بقلم الكاتبة المبدعه والمتميزة مروة محمد
في مملكه الجنيات في قصر كبير كان باين عليه مظاهر الاحتفال
تحديدا في غرفه الاميره ايلين
كان داخله ميلان وصيفه الاميره و معاها مجموعه من الخدم و معاهم فستان و الجزمه و المجوهرات بتاعت ايلين
بصت ميلان ل الاميره ايلين ب صدمه و قالت للخدم : بره اطلعو بره فورا
طلع الخدم ل بره و قالت ايلين ب برود : مالك يا ميلان متعصبه ليه كده ذنبهم ايه الخدم تتعصبي عليهم
ميلان : ايلين ايه اللي بتعمليه ده و ايه اللي لابساه ده
ايلين : ايه يا قلبي نظرك ضعف ولا ايه ده لبس الصيد انا هروح اصتاد
ميلان : رايحه تصادي طب و الحفله جلاله الملكه جومانا عازمه امرا الممالك اللي حولينا و كمان الأمير فيليب هيكون موجود و أمرت انك تكوني موجوده ب الخصوص
ايلين : و ايه يعني انا عارفه كل الكلام ده بس مش عايزه أحضر
ميلان : الطم علي وشي بقولك الملكه أمرت ب انك تكوني موجوده و انتي عارفه الملكه لما تقلب هنشوف ايام سوده
ابتسمت ايلين ب خبث و قالت : متخافش انا هكون موجودة طبعا يا ميمو
ميلان : طب و الصيد هتلحقي تيجي في نص ساعه قبل الحفله ما تبدأ
ايلين قربت ميلان و حطت أيدها علي كتفها و قالت : انتي اللي هتحضري بدالي يا ميمو
ميلان : ازي ده انا عارفه أنه حفله تنكريه بس مش هينفع برضو
سقفت ايلين ب أيدها و ظهرت هاله بيضه حولين ميلان غيرت شكلها و خلتها نسخه من ايلين ب الظبط
و قالت : اهو كده يا ميمو محدش هيعرفك خالص
برقت ميلان ب صدمه
و كملت ايلين و هي بتاخد القوس والسهم بتاعه : بس المهم خد بالك من نبره الصوت و بلاش سهوكه خليكي حرشه كده مش عايزه مياصه عشان محدش يكشفك يلا سلام يا ميمو
و نطت من الشباك و طارت ل بره القصر
ميلان جريت عند الشباك و قالت : ايلين ايلين استني رايحه فين
و فجاه اتفتح الباب علي غفله و كانت جومانا الملكه الام و قالت ب عصبيه : ايلين انتي مجهزتيش لسه كل ده تأخير الضيوف علي وصول
بصت ميلان ليه ب صدمه
و كملت ب عصبيه : انتي سرحانه في ايه ها مش بتردي ليه
ميلان ب ارتباك : ها
جومانا : اخلصي و البسي بسرعه
ميلان : حاضر يا جلاله الملكه ثواني و اكون جاهزه
جومانا : من أمتي الادب ده اخلصي بسرعه
و طلعت ل بره
و ميلان فضلت تدبدب في الأرض و قالت ب غيظ : منك لله يا ايلين
نسيب ميلان اللي شايطه من الغيظ و نروح مكان تاني عند بطلنا تاج اللي كان في الغابه بيصتاد
و فجاه شاف غزال بيجري صوب السهم بتاعه عليه و ركز ل دقائق و بعدين أفلت السهم بس في سهم تاني سبقه للغزال و وقع سائح في دمه
جري عليه تاج و لقي بنت حطت أيدها عليه قال ب غيظ : شيل ايدك ده بتاعي انا شوفته الاول
ايلين : انا اللي ضربته الاول السهم بتاعي ضربه الاول
رفع تاج وشه ب صدمه و قال : هو انتي بنت
ايلين : اه و مالها البنت
تاج : مكنتش متصور انك بنت و لما انتي بنت و ايه اللي لابساه ده
ايلين ب ضيق : انا حره البس اللي يريحني زاي ما انت حر ولا عشان انا بنت ابقا مش حره
