بقلم الكاتبة المبدعه المتميزة نسمة صطفى
البارت الاول
يا حضرت الظابوطه اه اه قصدي الظابط انا معملتش حاجه هو الي بدأ والله
-هو الي بدأ ايه ده الراجل مافيهوش حته سليمه ده انا شخصيا الراجل صعب عليا والله
قطع الحديث ده دخول بنت
البنت: حرام عليكي يا ملك دي تالت مره اجيبك من القسم
مريم: اعمل ايه يعني يا نور هما الي بيجروا شكلي
الظابط: بيجروا شكلك ايه ده لو بيجروكي انت شخصيا مكنتيش عملتي كده
و شاور على الراجل الي قاعد على الكرسي و مافيهوش حته سليمه حرفيا
الراجل بتعب: لا يا باشا انا عايز حقي و حق التاكسي الي اتكسر كله ده
ملك: تاكسي ايه يا جدع ده انا خليته شكله احلى على فكره
الراجل: شايف يا باشا بتقول ايه طب و وشي الي راح ده اعمل في ايه
الظابط: وشك بس الي راح ده انت كلك على بعضك
نور: خلاص حضرتك شوف انت عايز ايه و انا هعمله لحضرتك
الراجل: انا عايز حقي ماليش دعوه
ملك و هي بتقرب من الراجل بعصبيه
: كت كسر حقك ياخويا حق ايه ده
الراجل بخوف: حوشها عني يا باشا انا مش حاسس بوشي حوشها عني
الظابط: ياعيني صعبت عليا بجد منك لله يا شيخه الراجل جاله صرع
نور: حقك علينا يا استاذ انا هتفع لحضرتك فلوس الدكتور و التاكسي حلو كده
ملك: هو ايه الي تتدفعي
نور بمقاطعه: اخرسي يا ملك الكلب دلوقتي ها يا استاذ مرضي كده
الراجل: خلاص ماشي موافق
الظابط: يعني خلاص الخناقه اتفضت يلا بقى امشوا الله يقرفكم ابو اليوم الي قررت اتخل فيه شرطه بس
ملك: في ايه يا حضرت الظابوطه...
الظابط: ايهم اسمي ايهم إذا كان هيفرق مع سعادتك و بعدين ايه ظابوطه دي
ملك: بدعلك يا اخي الله انا غلطانه
بص ايهم بصدمه من المصيبه الي واقفه قدامه دي
نور: اسفين لحضرتك و اتفضل الفلوس اهس و خلي الباقي معاك يلا السلام عليكم
و خدت نور في اديها و طلعت
بره القسم
نور: منك لله يا شيخه دي تالت مره اجيبك من القسم يا مفتريه يا قادره
ملك: قولتلكم 100 بره انا واحده مؤدبه و هاديه بس ما الي بيخرجوني عن اعصابي اعملهم ايه؟؟
نور بصدمه: هاديهه اومال لو مكنتيش هاديه كنت عملتي ايه؟؟
ملك: شيبسي و كاراتيه يوخ يوخ يوخ
نور بنفاذ صبر: امشي قدامي قدامييي
مشيوا الاتنين بالفعل
في اليوم التالي
-انت معلمه في الشياكه و الاناقه اههه عفريييت
-عفرييت ايه انا ملك يلا
-ملك مين انت عفريت بس ايه ده ده صوت ملك انت كلت ملك ؟؟
-انا ملك اختك يا زياددد ده ماسكك
زياد اخو ملك: ماسك ايه ده انت عامله زي كوتش العربيه
ملك بصدمه مصطنعه: نعمم كواتش عربيه ايه ده ماسك جامد موت بيشيل الهلات و بيفتح البشره و بعدين انت عارف الماسك الي انت بتتريق عليه ده بكام؟؟؟
زياد: بكام يا ام العوريف
ملك: يابني الماسك ده مستورد الماسك ده ب 2000جنيه
زياد بصدمه: 2000 عفريت لما ينطتوقي ده لو بيشيل الذنوب مش هيكون ب 2000 جنيه
ملك: روح روح و انت مش عارف حاجه كده ده ارخص حاجه يبني تيجي اعملك ماسك
زياد و هو بيجري: لااا ابوس ايدك إلا ده مش كفايه شعري الي بتجربي عليه الكريمات ده
ملك: براحتك على راي الواد الي في الفيلم انا نصحتك و انت براحتك صحيح قول لمك لما تصحى اني نزلت عشان عندي محاضرات مهمه انهارده دكتور سلطع هيشيلني الماده ابن اللذينه
دخلت ملك و شالت الماسك صلت ركعتين و لبست فستان طول و حجابها و نزلت
في الشارع كانت واقفه ملك و بتتخانق مع سواق التاكسي
ملك بصوت عالي لم الشارع كله: جرا ايه يا جدع هو ايه الي 200جنيه ليه يعني كنت غدتني و انا مش واخده بالي
السواق: جرا ايه يا أنسه هو 200 عاجبك تمام مش عاجبك مكنتيش تركبي
ملك هي 100جنيه و مافيش غيرها
-هو في ايه هنا
