للكاتبه: ريناد عمرو
البارت الاول
نبدأ قصتنا عند بطلتنا شروق وهية في مستشفي
شروق: حضرتك لف خليني اديك الحقنه واخلص احنا بقلنا ساعه في حقنه اومال باقي ال 14 هنعمل اي .... هتاخدهم وانا في القبر
الراجل العجوز:
معلش يا بنتي ... طب بصي عندك كونجستال شراب اطفال
شروق:
وربنا يا حج انت جي في عضه كلب ... مش عضة بيبي واي شراب اطفال دا .... احب افوقك للحقيقه المره واعرفك انك اد جدي الله يرحمه
راجل عجوز:
طب ما فيش اي حاجه غير الحقنه
شروق:
اشد في شعري لو اشد في شعري قولي ... خليك صريح معايا
الراجل العجوز:
لو دا هيخليني مخدش الحقنه انا ممكن اجي اشد معاكي عادي
شروق: لا انا كدا مش هشد في شعري بس ... انا كدا هطلع من هدومي كمان
راجل عجوز:
اه يا قليلة الحيا انا استحاله اخلي امقالك يدوني حقن
وبيسبها ويمشى
شروق: ااااه ... ان شاء الله تتحول كلب .... انا بدي في حقنه من واحده الصبح لاربعه ... دي لو حقنه شرجيه كنا زمانه خلصنا ... ويرتني ادتها
وبيدخل عليها مره واحده سيد ودا شغال في مستشفي الأستقبال
سيد: ادخل الا بعده يا ست دكتوره
شروق: وربنا ما دكتوره .... و في حاجه اسمهااااا باب عشان نخبط عليه زي باقي البنادمين
سيد: ماشي ماشي ... يعني ادخل الا بعدوه
شروق: دخل يا خويا دخل
.........................
وبيدخل بعدها ام مع ابنها
شروق: اتفضلي
سيهام : انتي دكتوره
شروق: لا انا ممرضه
الام: لا انا عايزه الدكتوره
شروق: هيا مش موجوده انهارده الصراحة
سيهام: يعني انا علي اخر الزمن اخلي ابني يتعالج علي ايد تمرجيه
شروق: اولا كدا ... لو مش عاجبك ممرضه انتي ممكن تقولي nurse ....
و احب اعرفك حاجه انا ممكن ابقي متعلمه حاجات متعلمتهاش الدكتوره ... حضرتك عمري شوفتي دكتوره بتدي حقن بلاش عمرك شوفتي دكتوره عارفه كل اسماء الادويه بلاش دي كمان...
كفايا ان احنا مبنقعدش طول اليوم وبنفضل في الشمس برا
.....
خلي بالك انا مجموعي كان يجيب دكتوره ... بس انا مش حابه اروح اقعد في مستشفي خاصه واوضه فيها تكييف وادفعك كشف بايش وشويات ... وفي الاخر مدكيش الدوا الصح ... وعموما الباب قدامك لو مش حابه تقعدي
سهام:
خلاص بصي انا ابني كل يوم يسخن ومش بياكل حاجه خالص فممكن اديله ايه ينزل السخونيه دي
شروق: لا انا كدا لازم اشوف زورو وتمسك شروق حاجه عمله زي العصايه الصغيره وتفتح بوق الطفل ....
لا لا ما فيش حاجه دا بيسنن بس ......
ومره واحده الطفل تف عليها
سيهام:
احم اخليكي فاكره ان الاطفال احباب الله
شروق وهيا بترملها ابنها ...
بصي يا بنت الحلال اكلي ابنك كتير ودي حاجه عاديه و لو علي حراره فجبيله دا تمام
سهام: تمام
ومشيت سهام وشروق قالت
: هيا ناس قليلة الذوق ولا انا الي متربيه.... و لا احنا بقينا مجتمع هبل و لا في اي
سيد وهو بيدخلها تاني زي الحراميه
شروق بسرعه :
وربنا ما عملت حاجه ...
وبعد ما شافت سيد .....
انت يا كلب انت اي الدخله دي انت لو ماسكني بخونك مع صاحب عمرك مش هتدخل كدا ....