ابتسم تاج و قال : اهدي اهدي اتعصبتي ليه كده ده مجرد سوال عادي اصل انا بشوف كل بنات المملكه بيلبسو فساتين و هدوم بنات حاجات كده يعني
ايلين : انا متعصبتش بس ايه الفكره من اني البس فستان يعني هو فرض عشان انا بنت البس فستان
تاج : لا يا جميل مش فرض كل واحد حر يعمل اللي يريحه بس معرفتنيش علي القمر
ايلين ب استفهام : قمر قصدك مين القمر
تاج : انتي يا قمر اعرفك انا ب نفسي انا تاج ولي عهد المملكه الشماليه
ايلين ب صدمه : انت بشري بجد
تاج : ايوه ليه هو انتي مش بشر
ايلين : ها لا قصدي اه بشريه
تاج : هههه ارتبكتي ليه بس انا مش بعض طب قوليلي انتي بتعملي ايه هنا الغابه دي بعيده عن المملكه بتاعتك بكتير
ايلين ابتسمت ب ضيق و قالت : هحكيلك انا ايلين بنت اولوف ملك مملكه الجنوب و انا بنته الوحيده و ولي العهد من بعده و عشان انا بنت و ضعيفه و مش هقدر ادير شوان المملكه لازم اتجوز حد يكون قوي و يساعدني في الحكم
تاج : و ايه المشكله مش فاهم انتي مش عايزه تتجوزي يعني
ايلين : لا هي امي شايفه اني ضعيفه و معنديش الإمكانية أن أحكم المملكه و عايزه تجوزني اكتر شخص بكرهو في الدنيا ابن خالي الغالي و خلال أيام هكمل عشرين سنه و في وقتها لازم اتجوز و امي جلاله الملكه جومانا عامله حفله تنكريه النهارده عشان تخليني أقرب منه و احبه بس انا مستحيل اتجوز شخص سمج زاي ده
تاج : اها عشان كده هربانه طب مش خايفه أن الملكه تعرف ب غيابك دي شكلها شخصيه قوي جدا
ايلين : وحياتك يا غالي هي لو عرفت هتنفختي بس انا سايبه بديل مكاني و مش هتعرف
تاج : بديل
ايلين : ايوه طبعا بديل خليت الوصيفة بتاعتي تلبس الفستان بتاعي و تكون مكاني و دي حفله تنكريه صعب حد يعرفها و هي دائما بتغطي عليا لما أخرج من القصر
تاج : يا بختك تعرفي انا بعمل ميه خطه عشان أخرج من القصر من غير ما امي ترفض أصلها بتخاف عليا اوي و مش بتحب أخرج بره المملكه
ايلين : ربنا يخليها ليك بقولك ايه ما تيجي نتدرب شويه ب القوس ولا نلعب مبارزه معاك سيف
تاج : طبعا معايا يلا بينا عشان اكسبك
ايلين : هههه تكسبني انت بتحلم و حياتك يا غالي هغلبك في حركتين
تاج : بتحلمي يا غاليه يلا بينا
ايلين : يلا
و قامو يبارزو بعض ب السيف
و بعد وقت طويل مكنش حد فيهم كسب و قعد الاتنين علي الارض و نامو ب تعب
و قال تاج و هو بيلفظ أنفاسه ب تعب : هههه تعبتي انا كنت هكسبك بس سبتك لما لقيتك تعبتي
ايلين ب تعب : انا اللي سبتك عشان مملكتك يكون ليها ولي عهد
تاج : لا انا اللي سبتك عشان موجعش قلب الحاجه جومانا عليكي
ايلين : ههههه توجع قلب جومانا عليا ده في احلامك مستحيل صدقني
تاج قام قعد و قال بغيظ : ليه أن شاء الله هو انا مش قد المقام ولا ايه انا قائد جيوش المملكه و كسبت حروب كتير مش هقدر اغلبك
ايلين : من ناحيه أن مش هتقدر تكسبني ف انت مش هتقدر تكسبني فعلا انا مش اي حد بس جلاله الملكه عمرها ما هتزعل عليا يا عم دي ساعات بحس انها مرات ابوي مش امي كأنها لقيلني في الشارع و علي طول مكتفاني و بتمنعني من اي حاجه بحبها و بتخاف عليا ب طريفه تخوف
