جوازة بطريقة مختلفة

بقلم الكاتبة المبدعه والمتميزة ميرو ابراهيم 

البارت الاول 

 كان فيه بنت جميله راكبه موتوسيكل ..وفجأه بتخبط عربيه باين عليها انها فخمه جدااا بالموتوسيكل بتاعها وكسرت الفانوس   

تسنيم بخوف 

اتمنى ميكونش فيه حد في العربيه

والموضوع يعدي على خير وبتدوس تسنيم على الفرامل علشان تخلي الموتوسيكل يدور بس فجأه بتنصدم لما بينفتح باب العربيه وبيطلع منها شاب وسيم لابس بدله فخمه جدا.

تسنيم كانت خايفه منه اوي وقالت في نفسها؛ وده طلع منين ده يا ترى هيعمل فيا ايه على الفانوس اللى انكسر ده لا اكيد مش هيعمل حاجه يعني هو باين عليه انه انسان طيب وجنتل مان ومش هيعمل حاجه

قرب منها حمزه وتسنيم كانت خايفه اوي اول ما قرب منها حمزه قال لها بهدوء. انتي ايه اللى عملتيه في العربيه ده

تسنيم باستعباط. انا معملتش حاجه انا عملت ايه يعني حمزه شاور لها على الفانوس و تسنيم بتبص عليه وبتبلع ريقها بتوتر

تسنيم بتوتر. والله العظيم غصب عني مش قصدي خالص يا باشا 

حمزه بضيق. انتي عارفه فانوس العربية ده بكام 

تسنيم بسخريه. بكام يعني اكيد يعني مش اكتر من الف جنيه

حمزه بقرف. نعم ياختي الف جنيه ايه وبيقرب منها حمزه وبيقولها على تمن الفانوس اللى انكسر وتسنيم بتنصدم من المبلغ

تسنيم بصدمه. نعم يا روح امك

حمزه باستغراب. نعم 

تسنيم بحسره. انا اسفه بس والله المبلغ كبير اوي انا اسفه عن اذنك ربنا يعوضك وبتركب الموتوسيكل ولسه هتخليه يدور سمعت حمزه بينده عليها

تسنيم باستغراب. نعم بتنده ليه

حمزه بسخريه. عايزك تدفعي تمن الفانوس اللي كسرتيه

تسنيم بصدمه. نعم يا اخويا بتقول ايه 

حمزه بضيق. بقول انك هتدفعي تمن الفانوس اللى انكسر ده

تسنيم بضيق. انت يا إما مجنون أو شارب حاجه فانوس ايه اللى عايزني ادفع تمنه ده انا لو اشتغلت عمري كله مش هعرف اجبلك ربعه حتى وانت يعني باين عليك ابن بشوات وهتقدر تصلحه بسهوله لإن معاك فلوس مش زيي

حمزه بسخريه. انا فعلا غني جدا بس برضه انتي اللي هتدفعي تمن الفانوس ده لان الفانوس ده مش عادي يا هانم ومش مجرد فانوس وخلاص 

تسنيم باستغراب. أمال هيكون ايه يعني ايه مش مجرد فانوس بس مش فاهمة حاجه 

حمزه. مش مهم تفهمي بصي لازم الفانوس يصلحه  اللي كان السبب في كسره أو يا إما تتجوزيني وساعتها هقدر اصلحه وقتها

تسنيم بردح. نعم تتجوز مين يا اخويا ولاه هو انا اعرفك علشان اتجوزك مستحيل اتجوزك ابدا ويللا ابعد من قدامي علشان اعرف امشي 

حمزه بابتسامه فيها خبث وهو بيديها الحته المكسورة من الفانوس. طب استنى ممكن تمسكي القزازه دي وتقولي انا عايزه فرحي انا وحمزه يكون بعد يومين اتنين بس وانا هسيبك ومش هعملك حاجه وكل واحد هيمشي فينا ماشي 

تسنيم بضيق. تمام ومسكت القزازه وقالت انا عايزه فرحي انا وحمزه يبقى بعد يومين وقالت بضيق لي حمزه. أدينى قلت اتفضل خد البتاع ده علشان أمشي ولسه حمزه هياخد القزازه فجأه اغمى عليها صحيت تسنيم على صوت حمزه و انصدمت لما شافت نفسها على المسرح ولابسه فستان الفرح وحمزه ببدلة الفرح والناس بترقص وتغني وأمه وابوه مبسوطين وفرحانين وبيسقفو

