بقلم الكاتبه المبدعه والمتميزة ريناد محمد
في مكتب كانت قاعدة ميار و مركزة علي الورق الي في ايديها خبط باب المكتب
ميار بجدية:ادخل
دخل حسن والدها
حسن:ميار عاوزك في كلمتين سابت ميار ا لورق الي كان في اديها وبصتلوا بأهتمام
ميار: اتفضل يا بابا
حسن: طبعا انتي عارفة اني احمد صاحب المستشفي ابنه عمر مريض نفسي
ميار: اه عرفاه سمعت عنه
حسن : الدكتور احمد طلب مني انك تمسكي الحالة
ميار: احمس سوري في اللفظ يا بوب بس بلاش هزار من النوع دا
حسن: انا مش بهزر انا بتكلم جد
ميار: يالههوي يا بابا انتي هتجبلي التسلخات من هزارك البايخ دا
حسن: ميار اتكلم حلو انا مش بهزر دا كلام جد
ميار: نععععععم لا طبعا دا محدش بيقدر عليه اروح انا دا يموتني وانا لسه صغنونه عاوزة اعيش حياتي
حسن: ميار مدخليش، الجد في الهزار واحمد قال انه لومحدش مسك حالته هيرفدنا
ميار: خلاص امسكها انت انت راجل زيه
حسن: مينفعش علشان هو عاوز دكتورة علشان المرض النفسي الي جاله علشان امه ماتت
ميار:و بعدين ايه الى دخل دكتورة او دكتور بالموضوع مش اهم حاجه يتعالج دا انتو حججكم فكسانه و خليه يرفدنا ونشوف اي مستشفي تاني ايزي خالص
حسن بتوتر :ها لا مهو هو الدكاترة الرجالة مش هيقدرو يستحملوا ذي الست الست دي قويه جدا ولا ايه
و يا بنتي انا خلاص كلها كام سنة ومش هقدر اشتغل تاني علشان خاطري وافقي لو ليا خاطر عندك وافقي و مش هنلاقي مستشفي حلو ذي دي
ميار :بتسبتني قال الست قويه دا الست عامله ذي النمله بس ماشي يا بابا موافقة بس انا عارفه اني في ان في الموضوع اصل ايه هو عاوز دكتورة مش دكتور دا يبقى ايه حاول الكدبه تكون مش مكشوفه كدا ها
حسن: بقى كدا يا بنتي بقى انا كداب اخرتها يا ميار تقولي على ابوكي كدا كشفت راسي ودعيت عليكي يا مياار يابنت بطني
ميار: معلش يا بوب بس بنت بطنك ازاي
حسن: ما انا قولت ذي ما امك بتقولك
ميار: بتفكرني لما اجي اغش كنت باخد اسم الى بخش منه ياا كانت ايام
حسن: يالهوي انت كنتي بتغشي
ميار: ماهو مفيش حد في الكورة الارضيه مغشش يعني ابقى كدابه لوقولتلك لا
حسن:اه ياما بقى دي اخرتها يا ميار دفعت عليكي دم قلبي و تغشي قلبي وشعر رجلي غضبانين عليكي
ميار:خلاص يا بوب ما انا دكتورة كد الدنيا اهو
حسن:ماشي ياختي يلا روحي على اوضه عمر
ميار: قوام كدة يا بابا خلينا قعدين شويه بدل ما اروح اتعفرت واجي
حسن: اه يلا روحي زهقت منك يا شيخه
ميار: انا عارفه ان الكلام دا من ورا قلبك بس ماشي
راحت ميار خبطت علي الباب ودخلت لقت واحد طول بعرض واقف جنب السرير جري عليها ومسك ايدها
عمر بصوت طفولي: طنط في صرصار تعالي اضربيه انا خايف قوي
ميار: طنط وخايف من صرصور فذمتك ودينك واحد جحش ذيك. خايف من صرصور دا انا كا بنت مش خايفة منه بس تصدق انت مززز اخر حاجه بس الحلو مش بيكمل يا لوكنت مش عيان كنت هربت بيك على اقرب مأذون
عمر : طنط انا مش فاهم حاجه انتي بتقولي ايه
ميار: لا يا حبيبي مش بقول حاجه
عمر: طب اضربي الصرصار انا خايف ليجي ياكلني
ضحكت ميار عليه
ميار: ياكل مين يا حبيبي دا انت تمسك الصرصور تموته راحت ميار ضربت الصرصار
عمر: طنط هو انتي اسمك ايه