تاج : خوفها عليكي حب مش تحكم يا ايلين كل الامهات بيتعاملو كده مع عيالهم انا امي زاي ما قولتلك أنها بتخاف عليا جدا لدرجه انه بتمنعني من الخروج برضو مع اني كبير و عاقل و كمان والي عهد المملكه و قائد الجيش يعني مش شخص ضعيف بس برضو بتخاف عليا
تعرفي انا كنت هبوس أيدها عشان أخرج النهارده من المملكه و بعت معايا الحرس بس انا زوغت منها و طبعا هما مش هيجيبو سيره قدم امي عشان ماتنفخهمش و هيقولو اني كنت تحت عيونهم و هيقولو اللي انا عايزه
ايلين : فعلا بس انا امي بتتعامل معايا ب قسوه غير اي ام بس انا بحس دائما أنه بتحبني
تاج : شوفتي مفيش ام مش بتحب ولادها
ايلين : صح طيب اطير انا عشان الحق الغلبانه ميلان قبل ما تتكشف سلام يا غالي
تاج : سلام يا لمضه هشوفك تاني
ايلين : طبعا نتقابل في نفس المكان
و مشيت من قدمه و بعدين طارت
و تاج مسك القوس بتاعه و ابتسم ب حب و قال : مجنونه بس قمر
و بعدين مشي هو كمان رجع للحرس بتوعه
قال يعقوب قائد الحرس : سمو الأمير تاج كنت فين و اختفيت ازاي فجاه كده احنا دورنا عليك في كل مكان ملقناش أسر ليك
تاج : متخافش عليا يا يعقوب انا بخير و بطل تدور عليا تاني عشان مهما تعمل مش هتعرف مكاني فاهم
يعقوب : بس سموك احنا قلقتنا عليك و و خوفنا أن يكون حصل ليك اي مكروه
تاج : يعقوب انت بتكدب عليا ولا بتكدب علي نفسك انت خوفت تجرأ ليا حاجه و الملكه تقتلك لا اكتر ولا اقل
يعقوب : جلالتك مستقبل المملكه و طبيعي أن احنا و جلاله الملكه نخاف عليك
تاج : لا يا حبيبي خاف علي نفسك بس و شوف هتقول ل الملكه ايه النهارده لما تسالك عني أو عن كنت فين
يعقوب : سموك بس
تاج ب ملل : هوش كفايه كده مش عايز كلام كتير يلا نرجع عشان زهقت
و ركب تاج حصانه و مشي
و مشي وراه باقي الحرس و يعقوب
و بعد شويه وصل تاج الي القصر
و كانت الملكه الام توجون في استقبال تاج و قالت : ازيك يا ابني عامل ايه
تاج : الحمد لله بخير يا جلاله الملكه
توجون : واقفه ليه يا حبيبي تعالا اقعد جنبي و احكيلي عملت ايه النهارده في رحله الصيد
تاج قرب ليه و قعد جنبها و قال : كانت رحله كويسه يا ست الكل اصتادت غزال الريم النادر
توجون : بجد يا حبيبي بس اللي اعرفه ان غزال الريم ده مش موجود في المملكه بتاعتنا عشان هو بيعيش في الغابات الكثيفة علي عكس المملكه اصتادته ازاي بقي
تاج اتصدم و خاف أمه تعرف أنه بيخرج بره حدود المملكه و قال ب ارتباك : اه فعلا انا مخدتش بالي هو ممكن يكون شرد عن السرب بتاعه أصله شكله كان تعبان اكيد القطيع بتاعه سبقه بسبب تعبه أو تاه من القطيع بتاعه
توجون : بجد طب ليه يا حبيبي تصتاده و هو تعبان كنت علاجته الاول حرام يا تاج
تاج : لا ما انا مكنتش اعرف انا بعض ما ضربته ب السهم لقيته تعبان
توجون : طيب يا حبيبي ولا يهمك
تاج : طيب يا جلاله الملكه انا هطلع ارتاح شويه
