندك مشاكل في الشغل اسعدك لو محتاج
جلال : فيكم اعمل ايه فيكم يا اخرت صبري خايف اسيبكم لوحدكم و بعدين تعال هنا تسعادني في ايه جاتك خيبه و انت كل يوم يتخصملك عشان التأخير و شغلك اللي مش مظبوط
احمد و هو بيفرك رأسه: مالك يا بوب شايط ليه كده ما تخلي الطبق مستور
جلال : ما انت اللي عميلكم سوده هتجبولي جلطه بدري
احمد : خلاص يا بابا متخافش انا هنا معاهم و البيت هيكون تحت السيطره و هاخد بالي من جدي و مروان
جلال ب سخريه : هاهاي ضحكتني دا انا مش خايف من حد قدك يا خوفي ارجع القيك قالب البيت كباريه
احمد : مش للدرجه دي يا بابا
جلال : لا للدرجه دي و اكتر
شوكت ابو جلال : ما قالك مش للدرجه دي احنا هنجيب تلات بنات قمرات صغيرا كده يسلونا في غيابك
مروان اللي عنده تسع سنين قال : صح يا بابا احنا هنجيب بنات بس و مش هنعمل حاجه تاني
جلال : يالهوتي انا خارج قبل ما تجيني سكته قلبي منكم
شوكت : ماله ده
احمد : مش عارف
شوكت : شكله اتجنن سيبكم منه و تعالو نكمل فطار
و طلع جلال ل بره و ركب عربيته
و بعد شويه في الشركه اللي شغال فيه جلال
دخلت الاء سكرتيره جلال و قالت : استاذ جلال كده كل اوراق سفرك جاهزه خلاص و حجزت ليك التذكره هتسافر النهارده العصر أن شاء الله
جلال ب ضيق : ماشي يا الاء روحي انتي
الاء ب قلق : استاذ جلال ممكن اسال حضرتك سوال
جلال : طبعا يا بنتي اتفضلي
الاء : هو في حاجه حصلت مديقه حضرتك شكلك متغير هو انت تعبان ولا حاجه
جلال : لا يا حبيبتي مش تعبان ولا حاجه بس خايف علي الولاد و بابا مش عارف هيعمل. ايه في غيابي
الاء : علي حد علمي ولاد حضرتك واحد شب كبير و التاني مش صغير اوي يعني مش مستاهله تقلق و كمان معاهم جدهم ف متخافش عليهم هيعرفو ياخد بالهم من نفسهم كويس
جلال : ما هي دي المصيبه انا خايف منهم مش عليهم خايف ارجع القيهم عاملين مصيبه مصيبه ايه دول يعملو مصائب كوارث
الاء : طب انا ممكن اسعدك
جلال : ازاي
الاء : هنجيب ليهم مربيه تاخد بالها منهم و كمان تعلمهم الادب
جلال : مين اللي هترضا تقعد مع المصيب دول
الاء : انا بس عندي شرط قصدي طلب
جلال ب فرحه : بجد بس لا انا مقدرش اسيبك ليهم دول مجانين
الاء : متخافش عليا انا هعرف اخد بالي من نفسي كويس ولا انت رجعت في كلامك عشان قولت عايزه اطلب منك طلب ها رجعت في كلامك عشان كده صح
جلال: بقي كده طب ماشي انتي حره تستاهلي اللي هيعملوه فيكي ايه طلبك بقي
الاء قالت طلبها لجلال وبعد ما خلصت قالت : و بس كده
جلال : بس كده انا موفق
الاء: طيب يلا بينا عشان تجهز نفسك للسفر دا يدوب تحضر الشنطه و تعرفني علي الولاد
جلال : يلا يا اخرت صبري
و اخدها و رجع البيت
الاء : البيت جميل اوي
جلال : كويس انها عجبك ... يا نفيسه يا نفيسه
نفيسه : نعم يا سعت الباشا
جلال : الولاد و بابا فين
نفيسه : في الجنينه يا بيه
جلال : طب روحي اعمليلي قهوه ... الاء تشربي حاجه
البارت الثانى
الاء : شاي تقيل من غير سكر
جلال ب استغرب : شاي تقيل من غير سكر
الاء: ده مشروبي المفضل
جلال : طب روحي انتي يا نفيسه اعملي اللي قولتلك عليه و الشاي ل الاء
نفيسه : حاضر
و مشيت تعمل الحاجه
و في الجنينه كان قاعد احمد و مروان و شوكت لابسين فلنات ب حمالات و بياكلو بطيخ
دخل جلال و قال ب غضب : ايه اللي انتو عاملينه ده
شوكت : بناكل بطيخ تاخد حته
جلال : ده منظر تقعدو بيه في البيت ده منظر ناس محترمه
شوكت ضربه قفه: اتادب يا ولد متنساش اني ابوك و بعدين ماله منظرنا فله شمعه منوره اهو و يعني لو مش هنقعد علي راحتنا في البيت يبقا هنقعد فين علي راحتنا
كان لسه جلال هيرد بس قاطعته الاء : كلام جدو صح يعني لو الواحد مش هيكون مرتاح في بيته هيرتاح فين
احمد : صح الصح هاتي خمسه
الاء سلمت عليه
احمد : أصحاب
الاء: طبعا
احمد : صح معرفتناش يا بوب مين القمر