ميار: انا اسمي ميار اسم حلو انا عارفه مش محتاجه كلام عرفني على نفسك بقى دا احنا هيبقى بينا عشرة
عمر بطفوله لا تليق على شكله ابداا:لا اسمك وحش معلومات سريه عني انا اسمي عمر عندي 9 سنين بابا عندو مستشفيات وماما بابا بيقولي انها سافرت من زمان وهتيجي
ميار: معلش بس مين الي عندو 9 سنين
عمر: انا يا طنط عرفيني بقى عن نفسك
ميار: انا اسمي ميار عندي 25سنه معنسه لاني جميلة طبعا
عمر: ايه دا يا طنط انتي كبيرة اووي و ايه معنسه دي
ميار: مين يا حبيبي الي كبيرة دا انت اكبر
مني بربع سنين تقريبا على حسب معلوماتي بص ياسيدي معنسه يعني مش متجوزة
عمر: لا يا طنط كيف انا اكبر منك بربع سنين وانا عندي 9 سنين معلوماتك فكسانه
ميار: متحطش في بالك بس ممكن متقولش طنط
عمر: طب هقولك ايه انتي كبيرة و ماما قلتلي اني مينفعش حد اكبر مني بكتير انديله باسمه
ميار: ازاي يعني تقولي طنط وانت لو وقفت جنبي تاكلني
عمر: انا مش فاهم هاكلك ازاي
ميار في نفسها: اف بقى نسيت انه هو مريض بقولك ايه يا عمر اي كلام اقولو انت مفهمتهوش اكني مقلتش حاجه ماشي يا حبيبي
عمر: حاضر بس انا عاوز انام
ميار: طب انا هخرج وانت نام
عمر: لا احكيلي حدودة علشان اعرف انام
ميار:حدودة يالهوي هحكي لطور حدودة طبعاًالكلام دا قالته في سرها ماشي قعدت جنبه حكتلوا حدوده وبعد شوية بصت لقت عمر نام طلعت وراحت علي مكتبها اخدت الشنطه ومفاتيح العربية و ركبت العربية و مشيت روحت البيت
دخلت قالت حنان امها تعالي يا ميار كلي انتي ما اكلتيش من الصبح
ميار: لا يا ماما اكلت في المكتب مش جعانة دخلت اوضتها غيرت لبسها وقعدت علي السرير لقت الفون بتاعها بيرن اخدتوا ولقت يارا صحبتها فتحت
يارا: هلوز بالموز يا ميرو
ميار: مش وقتوا استظراف يا يارا
يارا: مالك يا ميار ما تفكي كدة خليكي فرش حكتلها ميار علي الي حصل
يارا: اوبا يا بختيكي يا ميار امك دعيالك في ليلة القدر
ميار: يا شيخه اتنيلي علي عينك ايه الحظ في كدة
يارا: الواد عمر دا مز مز مفيش كلام دا عليه جوز عيون يهبلو لا وله عضلات يالهوي حاجه كدة قمر
ميار: بس بس ايه دا انتي ناقص تتحرشي بالواد ما براحه يا اختشي وشوفتي عضلاته فين يا سافله
يارا: بتبقى باين من التشيرت ايه الذكاء الاصطناعي دا تخيلي معايا كدة يا ميار اني انتي هتفضلي تعالجيه لحد ما يتعالج و هوبا يقع في حبك وتحبه بعض الله قصة حب جميله اوى
ميار: تصدقي انا غلطانة اني حكتلك حاجه اقفلي يا شيخه قفلت معاها ونامت
في صباح يوم جديد صحيت ميار من نومها لبست ونزلت ركبت العربية و راحت علي المستشفى دخلت اوضة عمر لقتو قاعد بيلعب
عمر: طنط انتي اخيرا جيتي انا كنت مستنيكي من زمان
ميار: عمر فطرت ولا لا
عمر: لا بابا قال لما تيجي طنط
ميار في نفسها: يعني انا الي هأكلوا ماكان اكل
وخلاص احم طب تعالى يا حبيبي علشان ناكل سوا
عمر: حاضر راحو مطعم علشان يفطروا
ميار: تاكل أية يا عموري
عمر: كورن فليكس
ميار: طب يا حبيبي احنا في مطعم مفيش هنا كورن فلكس
عمر: لا انا عاوز كورن فلكس
ميار: طب اطلب حاجه غير الكورن فلكس
عمر: لا مليش دعوة انا عاوز كورن فلكس وبدا يعيط