تسنيم باستغراب لي حمزه. هو ايه اللى بيحصل ده انا مش فاهمه حاجه 

حمزه بهدوء. هش مش عايز اسمع حاجه منك ده انتي طلعتي جامده أوي بفستان الفرح ده وحط ايده على كتفها 

تسنيم بضيق. شيل ايدك من عليا انت اتجننت ولا ايه 

حمزه برفعة حاجب. انتي عبيطه يا بت انتي انا جوزك على فكره وانتي دلوقتي مراتي يا حلوه 

تسنيم بصدمه. نعم نعم مرات مين لا مستحيل وبعدين احنا وصلنا هنا ازاي و أهلي مبسوطين كده ليه

حمزه بتمثيل انه مش فاهم. انا مش  فاهم حاجة انتي قصدك ايه بالظبط 

تسنيم باستغراب. هو ايه اللى قصدي ايه مش انهارده الاتنين ولسه متقابلين انهارده وكمان اتخانقت معايا علشان فانوس عربيه وأول ما ادتني حتة قزاز وخلتني اقول حاجة فجأه اغمى عليا وصحيت لقيت نفسي كده 

البارت الثانى 

حمزه بتمثيل. لا يا حبيبتي محصلش كده وكمان انهارده الخميس واحنا متجوزين عن حب 

تسنيم بصدمه. انت بتقول ايه يا عم انت وبعدين النهارده الخميس ازاي انهارده الاتنين على فكره يا استاذ انت وبعدين بتقول بتركيز وهي فاتحه بوقها بصدمه. انت قلت ايه انا مراتك مراتك ازاي انا اخر حاجة فاكراها اني مسكت قزازه انت ادتهالي و بعدها محستش بنفسي وازاي اهلي فرحانين كده هما عارفينك ولا ايه 

انا مش فاهمه حاجه خالص انا هتجنن 

حمزه ببرود. بس بقى يا قلبي خليني اعيش الفرحه وعيشي معايا اللحظه ياقلبي 

تسنيم بعصبيه. ماتقولييييش ياقلبيييي ياجدع انت ولحظة ايه اللى عايزني اعيشها معاك يا جدع انت اوعى من قدامي خليني اروح لي أهلي وبتسيبه وتمشي وبتروح لي أهلها. بابا ماما انا ايه جابني هنا حد يفهمني ابوها وأمها بصولها  بصات مقدرتش تفهم معناها فجأة لقت ايد محطوطة على كتفها بتبص بتلاقي حمزه بتشيل ايده بعصبيه والمعازيم بيبقوا مستغربين اوي اللى بيحصل 

حمزه بهدوء. اهدي يا قلبي وامسكي القزازه دي 

تسنيم بصدمه. لا مستحيل انا اخر مره مسكتها صحيت لقيت نفسي مراتك وفي قلب الكوشه المره الجايه مش عارفه هلاقي نفسي فين  لا مش همسكها ابدا 

حمزه بخبث. امسكيها يا حبيبتي ومش هيحصل حاجه 

تسنيم بعصبيه. متقولييييش حبيبتي  ياجدع انت

حمزه بابتسامة خبيثه.امسكي ياحبيبتي وقولي كده وانا مش هتشوفي وشي تاني تسنيم مسكتها بعصبيه وقالت.أدينى مسكتها اتفضل امشي يللا 

حمزه بسخرية. لا مش بسهوله كده لازم تقولي اللى هقوله ده وساعتها همشي

تسنيم باستغراب. و ايه اللى سيادتك عايزني اقوله ده حمزه بيقرب منها وهي بتبقى مستغربه اوي حمزه قالها في ودنها حاجه وتسنيم بتفتح بوقها بصدمه وفجأه بيلاقي حمزه قلم على وشه جامد

حمزه بصدمه حط ايده على وشه. فيه ايه يا بنت المجانين ضربتيني ليه

تسنيم بعصبيه بتمسك عصايه شاب بيرقص بيها وبتجري وراه بالعصايه وهو بيجري وراها وطلعو بره القاعه وبقيت تجري وراه في الشارع خد ياض تعالى وحياة امك ما هسيبك يعني متجوزاك ومعرفتش ازاي كمان عايزني اقولك بحبك يا حمزه فجأه حمزه وقف وابتسم بخبث وقرب منها وهي كانت مستغربه ولسه هتضربه بالعصايه فجأة اغمى عليها وبعد وقت صحيت لقت نفسها قاعده على السرير ولابسه هدوم الصباحيه وحمزه قاعد على الكرسي وحاطط رجل على رجل 