ملك بصدمه: حضرت الظابوطه ايهم طب كويس خدلي حقي بقى
ايهم: انت تانيي هو مافيش غيرك ولا ايه
السواق: يا باشا حق التوصيله 200 جنيه و هي عايزه تدفع 100 جنيه بس طب ازاي يا باشا ده انا بيطلع عيني في الشغل
ملك: خلاص ياعم الظابوطه ايهم اهو هيدفع ال 100 الباقيه مرضي كده
بصلها ايهم بصدمه
ايهم: ايوه حضرتك هدفع ال100 جنيه و عليهم كيسين شيبسي هديه اي خدمه تانيه يا فندم ايهه ايه يا حجه هو انا كنت خلفتك و نسيتك
ملك: ايه ياعم هو مش انت الراجل ولا ايه يعني انت الي تدفع
السواق: هي خطيبتك يا باشا؟؟
ايهم بنفاظ صبر و هو بيطلع فلوس من جيبه: اتفضل الباقي اهو و يلا كل واحد على شغله يلا
مشيوا الكل و السواق كمان
ملك و هي بتطلع فلوس: انا اسفه بس هو راجل مفتري الصراحه و مكنتش عايزه ادفع عشان افتراه بس شكرا انك دفعت اتفضل الفلوس اهي
ايهم: خلي فلوسك يا أنسه حصل خير
ملك: يلا احسن اهو توفير بردوا
ايهم: طب تصدقي بقى هاتي الفلوس
ملك بضحك: ما يحصل
مشي ايهم و هو مرسوم على وشه ابتسامه من المجنونه الي شافها مرتين بس و بدأت تاخد عقله استغفر ربنا
اما عند ملك في الجامعه
نور: يابنتي حرام عليكي المحاضره بدأت
ملك: ياختييه ده دكتور سلطع الي جوه ده بيقفلي على الوحده
نور: طب يلا يختي نحاول نتخل و خلاص يلااا
ملك: حاضر ياستي متزقيش انت بس
مشيوا الاتنين دخلوا جوه قاعه المحاضره
الدكتور: اهلا يا انسه انت و هي
ملك: اهلا يا دكتور عامل ايه و عيالك عاملين ايه
الدكتور: احنا هنهزر و بعدين انا مش منبه 100 مره على التأخير و انتم متأخرين 6 دقايق بحالهم
ملك: هقولك يا دكتور انا انهارده كنت حاطه ماسك انما ايه حلو أوي اوي يا دكتور والله المهم ان اخويا دخل عليا و اتخظ من شكلي كده هو قام ايه مصوت و لامم الناس كلها علينه المهم ان انا قولتله انه ماسك و....
الدكتور بمقاطعه: بسس ايه الهري الي مالوش اي لزمه ده اتفضلي يا انسه انت و هي ادخلوا بس اخر مره تتأخروا فاهمين؟
ملك: فاهمين فاهمين يلا ساموا عليكو
و قعدوا في مكنهم
نور بهمس: يخربييتك عملتي كده ازاي ده الجدع ده مش بيدخل حد بعده خالص
ملك بفخر: حدد هو انا حد؟؟ ده انا ملك عبدالله الي الكل بيشهد بيها ايوه اومال ايه
نور: طب بس يا ملك يا عبدالله يلي الكل بيشهد بيكي عشان الدكتور لو شافنه و احنا بنتكلم هينفخنا
سكتوا الاتنين و بدوا يركزوا في المحاضره
بعد انتهاء المحضاره
في الكافتيريا
ملك: بقولك صحيح مش هتصدقي النهارده الصبح شفت الظابط تاني
نور: عادي يعني هتلاقيها صدفه بس شفتيه فين؟؟
ملك: كنت بتخانق الصبح و الي الي خلص الخناقه
نور بخيبه امل: انا خلاص فقدت الامل فيكي خلاص هو انت مش فالحه غير في الخناق
ملك بهدوء يشل: يابنتي هو في احلى من الخناق و الضرب و الزعيق انا بستريح لما بزعق بحس براحه نفسيه كده و بحس ان فرحانه كده
البارت الثانى
نور بصدمه على كلام المجنونه دي: والله انت ملبوسه قوليلي بس مين العفريت ارن الناس الطيبين ده الي لبسك و انا هظبطه قوليلي بس مين؟؟
ملك بشهقه و هي بتحط إديها في وسطها:اهه ملبوسه مين يا ام ملبوسه فكراني ايه ده انا العقل و الرزينه كلها قال ملبوسه قال
نور بفقدان امل: ملك امشي قدامي امشي قبل ما يجيلي الضغط
ملك بهدوء: اهدي يا بيضه لحسن يجيلك suger ولا حاجه و تتحسبي علينا بني ادمه و انت شبر و نص كده
نور: مين دي الي شبر و نص ده انت زيك زي كنز البيبسي بتت بصيلي هو انت مركزه معايا؟؟
ملك بهيام: اهدي يا وليه انت بس بصي على الواد ابو شعر كيرلي ده يالهويي على جملاك اموت انا و اعيد السنه
