الكاتبة/سلسبيل محمد
رواية/التؤام ورجال المافيا
قبل ما نبدأ قصتنا نصلي على الحبيب محمد ﷺ
---------------------_
في قصر كبير قاعد فيه اتنين هما بطلنا إسحاق
و اخوه ريان كانوا قاعدين في منتهى الثبات
ريان بجدية: إسحاق بلاش اللى في دماغك
الشرطة حطى عنيها علينا اليومين دول مش
عايزنهم يشكوا فينا
إسحاق بأبتسامه باردة ومستفزة: هو مين قالك
ان انا هعمل حاجة يعني
ريان: انا مش غبي يا إسحاق وعارف اللى بيدور
في بالك كويس اوي
إسحاق: لا مش عارف ومش هعمل حاجة اصلا
انت اللي بيتهيألك كده
ريان: يا عم انا مش خايف اكتر من انك تقتله
انت بتقتل اكتر ما بتقول صباح الخير دا انت حتى
يمكن ما بتقولش صباح الخير كمان
إسحاق بنفاذ صبر: ما خلاص بقا قولت مش
هعمل حاجة
ويقاطع الحديث ده نزول بنت جميلة من على
السلالم بمرح وديه تكون شهد واللي عندها 16
سنه بس ونازلة وهي بتغني و بصوت عالي
ومسموع و هي نازلة تاخد السلم ضحرجة كده
وهي على الارض قالت بوجع: اهههه يا عمودي
يا فقري
ريان: يا عمودي يا فقري ايه التلوث السمعي ده
انتي محتاجة تروحي لي دكتور تخاطب على فكرة
شهد وهي بتقوم من على الارض وهي ماسكة
ضهرها: اهههه جالك كوساح بدري اوي يا شهد
يا حبة عين امك اههه
إسحاق: ما بس يا بت صدعتيني
شهد: يوووه ده بدل ما تقولي سلامتك يا
شوشو انشالله انا اخس عليك يا إيسو
إسحاق: بت مش انا قولتلك بلاش ايسو ديه
شهد: ليه بس يا إيسو دا انت الحب والباقي
فوتوشوب
إسحاق وهو بيقوم من على الكرسي وبيعدل
بدلته السوداء: ريان يلا علشان نروح على
الشركة
و خرجوا من البيت وهما عند باب القصر
وبيفتحوا عشان يخرجوا شهد قالت: انتوا
هتسيبوني هنا لوحدي يجماعهة
ريان و هو بيخرج من القصر وبيقفل الباب وراه:
معاكي العيلة الحربوقهة ربنا معاكي
خرجوا وركب كل واحد فيهم العربية الخاصة بيه
وانطلقوا للشركه عند باب الشركه كان فيه
بنتين في غاية الجمال وكانوا تؤام بيشتغلوا في
المخابرات و تحت تكليف مراقبة إسحاق وريان
لان مشكوك فيهم دخلوا البنتين واللي اسمهم
أسيل و سرين كانوا داخلين بلبس رسمي
بالشركات وكانوا عند مكتب الاستقبال بشركة
الأعصار اللي اصحابها هما احفاد المافيا إسحاق
وريان و ابن عمهم جاسر و ابن عمهم الثاني
كرم دخلوا البنات بأطلالة سحرت كل اللي في
الشركة واتكلمت سرين مع موظفة الاستقبال
وقالت: معانا ميعاد مع الاستاذ إسحاق و أستاذ
ريان لوظيفة السكرتيرة الخاصة بيهم
اتكلمت موظفة الاستقبال وهي بتبصلهم
بنظرات من فوق لتحت: اه اسميكم طيب
أسيل قالت: أسيل الاحمدي و سرين الاحمدي
موظفة الاستقبال: ايوا فعلا بس هما لسة
مجوش تقدري تقعدي هناك تستنيهم
ولسة مكملتش كلامهما كانوا وصلوا الجذابين
اللي بيخطفوا الانظار من لحظة وبياخدوا
اللقطة و قالت موظفة الاستقبال: وصلوا اهم
لحظة نبلغهم هل هيرضوا يدخلوكم دلوقتي
ولا لاء
أسيل اتكلمت وقالت: تمام
رنت الموظفة بي إسحاق وقالت: أستاذ إسحاق
الانسآت أسيل الاحمدي و سرين الاحمدي
وصلوا
إسحاق: ابعتيهم
وكان ريان قاعد قصاده: في ايه
إسحاق: يلا على غرفة الاجتماع علشان
الموظفين الجداد جم.
قاموا من على الكراسي ودخلوا غرفة الاجتماع
منتظرين قدوم الموظفين الجداد..
