بقلم الكاتبة المبدعه والمتميزة نوران الادهم
بتبدا قصتنا عند بطلتنا الا دخلت مكتبها وهيه بتقول بمرح
انا جيت نورت الشغل المعفنه ده
و بتضحك هي و يمني
يمني : يا بت اتهدي بدال ما يتخصملك تاني
وبعدين بيجي محمد بيقول:
نوران يمني جابولنا مدير جديد
نوران ب فرحه : بجد واخيرا حد غير الغلس ده
محمد : ده اسوء يا بنتي
نوران ب عبوس : يالهوي يمراري
محمد : خلاص بقى تعالي المدير عايز الكل
بتروح نوران و يمني و محمد
نوران ليمني : ايه الولد الجامد المز ده
يمني : بس يابت عيب هو يعني مز و جامد و اكتر .... بس عيب اوي اوي
نوران ب رفعه حاجب : بجد يابت عيب
يمني : ايوه ايوه عيب
محمد: نوران المدير عايزك
نوران: ده بجد ... ده انا هروح وانا مبسوطه يس يس
محمد: اوعي تعملي حاجه فاهمه
نوران: فاهمه فاهمه بشكل محصلش
محمد: يلا بقى
و خلال دقائق بتكون نوران في مكتب المدير
نوران : السلام عليكم ورحمة الله وبركاته كانت عايز حاجه يا فندم
بيرد عليها بدر ب برود وبيقول
: انا قلت تدخلي
نوران ب ارتباك : حضرتك لا
بدر: اطلعي و لما اسمحلك ادخلي
بتقول نوران ب مرح : قول كده شاكوش
بدر ب رفعه حاجب : شاكوش ؟
نوران : شعرك منكوش
و بتفضل تضحك لغيت ما وشها يحمر
و بدر بيتعصب منها اوي وبيقول :
بره اطلعي بره
بتخرج نوران وهيه لسه بتضحك وبتروح للمكتب بتاعها
يمني : حصل ايه يابت ومالك كده شكلك عملتي ......مصيبه صح
نوران: انتي تعرفي عني كده
يمني : انتي ام كده ... احكي يلا عملتي ايه
بتحكي نوران كل حاجه و هي فخوره ب نفسها وبعد ما بتخلص بتقول : و بس كده
يمني ب صدمه وصريخ : يالهوي انتي ناويه علي رفدك صح
دخل محمد علي الصوت : في ايه مالك يا يمني
نوران : ولا حاجه دي قلبها خفيف
محمد : نوران عملتي ايه شكلك عملتي مصيبه
نوران ببراءه مصطنعة : مين انا .... ده انا بلسم
محمد ب سخريه : اه بلسم انتي هتقوليلي
نوران : اه اومال ايه
يمني : تعالالى انا .... احيكلك علي البلوي بتاعتها
محمد : ماشي ... بس روحي دلوقت علي بيتك معاد الشغل خلص.... علي رنات يا ميمو
يمني : اروح و اكلمك
نوران: انا ماليش خلق ليكم عندي حاجات اهم باي يا معلم
و طلعت تجري ل بره و اخدت تكسي و بعد ساعات طويله
رجعت البيت بس وقفتها ام يوسف
ام يوسف: بقى بترجعى البيت الساعه عشره و شغلك لحد الساعه اتنين
نوران: وانت مالك يا وليه
ام يوسف: مالي ايه ده الباب في الباب عايزه تشبهي العماره
نوران: أشبه ايه يا وليه يا عره انتي تطولي تبقي زاي يا جربانه
ام يوسف: انا جربانه يا عره النساون يا كناسه الحاره يا عده نوكيا ومفكرها نفسها ايفون يا برص على الحيطان يا شرشوبه بلاط
نوران: جرا اي يا وليه يا طرش البلاعات يا كناسة الحاره انت نسيتي نفسك و لا اي يا وليه.... الله يرحم لما كنتي داخله علينا الكوع مهبب و الوش محبب و اللي يصطبح بيكي لا يكسب و لا يتسبب
يمني كانت واقفه بتتفرج وهيه بتقول
ايوه يا نوران يا جامده
ام يوسف:
بقى بتردحي ليا يا معفنه
نوران: انا معفنه يا وليه يا حربايه
ام يوسف: مين دي الحربايه يا ناقصه ربايه
بتطلع ام نوران علي الصوت و هي بتقول ل نفسها :
استر يا رب
و اول ما لتطلع بتصدم من اللي نوران بتعمله و بتقول:
كان قلبي حاسس انها انتي
ام يوسف: ما تشوفي بنتك يا ايمان
نوران: مالي يا وليه يا حربايه
ام يوسف : هو في حربايه غيرك يا ناقصه ربابه