تسنيم بصدمه وهي بتغطي نفسها بالبطانيه انا فين انا اخر حاجه فكراها اني كنت بجري وراك بالعصايه وبعدين صحيت لقيت نفسي هنا وبتبص لي هدومها باستغراب وبعدين ايه اللى انا لابساه ده يا استاذ انت انا والله العظيم عقلي هيطير مني مش فاهمه حاجه خالص 

حمزه بضيق. اسكتي بقا يا بت انتي بالعه راديو ولا ايه اسكتي خليني اعيش اللحظه 

تسنيم بضيق. يخربيت ام اللحظه دي هو كل ما اجي اكلمك تقولي سبني اعيش اللحظه يا عم والله العظيم ما فاهمه حاجه 

حمزه قام وقعد جنبها على السرير وقال لها بهدوء. اهدي ياروحي انتي خلاص بقيتي مراتي ومفيش داعي للكلام ده اوك ياحبيبتي 

تسنيم بضيق. ابعد عني ياجدع انت بدل ما اعورك قال مراتك قال ابعد عني بقولك اهو وبتسيبه وبتنزل تحت بتلاقى راجل وست كبار قاعدين قدام  التليفزيون تسنيم قربت منهم وقالت لهم بعدم فهم. انتم مين انا مش فاهمه حاجه حد يفهمني ايه بيحصلي بالظبط

دنيا ام حمزه. مالك ياحبيبتي اكيد انتي مكسوفه من جوزك اطلعي ياحبيبتي لي جوزك يللا يا قلبي 

تسنيم بعصبيه. انتم بتقولو ايه جوزي مين انا اصلا معرفش اتجوزته ازاي انا حتى معرفش اسمه خالص 

دنيا وسليم بيبصولها باستغراب تسنيم بتيأس من الكلام معاهم بتيجي تمشي بتلاحظ انها مش لابسه هدوم خروج بتطلع على الاوضة 

اول ما بتوصل الاوضه بتفتح الباب وبتبص جوه مش بتلاقى حمزه بتتطمن وبتدخل جوه بتروح على الدولاب وبتفتح الباب وفجأه بخ 

تسنيم بخضه. يا اما ايه ده يخربيت الجنان 

حمزه بضحك. اتخضيت يا حاج كامل صح

تسنيم وهي بتحاول تفوق من الخضه. تصدق انك انسان مجنون يا ريتني ما كنت وافقت أتجوزك كان فين عقلي وقتها تسنيم قالت كده وهي مش مركزه خالص وفجأه بتقول بتركيز. وانا وافقت ازاي واتجوزتك ازاي انا هتجنن 

حمزه مكانش مركز معاها كان باصص على هدومها اللى كانت مطلعة تسنيم زي الملكه تسنيم بتلاحظ بصته ليها وبتفتكر انها لابسه عبايه الصباحيه والعبايه شفافه بتتخض وبتحط البطانيه  عليها بسرعه 

حمزه بضيق من حركتها. ليه ما كنتي زي القمر 

تسنيم. اطلع بره يللا 

حمزه باستغراب. اطلع بره ازاي يعني احنا انهارده صبحيتنا على فكره يعني احنا عرايس ياحبيبتي

تسنيم بعصبيه. متقوليييش ياحبيبتي ياجدع انت قولتلك كذا مره

 حمزه بيقرب منها برومانسية وبيحط ايده على وسطها وبيشدها ناحيته لحد ما لزقت فيه 

تسنيم بتوتر من قربه. انت بتعمل ايه ياجدع انت مقرب كده ليه ابعد شويه مش ناقصين محن لو سمحت يعني 

حمزه ببرود. حبيبتي انتي دمك خفيف اوي

تسنيم ببرود. متقولييييش حبيبتي ياجدع انت قولتلك مليون مره

حمزه ببرود. اوك اوك ياحبيبتي  

تسنيم بغيظ. يوه بقى ده انت عيل رخم اوف

حمزه برفعة حاجب.. انتي بتقولي ايه يا بت انتي هو مين الرخم ده 

تسنيم بخوف وهي بتجري على الحمام انت اللي رخم

حمزه وهو بيجري وراها. خدي يا بت والله ما هسيبك 

تسنيم بتدخل الحمام وبتقفل عليها الباب 

البارت الثالث 

حمزه بتمثيل العصبيه. اطلعي يا تسنيم بدل ما ادخلك يللا اطلعي تسنيم بتخاف لحسن يخش 

عليها وبتطلع بره الحمام 

تسنيم بخوف. نعم بص انا دلوقتى عايزه اعرف ايه اللى بيحصل معايا انا هتجنن والله يعني ايه ابقي بتخانق مع واحد فجأه الاقي نفسي في قاعة الفرح ومتجوزين وكمان فجأه الاقى نفسي في أوضتك ارجوك فهمني اللى بيحصل لو سمحت انا مش قادره استحمل اكتر من كده 