وبعد مرور 5 دقايق دخلوا البنات بأطلالتهم
الجميلة ورائحتهم اللي بتخطف قلوب الناس
دخلوا البنات و سرين وجهت نظراتها عليهم
وقالت بجدية: أهلا احنا سرين و أسيل
الاحمدي جايين لما شوفنا أعلان طلب موظفات
علشان يكونوا سكرتيرات لحضراتكم و كانت
بتتكلم بجدية كاملة و ناظرتهم
واتكلم إسحاق بنفس الجدية بتاعتها: اهلا
تقدري تقعدي بعد كدا نبقا نتكلم وانتي قاعده
قعد ريان وحاول تمثيل الجدية: فين السيفي
بتاعكم
قدمت اسيل السيفي: اهو هو دا
قال ريان بغباء: ادا انتوا اخوات
بصله اسحاق وهو كان نفسه يشتمه بس كتمها
وقال: ماشالله انت لماح اومال هما بيقولوا ايه
من الصبح او مثلا مش شايف الشبه الكبير اللي
بينهم ولا كأنهم تؤام
قالت اسيل بنبرة بتعرفهم فيها انهم اغبية: لا
هو احنا فعلا تؤام
سرين: ممكن نكمل حضراتكم و نركن
الاستعجابات ديه بعدين
إسحاق: انتي بتتكلمي كده ليه
سرين ببرود: بتكلم ازاي يا حضرة
إسحاق: اتكلمي احسن من كده
ريان وهو بيلحق الموقف بسرعة: احم احم
جميل اوي السيفي و شكل عندكم خبرة باين
في السيفي مبروك ممكن تيجوا من بكرة
تستلموا الوظيفة ولازم تيجو الساعة 9 الصبح
متتأخروش عن كده
قامت سرين وطلعت من المكتب منغير اذن و
وقالت أسيل وهي بتمشي وراها بتقفل الباب:
سلاام
قال أسحاق بعصبية: ايه الغباء ده هما ازاي
بيعملوا كده معايا هما ميعرفوش انا مين
ريان: خلاص يا إسحاق متكبرش الموضوع تعالى
يلا بس بقا كده عشان عندنا اجتماع روح
مكتبك اهدى واجهز ونبقا نرجع تاني في ميعاد
الاجتماع
أسحاق: اجتماع ايه ده مع مين انا ناسي
ريان بنحنحة: احم احم مع ساجد الانصاري
إسحاق: ساجد الانصاري اممم قولتلي
قام إسحاق من مكانه و بيعدل بدلته و بيقول:
طيب انا هروح المكتب وانت روح خلص اللى
وراك لحد ميعاد الاجتماع متفضلش قاعد كده يلاا
مشي إسحاق و قال ريان وهو بيقلد إسحاق
بصوت مضحك: روح شوف اللي وراك لحد ميعاد
الاجتماع متقعدليش كده نينينينينيني
قام من مكانه وطلع برا الغرفة الخاصة
بالاجتماعات
*
*
*
*
البنات كانوا خرجوا و راحوا للمقر الرئيسي
للمخابرات المصرية و قبلوا الظابط واللي
بيعتبروه ابوهم واللي اسمه (راغب)
دخلت اسيل المكتب على راغب وهي بتقول
بمرح: رغوبة عامل ايه يا راجل
سرين دخلت بجدية وهي بتقول: السلام عليكم
وقعدت على الكرسي وحطت رجل على رجل
وراغب قال: وعليكم السلام يا ستي.. وبص
لأسيل وقال / ايه رغوبة ديه يا بت انتي اتعدلي
كده ازاي ده منظر ظابط مخابرات
قالت أسيل:يووه بفك شوية بقا يا رغوبة
راغب: بت اتعدلي كده وبلاش رغوبة ديه بدل ما
اديلك يومين جزى
سرين بصت لأسيل وقالت لي راغب: خلاص بقا
وندخل في المهم
راغب: ايوا صح قولي حصل ايه
سرين حكتلوا اللي حصل
وعند إسحاق أعلن تليفونه بأستقبال رسالة من
خطيبته (شيرين)
والمكالمة كانت كالأتي
"شيرين: الو يا حبيبي ازيك عامل ايه
إسحاق بضيق: كويس يا شيرين محتاجة حاجة؟
شرين: مالك يا حبيبي مضايق من حاجة
إسحاق انا مشغول يا شرين نتكلم بعدين
علشان في الشغل
شرين: اانا بس برن عليك علشان افكرك
بميعادنا انهاردة علشان نختار حاجات الفرح
إسحاق وهو بيتنهد وبيمسح على وشه: لما
اخلص الاجتماع يا شيرين سلام"
ومستناش الرد و شيرين كانت متعصبة ومتغاظة
هي مبتحبهوش لكن بتحب فلوسه ومستعده
انها تتجوز واحد مبتحبهوش مقابل الفلوس و
اللبس و الشوبينج
وعند إسحاق لما قفل التلفون مسح على وشه
وشاف الساعة لقاها 5 و الاجتماع 5:30 خرج و
راح لمكتب ريان لقاه قاعد على التليفون فتح
عليه الباب وريان انتفض وقال: يا عم ايه دخلة
المخبرين ديه براحه شوية
إسحاق بلامبالاه: يلا بس كده على غرفة
الاجتماعات... وبعدين انت بتعمل ايه مش قولنا
تخلص اللي وراك.
