البارت الاول
.... يا عيني عليكي يا يارا شلتي الهم بدري بدرى
خلصت يارا التنظيف وكانت هتمشي بس جه المدير و قال : الفصل ده متنضفش كويس اغسليه مرتين كمان
يارا : ينفع اسأل حضرتك سؤال
المدير: ايوه اتفضلي
يارا: هل انا الخدامه الي جبتهالك امك
المدير: نعمممم يااختي بتقولى ايه
يارا: بقول الفصل ذي الفل اه انت بس الا مزودها حبتين تلاته اربعه
المدير: بقى انا مزودها تمام خصم يومين
يارا: الله ينور عليك انا اصلا كنت بتلكك
ومشيت يارا والمدير قال : والله العظيم شكلك مش هترتاحي غير لما اطردك
يارا كانت ماشيه في الحاره لقت فيه ست وجنبها ست تانيه قاعدين بيتكلموا وبيقولوا
الست: يا ترى البت دي بتروح فين من الصبح لحد دلوقتي
قالت الست التانيه: اكيد حاجه كده ولا كده ما البت دي هيجي من وراها ايه غير كده
قالت يارا: في ايه يا وليه منك ليها عمالين تبصولي ومحسسني انى حراميه
قالت الست: عايزين نعرف بتروحي فين من 7 الصبح لحد 12 الضهر
قالت يارا: ملكيش فيه
قالت الست: مانا قولتلك عمر ما راجل هيبصلها
قالت يارا: اه ماهم بيبصوا لشرشبيل اقصد سلسبيل بنتك
قالت الست: مانتي مفيش حد يلمك لاهل ولا جوز
قالت يارا: طيب مانتي متجوزه ومش لامه نفسك مش بتتقاس كده
قالت أم سلسبيل: اه منك اه
قالت يارا: الشارع الي وراه
قالت أم سلسبيل: مانتي متربتيش نعمل ايه
قالت يارا: نعم يا جالون من غير سيفون يا جراب من غير تلفون يا الي مكنه صيني وعامله نفسها ايفووون
كملت ياراوقالت ... والله لو ما لميتوا نفسكم لهيكون ايامك سوده معايا خشي يا وليه منك ليها
دخلوا الاتنين ويارا قالت
: ستات متجيش غير بالعين الحمرا
بصت وراها لقت الحاره متجمعه حواليهم
قالت يارا بصوت عالي: يلا بيتك بيتك
مشيوا الناس راحت يارا بيتها وكانت شقه صغيره على قدها
غيرت هدومها وقعدت على السرير وفتحت تليفونها لقت حد منزل على حسابه أن عايز مربيه لبنت و ولد في ابتدائى وكان مكتوب رقم تليفون وراتب 10 الاف
قالت يارا لنفسها: طيب يا بت يا يارا ماهو راتب حلو اهو بدل تنضيف الفصول وهدا الحيل ده وانتي يا دوبك تقعدي تهتمي بالعيال وان شاء الله هيبقوا محترمين
اتصلت يارا بالرقم
قالت يارا: الو
قالت البنت: اهلا يا فندم
قالت يارا: كان مكتوب على الفيس أن انتم عايزين مربيه اطفال صح
قالت البنت: ايوه لسه متاحه
قالت يارا: تمام هكون انا المربيه
قالت البنت: ثواني وهرجع لحضرتك
راحت البنت لمكتب وخبطت عليه
قال كرم: ادخل
قالت البنت: فيه بنت اتصلت عشان وظيفة المربية
قال كرم: شوفي مواعيدي وقوليلها تيجي امتى
رجعت السكرتيره وقالت
تعالي بكره على الساعه 8 كده ان شاء الله
: ماشي تمام
قفلت يارا المكالمه ونامت
البارت الثانى
وتانى يوم صحيت يارا من النوم وبصت فى الساعه لقتها 7 ونص قالت بصدمه : نهار اسوح
قامت بسرعه وكانت بتجري اتخبطت ووقعت على وشها
اتكلمت وقالت بوجع: ااااه هو كان يوم اسود من اوله
دخلت اخدت شاور وجهزت نفسها .... وبصت في المرايه و هيه بتقول
: ايه القمر ده يا بت يا يارا خساره فيكي هدة الحيل دي