حمزه بهدوء. ماشي انا هفهمك كل حاجه

تسنيم براحه. يا ريت بالله عليك تفهمني اللى بيحصل لو سمحت 

حمزه بهدوء. انا هضطر اقولك الحقيقة مع ان المفروض مقلكيش بس هقولك علشان صعبتي عليا بصي السر كله في القزازه المكسوره بتاعة الفانوس

تسنيم باستغراب. ازاي يعني مش فاهمه

حمزه بابتسامه هاديه بصي لما بديلك 

القزازه واقولك قولي حاجه مش بعد ما بتقوليها مفيش دقيقتين وبيغمى عليكي وبتلاقى نفسك في مكان تاني صح

تسنيم ركزت في كلامه لقت فعلآ الكلام مظبوط اول ما بتقول حاجه هو قالها بيغمى عليها وقتها 

تسنيم بصدمه. ازاي يعني حصل كل ده من حتة قزازه مكسوره

حمزه بهدوء. بصي القزازه دي مش عاديه الفانوس ده مسحور بيحقق اللى بتقوليه

تسنيم باستغراب. يا سلام بقى قزازه من الفانوس تحققلي امنيتي

حمزه. ايوه 

تسنيم. حلو

وبعد مرور اسبوع بدأت تسنيم تتقبل حمزه في حياتها وصدقت موضوع الفانوس وان حمزه مبيكدبش عليها بس اللي كانت. مستغرباه ان أي حاجه بتطلبها مبتتحققش غير لما يكون حمزه موجود معاها 

وفي يوم دخل حمزه الاوضه وهي قربت منه وقالتله. ممكن أسألك سؤال صغير يا حمزه من فضلك

حمزه بهدوء. اتفضلي

تسنيم. هو ليه لما بقول حاجه للقزازه مش بتتحقق ممكن افهم

حمزه بيقعد على الكنبه وبيسحبها من ايديها وبيقعدها جنبه وبيحط ايده على وشها بحنيه ويقولها. لأن لازم انا وانتي نكون مع بعض ياحبيبتي

تسنيم باستغراب. ليه يعني 

حمزه بهدوء. علشان القزازه دي مبتحققش اي حاجة غير لما انا أكون معاكي ومينفعش مكنش معاكي وقفلي على الموضوع يا  قلبي

تسنيم بتسكت وتقفل على الموضوع بس بتبقى من جواها مش مرتاحه

تسنيم قالت لي حمزه بتوتر. هو ممكن يعني اشوف اهلي لو سمحت انا بقالي اسبوع مشفتهمش

 وكملت بزعل. هما وحشوني اوي ونفسي اشوفهم لو سمحت

حمزه بهدوء. تمام وهجيبهم ليكي دلوقتي كمان وبيرن على الحارس الشخصي بتاعه وبيقوله يجيبهم وبيديله العنوان وتسنيم بتفرح اوي وحمزه بيقفل مع الحارس 

وتسنيم من كتر فرحتها قربت عليه وحضنته من غير ما تحس بنفسها وحمزه استغرب من حركتها اللى أول مره تعملها 

حمزه بيتوتر وبيزقها بعيد عنه وتسنيم بتستغرب من حركته  دي وبتستغرب من طريقته برضه 

وبعد ساعه كانو وصلو امها وأبوها الفيلا 

وأول ما تسنيم عرفت نزلت وجريت عليهم بفرحه 

بس استغربت من هدومهم اللى لابسينها اللى كانت فخمه جدا

بيروحو يقعدو في الصالون

تسنيم بحب. وحشتوني اوي و مستغربة كل اللي بيحصل معايا

 مامتها بتوتر هي وباباها مفيش حاجه ياحبيبتي  

 كله تمام متشغليش بالك انتي

تسنيم باستغراب من توترهم وبتحس ان فيه حاجة مش طبيعيه بتحصل وبعد نص ساعه من كلامها معاهم مشيو وطلعت تسنيم على الأوضه وماكنش حمزه جوه في الاوضة كان في الحمام بتقعد تسنيم على السرير وهي جواها الف سؤال في دماغها ومش عارفه اجابتهم ايه