بصتلوا ميار بصدمه ميار : اسكت الله يخرب بيتك الناس بتبصلنا هيقولوا عليك جحش بيعيط مش طفل
عمر: طب هاتي كورن فلكس وانا هسكت
مسكتوا ميار من ايدو وطلعوا برا المطعم وراحت اشترت كورن فلكس وراحت علي المستشفى اديني اهو جبتلك الكورن فلكس كلوا بقى
قعد عمر يا كل دخل عليهم احمد
احمد : انا عاوزك تيجي معانا البيت علشان انا مش هسيب عمر في المستشفى
ميار: بس يعني
احمد: مفيش شباب في البيت وذي ما انتي شايفة عمر مش هيعرف يعملك حاجه لانه مريض
ميار: تمام ركبت ميار العربية جنب عمر وراحوا علي الفيلا دخلوا جوا كلهم
احمد: خدي عمر نيميه فوق
ميار: حاضر
اخدت عمر ودخلت بيه الاوضه
ميار: يلا يا عمر يا حبيبي علشان تنام
عمر: لا انا عاوز العب
ميار: ماشي عاوز تلعب ايه
عمر: اممم عريس وعروسة
ميار: يالهوي ايه قلت الادب دي انت طفل انت يلا يا عمر يا حبيبي علشان تنام
راح عمر علي السرير ونام عليه
عمر: يلا بقى احكيلي حدودة
ميار: ماشي يا سيدي بدات تحكيلوا الحدودة ونامت وهي بتحكي هي و عمر
في الصبح دخل عليهم احمد
احمد بخصه: مياااار عمرررر اصحوا
قامت ميار مفزوعة من على السرير
ميار: ايه في ايه بصت لقت نفسها نايمة في حضن عمر يا انهار اسود والله نمت بالغلط
عمر: هو فيها ايه يعني يا بابا دي طنط مش انت قلتلي دي طنط ذي ماما انا كنت بحضن ماما عادي
احمد: قومي يا ميار انا لازم اكلم ابوكي
ميار: لا والله محصلش الي فبالك دا مريض يعني مش هيعرف يعمل حاجه
احمد: انا ايه يضمني انا هكلم ابوكي رن احمد علي حسن بعد شوية جه حسن هو وحنان
حنان: ليه يابنتي تعملي كدة
ميار وهي بتعيط: والله معملت حاجه هو قالي احكيلي حدودة فا حكتلوا ونمت صحيت لقيت نفسي في حضنوا
احمد: خلاص المأذون علي وصول
ميار: لا طبعا انا مستحيل اتجوز واحد مجنون
وبعد شوية فاقت ميار علي كلمت المأذون الشهيرة بارك الله لكم وجمع بينكما في خير وعلي خير
مشي المأذون
ميار: بابا انت وماما عوزاكوا تعرفوا اني والله محصل حاجه
مشي حسن هو وحنان في العربية
حنان: ليه عملت فيها كدة يا حسن مش شايف البنت عاملة ازاي
حسن: كان لازم اعمل كدة بنتك اصلا مش بتوافق على اي عريس بييجي دي هتعنس
حنان: تروح تجوزها لواحد مجنون
حسن: لا ما هوا مسيروا هيتعالج
عند ميار كانت قاعدة في الاوضه بتعيط
دخل عليها عمر عمر: طنط هو انتي بتعيطي ليه
ميار: عمر اطلع برا انا مش طايقة نفسي
بصلها عمر وراح قعد جنبها
عمر: هو انتي زعلانة علشان حضنتك انا اسف بس انا بخاف بليل وفي الاول كانت ماما بتنام جنبي
ميار: بس انت مينفعش تحضني كدة عيب
عمر: عيب كيف يا طنط انتي كبر مني بكتير فا عادي
ميار: لا يا عمر مينفعش برضوا حتى لو انا اكبر منك بكتير
عمر: بس انا بخاف
ميار: لما تخاف صحيني متحضنيش تمام
حاضر مش هحضنك تاني خالص بس انا عاوز انام انتي هتنامي جنبي
ميار: لا انا هنام علي الكنبة الي جنب السرير دا
عمر: اممم ماشي راح نام عل السرير وهي نامت على الكنبة بعد 3 ساعات صحيت ميار على صوت حد بيقول: طنط اصحي انا خايف
ميار: خايف من ايه بس يا عمر يا حبيبي سيبني انام بالله عليك
عمر: يا طنط اصحي في عفريت في الاوضه
صحيت ميار مفزوعة ايه عفريت فين ها
قال عمر: ورا الكنبه