انت باين معندكوش ابواب في بيتكو
سيد: ادخل الي بعدو
شروق:
دخل عقبال ما يدخل فيك ترله صاحبها اعور واحول وبرجل واحده
سيد: بصوت عالي.... الا بعدو
البارت الثانى
ودخلت عليها ست عجوزه
شروق باحترام
: اتفضلي يا أمي استريحي
=امك في عينك دا انا اصغر منك
شروق: نعم يا حجه
= هترجع تاني تقولي حجه دي باين اتعمت
شروق: معلش خوديني علي قد عقلي انا الا حجه ومليون حجه
= انا محسبوتك زينات
شروق:
اتشرفنا بيكي يا محسوبتى زينات
زينات: شرف ليا يا اوختشي
شروق: حضرتك بقا بتشتكي من اي
زينات: يالهوي يا اختشي ... ما اسميش لا حضرتك ولا يا حجه
شروق: حاضر يا زينات بتشتكي من اي بقا
زينات: بصي يا اسمك اي انا لحد قبل ما اتم التسعين وانا كان عليا حتة رقص.... دلوقتي يدوبك بزغرط دقيقه بالعافيه فعايزه اي حاجه ترجع الذي مضي
شروق: اه يعني انتي لحد تسعه وتمانين سنه كنتي بتعرفي ترقصي .... وانا الي مكلمتش 25 سنه باخد مقويات عشان اكمل اليوم
زينات: ايد بقا احنا ابتدينا غيره ولا اي
شروق: بصي يا حجه ..... الحاجه الا اقدر اقولهاك ...... اعملي حاجه لأخرتك زي مثلا الحج والتوبه ... ولو مصره علي الرقص كدا .... العبي باليه و ساعتها هتبقي نيلي كريم زمانك
زينات: تصدقي عندك حق
شروق: يلا يا حجه خدي نفس وامشي
زينات: يلا بقا جود نايت سويتى اروح الحق النايت كيلب
شروق: ربنا معاكي يا شيخه ...
وبعد ما الست مشت من قدامها ...
اللهى ربنا يخليلك في كل طريق جنزبيل ... يارب و انتي ماشيه يدوسك عربيه بحمار تجيب اجلك
سيد: اجبلك الي بعدوا يا استاذه
شروق : انسى خلاص ....
بص قول لدكتور الا مشغلك اني مستقيله ولا اقولك انا هقولو اني مستقيله.... وهقولو يرفضك وابقي ضربت عصفورين بحجر واحد
وبعد وقت راحت شروق عند عمتها
شروق: عمتو يا عمتو يا عمتووووووووو
عمتها ياسمين:
اي يا عبيطه امك تعبانه و لا اي
شروق
لا ما فيش حاجه يا عمتو بس فين ابن الهبله ابنك
عمتها: تصدقي بالله لا امك و لا ابوكي و لا ابن الهبله الا برا دا عرفوا يربوكي
شروق: يعني هو فين بردو
ياسمين(عمتها): اهو في الجنينه برا روحيلو بس منغير مصايب.
شروق: ههههه انت تعرفي عني كدا
ياسمين: لا طبعاً دا انتي نسمه
وخرجت شروق تسحب لحد الجنينه
واول ما بقيت ورا زيدان كبت عليه ازازاة المايه
زيدان بخضة
: انتي جيتي
شروق: مسا مسا يا ودان عامل اي يا راجل ليك وحشه والله
زيدان: قولتلك مبحبش الدلع دا
شروق: بلا دلع بلا بتنجان بص يا ابن الناس انا مش رايحه المستشفى بتاعتك دي و لا معتباهاا .....
انا خلاص شوفت كائنات خارقه بما فيه الكفاية انا شايفه اني اعتزل الناس واعملك بلوك اسهل
زيدان: كل دا عشان يوم واحد اومال لو بتروحي كل يوم
شروق: كنت قطعت علاقتي بيك انا اصلا قرفانه من التمريض كله.....
انا ايه الا دخلني تمريض مالها تجاره .... دي حتي تجاره حلوه
زيدان: 2×8 بكام
شروق: سهله هتبقا عشره
زيدان : عارفه انتي حرام حتي تعدي من قدام كلية تجاره
شروق : اتنمر اتنمر اه ما انت دكتور
زيدان: غيرانه باين علي وشك
شروق: خلي بالك انا كنت شاطره جدا في الثانويه العامه
البارت الثالث
زيدان: علي يدي انتى هتقوليلى.