طلع تاج الأوضه بتاعته و قال ب راحه : اوف كنت هتقفش
و نائم على السرير بتاعه و باصص ل السقف و سرحان في تلك الجنيه المتهوره و نام و هو بيفكر فيها
أما عند ايلين كانت وصلت المملكه بتاعتنا و دخلت القصر و اتسحبت و طلعت الاوضه بتاعتها من الشباك و اتصدمت لما لقيت ميلان قاعده علي السرير ب غضب و عيونها بتطق شرار
ميلان ب غضب : اخيرا جيتي يا ست الكل ليه ما بدري
ايلين ب ابتسامه سمجه : ميمو انتي هنا عامله ايه يا حب
ميلان ب غيظ : رجعي شكلي زاي ما كان و بعدين نتكلم يا سمو الاميره
ايلين ب مرح : امرك يا سمو الاميره ايلين
و قالت كلامها ده و سقفت ب أيدها و طلعت نفس الهاله البيضه تاني و في خلال ثواني كانت ميلان رجعت ل شكلها تاني
ميلان و هي بتلف حولين نفسها و بتبص في المرايه عشان تتأكد أن شكلها رجع زاي ما كان : كنت خايفه مرجعش المره دي
حضنتها ايلين و قالت : لا متخافيش صاحبتك عندها قدرات خاصه غير اي حد و شكرا يا جميل تعباكي معايا علي طول
ابتسمت ميلان و بادلتها الحضن وقالت : تعبك راحه يا لي لو
و كملت ب حزن مصطنع : سمو الأميره انا اسفه
ايلين ب قلق : اسفه علي ايه مالك يا ميلان هو في حاجه حصلت
ميلان : لا بس عندي خبر مش كويس أعتقد أنه مش هيعجبك يا سمو الاميره
ايلين : انتي مش بتندهيني ب سمو الاميره دي غير لما يكون في حد معانا أو حاجه حصلت قوليلي حصل ايه يا ميلان
ميلان : هو فعلا في حاجه حصلت سمو الأمير فيليب طلب ايدك للجواز و جلاله الملكه وافقت و هتجوزيه يوم عيد ميلادك العشرين
ايلين انفعلت ب غضب شديد و ضربت علي الارض ب رجليها و قالت ب غضب جحيمي : ايه اتجوز فيليب ازاي توفق من غير ما تاخد رايي انا مستحيل اتجوز الكائن السمج ده
ميلان : لا ما هي اخدت رايك فعلا
ايلين : ازاي و امتي انا كنت بره القصر ازاي
ميلان : نسيتي اني كنت هنا مكانك و هي سالتني بس انا خوفت اتكلم ل تعرف اني مش انتي و كمان خوفت ارفض ل تكوني ناويه توافقي راحت افتكرت سكوتي موفقه و حددت معاد الجواز يوم عيد ميلادك
ايلين : ده عند الست الحاجه انا مستحيل اتجوز البني ادم ده مستحيل انا هروح اقولها اني مش هتجوز البغل ده
ميلان وقفت في طريقها و قالت : هتعملي كده ازاي لو رفضتي دلوقت هتقولك مرفضتيش ليه في وقت ما طلبك و أنها اداته كلمه و مش هترجع فيها
ايلين اتغاظت جدا و اقتنعت ب الكلام و فضلت تروح و تيجي في الاوضه ب غيظ و قالت : لازم القي حل انا مستحيل اتجوز فيليب لو كان آخر راجل في الأرض انا عندي استعداد اموت ولا اتجوز فيليب ده عامل زاي البغل الاسترالي كفايه تقل دمه
ميلان : مفيش حل غير أنه يرفض أنه يتجوزك من نفسه اتعاملي معاها ب طريقه تخليه يكرهك و هو هيرفض
ايلين : مستحيل يرفض ده ولا اللزقه الامركاني و اتعامل معاه اوحش من كده ازاي ده لو عنده ده مكنش دخل القصر ده تاني
ميلان : طب خلاص شوفيلك عريس غيره و اتجوزي في اسرع وقت
ايلين : لا انا مش عايزه اتجوز دلوقت