قامت ميار ونطت علي السرير لقت الكتب الي كانت علي المكتب وقعت
ميار: يامي هو الي هنعملوا في الناس هيطلع علينا ولا ايه
عمر: الحقي يا طنط دا في خيال علي الحيطه
بصت ميار لقت خيال فعلا اغمى عليها بعد شوية فتحت عنيها لقت احمد و عمر قعدين علي السرير
ميار بفزع:
عفريت اااناا شفتوا
قال احمد: اهدي يا بنتي ماعفريت البني ادم
ميار: والله يا عمي
كان في خيال على الحيطه
احمد: لا يا بنتي دا كنت انا
ضحكت ميار بصوت عالي
ميار: كنت انت ازاي يا عمو قول حاجه اصدقها
والله كنت انا انا هقولك انا كنت نايم لقيت عمر جه وصحاني وقالي اني انتي مش راضية تصحي فا قولتلوا خلاص هقعد معاك قالي لا انا عاوز طنط فا قالي اعمل اني فيه شبح وعفريت في الاوضه قلتلوا لا يا عمر مينفعش قعد يعيط فا جيت عملت كدة
ميار: حرام عليكم قلبي وقع في رجلي من الخضه
عمر: طنط انتي جبانة ايه الي يخوف
ميار: لا يا خويا امال مين الى كان خايف من الصرصار دا
احمد: طب هسيبكوا تناموا بقى نامت ميار هي وعمر
تاني يوم في الصبح صحيت ميار حضرت الفطور صحت احمد وعمر قعدو على السفرة
عمر: فين الكرن فلكس بتاعي
ميار: خلص يا عمر كل الاكل دا النهردة
عمر: لا انا عاوز كرن فلكس مليش دعوة
ميار: خلاص هروح اجبلك
عمر: هاجي معاكي
ميار: لا يا عمر مينفعش هروح بسرعة واجي بعد شويه كانت واقفة ميار بتجيب الكرن فلكس بصت ملقتش عمر جنبها
ميار: اف راح فين دا عمر يا عمر لقت عمر شايل بنت عندها خمس سنين وبيلعب معاها راحت ميار عندو انت بتعمل ايه الله يخربيتك
عمر: ايه بلعب مع صحبتي
ميار: صحبتك مين يا اخويا قوم انت عامل ذي الجحش كدة قال صحبتك قال
سمعت صوت وحدة بتقول حرامي خطف بنتي وجيه نحيتهم
المرة: بنتي يا حرامي انت ماسك بنتي ليه ها
عمر: ايه يا طنط بلعب معاها
المرة: طنط طنط مين يا حلتها وايه صوتك الي عامل ذي الاطفال دا
ميار: بعد اذنك خدي بنتك وامشي
المرة: لا انا هعمل فيه محضر انه خطف بنتي
ميار: يا مدام هو كان بيلعب معاها عادي مش خطفها
بيلعب مع مين دا انا يدوب بنتي عندها 5 سنين والراجل دا بسم الله ماشاء الله عامل ذي الجحش
ميار: وانتي مالك يا ولية انتي هو بياكل من عندك دا ايه البرادة دي امال لو كنتي بتأكليه كنتي عملتي ايه ناس اخر زمن
اخدت عمر و مشيت بعد عشر دقايق وصلوا البيت دخل عمر علي الاوضه وهو زعلان دخلت وراه ميار بعد ما عملت الكرن فلكس
ميار: يلا يا عمر علشان تاكل الكرن فلكس
عمر بزعل: مش عاوز اكل حاجه بصتلوا ميار شوية بعدين راحت قعدت جنبوا
ميار: مالك يا عموري قالب وشك كدة ليه
عمر بزعل: هو انا ليه كل الى يشوفني يقول عليا جحش هو انا جحش
ميار: لا يا حبيبي مين الحمار الي قال كده
عمر: انتي وطنط الي شفناها في السوق
ميار: احم يا عمر انت طويل فا لما تتكلم بطريقت الاطفال الى يشوفك ميقولش طفل
عمر: بس انا طفل
ميار: مين دا الي طفل لمواخزا دا انت عامل ذي ضرفة الدولاب
عمر: انتي ليه كل ما تشفيني تدتريقي عليا و علي فكرة انتي كلك عيوب
ميار:مين دي الكلها عيوب ياخويا هاتلي عيب واحد كد و على عموم انا اسفه حقق عليا متزعلش
عمر: مش زعلان خلاص يلا بقى علشان ننام راحت ميار علشان تنام علي الكنبة