نوران : انا ناقصه ربابه يا معدومه الاخلاق
ايمان ب صريخ : باااااس قدامي علي البيت يلا
و سحبتها و دخلت ل جوه
ايمان: خلاص يا ام يوسف مش كل يوم نفس الاسطوانه
ام يوسف : ما انتي لو مربيه بنتك مكنش حصل ده كله حصل
نوران من ورا الباب: انا متربيه احسن منك ميت مره يا جربانه
و ايمان ب تقلع الشبشب المصري الاصيل و ترميه عليها
ايمان: فضحاني في العماره محدش مطلع ليا حس غيرك
نوران : يعني اسكتلها و هي بتغلط فيا
ايمان : لا لا سمح الله و دي تيجي انتي تفضحينا كل يوم بس
نوران : انتي تامري يا غاليه
و ايمان بتمسي عليها ب فردت الشبشب التانيه
يمني كانت بتضحك لدرجة انها وقعت علي الارض
ايمان ب غيظ وهيه بتبص ليمنى :
وانا الا بقول عندك عقل .... ده بدال ما تحوشيها واقفه تضحكي
نوران:
ازاي عندها عقل وهي بيستي يا ماما
يمني: ده شرف كبير ليا والله
و بتضحك نوران و يمني
ايمان بضيق : اطلع من هدومي ....
فوضت امري لله فيكم ... يلا يا بت روحي علي بيتك و انت يا نور علي الاوضه بتاعتك
نوران :
مين دي اللي تروح يمني قاعده معايا
ايمان:
يالهوي هو انا ناقصه علشان تجبيلي يمني
نوران : باي يا مامي
بتسحب نوران يمني علي الاوضه
يمني : اردحيلى شويه يكش اتعلم حاجه
نوران : من عيوني مالكم يا ايحه يا تلقيحه يا صابونه من غير ريحه يالي الشيطان يقولك يا ابيحههه يا عجله من غير جادون يا حمام من غير صيفون يا تور من غير قرون
يمني: ايوه يا جامده
نوران : اسمعي صوتي كده
وبتطلع علي السرير و تشتغل غناء وهيه بترقص
شيك شاك شوك ما تيجى يا حبيبي نهرب ونروح
يمني : و تعال نرقص بلدي
بتيجى رودينا الا بتقول بمرح ...
ايوه بقى و الجيبه ضيقه
نوران : تعالي يابت معان
ا بتطلع رودينا وبتقول شيك شاك شوك
ايمان ب عصبيه : اخرسي منك ليه ... دماغي صدعت
تاني يوم في الشغل
محمد : المدير عايزك يا نور
بتدخل نوران لبدر و هي مرعوبه
وبتقول ...
قول كده طاسه
بدر: طاسه
نوران: امك حلوه ورقصه
بدر: بره يابت
نوران: بت لما تبتك يا بدر
بدر: بره يلا
نوران؛ الله ماشيه اهو ... قال يعني هطلع من الجنه
وبتطلع نوران و بتقول ب صوت واطي: ايه المدير ده ...بس مز الصراحه
بدر :
عارف اني مز و جامد
نوران بكسوف :
ايه ده انت سمعت ازاي
بدر بضحك ...
صوتك عالي يا اختي
نوران: بجد والله
بدر : بجد
بتجري نوران بسرعه وبدر بيضحك عليها وبيقول
...
مجنونه بس قمر
وفى مكتب نوران
يمني قالت : عملتي ايه
نوران بتحكي ل يمني و هي مكسوفه
يمني : ايه يا شيخه ايه ده
نوران بتسكت و مش بترد عليها
و بعد الشغل بتروح نوران البيت
وبتقول
نوران : انا جيت نورت البيت
ايمان : انت جيتي يا حبيبتي شوفي مين هنا
نوران : مين
بتدخل اوضه الضيوف و بتقول ب صدمه : عمتي الحربايه
نوران : ازيك يا عمتي و ازاي محمود
سلمي عمة نوران :
كويسين الحمدلله وانت ازيك
نوران : كويسه الحمدلله يا عمتي انا هروح اغير هدومي
وبتجري علي اوضتها و ترمي نفسها علي السرير
و بتكلم يمني :
شوفتي مين عندي يا يمني
يمني : مين
نوران : عمتي الحربايه
يمني: اي واحده
نوران:
اكيد عمتي سلمي
يمني: بجد طيب انا هاجي انا و رودي و نقول عندك مشوار
نوران: يلا بسرعه بس
بتطلع يمني و رودينا فوق وبتقول يمني
ازيك يا طنط عامله ايه انا هروح اشتري لبس و كمان رودي هتيجي و عايزين نوران معانا
ايمان :
ماشي هي جوه شوفيها
بتدخل يمني و رودينا....