وباست نفسها في المرايه ونزلت تجري وركبت تاكسي ووصلت للفيلا وكانت هتدخل لقت الحراس بيمنعوها
اتكلمت وقالت : في ايه
: انتي مين
قالت : انا المربيه الجديده
الحارس: ماشي استني اكلم كرم بيه
يارا: ماشي
كلم الحارس كرم ووافق كرم أنها تدخل
الحارس: اتفضلي ادخلي
دخلت يارا واستقبلتها السكرتيره
يارا:انا المربيه الجديده
قالت السكرتيره: اه كرم بيه مستنيكي
دخلت يارا ووقفت تكلم نفسها وهيه بتقول
: يخربيت جمال امك ايه القمر ده يا ناس
كرم: اسمك ايه
يارا: اسمي يارا
اتكلموا مع بعض شويه وبعد ما خلصوا كرم قال
تمام من بكره تعالي يارا: اجى الساعه كام
قالت كرم: الساعه 6
قالت يارا: ماشي
مشيت يارا وراحت بيتها غيرت هدومها واتغدت وقعدت على التلفون لحد ما نامت
تاني يوم قامت على ساعه 5 وراحت على الفيلا
في الفيلا دخلت يارا وشافت كرم وقالتله
كرم بيه ممكن اتعرف على الأطفال
قال كرم: تاليا و فادي
نزل طفله وطفل وكانوا آية فى الجمال
قالت يارا لنفسها: يعني طلاما هو كده امال عيالوا هيبقوا ازاي اكيد زي القمر شاور كرم لاولاده على يارا وقال : دي يارا المربيه الجديده واعتبروها زي مامي بالظبط
قالت تاليا ببراءة : طب دي نعتبرها زي ماما امال مامي فين
راح كرم عند تاليا ونزل على الأرض وبقى فى مستواها وقال
مامي عند ربنا وفي مكان احسن يا حبيبتي
افتكرت يارا نفسها لما مامتها ماتت وهي عندها 12 سنه دمعت عين يارا لكن مسحت الدمعه بسرعه
قال فادي: بس ماما وحشتني اوي
راح كرم لعنده ونزل لمستواها وقال : يا حبيبي انا قولتلك هيه في مكان احسن من هنا بكتير ماشي يا حبيبي
فادي: ماشي
قام كرم وراح عند يارا وقال عايزكي تعامليهم زي عيالك وخلي بالك هم اشقياء شويه
يارا: حاضر طبعا هعاملهم بما يرضى الله وموضوع الشقاوه ده هتكلم معاهم براحه انا عارفه ازاي اتعامل مع الاطفال
كرم: ماشي
ومشى كرم ويارا قالت
ا: عاملين ايه يا حلوين
فادي رد عليها ببرود وقال : مش كويسين
يارا قالت لنفسها: اه انت هتبدأ كده
يارا: احم بصوا يا قمرات انتم .... اعتبروني مامي الجديده زي ما بابي قال
قالت تاليا: مفيش حد زي مامي
يارا: اكيد مفيش شبه الام ... بس عاملوني كصاحبتكم
فادي: احنا مش عايزينك اصلا
يارا: اتكلم عدل ياض
تاليا: يعني بصي عايزين نحل الهوم وورك
يارا: ايوه يعني عايزين ايه
فادي: يعني انتي هتساعدينا
يارا: اه اه ماشي
وبعد وقت كانوا قاعدين يحلوا ويارا قالت
على فكره بقى هيه A
فادي: لا حلها C
يارا: هتعدل عليا ياض ولا ايه
تاليا: مش عارفه احل دي تعالي ساعديني
يارا: اساعدك في ايه؟
تاليا 25*3
يارا: 85
تاليا: على ضمانتك
يارا: مش على ضمانتي اوي يعني
وكملت يارا: بصي هاتي الإله الحاسبه
تاليا: ال calculator يعني
يارا: مش هتفرق على فكره
لكن كان في شخص بيراقبهم من بعيد وكان الشخص ده كرم
وقال كرم لنفسه: اول مره اشوف مربيه بتصاحب العيال كده .... كل المربيين كانوا بيعاملوهم بقسوه وكأنهم اعدائهم لكن يارا غير
البارت الثالث
وعدت الايام وبقى فيه ترابط بين يارا و فادي وتاليا وبدأ يظهر شويه مشاعر من ناحيه كرم ويار اتجاه بعض
وفي يوم
كانت بتجري يارا ورا فادي
وهيه بتقول