شروق: لو مش فاكر افكرك
نرجع فلاش باك
كانت شروق عامله كاحكتين .....
وقاعده مربعه و فارشه كل الكتب حواليها وبتاكل مانجا
شروق: ياااااه.... حته المانجا دي طعمها حلو اوي اوي ... بقولك هاتي كدا الكيس تاني
الام: بقولك اي يا بت انتي ... انا مانجا و جبتلك و عنب واكلتك ... وتقوليلي يا ماما انا عايزه عصير لمون ... عملتلك جردل عصير لمون امتي بقا ناويه تذكري
شروق: يا حجه مش انتي ليكي النتيجه
الام : ااه
شروق: يبقا متوجعيش دماغك يا حجه و بكره تشوفوني و انا اكبر دكتوره و اعالجك ببلاش انتي و بابا
الام: بتفولي علينا يا بنت ال
شروق: اكسري بقا في معنوياتي خليني معرفش افتح كتاب.
الام بغيظ: اممممم انتي هتجلطيني بدري يا بت
شروق: براحتي يا ماما انا اجلطك دلوقتي واعالجك لما ابقا دكتوره شروق
الام: خوفي بعد الادغال و قفص المانجه دي كلها في الاخر متطلعيش دكتوره
شروق: ماشي ماشي قومي افتحي الباب بقا
الام: هو بيخبط
شروق: دا بقالو ساعه يا ماميتو
الام بعد ما فتحت الباب ...
ادخلي يا ختي انتي كمان
نور: ازيك يا ديجا عامله ايه
الام: الحمدلله يا قلب ديجا اجبلك بقا االمكرونه البشاميل ولا تدخلي تاكلي مانجا مع البت الي جوا دي
نور: انا جايه اذاكر بس مبدهاش بقا لو دوسنا في الاتنين ...
اقطعيلي كدا خرطة مكرونه اكون انا خلصت اكل مانجا اهو نذاكر علي روقان
الام: انا بربي بقر والمصحف
نور: حببتي تسلميلي ... يلا بقى هدخل انا اكل مانجا قبل ما تخلصها
الام: ادي دقني اهي لو واحده فيكم عدت من الامتحان ....
دي لو عدت من باب الشقه بكميه الأكل دي
نور: لا يا ديجا يا حببتي قولي لبنتك انا عن نفسي مبتخنش
الام: غوري ادخلي جوا جتكم البلا انتو الاتنين
ودخلت نور
شروق:: نور وحشاني والله
نور: الثانويه فرقتنا
شروق: حصل دا احنا بقلنا تلت ساعات متكلمناش
نور: اه من غدر الايام انا قولت بردو لازم اطمن عليكي اتخضيت لتكوني بتذكري كدا ولا كدا من ورايا
شروق: عيب عليكي انا دكتوره شروق مش بذاكر انا
نور:دا انتي لو بتصححيي ورقه امتحانك مش هتبقي كدا ...
عارفه انتي لو الوزير اخوكي في الرضاعه مش هتبقي واثقه كدا
و يدخل عليهم زيدان وهو بيقول
زيدان: مانجا من غيري عليكم اللعنه
شروق: الا هيمد اديو هقطعهالو
زيدان: نتنه
شروق: اخرس يا ودان ويلا روح ذاكر ومتنساش البرشام ها
نور: اه بالله عليك يا شيخ دا انت برشامك بيطلع اجيال
زيدان: لا ما فيش برشام النهارده
شروق: لا متعملش معايا كدا يا زيزو ....