و بيقولوا يلا يا بت
نوران: يلا يا اخوتي
وبعد ساعه كانت نوران بترقص مع يمني في بيت رودينا وبتقول
شيك شاك شوك
وتاني يوم بتنزل نوران من البيت
و بتقول ام يوسف :
رايحه فين كده الساعه خمسه
و هيه مش بترد عليها وبتنزل تروح مطعم مع رودينا و يمني
وبعدين بيروحو المول علشان يعملوا شوبنج لفرح يمني علي ابن عمتها
وبالليل عند بيت نوران
ام يوسف باستفزاز :
راجعه الساعه عشره بليل ما ترجعي خمسه الصبح احسن ما امك معرفتش تربيكي
نوران اتعصبت و كانت هتروحلها بس مامتها قالت :
اطلعي يا نور سيبك منها
نوران ب غيظ: انا عايزه اموت الست دي
ايمان : سيبك منها فين بقي الفستان
نوران :
مش هتشوفي الفستان لحد يوم الفرح
و بتجري نوران على الاوضه وهي بتضحك
وفى يوم الفرح لبست نوران فستان جميل جدااا وعملت ميكب خفيف
و بتروح تاخد رودينا ويروحوا عند يمني الا كانت جميله جدااا بفستانها الابيض
وبعد وقت
دخلت يمنى القاعه وهيه ماسكه فى ايدى محمد وبداوا يرقصوا سلووو
وكان موجود في الفرح بدر صاحب محمد
بدات نوران تغنى اغنية لصاحبتها بصوتها الجميل وبدر كان معجب بنوران و بيقول ل نفسه :
شكلك مش سهله يا نوراني شكلي هحبك ولا ايه
بتروح نوران لمامتها وبتقول :
الحلو بيعملي طبق محشي صح
ايمان :
انت حياتك محشي في محشي صح
نوران : عرفتي منين
ايمان:
ده انا مامتك يا بت
بتضحك نوران جداا وبتيجى يمني وبتقول
القمرين بيعملو ايه
نوران:
محشي و بانيه تخدي يابت ده من ايدي
يمني: وحياه مامتك
نوران: مامتك ايه الاحترام ده
يمني:
مش عايزه اقل ادبي قدام طنط حبيبتي
نوران: بت ده فرحك انت بتعملي ايه هنا
يمني : تصدقي صح
بتجري يمني وبتقعد مكانها
وبيقرب بدر من نوران و بيقول : وانا بقول الفرح مش حلو ليه طلع علشان انتى هنا
نوران : ايه ده انت بتيجي منين
بدر:
من تحت الارض
نوران: كنت حاسه والله
بدر: حد قالك انك مجنونه
نوران: يوووه كتير والله
بدر: يعني عارفه وعادي
نوران: ايوه عادي جدااا
ايمان : مين ده يا نور
نوران : ده المدير بتاعي في الشغل
بدر: ازيك يا طنط
ام نوران: كويسه الحمدلله وانت عامل ايه يا ابني
بدر: يارب دايما انا كويس الحمدلله
نوران : واحد شجرة واتنين لمون علشان ست الكل و المدير بتاعي
بتضحك ام نوران و بدر عليها
وبتقرب رودينا منهم و بتقول :
بت نور انا الصندل بتاعي انكسر
نوران ب ضحك : معلش يا كتكوته
رودينا: بتضحكي يا نور شوفي بنتك يا طنط بتضحك عليا عشان صندلي اتكسر
بتضحك ام نوران
رودينا: وانت كمان يا طنط بس انا مكنتش متخيل انك تسبيني يا طنط
نوران: عاهههههعععععع
بيضحك الكل علي هزارهم
ام نوران: يارب صبرني الحمدلله خلصت من يمني لسه البت رودي و نور
نوران: ماما رودي هتقعد عندي يومين
ام نوران: يالهوي يعني اخلص من يمني تطلع رودي
رودينا: مالك يا طنط ده انا سكر
ام نوران: لا يابت عارفه انت هتقوليلي ده انت برص
بتضحك نوران و بدر
ايمان : بس بحبك انتي و يمني زاي نوران ب الظبط ماليين عليا حياتي
نوران ب غيظ : حبك برص وعشره خرص يا مامي