طلع حمزه من الحمام ولما شاف تسنيم كده استغرب جدا وقرب منها وقعد جنبها على السرير

وحط ايده على كتفها بحنيه وقال لها. تسنيم حبيبتي مالك سرحانه كده ليه فيه ايه 

تسنيم بتفوق من سرحانها وبتقوله ؛ايه بتقول ايه 

حمزه بابتسامه هاديه؛ ده انتي مش معايا خالص ممكن اعرف حبيبتي الحلوه بتفكر في ايه 

تسنيم بتتوتر ومبتعرفش تقول ايه وبتلاقى نفسها من غير ما تحس بتقول لي حمزه؛ بتحبني يا حمزه بجد

حمزه بيستغرب من سؤالها ده وقال لها بتوتر؛

ااااه بحبك ليه بتسألي يعني فيه حاجه

تسنيم بتستغرب من توتره وبتقوله بشك؛

تمام تمام ياحمزه

وبعد مرور اسبوعين من  الأحداث دي كلها كانت تسنيم حبت حمزه وتقبلت كل حاجه 

حواليها وكانت مبسوطه جدا من أسلوب حمزه معاها بس كان فيه احساس جواها مش مخليها مرتاحه

تسنيم راحت لي حمزه الاوضه واستغربت لما لقته بيبصلها بنظره غريبه مكنتش فاهمه معناها راحت قربت منه ومسكت ايده وقالت له : فيه ايه يا حمزه مالك بتبصلي كده ليه حمزه بعد ايدها من على ايده وبصلها بزعل  وقام من جنبها وهو متضايق تسنيم كانت مستغربة حركته دي إللى أول مره يعملها تسنيم قامت من على السرير وقربت منه ومسكت ايده وخلته يلف لها؛ مالك يا حمزه ايه اللى مضايقك كده ممكن اعرف

 حمزه زقها ومن قوة الزقه وقعت على الأرض وبصتله بصدمه

حمزه بضيق؛اياكي تقربي مني انتي فاهمه

تسنيم بدموع وصدمه في نفس الوقت؛ انت بتقول ايه يا حمزه يعني ايه مقربش منك انا تسنيم حبيبتك

حمزه وهو بيحاول يهدي نفسه؛افهمي بقا مينفعش

تسنيم باستغراب :هو ايه اللى مينفعش ده انا مراتك يا حمزه ولازم أعرف كل حاجه بتحصل حمزه بيبصلها بضيق وبيسيبها ويمشي

من الاوضه خالص

وبيعدي الايام ومعاملة حمزه وحشة جدا مع تسنيم وكانت مستغربة طريقته أوي وحكت كل اللي بيعمله حمزه معاها لي ام حمزه

وام حمزه كانت متضايقه جدا من اسلوبه

 

وفي يوم كانت تسنيم طالعه الأوضه علشان تشوف حل مع حمزه في إللى بيحصل ده وأول؛ ما جت تفتح الباب سمعت اللى صدمها ومخلاهاش

تفتح الباب وتفضل واقفه قدامه سمعت حمزه ومامته بيتكلمو ويقولو

البارت الرابع

الام لي حمزه بهدوء؛انت بتحبها ياحمزه 

حمزه بكذب؛لا مبحبهاش

 

الأم بابتسامه هاديه؛انت بتكدب على نفسك

 مش عليا لان انا متاكده انك بتحبها يا حمزه اقول الحقيقة

حمزه مبيقدرش يستحمل كلامها وبيقول باندفاع

حمزه باندفاع؛ايوه بحبها مش بس بحبها لا انا بعشقها كمان بس مش قادر انسى اللي حصل من سنتين

الأم بزعل؛ انسى يا حمزه خلاص الموضوع عدى عليه سنتين انسى يابني وعيش حياتك مع تسنيم اللى بتحبها وبلاش الانتقام يا ابني

حمزه بدموع؛ انسى ايه بس قوليلي انسى ايه انسى كسرة اختي انسى قهرتك انسى قهرتي يمكن نسيتي اللى حصل مع اختي انا هفكرك فاكره يوسف اخو تسنيم عمل ايه مع ميار اختي فاكره يوم فرحهم ايه اللى حصل

