الڪاتبة/سلسبيل محمد
رواية/الباشا تلميذ
~~~~~~~~~~
نبدأ قصتنا عند بطلتنا زهراء وهي فالمطبخ بتحضر الفطار لوالدها اللي بيبلغ من
العمر 52 سنة و خرجت و حطت الفطار على التربيزة و دخلت عشان تصحي والدها
زهراء/بابا يا بابا اصحى يلا يا حبيبي حضرتلك الفطار
والدها واللي اسمه(اسامه): ايوا يا حبيبتي صحيت و قام وقعد على السرير و هو
باين عليه النعاس و كمل كلامه وقال انتي بردو مش هتفطري معايا
زهراء/معلش بقا يا حج انت عارف الشغل لازم انزل بدري عشان متأخرش
اسامه/ماشي يا بنتي خلي بالك على نفسك
زهراء/حاضر يا بابا
ونزلت زهراء و خرجت من عمارة بيتها اللي في حارة شعبية لي تصادف البلطجي بتاع
حارتها واللي اسمه (فتحي)
فتحي/ازيك يا ست البنات مش ناوية تحني يا عسل ولا ايه
زهراء/حلك مني يا فتحي و ملكش علاقة بيا
فتحي/ليه بس يا زهرة حياتي دا انا شاريكي
زهراء بردح/شاريني ايهه يا محشش يا رد السجون ملكش علاقة بيا يا فتحي عشان
مخليش جزمتي تعلم على قفاك
فتحي/ انتي بتكلميني انا كده يا بت انا المعلم فتحي على سن ورمح و مش ست
تكلمني كده وانتي ليا انا ولو مش النهاردة يبقى بكرة يا زهراء
زهراء/اعلى ما في خيلك اركبه يا فتحي
ومشيت زهراء علشان تروح للمدرسة اللي علي اول شارعها
و دخلت الفصل اللي موجود. فيه رجالة و شباب من محو الامية واللي كان عددهم
ما يقارب 5 افراد و بعد ما دخلت القت عليهم السلام وبدات في شرح الدرس ولفت
مرة واحده علشان تسأل و بصت لواحد واللي اسمه (حماصة)
زهراء/ بقولك ايه يا حماصة قولي كلمة بتبدأ بحرف الالف
حماصة/ العب بليه
زهراء بعصبية/انت بتهزر يلاااا يعني انا بحرق في دمي علشان اعلمكم و تيجي تقولي
العب بليه و اقولك قولي حاجة بتبدأ بحرف الفاء تقولي فراخ بانيه حماصهه
متجننيش يا حماصهههه
حماصه/يوه يا ابلة ما انتي اللي بتسألي فا بقولك علفكرة انا مزاكر
زهراء/ لاء واضح يلاا
واستغفرت ربها و رجعت لفت عشان تكمل الشرح و تحت عند مدخل المدرسة كان
واقف بطلنا عمر و صاحبه خالد
عمر/ خالد هو انت متأكد انه هيشغلني
خالد/يبني متخفش زي ما شغلني هيشغلك
عمر/طيب يلا نروحلوا
خالد/لاء الاول نروح عند ابلة زهراء
عمر/مين ابلة زهراء دي كمان
خال/دي مدرسة لمحو الامية و المعلم فتحي بيودي رجلته هناك وانا من رجالته
وعندي حصة دلوقتي فاهتيجي معايا يلا عشان احنا متأخرين ربع ساعة بحالها و هي
دلوقتي هتاكلنا
عمر/هتاكلنا......انت بتخاف من واحده ست يا خالد ياخي احترم شنبك اللي في وشك
ده حتى
خالد/يابني مش وقته انجزز
عمر/ماشي طيب يلا
طلع خالد وعمر و دخلوا و كانوا واقفين وراه زهراء وهي بتزعق لي حماصة لي
خامس مرة في ربع ساعة
زهراء/ يالهوااااااااي ارحمني يبن الجذمة انت حمااااار مبتفهمش ولا شكلك كده
حماصة: يوه يا ابلة متسألنيش تاني بقا يا ابلة لو هتزعقيلي على كل اجابة اقولها
عمر كان واقف وراها و مصدوم من الكائن الغريب اللي قدامه هي بنت جميلة و
حلوة بس الشخصية الله واكبر عليها خايف يحسدها عليها
خالد: احم احم ادخل يا ابلة
زهراء لفت و بصت لخالد بكمية غضب داخلها/ما انت دخلت يا اخرة صبري مستني
اذني هو انت متعلمتش الادب متعلمتش انك تخبط على ام الباب ده اومال هما
عملوا ليه مش عشان نعمل كده و خبطت على الباب و مين البأف ده
عمر بصدمه:/بأف
خالد/ده صحبي عايز يتعلم فا قولتله مفيش غير زهرة البنات القمر ابلة زهراء
عمر ميل عليه/ بطل كدب بقا هتموت محروق
زهراء/ بتقول حاجة
عمر: لاء مقولتش
زهراء/ اترزعوا يلا و لسة هتلف رجعت بسرعة وقالت لخالد: هات وريني واجبك قبل