وراح لغرفة الاجتماعات و وراه ريان و قعدوا في
الغرفة منتظرين ساجد يدخل عليهم
خبط الباب و دخلت موظفة الاستقبال ودخلت
وقالت: استاذ أسحاق أستاذ ريان: ساجد بيه
الانصاري منتظر حضرتك
إسحاق: دخليه
دخل شاب في عمر التلاتينات و قعد في الكرسي
المقابل للريان بكل تعجرف و كان قاعد عند
رأس التربيزة إسحاق وقال ساجد بتعجرف: اهلا
اهلا إسحاق بقالنا زمن مشوفناش بعض
إسحاق: لأ ماهي ديه اخر مرة هتشوفني فيها
وابتسم ابتسامه برود خلت ساجد متغاظ
ساجد بأستفهام: ليه بتقول كده و بستهزاء
قال: وانت اصلا يا إسحاق هتقدر تعملي انا حاجة
انا ساجد الانصاري ولا نسيت
إسحاق: لا منستش وانا لو عايز اعمل حاجة
هعملها انا مش اي حد انت بتتكلم مع الاعصار
ريان تدخل وقال: ساجد انت عاوز ايه واشمعنا
عايز الاجتماع معانا احنا التلاتة بس
ساجد: حلو السؤال عجبني ودا اللي انا جي
عشانه.. انا جالي طراطيش كلام ان انتو معاكم
صفقة تهريب مخدرات وسلاح فا انتو زي
الشاطرين كده هتخدوا البضاعة وتجيبوهالي
وهتاخدوا مكانها ضعفها فلوس ايه رايكم
ريان قال: لا طبعا
إسحاق وهو بيشاور بأيده لريان انه يسكت قال
انا موافق
ريان بص لإسحاق: انتا بتقول ايه
إسحاق و مدلهوش الاهتمام بكلامه: موافقين
واكيد زي مجالك طرطيش كلام على الصفقة
اكيد جالك طراطيش كلام عن الميعاد صح ولا
ايه
ساجد: صح طبعا
وقام ساجد بتعجرف و قال: سلام هستناكم
بكرة في المكان اللي هتستلموا فيها البضاعة
بالفلوس
إسحاق قام وسلموا على بعض وخرج ساجد من
الغرفة
بص ريان لأسحاق بعصبية: انت ايه اللي بتعمله
ده
إسحاق: انا وافقت علشان ديه مصلحة احنا
بالطريقة ديه هناخد الفلوس و البضاعة ونخلص
عليه
ريان قال بتفكير: يا بن الجنيه
إسحاق: احترم نفسك يلا ايه يا بن الجنيه ديه
ريان: خلاص ياسطا بقا
إسحاق ضرب كف على التاني وهز راسه بأسف
وقال: يا ربببب خدني انا راضي
ومشي وراح للمكتب بتاعه وقعد يخلص في ورق
وريان راح لمكتبه برضو يخلص اللي وراه
وعند البنات بعد ما حكوا لراغب على اللي حصل
راغب قال: براڤو يا بنات اكيد بقا عارفين
هتعملوا ايه بعد كده
قالوا البنات في صوت واحد: طبعا يا ريس
وروحوا البنات لبيتهم اللي هما ساكنين فيه
لوحدهم بعد وفاة ابوهم وامهم
و كل واحده دخلت الحمام واخدت الدوش
بتاعها وخرجوا اتغدوا وحضروا نفسهم لبكرة
و دخلت كل واحده فيهم الاوضة ونامت
وطبعا طبعا بطلنا راح مع شيرين علشان يشتروا
حاجات عايزاها و دفع فلوس كتيرر و روح للبيت
بعد المشوار ده ودخل للقصر منغير كلام و
طلع على السلالم ودخل غرفته اخد الدش بتاعه
وخرج يشتغل على اللابتوب بتاعه و بعد مخلص
الشغل نام
**وكدا انتهى اليوم على ابطالنا في سلام و
يترى هيحصل ايه بكرة مش عارفين **
في صباح يوم جديد بإشراقة شمس جديدة
صحيت بطلتنا سرين وقامت من على السرير و
دخلت الحمام و غسلت وشها و طلعت من
الغرفة لاختها لقيتها نايمة في سابع نومة حاولت
تصحيها و مرديتش تصحى قعدت تفكر شوية
لحد ما جتلها فكرة شيطانيه ابتسمت بخبث
وخرجت جابت تلج كتير وماسة ساقعة راحت
لاختها بحذر وقامت حطى الثلج في ظهرها
وكبت الماية السقعة على وشها لتصحى اسيل
تتنطط على الارض و تصوت و تقول: يلهواااااااي
الدنيا ساقعة ايه الهزار البايخ داااااا وربنا منا
سيباكي يا سرين الكلبببب
سرين: طيب ما انت مش عايزه تصحي من الاول
كان لازم اعمل كده عشان تصحي
اسيل: بس مش كده يا سرين انا خلاص تلجت
سرين: طب يلا يلا مش ناقصه كلام كتير هي
على الصبح يا بنت حرام عليكي راغب مش هيسبنا
في حالنا انجزي
اسيل: يا نهارك اسود انتي بتقولي راغب كده من غير
باشا دا انتي يومك اسود
سرين: لا لا حوش حوش اسم الله عليك يعني
انتي اللي بتقولي راغب بيه مثلا انتي بتقوليله
رغوبة انتي هتستهبلي يا بت ولا ايه