الام بدموع؛لا متقولش ياحمزه لو سمحت ارجوك مش عايزه افتكر اللى حصل 

حمزه بعصبيه؛لا لازم تفتكري اللى حصل من سنتين في يوم فرح يوسف و ميار فلاش باك 

كانو العرسان قاعدين جنب بعض وكانو مبسوطين اوي وحمزه كان مبسوط 

على فرحة اخته وكانت أمه  مبسوطه وابوه كمان وعيلة  يوسف كانو مبسوطين هما كمان 

يوسف لي ميار بصوت واطي؛عاملك مفاجأه حلوه اوي ياروحي 

ميار بفرحه؛بجد يا يوسف عاملي مفاجأه حلوه طيب ايه هي 

يوسف بابتسامه؛هتعرفي دلوقتي يا حبي وبيقوم من جنبها وبيروح يجيب الميكروفون وبيطلع على المسرح وبيقول بابتسامه؛ انا حبيت اقول كلمه لي ميار قدام كل الناس اللى موجوده ميار بتبقى فرحانه اوي من كلامه

يوسف قرب الميكروفون منه وقال بابتسامه؛

ميار انتي طالق الكل لما بيسمع كده بينصدمو

ميار بصدمه؛ انت اكيد بتهزر وبتوجه كلامها لي الناس.؛متخافوش يوسف دايما بيحب يهزر

يوسف بضيق؛ لا انا بتكلم بجد انتي طالق يا ميار 

ميار قامت من الكوشه وقربت منه وقالت بدموع؛ يعني ايه بتتكلم بجد ليه يعني طلقتني ليه عملت كده ده انا مراتك 

يوسف بيزقها وبيقول لها بكل غل؛ افهمي خلاص انا طلقتك انا مثلت عليكي الحب علشان اكسرك ولما اكسرك هبقى كسرت اخوكي اللى فاكر ان محدش زيه عمري ما هنسى اهانته ليا في الشركه قدام الموظفين 

ميار بدموع وهي بتقرب منه بهدوء ؛ لعبه كل ده مجرد لعبه بس انا حبيتك بجد انا مليش دعوه بحاجه من اللي قلت عليها يوسف بيزقها بعيد عنه بغل لدرجة انها وقعت على الأرض من قوة الزقه حمزه في اللحظه دي مقدرش يستحمل اكتر من كده وراح على يوسف وضربه بالاقلام ميار مش بتقدر تستحمل وبتجري من القاعه ولما بتبقى في الشارع بتجري ودموعها بتنزل وفجأه عربيه بتخبطها وكل الناس بينصدمو وبيجرو عليها

 في القاعه ام حمزه بتبص مش بتلاقي بنتها بتقول لي حمزه بدموع؛الحقني ياحمزه اختك مش موجوده الحق اختك يابني حمزه لما بيسمع أمه بيسيب يوسف وبيدور على ميار في قاعه الفرح مش بيلاقيها في أي  حته بيطلع يجري في الشارع وهو بيجري في الشارع بيلمح ناس ملمومين حوالين حد هو مش شايفه من الناس اللي حواليه بس حس انه عايز يعرف مين اللي الناس حواليه اول ما قرب وبعد الناس وبقى يقدر يشوف اللى الناس كانت حواليه 

حمزه بصدمه قرب من ميار وحضنها اوي وقال وهو مش قادر ياخد نفسه من الصدمه؛ميار قومي انتي مش هتموتي وتسيبيني معقول هتسيبي حمزه اخوكي اللى بيحبك والله العظيم هجبلك حقك ياميار 

ميار وهي مش قادره تاخد نفسها احلى حاجه اني هموت وانا شايفاك آخر واحد قدامي دايما كنت أهم حد في حياتي يا حمزه اشهد ان لا اله الا الله واشهد أن محمدا رسول الله بتنطق ميار الشهادتين وبتموت بعدها حمزه بيفضل يزق فيها لكن لا حياه لمن تنادي بيشيلها وبيروح على القاعه وبيدخل القاعه وكل اللي يشوفهم ينصدم

 الأم اول ماشافت بنتها انصدمت وجريت على حمزه بصدمه ومسكت راس بنتها وفضلت تزق فيها لكن مفيش فايده والاب بيقرب من بنته وبيحاول يخليها تفوق لكن برضه مفيش فايده في الوقت ده يوسف خاف من غضب حمزه وهرب من الفرح من غير ما حد ياخد باله

الأم بدموع؛ اختك مش بتصحى ليه ياحمزه خليها تصحى ياحمزه قولها إن هو إنسان مايستاهلهاش خليها تقوم ياحمزه تكلمني وبتمسك بنتها بوجع وبتقول ليها قومي يابنتي ارجوكي متوجعيش قلبي عليكي يابنتي حمزه كان متضايق اوي وكان كل اللي في دماغه الانتقام وبس 