ايمان: هي بقا فيها مامي ما تقول يا ايمان كده
نوران: متتزعليش نفسك يا ايمان يلا
ايمان : اضربك بالشبشب او اموتك العيب مش عليكي العيب علي اللي معرفتش تربيكي
رودينا : و انا دلوقتي عرفت نور بتقول اموتك او اضربك بالشبشب ليه طلعت جينات وراثية
نوران : خلاص بقا يا بت
ايمان : بقولك تعالي نروح الوقت اتاخر
نوران : نو انا همشي لما يمني تمشي انا هكون اخر واحده في الفرح
ايمان : هتروحي
بدر : انا هوديها متتقلقيش يا طنط
ايمان : شكرا يا ابني هروح انا بقى
و بتمشي من قدمهم
و نوران بتجري وراه و هي بتقول : يا ماما استني
بدر ب استفهام : مالك
نوران : مش هروح معاك
بدر : هو انا هعضك ولا ايه
نوران ب ابتسامه عبيطه : اه
بدر ب برود : ده فرمان وكلامي مفهوش رجعه
و سابها و راح يقعد مع صحابه
نوران : اوف
و بعد شويه
بيقول بدر : تعالي يا نوران
نوران : اروح فين
بدر : نروح يا نور
نوران : مش رايحه معاك في مكان ابعد عني
بيسحبها بدر وراه بيدخل العربيه
وهي بتتمتم ب غيظ
بدر : ايه رايك في العربيه
نوران ب غيظ: مقرفه
بدر : هههه مش مهم رايك المهم بيتك فين بقي
بتقول نوران لبدر مكان البيت
و بيطلع ب العربيه و يروح عند البيت
ونزل وقال :
فين بيتك انهي دور
نوران : ده عايز منه حاجه
كان لسه بدر هيرد بس قاطعته ام يوسف وهي بتقول :
كمان بتجي مع ولد انتي عيارك فلت علي الاخر
نوران : عايزه ايه من وشي دلوقتي
ام يوسف ب صوت عالي : يا ناس يا خلق
بتجيب نوران حاجه من الارض و بتحدف ام يوسف بيها وبتقول ب غيظ :
انا كل يوم بقول خلي بالك مني وانا زهقت منك والمره الجايه هموتك فاهمه يا حربايه
ام يوسف ب الم : فاهمه
وبتجري ام يوسف علي شقتها
وبتضحك نوران وبتقول : ما كان من الاول يا واليا
بدر كان واقف مصدوم
نوران : مالك يا عم مبلم كده ليه
بدر : انا ماشي و مش جاي هنا تاني
نوران ضحكت اكتر و هو طار ب العربيه من قدمها
وتاني يوم
بتروح نوران الشغل وبتدخل علي بدر وهي بتقول مرح : بدر البدور عامل ايه يا معلم عارفه انك زعلان علشان مش شفتني نص يوم
عارفه مش هتقول
بدر ب غيظ : بره يا نوران علشان ماموتكيش
نوران : انا اصلا بره انا في البيت اصلا
بدربعصبية : بره قولت بره
بتجري نوران و بتقول : ايه ده يا عم
و بعد شويه في مكتبها كانت سانده راسها علي المكتب بتقول ل نفسها : اعمل ايه بقا يمني مشيت و محمد مشي يارب انا اعمل ايه دلوقتي اشد في شعري حسب الله ونعم الوكيل في يمني و محمد اعمل ايه اعمل
بيقول بدر من وراها : شوفي شغلك احسن
نوران و هي لسه سانده راسها علي المكتب : وهي مش مركزه
هو انا ناقصه كفايه المدير عصبي اوي
بدر رفع راسها : كملي كملي سامعك
نوران ب صدمه : بدر حبيبي كان لسه بقول انك احسن مدير في العالم و الشركه احسن شركه في العالم
بدر: لا بجد صدقت انا كده
نوران: طيب اعمل شيك شاك شوك علشان تصدق
بدر: اليوم اجازه ... بره الشركه مش عايز اشوف وشك هنا لحد بكره
نوران : لو ينفع اسبوع
بدر ب ابتسامه : اسبوع ماشي ما اشوفش وشك لحد يوم السبت الجاي بره بقا