اسيل: احم احم نعتزر محدش عارف يمسك
عليكي حاجة
سرين: طب يلا بقى عشان نلحق الشغل الساعه
دلوقتي 8:00 يا نهار اسود االساعة 8:00
اسيل:في ايه يعني ايه الساعة تمانية برضو مش
فاهمة
سرين: الشغل الساعة 9:00 يا بهيمة
اسيل وهي بتشهق: نعمممم يالهوااااااي
وقعدوا يجروا فالبيت كله و جريوا ولبسوا
هدومهم بسرعة ومع انهم مستعجلين الا انهم
كانوا قمارات اوووي وكانوا حاطين ميكب خفيف
يبرز جمالهم الطبيعي اكتر ونزلوا جري ركبوا
العربية و اتجهوا للشركه وكانت الساعة 9:15
ومع انهم مستعجلين ولازم يجروا الا انهم كانه
بيمشوا بثبات و برْاحه خالص دخلوا وطلعوا
بالاسانسير للطابق اللي فيه مكتب ريان و
إسحاق و كان ريان قاعد في مكتب اسحاق
بيتكلموا في مواضيع عن الشغل و التسليم و
الخطة اللي هيحطوها ليتخلصوا على ساجد
الانصاري ليسمعوا صوت خبط على الباب ويأذن
إسحاق بالدخول دخلوا البنتين بثبات وعدم خوف
من تأخرهم
قال إسحاق بعصبية و هو بيبص في ساعة
تليفونه: اايه التأخير ده كله هو انا مش قولت مفيش تأخير 9
جايين 9:30
قالت سرين باستفزاز: لا هي مش ونص هي
9:20 تفرق
إسحاق: انتي هتستزرفي
أسيل بعصبية: جرا ايه انت بتتكلم كده ليه داخل
فينا شخت من صباحية ربنا وانت عامل شبه
هولاكو كده ابو شكلك
سرين بصتلها بتعجب و أسيل مأتدش اهتمام لنظارتها عشان لو بصت لسرين
هتضحك و الموقف هيبوظ منها
و ريان مقدرش يستحمل وانفجر من الضحك
إسحاق بصدمه: انا هولاكووو؟
أسيل: ايدا هو انت اطرش مانا لسة قايلة انك هولاكو
سلك ودانك احنا مطولين مع بعض متبوظلناش
العملية و قبل ما تكمل كلام قرصتها سرين
لأنها كانت هتكشفهم و أسيل انتبهت.
وقال اسحاق بتعجب و استفسار: عملية ايه
سرين: لاء ولا حاجة هي بس توهت دخلت
موضوعين فبعض احم احم فين المكتب ولا
هنفضل واقفين كده
إسحاق: االله متتعدلي كده واتكلموا عدل انتوا
بتشتغلوا عندنا
سرين: احنا ممكن نمشي عادي
ريان: للا لا تمشوا ايه تقدروا تروحوا لمكتبكم
مكتبتكم اللي جبنا علطول أسيل انتي هتبقي
معايا و سرين مع أسحاق
دخلوا البنات للمكتب وكان في غاية الجمال و
قعدوا يلفوا فالمكتب اللي كان كله من الخشب
و كان جميل اوي اوي و قعدت أسيل على
المكتب و فتحت الادراج تشوفها من جوا و
سرين لمست المكتب و قعدت تحسس عليه
وعلى الخشب و بعدها قالت سرين: الله شايفة
المكتب عامل ازاي حلو اوووي
أسيل: من ناحية حلو فا هو حلو بس ركزي بقا
بجد هنحط ازاي جهاز التصنط في مكتب اسحاق
سرين: انا فعلا حطيته
أسيل بأندهاش: اييييه ازاي وامتى احنا لسة
جايين يبنتي انتي لحقتي
سرين: ايوا لحقت فيها ايه يعني
أسيل: بس حطيتي ازاي بجد انا مش مصدقة
انك حطيتيه
سرين: حطيته لما كنت بتخانق معاه استغليت
الموقف وحطيته فالمكتب من تحت
ونسيبهم بقا وهي بتشرحلها واندهاش اسيل
ونروح عند إسحاق و ريان كانوا بيتكلموا
فالتسليم اللي هيبقى الساعة اتناشر بليل و
اتفقوا على الميعاد مع ساجد الانصاري ليلاحظ
ريان حاجة في المكتب من تحت بتنور نور احمر
إسحاق: فيه ايه يا ريان
ريان: تعالى كده شوف ده ايه ده ده جهاز تصنط
إسحاق راح وقعد في الكرسي المقابل لريان و
وطى راسه وقال ايوا ده جهاز تصنط واخده
وقال: اكيد هما اللي حطوه
ريان: قصدك مين
قال إسحاق بعصبية: هو فيه غيرهم سرين
واسيل مفيش غيرهم انا مكنتش مرتحلهم
وقلتلك تقولي لا حلوين جمال شكلهم محترم
جدا والله يا إسحاق انت بس اللى مزودها
ريان: لا لا اكيد مش هما
إسحاق: هنشوف دلوقتي من الكاميرات الاغبية
مش عارفين ان فيه كاميرات لأن لو عارفين
مش هيحطوها دلوقتي غير لما يعطلوها يلا
نقول ايه شغل بنات
وراح إسحاق وريان لي المكتب اللي موجود فيه
الكمبيوتر اللي متوصل بيه الكاميرات ولقوا ان
سرين حطت الجهاز بدون محد ياخد باله منها
قال أسحاق بعصبية يا ولاد ال.....