شوكت ضربه ب العكاز و قال : اتادب يا ولد قمر ايه دي صنيه بسبوسه ب جوز الهند و المكسرات حته شوكولاته ب البندق واللوز كده
احمد : صح انت صح يا جدو مين البسبوسه ب المكسرات دي
جلال بص ل الاء وقال همس : لسه عند كلامك ولا غيرتيه
الاء ب نفس الهمس: انا بقيت متحمسة اكتر من الاول دا الواد ابنك مز المزميز يا حج
جلال : هتندمي دا صايع و بتاع بنات
الاء: سيبني اندم انا عايزه اندم يا عم
قطع همسهم احمد : هتعرفنا ولا ايه يا بوب
مروان : دي شكلها مرات بابا الجديده صح
احمد : يا شقي يا بوب طب مش صغيره عليك شويه بس مش مهمه المهم انك عرفت تختار صروخ ارض جو
شوكت : اتلم منك ليه والله انا معرفتش اربي دي اخرت تعبي معاك العمره ده كل
احمد : متزعلش يا جدي بس هو برضو من حقه يتجوز و يرجع ايام شبابه
شوكت : انا مالي يعيش شبابه ولا لا ما يولع ب جاز انا علي الغلبان أبوه بعد العمره ده كله لما تلاقي حته طريه زاي كده متجبش زيها ل ابوك
احمد : يا شقي يا جدو عايز تتجوز هدورلك علي عروسه قمر زاي دي
مروان : و انا و انا عايز اتجوز
احمد : لما تكبر السنه الجايه هجوزك
شوكت ب ابتسامه: معندكيش اخت مهلبيه زيك كده يا كنافه ب المانجا انتي
الاء: للاسف لا يا جدو معنديش
شوكت : جدو مين قوليلي يا شكشك ولا شوشو يا بسبوسه انتي
الاء : عيوني يا شكشك
احمد : و انا دلعيني زاي جدو قليلي يا حبيبي
مروان : و انا كمان
جلال : بسسسي ايه الهطل ده دي الاء السكرتيره بتاعتي
احمد : احلا سكرتيره دي ولا ايه كده يا خلبوس مش كنت تقول أن عندك سكرتيره قمر كده كنت خطفتها منك
شوكت : معلش يا ابني اصل انا معرفتش اربي
جلال : الاء مش مراتي ولا خطيبتي
احمد ب فرحه : احلف حبيبي قلبي يا بوب
و جري علي الاء يحضنها بس جلال وقف في النص
وقال : رايح فين يا عين امك
احمد : هحضن المهلبيه
و بص ل الاء ب وقاحه وقال : تتجوزيني يا مهلبيه
جلال : بس يا بابا دي مش زاي الصيع اللي تعرفهم و بعدين دي المربيه الجديده هتقعد هنا و هتكون هي المسؤوله عن البيت و عنكم في غيابي
احمد : نعم بقي العيله دي هتكون مسؤوله عني لا مستحيل
شوكت : اتلم يا ولا بقي حته الكنافه ب المانجا دي يتقل لها لا
جلال : طيب اروح انا أحضر شنطتي عشان طيارتي كمان شويه
الاء : احم احم مش ناسي حاجه
جلال : اه صحيح فارس هات مفتاح عربيتك
احمد : عايزه في ايه
جلال : هات بس
احمد : خد اهو
جلال : و الفيزه كمان
احمد : انا مش عارف انت عايزها في ايه بس خد اهي
جلال : خدي يا مريم حاجه تاني
الاء : لا شكرا كل فل
احمد : نعم بتديها حاجتي ليه بقي
جلال : الاء هتكون مسؤول عن البيت ومفيش اي حاجه هتتعمل من غير أزنها يعني من الاخر البيت بيتها و انتو ضيوف هنا عندها
شاط احمد من الغيظ و طلع جلال بسرعه قبل ما ينفجر فيه
وبعد دقائق كان نازل علي السلم و معاه الشنطه
وقال بسرعه : انا ماشي عايزين حاجه اجيبهالكم معايا مش عايزين تمام انا ماشي سلام صحيح الفلوس مع الاء اللي عايز حاجه ياخد منها لو رضيت تديه
و طلع ل بره في ثواني قبل ما يسمع الرد منهم
و الاء قعدت علي الكنبه و حطت رجل علي رجل وقالت : زاي ما سمعتو كلام استاذ جلال انتو دلوقت تحت امري و مفيش حاجه هتحصل غير ب اذني من هنا و رايح و دلوقت نقعد و نتكلم في شويه قواعد صغيره
احمد : قواعد ها قواعد ايه دي
الاء : اللي هنمشي عليها كلنا و اللي هيخلفها هيتعاقب زاي مثلا الاكل هيكون في موعيد محددة و اللي مش هياكل في المواعيد دي مش هياكل خالص ل معاد الاكل اللي بعده و ممنوع الاكل من بره
احمد : نعم يعني لو اتاخرت بره اموت من الجوع مثلا
الاء : اه و ده يودينا ل القاعده التانيه ممنوع التأخير بعد الساعه عشره ولا
احمد : ولا ايه يا ست مريم
الاء : اللي هيتاخر هيعمل شغل البيت كله و هينام علي السلم كمان
شوكت : فكره حلوه صح
احمد ب غيظ : ايوه طبعا ما انت مش بتطلع من البيت وانا اللي هلبس