بتروح نوران مطعم و بتطلب برجر و بيبسي و بتاكل ب شراها
وبعدين بتروح الملاهي تلعب و بترجع البيت الساعه ستعه وهي بتتسحب
و فجاه بتقول ايمان : ما لسه بدري ده الساعه تسعه بس
نوران ب ارتباك :
بصي حصل ايه رحت مطعم و بعدين الملاهي و بعدين مول علشان اجيبلك الفستان ده
بتشوف ايمان الفستان وبتقول ب فرحه : شكرا يا نور اول مره تعملي حاجه حلوه كده
نوران : ايه خدامه اروح انام بقى
بتروح نوران تنام
تاني يوم بتروح نوران لبيت رودينا
وبتقول :
ازيك يا طنط
ام رودينا ب ابتسامه :
كويسه... روحي صاحبتك عامله ميته في الاوضه جوه
بتدخل نوران الاوضه وهي معاها مياه وبترميها علي رودينا وهي نايمه
رودينا ب صدمه :
بموت يالهوي فيضان البيت بيغرق الحقوني
بتضحك نوران وبتقول:
احسن عشان تنامي كل ده تاني
بتجري رودينا ورا نوران وبتقول : تعالي يا جزمه ده انت يومك اسود
وبتجري نوران وبتقول : يالهوي يا طنط شوفي بنتك يالهوي يمراري
ام رودينا : رودينا لو قربتي من نور حبيبتي هموتك دي حبيبتي
نوران : ايوه يا طنط يا قمر
رودينا ب غيظ : بقا كده يا ست الكل لا لا مش كان العشم منك يا ماما
ام رودينا:
لا دي بنتي حبيبتي و روحي مش زيك يا رودي
نوران : ايوه يا طنط يا سكر انت اللي في قلبي والله
رودينا : ايوه بقا اوف هروح اغسل وشي و افوق و اجي
نوران : بقولك انا جيت علشان نخرج ماشي علشان كده يلا بقا بسرعه
رودينا : ماشي ثواني بس
وبعد شويه بتطلع رودينا بتقول : خلصت
بتشوف نوران بتسمع قصه علي التلفزيون
رودينا : ايه ده انت بتسمعي ايه
نور : بسمع قصه حوريه بحر وقعت في حب بشري بصي حمزه حلو ازاي
رودينا : حمزه بتاعي انا
نوران: طنط شوفي بنتك حمزه ده بتاعي انا بس
بتقول ام رودينا : ايوه يا رودي حمزه بتاع نوران
نوران : اهو حمزه بتاعي انا
بتقول رودينا : يلا يا بت نخرج و نخلص
بتقول نوران : باي يا طنط
ام رودينا : ربنا معاكي مش عارفه ازاي مستحمله البنت دي
نوران: ما دي برضو صحبتي
ام رودينا: ربنا معاكي يابنتي
رودينا: واحد شجرة واتنين لمون يا ادم علشان عصفير الحب ماما و نور
بتضحك نوران و ام رودينا
نوران : يلا يا رودي يلا
وبتخرج نوران و رودينا وكان اليوم حلوجداا
تاني يوم كانت نوران بتكلم مع خالتها الا كان اسمها امل و بتقول : ايوه يا امل يا جامده
بتدخل ايمان الاوضه فجاه و بتقول : يلا يا نور علشان الاكل
نوران: حاضر يا ماما
امل : طيب يا نور باي نتكلم بعدين
نوران : باي بس تعالي كده يوم عندنا وحشتيني اوي
امل : ان شاءلله
وبعدين بتخرج نوران تاكل
وبعد شويه كانت نوران بتغسل المواعين
وهي بتغنى بتقول : يا مدلع الدلع دلعني يا واد كده ده انا قلبي
بتقول ايمان من وره : مين ده يابت اللي يدلعك
نوران : حمزه بطل القصه اكيد يعني مين غير حمزه
ايمان: بجد يابت
نوران: ايوه ايوه يا ماما
ايمان: كملي الموعين يلا
نوران: يعاملني بطيبه واحساس
يدلعني قدام الناس
بيعرف اني رومانسيه
بيلعب علي الوتر الحساس
يدوب روحي يدوبني
في كل زياره بيعجبني
ايمان: خلصتي يا نور هنام
نوران: ايوه يا ست الكل