وخرج بسرعة من المكتب وراح للمكتب و راح
وراه ريان وقال: اهدى يا اسحاق مش كده كل
حاجة تتاخد بهدوء
أسحاق: هدوء ايه هه هدوء ايه عرفوا مكان
التسليم و امتى وفين
ريان: طب هنعمل ايه
اسحاق: انا عارف هنعمل ايه
وخلص اليوم و جه الساعة اتناشر بليل و جه
وقت التسليم وكان واقف اسحاق وليل و
منتظرين ساجد يجي و جه ساجد ونزل من
عربيته و وقف قدامهم وقال: جبتم البضاعة
ريان: جبنا البضاعة جبت الفلوس
ساجد: جبت الفلوس هاتوا بقا البضاعة
أسحاق: لااا يا بابا هات الفلوس تاخد البضاعة
ساجد: مااشي لما نشوف
مد ايده بشنطة الفلوس واول ما يمسك
أسحاق شنطة الفلوس تنطلق رصاصات لتصيب
رجال ساجد الانصاري و يهرب ساجد قبل ما
ياخد طلقة و يهرب و فشلوا فأنهم يخلصوا من
ساجد للابد ومن ابتزازه
اسحاق: هربب ابن ال... حاول الحقوا يا ريان
ريان: حاضر
وطلع ريان يجري ورا ساجد بس ساجد كان مع سلاح وطلع عليه
وقع ريان علي الارض متصاب جري عليه اسحاق واسيل وسرين
اسحاق: ريان انت بخير
ريان: الطلقه جت في كتفي
اسحاق: سرين اطلبي عربيه الاسعاف
سرين: حاضر
اسيل: استحمل يا ريان شويه سرين بتطلب الاسعاف
ريان: مستحمل اهو من اجل عيونك
راحت اسيل ضربتوا
اسيل: لم نفسك يا ريان هي الطلقه بتخليك قليل الادب
ريان: اهه ايدك تقيله يا بت
وجه اسحاق هو و سرين
اسحاق: خلاص يا ريان العربيه جايه في الطريق استحمل شويه
ريان: جماعه هو انتو شايفني بصوت وبشد في شعري دي رصاصه في كتفي مش
حاجه
اسيل: بجد يعني مش حاسس بي حاجه
قال ريان وهو سرحان في عنيها : لاء مش حاسس
اسحاق: امحنوو اهدى شويه بدال ما انت عمال تعاكس في البت
ريان: يا قطاعع الارزاقق سبني شويه
وجت عربيه الاسعاف واخدت ريان و ودتوا المستشفي وعملو العمليه وخرج ريان
بعد شويه ودخلوا كلهم يطمنوا عليه
اسحاق: بقيت كويس
ريان: اهه الحمدلله نفسي امسك ساجد ابن
الكويسين ده من زماره رقبتوا كان زمانوا سلم علي
الشهدا الي معاااااه يسلم علي كل الي هناك
اسيل: خلاص يا ريان ده انت قلبك اسود حصل
خير برغم انا كمان نفسي اشعلقوا علي حبل
المشنقه
اسحاق: بس سوال يعني
سرين: اتفضل
اسحاق: هو انتو ايه الي جابكم في مكان زي ده معلش
فا سرين واسيل اتوتروا شويه
قالت اسيل بتوتر: اصل اصل
ريان: عمتا احنا كشفناكم وكمان كنا عارفين ان
انتم حطيتوا جهاز التصنط في المكتب ده انتوا
اذكية اوي بصحيح
اسيل: انتو عرفتو منين
اسحاق: معلش يعني مخطرش علي بالكم ان في حاجه اسمها كاميرات واحنا مش
اغبيا يعني
سرين: احم. احم علي فكره بقي احنا كنا عرفين
اسحاق: عرفين اي يا شيخه ريحي
سرين: اسحاق مش بحب كلمه ريحي دي
اسحاق بأستفزاز: طيب ريحي يا سرين
ريان: عندكممم واحدد لسه طالع من العمليات بالله عليكم
اسيل: وانا مصدعه اطلعو اتعركوا بره يلا
اسحاق: طيب بجد انتوا كان ممكن تتأذوا بسبب الغباء بتاعكم ده
سرين: بس احنا الحمدلله محصلناش حاجه
قال ريان بصوت عالي: بس انا حصلييي كتفي يعيني اتأذي
اسحاق: متسترجل يا ريان
ريان: يوه يا خويا هو انا اتكلمت بصوا بقي مش عايز انكم تفتحوا في القديم علشان
انا مصدع والي فات مات
اسيل: ياهه لسه الكلام اللي انا كنت هقولوا
ريان: علشان تعرفي بس ان انا قره عينك
المستقبلي
اسيل: ريانن
ريان: قلب ريان
اسحاق: ريان الواحد هيرجع صدقني ومش ناقص
ريان: انت عمرك ما تهنيني علي حاجه خالص
اسحاق: ريان مش انت مصدع اسكت بقي
ريان:اديني اتكتمت
وقعدوا مع ريان شويه وهما قاعدين ريان
اتوجع جريت عليه اسيل
اسيل: مالك يا ريان فيك ايه
ريان: كتفي يا اسيل بيوجعني اوي
اسحاق: شكل المخدر راح منه
اسيل: طيب روح يلا بسرعه نادي الدكتور
اسحاق: تمام تعالي معايا يا سرين
سرين: تمام انا جايه
وراحوا ينادوا الدكتور وكانت اسيل مع ريان
وجت الدكتورة وكشفت علي ريان وكانت اسيل
حاسه بحاجه غريبه كانت عاوزة تمسك الدكتوره
من شعرها
قالت الدكتورة بكل دلع: المخدر راح منه انا
هديلوا ابره مخدر.