شوكت : ما هو انت لو كنت جدع معايا و بتخدني معاك ولا جبتلي حته طريه معاك كنت لقيتني في يوم زاي كده
الاء : يلا اسيبكم مع بعض و اروح اخد لفه في البيت
و قامت مشيت
احمد ب غيظ : أصله بيت ابوكي
الاء ب ابتسامه سمجه : لا بيتي
و راحت تلفلف في البيت و راح شوكت و مروان يسمعو التلفزيون و احمد قعد جنبهم بغيظ
احمد ب همس : مفتريه بس قمر
شوكت : سمعتك يا صايع دي شكلها بنت ناس مش زاي الزباله اللي تعرفهم
احمد : هي فعلا غيرهم
و بعد شويه ندهت نفيسه علي الاء
الاء : ايوه في حاجه
نفيسه : انا حضرت الاكل يا مدام اتفضلي دوقيه
الاء : انا انسه مش مدام و ياريت تقوليلي الاء من غير القاب
نفيسه : حاضر
الاء : تعالي يلا ندوق الاكل
و دخلت معاها المطبخ
الاء : ايه اللي انتي عاملاه ده
نفيسه : ده اندومي و برجر ل مروان و مكرونه ب الويت صوص ل شوكت بيه بيتزا ل استاذ احمد
الاء : اندومي ايه و كلام فارغ ايه كنسلي علي الاكل ده اعملي عدس بسرعه
البارت الثالث
نفيسه ب صدمه : عدس محدش من البهوات بياكله ابدا ده عمره ما اتطبخ في البيت ده
الاء : من هنا و رايح هيتعمل عادي يلا بينا هاتي الحاجه خلنا نخلص بسرعه
نفيسه : حاضر
و جابت ليه الحاجه
و بعد شويه خلصت الاء الاكل و رنت جرس كبير
شوكت : ايه في ايه ايه سرينه الإسعاف دي
احمد : هو البيت ولع ايه الصوت ده
الاء : ده جرس الاكل من هنا و رايح الجرس ده هيرن مرتين مره لما الاكل يتحط علي السفره و مره لما يتشال
احمد ب غيظ : ليه هو احنا في سجن
الاء : ربع ساعه و الاكل هيتشال لو لازمك تاكل اقعد قبل ما اشيله و متاكلش
احمد قعد بغيظ
احمد : ايه ده
مروان : هو ايه ده سوب صح
شوكت : ده عدس الله بقالي سنين مكالتوش تسلم ايدك يا الاء
الاء : الله يسلمك يا شكشك يا قمر ب الهنا
احمد ب غيظ : احنا كده في سجن اكيد
الاء : فاضل عشر دقائق
احمد : ربنا علي الظالم و المفتري
و قعد ياكل و بعد شويه رن فون احد و فتح و قال : تمام ماشي
و قفل الخط
و قام و قال : انا خارج محمد هيعدي عليا نخرج شويه
الاء : معاك للساعه عشره بعد كده مش هتدخل من عتبه البيت
احمد : اوف انا حر
و طلع غير هدومه و نزل خرج
الاء : مارو ايه رايك في العدس
مروان : تحفه ابقي اعمليه تاني
شوكت : اه كان تحفه ياريت كل يوم تعملي اكله زاي كده
الاء ب ابتسامه: عيوني
و قعدت تسمع التلفزيون معاهم
وعدا اليوم و رجع احمد بس لقي الباب مقفول و لما حول يفتح ب المفتاح الباب مرضاش يفتح
رن الجرس
الاء من ورا الباب : مين
احمد : انا احمد
الاء : نعم عايز ايه
احمد : عايز ادخل افتحي الباب
الاء : عيوني حاضر بس هي الساعه كام معاك يا حموده
احمد : الساعه اتناشر و نص
الاء : طيب تصبح على خير الوقت اتاخر اوي يدوب اروح انام
احمد : ايه ايه رايحه فين افتحي الباب الاول
الاء : اه صح ده عند الست الحجه امك انا قولت الباب هتقفل كل يوم الساعه عشره و انت جايلي اتناشر و نص و عايز تدخل ده في احلامك
احمد ب غيظ : يا بت افتحي بدال ما ازعلك
الاء : زعلني كده طيب انا عايزه ازعل يلا تصبح على خير يا حموده
و دخلت ل جوه
احمد و هو بيخبط علي الباب : يا بت افتحي افتحي
بس هي مش بترد قعد جنب الباب ب ياس و قال بغيظ : ربنا علي الظالم و المفتري منك لله يا الاء الجو برد
و قعد شويه و بعدين نام من التعب و الاء طلعت اول ما نام و معاها بطانيه و مخده و غطت احمد و قالت ب صوت واطي: صايع بس قمر مز المزميز اه منك و من حلوتك يا مضروب
و اتنهدت وقالت : دخلت قلبي من اول نظره مش عارفه عملت فيا ايه
و دخلت ل جوه تاني و قفلت الباب
فتح احمد عينه ب ابتسامه و قال بحب: و انتي كمان يا مهلبيه دخلتي قلبي من غير استأذن مش عارف عملتي فيا شقلبتي كياني يا مهلبيه
و قفل عينه و حضن المخده بحب و نام تاني
و في الصبح صحي الكل علي صوت جرس الاكل
شوكت : صباح الفل يا كنافه ب المهلبيه انتي
الاء : صباح الورد يا شكشك يا قمر انت