اخر معلقه تعالى بقى متغلبنيش معاك
فادي: لا يعني لا
وفضلوا يجروا لحد ما دخل فادي اوضه كرم ودخلت وراه يارا وطلع فادي فوق السرير وكان كرم نايم وطلعت وراه يارا وهو نزل جري ويارا كانت هتنزل بس وقعت جنب كرم .... وصحي كرم وبصو في عيون بعض شويه لحد ما دخل فادي و قال: اي خدمه
يارا: تعالى ياض هنا
وقامت جريت وراه
وقال كرم الا كان قلبه بيدق جامد : شكلي بدأت احبك ولا ايه
كرم قام ولبس ونزل عشان يفطروا وقفدوا على السفرة
و فادي وتاليا في صوت واحد: صباح الخير يا بابي
كرم: صباح النور يا حبايب بابي
كمل كرم وقال: النهارده قررت ان اخرجكم
فادي وتاليا في صوت واحد كله حماس : بجد يا بابى
كرم: ايوه
افتكرت يارا أنها كانت تتمنى اب وام زي كده بس لولا الظروف
خلص كل واحد منهم فطاره ودخل كرم الجنينه
ويارا قالت : بصوا كلو واحد يروح يشوف الهوم وورك بتاعه
تاليا : بس النهارده مفيش هوم وورك
يارا: روحوا اعملوا اي حاجه بلاش لماضه
ومشى تاليا وفادي ودخلت يارا وقعدت قدام كرم
يارا: ينفع تحكيلي عن الي حصل لامهم
كرم: هتستفادي ايه يعني
يارا: فضول مش اكتر
كرم: ماشي هحكيلك .... انا اتجوزت امهم وكانت اسمها سمر كانت جميله جدااا .... شوفتها واعجبت بيها ... روحت طلبت ايديها ووافقوا هيه بصراحه كانت مجبوره على الجوازه عشان مكنش بيجيلها عرسان كتير معرفش ليه .... المهم يعني وافقوا وهيه مكنتش بتطيقني بس بعد وقت حبتني جدا وجبت منها تاليا وفادي لكن ماتت في ولاده فادي علشان كانت صعبه جداا الله يرحمها بقى
يارا: الله يرحمها هقولك قصتي انا بقى
بص كرم ليها بتركيز وكملت يارا وقالت : انا كان عندي اب وام .... بابا كان شغال موظف وماما كانت مش بتشتغل كنا راكبين تاكسي وعملنا حادث
وكملت بدموع: ماما وبابا الله يرحمهم اتوفى وقتها وانا الوحيده الا نجيت وبقيت اشتغل اي حاجه لحد ما اشتغلت هنا
قاطعهم صوت تاليا الا كانت بتصرخ وهيه بتقول
: باباااااااا
قام كرم ويارا بسرعه لحد ما لقوا تاليا واقعه على الأرض من على السلم
يارا بخضه:فى ايه ايه الي حصل
فادي: كنت نازل مع تاليا على السلم لقتها وقعت
شال كرم تاليا وقال
: بس يا قلب بابا
طلع كرم اوضه تاليا وحطها على السرير وبعدين خرج
البارت الرابع
يارا: همشي انا بقى
كرم: خليكي شويه
يارا: لا علشان تعبت
كرم: طب هخلي السواق يوصلك
يارا: ماشي
خرجت يارا وركبت مع السواق ووصلها لبيتها
وتانى يوم صحيت
يارا فطرت وجهزت نفسها وراحت للفيلا واول ما دخلت لقيت فادي بيعيط
يارا: في ايه ياض مالك بتعيط كده ليه
تاليا: في ولد ضربوا
يارا: ومعلمتوش الادب ليه
فادي: بابا قالي لما حد يضربنى اروح اشتكي للمس
يارا: طب والمس عملت ايه
فادي: قالتلي معلش ومعملتلوش حاجه
يارا: هيه تبقى ام الولد ده صخ
فادي: ايوه
قالت يارا: علشان كده مرضتش تتكلم
يارا: هيه المدرسه لسه فاتحه لحد دلوقتى
فادي: ايوه
يارا: طيب هخش اجهز واجي معاكم
دخلت يارا جهزت وركبوا العربيه وراحوا على المدرسه
عند كرم، في الشركه
كان قاعد سرحان دخل عليه صاحبوا ادم وقال ...سرحان في ايه يا كرومه
كرم: المربيه
ادم: مالها
كرم: حبيتها