ما تدخل بلا
خالد وهو بيتلجلج فالكلام: اه...الواجب.... اه.. اصل... بصي.. بصي.. اصل.. هو... انا
زهراء وعنيها بطق شرارر: اصل ايه وبصي ايه انت معملتش الواجب يا خالد
خالد/ نسيت الكراسة فالبيت نزلت متأخر انا اسف
زهراء/انا المفروض كده اصدق انا حفظااك يا خالد معملتش الواجب ليه لخص
خالد/ اسف يا ابلة
زهراء/ خالد متجيش تاني علشان مرارتي بتتفقع
خالد/لاء لبه يا ابلة هعملك الواجب
زهراء/الواجب لو مجاليش الحصة الجاية قول على نفسك يا رحمان يا رحيم
و رجعت تكمل الشرح
وفي الديسك الاخير
عمر/هي الحصة ديه هتخلص امتى انا زهقت
خالد/ لسة ربع ساعة
عمر/يختاااي انا هفضل قاعد مستني كل ده
خالد/ يعم بقا اسكت شوية وخلاص بقا علشان لو شافتنا بنتكلم مش هيحصلنا
خير
عمر/انتوا ليه بتخافوا منها دي بنت هتخافوا من واحده بنت يعني
خالد/ يعم وانت مالك انا بخاف من بنت اسكت بقا
علشان يلاقوا زهراء فوق دماغهم و واقفة و بتبصلهم بعصبية
زهراء/يعني انا عاصرة على نفسي لمونه و بشرح لي شوية بهايم و فالاخر الاقيكم
بتتكلموا
خالد/والله العظيم هو اللي كلمني
عمر/انااا يا كداب والله هو يا ابلة زهرة
زهراء/يعني مشكفاية بتتكلم بتغلط في اسمي.. اسمي زهراء
بصتلهم بقرف يلا اتفضلوا براا
خالد/ الحصة خلصت؟
زهراء/ لاء يا زكي مكروشين متجيليش هنا تاني انت و البأف اللي جمبك ده و كمان
متجبش المعلم بتاعك عشان لو اتنططوا كده مش هدخلك اهو شفت بقا اول يوم
و كرشك
خالد/لا والله يا ابلة خلاص اخر مرة
عمر و هو بيشد خالد: خلاص يلا انت هتتحايل على وحده بنت هي اخر ابلة على
كوكب الارض
و مشيوا ولما نزلوا لتحت بدأت المعركة
خالد/ انت غبي يلا انت غبي يا متخلف كرشتنا يا متخلف هنعمل ايه احنا دلوقتي يا
فالح
عمر/هو فيه ايه نازل فيا شخت كده ما خلاص....هات سيجارة
خالد و هو بيضرب كف على كف و بيمشي/ لا حول ولا قوة الا بالله ارحمني يا رب
ارحمني
عمر و هو بيجري وراه قبل ما يمشي/ يابني خلاص والله اقف بقا اسمعني دا انت
بارد اوي
خالد و هو بيقف و بيبصله بعصبية و بقرف: يا نعم
عمر/ وديني عند المعلم فتحي
خالد/تؤ تؤ علشان تكرشني كمان من الشغل اللي حلتي
عمر/ شغل ايه اللي حلتك اش حال انك شغال مرشد للمباحث
خالد/ييا عم اهو كلام بنقولوا و خلاص
عمر/طيب يا عم هات السيجارة بقا
خالد/ اتنيل خدها اهي
قعده على قمه الحارة و كان عمر بيشرب السيجارة و جمبه خالد لحد ما لقوا الشباب
و الرجالة نزلوا و خلصوا...اتوجهوا الشباب نحية خالد
حماصة و هو بيسلم على خالد و بيبوسه/ازيك يا حبيب اخوك
خالد/الحمدلله ياقلبي
حماصة/ مين الشبح بقا و كان بيبص لعمر
خالد/دا صحبي واخويا متربيين سواه اه اسمه عمر
حماصة و هو بيسلم على عمر/احلى مسا عليك اعمر
عمر/احلى مسا عليك يا اخويا
و لقوا زهراء نازلة من المدرسة و ماشية قاموا مشيوا هما كمان و كانت زهراء
ماشية قدامهم عشان يلاقوا المعلم فتحي بيوقف زهراء
فتحي:ايه زهرة حياتي يا سكر محلي
زهراء: فتحي هو انت مبتزهقش مبتتعبش
فتحي: انا شاريكي و هقعدك في البيت معززة
مكرمه
زهراء/لاء يا فتحي ابعد عني و روح شوف بنت
تانية تقبل بيك لاني مش البنت اللي تقبل بيك
فتحي/الله الله فيه ايه يا زهرة حياتي انا هستتك
فالبيت و تبقي حرم المعلم فتحي
زهراء/وانا مش عايزة يا فتحي فكك مني بقا
فتحي/يعني ايه مش عايزة بقولك ايه يا زهراء
انتي بتاعتي و طالما المعلم فتحي حط حاجة في
دماغه و عايزها يبقى هياخدها غصبن عن اي حد
انا المعلم فتحي يابت على...