اسيل: هاتي انتي الإبره وانا هديهالو
الدكتورة: لاء يا انسة انا الي هدهالوا
اسيل: انتي سامعه انا بقولك اي انا الي هدهالوا
ريان: اي حد. يدهالي مش قادر
اسحاق: خلاص يا دكتورة انسة اسيل هي الي هتديلوا الابره
الدكتورة: بس
اسيل: ما بسش هاتي الابره
واخدت اسيل منها الابره وجهزتها و أديتها لي ريان
وكان ريان سرحان في عنيها ومكنش حاسس
بي اي حاجه وفاق لما اسيل قالت خلصت
ريان: ياهه ايدك خفيفه
اسيل: علشان تعرف يا بني
قال اسحاق لي سرين
اسحاق: تعالي يا بنتي دول بيفقعوا المراره
ريان: علفكره انا جعانن جدا
اسحاق: وايه المطلوب
ريان: ولاا انت متخلف المطلوب ان انا اكل
اسحاق: فين فلوسك وانا هجبلك
ريان: صاحب واطي بصحيح
اسحاق: اومال عاوزني اكلك علي فلوسي انا
ريان: المفروض يعني علشان انا صحبك تعبان
اسحاق: صحبك ايه يلا انت المخدر قصر عليك انا اخوك انت اهبل ولا شكلك كده
ريان: ربنا يسمحك انا جعان طيب
اسحاق: نازل يا خويا اجبلك
سرين: اجي معاك
اسحاق: تعالي يا ختي
وراحو يجيبوا الاكل لي ريان
اسحاق: بقولك اي متيجي نتعرف اكتر علي بعض
واحنا ماشين كده
سرين: عاوز تعرف اي بالظبط
اسحاق: عن حياتك
سرين: زي اي مثلا
اسحاق: عن عيلتك عن نفسك بتحبي اي ومش
بتحبي اي كده
سرين: انا و اسيل توأم ماما وبابا ماتو عايشن
لوحدنا بس
اسحاق: حبيتي قبل كده
سرين: لاء محبتش خالص
اسحاق: لي برغم ان انتي جميله
سرين؛ دي معاكسه دي ولا ايي
اسحاق: لاء بتكلم بجد انتي جميله فعلا
قالت سرين بكسوف: شكرا ليك
اسحاق: كملي بقي محبتيش لي
وسرين: مكونتش لاقيه واحد يكون أماني الي
اطمن على نفسي معاه
اسحاق: لو قولت لك انه موجود
سرين: ياريت بجد بس مش هلاقي حد كده
اسحاق: لي شيفاني كيس بطاطس
سرين: انت؟.
اسحاق: فكك فكك يلا نشتري الاكل
سرين متكلمتش وبصت فالارض وابتسمت ابتسامه صغيرة لاحظها إسحاق
وراحو اشتروا الاكل عند اسيل و ريان
اسيل: بقيت كويس
ريان: ايوا بقيت احسن
اسيل: طيب الحمدلله
ريان: ممكن اسألك سؤال..