نور بقرف لملك: ايه المعاكسه بتاعت سنه1999 دي طب عاكسي حىو على الاقل و بعدين استغفري ربنا احنا لازم ناخد عهد على نفسنا اننا مش هنعاكش ولا نبص لاي حد غير لما نخلص الجامعه
ملك: انت عندك حق نخلص الاول بعد كده نبص ااا بتت الحقي صاحبهه بصي عضلاته يالهوييي
نور بحسره: اهم حاجه الثبات على المبدأ
ملك بتأكيد: اومال يا بت هو في حاجه اهم من كده
نور: قدامي يا ملك الكلب عندنا محضاره غوري قدامي
مشيوا الاتنين و بعد وقت كانت المحاضره خلصت و ميشوا من الجامعه
في بيت ملك
كانت قاعده في ملك في البلكونه بتتكلم في التيليفون
ملك: اقسم بالله ده واد وشه زي امبوبة الغاز بس الصراحه يعني عنييه تودي في داهيه
نور: يابنتي اتهدي حرام عليك انا لو مت مجلوطه هيكون بسببك والله
ملك: ياستي امشي ده انا اكسجين الحياه من غيري متقدروش تعيشيوا من غيري
نور: قصدك ثاني اكسيد الكربون
ملك: اخس اخس عليكي دي اخرت تربيتي فيكي صباع رجلي الصغير مش مسامحك ليوم الدين
نور: يستي اولعي انت و صباع رجلك الصغير المهم دلوقتي الواد ايمن الحلووف قال ايه عايز يخطب
ملك: ايمن مين؟؟
نور: احلفيي ايمن ابن خالتي يابنتي
ملك: ايوه ماله يعني ما يخطب براحته احنا مالنا
نور بعصبيه:احنا ملنااااا الذااااي يا هاانم الوااااد هيضييييع منييييي
ملك: يا بت سيبك منو ايه رايك اشقتلك المز الي ماشي تحت دا بص مز مز من الاخر
نور:يخراااااابي ملك ابوس صبعك الصغنون ركزي معايه دلوقتي انا اعمل ايه مع ايممن عشان اخليه يبصلي و يحس بقى على دمه
ملك :هاتي ورقه وقلم واكتبي ورايه
نور منغير استعاب:ماشي استني هروح اجيب وكتب
ملك :ماشي يلا
نور: انا جبت اهو يلا قولي اعمل ايه
ملك:اول حاجه هجيب كوسه خضرا وتكون حجم وسط و تجيبي ورق عنب و كرنب انا عارفه انك بتحبي الكرنب معرفش ازاي بس اشطا مش مهم
نور من دون استعاب:ماشي كملي
ملك:جيبي كوبيتين رز و اعمل الصلصه بتاعت المحشي
نور بصويت:اخرااااااااااابي محشي ايه يااااا ملك الكلب يا معرفت الندامه يا انسانه براس بخاخههه
ملك :يوه طيب ماشي انا غلطانه اني بديكي حاجه تنفعك لي الزمن يختي
نور بصويت:كاااانت نفعتك انت الاول يا دبانه ده انتِ بتتخلي المطبخ بتولعي فيه يا ساقته طبييييخ
ملك:بس يا بت اخرسي دا بس بيولع من حلاوتي بس اه والله
نور:طبل يبو فؤاد طبلي يمو عماااااد ايوا يختي سمعااااكي كملي يا وكستي فيكي وفيه ليه يارب ليه رزقتني بي صحبه متخلفه وي رزقتني بي حب واحد مبيحسش على دمو انا مش معترضه يارب بس والله انا هموت بسببهم
ملك: عامتًا انت مأفوره اوييي دراما كوين من الاخر يعني
نور: انا هيجيلي الضغط خلاص اهه يا زهرة شبابك الي هتروح هضر بسببهم اههه ياقلبي ايه الدنيا القاسيه دي
ملك بضحك: قاسي قاسي قاسي و جرح احساسي رح اسيبه يقاسي و هبكي عنيه
نور بغيظ: بتت هو انا متصله بيكي عشان تفرسيني غوريي
و قفلت في وشها
ملك لنفسها: بقى بتقفلي في وشي يا كلبت البحر يا نور ماشي والله لقفل في وشك المره الجايه الاول و الايام ما بينا يا نور الكلب
زياد اخوها و هو بيدخل البلكونه و في ايده خياره: ياعيني انت اتجننتي يابنتي بقيتي تكلمي نفسك
و كمل كلامه و هو بيضرب كف على كف: لا حول ولاقوة إلا بالله الشباب اتجننت خلاص احنا في زمن العجايب
ملك بصوت عالي لزياد: طب هات خياره طيبب
زياد من جوه: لما تتشلي تبقي تطلبي مني
ملك: شلل لما يشيلك يارب تصحي تلاقي رجليك مكان اديك يارب تصحي تلاقي مكان راسك بخاخه يارب تصحي تلاقي نفسك ورك فرخه
زياد: يا بخييله طب قولي فرخه كامله طيب
ملك: اتكام عدل يلا ده انا اختك الكبيره ولا خلاص مبقاش في احترام و تقدير للكبير استغفر الله العظيم واتوب اليه جيل بايظظ