زهراء/انت المعلم فتحي على سن و رمح حفظتها
خلاص ابعد عني يا فتحي لاخر مرة هقولك و
خلي عندك كرامه يا اخي بقا
فتحي و هو بيمسكها من ايدها جامد / قصدك
ايه يا بت اسامه العطار اني معنديش كرامه
طب ايه رايك بقا انك متربتيش وانا اللي هربيكي
ولسة هيضربها بالقلم بس لقى ايد بتمسكه
وكانت ايد عمر و خالد راح و بعد فتحي عن زهراء
و اتكلم عمر وقال:-
عمر/اهدى يا معلم مفيش رجالة بتضرب ستات
بردو
زهراء بردح/يمد ايده عليا ده ايه خليه يجرب وانا
انزل شبشبي يسلم على وشه لانه راجل مترباش
فتحي/تنزلي شبشب ايه على قفايا يا ولية انتي
اتجننتي
عمر و هو بيبعد فتحي عن زهراء و خالد بص
لزهراء و قالها
خالد/ابلة زهراء اطلعي على بيتك دلوقتي يا ابلة
زهراء طلعت و قبل ما تطلع تفت على وش
فتحي
طلعت و بابا كان على السلم ونازل
زهراء/نازل ليه يا بابا
اسامه/كنت نزلك يحس المجنون ده يعملك
حاجة
زهراء/لا خلاص يا بابا تعالى نطلع البيت
طلعوا البيت و قال اسامه/انتي ايه بقا اللي
عملتبه تحت ده بقا
زهىاؤ/عملت ايه يعني يا بابا كنت بوريه مقامه
و بخليه يعرفانه لو قربلي تاني مش هيحصله
طيب
اسامه/بس انتي مش كده مش بتاعت الشوارع
اللي بتقف في نص الشارع و تزعق احنا مش زي
الناس ديه ولا حملهم و لا حمل شرهم خصوصا
فتحي ده
زهراء/خلاص بقا يابابا متزعلش مني
و باسته و حضنته
اسامه/خلاص يا بنتي بس ملكيش دعوة بيه
تاني ولو كلمك اعتبريه كلب و بيهوهو
زهراء بابتسامه/خلاص يابابا تمام
اسامه/يلا بقا روحي غيري هدومك
زهراء/حاضر يابابا
دخلت زهراء للأوضة و طلعت هدومها من
الدولاب و دخلت الحمام و اخدت دش دافي
و خرجت ولبست هدومها المريحة و راحت قعدت
على السرير و مسكت تليفونها لقت صديقتها
(شهد) بعتالها رسالة محتواها
☜زوزو فيه تقديم في مدرسة لغات عايزين
مدرسة عربي و مدرسة رياضة انا هروح اقدم
للرياضة تيجي معايا و تشوفي حظك انتي مدرسة
شاطرة علفكرة و متخرجة من كليه تربية
ومعاكي الورق المطلوب صح
ردت عليها زهراء في رسالة وقالت
☜طيب تمام قوليلي المعاد و نروح سوا و هبلغ
بابا برضو بس برضو مش عايزة اكون مقصرة
في حق شباب الحارة لاني هفضل اعلمهم يا
شهد
وقفلت التليفون و اتوجهت للتسريحة عشان
تسرح شعرها المبلول المفرود على ضهرها
وبعدها خرجت من غرفتها لقته بيقرا القران
الكريم راحت هي ولبست السماعات و اتوجهت
للمطبخ علشان تحضر الغدا و هي وفي ودنها
السماعات اعلن تليفونها بوصول رسايل كتيرر
وراه بعض من صديقتها شهد و لسة زهراء
هتفتح الرسايل كانت بترن عليها شهد
زهراء بعصبية/في ابه يا خراا كل ديه رسايل
عايزة مني ايه انشالله بقا
شهد/بقولك ايه هي شو حاو حبيبي شو حلو هل قمر ولا
يا القمر
زهراء/لاء هي خيبتك
شهد/ااحم احم ايه الاحراج ده بقا
زهراء/شوفتي بقا ببتجيبي لنفسك الكلام