اسيل: اتفضل
ريان: انتي بتحبي او مخطوبه
اسيل: لاء
فا ريان قلبه ارتاح
ريان: تمام
اسيل: بتسأل لي
ريان: بسأل عادي
اسيل: اشطا
فا يدخل عليه اسحاق وسرين
اسحاق: خد يا خويا يكش يتمر فيك
ريان: هيتمر متخفش
اسحاق: اما نشوف يا خويا
وقعدوا يكلوا مع بعض ويضحكوا ويهزروا
اسيل: خلاصص مش قادره هو انت كنت
بتعمل كده وانت صغير يا ريان
ريان: اديكي قولتي اهو وانا صغير منك لي الله يا
اسحاق فضحتني مع البونبوناية عارفين بقي اسحاق
كان بيعمل اي
اسحاق: عارف يا ريان لو اللي في بالي مش
هسمي عليك
ريان: لاء لاء تشك فيا اخس فخس اسحاق كان
بيحب العصير الفراوله اوي فا ماما كانت عامله
عصير كتير يجي ازازتين علشان كان في ضيوف
كتيره معزومه عندنا فا اخدهم
ولسه كان هيكمل اسحاق حط ايدوا علي بوق ريان
سرين: بالله عليك يا اسحاق خلي يكمل عاوزه
اعرف
اسحاق: دي اللي البذات لاء مستحيل يحصل
سرين: يا اسحاق علشان خاطري
اسحاق: يا بنتي صدقيني كنت متشرد وانا صغير
سرين: علشان خاطري خليه يكمل
اسحاق: اتفضل كمل يا ريان الكلب صبرك عليا
بس لما انا وانت نكون في البيت لوحدنا
ريان:اهه
فا جريت عليه اسيل
اسيل: ايه مالك
ريان: خفتي عليا يا حبيبتي
اسيل: حبك برص يا ريان
ريان: مش عارف بتعمليني بعنف كده ليه
اسيل: لم نفسك وهعملك براحة
سرين: ممكن تكمل اسحاق عمل اي في
الفراوله
اسحاق: يخربيتكك هو انتي مش بتنسي خالص
يا بنتي
اسيل: لاء سرين لما بيكون عندها فضول تعرف
الحاجه عمرها ما هتنساها
ريان: حاضر يا ستي هكملك من عنيه وراح اخذ
الازازتين ودخل الحمام وقعد يستحمى بيها
وماما فتحت الحمام ومكنتش عارفه ان في حد
في الحمام امي بقي اتحولت تنين يومها
وقبل ما يكمل كلامو سرين واسيل اتخيلوا شكل اسحاق وقعدوا يضحكوا
ويضحكوا فا اتكسف اسحاق
اسحاق: هدعي عليك وهقول اي يا ابن ابويا وامي
فضلوا يضحكوا مع بعض وخلص اليوم وكانوا كلهم مع ريان في المستشفى وناموا كلهم في
اوضى وحدة
عند ساجد الانصاري دخل عليه واحد من رجاله
الراجل: جبنا كل الي انت عاوزه يا ساجد باشا
ساجد: احكي
راجل: عرفنا ان اسحاق وريان في المستشفي
ومعاهم بنتين كده وحده اسمها سرين و التانيه
اسيل هما توأم قريبن من اسحاق وريان
ساجد: حلوو اويي هي دي الاخبار ولا بلاش
عوزك بقي حد يخطف البنتين دول بكره
سامعين
الراجل: سامعين يا باشا
وخرج الراجل وقال ساجد
ساجد: وحيات امي لهوريكم و هقطع قلبكم على البنتين دول
وعدي اليوم وتاني يوم في اوضى ريان صحيت
اسيل وسرين من النوم وصحيوا معاهم اسحاق
وريان
اسيل: هروح انا وسرين هنجيب الفطار
اسحاق: لاء لاء خليكي انتي هروح انا هجيب
الفطار
اسيل: انا عاوزة اتمشي شويه مع سرين واقعد
انت مع ريان
ريان خلاص سبهم يا اسحاق براحتهم هو
مكنش عايز يتعبكم بس
اسيل: عرفة بس انا عوزة اشم هواه
ريان: خلاص تمام روحوا وخلوا بالكم علي
نفسكم
اسيل: تمام
وخرجوا من المستشفى
وهما ماشيين في الشارع كانوا بيضحكوا
وبيتكلموا مع بعض لحد ما فجأة حسوا إن في
عربية سودا بتمشي وراهم ببطء.
سرين: "أسيل... العربية دي مش عجباني حاسة
إنهم بيراقبونا."
أسيل: "يا بنتي بلاش أفلام يمكن صدفة."
لكن فجأة نزل من العربية راجلين ضخام وحاولوا
يقربوا منهم.
أسيل: (بتوتر) "إحنا مش لوحدنا في الشارع لو
عملنا دوشة أكيد حد هيساعدنا."
سرين: بهمس "طيب تعالي نعدي الناحية التانية
بسرعة"
حاولوا يهربوا لكن الراجلين كانوا أسرع واحد
منهم مسك أسيل من دراعها والتاني مسك
سرين.
سرين: "سيبني انتوا مين وعايزين إيه"
الراجل الأول: "ما تتكلميش كتير هتيجوا معانا
بالذوق بدل ما الموضوع يبقى بالعافية."
أسيل: "مش هنروح معاكم سيبونا أحسنلكم"
بدأوا يصرخوا ويقاوموا لكن الشارع كان فاضي
وما كانش فيه حد قريب يساعدهم علشان كانوا
نازلين بدري واتشدوا بالعافية للعربية واتقفلت
الأبواب.
سرين: (بصوت مرتعش) "أسيل... إحنا وقعنا في مصيبة."
أسيل: "متخافيش هنعرف نخرج من هنا. لازم
نفضل هادين."
في الوقت ده كان إسحاق وريان في المستشفى
وبدأوا يقلقوا لما الوقت طول والبنات لسه
مرجعوش.
إسحاق: "ريان. البنتين خرجوا من بدري اوي. كان
لازم أروح معاهم."
ريان: "اهدى يا إسحاق يمكن اتأخروا علشان
المحل يكون زحمه او بيتمشوا مع بعض شويه
لكن إحساس القلق بدأ يكبر لما ما ردوش على
مكالماتهم.