مروان و هو بيفرك في عينه : صباح الخير يا مريم
الاء : صباح النور يا مارو اقعدو يلا عشان نفطر
في الوقت علي السلم كانت طالعه واحده من الجيران وكانت ست عجوزه و رشت ميه علي وش احمد اللي قام مفزوع
فارس : ايه في ايه
الست : مش عيب عليك ترجع في نص الليل سكران و تنام علي السلم كده
و لفت ضهرها و دخلت الشقه بتاعته
قام احمد ب فزع و رن جرس الباب
احمد : افتحي ما متخلفه
و الاء مش بترد
احمد : افتحي يا جزمه
الاء : اعتذر و انا ادخلك
احمد : ده في المشمش يا بنت المصديه
الاء : خلاص خليك عندك
احمد ب غيظ : طب خلاص افتحي و انا هعتذر
الاء : اعتذر الاول
احمد ب غيظ: انا اسف
الاء : خلاص يا نفيسه افتحي الباب
فتحت نفيسه الباب و دخل احمد بغيظ
احمد : بقي انت يا بيئي تعملي فيا كده انا هقتلك
و قرب منها عشان يضربها
بس الاء سعقته ب ساعق الكهرباء
و هو وقع علي الارض
الاء ب ابتسامه: صباح الورد يا حموده يلا قوم اغسل وشك وتعال أفطر عشان وقت الفطار قرب يخلص
و قعدت علي التربيظه
احمد : منك لله يا مفتريه والله ما هسيبك
الاء : أعلا ما في خيلك اركبه اه صح الوقت قرب يخلص مش هتفطر
احمد قعد بغيظ عشان ياكل
الاء : ايه ايه اللي بتعمله ده
احمد : هفطر
الاء : لا يا عين ماما مش هتفطر غير لما تغير هدومك المبلوله دي و تغسل وشك الاكل ليه احترمه
احمد : مش هقوم انتي مالك
الاء رفعت الساعق في وشه وقالت : تحب تجرب تاني
احمد قام بغيظ : ربنا علي الظالم و المفتري
الاء : بسرعه عشان لو خلص الوقت مش هتاكل غير علي الغدا
و راح احمد يغير و رجع بعد شويه
كانت نفيسه ب تشيل السفره
احمد : ايه ايه استني انا مكلتش
نفيسه : الست الاء قالت أشيل الاكل
فارس : طب سبيه انا هاكل
نفيسه : لا الاء قالت مفيش اكل بعد ما الوقت يخلص
احمد : انت بتكسري كلامي انا هقول ل بابا يمشيكي
نفيسه : دي اومر البيه هو اللي قال الاء مكانه و ماسمعش اي كلمه من حد غيرها
و اخدت الاطباق و دخلت
احمد ب غيظ ل مريم : عايز أفطر يا الاء هانم
الاء : للاسف الوقت خلص
شوكت : جوووول احسن
احمد : هو انتي معايا ولا معاها دا حفيدك
شوكت : انا مع المهلبيه
فارس : منكم لله اروح أفطر بره هاتي الفيزه بتاعتي
الاء : كان علي عيني مفيش
احمد : الفيزه بتاعتي معاكي من امبارح متكدبيش بابا ادهالك هاتيها يلا
الاء : توتو عيب كده هو انا قولت مش معايا انا قولت مفيش ابقا افكر ادهالك لما تخلص شغلك
احمد: شغل ايه ده انا واخد اجازه اسبوع
الاء : مش قصدي شغلك اللي بتروح تتصرمح فيه قصدي شغل البيت
احمد : نعم عايزني انا اعمل شغل البيت انتي اتجننتي
الاء : اه انا قولت من امبارح أن اللي هيتاخر يعمل شغل البيت
شوكت : جول تاني
مروان : مريم اتنين فارس صفر
احمد ب غيظ : ده في احلامك انا مش هعمل حاجه
الاء : تحب تتكهرب تاني و كمان يعني ممكن افكر اديك الفيزه لو سمعت الكلام
احمد : منك لله
الاء : نفيسه هاتي المكانس و المساحه من عندك
نفيسه : اتفضلي
الاء : شكرا يا نوفه اه صج انتي اجازه النهارده احمد هو اللي هيعمل شغل البيت كله النهارده
نفيسه : بجد شكرا
احمد : نعم
الاء : رفعت الساعق في وشه
احمد : خلاص خلاص يا ست الكل تحبي ابدا منين
الاء : اكنس الارض و بعدين اغسل المواعين
احمد ب غيظ: حاضر
و راح يعمل شغل البيت
و بعد شويه كان قاعد بيكنس و هو بيغني : والله يا زمن و جيت علينا زرعنا الشوك و ب أيدينا والله يا زمن
الاء و هي بتسقف : الله الله يا ست شاديه عظمه على عظمه يا ست
احمد : بت غوري من وشي بدال ما اضربك
الاء : انا همشي بس خد بالك من أفعالك عشان هتاخد لفه و رجعالك
و غمزت ليه و مشيت
احمد : الظالم عليه ربنا
شوكت قرب منه وقال ب همس : ممكن اعرف سبب سكوتك ليه
احمد : البت مهلبيه يا جدي
شوكت : قولتلك من الاول أن دي مش زاي اللي تعرفهم يا صايع
و بعد شويه رنت الاء جرس الغدا
البارت الرابع
الاء ب صوت عالي : الغدا جاهز تعالو بسرعه قبل ما يبرد