زياد بضحك: اسملى هليك يا بركووته
ملك بضحك: غور يلا اخ عره بصحيح
و كملت كلامها لنفسها
ااهه الواد كبر خلاص و مبقاش حمل الهطل ده اه ياني يمي اه ياني يا ظهري يا الي بتقسى عليا يا قلبي يلي بتندب فيا يا بطني يلي بتدعي عليا يا وركي يلي بتجري عليا اه ياني اه
جميله مامت ملك و هي بتصقف لها و هي داخله البلكونه: الله الله عليكي يا فنانه
ملك بفخر: تسلميلي والله مش بحب اتكلم عن نفسي كتير بس
جميله و هي بتشد ملك من قفاها لجوه: يلا يا بنت الهبله تعالي عشان تروقي الشقه معايا
ملك: اييه يا امي هو مافيش غيري في البيت ده
جميله و هي بتحط اديها في وسطها: هموت و اعرف مين المتخلف الي قال ان البنات راحه ده انا عندي واحده جيبالي الضغط زيها زي رجل الكنبه مش فالحه غير في المشاكل و القاعده على الموبايل
ملك: لااا مسمحشش إلا كرامتي انل مش فالحه غير في المشاكل و القاعده على الموبايل و الاكل كمان حرام كده متظلميش الاكل
جميله: يارب ارحمني برحمتك الواسعه يارب قبل ما البت دي تخلص عليا بسكته قلبيه
ملك: سكته قلبيه ايه يا حجه ده انت قلبك قلب بطيخه ولا بيتهز
جميله و هي بتخمس في عين ملك: الله اكبر اللهم احفظنا يارب استغفر الله العظيم واتوب اليه
ملك: انت ظلماني ياحجه على فكره انل مش بنق عليكي انا باؤر بس و بعدين فيها ايه يعني ما انا قلبي قلب رمانيه مسكره زيي
جميله: قصدك بايظه رمانه بايظه
ملك بتمثيل: لا لا انت بتقسي عليا اوي كده كتير انا عملتلك ايه هو كمني بنت مرات جوزك يبقى خلاص ترمي فيا و تشتري
زياد من وراها و هو بيسقف: الله الله اكبر تحفه يا فنانه الأداء اتحسن جدا يا فنانه عاشش كملي و ليكب مستقبل بااهر
ملك: باهر ولا امجد يوخ يوخ يوخ
زياد: ابو ظرفك يا شيخه
ملك: تسلملي يا حبيب اختك يلا سمو عليكم يا جدعان انا محتاجه انزل عدونيي
مشيت ملك و سابتهم
بعد خمس دقايق
كلهم اتلموا على صراخ ملك في غرفتها دخلوا كلهم
عبدالله والد ملك: ايه يابنتي في ايه بتعيطي ليه و بصوتي ايه الي حصل
ملك بعياط و هي مساكه اديها: باباااا ظافرييي اتكسرر اهه
وقفوا الكل في محاوله منهم لـ الإستياعب الموقف
جميله: يعني انت بتصوتي كل ده عشان ظافرك
ملك بحزن: اومال ايه يعني يا امي هو انا ليا اعز من ظوافري اهههه
صوتت ملك بسبب ابو ورده الي كان نازل يسلم على وشها
جميله و هي بتضربها: بقى بتعملي كل ده يابنت الهبله عشان ظافرك راح اومال لو كان صباعك كله كنت عملتي ايه
ملك: اييه يا ماما انتم عديمين الظوافيريه على فكره انا همشي و يارب ضوافركم كلها تتكسر في ساعه واحده يارب
مشيت ملك في، دهشه الكل من المجنونه دي
نزلت ملك و كانت بتجري و خبطت في حد بقوه
-اسف يا أنسه
ملك بصدمه و هي بتبص علي إديها: ظافري التانيييي
-ظافر ظافر ايه يا انسه هو حضرتك كويسه؟؟
ملك بعصبيه: ده انت ليلتك عنببب معايا هو انت ايه مش بتشو.... ايه ده تاااني انت تاني
-لا حول ولاقوة إلا بالله العلي العظيم: يابنتي حلي انا بقى ابوس ايدك
ملك: حضرتك الظابوطه ايهمم
ايهم: يالهوييي لاا
ملك: في ايه ياجدع بس المهم انت جاي، هنا ليه لسمح الله
ايهم: انا ساكن جديد بس ابوس ايدك ما تقولي انك في العماره
ملك بضحكه بلهاء: ههه الشقه الي قصادك على طول يا سيدي الظباط
ايهم: لا حول ولاقوة إلا بالله العلي العظيم لا لا مش هستحمل
ملك: من جمالي صح اصل انت ربنا اداك نعمه انك هتسوفني في الطلعه و النازله
طلع ايهم على السلم و هو بيقول: لا حول ولاقوة إلا بالله العلي العظيم و يسقف ايد على ايد
ملك بإستغراب لنفسها: الله هو في ايه هو انا كل ما اكلم حد يقولي لا حول ولاقوة إلا بالله العلي العظيم هو انتم جااين تتوبوا عندي يعني استغفر الله العظيم