قال ادم: طيب ما تعترفلها
كرم: بالسهولة دي
قال ادم: ايوه يعني فيها ايه
كرم: مش لازم اعرف هيه بتحبني ولا لا
ادم: طب مالما تقولها هتعرف بتحبك ولا لا
كرم: بس هيبقى احراج لو قالت لا
ادم: ايوه صح عندك حق
فكر ادم شويه وقال
.....جاتلي فكره
كرم: ايه هي
ادم: هقولك
وفي المدرسه في مكتب المديره
قالت يارا: ازاي يعني ابني يضرب
المديره: kids وبيضربوا بعض عادي
يارا: بلا كيدز بلا متكدزيش بصي بقى يا وليه اقسم بالله لو ما اتكلمتي مع الواد ده هيكون ايامكم سودا
المديره: ايه الطريقه الهمجيه دي وانا وليه
يارا: ايوه انتي وليه وبعدين طريقتي انا همجيه يا ايحه
المديره: local
يارا: بقى انا لوكال يا معفنه يا جربة
ومسكت يارا المديره من شعرها
وقالت : لو ما اتكلمتيش مع الولد واديتيله استدعاء ولي امر لهيكون ايامك مطينه
المديره: اه شعري يا متوحشة
يارا: هتكلمي مع الولا ولا لااا
وضغطت على شعرها اكتر المديره: خلاص انا اسفه والله و هعمل للولد جواب رفض ايه رايك مرضية كده يا ستى ....اااااه يا راسي انا خلاص هستقيل
سابت يارا شعر المديره
وقالت ... لو طولتي لسانك تاني هيبقى وشك الحلو ده مش موجود او مش باينله ملامح
وكملت وهيه بتقول بتحذير ا: ولو استقصدتي الواد هولع فيكي فاهمه ولا لا واسم الولد يوسف ابراهيم
ومشت يارا
يارا: كده فرحان يا حبيبي اخدت حقك
فادي: انا بحبك أوي يا مامي
ونزلت يارا لمستواه وقالت بحب
ا: وانا اكتر يا روح مامي
فادي: انا عايز حاجه حلوه
يارا: حاضر من عنيا
ووقفت قدام سوبر ماركت
وقالته : خش يا حبيبي هات الا انت عايزه انت واختك
دخل فادي واشترى شيبسي وشوكولاتات كتير
كانت يارا واقفه عند الكاشير علشان تحاسب
الكاشير بابتسامه : ربنا يخليلك ابنك يارب ويحفظه
ابتسمت يارا ودفعت ومشت
وفي الفيلا
دخلت يارا لقت كرم جه وقف قدامها وقال بتساؤل
.... كنتي فين انتي و فادي
يارا: كان في ولا ضربوا في المدرسه روحت اشتكي للمديره بس مديره بجحه ..... مش عارفه ازاي كنت بتتعامل معاها يا كرم بيه
كرم: انا هنقل فادي من المدرسه دي اصلا
يارا: كويس ينفع نطلع انا وفادي بقى
كرم: ماشي اطلعي
طلع يارا وفادي لقوا تاليا قاعده مستنياهم
وادت يارا الحلويات لتاليا
: انا كان نفسي فى الحلويات دي
يارا: بالهنا والشفا على قلبك
ومشت يارا راحت اوضتها غيرت هدومها
وتحت عند كرم
لقى حد بيخبط على الباب راحت الشغاله فتحت ولقته ادم
..... اتفضل يا بيه
دخل ادم وقعد على الكنبه
كرم: انت داخل كده ولا احم ولا دستور
ادم: بيت صاحبي عادي بقى انا حر
كرم: ماشي يخويا
ادم: اتفقت مع تاليا
كرم: ايوه
اتصل كرم بتلفون تاليا وقالها
: اعملي الا قولتلك عليه
تاليا : حاضر يا بابي
قفل كرم المكالمه
وقالت تاليا ليارا: انا مش بعرف احل الهوم وورك هنا عايزه احله تحت
يارا: طيب يلا ننزل
نزلت يارا وتاليا وادم لما شافها قال بصدمة .... انتي
يارا: انت
كرم: انتم تعرفوا بعض؟
ادم: دي كانت شغاله في المدرسه بتاعتي
يارا: انت تعرف الاشكال دي يا كرم ليه
ادم: قصدك ايه بالاشكال دي
يارا: ده انت كنت كل يوم قارفنى في عيشتي وما صدقت لقيت شغلانه تانيه تقوم طالعلي فيها انت ورايا ورايا