ميلان : انتي مشكلتك مع فيليب نفسه مش مع كل الرجاله و جلاله الملكه عايزاكي تجوزي و تفرح بيكي و لو عرفت ان انتي بتحبي حد غير فيليب مستحيل تغصبك عليه
ايلين ابتسمت ب فرح و قالت : صح انتي صح يا ميمو بس هلاقي عريس الغفلة ده فين
ميلان : دوري علي حد تكوني بترتاحي ليه علي عكس فيليب و اتجوزيه حتي لو موقتاً
ايلين : بس هلقيه فين ده برضو
و بعدين كملت و قالت ب فرح : لقيته لقيته اخيرا
ميلان : مين هو ده
ايلين : عريس الغفلة يا غاليه
ميلان : مين مين حد اعرفه
ايلين : لا بعدين هتعرفيه
و ابتسمت ب خبث و راحت نامت علي السرير و سحبت ميلان و قالت ليه : نامي معايا يا ميمو
عدا اليوم وتانب يوم الصبح صحيت ايلين علي ضوء الشمس و قامت غيرت هدومها و لبست لبس الصيد من تاني و كتبت رساله ل ميلان و قالت فيها : ميمو حبيبتي انا هروح اشوف عريس الغفلة ممكن تغطي عليا المره دي و وعد هتكون اخر مره
و طارت من الشباك و ميلان صحيت علي صوت فتح الشبك و شافت الرساله و قرأت كلام ايلين و قالت : مش هارتاحي غير لما تحبسيني يا ايلين
و عند تاج كان هو كمان بيستعد ل الخروج ل الصيد و هو مبتسم و سرحان في تلك الجنيه المجنونه و المتهوره و قال ب حب : هل هتيجي تاني يا ايلين ولا لا انا جاي اشوفك قلبي حاسس اني هلقيكي هناك تاني النهارده
قطع كلامه مع نفسه دخول توجون اللي قالت بحب : صباح الخير يا حبيبي انت خارج ولا ايه
تاج : صباح الفل يا جلاله الملكه اه خارج هروح اصتاد
توجون : ماشي يا حبيبي خلي بالك من نفسك
و لفت تطلع ل بره و بعدين لفت ليه و قالت ب مكر : بس خلي بالك ل تصتاد غزال الريم تاني
تاج خاف من نظرات و تلميح أمه عن معرفتها ب خروجه
و بعدين كمل لبس و اخد القوس والسهم بتاعه و طلع ل بره و الحرس كانو معاه و ملازمينه طول الوقت
قال تاج ب خبث : خلي بالك من شغلك كويس يا يعقوب اصل لو الملكه عرفت انك مش بتعمل شغلك ب ضمير هتنفخك
يعقوب ب ضيق : لا متخافش سموك احنا وخدين بالنا كويس اوي النهارده و مش هتعرف تزوغ مننا النهارده
تاج ب سخريه : ههههه شاطر حلوه الثقه دي بس خالي بالك من كلامك و متنساش اني الامير و ولي العهد فاهم
بص ليه يعقوب ب غيظ و سكت
و خلال دقائق كان تاج اختفاء عن عيونهم وسط الأشجار
و يعقوب خبط علي الارض ب غيظ و قال : تاني اختفاء تاني
و بص ل الحرس و قال ب غيظ : انتشروا دورو عليه في كل مكان في الغابه لو رجعتو من غيره هيكون عقابكم عسير
هز الحرس رأسهم ب الموافقه و ادو التحيه العسكريه و انتشروا في الغابه
كل ده تحت انظار تاج اللي كان متخبي ورا الشجره و ابتسم ب خبث
و اتحرك و راح علي الغابه خارج حدود المملكه و اقعد في المكان اللي قابل فيه ايلين امبارح و طلع كتاب و قعد يقرأ فيه
و بعد شويه سمع صوت جاي من عند الأشجار وقف و مسك القوس والأسهم بتاعته و قال : ده اكيد حيوان مفترس
و صوب ناحيته الصوت و ضرب عليه و اتفاجه لما سمع صوت صرخه أنثويه جري نحياتها و قال : انتي كويسه يا انسه
ايلين لفت وشها ليه و قالت : كويسه الجرح بسيط بس مش عيب عليك تضرب بنوته جميله زايي ب السهم كده