باااااااك 

مع كل كلمه كان بيحكيها حمزه كانت أمه دموعها مش قادره تخليها متنزلش 

حمزه بوجع؛ قوليلي بعد كل اللي حصل ده ممكن انسى مستحيل وبعدين هي غبيه صدقت ان حتة قزازه بتعمل كده بتحقق أمنيتها بزمتك هي انسانة عاقله محدش بيحقق الأمنية غير ربنا كل اللي حصل كان لعبه ودفعت لي أهلها فلوس وكل حاجه حصلت زي ما انا عايز ان هي متعرفش حاجه هي كانت مسافره بره مصر تدرس ومتعرفش حاجه بس انا مستحيل اسامح وهاخد حق اختي بعد اللي عمله اخوها و سافر بره مصر لأنه خاف من اللي هعمله فيه و هرد كل إللي حصل في اختي بس بطريقتي 

 

تسنيم انصدمت من  كلامه وجريت ودخلت

 على اوضه تانيه و رمت نفسها على السرير وبقت تعيط بس فجأه مسحت دموعها وقالت بتحدي؛ انا بحبك ياحمزه وعارفه أن اخويا غلط بس وحياة حبي ليك لردلك اللى عملته يا حمزه استنى وهتشوف ياحمزه

 وبعد وقت كانت راحت تسنيم على الاوضه ولقت حماتها مش موجوده وحمزه لي وحده دخلت وفتحت الدرج ومسكت القزازة المكسوره وقربت من حمزه وقالت بخبث؛ وحشتني اوي ياحمزه بحبك اوي ياحمزه 

حمزه كان مستغرب طريقتها اوي لأنها اول مره تكلمه كده تسنيم حطت ايدها على كتفه وقالت له وهي بتوجه القزازه ليه وحمزه كان مستغرب اوي وقدمت القزازه له وحمزه خدها باستغراب وتسنيم قالت في ودنه حاجه وهو استغرب وقال كلامها

وبعد دقيقتين اغمى عليه وفجأه صحي على صوت صريخ جنبه بيستغرب وبيبص حواليه بيلاقي تسنيم ماسكة بطنها وبتصرخ وبطنها كبيره 

حمزه باستغراب؛ايه ده ازاي يعني كده مش فاهم حاجه 

تسنيم بصريخ؛ هوانت لسه هتستغرب قوم بسرعه الحقني انا بولد ياحمزه ودينى على المستشفى بسرعه 

حمزه بصدمه؛ نعم ياختي حمل وهتولدي كمان وحملتي ازاي وهتولدي ازاي هما الخمس دقايق اللى عدو دول لحقتي تحملي وكمان هتولدي ده انتي لو المرأه الخارقه مش هيحصل كده

تسنيم بصريخ؛ ايه الهبل اللى بتقوله ده مش وقته كلام دلوقتي الحقني بسرعه هولد

حمزه بيستغرب وبيشيلها وبياخدها على المستشفى وهو في حالة صدمه من اللي بيحصل ركبها العربيه ووصلو مستشفى قريبة وشالها ونزلها من العربيه ودخل المستشفى والممرضين خدوها بسرعه على اوضة العمليات وبعد وقت طلعت الدكتوره وقدمت ولدين لي حمزه وقالت بفرحه؛مبروك المدام جابت ولدين توأم 

حمزه بصدمه؛ نعم نعم توأم جبتيهم ازاي دول ينهار ابيض وفجأه بيغمى عليه وبعد شويه لقى نفسه على السرير بيفرح لأنه افتكر انه كان بيحلم لكن اتفاجئ لما لقى حد حط ايده على ايده 

حمزه بيبص بيستغرب وبيبص جنبه بيلاقي طفلين صغيرين عمرهم ييجي خمس سنين توام

حمزه باستغراب؛ انتم مين ياحلوين

الولاد باستغراب. فيه ايه يا بابا 

البارت الخامس 

حمزه برفعة حاجب؛ بابا بابا مين ياض انت وهو

الولاد بإبتسامه؛ بابا انت

حمزة بيستغرب ولسه هيتكلم دخلت تسنيم وهي لابسه هدوم شيك جدا قربت من حمزه وقالت؛ في ايه ياحبيبي هما الولاد هياخدوك مني ولا ايه ياحموزتي معقول قاعد معاهم ومبتسألش عليا ينفع كده