دا بكره امتحان الفزيا الا مفتحتهاش من اول سنه
زيدان: اخرجي بقا من حقل المنجا دا وروحي ذكري
نور: طب انت ذكرت يا باشا
زيدان: ايوا
شروق: يبقا الحمدلله انت معايا كدا كدا في نفس الجنه
نور: ااندال هو عشان انا حرف النون ومش معاكو في اللجنه تبعوني كدا
زيدان: هو انا مقولتلكيش
شروق: لا وربنا ما قولت حاجه
زيدان: انا اتنقلت من الجن ...ه رقم جلوسي بقى في لجنه 7
نور: ضاع حلم الدكتوره يا شروق يا اختي
شروق بتوتر : انا قررت قرارا مصيري
نور وزيدان: اي
شروق: اانا قررت اذاكر
نور: بيجاد
شروق: ااه وربنا والي هيذاكرلنا الواد زيزو
زيدان: ماشي يلا
وراحوا كلهم يقعدو علي التربيزه
زيدان: انا اول حاجه كدا لازم اعرف مستواكم فخدو حلو المعدله دي
نور: وربنا انا ما شوفت الرسمه دي طول حياتي
شروق: اي صفر اتنين دي
زيدان: لا متقوليش ... انتي علمي ومش حافظه حاجه ... بصي هو مفيش وقت احفظك العناصر
شروق: اي العناصر دي
زيدان: انتي مش عرفه المبادئ اصلا
شروق: وربنا ما اعرف اي البدايئ دي
زيدان: بدايئ لا دي السهره هطول
وبعد ساعات من العناء الطويل
زيدان: فهمتو حاجه
شروق وهيه بتنام...
انا عرفت ان الاكسجين اختصاره O
نور وهيا بتاكل سندوتش في بوقها:
انا بقا عرفت ان الماء H2O
زيدان: الله اكبر ادي وشي اهو لو عديتو السنادي
نور: فال الله و لا فالك اذكر النبي كدا في سرك
شروق: عارف يالا بدل الوقت الي انت قعدت تقول فيه كلام غريب دا ... كان زمانك كتبت برشام ومتعبناش احنا التلاته كل التعب دا
زيدان: اااااه قلبي انا بتجلط
شروق: ماما يا ماما هاتيلو عصير لمون عشان يطري علي قلبو
نور: هيا الساعه كام دلوقتي
الام بعد ما جت بالسندوتشات: االساعه 5
نور: االمغرب
الام: لا خمسه الفجر
نور: يالهوي يالهوي يالهوي غطوني وصوتو عليا
شروق بعد ما حطت عليها فوطه المطبخ:
يالهوي يا خرابي يا مصبتي
نور: جتك القرف بتحطي عليا فوطة المطبخ .... خلي بالك يا تنط بنتك اكيد عايزه تموتيني عشان مطلعش دكتوره
زيدان: اااه اانا لو بشرح لبهايم كان زمانهم فهمو ... من خمسه المغرب لخمسه الفجر بنشرح وانتو خراتيت قاعده
شروق: لاحظ ان كلامك جارح
زيدان: جارح ما انتي لو بيقصر فيكي حاجه كان زمانك طلعتي بمعلومه واحده من شرح 12 ساعه
شروق: خلي بالك نور كمان مافمتش هذا يدل ان شرحك انت الا وحش ميخصنيش بقا
زيدان: بصي يا مرات عمي بنتك مش هتكمل دكتورة بهايم حتي ... ابقي تفي علي قبري لو عدت السنادي
شروق: يا بني دا انا دكتوره شروق افهم بقا
زيدان: وانتي يا نور الكلب
نور: لا انا قررت اني مش هروح امتحان بكره و اجيب عربيه بطاطا واشتغل علي العربيه وتبقا يا معسله يا بطاطا
زيدان: متنسيش تجيبي لأختك بقا عربيه جرجير جمبك
شروق: بتتكلم عني انا
زيدان: لا عن امي
شروق: اي دا .... انت تبقا شحط كدا وتخلي امك تشتغل علي عربيه جرجير
زيدان: لا كدا كتير ....
و كمل وهو ماسكها من قفاها ...
قصيره وقولنا عادي بكره تطول...
غبيه في المذاكره وقولنا مش اشكال .... اما توصل بيكي انك تبقي غبيه في الحياه ...كدا بقا انا لن اسكت
شروق: لو سمحت سيب التشرت ويلا كل واحد بيتك بيتك بقا عشاان ننام
نور: بقا عندك دم تنامي وانتي لسه حتي ما فتحتيش كتاب
شروق: اديني فتحته اتنيلي بقا
نور: لا ما انا بايته معاكي
الام: تنوري يا حبيبتي
زيدان : وانا كمان هبات هنا
الام: تنور يا حبيبي
شروق: هامشي انا يا ماما
الام؛ في ستين داهيه يا حببتي
شروق: االست دي امي الست دي امي
الام: خلاص بقا ادخلو نامو
شروق: احنا هنقسمها قسمة العدل
زيدان: ماشي لما نشوف
شروق: انا و نور ننام في الاوضه علي السرير
زيدان: وانا ادخل انام فين
شروق: لا انت روح عند امك
زيدان: مكنش العشم
شروق: عمك عشم مات
نور: انا شايفه ان احنا ننام في الاوضه وانت علي الكنبه هنا ... اهو حتي ننزل كلنا الامتحان مع بعض
زيدان: اشمعنا انا بقي انام علي الكنبه
شروق: انت عايز تنام في اوضتي ...