تاج ب صدمه : هو انتي انا اسف مكنتش اقصدك افتكرتك حيوان ولا حاجه
ايلين : خوفتي يا بطه متخافش انا معاك
تاج : ايلين مش وقت هزار تعالي اربطلك الجرح ده عشان بينزف جامد
ايلين : مين قالك ان محتاجه مساعدتك انا بعرف اعالج بنفس
تاج سحبها و بدأ يربط ليها أيدها و قال : مش بكيفك لازم نوقف النزيف ده
و خلال دقائق كان خلص و قال : الف سلامه عليكي يا بسبوسه بس قوليلي ايه اللي جابك هنا
ايلين : الله يسلمك يا تاج صراحه كده انا جيت اشوفك
تاج ب استفهام : تشوفيني
ايلين ب ارتباك : اه جيت اشوفك لأن صراحه كده انا كنت محتاجه مساعدتك
تاج ابتسم ب مكر و ربع ايده و قال : مش المفروض انك شبح و مش محتاجه مساعده من حد و بتعرفي تعملي كل حاجه ل نفسك من الاخر مقطعه السمكه و ديلها
ايلين : لا ما هو الحاجه اللي محتاجلك فيها مش هعرف اعملها ب نفسي
تاج : امري لله قولي و انا افكر أن كنت هساعدك أو لا
نفخت ايلين ب ضيق و قالت : من الاخر كده عايزه اتجوزك
بص تاج ليه ب صدمه ل دقائق و بعدين انفجر من الضحك
ايلين ب غيظ : بتضحك على ايه
تاج : لا حلوه حلوه اوي النكته دي
ايلين ب ضيق : انا مش بهزر انا عاوزه اتجوزك يا تاج
تاج ب صدمه : انتي بتكلمي جد قولي والله كده
ايلين : تاج
تاج : اصل مش مصدق نفسي سمو الاميره ايلين ب نفسها جايه تطلب ايدي موضوع ميدخلش عقل خالص
ايلين : لا مش كده احنا هنتجوز علي ورق جوز موقت يعني بص من الاخر كده ابن القرعه فيليب طلب ايدي و جلاله الملكه جومانا وافقت عليها و جوزنا هيكون يوم عيد ميلادي العشرين
تاج : طب لما انتي مش عايزاه مرفضتيش ليه ولا هي مخدتش رايك اصلا
ايلين ب ضيق : لا ما هي سالتني و ميلان كانت مكاني و خافت تتكلم ل تتكشف و ساعتها الملكه هتعلقها من رموش عنيها علي باب القصر و الرايخ و اللي جاي يضرب فيها
تاج ب خبث : طيب انا موفق بس ايه المقابل
ايلين ب رفعه حاجب : هو انت منهم و انا اللي وثقت فيك
تاج : ايه هي دماغك راحت فين مش قصدي قله الادب اللي بتفاكري فيه يا بسبوسه
ايلين : اومال قصدك ايه
تاج : احم اتجوزك ب جد يعني نكمل الجوزه مش يكون جوز علي ورق صراحه كده انا معجب بيكي و يعني ممكن نعتبر فترت الجوز دي فترت تعارف و لو حسينا ب حاجه ناحيته بعض نكمل و لو لا خلاص نسيب بعض ايه رايك
ايلين اتكسفت و قالت و هي بتفرك في أيدها : انت فاجأتني صراحه بس انا كمان معجبه بيك و موفقه ان ندي ل نفسنا فرصه نحب بعض
ابتسم تاج و قال ليه ب حب : بجد طيب حيث كده ساحرق العالم من اجلك يا ايلين
ايلين : هي مش كانت ساحرق العالم من اجلك يا اسيل انت نصاب ياد طب قول حاجه من عندك مش تسرقها خليك رومانسي
تاج ب ابتسامه سمجه : لا انا اللي عندي اكتر من كده ب كتير ده بس عشان لسه معجب لكن لما احبك هقول اللي محدش قاله
ايلين : هتقول ايه يعني
تاج : هقول كلام الشيطان و ساجلس علي عظام مملكتك كله لو رفضو نتجوز
ايلين : حرامي
تاج : ههههه عارف قوليلي ايه الخطه بقي