عمر: ممكن يا طنط تنامي معايا في السرير اصل انا خايف
ميار: حاضر يا سيدي بس ماتدعوتش على كدة
وبعدها ناموا في الصبح صحي عمر وفضل يصحي فى ميار
عمر: طنط ايه دا انتي عامله ذي البقرة كده ليه عمال اصحي فيكي وانتي اكنك ميته
قامت ميار
ميار: مين دي الي بقرة ياخويا دا انا فراشه
ضحك عمر ماهوا باين انك فراشة وبالنسبة ليكرشك الى طالع مترين دا ايه
ميار: كرشي فين الكرش دا دا انت الي فيك كرش يا ابني انا رشيقا كدة ومزت المزز
عمر وهو بيضحك: اه انتي فعلا مزت المزز يا طنط بقولك تعالي نلعب
ميار: اممم تصدق فكرة الواحد مش لاقي حاجه يعملها هنلعب ايه
عمر: بصي هنلعب خلاويص
اشطا يلا بينا نزلت ميار هي وعمر وطلعوا الجنينة
ميار: عد انت يا عمر
عمر: حاضر وبدا يعد ميار طلعت تجري استخبت
ورا الفلا
عمر: 1 2 3 4 5 انا جي مسمعش صوت حد مشي شوية بعدين سمع صوت رجلين
عمر: اتسبت ميار
ميار: واد يا عمر انت كنت بتبص
عمر: انا طب والله مابصيت دا انتي الي مش بتعرفي تستخبي
ميار: فاشر مين دي الي مش بتعرف تستخبة كنت تعالى شوفني وانا صغيرة كنت مدوخه العيال كلها
عمر: طب مش عارفه تستخبي دلوقتي ليه
ميار: الزمن يا ابني بيغير حجات كتيره يلا بقى ندخل علشان ناكل اصل هموت من الجوع
عمر: البطون عند بعضها
ميار: ايه الى انت بتقولوا دا يا عمر مش كدة اصلا
عمر: اهو اي حاجه يا اخشي
ميار: طب يلا ندخل جوا دخلوا وحضرت ميار الاكل واكلوا
ميار: بقولك يا عمور
عمر: اتفضلي
ميار: مين ايمته الاحترام دا المهم انا كنت جايبه شوكولاتين امبارح روح هاتهم
عمر بتوتر: ها لا روحي انتي
ميار: والله انا مش مطمنالك بس ماشي راحت ميار فتحت التلاجه ملكتش الشكولاتة موجوده طلعت جر مسكت عمر من هدوموا واد يا عمر انت الي اكلت الشكولاتة صح
عمر: لا وانا هعرف منين اني انتي جايبة شكولاتة يعني انا انا لسه عارف دلوقتي اني انتي معاكي شكولاتة
ميار: يعني مش انت الي اكلتها
عمر: لا
ميار: طب مالك كنت بتهته في الكلام من شوية ليه كدة
عمر: ها لا عادي يعني بتحصل كتير
ميار: اها قولتلي طب ايه الشكولاتة الي علي بوقك دي حتى اتعلم بعد ما تعمل الجريمه تخبي اي حاجه هتكشفك
عمر: لا دي مش شكولاتة دي ككاو
ميار: اممم ككاو عمر هاتلي الفون بتاعي من جنبك
جاب عمر الفون اخدته ميار منه و شغلت اغنيه مين الى اكل الشكولا
بعد شويه خلصت الاغنيه
ميار: يا رب تكون سمعت الى بيكدب منخيرو بتكبر
عمر: يعنى يا طنط انا لو كدبت منخيري هتكبر
ميار:ايوا طبعاً واد يا عمر اعترف انت الي اكلت الشكولاتة صح
عمر: اه صح
ميار: طب يا حيوان اكلت الاتنين كنت كل واحده بس
عمر: اصل كان طعمها حلو اوى
ميار: منك للله يا عمر يابن ام عمر
عمر: انتي بتقولي ايه
ميار: لا يسطا مطحتش في بالك حاجه
عمر: ياي ايه الاسلوب البيئه دا دا انتي مقرفه
ميار: متنشف ياض قال بيئه ايه دا دا منظر راجل بذمتك
عمر: سيبك من الكلام ده تعالي نشغل اغاني ونرقص
ميار : تصدق فكرة جابوا الدجيه وشغلوا اغنية افضل كدة علي وضعك وقعدو يرقصوا
ميار: بصوتها الى يقرف الكلب افضل كدة على وضعك سابت لانا شايفك ولا حسك ياض انا ابويا مصرفش و علمني عشان ييجي زيك اقف معاه
بعد شويه