و تسبنا احنا ننام هنا في الصاله وفي ولد في شقه وهو رايح وهو جاي يشوفنا
البارت الرابع
زيدان: طب ما انا كدا كدا الل بدخل اصحيكي ويارتني بشوف موزه ولا حتي ملاك ...
دا انا بدخل بلاقيكي دراع في حته ورجل في حته ...
و لا شعرك بتبقي زي الغورله استغفر الله العظيم يارب ..
انا كدا بظلم الغورلا معايا
شروق: تصدق بالله انا لو مش شايفاك دلوقتي اربعه كان زماني ضربتك ...
بس المشكله انا دلوقتي مش عارفه مين فيهم الاصلي
نور: هههههه دي بتهلوس ... يا بنتي اصلا زيدان في منو سته مش اربعه بس
زيدان: لا باين ان هيه الا بتهلوس انا من راي تدخلو تنامو
شروق بعد ما قربت منه اوي ...
زيزو يا زيزو
زيدان: نعم
شروق: وهيا بتقربلة اكتر ...
بقولك اي ما تشيلني
زيدان بصدمه : نعم
شروق بعد ما سندت راسها عليه:
انا مش عايزه انام
زيدان:
انا طالب العلم مش طالب المرمطه ...
وقام شايل شروق
نور؛
خودني في إيدك يا كابتن
زيدان حط شروق علي السرير و غطاها وخرج
الام: يلا يا حبيبي نام عقبال ما الامتحان يجي
زيدان: لا ان هقعد اراجع لحد الامتحان
وعدى الوقت وجه الامتحان
شروق: ااااه زيدان يا زيزو
زيدان بخضه:
ايه الامتحان راح عليا
شروق: لا لا لسه فاضل ربع ساعه
زيدان: بس
شروق: ااه
وطلع زيدان يجري برا البيت
شروق: ههههه لسه فاضل ساعه ونص
ودخلت شروق صحت نور ولبسو ونزلو عند زيدان
شروق: عمتو يا عمتو
ياسمين: اييييي
شروق: فين ابنك
ياسمين: يا عيني عليه... الواد نازل وشه اصفر انتو كنتو بتعملو فيه ايه
شروق: بنشعقلو من صباع رجلو صغير
ياسمين: يا ضانيا يا بني خدوك لحم وبعوك عضم
نور : متخلصي يا طنط هو بيعمل اي كل دا
ياسمين: الواد قاعد بيذاكر جوا دا قرا. الكتاب كلو في ساعه
شروق: ااه طبعا مهو لازم يقرأ الكتاب كله... عشان يناسب سكرتير لدكتوره شروق
نور: وانا وانا
شروق: ونور
ياسمين: ماشي ماشي ادخلو بقا جبوه لحسن بقالي ساعه بقولو يخرج يفطر وهو مصمم يقرأ الكتاب تاني
شروق: سبولي الطلعه دي
ودخلت شروق عند زيدان
ومره واحده تنط علي ضهر زيدان
زيدان: اوعي يا عجله انتي
شروق؛ يلا يالا ننزل بدل ما يضيع علينا الامتحان
زيدان: انزلي طيب
شروق: مش نازله و اعلى ما في خيلك اركبه
زيدان اضطر يخرج بيها لبرا
ياسمين: عفارم عليكي يا بت تربيتي
نور: روميو وجوليت يا خواتي
زيدان؛ دي عيله رخمه اصلا ضهري ورم
شروق: انت الا عيل خرع
نور: المسلسل تركي دا هيخلص امتي انجزو ورانا امتحان
شروق: طب وربنا ما نازله لحد ما نوصل المدرسه
زيدان : دا في احلامك
شروق : ماشي طب لو نزلتني انا هخاصمك و مش هكلمك تاني و تبقا خصومه للأبد
زيدان : صبرني يارب علي ما بلتني
شروق : قولت اي
زيدان : قولت ماشي يكشي نخلص بقا
شروق: حبيبي يا زيزو حبيبي
وعدت الايام وجه يوم النتيجه
زيدان: يارب اطلع دكتور
نور: يارب و انا كمان
زيدان: يارب انا تعبت
نور: يارب انا كمان متبعتش
زيدان: ييارب خدها
البارت الخامس
نور: يارب خدني... بقى بتدعي عليا يا ابن ياسمين
زيدان؛ مالها يا بنت ريهام
نور: مالهاش يا اخويا
زيدان: غوري بدل ما اشوتك...