ايلين : الخطه ك الآتي
و حكت ليه الخطه
و قالت : و هنفذ يوم عيد ميلادي يا تاج
تاج : فل علم و ينفذ يا بسبوسه بقولك ايه انا بدلعك من لما شوفتك و انتي بتقوليلي تاج بس احنا مشروع حبيبه دلوقت
ايلين : ايوه يعني عايزه ايه
تاج : قوليلي تاجي ولا اقولك قوليلي تاج راسي
ايلين : نعم نعم يا عين امك تاج راس مين يا بغل انت فاكر نفسك ايه
تاج ب ثقه : حبيبك ولا نسيتي
ايلين دبت في الأرض ب ضيق و قالت : اوف طيب هقولك تاجي بس انا ماشيه نتقابل بعدين سلام
تاج : سلام يا بسبوسه
و راحو كل واحد علي بيته و هو في قمه سعادته ب اعترف التاني ب إعجابه بها
و عدات الايام و هما كل يوم بيتقابلو في نفس المكان و علاقتهم بتكون أقوا بس محدش فيهم خد باله من الشخص الملثم اللي بيرقبهم من بعيد و بينقل اخبارهم ل توجون ام تاج اللي كانت سعيده جدا ب العلاقه دي و كأنه كانت مستنيها تحصل من زمان
و في يوم عيد الميلاد صحي تاج و كان بيجهز نفسه ولبس اجمل حاجه عنده و كان واقف بيتامل في نفسه و بيتخيل اليوم العجيب ده
و فجاه دخلت توجون و قالت : صباح الورد يا تاج
تاج : صباح الفل والياسمين يا ست الكل
توجون : ها قولي علي فين العزم كده و متشيك و لابس الحته اللي علي الحبل و ايه سر السعاده الغربية دي
تاج : مش هينفع اقولك دلوقت يا ست الكل بس وعد هحكيلك لما تكون في فرصه احكيلك بس خليكي واثقه أن مش هعمل حاجه تدايقك ابدا
توجون : و انا واثقه فيك يا حبيبي بس الهدوم دي مش لائقه علي بعض تعالا البس الجاكيت ده هيكون احلا
أخدها منها تاج ب فرح و لبسه و بعدين باس راسها و طلع ل بره
و هي ابتسمت ب شر و قالت : اخيرا حقي هيرجعلي
و بعدين ضحكت ضحكه شريره و بقوه و أمرت الحرس يتجمعو ب سرعه عشان هتطلع من القصر
أما تاج كان وصل عند مملكه الجنوب و وقف في الساحه ب فرح و كان المملكه كله بتجهز ل عيد ميلاد الاميره زاي النحل و هو استغل انشغالهم و اتسحب ل القصر و دخل عند ايلين اللي كانت ب تلبس و فرحانه جدا
تاج ب فرح : صباح الخير يا بسبوستي عامله ايه
ايلين : كويسه يا تاجي اتاخرت ليه انا مستنياك من بدري
تاج : كنت بختار لبس يليق ب فرحي يا بسبوستي ما هو الفرح مره في العمر
ايلين : هههههه اومال لو مكنش علي ورق كنت عملت ايه
تاج : ده عند أمه يا ادهم
ايلين : ها بتقول ايه
تاج : لا ولا حاجه يا غاليه انا هروح استنا تحت علي ما الحفله تبدأ
ايلين : ماشي يا تاجي باي نلتقي بعد قليل
و نزل ل تحت و بعد شويه كانت بدأت احتفالات عيد ميلاد الاميره ايلين و احتفالات جوزها من فيليب برضو
و وقفت جومانا و الملك اولوف و قالو كلمه ب مناسبه الاحتفال
و أعلن اولوف عن جوز ايلين
بس قاطعه تاج لما رفع القوس بتاعه و قال : جلاله الملك اولوف انا طالب ايد سمو الاميره ايلين للجوز
رد جومانا ب غضب شديد و قالت : انت اتجننت ايلين هتجوز فيليب النهارده انت ازاي تاجرا تطلب طلب زاي ده