مروان : عامللنا ايه يا علي الغدا انا عايز مكرونه بالبشاميل
شوكت : يا ولا اتلم اي حاجه من ايد المهلبيه دي هتكون تحفه طبعا
الاء ب ابتسامه : تسلملي يا شكشك يا سكر
شوكت ب غمزه : طب ايه
الاء : ايه
شوكت : مش هتيجي
الاء ب صدمه : عيب كده يا شكشك و حرام
شوكت : خلاص نكتب ورقتين عرفي يا مهلبيه انتي
الاء: عرفي لا
شوكت : طب ماشي هعصر علي نفسي لمون و اتجوزك شرعي
الاء : طب سيبني افكر كده شويه
شوكت : عيوني
الاء ب ابتسامه: طب تعالي ناكل اقعد يا شكشك يا حبيبي ...... احمد يا احمد مش ناوي تيجي تاكل
احمد : جيت اهو انا هموت من الجوع اصلا
الاء ايه رايك فى الاكل
احمد : مش مهم انا جعان مكلتش من غدا امبارح
و قعد علي التربيزه و لسه كان هياكل بس وقفه رنت الفون
احمد : الو يا عز طيب حاضر خمس دقائق و اكون جاهزه. سلام
و قفل الخط و هو بيقول: انا ماشي عندي مشوار مهم
الاء : رايح فين مش كنت هتموت من الجوع دلوقت
احمد : هبقا اكل بعدين
الاء : مفيش اكل غير علي العشاء
احمد : طيب طيب
و طلع جري يغير هدومه
و رجع في دقائق
احمد: انا ماشي سلام
الاء : طب استنا معاك فلوس
احمد : لا
الاء : طب خد الفيزه بتاعتك متخرجش من غير فلوس
احمد : الف شكر يا مريوم يا قمر سلام
و طلع ل بره
الاء ب استفهام: هو ماله ده
شوكت : مجنون سيبك منه
الاء : هو راح فين مين صاحبه ده
شوكت : قصدك انهي فيهم
الاء : ليه هو عنده كام صاحب
شوكت: كتير محمد و عز و مصطفي و أسر و تاني كتير
الاء : مين كل دول يعرفهم ازاي
شوكت : دول صاحباته يا هبله مسمي كل واحده منهم ب اسم ولد
الاء : نعم هو يعرف بنات
شوكت : اه و فاكر أن مفيش حد يعرف ب علاقته بيهم بس علي مين مفيش حاجه تخفي علي شكشك
الاء : طب ماشي يا ابن المقشفه والله ل اربيك
شكشك حبيبي متعرفش هو ممكن يكون فين أو ارقام صاحباته دول
شوكت : طبعا انا مراقب الموبيل بتاعه اصلا هبعتلك البرنامج و الارقام
الاء باست خد شوكت و قالت ب فرحه : شكرا يا شكشك يا قمر
و اخدت مفتاح العربيه و طلعت وراه و هي بترقبه من جهاز التتبع المزروع في الفون بتاعه و اتصلت ب البنات اللي هو ماشي معاهم
و بعد شويه وقفت الاء قدام مطعم كبير و فخم و شكله مطعم غالي و مشهور
الاء ب غيظ : بقي يا ابن المقشفه جيبها هنا ماشي
و دخلت المطعم ب غيظ و بدات تلف بعيونها في المكان و بعدين سبت نظرها علي تربيزه كان قاعد عليها احمد و شري اللي كانت لابسه ولا حاجه تقريبا
الاء : يا لهوي ده منظر مصاحب رقاصه يا ابن المقشفه ماشي استعنا علي الشقي بالله
و شمرت كمها و راحت ناحيته ب غيظ
و قربت من التربيزه و قالت لاحمد ب مياصه : فروسه حبيبي انت هنا وحشتني بقي كل ده تغيب عني
احمد اتصدم من اللي بتعمله
وقالت شري بغيظ : انت مين و ايه اللي بتقوليه ده
الاء : هاي
و بصت ل احمد اللي كان لسه مصدوم و قالت : اطلبلي القهوة بتاعتي يا حبيبي
شري ب غيظ : ايه انا بكلمك انتي مين
الاء : انا مرات احمد يا عمري احمد حبيبي انا هسبقاك علي البيت
و ميلت علي ودن احمد و قالت ب همس : لسه في مفاجاه سقع ليك سلام يا حب
و طلعت ل بره و هي مبتسمه ب شر
و في الوقت ده دخلو صحبات احمد
اللي عملوا ليه فضيحه معتبره و لمو عليه الناس
و قالت شري ب صدمه : انا غلطانه اني عرفت واحد صايع زيك كل الناس حزرتني منك و انا اللي قولت لا ده مفيش زايه الحق عليا اني عرفتك اتفو
و اخدت الشنطه و طلعت ل بره ب غيظ و سابت احمد اللي لسه مصدوم
و بعد شويه في بيت صابر كانت الاء قاعده تسمع التلفزيون مع شكشك و مروان
و دخل احمد ب غيظ
احمد : بقي انتي يا حته صرصار تعملي فيا كل ده
الاء ب برئ مزيفه : هو انا عملت ايه يا حبيبي
احمد: نعم نعم يا اختي دا انتي ملاك برئ صدقتك انا
شوكت : وطي صوتك يا بغل انت و قولي براحه كده لولوعملت ايه
احمد : لا ولا حاجه يدوب راحت قالت ل شري أنها مراتي عشان توقع بينا و كمان جابت البنات اللي اعرفهم و عملو ليا فضيحه في المطعم قدام الناس