عمر: خلاص بقى يا ميار صوتك يقرف راسي وجعتني و انا زهقت قفلت ميار الدجيه
ميار: واد يا عمر انت اول مرة تقولي يا ميار
عمر: ما هو انا كبرت و انتي بقيتي مش اكبر مني بكتير
ميار: وعلى كدة انت بقى عندك كام سنة
عمر: بقى عندي 12 سنه
ميار: هو انت كدة كبرت يا ابني دا انت لسه خالع البمبرس من يومين
عمر: على فكرة انا خالع البمبرس من زمان
ميار: طب تعالى يا عموري علشان ننام راحوا نامو
تاني يوم
كانو قعدين بيفطرو
عمر: بابا ميار عاوزة شكولاته
احمد: نعم
ميارفي نفسها: الله يخربيتك يا عمر لا يا عمو عمر لسه صاحي من النوم بيهلوس
عمر: مش انتي قولتي خلي ابوك يجبلي شكولاته علشان انا اكلت الشكولاته بتاعتك
ميار: يا كداب انا قولت كدا ايه يا واد الكدب دا دا انت كداب و بارد و مستفز
عمر: انتي الى كدابه و باردة و مستفزة و معفنه و مش بتستحمي و ريحتك تقرف
ميار: مين دي الى مش بتستحمه دا انا لسه واخدة شور امبارح و بعدين كل واحد يشوف نفسه ها
عمر: لا يختي كل واحد يشوف نفسه ليه انا الحمدلله نضيف و ريحتي حلوة و جميل مش منخيري كبيرة اووي ذيك كدا
ميار: انت واحد بار قطعها احمد في الوقت دا
احمد: ايه كفايه انا حاسس اني قاعد مع اطفال
عمر: طب ما انا طفل لاكن ميار هي الى جحشه
ميار:احمس انت طفل وانا جحش يا اخي قول كلام يرضي ربنا
احمد: خلاص اسكتو بقى
خلصوا اكل راحت ميار قعدت في الجنينه هي و عمر
ميار: واد يا عمر
عمر: ها عاوزة ايه
ميار: البت يارا جيا شويه كدا عملها باسلوب حلو ماشي
عمر: مدام جيه من طرفك انتي هعملها اوحش معامله
ميار:يا معفن بقى عاوز تعامل يارا وحش دي يارا مش هتسكوتلك دي هتشرشحلك هنا
عمر: ولا تقدر تعمل حاجه
دخلت عليهم في الوقت دا يارا
يارا: هلوز بالموز يا حبايبي الجوز
ميار: يارا حبيبتي وحشتينيييي اوووي
يارا: وانتي اكتر يا اختشي ايه دا هو دا عمر
ميار: ايوا
يارا: مز مز يعنى يا عمر
عمر: انتي قليلة الادب ازاي تقولي كدا ما هو انتي صحبت ميار هتقوني ايه يعني
يارا تنحت شويه و بعدين انفجرت من الضحك
يارا: يخربيتك ايه صوتك دا دا صوت حور بنت اختي انشف منك
عمر: ملكيش دعوه ايه البرادة دي عاملة ذي صحبتك
يارا: لحد صحبتي استوووب لا يا خويا صحبتي خط احمر دا ميار دي مفيش منها اتنين انت تطول تبقى ميار قاعدة معاك في بيت واحد
عمر: مش عاوز اطول يا اختي
ميار:واد يا عمر اتكلم مع يارا حلو دا دي التوب والباقي فتشوب
عمر: لا مش هتعامل معاها حلو انتو اصلا متنمرين و بردين
يارا: ليه يا عموري عملنا ايه
عمر: ملكيش دعوه و متقوليش عموري دي تاني لوسمحت
يارا: عموري عموري عموري عموري
عمر: بنت باردة و سئيله
يارا: واد احترم نفسك دا انا يارا يعنى هطلع عين امك
عمر: ملكيش دعوه بامي و انتي وحدة بيئة و نوتي كمان
انفجرت يارا في الضحك
يارا: نوتي يا لهوووي نوتي ايه بس دا انت عامل ذي الجحش
و فضلو يتخانقوا لحد ما اليوم خلص
في الصبح صحيت ميار على صوت حد بيقول انتي يا انسة ايه الي منيمك جنبي
ميار وهي لسه نايمه: فيه ايه يا عمور مش انت الى قولت انام جنبك علشان خايف ومالك منشف صوتك كدة ليه
عمر بعصبية: انتي يا انسة ازاي تنامي في اوضة نوم واحد متعرفهوش