شهد/طب فكك بتعملي ابه بقا كده
زهراء/بعمل الغدا
شهد/ممممم غدا ايه بقا معلش
انا بحب التطفل
زهراء/والله مش عارفة انا بعك اصلا اي حاجة
قدامي بحطها
شهد/ااه يعني اعمل حسابي اني جيالك
انتي والحج زيارة فالمستشفى
وضحكوا و قعدوا يتكلموا مع بعض
و يهزروا
و نسبها بقا ونروح
عند بطلنا عمر و خالد بعد ما راحول للمحل بتاع
فتحي بعد الخناقة بينه وبين زهراء
المعلم فتحي وهو متعصب/ماشي يا زهراء
ماشي برضو انتي بتاعتي و مش هسيبك لحد
تاني
خالد/خلاص يا معلم اهدى كده
فتحي زفر بضيق وبص لعمر /مين ده
خالد/ده عمر صحبي كان عايز شغل و قولتله
مفيش غير المعلم فتحي اللي هتعيش معاه في
نعيم و تتمرمغ في كرمه
فتحي/ممم قولتلي طب بص يا اسمك ايه انت
اخلع دلوقتي وتعالى بعد المغرب على اخر النهار
يعني
عمر/تمام يا معلم فتحي
ومشي عمر من قدام فتحي و راح لبيته اللي اجره
فالحارة لحد ما يخلص المهمة اللي جاي عشانها
و هو ماشي شاف خناقة و رايح علشان يفض الاشتباك بينهم
هوبا اسكلوبة اتاخد في الرجلين و الخناقة كنت بين راجل وست
الظاهر عليهم انهم متجوزين
الراجل/خلااتص يا اشرف خلااااص
الست/و بتقول اسمي في نص الشارع خلتهم يعرفو اسمي
يا ندل مش قولتلك ممتقلهوش لحد
الراجل /لبه خايفة على منظرك ده انتي ارجل مني
عمر/خلاص يا جماعة حصل خير بلاش مشاكل انته اهل
الست/وانت مااالك يا خويا بتحشر مناخيرك اللي
شبه الفار ديه لبيه
عمر و هو بيمسك مناخيره ببلاهة /انا ممناخيري شبه الفار
و مسكت الست في الراجل و نزلت فيه ضرب بابو وردة
بتاع كل ستات مصر ومفيش ست مصرية مبتعرفش تمسكه
و ترقعك بيه على قفاك
عمر و هو بيحاول يفك الاشتباك بنهم ابو وردة نزل عليه هو كمان
و خلصت العاركة بفوز الست اشرف و خسارة عمر شبابه
ورجع للبيت و هو مش قادر من ضهره و بيلعن نفسه على البوماللي
قال فيه انه هيساعد فيه حد
صحيح انا مقلتلكوش ايه هي المهمة... المهمة
القبض على فتحي لانه وصلهم في مكافحة
المخدرات ان فتحي بيتاجر فالمخدرات و غيرها
من التجارات اللي بتهدد البلد زي تهريب السلاح
وغيرها بقا من الحاجات اللي بيشتغل فيها فتحي
ونرجع تاني لاحداث قصتنا راح عمر البيت و فتح
الباب بفتاحه و ملقاش حد فالصالة بس لقاهم
في المطبخ واللي هما والدته(فاطمة) و اخته
(ماسه) كانوا فالمطبخ بيحضروا الغدا
عمر/االسلام عليكم يا بشررررر
فاطمة/اهو ميكروفون البيت وصل
عمر/انا ميكروفون ياما تشكري يا غالية
ماسه/عمر عموريي تخيل عاملنلك اكل ايه
فاطمه/لااااا تعديل انا عملالك اكل ايه ديه
ممدتش ايديها غير في السلطة وانا اللي متبلاها
كمان
عمر/سلمتك تسليم اهالي يا ماسه
ماسه/شفت بقا.. المهم يا عمر تخيل ماما
عملالك اكل ايه
عمر/اايه ياستي انجزي بقا عايز استحمى الدنيا حر
والمطبخ حر اكتر
ماسه/عملالك.. عملالك..