وفين البت البارده التالته
شروق : انا هوووووو
زيدان: وربنا انتي لو وثقه انك ناجحه ما هتعملي كدا
شروق: يا بني انا الوزير هيكلمني ويقولي دكتوره شروق
زيدان: بكره نقعد جمب الحيطه و نسمع الزيطه
شروق: مش هرد عليك
ومره واحده زيدان جاب النتيجه وقال بفرحه: انا جبت 98 ٪
ياسمين : االف الف مبروك يا حببتي
نور: 80٪ هاااااا
ياسمين: دول ميدخلوكيش طب بشري
نور: مش مهم المهم هدخل طب
زيدان: ااحم امسكي اعصابك يا شروق
شروق: مسكتها
زيدان: اانتي جبتي 70٪
مامة شروق:
اه يا بنت الجزمه بعد كل دا 70٪
شروق: يالهوي يالهوي يالهوي انا كدا ملحقش معهد سنتين
ومره واحده دخل عليهم سكان العماره
واحده منهم قالت
= دكتورتنا جابت كام
مامة شروق: االحمدلله يا ام محمد
واحده تانيه: ككام يعني
شروق: ما قلت الحمدلله يا وليه ودكتوره شروق هتفضل الدكتوره شروق
وكل دا و زيدان قاعد بيضحك
ام محمد: ييعني كام في ميه
شروق: ملكوش دعووووووه...
ودخلت علي اوضتها ووراها زيدان
زيدان: اي يا بنتي مالك
شروق بدموع
يعنى انا كدا مش دكتوره
زيدان:
جايه تعيطي دلوقتي بعد ما خلاص النتيجه طلعت
شروق بدموع
فوقت متاخر
زيدان:
طب خلاص. متعيطيش
شروق: ملكش دعوه و اطلع برا
زيدان سحبها لحضنه وقالها: متزعليش يا هبله كلنا هنا جمبك
شروق بعد ما اتكسفت
: ما توسع كدا يا بابا اكسجين
زيدان: ابو شكلك بصحيح
ونرجع من فلاش باك
زيدان:
هههه دا احنا دفعنالك فلوس عشان تدخلي تمريض اصلا
شروق: طب وربنا لنا ماشيه دا انت عيل بارد
زيدان: تعالي يا هبله
شروق ...
بقولك ايع فكك مني
زيدان بعد ما مسكها من قفاها ..
احنا امتي هنتجوز
شروق: طنط بتناديني
زيدان: ابوس إيدك بقا احنا بقلنا ٥ سنين مخطوبين امتي نتجوز
شروق: والله حدد مع بابا
زيدان: يعني انتي موافقه
شروق: حسب يعني مثلا لو كل واحد يقعد في اوضه لوحدو وفي سرير خاص بيه ...
محدش يسأل التاني رايح فين ولا جي منين و ليا حريه اختيار هدومي يبقا ماشي
زيدان: احنا كدا مش هنتجوز احنا كدا هنلعب عريس وعروسه بس عموما موافق و بما اننا كاتبين الكتاب فالفرح يوم الخميس
الجاي
وتعدى الايام وييجى يوم فرح الصبح
زيدان بفرحه ...