ادم: وشي حلو صح
يارا : لا وشك شبه القلقاسه
ادم: ما تلمي نفسك يا يارا
يارا: ليه يا خويا شايفني متبعتره في الأرض ولا ايه
كرم: بس ... ايه انا جوا حضانه
يارا: شايف بيتكلم ازاي
ادم: انتي الا بدأتي
كرم: قولت خلاص
وكمل كرم وقال : ادم تعالي اقعد وانتى يا يارا اطلعي انتي وتاليا فوق
تاليا : يوه مش انت قولتلي انزل
يارا: ايه
كرم: انا مقولتش حاجه يا يارا سيبك منها دي طفله يلا اطلعوا
البارت الخامس
وطلعت يارا وتاليا فوق
كرم: انت ايه الا عملتوا ده
ادم: انت تحب الاشكال دي
كرم: احلى اشكال والله
ادم: يا عيني يا عيني على المحن
وكمل ادم وهو بيقول : طلاما انت بتحبها ما تروح تقولها بدل ما تقرفني معاك
كرم: خلاص هقولها
ادم: امتى
كرم : في يوم كده هاخد اجازه و اعملها جو رومانسي واقولها بحبك
آدم: ماكان من الاول لازم تقرفني
كرم: اقرفك روح يلا اطلع برا برا
ادم: ماشي يا رجوله تسلملى يا حبيب اخوك
كرم: امشي ياض
مشى ادم وبص كرم في ساعته لقاها الساعه 10 طلع فوق دخل اوضه تاليا وفادي لقى يارا قاعده معاهم
كرم: يلا يا عيال عشان تناموا
فادي و تاليا في صوت واحد: حاضر يا بابي
ويارا كانت طالعه وقفها كرم وقال
... انتي هتنامي
يارا: ايوه هنام ليه فى حاجه ولا ايه
كرم: لا تصبحي على خير
يارا: وانت من اهله
راحت يارا اوضتها ورمت نفسها على السرير وهيه بتكلم نفسها وبتقول
ا: ممكن بيكون بيحبني زي ما انا بحبه ولا ده كلام روايات... بس ازاي هيحب مربيه اولاده ده حتى في الروايات بتكون سكرتيره على الاقل .... انا من رأيي انام أحسن وماسبش نفسي لدماغي
عند كرم كان نايم على السرير وهو بيقول لنفسه
: ممكن تكون بتحبني ولا لا ولو بتحبني ليه مش باين في عينيها
ياااه على عينيها الا عامله زي الشوكولاته شكلي وقعت على بوزي ذي ما بيقولوا انا من رأيي انام أحسن علشان عندى شغل بكره
ونام كرم وتانى يوم
ودت يارا تاليا و فادي المدرسه لكن وهيه راجعه كان واقف شاب
وهو بيقول بمعاكسه : يا ارض احفظي ما عليكي
اتجاهلت يارا الشاب لكن الشاب وقف قصادها
وقال ... ومالو الجميل تقلان علينا ليه
كانت بتحاول تعدي معرفتش
فيارا قالت : ابعد شويه عايزه اعدي
الشاب : طب لو مبعدتش
وجه صوت من وراه وهو بيقول بغضب : يبقى قول على نفسك يا رحمن يا رحيم
ولقى ضربه بوكس في ضهره وفضل كرم يضرب فيه لحد ما
يارا قالت : خلاص سيبوا يا كرم خلاص
ساب كرم الشاب وقال
كرم: هروحك في عربيتي
يارا: لا هروح لوحدي
كرم: اسمعي الكلام يا يارا
يارا: انت مين عشان اسمع كلامك
كرم: حبيبك
اتصدمت يارا من الا قاله ...وكرم مكنش عارف يعمل ايه
كرم: هبعتلك العربيه مع السواق
ومشي كرم بسرعه، ويارا كانت مصدومه وفرحانه في نفس الوقت لكن
قالت لنفسها: يمكن اتلغبط عادي يعني
بعد وقت جات العربيه وركبت يارا وراحت على الفيلا
عند كرم في الشركه كان مش مصدق ان هو قال كده دخل عليه ادم وقال
ادم: هو انت يابني كل ما تيجي الشغل تسرح في ايه تاني
كرم: حصل موقف غريب اوي النهارده
ادم: قولى حصل ايه
حكله كرم الموقف