ميار: اف بقى يا عمر سيبني انام و اوعدك لما هصحا هلعب معاك يلا يا حبيبي اطلع برا
عمر بصوت عالي: انتي بجحه ازاي نايمه في اوضة واحد غريب
في الوقت دا فاقت ميار علي صوت عالي قالت ميار: فيه ايه يا عمر
عمر: انتي تعرفيني منين
ميار: ثانية وحده كدة ايه صوتك الغريب دا اوع تكون رجعت لحالتك الطبيعيه
عمر: حالتي الطبيعيه بقولك ايه اطلعي برا
ميار: اطلع برا نعم ياخويا اطلع انت برا
في الوقت ده زعق عمر : اطلعي برا بالزوق احسنلك فضلت ميار من على السرير وراحت عند اوضة احمد خبطت على الباب
احمد: ادخل
دخلت ميار : عمي عمر صحي و رجع لطبيعتوا
احمد: بجد يعني هو فاق وراح عند اوضة عمر اخيرا يا عمر فوقت
عمر: انا مش فاهم حاجه فوقت من ايه
ميار: انا هحكيلك ياسطا
عمر: انتي لا احكي انت يا بابا حكالوا احمد على الي حصل معاه بعد موت اموا
عمر: معقول بس انا مش فاكر حاجه
ميار: والله انت موخك هو الي اتأثر بس مجالكش فقدان ذاكرة
عمر: بس يا بت مين البنت دي يا بابا
احمد: دي الدكتورة الي علجتك وا وا احم
عمر: ما تقول يا بابا وا ايه
ميار: وا مراتك يا عموري
عمر: اييييه مراتي دي مراتيي
ميار: متخفش كلها يومين وطلقني او مش يومين ينفع دلوقتي بس مزاجي متعكر دلوقتي
احمد: بصى يا ابني انا هقولك على الي حصل حكالوا احمد على الي حصل
ميار: طب انا هروح بقى عند بيت بابا لحد ما تطلقني قلتها بحزن شديد وراحت عند بيت ابوها
اول ما شفتها امها قالت بخضه : مالك يا ميار وشك عامل ليه كدة وليه جيه بشنطت هدومك
ميار: اصل عمر فاق ورجع لطبيعتوا
حنان: طب دا شئ حلو
ميار: ما انا جيت على شان هو هيطلقني
حنان: هيطلقققق
طلع حسن علي الجملة
دي
حسن: مين الي هيطلق
حنان: كلوا دي بسببك بنتي هتاخد لقب مطلقه وهي لسه معملتش حاجه
ميار: بسببوا هو بابا مالوا
قالت حنان: ابوك كان متفق مع ابو عمر انو انتي وعمر تتجوزا علشان انتي رافضه فكرت الجواز ونفس الحكايه عمر فا اتفقوا انهم يخلوكي تمسكي حالة عمر
ميار بعياط: انت مستحل تكون اب انت اب انت ودخلت علي اوضتها فضلت تعيط
في فلا عمر
كان واقف هو واحمد
احمد: عمر هو انت فعلا هطلق ميار
عمر: بابا فاكر قبل ما ماما تموت انا كنت قولتلك عاوز اخطب الدكتورة الي بشوفها في المستشفى
احمد: اه فاكر بس ايه دخل موضوع ميار بكدة
عمر: ما هي دي الدكتورة الي انا قولتلك عاوز اخطبها هي ميار
احمد: بجد طب روح قولها
عمر: انت معاك رقمها صح
احمد: اه معايا ليه
عمر: طب هاتو ارن عليها واقولها
عطاه احمد الرقم دخل عمر علي الاوضه و كلم ميار
ميار: مين
عمر: انا
قطعتوا ميار لو انت جي تعاكس انا بقولك اهو لو بصيت علي وشي هتنزل ميت احسنلك متعكسش و بعدين لما تقول انا كدا هعرفك مثلا دا ايه الذكاء الاصطناعي دا
عمر: هو حد قالك اني جي اعاكس دا انا يدوب قولت انا و انتي قطعتيني
ميار: لا ما انا عارف الحركات دي بتحصل معايا متقولي يا اخ انت اسمك ايه
عمر: اخ اسمي عمر
ميار: الاسم دا مش غريب عليا والصوت بردو
عمر: ايوا انا عمر جوزك
ميار بصدمه: جوزي وقرت عيني بيعاكسني دا انت طلعت مش محترم خالص مالص
عمر: يا بنتي انا كنت جي اكلمك عادي ايه الي دخل دا بدا
ميار: طب انت عاوز ايه يا عمر