فاطمه/ما تنجزي يا بت اخوكي بيتحول ل غوريلا
جمبك من الحر
ماسه/عملالك سمك ورز نيههههه
عمر بص ل فاطمة /ده بجد يا ماما
فاطمة/ايوا يا حبيبي ايه رايك اكلة حلوة صح
عمر/اكله حلوة ايه ما نتب عارفة ياماما مبحبهاش
فاطمه/مبتحبهاش ازاي دا انت طول عمرك
بنحب تاكلها من ايدي
عمر/هو انتي كل مرة ياماما تتفجئي اني مبكلش
السمك
فاطمه/اانت دوقته
عمر/ااومال... بكره لله في لله مثلا اكيد جربته
ومعجبنيش
فاطمة/يابني جربه ده حلو و مع السلطه
ماسة/طب ايه بقا مش ناوين ناكله
و حضره السفرة و قعدت فاطمه و ماسه في
حال كان عمر خارج من الحمام و بينشف شعره
و لبس هدومه و سرح شعره ورش البرفان
و سمع صوت فاطمه وهي بتناديه للاكل
خرج عمر و رن جرس الباب
فاطمه/مين اللي جي دلوقتي في وقت الغدا ده
ماسه/مش عارفة يا ماما استني اشوف
عمر/ مفيش حد ده الدليفري
فاطمه/دليفري ايه
عمر و هو بيتوجه للباب و بيقول/طب ثانيه يا
ماما
فاطمه/لما نشوف
فتح عمر الباب و اخد الدوردر من المندوب و
دفع الفلوس و قفل الباب و راح للسفرة
فاطمة/مممم ايه ده بقا
عمر/بصي يا ست الكل انا مبكلش السمك فا
جبتلي كنتاكي يعني
فاطمه/جبت ايه يا عين امك انا مش قولت
الحاجات ديه متدخلش البيت صح ولا لا
عمر/خلاص يا ماما بقا النهارده بس
فاطمه/ماشي ياخويا ماشي
وقعدوا يتغدوا وبعد الغدا كل واحد قعد في
مكان يريحه مثلا فاطمة قعدت على التليفزيون
في الصالة و اخته في اوضة الرسم الخاصة بيها
واللي موجود فيها كل ادوات الرسم و راح عمر
لغرفته و خرج اللبس اللي هيخرج بيه و لبس و
رش البرفان الخاص بيه و سرح شعره لورا و خرج
من الاوضة و بلغهم انه نازل و نزل و راح للمعلم
فتحي
دخل عمر على المعلم فتحي وقال/مساء الفل يا
معلم
فتحي/مساء الزفت ياخويا.. قولي بقا بتعرف
تعمل ايه
عمر/اي حاجة يا معلم
فتحي/بتعرف تخطف
عمر/ايه اعمل ايه.... اخطف؟؟
فتحي/اه تخطف
عمر/يعني... اخكف مين يعني
فتحي/هتخطف زهراء
عمر /زهراء مين الابلة؟؟؟؟
فتحي/جرا ايه يالا انت كل كلمة هتتفاجئ فيها
مش عجبك غور من هنا
عمر/لا عاجبني... بس ازاي
فتحي/ده شغلك بقا
عمر/ماشي يا معلم
فتحي/خلاص امشي بقا من هنا و روح مخمخ
في الحوار
عمر/حاضر يا معلم سامو عليكو
ومشي عمر و كان حيران يعمل ايه ويخطفها
ازاي
وهو ماشي شاف زهراء طالعة العمارة فا راح
وراها و نده عليها
عمر/استاذة زهراء بعد اذنك ممكن لحظة
زهراء/نعم
عمر/عايز اكلمك في موضوع بس مش هنا
زهراء/كلام ايه واشمعنا مش هنا
عمر/هفهمك كل حاجة بس تيجي معايا
زهراء مشيت معاه لحد اول الشارع و عمر قال
عمر/بصي انا متعلم علفكرة و مش محو اميه ولا
حاجة
زهراء/ازاي بقا و انت جيت عندي عشان تتعلم
عمر/انا ظابط علفكرة و جيت الحارة هنا عشان
مهمة معينه ومن مكافحة المخدرات
زهراء/وانا المفروض اصدق يلا ظابط ايه ده
شكل ظابط وحيات امك
عمر/انتي مش مصدقاني
زهراء بضحك/الصراحة لاء اصدقك ازاب معلش
عمر طلع البطاقة و كارنيه الشرطة و حطهم
قدام عنيها
زهراء وقفت الضحك و بصت عليه
زهراء/احيييييي عمر مصطفى الجرحي الوظيفة
ضابط شرطة يختاااااااي متصدقش كلامي باشا
عمر/مش كنت من شوية منظري وحش و مش
متعلم
زهراء/ لاااء ده انت سكر ومتعلم يا باشا و بص
انا اللي جهلة ومش متعلمة والله العظيم
عمر/خلاص خلاص انتي بتشحتي ولا ايه خلينا
فالمهم احنا شاكيين ان فتحي بيتاجر فالمخدرات
زهراء/معلش انا اسفة انتو مين
عمر/لا فتحي مخك معايا احنا الشرطة يعني
مدرسة قال وبتعلمي محو الاميه انتي محتاجة
اللي يعلمك اصلا
زهراء/لااااء بقولك ايه هتتكلم كده هزعلك هاا
اوعا تفكرني عشان سكلتلك ابقى كيوت و عسل
ومن ايجيبت لااااااااء يا بابا فوق كده
عمر وهو بيكتم بقها/فيه ايه... ايه المجاري اللي
طفحت في وشي ديه يا بت
زهراء اتكلمت من تحت ايديه والكلام مكنش