شوكت : هو انت تطول يا مقشف
احمد : شوكت خليك انت بره الموضوع ده
شوكت : انت حر بس انا شايف انك تعمل زاي ما هي قالت عقاب ليه و تتجاوزها
الاء : كده يا شكشك هونت عليك هتسيبني ليه
شوكت : متخافش هو عيل جزمه بس هيحبك
الاء: حبه برص
احمد : فكره برضو. انا هتجوزك و انتي كده ولا كده احلا منهم كلهم ب كتير
الاء : انا مستحيل اتجوزك يا بتاع البنات يا صايع انت مجنون
احمد : هتجوزك
و في الوقت ده دخل صابر اللي قال : في ايه صوتكم جايب اخر الشارع
شوكت : لا ولا حاجه متشغلش بالك
احمد ب ابتسامه : مش تقولي مبروك يا بوب انا هتجوز خلاص
صابر : ها ياتر العروسه انهي واحده من الصيع اللي تعرفهم شري ولا صافي ولا نوليا ولا ولا
احمد : لا ولا واحده منهم انا هتجوز الاء هي اعترفت ب حبها ليا من شويه و انا هعطف عليها و اتجوزها
صابر ب فرحه : بجد الف مبروك يا ابني الف مبروك يا لولو
الاء : ايه ايه مش تاخد رايي الاول انا مستحيل اتجوزك
صابر : مش مهم انا هجوزك ليه ب العافيه انا هتاصل ب المأذون يجي نكتب الكتاب دلوقت
احمد : حبيبي يا بوب
و طلع صابر ل بره يكلم المأذون
الاء ل فارس ب غيظ : انت مجنون انا مستحيل اتجوزك
احمد ب حب : صراحه كده يا الاء انا في حاجه كانت بتشدني ليكي من يوم ما شفتك اوى مره و لما قولتي في المطعم انك بتحبيني حسيت قلبي بيرفرف من الفرحه و حسيت في وقتها اني بحبك
الاء : ها
احمد ب حزن : لو مش موفقه انا هقول ل بابا خلاص
الاء : لا لا موفقه
الاء اتكسفت جدا لما اخدت بالها من اللي قالته
وقالت : انا قصدي خلاص ده شكله كان فرحان اوي متزعلهوش
احمد ب فرحه : بقي كده ماشي يا ستي
و بعد شويه دخل صابر و معاه المأذون اللي كتب الكتاب بسرعه
وقال : بارك الله لكما وبارك عليكما وجمع بينكما في خير
اتنهداحمد و قال ب همس: علي فكره سمعتك لما كنت نايم علي السلم
الاء ب كسوف: ها
احمد : بحبك
الاء : حبك برص ياد العب علي غيري
احمد: يا بت الحلال بحبك والله
الاء : ده عند امك ابعد بدال ما اكهرلك
احمد : كده طيب
و راح لفحها علي كتفه و قال ب وقاحه : سلام يا رجاله عندنا دخله بقي مش فاضيين
الاء : ابعد عني نزلني يا حيوان نزلني
احمد : بتموت فيا
و اخدها و طلع ل فوق
و اول ما دخل الاوضه نزلها و قال ب وقاحه: تعاليلي يا بطه
الاء : جاك قطر يفرمك يا بغل
احمد : مش هسيبك يا صغنن تفلتي من ايدي
الاء : لو راجل قرب
احمد: جاي يا مهلبيه انتي
فاحمد جري عليها و راح يحضنها بس هي سعقته تاني ب الساعق
الاء مالت عليه و قالت ب نصر : قولتلك قبل كده خد بالك من أفعالك عشان هتاخد لفه و رجعالك
و بعدين جابت حبل و ربطت بيه احمد و هي بتقول : سلام تصبح على خير يا بيبي
احمد ب تعب : يا بنت المقشفه فقيني هموت
الاء: يكون خير و بركه نام يلا عشان انا هموت و انام
احمد : طب خديني جنبك على السرير
الاء : نام ياد بدال ما اكهربك تاني
احمد غمض عينه وقال : خلاص خلاص نمت اهو الظالم عليه ربنا
الاء : ناس تخاف متختشيش
و حطت راسها علي المخده و نامت
و تاني يوم الصبح صحيت الاء لقيت احمد لسه نائمه دخلت اخدت دش و غيرت هدومها و طلعت ليه وقالت ب همس : و حياتك هعلمك الادب يا صايع
و ابتسمت ب شر و طلعت ل بره
قابلها صابر و قال : صباح الخير يا عروسه ها عملتي ايه
الاء : عروسه ها بقي تدبسني في ابنك الصايع ده يعني عشان مرضتش اكسفك قدام المأذون تعمل فيا كده
صابر ضربها قفا وقال : بت اتلمي ايش حال مكنتيش دائره في دبديب أمه من اول نظره
الاء ب كسوف : ها لا محصلش انا كنت بعاكس بس
صابر : بلاش لف و دوران و قوليلي ناويه تعملي ايه في الصايع ده اوعي تستسلمي ليه قبل ما يتظبط
الاء : ده كده كده اصلا هربيه من اول و جديد
صابر : طب اخلصي ناويه علي ايه
الاء : ولا حاجه سوزي هي اللي هتعمل كل حاجه
صابر ب صدمه : سوزي !