النهارده فرحي يا جدعان انهارده فرحي يا جدعان عايز الكل
ياسمين: ييا بني اهدي كدا ... دي البت معملتش كل دا
زيدان: مهي مستنتش من ساعة ما انولدت انها تتجوزني
ياسمين: يااااه رومانسي اوي
زيدان ... بس هيا فين كل دا
ياسمين: ااحم مش عايز اصدمك بس هيا نايمه
زيدان بصدمه : ننعم
ياسمين:
بهزر بتجهز مع نور فوق
زيدان: نور دي رشقلنا في كل حياتنا
نور من وراه: مالها نور يا استاذ زيدان
زيدان: مالهاش
نور: خلي بالك عروستك موزه بس انت بجد موافق علي الهبل الي هيه بتقولو دا
زيدان:
للا طبعا بس مش قادر استحمل خمس سنين كمان فقولت اما اسكتها وخلاص
شروق بفستان الفرح:
بقا بتضحك عليا طب مش هتجوز
نور: شوفتي قولتلك انو بيضحك عليكي
شروق: جوازى باظ
الجواز باظ
زيدان: بقا انا تعملو عليا خطه يا كلاب وطلع جري وراهم بالجزمه
شروق
عيب اوي لما اكون عروسه موزه كدا وعريسي بيجري ورايا بشبشب
زيدان:
لا يا حببتي انت مقامك عالي انا بجري وراكي بجزمه
نور : يا عم متحرجناش قدام المعازيم كدا
زيدان: وربنا ما هسكت غير لما الجزمه دي تنزل علي دماغكو دلوقتي
واحده من المعازيم:
هيا جوازه باظت ولا اي يا جماعه
واحده تانيه: عرسان اخر زمن
مامة شروق : متستهدو بالله كدا يا جماعه دا شيطان ودخل ما بينكم
نور: اتصرفي يا شروق الكلب
شروق بعد ما وقفت ...
بحبك يا ابن المجنونه
زيدان وهو بيشيليها: بعشقك يا هبله
وبعد ١٠ شهور
شروق:
ااااااااه الحقني يا ودان انا بولد
زيدان: نامي يا حببتي ربنا يهديكي
شروق: اصحي يا متخلف بولد
زيدان: صدقيني لسه
شروق: انت هترغي الحقني وانت ساكت
زيدان: ااعمل اي طيب
شروق بسرعه ...
شلني وديني المستشفي
وقام زيدان شالها ولسه هيخرج
شروق: اااه مش قادره هتخرجني بقميص النوم
زيدان: اه صحيح
وقام ملبسها الأسدال
وفي مستشفي خاصة بعد ما دخلت شروق العمليات
زيدان كان رايح جاى وهو بيقول
زيدان: يارب بنت لا لا انا عايز ولد بس البنات حنينه .. بس الولد سند يارب جبلي توام
وخرج الدكتور وزيدان راحله
زيدان: مراتي عامله اي يا دكتور
الدكتور: االحمدلله تمام و أولادك تمام
زيدان: اولادي
الدكتور: الف مبروك المدام جابت خمسه توام
زيدان: اازاي
الدكتور: ربنا بقى وقدرته
زيدان: يارب انا قولت عايز توام مش حضانه
الدكتور: عقبال الخمسه الجاين
زيدان: اه مهي خربت طب هما فين
الدكتور: مع الممرضين جوا
زيدان: ومراتي
الدكتور: اكيد مش في جيبي كلهم جوا في الاوضه
زيدان: اه تصدق صح بس انا المفروض اقولها اي دي مكنتش عايزه تجيب واحد جابت خمسه
الدكتور: انا مالي دي مراتك انت وربنا
زيدان: تصدق عندك حق
ودخل زيدان الاوضه
شروق:
جبت بنت ولا ولد
زيدان: الاتنين
شروق: يالهوي هربيهم ازاي
زيدان: للمصداقيه انتي جبتي خمسه
شروق: خمس اي
زيدان: احم خمس اطفال
شروق: استني كدا يمكن ميغماش عليا
وقامت فاقده وعيها
زيدان بدموع.: ابوس إيدك ما تموتيش دلوقتي ... استني حتي ربي اتنين مين دلوقتي يرضي يتجوزني بخمس عيال
شروق بعد ما فتحت عنيها ...
بقا عايز تجوز يا زيدان الكلب
زيدان: انا اقدر يا باشا
شروق: انت مش ناوي تقول حاجه كدا في اخر القصه نقفل بيها
زيدان: كانت جوازه سوده ومنيله محدش يتجوز قريبته تاني
رابط القصة