واضح
عمر/يابتتتت حتى وانا حاطت ايدي على بوقك
بتتكلمي ارحميني
وشال ايده من على بقها و هي لسة هتتكلم
عمر/لو اتكلمتي هحبسك و رب الكعبة
سكتت زهراء و هو كمل كلامه و حكلها عن
المهمة اللي قالها عليها
زهراء/يعني انا المفروض اتخطف
عمر/ايوا بس متخافيش كد و كد يعني
زهراء/طب و بابا
عمر/متخافيش انا هطمنه عليكي
زهراء/طب وانا هتخطف ازاي
عمر/انتي هتيجي معايا البيت و متخافيش ماما و
اختي هناك فالبيت و هنزلك الجراچ اللي تحت
البيت عندي هنعمل ميكب اكنك مضروبة و
نصورك و هوري الصور لفتحي عشان يصدق و
هقوله انه مينفعش يجيلك غير بعد اسبوع كده
علشان يبان قدامك انه البطل و يجي ينقزك من
كل ده
زهراء/طيب اروح البيت ابلغ بابا عشان ميقلقش
طيب
عمر/انا هبلغة متقلقيش يلا بس عشان اروحله
واقوله اني خطفتك بسرعة
زهراء/طيب انا المفروض اني كنت رايحة مع
صحبتي نقدم على شغل في مدرسة اعمل ايه
دلوقتي
عمر/لاء بعد المهمة بقا مش هينفع
زهراء/طيب خلاص
و اخدها عمر لبيته اللي فبه امه فاطمة واخته
ماسه
و خبط على الباب علشان تفتحله امه و تتصدم
من زهراء اللي واقفة ورا ابنها عمر
فاطمة/اتفضلوا ادخلوا
دخلوا الاتنين و كانت زهراء بصة في الارض
ماسة بعفوية و متعرفش ان زهراء موجوده/
عموورررررري كلبوبيييييييي
زهراء رفعت وشها بصدمه وبصت على ماسة و
عمر..
ماسه بصدمه/مين ديهه انت اتجوزت من ورانا
يا عمر بس تصدق مزههه اوووي
عمر/بس ابت ايه اللي انتي بتقوليه ده.. دي
زهراء هتقعد معانا فترة كده
فاطمة بصت لزهراء/نورتي يا بنتي
عمر/طب ايه مش هدخلوني وسعوا كده
و دخل جوا و فهمهم الموضوع و كل ده زهراء
ساكته
عمر/بصي بقا يا ماسه انا عايزك في الميك اب بقا
تمام عايزك تبينيها مضروبة هتعرفي
ماسه/عيب عليك
و اخدوها على الجراچ و عملولهغ الميك اب و عمر
صورعا كام صورة و فيديو و بعد ما خلصوا
قالت زهراء/ااهههههه يا ضهري ايه الرابطة ديه
اومال لو كنتوا خطفتوني بجد كنتوا هتعملوا فيا
ايه الله يحرقكم
عمر/يا بنتي اقفلي ام البلاعة ديه بقا
زهراء و هي بتكتم بوقها /اهوو اتكتمتت
عمر/شطورة
و طلعوا للبيت و عمر نزل تاني للمعلم فتحي
ولما دخل عمر للمعلم فتحي
فتحي/اايه سبع ولا ضبع
عمر/كله تمام يا معلم خطفتهالك
فتحي/طب هي فين عايز اروحلها
عمر بتسرعع/لا لا تروحلها فين بس احنا نسبها
كده و تروحها بعد فترة و تبان قدامها انت
السوبر هيرو اللي انقذها و تكبر في نظرها و
تتجوزوا و تريحوا نفسكم بقا
فتحي/للا كلمني عربي لو سمحت بس كده
عمر/سوبر هيرو يا معلم يعني البطل
فتحي/اهه والله فكرة طب الفترة ديه تبقى كام
يوم كده
عمر/يعني كده ممكن تكون اسبوعين كده مثلا
فتحي/ايههه بس ده كتير
عمر/معلش بقا يا معلم مانتا مستني كل ده و
بتاخد على قفاك جت على الاسبوعين دول
فتحي/اانا باخد على قفايا يلا
عمر/للا لا يا معلم ده مين الخروف اللي قال
كده
فتحي/انت اللي قولت انت هتاخد عليا ولا ايه
انا ممكن اقتلك وانت واقف مكانك كده
عمر/لاء وعلى ايه يا معلم انا جذمة و ذلة لسان
والله مش اكتر
فتحي/طب يلا بقا اختفي من قدامي يا ذلة
اللسان انت
مشب عمر و راح لعمارة زهراء و طلعها وخبط
على باب شقتها
فتح ابوها باستغراب
عمر/االسلام عليكم
اسامه/وعليكم السلام اتفضل
عمر/اانا الظابط عمر
اسامه/ايوا اتفضل حضرتك ادخل
دخل عمر و قعد على الكرسي و قعد قصاده
اسامه
اسامه/ااتفضل يا باشا فيه ايه
عمر حكاله كل حاجة
اسامه/الحمدلله يارب الحمدلله يغني بنت معاك
انا كنت قلقان عليها
عمر/ايوا معانا وانا هطمنك عليها اول بأول بس
تليفونها مقفول علشان المهمة مش هنقدر
نفتحه بس متقلقش هي في امان معايا... احم
قصدي معانا يعني انا وامي واختي
اسامه/االف شكر يا باشا بس المهمة ديه
هتخلص امتى
عمر/بتد اسبوعين كدع بس انا عايز حضرتك
تساعدنا..