الاء : هو يستاهل اه صح ابقا فك ابنك عشان يفطر
و سابته و نزلت تجيب سوزي
و بعد شويه علي ترابيزه الاكل
قال شوكت : صباح الخير يا عريس سمعت انك اتعلم عليك امبارح و نمت علي الارض
احمد : انت مين قالك الكلام ده
شوكت : الاء حبيبتي هي اللي قالتلي
احمد ب همس : حسبي الله ونعم الوكيل فيكي يا جزمه فضحتيني
و كمل ب صوت مسموع : جدي بلاش غلاسه هي غفلتني و انا هعلمها الادب بس صبرك عليا يا شكشك الا صحيح هي العقربه مراتي فين دلوقت
صابر ب غمزه : قالت رايحه تجيب ليك هديه اعتزار عن امبارح يا عريس
احمد ب غيظ: منك لله فضحتيني يا جزمه و الله ل اربيكي
و بدأ الكل يفطر و بعد دقائق دخلت الاء و هي بتقول ب فرح : صباح الخير يا كتاكيت انا جيت نورت البيت
شوكت : نورتي يا مهلبيه
صابر : تعالي افطري يا حبيبتي
احمد : كنتي فين يا ست هانم ملكيش جوز تاخدي أذنه و انتي طالعه
الاء: ايه ياحموده يا حبيبي مكشر ليه كده دا انا جبتلك هديه معتبره
احمد ب لهفه : ايه جبتيلي ايه
الاء : سوزي تعالي يا حبيبتي
احمد : مين سوزي
الاء : هتشوف دلوقت سوزي حبيبتي تعالي انتي بتعملي ايه بره لحد دلوقت انا جياكي
و طلعت تجيب سوزي و دخلت تاني و هي بتقول: ها حموده ايه رايك في الهديه
احمد اول ما شاف الأسد طلع فوق التربيزه و هو بيصرخ : الحقوني ايه يا مجنونه ده
الاء : انت خاف ليه كده دي سوزي عادي
احمد : حد قالك أنها قطه دي اسد يا حزينه
الاء : لا يا حبيبي دي سوزي مش اسد انثى يا حبيبي انثي
احمد : يا نهار طين هي فرقت في الحالتين هياكلني
الاء : خايف يا بيضه طيب يلا قدامي علي المطبخ
احمد : ليه أن شاء الله
الاء : عشان تغسل الموعين و تشطب المطبخ و كمان تعمل الغدا يا بيضه
البارت الخامس
احمد ده عند امك الساعق اللي كنتي بتهدديني بيه معايا
الاء : سووووزي
احمد طلع جري علي المطبخ و قال ب خوف : انا دخلت اهو خلاص
الاء : متنساش تسمع شاديه يا صغنن
و دخل احمد المطبخ و الاء راحت وراه
احمد : عايزه ايه اطلعي بره
الاء : طالعه يا حمودى و بصت ل الأسد و قالت : سوزي حبيبتي خاليكي هنا مع احمد و متخلهوش يطلع بره غير لما يخلص شغل المطبخ و الغدا
هزت الأسد راسها ل الاء كأنها فاهمها
و قالاحمد ب غيظ : مريم خديها و اطلعي بره و انا هعمل كل حاجه لوحدي مش محتاج مراقبه
الاء : دي عشان تسليك يا حب سلام يلا
احمد : الظالم عليه ربنا منك لله يا مريم
هبدا منين ولا منين دا المطبخ زاي ما يكون فيه زلزال
يلا استعنا علي الشقي بالله
و ربط رأسه ب الطرحه و بدأ شغل سوزي قاعده تسليه
و بعد شويه
ندهت الاء : احمد احمد حموده حبيبي تعال هنا
احمد : جاي
بس سوزي وقفت في طريقه
الاء: هتيجي ولا
احمد : حوشي الست سوزي من طريقي و اجي مش عايزاني اطلع
الاء قالت ب صوت عالي : سوزي حبيبتي خلاص خليه يعدي
بعدت سوزي من الطريق و هو طلع ل بره
احمد : نعم عايزه ايه
الاء وقعت علي روحها من الضحك : ايه اللي انت عامله في روحك ده
احمد : ايه رايك في شياكتي الطرحه من عند نفيسه و العبايه برضو ليقين عليا صح
الاء: طبعا دا انت قمر بس ليه عمل في نفسك كده
احمد : يعني ابوظ هدومي دول ماركات ماركات فاهمه يعني ايه
الاءو هي بتصوره : لا بس قمر
احمد : ايه بتعملي ايه
الاء: دي صوره ل الذكره يا جميل
احمد : إن كان كده ماشي
و فضل يلف و هي بتصوره
احمد : حاجه تاني يا ستي
الاء: اه حضر السفره يا فروسه
احمد : عيني يا ستي
و أرح يتمخطر و يحضر السفره
و بعد شويه اتجمع الكل عشان يتغدو
و قال شوكت : الا مين الست دي
احمد : دا انا احمد ايه رايك بقي يا ابلتي
شوكت : قرف لو الستات كلهم زايك يبقي انا اعتزلت خلاص