إسحاق: (بتوتر) "مش طبيعي أنا نازل أدور
عليهم"
ريان مسك إسحاق قبل ما يخرج: "استنى لازم
نتصرف بهدوء. نتصل بالشرطة الأول."
وفي الوقت ده في مكان بعيد ومجهول الراجل
اخد أسيل وسرين من العربية وحطوهم في
غرفة ضلمة.
ساجد: (داخل الغرفة بابتسامة خبيثة) "أهلاً
أهلاً نورتوا المكان. كنت مستني اللحظة دي
إسحاق وريان هيجننوا لما يعرفوا إنكم معايا."
أسيل: (بتحدي) "مش هتقدر تعملنا حاجه
علشان انت جبان
ساجد: (بضحكة ساخرة) "دي البداية يا حلوة...
ولسه الحكاية طويلة."
واتصل ساجد بي اسحاق ورد عليه اسحاق
_مين معايا
ساجد:«انا ساجد يا اسحاق نستني يا راجل
بسهوله كده»
اسحاق: خير يا ساجد عاوز اي
ساجد: ولا حاجه حبيت اقولك ان البنات معايا
فا قام اسحاق مصدوم: نعمم البنات معاك
ساجد: ايوا اتفضل اسمع حسهم
سرين: الحقنا يا اسحاق
اسحاق: متخفيش يا حبيبتي
ساجد: تؤ تؤ حبيبتك مره وحده
اسحاق: عارف لو لمست منها شعره صدقني مش هيكفيني موتك
ساجد: لما نشوف
عند. ريان واسحاق
ريان: في ايي
اسحاق: ساجد ابن ال... خطف البنات
ريان: نعمم طيب هنعمل اي
اسحاق: مش عارف
إسحاق: " انا مش هسمح لساجد يؤذيهم لو حصل لهم حاجة عمره ما هيشوف يوم
كويس في حياته."
ريان: "هننقذهم مهما كلفنا. لازم نخطط كويس عشان ما نعرضهمش للخطر."
في الوقت ده، أسيل وسرين كانوا في الغرفة يحاولوا يهربوا.
أسيل: "سرين لازم نلاقي طريقة نخرج من هنا. مش هنستنى حد ينقذنا"
سرين: "أنا فكرت في خطة. في حارس برا الباب. لو عملنا دوشة كبيرة يمكن يدخل ونقدر نتصرف."
بدأوا يصرخوا ويكسروا أي حاجة حواليهم. الحارس دخل بسرعة.
الحارس: "إيه اللي بيحصل هنا"
بسرعة أسيل ضربته بحركة مفاجئة وسرين خطفت المفاتيح من جيبه. خرجوا من الغرفة يجروا لكن للأسف قابلوا رجال ساجد في الممر.
ساجد (بغضب): "فاكرين إنكم هتهربوا طيب كنتوا استنيتوا اسحاق وريان يجوا ينقذوكم
وفي اللحظة دي، اقتحم إسحاق ورايان المكان مع رجالتهم.
إسحاق: (بصوت عالي) "وادينا جينا يا ساجد الانصاري
ساجد (بابتسامة ماكرة): "أخيراً كنت مستنيكم.
بدأت معركة كبيرة بين رجال إسحاق ورايان وبين رجال ساجد. إسحاق كان بيحمي سرين بكل قوته، وريان كان مع أسيل يحاولوا يخرجوها بأمان.
أسيل: "إسحاق خلي بالك من سرين متسبهاش
إسحاق (بحزم): "سرين معايا مش هيحصل لها حاجة متخفيش"
بعد معركة قوية قدروا يهزموا رجال ساجد وتم القبض عليه وتسليمه للشرطة.
إسحاق (بقلق وهو يبص لسرين): "أنتي كويسة
سرين (بصوت مهزوز): "كنت خايفة، لكن لما شفتك حسيت بالأمان."
إسحاق (بابتسامة دافئة): "سرين... أنا مش عايز أشوفك في خطر تاني. مش بس لأنك قريبة مني لكن لأنك... الشخص اللي قلبي اختاره."
سرين اتفاجئت لكن عنيها كانت بتلمع بالفرحة.
سرين: "إسحاق. أنا مش عارفة أقول إيه..."
إسحاق: "قولي إنك موافقة تبقي جنبي طول حياتي."
وفي نفس اللحظة، ريان كان بيكلم أسيل:
ريان: "أسيل برغم الظروف اللي احنا فيها بس بجد مقدرش ابعد عنك. بحبك لانك
وقفتي جمبي كتير وفي المستشفى كنتي بتعتني بيا
أسيل: "ريان... إنت دايماً كنتي جنبي
ريان: "يبقى نبدأ صفحة جديدة بس مش كأصدقاء كحبيبه ليا."
أسيل (بخجل): "أكيد."
وبعد مرور ايام على ابطالنا في سعادة حقيقة و إسحاق فسخ خطوبته من شيرين
بعد ما كشفها على حقيقتها و اتخطبوا ابطالنا إسحاق ♡ سرين و ريان ♡ اسيل
وحياتهم كانت مليئة بالسعادة و المحبة
و بي كده تكون قصتنا خلصت