اسامه/اساعدك في ايه
عنر/عايز حضرتك تبين ان بنتك مخطوفة وقلقان
عليها وكده عشان فتحي ميشكش في اي حاجة
و نزل عمر من العمارة و راح لبيته و لقى زهراء
قاعده مع امه و اخته بتكلمه و بيشربوا شاي
عمر دخل ورمى السلام و ردوا الجميع عليه
السلام و دخل غرفته و غير هدومه و قعد على
السرير وفتح الاب توب و خلص كام شغلانه
كده و نام بعدها و بره كانت زهراء قاعده بتتكلم
مع مايه فب حياتها و شغلها و كانت ماسه برضو
بتبادلها المواضيع
فاطمه/يلا يا زهراء تعالي اتعشي معانة ماسه
روحي ناديه اخوكي شوفبه هيتعشى معانا ولا
شبه كل مرة
وراحت ماسه و لقته نايم ماسه
خرجت و بلغتهم انه نايم و قعدوا اتعشوا و
دخلوا نامو كلهم
❀وفي صباح يوم جديد❀
صحيت بطلتنا زهراء من النوم و طلعت بره
الغرفة اللي هي وماسه نايميين فيها و كانت
واخده معاها الهدوم اللي كانت ماسه مطلعالها
من بليل و اتوجهت الى الحمام علشان تاخد
الدش الدافي
طلعت من الاوضة بعد ما نظمت شكلها
وشافت عمر و فاطمة قاعدين بيتكلموا و
بيضحكوا مع بعض
زهراء/صباح الخير
عمر/صباح النور يا زهراء
ابتسمتله زهراء و قالت فاطمة/صباح النور يا
حبيبتي خشي خديلي دش علبال ما احضر الفطار
واصحي البت ماسه الغيبوبه ديه
ضحكوا و دخلت زهراء تاخد الدش و خرجت و
شعرها مبلول و مفرود على شعرها و كان
بيتابعها في كل حركاتها هو عمر و فاطمة و
ماسه لحظوا كده
و خرجت زهراء من غرفتها بعد ما سرحت شعرها
ولمته لفوق على غير العادة و خرجت وقعدت على
السغرة جمب ماسه و بداو فالاكل
فاطمة/عايزين تاكله ايه على الغدا النهاردة
عمر/اي حاجة يا ست الكل
زهراء/اي حاجة يا طنط
ماسه/متفكرنيش انا بقا اللي هقولك اي حاجة
انا عايزة حمام و ورق عنب و...
فاطمه/و ايه يا بت المفجوعة كفاية هو حمام و
ملوخية و ورق عنب و شطبنا على كده
ماسه/ايه يا ماما ده قليل صنفين بس
فاطمة/الله يخربيتك تعالي كلي دراعي بالمرة
ضحكوا كلهم و خلصانه الاكل و غسله ايديهم
عمر كان نازل بس وقفته زهراء و راحت وقفت
قدامه و اتكلموا
زهراء/كلمت بابا يا عمر
عمر/اايزا متقلقيش كل حاجة تمام و بيسلم
عليكي و قولتله ميقلقش عليكي و عو علفكرة
جزء من الخطة
زهراء/جزء من الخطة؟ ازاي يعني؟
عمر/اايوا جزة من الخطة و الجزء الاساسي اللي
من غيره هتاقفش لازم ابوكي يمثل انك مختفية
و مخطوفة و يزعل عليكي علشان المعلم فتحي
يصدق و ميقفشناش
زهراء/تمام شكرا يا عمر
عمر/على ايه
وبتسموا لبعض و فضلوا ساكتين للحظات و
مشي عمر و هي اتنهدت و و بتلف لقت فاطمة
و ماسه مبتسمين و مربعين ايديهم
زهراء/فيه ايه
ماسه/هيحححح الحب ولع في الدرة
زهراء/حب ايه اللي ولع فالدرة ده اسكني يا
ماسه متعصبنيش منك
ودخلت الاوضة و فكرت هل هي بتحبه بجد و هي
لحقت تحبه اصلا من يوم تعامل بينهم
فردت جسمها على السرير وهي بتفكر و غلبها
النوم و مصحيتش غير على صوت ماسه وهي
بتصحيها علشان الغدا
طلعت ماسه و وراها زهراء بعد ما ظبطت
شكلها و اتغدت
فاطمه/اايه يا عمر شغلك ماشي حلو؟
عمر/ايوا يا ماما فيه عمليه تهريب مخدرات
سمعت المعلم فتحي و هو بيحكي عنها لخالد
و الرجالة هتبقى بعد بكرة و خلاص هنقبض عليه
متلبس
و بص لزهراء وكمل الكلام/وخلاص زهراء
هترجع لباباها و حارتها و حياتها الطبيعية