مشيت ملك بعد وقت كان الوقت اتأخر و رجعت ميرا و كان معاها كيسه سوده بدأت تتسحب بهدوء عشان محدش ياخد باله منها
ملك بصوت واطي و هي بتتسحب زي الفار: استر يا الي بتستر انا عليا صغيره بارب مش عايزه اموت بدري من الوليه الي بتقول انها امي دي
و قطع كلامها صتت من وراها و ما كان إلا زياد
زياد بهمس: ها جبتي البضاعه
ملك بخضه: حرام عليك حد يتخل كده افتكرتك امي المهم اه جبت البضاعه
زياد: طب كويس يلا على البلكونه عشان امك لو عرفت الي بيحصل هنتظبط
ملك: اشطا يلا
بدوأ الاتنين يتسحبوا للبلوكنه دخلوا الاتنين و قعدوا
ملك و هي بتبص حواليها تتأكدت ان مافيش اي، حد: مافيش حد الحمدلله يلا بسم الله
فتحت الكيسه و طلعت كيسين اندومي
ملك ببتسامه: اهه يا سر ساعدتي انت
زياد: اييوه بقىى هاتي يا على الحلاوه جيباه كمان باللحمه
ملك: ايوه يبني اومال ايه يلا سمي الله و خد
بالفعل خدوا الاتنين و بداو يعملوه و بالفعل اكلوا و خلصوا
-في صباح يوم جديد
كانت قاعده جميله و جنبها زياد هيموت من القلق دخلت عليهم ملك و هي لابسه إستعدادا للخروج
ملك: صباح الخير يا اهل الدار كيف حالكم انا هنزل دلوقتي
جميله بخبث: بخير يا حبيبتي اه
ملك: طب الحمدلله و ماله الاخ ده قاعد زي الي جييلها عريس كده ليه
جميله بخبث: سيبك منه دلوقتي سمعتي عن الحرامي الي يسرق و يصيب ورا دليل ده يبقى غبي اوي
زياد: اقسم بالله العظيم حمار و غبي و مش بيفهم و معندوش ذرة فهم بربع جنيه مخروم
جميله لزياد: اخرس انت يا حيوان دلوقتي و كملت كلامها لملك ها يا ملوكه رايك ايه
ملك بتوتر: احم اه غبي طب طب انا همشس عشان اتأخرت
زياد: رايحه فين والله ما هاخد العلقه لوحدي
جميله و هي بتمسك الشبشب: بقى بتاكلوا اندومي و تسيبوا الاطباق على الترابيزه يا ولاد الهبل اهو انا مش فارسني حاجه غير غبائكم
ملك و هي بتجري على بره: طب خد انت شفت التهزيق و الضرب يا زياد و انا هستلم بليل سمو عليكم و نزلت تجري
زياد: ااه يا غداره يابت ال....
جميله: يابنت ال ايه يا حيلتها
زياد: يابنت الناس الطيببن الطيبين اه والله
بعد وقت
في مطعم
كانت قاعده ملك و نور
ملك: اقسم بالله زي ما بقولك كده طلع الساكن الجديد
نور: ايه الصدف دي كلها ياعم
البارت الثالث
ملك: القدر هو القدر والله القدررررر
نور: خلاص عرفت انه القدر
ملك: بت بصي وراكي براحه كده
بصت نور وراها بالفعل
نور بصدمه: ده الظابطط
ملك: اييوه بقولك ايه انا عندي إحساس اننا هنعيش قصة حب سنديريلا و الامير
نور: اه و تجري و الجزمه تتقلع منك و هو يقعد يدور في رجول البنات على الي هيجي في مقاسها الجزمه صح كده
ملك بهيام: اههه صح كدهه
نور: يابنتي انت هطله انت حتى متعرفيش هو سنجل ولا لا
ملك: بدقي انت في حجات غريبه والله
نور: ابوس ايد عبدالله ابوكي ركزي معايا و سيبك من سنديريلا بالجزمه بالواد دلوقتي مشروع التخرج ده هتعملي فيه ايهه
ملك: يستي مش حوار هيكون سهل بإذن الله بس نركز احنا بس
نور بمفاجاة: ايه ده ايه العقل الي هب عليكي ده جه منين بس
ملك: يابنتي انا طول عمري عاقله انا اكتشاف اصلا بس انتم الي مش مقدريين بس اه والله
نور: طب ركزي معايا يا اكتشاف و بجد اتكلمي بشكل جدي شويه بقى
ملك: بس انا مش عارفه شكل جدك ايه
نور: مش ناقصه ظرفكك هي بصي ياستي الواد الي حيلتي بيضيع مني ههبب ايه
ملك بغباء: واد مين ده؟؟
نور: ملكك ركزي ابوس صباع رجلك الصغير الواد ايمن ابن خالتي قال ايه بيقول هيخطب
ملك: ممم بسيطه انت جايلك عريس
نور بغباء: عريس؟؟؟ اانا مش جايلي عريس ولا حاجه بقولك هو الي عايز يخطبب