بتروح تغير الهدوم وبتلبس تيشيرت اسود علي بنطلون وبتقول :
ماما انا هروح اجيب اكل من اول الشارع
بتقول ايمان ب استفهام : هو انا ماتت ولا ايه
نوران: لا
ايمان: طيب بتلبسي اربع وعشرين ساعه اسود ليه
نوران: بحب اللون ده
ايمان: هو مش كان البنت بينك و الولد اسود ولا ايه
نوران: لا يا ماما مش لازم المهم باي
ايمان: باي
بتنزل نوران اول الشارع وبتشتري اندومي
اما عند بدر كان قاعد سرحان و عايز يشوف نوران وبيقول ل نفسه :
عملتي فيا ايه يا نوراني
بيقوم بدر و بينزل ياخد عربيته و بيروح لبيت نوران
اما فى بيت نوران كانت بتقول وهي في المطبخ : شيك شاك شوك ايه يا حبيبي الروح بالروح وبتقول لولولوليي
والنهارده فرحي يا بنات لولولي
بيخبط الباب بتفتح نوران وبتشوف بدر في وشها بتقول ب صدمه : بدر انت بتعمل ايه هنا تعال ادخل
ايمان من جوه : مين
نوران : ده بدر يا ماما المدير بتاعي
ايمان : نورت يا بني تعال اقعد
بدر ب ابتسامه : انا جاي عايز منك ايد نوران يا طنط
نوران ب صدمه: عايزه ايدي ليه ان شاءلله
بيقول بدر : مش قصدي ... قصدي اني بحبك وعايزه اتجوزك
ايمان ب صدمه : ده شرف ليا بس نشوف نور الاول
نوران : ها طب طب هصلي الاول وبعدين هقول تمام او لا
بدر : ودي حاجه تسعدني يا نوران
نوران : وانا اكتر
بتسمع ام يوسف وهي بتقول من وره الباب افتحي يا ايمان
بتفتح ايمان و بتقول ب ضيق : تعالي يا ام يوسف اتفضلي
بتدخل وبتقول ب غيظ: شوفي بنتك عملت فيه ايه
وبتشوف بدر
و بتكمل ب صدمه : بقا انتي عارفه أنها بتجيب ولاد البيت
ايمان : خدي بدر يا نور و ادخلي البلكونة
نوران : ماشي يا ماما تعال معايا يا بدر
بيدخل بدر مع نوران وبيقول ب هيام : بحبك يا نوري
نوران ب كسوف : بص صراحه كده انت قمور و عسل و اي بنت تشوفك هتوقع في غرامك من الدور السبع تأشر بس برضو عايزه اصلي ممكن مارتاحش
بدر : هههه وانا معاكي في الموضوع ده هسمع رايك بكرا في الشغل ان شاءلله يا نوري
نوران: ان شاءلله يا بدر
بدر: هروح انا يا نوري علشان الوقت اتاخر
نوران: طيب يا بدر
وتاني يوم بتلبس و ميكب خفيف وبتنزل تروح علي الشركه و بتطلع علي مكتب بدر
وبتقول ب تسرع : موافقه يا بدر
بدر ب صدمه: بجد احلفي
نوران ب كسوف : بجد انا بحبك او
بدر ب فرحه : وانا اكتر
وتاني يوم بييجى بدر مع اهله وبيقول لام نوران : دي يا طنط اختي بشرى ودي ماما وهي اسمها ساره
ايمان: شرف ليا اني اعرفك يا ساره
ساره: وانا اكتر يا ايمان صح
ايمان: صح اسمي ايمان
و بتدخل نوران وبتقدم العصير ب كسوف : منورين يا جماعه
وبعد ما بتتعرف نوران عليهم بتدخل هيه وبدر البلكونة وبتقول :
ايه رايك الفستان حلو
بدر: انت اللي محلياه يا نوري
نوران : بتكسفه الله
بدر : بحبك يا نوري
نوران: انا نورك
بدر: ايوه انت نوري و انا بدرك صح
نوران ب ابتسامه : صح ا نت بدري
وبعد مرور شهرين كان يوم فرح نوران وبدر الا كانت جميلة جدااا فى فستانها الابيض
بدر بحب : ايه الجمال ده بحبك يا نوري بحبك
نوران ب كسوف : وانا اكتر يا بدر
بيشيل بدر نوران و بيلف بيها