تاج : سموك انا عارف أن سمو الأمير فيليب طلب أيدها بس اللي اعرفه ان من عادت المملكه أن لو اتنين اتقدمو ل نفس البنت بيحصل بينهم مبارزه و الفائز بيتجوز البنت دي و انا بتحدا فيليب في المبارزه
كانت لسه جومانا هترد بس قاطعه اولوف وقال : صح كلامك صح دي عادات وتقاليد المملكه ولازم نعمل بيها
جهزو الساحه ل المنافسه
و كمل ب همس ل جومانا و قال : لو رفضنا المبارزه سمعه المملكه هتبوظ وسط الممالك
ابتسم تاج و غمز ل ايلين ب فرح
و بعد شويه جهزو الساحه
و قرب تاج عشان يسلم علي فيليب و حضنه و قال ب خبث : هنفخك يا فله انت
فيليب ب غيظ : انت بتحلم ايلين ليا انا و المملكه دي ليا برضو
تاج : هههه هنشوف
و بدات المباراه و طبعا كسب تاج
و أعلن اولوف فوز تاج و قال : الف مبروك الفوز سمو الاميره بقيت زوجتك من دلوقت
بس احنا لسه متعرفناش انت مين
تاج ب ابتسامه : شكرا يا جلاله الملك الله يبارك فيك انا اسمي تاج ولي عهد مملكه الشمال
صرخت جومانا ب صدمه و قالت : انت بشري
تاج ب استفهام : اه بشري في حاجه
و فجاه جه صوت من وراه و كان صوت توجون اللي قالت : اه بشري نص بشري و نص جني يا اختي الغاليه
جومانا ب صدمه : توجون انتي لسه عايشه
توجون ب غضب : اه عاشه و جايه النهارده اخد حقي و ارجع حكم لي ايدي اللي انتي سرقتيه
جومانا : انا مسرقتش حاجه ده حقي انتي اللي عصيتي أوامر الملك و اتعقبتي عليه ب النفي
توجون ربعت أيدها و قالت ب شماته : طيب بنتك برضو ارتكبت نفس الذنب و اتجوزت نص بشري هتعملي معاها ايه
جومانا : الجوزه دي احنا مش موفقين عليها و تعتبر ملغيه لانه كدب علينا
ايلين ب خوف : انا كنت أعرف أنه بشري
ضربتها جومانا ب قوه و قالت : انتي اتجننتي ايه اللي بتقوله ده
تاج قرب عليها و حضنها و قال : لو ايدك لمستها تاني هقتلك
و بص ل أمه ب غيظ و قال : انا مكنتش متصور انك تعملي كده انتي انسانه طماعه و شريره استفادتي ايه لما عملتي كده
جومانا : شاطر تمسيلك حلو عملت اللي انت عايزه بتكدب ليه بقي
تاج وقف ب غيظ وقال : انا مش كداب انا بحب ايلين و هي كمان بتحبني و اتعرفت عليها من فتره و جلاله الملكه توجون مكنتش تعرف اي حاجه ب الكلام ده
جومانا ب غيظ : مش فارقه كنت تعرف أو ما تعرفش في الحالتين ايلين لو كملت معاك هتتنفي بره المملكه و مش هطول حاجه مني
تاج : مش عايز منك اي حاجه غير ايلين
و مسك أيدها ب حب
و بص ل توجون و قال : ولا عايز منك حاجه احنا هنعيش لوحدنا و انسي أن ليكي ابن من النهارده يا جلاله الملكه توجون
انهارت توجون من العياط و قالت : تاج ابني متسبنيش ارجوك
و كان ماشي هو و ايلين بس وقف علي صوت جومانا اللي قالت : ايلين اوقفي انا موفقه
لفت ليها ايلين ب حضنتها ب حب و قالت ب دموع : بجد يا ماما
جومانا : انتي بنتي و بحبك و مش هقدر علي بعدك انا مسمحاكي و موفقه
تاج : احلفي كده يا حماتي يا حياتي
جومانا ابتسمت : طالع ل امك بكاش
تاج : حيث كده تنجوزني يا صنيه البسبوسه
ايلين : احنا اتجوزنا يا عبيط
تاج : اخلصي يا بت
ايلين : موفقه يا تاجي