ملك: ابو غبائك يابنتي احنا هنمثل اكن جالك عريس ف لو هو بيحب بجد مش هسيبك طبعاً و انت بقى مثلي انك موافقه و بتاع
نور: اهه طب و احنا هنجيب عريس منين
ملك: هتشللل يابنتي مافيش عريس احنا بنكدب بصي انت هتقولي للحج ان زميلك في الجامعه عايز يتقدم و انت موافقه بس لما ابن خالتك يكون موجود عشان يسمع ها
نور: جدعهه جدعه يابت خلاص والله لوريك يا ايمن الكلب قال هخطب قال
ملك بحسره: لحظه إدراك ان انا بقالي اكتر من 20 سنه بقول للناس مبروك بس و انا قاعده مكاني ولا بتهز يعني انا مش فاهمه ليه محدش يجي يقولي مبروك و ربنا يتمم بخير بجد يعني
نور بضحك: شكلك هتعنسي يا سعديه
ملك بصدمه مصطنعه: فاااشر ده انا هيموتوا عليا كده و بيترموا تحت رجلي و انا الي برفض ايوه
ضحكوا الاتنين بس مخدوش بالهم من الي بيص عليهم
مشيوا الاتنين و هما بيضحكوا كانوا في طريقهم لبيت ملك
نور و هي بتمشي مع ملك: هتيجي الافتتاح بتاع االمحل صح
ملك: ايوه طبعاً يابنتي بإذن الله و زياد هيجي معايا
نور: طب اشطا هبقى اعدي عليكم و نروح احنا التلاته
قطع حديثهم صوت شب و هو بيقول: هو القمر بقى بيمشي على الارض ولا ايه يا جدعان و كان بيبص على ملك
ملك بقرف لي: ايه القرف ده طب عاكس حلو طيب ايه معاكسه ما قبل التاريخ دي
نور لملك: يعني انت معنديش مانع في المعاكسه عموما و ماسكه ف ان المعاكسه الي قالها قديمه
الشب هو بيبص على نور: ما في ايه يا أنسه من حقي اقول كلام حلو و اقول سبحان الله كمان لخلقة ربنا ولا متكاده عشان هي احلى منك يعني
ملك بصدمه: نعممم يا حيلتها انت قصدك ان صحبتي مش حلوه يا عجله من غير جادون يا حمام من غير سيفون يا سرير من غير ملايه و شقت و كملت كلامها و يا ميه من غير كوباايهه
الشب: ولما نقل معاكي يا أنسه دلوقتي
كان ملك قلعت الي في رجلها و ماتشوف النور نزلت في الضرب و ياعيني الواد مش لاحق يدافع عن نفسه حته
نور: طب هروح احنا اجيب سندوتش كبده من عند عم خميس عقبال ما تخلصي
ملك و هي بتضرب الشب: اشطل هاتيلي معاكي و متنسيش الطحينه
مشيت بالفعل و الناس كانت بتحاول تحوش ملك عن الشب لكن لا حياة لمن تنادي بعض وقت كانت واقفه ملك و الواد مرمي على الارض
-ايه الي بيحصل هنا نهار اسوحح انت تاني و الي حصل في الواد
ملك: حضرت الظابط ايهم طب كويس هاتلي حقي يا حضرتك الظابط
بصلها ايهم و كل معالم الصدمه ظاهره على وشه
ايهم بصدمه: حقك؟؟ حقك ايه ده الواد مبقاش نافع في حاجه حقك ايه يا وليه يا سعرانه انت
ملك: نعمم هي مين دي الي وليه سعرانه
ايهم بصدمه: تعالي اصربيني ما ده الي ناقص بجد انا مشفتكيش ورا مره غير و انت واكله واحد انت بنت رضوي الشربيني طيب اصل كل الناس الي بيروحوا بيكونوا رجاله ف ايه النظام
ملك: والله انا ست مؤدبه بس هما الي بيطلعوا الجزء الي مشفش بربع جنيه مخروم تربيه اعملهم ايه يعني
ايهم: سعراانه قصدك ست سعرانه طب عضك كلب سعران قبل كده اصل استحاله تكوني طبيعيه
الشب بتعب: اهه يا باشا انا عايز حقي انا مش قادر خلاص
ملك بصوت عالي: ولااا هتسكت ولا اجي اكمل عليك
الشب بخوف: لا لا ابوس ايدك لا الحقني يا باشا
ايهم بشفقه: يا عيني يابني الواد مش عارف يتكلم كلمتين عدلين على بعض لا حول ولاقوة إلا بالله العظيم
ملك: عامتًا يا باشا ده دفاع عن النفس هو الي كان بيعاكسني و مش بس كده قال لصجبتي انها مش حلوه يرضيك كده
ايهم:ها لا ازاي ميرضنبش طبعا ممكن اقول كلمه صغيره كده؟؟
نور من ورا ملك: جبتي البوليس يا ملوكه جدعه والله
بعد ساعه كانت الخناقه اتفضت ودي
ايهم: بصي يا انسه ملك اي حاجه هتحصل تاني بجد انا هاخدك على الحجز مع ان اقسم بالله اخاف على الحجز منك والله