ادم: يعني انت قولت لها حبيبك بصوت عالي ولا واطي
كرم: متوسط يعني ... ده هيفرق معاك في ايه
ادم: يعني لو صوت عالي يبقى هتعمل زي الروايات و لو صوت واطي يبقى عادي ممكن تكون مسمعتش
كرم بغيظ ... ولاااا اطلع برا برا هيه ناقصاك
ادم: خلاص خلاص مالك قفوش كده ليه
كرم: ما انت يا تقول حاجه عدله يا تطلع برا
ادم: طيب بص انت تعترفلها بحبك بكره تمام
كرم: طب وشغل الشركه
ادم: سيبوا عليا .. كده كده هو يوم واحد
قام كرم وقعد قصاد ادم وهو بيقول بحب
: ربنا يخليك ليا يا اخويا
آدم: دلوقتي اخوك
كرم: متكونش قفوش بقى يلا بقى روح على مكتبك
ادم: ماشي يا خويا ادينى ماشى
مشي ادم عدى اليوم كالعادة، وتانى يوم
ودت يارا تاليا وفادي المدرسة و لما راحت يارا الفيلا لقت موجود شمع وورود
قالت يارا لنفسها: انا دخلت فيلا غلط ولا ايه
مشت يارا شويه في الفيلا وملقتش حد راحت عند بابا الفيلا وكانت لسه هتخرج سمعت صوت وراها : يارا
بصت يارا وراها لقت كرم
يارا: ايه الا حضرتك عامله فى الفيلا ده
كرم: يارا كنت عايز اقولك حاجه
يارا: قول يا كرم بيه
كرم: انا عايز اقولك ان انا ان انا.....
يارا: اتفضل قول يا كرم بيه
كرم: بحبك
يارا بفرحه وهيه مش مستوعبه : انا سمعت غلط ولا ايه حضرتك قولت ايه
كرم بحب : بحبك يا يارا وحبيتك بجنانك بكل حالاتك وحبيت قلبك الطيب
فضلت يارا ساكته من الصدمه فقال كرم بحزن :.......
: ايه مش موافقه .... خلاص يا يارا مش هضغط عليكي وانسي الا انا قولتهولك ده خالص
كان كرم هيمشي فقالت يارا بسرعه
وانا كمان
رجع كرم و وقف قدامها وهو بيقول بحب وابتامه
وانتي كمان ايه
قالت يارا بخجل: وانا كمان بحبك
مسك كرم ايد يارا وقال بحب : انا فرحان اوي يا حبيبتي
شدت يارا ايديها من ايد كرم ... مينفعش حرام كده
ابتسم كرم بحب وقال : من الفرحه بس يا يارا
وبعد مرور شهر
كانت واقفه يارا بفستانها الابيض قدام المرايا وكانت جميله جدا
وقالت لنفسها بابتسامه : ما توقعتش ان انا هلبس الفستان ده في يوم من الايام بس ايه الجمال ده قمر يا ناس
سمعت خبط على الباب فقالت
.... ادخل
دخل كرم ببدلته السوداء وكان شكله جميل وشيك جدا وقف كرم قصاد يارا
وقال بأعجاب وحب واضح : ايه الجمال ده
يارا: شكرا
سكتوا شويه هم الاتنين
فقالت يارا: كرم
قال كرم: نعم
قالت يارا: بحبك
كرم: وانا كمان يا قلب كرم بعشقك
باس كرم راس يارا وحضنها
وبعد مرور أربع شهور
كان كرم قاعد يشتغل على
اللابتوب جات يارا ووقفت قدامه وقالت
... كرم كرومتي
كرم: نعم يا حبيبتي
يارا: انا حاسه ان فيه أعراض حمل
كرم: طيب جيبي تيست الحمل واعمليه
يارا: حاضر هجيب تيست الحمل بكره وهشوف
و كملت يارا: انت عايز ولد ولا بنت
كرم: الي يجيبوا ربنا كويس
ابتسمت يارا ليه بحب
و تاني يوم
راح كرم الشغل ورجع لقى البيت فاضي والنور مقفول فتح النور ولقى يارا وتاليا وفادي واقفين قدامه
قال كرم : في ايه
يارا بابتسامه وحب : بص كده
شاف كرم اختبار الحمل وكان شرطتين
كرم: معناها كده حامل صح
هزت يارا راسها بايوه
شال كرم يارا ولف بيها
كرم بحب : الف مبروك يا حبيبتي
يارا: الله يبارك فيك يا حبيبى