حمزه باستغراب لي تسنيم ؛ هما مين دول يا تسنيم 

تسنيم؛ في ايه ياحبيبي دول ولادك التوأم فارس وأسر ولادنا

حمزه بحسره؛ ازاي هما لحقو كمان يكبرو في العشر دقايق دول 

تسنيم بتقرب منه وبتحط ايدها على دماغه وبتقول؛ في أيه يا حبيبي انت تعبان 

حمزه بصدمه؛ انا مش فاهم حاجة حد يفهمني

تسنيم بهدوء؛ اهدى ياحبيبي وخلينا نعيش اللحظه 

 حمزه بيغمى عليه من الصدمه وبعد شويه بيفوق على صوت حد

 حمزه بيستغرب لما بيشوف شباب كبيره في سن العشرين توأم واقفه تسنيم جنبهم

حمزه بيستغرب؛ في ايه تاني مين بقى دول

تسنيم بدموع؛ دول ولادك يا استاذ ايه الست هانم نستك ولادك ولا ايه معقول تخوني ياحمزه  مع هايدي هايدي هايدي ياحمزه

حمزه باستغراب ؛ مالك بتتتكي على هايدي كده ليه يعني لو خنتك مع عفاف عادي وبعدين خنتك ازاي في الدقيقتين دول والعيال دول لحقو يكبرو امتى اصلا ومين هايدي دي

تسنيم بزعل؛ اه هتعمل نفسك مش فاهم حاجة ياحمزه وهتعيش اللحظه

حمزه بضيق.؛يخربيت هعيش اللحظه وبيغمى عليه

وفضلت تسنيم تعمل كده معاه لمدة اسبوع وفي يوم  صحي حمزه وانصدم من اللي شافه 

لقى اتنين توأم كبار في الثلاثين وتسنيم باين عليها انها عجوزه

حمزه بصدمه لي تسنيم ؛ هو انتي لحقتي تعجزي كمان والولاد يكبرو انا هتجنن حد يفهمني اللى بيحصل 

الولاد؛ اهدى يابابا لوسمحت 

تسنيم.؛ اهدى يا حموزه مالك متعصب كده ليه خلينا نعيش اللحظه ياحبيبي

حمزه بصدمة؛ ياختي ياختي اعع وبيغمى عليه 

وبيصحى مره بيلاقي نفسه في نفس المكان اللي قابل فيه تسنيم نفس المشهد نزل من العربيه واستغرب جدا 

تسنيم بجديه؛ انا كده خدت حقي منك سلام ياحموزه وعلى فكره مفيش حد بيحقق الأماني غير ربنا 

حمزه باستغراب :انا مش فاهم حاجة خالص يعني كل حاجه كدب طب  فين التوأم وفجأه بيلاقي التوأم الأطفال والشباب التوأم إلى عمرهم عشرين سنه والناس الكبيرة التوأم اللى عمرهم 30سنه

حمزه بيستغرب جدا وتسنيم بتفهمه انها كانت متفقه معاهم وحتى الدكتوره وقالت له انها عملت كده علشان هي سمعته وهو بيكلم أمه واتأسفت على اللى اخوها عمله وادت القزازة لي حمزه وجت تمشي حمزه مسك ايديها وتسنيم بتستغرب 

حمزه بحب؛ انا اسف وعلى فكره انا بحبك اوي ومش هقدر اعيش من غيرك صدقيني انا عارف ان الانتقام سيطر عليا بس ارجوكي تسامحيني 

تسنيم بضيق؛ وانا مستحيل اسامحك ياحمزه مهما يحصل معقول كنت عايز تفضل تقهرني لحد ما أموت نفسي وعايزني اسامحك مستحيل

حمزه بترجي؛ انا اسف والله العظيم انا بحبك سامحيني تسنيم بتبتسم له وبتقوله تمام مسامحاك يا حمزه وحمزة بيفرح اوي وبيديها القزازة وتسنيم بتستغرب وبيغمى عليها ولما بتقوم بتلاقي نفسها في قاعة فرح ولابسة فستان فرح وكل اللي حواليهم كانو مبسوطين 

تسنيم بحسرة لحمزة: تاني يا حمزه 

حمزه بضحك لا والله أنا المرادي مديكي حقنة

 هي اللي خلتك يغمى عليكي عشان المفاجأة دي وكمل بحب بحبك يا تسنيمي

تسنيم بفرحه وانا كمان بحبك اوي وبيحضنو بعض وأهل تسنيم بيعتذرو لبنتهم على اللي حصل ولحمزة وحمزة بيسامح لأنه عرف أن الانتقا*م هيدمر ناس ملهمش ذنب في حاجه ولحد كده خلصت القصة سلام يا حبايبي

رابط القصة

جوازة بطريقة مختلفة _ حكايات شروق للقصص الكاملة