ملك: والله يا حضرتك الظابوطه هما الي بيجروا شكلي بعدين ده اسمه دفاع عن النفس
ايهم بتصحيح: ده جلد مش دفاع اه والله
ملك: ايهما اكرم مش فارقه المهم اننا بدافع عن نفسي
ايهم بخيبه امل و هو بيضرب كف على كف: لا حول ولاقوة إلا بالله العلي العظيم
ملك: هو في ايه يا اخونا هو انا كل لما حد يشوف وشي يقعد يقول لا حول ولاقوة إلا بالله العلي العظيم في ايه هو انا وشي مكتوب عليه كده يعني
ايهم: يستي بحوقل انت مااالك استغفر الله العظيم
قال كلامه و مشي و سابها مشيوا البنات
في المساء
كانت بتجهز ملك هي و زياد
ملك لجميله والدتها: ماما انا ساعه كده و هنزل انا و زياد عشان الافتتاح بتاع المحل الجديد زي ما قولتلك
جميله: ماشي يا حبيبتي بس خدي طبق البسبوسه ده وديه لجارنا الجديد الي قصادنا اصل ياعيني الواد قاعد لوحده اكيد مش مافيش حد بيعمله
زياد: بت يا ملك انا اكتشفت حاجه ان امك حنينه على الناس كلها ماشاء الله ما عاده احنا الحمدلله
جميله: بس يا حيوان و انت يابت روحي يلا ودي الطبق
ملك: اهه حاضر يا ماما هاتي يا حبيبتي
خدت الطبقو مشيت بالفعل بدأت تخبط فتح ايهم
البارت الرابع
ملك: اهلا بحضرتك يا استاذ ظابوطه ماما بعتالك الطبق ده طبق بسبوسة انما ايه عسلل اتمنى يكون واجب الضيافه في العماره عجب حضرتك
ايهم: شكرا بجد لوادتك تسلم اديها
ملك: اشمعنا بتشكر ماما وانا لا انا الي جايبه الطبق مش مجهود ده ولا لا
ايهم بضحك: شكرا ياستي حلو كده مرضيه
ملك و هي بتمشي: ايوه كده ظباط مبيجوش إلا بالعين الحمرا
ضحك ايهم على المجنونه دي
بعد ساعتين
كانت واقفه ملك و نور و معاهم زياد قدام محل قدامه الالوفات من الناس
ملك بحسره: ايه ده كلهه احنا هنتخل ازاي لا بقولكم ايه انا مش هستنى كل ده انا صحتي على قدي
نور: بسم الله ماشاء الله ايه كل الناس دي
زياد: مكنش محل ايس كريم هو كل ده جايين ياكلوا ايس كريم
ملك: طب بصول انا هعرف اتخل وسط الزحمه دي بإذن الله انتم هتاخدوا ايه؟
قالوا لها الاتنين بالفعل بدأت ملك تحاول تتخل
ملك: ابو التلزييق يا اخونا اهه
صوتت ملك بسبب انها كانت هتقع عشان في حد زقها بس لحسن الحظ في شخص مسكها هنا ملك اول ما حست بايد شخص بتمسكها قامت موقعاه
-اهه اقسم بالله انا غلطاان
بصت ملك على الشخص
ملك بصدمه: وهه حضرتك الظابوطه ايهم
ايهم بوجع: ممنك لله يا شيخه
حاولت ملك تسنده و طلعوا من الزحمه و راحوا عند نور و زياد
ملك: اسفه والله بس كان رد كده جه كده يعني معلش حقك عليا
نور: هو في ايه انا مش فاهمه حاجه؟؟
ملك: في حد غبي زقني و كنت هقع قام الظابوطه ايهم مسكني عشان مقعش و عشان انا واحده ميه ميه قمت وقعته
زياد بضحك: ممنك لله يا شيخه يعني الراجل بيساعدك والله كنت تسيبها تقع
ضحك ايهم
ملك: خلاص تعويضًا عن الوقعه انا هجيبلك الايس كريم على حساب زياد
زياد: وحيات جميله؟
ملك: اييوه اومال انا الي هدفع انت الراجل بردوا
ايهم: خلاص ياستي انا هعزمكم كلكم يلا اي خدمه انتم جراني بردوا
ملك: احب الكرم اانااا
ضحكوا الكل
بعد وقت كبير اخيرا جابوا الايس كريم و قعدوا كلهم
نور: بت يا ملك هتروحي الرحله الي بعد شهر دي الي قولتلك عليها
ملك: اايوه بإذن الله بجد متحمسه جدا ليها
زياد: رحلة ايه دي الي بعد شهر و انا معرفهاش يا اندال؟؟
ملك: رحله فوق جبل و بنط ب برشوت
زياد: واو حلوه اوي دي هبقى اجي معاكم و كمل كلامه لايهم بتحب الحجات دي؟؟
ايهم: لا انا عندي فوبيا من المرتفعات
زياد: يبقى خلاص كده ايهم جاي معانا بإذن الله
ايهم: انت بتسمع ازاي يبني بقولك عندي فوبيا يعني بخاف من المرتفعات