زهراء سمعت الكلام وحست انها زعلت لانها
هتسبهم و اتعودت عليهم و على ماسه واعتبرتها
اختها وفاطمة اعتبرتها مامتها لانها عوضتها عن
حنانها و قامت من على الاكل وقالت/الحمدلله
تسلم ايدك يا طنط و دخلت الاوضة
وبص عليها عمر وهي داخلة الاوضة
ماسه/هي زعلت
فاطمه/شكلها كده بس احنا اتعودنا عليها وهي
اتعودت علينا اكيد زعلت
عمر اتنهد و قام من على الاكل هو كمان و
دخل الاوضة و قعد يفكر فيها و نفس السؤال
اللي سألته زهراء لنفسها هو سأله لنفسه
هل هو حبها... هو فعلا حبها من ساعة ما شافها
في المدرسة و حب شخصيتها وكل حاجة فيها
و خرج من غرفته بعد ساعتين تقريبا بعد ما خلص
شغله و هو لسة مسلمش من تفكيره اللي مش
سايبه و نزل اشتغل مع فتحي و بعد يومين جه
يوم المهمة كلمه خالد وقاله المكان و الوقت
وصل عمر المكان و كان معاه خالد وكانوا
لابسين اللبس الخاص بالشغل و اتخبوا في
لحد ما شافه فتحي نازل من العربية و الشخص
التاني واقف قدام عربيته فتخي اتقدم و مشي
لحد الراجل ده و سلمه على بعض و دار بينهم
حوار بس عمر وخالد مسمعهوش و اول ما اخد
فتحي الشنطة اللي فيها مخدرات طب عليهم
عمر وخالد
خالد/سلم نفسك يا فتحي
فتحي/خالد انت بتعمل ابه هنا يا خالد و اسلم
نفسي انت عارف ان ده التسليم
عمر/سلم نفسك يا فتحي بالمخدرات اللي معاك
احنا شرطة
فتحي/اايهه بتخوني يا خالد انت والكلب ده
خالد/اقبضوا عليه
واتقبض على فتحي فعلا و اتحول على النيابة
و عمر راح البيت لقى زهراء لابسة و جاهزة
و فاطمة و ماسه بيحضنوها
عمر/احم احم خلاص كده يا زهراء هتمشي
زهراء/اه ايه اللي هيقعدني هنا تاني مش خلصنا
المهمة يا عمر باشا انا همشي اروح لبابا و ارجع
لحياتي العاديه.. اتشرفت بمعرفتكم كلكم سلام
و فتحت الباب و مشيت و راحت الحارة بتاعتها
ولقت المحل بتاع فتحي اتقفل و ااحارة نضفت
و طلهت لعمارتها و خبطت على باب الشقة
اسامه فتح و لما شاف زهراء اخدها بالحضن
و قالها قد ايه هي وحشته و هي قعدت و حكتله
عن فاطمة و ماسه و تعاملها معاهم و بعدها
دخلت الاوضة و رنت على شهد و حكتلها هي ليه
الفترة اللي فاتت متكلمتش معاها كل ده و
قالتلها شهد ان التقديم في المدرسة لسة
مفتوح و اتفقه انهم هيروحوا بكرة
وتلني يوم راحوا و اتقبلوا هما الاتنين في الشغل
وهي راجعة زهراء شافت عمر واقف مع حماصة
اللي كان بيعرف اخبار زهراء منه و حالها عامل
ازاي
وفي يوم من الايام كل مرة عمر بيعرف من
حماصة اخبرها عرف ان في واحد من الحارة
متقدملها وقتها عمر حس بالغيرة وحس انها
بضيع من بين ايديه وقتها عمر راح لعمارتها و
وطلعلها و خبط على الباب و فتحتله زهراء
زهراء/ايه ده عمر فيه ايه
عمر/اانتي فيه حد متقدملك
زهراء/وانت مالك اصلا
عمر/هو ايه وانت مالك ديه انتي بتاعتي انا و
هتبقي ليا انا وبس
زهراء/اانت ايه اللي بتقوله ده
عمر/االلي سمعتيه
وشاف باباها واقف وراها
عمر/وسعي كده بقا
ودخل عمر لي اسامه وقاله/تقبل تجوزني بنتك
اسامه/والله الشور شورها
عمر بصلها/تقبلي تتجوزيني
زهراء سكتت و متكلمتش
عمر/على بركة الله السكوت علامة الرضا
و طبعا يتجوزوا و يعيشوا حياة مليئة بالحب و
المشاكسات منهم هما الاتنين و يجيبوا بنت
و ولد زي القمر و يعيشوا حياة مستقرة