عمر: بصي انا مش هطلقك وعاوزك تيجي الفلا نختار القاعه و تصميم الفلا الجديدة
ميار: مين دي الي تيجي الفلا
عمر: انتي انا كلمت بباكي وقالي خلاص خدها
ميار: انا كدة كدة كنت جيا انا متخانقه مع البيت و مش طايقه نفسي
عمر: ايه البجاحه دي كنتي هتيجي وانتي عارفة اني هطلقك
ميار: بجاحه اقفل يا عمر احسن اوريك البجاحه على حق وحقيق
قفلت هي وعمر واخدت شنطت هدومها و طلعت وقفها حسن
حسن: والله يا بنتي انا عملت دا كلوا لمصلحتك حقق عليا متزعليش
ميار: مستحيل ازعل منك يا حجوج
حسن: امال مين الي كان بيعيط دا
ميار: لا دا لزوم التمثيل انا كدة كدة كنت عارفة اني عمر مش هيطلقني
راحت ميار الفلا
ميار: عمر يا واد يا عمر جه عليها عمر
عمر: ايه. دا واد يا عمر ايه واد دي
ميار: ياخويا انا كنت متعودة عليك طفل وبضتحك مش قفل كدة و وشك يقطع الخميرة من البيت
عمر: بقولك يا ميار اطلعي الاوضه بتاعتك فوق
ميار: انا كنت بنام في الاوضه بتاعتك ومعرفش انا هنام الاوضه بتاعتي الي انت بتقول عليها
عمر: يا سفلة كنتي بتستغلي اني انا طفل كنتي بتعملي فيا ايه ها انطقي
ميار: ايه قلة الادب بتاعتك دي انت واحد مش محترم خالص
عمر: بهزر مش بتهزري علعموم الاوضه بتاعتك جنب اوضتي
بعد الاحداث دي بشهر في قاعة فرحان كبيرة كانت قاعدة ميار هي وعمر على الكوشة
قالت ميار: يلا نرقص يا عموري
قال عمر: يخربيتك كفايه انا تعبت مبتتعبيش خالص كدة
ميار: دي ليلة العمر خلينا تستمتع بيها
في الوقت دا جات يارا
وجهت كلامها لميار مش قلتلك هيتعالج وتتجوزو قعدت تتريقي عليا
ميار: والله يا اختي مكنتش اعرف اني دا كلوا هيحصل
يارا: اهو حصل وقلبك الحجر لان ازيك يا عمر فكرني بقى ولا
عمر: لأ مش فاكرك انتي مين اصلا
يارا: بقى كدا هانت عليك العيش والملح الى مبينه يا واطي بقى تنساني انا
عمر: انتي مين اصلا وايه الى بتقولي دا
ميار: دي صحبتي كنت بتتعارك انت وهي لما كنت طفل
عمر: طفل انا لما كنت طفل مكنتش اعرفها ولا اعرفك اصلااا
ميار: قصدي لما كنت تعبان
يارا: اسبكم انا بقى
عمر: بقولك ايه يا ميار انتي مش عارفة انا ليه مردتش اطلقك
ميار: اكيد علشان انا جميلة يعني معروفه
عمر: ها خفه لا مش علشان كدة
ق ميار: امال ايه
عمر: فاكرة اول مرة شفنه فيها بعض لما انتي خبطي فيا وقعتي تهزقيني ساعتها
ميار: ايوا فاكرة
عمر: انا من ساعتها وانا معجب بيكي قولت البابا وماما اني اجي اتقدملك بس بعديها ماما ماتت وانا دخلت في حالة اكتئاب وحصلي الي حصل لما رجعت لطبيعتي وعرفت انك مراتي فرحت اووي
ميار: يا حبيبي يا ابني عارف لو جيت اتقدمتلي كنت هرفضك اصلاااا
عمر باستغراب: طب ما انتي متجوزاني هو
ميار: بص انا كنت رافضه حكايت الجواز دي و كنت هطلق منك اول ما ترجع لطبيعتك وبعدين انا اغرامت بيك
عمر: يا شيخا
ميار: اة والله يا عمر برغم الاشهور الي عشتها معاك وانت طفل بس حبيتك اوي وقولت بكرا يتعالج ويحبني و ميطلقنيش بس انت بجد احسن واحد انا شفتوا في حياتي
عمر: انا بجد بشكر القدر الي خلاني مرض علشان كلو دا يحصل واتجوزك بحبببببك اوي يا ميار
ميار: وانا بممموت فيك
احببت مجنون _ حكايات شروق للقصص الكاملة