زياد: ما احنا هنخليك تتغلب على خوفك و عامتًا يعني انت هتيجي كده كده خلاص
ملك: خلاص اشطا قرب الرحله هقولكم كده و نروح كلنا
خلصوا و مشيوا كلهم
عدى شهر مليان بضحك و قرب ايهم من زياد و ملك و عبدالله والد ملك و جميله اعتبروا ايهم زي ابنهم و طبعاً الشهر ده مخلاش من جنان ملك و مصايبها. و قرب ايهم من ملك و نور اتخطبت لايمن اين خالتها
في بيت ملك
صحيت ملك على صوت المنبه
ملك بنوم: اهه بس بقى يا زفت انت اتهد شويه بقى عايزه اتخمد على عيني
دخل زياد على صوت المنبه
زياد: يابنتي قومي عشان نلحق نروح الرحله
ملك بعدم وعي: رحله؟؟ رحله ايخ بس سوبوني انااام
زياد: يابنتي رحله الجبل يابنتي متشلنيش
ملك: اديني قومت اهو عديني كده
قامت ملك و خدت شاور و اتوضت و ادت فرضها و جهزت
ملك: انا جهزت خلاص يا زياد ها خلصت
زياد: ايوه انل خلصت كلمتي نور؟
ملك: اايوه يادوبك ننزل بس هتكون نور جت روح انت بس شوف ايهم
وافقها زياد و مشي يشوف ايهم
بعد وقت كانوا كلهم في عربيه ايهم
بعد ساعات كانوا وصلوا للممكان
بدوا يتخلوا
البارت الخامس
ملك لنور: بتت شوفي الولاد هنا شكلها عامل ازاي ياختييه علسا و على جمالهم
نور: اتلمي يا ملك الكلب
ملك: ما انا ملمومه اهو شيفاني متبعتره يعني
نور: جماعه دول كل اتنين بيكونوا مع بعض
ملك: اايه ده يعني مش هنعرف كلنا مع بعض انا كنت فكراها حر عادي يعني كل واحد زي ما يحب
ايهم: طب بقولك ايه انا هكون مع حد مش بيخاف عشان انا عارف اننا هلم الناس عليا على اقل اكةن عندي نسبه 1 في ال100 حتى
ملك: خلاص كده انا و ايهم اصل انا اجمد قلب هنا
زياد: خلاص اشطا انت و ايهم و انا و نور
بدأو الرجاله المسؤلين يلبسوهم البرشوت عند ملك فكانت بتلبسه و بتضحك
اما عن ايهم فكان بيشيط بسبب ضحكتها و قرب الراجل ليها
خلصوا كلهم و ملك راحت هي و ايهم
ايهم بهمس لملك: هو انت ازاي تخليه الراجل يقرب منك كده هاا
ملك: كان بيليسني البتاع الله و بعدين انت ماالك
ايهم: احم اصل انت زي بنت خالتي يعني ف اخاف عليكي
ملك: والله بنت خالتك طب تمام
ايهم: تمام هما اه صحيح احنا هنط امتى
ملك: لا هما بيعملوها على غفله مره واحده يقوموا زقينك كده
ايهم: نهار اسو.... اههه يخربيت شكلك يا ملك الكلبب
و ده كان اثار انهم بالفعل زقوهم
ملك: يالهوييي لا رجعوني تاني انل مش لاعبه لااا
ايهم: الله و اكبر بقى هو ده الي مش بخاف منك لله منك لله يا بعيدهه
ملك بصوييت: ماماااا الحقيني اقسم بالله هغسلك المواعين كلها بس الحقينييي
ايهم: صباع رجلي غضبان عليكي ليوم الدين منك لله
ملك: ااهه رجعونييي
ايهم: بصي احنا كده كده شكلنا هنموت خلاص ف انا عايز اعترفلك بحاجه اني قولتك انت زي بنت خالتي عشان تكوني محلله ليا انا بحبك يا ملك الكلببب
ملك بصوييت: اانا كمان بحبككك يالهوييي نزلونيي انا عايزه اتجوزز يعني لما الواد يعترف اموت هنا اههه
ايهم: افتحي البرشوت هنمووت
فتحوا الاتنين البرشوت و نزلوا بسلام
اول ما نزلوا قعدوا الاتنين على الارض
ايهم: حسبيي الله انتم السبب حسبيي الله
ملك: ععندك حق وربنا حسبي الله فينا بجد استنى نور و زياد جايين اهو
زياد: االحوار كام ممتع جدا ايه ده انتم نايمين على الارض كده ليه
ايهم: اول و اخر مره اروح معاكم في حته تاني منكم لله
نور: يا جماعه البتاعه جامده موت ازاي مش هجباكم
ملك: اسكتي الله يخليكي
بعد شهرين كانت ملك و ايهم بيرقصوا سلو
ايهم: مش مصدق ان انهارده فرحنا بجد مش مصدق اني اتجوزت الجنون كله
ملك: هو انت تطول ده انا ملك الي مافيش مني اتنين
انتِ النبض في قلبي و الحب في كياني احببتك يا مجنونه الظابط