احمد : ايه كسرت النفس دي يا جدي
الاء : لا شكشك يعني حموده قمر ولا اجدعها ست بيت
احمد ضربها قفا: بت اتلمي
بس سوزي جريت عليه كانت هتضربه
احمد اتخبا ورا الاء : الحقيني يا حزينه دي هتاكلني
الاء: لا خليك تتعلم الادب
احمد : يا مصيبتي السوده يا انا يا اما يا حزن الحزن و حياتي عندك خليها تبعد
الاء : سماح المره دي خلاص يا سوزي تعالي يا حبيبتي اتغدي شكلك جعانه القمر بتاعي جعان
و قعدت تلعبها شويه
و بعد الغدا قام احمد و قال :انا هطلع انام شويه
و طلع ل فوق
و كل واحد راح يشوف هيعمل ايه
اما الاء كانت قاعده تتصل ب أصحاب و معارف احمد
صابر : ناويه علي ايه يا الاء
الاء : كل خير ان شاء الله
و في الليل كان البيت مليان ناس أصحاب احمد و قريبه و معارفه
و في الوقت ده طلع مروان ل فارس : فارس مريم عايزاك تحت
احمد ب نوم : قولها تحل عن دماغي عايز انام
مروان : طيب انت حر هي قالت لو مرضاش ينزل سيبه و انا هبعت ليه سوزي تصحيه
احمد : لا وعلي ايه انا جاي
و قام نزل معاه ب العبايه اللي كان لابسها و الاشرب
و اتفاجا ب الناس الموجودين
الاء : اعرفكم يا جماعه ده مش حد غريب ده فارس
احمد ب همس ل الاء : اقسم بالله ما هسيبك
الاء : أعلا ما في خيلك اركبه
حد من الضيوف قال : انت اتجننت يا احمد ايه اللي لابسه ده
احمد : ها ده لبس الحفله أصلها حفله تنكريه هو انتو محدش قلكم ولا ايه
الضيف : لا مكنش نعرف بس شكلك تحفه ست بيت علي حق
احمد ب ابتسامه: اه شكرا
و في الوقت ده الاء وصلت الفون ب الشاشه و قالت : عندي ليكم مفاجاه تاني بصوه كده
و الشاشه اشتغلت ب صور و فيديوهات ل احمد و هو بينضف و بيغني
و بدأ الكل يتهامس عليه
احمد : ههههه ايه المقلب ده يا الاء ده فوتوشوب يا جماعه و بص ل الاء ب غيظ :والله ما هسيبك و طلع جري ورا الاء
الاء : سوزي الحقيني
احمد : والله ماحد هيحوشك مني و مسكها من قفها و قال ب غيظ : انتي بتعملي فيا كل ده ليه دا انا بحبك حرام عليكي
الاء: عشان تتعلم الادب و تعرف أن بنات الناس مش لعبه ادي كل البنات اللي انت ماشي معاهم موجودين هنا و شفو منظرك كده
احمد : مش مهم بنسبه ليا انت اهم حاجه انا بحبك بجد و مش حته القطه اللي عماله تلعبي بيه من الصبح هي اللي هتخوفني انا عارف أنه اسد مدرب و مش هتسبيه يازيني ابدا عشان بتحبيني زاي ما بحبك
البارت السادس
الاء لا مش بحبك ابعد عني
احمد : انا سمعت كل اللي قولتيه و أنا نائم علي السلم و عارف اتفاقك مع بابا
الاء: ها بس انت مش بتحبني ابعد
احمد : كده طب انا هسبت حبي لكي
و سابها و طلع ل فوق غير هدومه و نزل ل تحت تاني و مسك المايك و قال : ازيكم يا جماعه انا احمد كلكم عارفيني بس متعرفوش اني صايع و بتاع بنات نص البنات اللي موجدين هنا انا كنت ماشي معاهم و كمان الصور دي مش فوتوشوب دي حقيقه انا عملت كده عشان اكسب قلب البنت اللي هناك دي انا بحبها اوي و هي كمان بتحبني بس فاكره اني بلعب بيه بس دي مش حقيقه انا حبيتها من اول نظره
و قرب من الاء و قال ب حب : انا بحبك بحبك اوي فوق ما تتصوري
الاء كانت لسه هتتكلم بس هو قطعها وقال : والله بحبك صدقيني بقي
شوكت : كفايه يا مهلبيه هو بيحبك بجد
احمد : بحبك والله
صابر هز رأسه ل الاء ب معني أن هو بيحبها
الاء : طب هتعرف بنات تاني
احمد : اقسم بالله ما في غيرك في قلبي و من اللحظه دي علاقتي اتقطعت ب الصنف كله
الاء : هتسهر بره تاني
احمد : لا أخري تسعه من النهارده
صابر : كفايه كده يا الاء شكله بيحبك بجد
احمد : اه والله بحبك
الاء : طيب
احمد : طيب ايه
الاء: و انا كمان بحبك
احمد : ايه بتحبيني
و شالها و لف بيها
احمد : بحبك بحبك اوي يا نور عيني