بقلم الكاتبة المبدعه والمتميزة مروة محمد
البارت الاول
صباح الاناناس على اغلى الناس فين الفطار انا هموت من الجوع
دا اللي قالته بطلتنا وهي نازله تجري على السلم
ردات مامتها بغضب وقالت...صباح الزفت على دماغك انتي مش هتبطلي عبط وتعقلي بقى ايه ده
ردات حوراء بحزن....هو انا عملت ايه يا ماما
الام...انا قلت 100 مره ما تنزليش تجري على السلم كده بس لا حياه لمن تنادي كاني بكلم بقره بالظبط
حوراء بحزن...انا اسفه يا ماما
وكانت لسه هتمد أيدها عشان تاكل
امها قالت...شيلي ايدك ده فطار احمد حبيبي...خلي الداده تعمل لك ساندوتش من جوه....بصه لاحمد وقالت.....يا عيني تعبان طلع عينه في كليه الطب مش زيك صايع بعد كل اللي صرفته عليك قال ايه تدخالي ميكانيكا
وقفت حوراء وكانت ماشيه وقالت بحزن...طب ماشي يا ماما انا رايحه الكليه عشان اتاخرت و وطلعت تجري
قالت امها بلا مبلاء...مع الف سلامه
وقف احمد و قال...طيب يا ماما انا ماشي عشان اتاخرت
وقفته سناء وهي بتقول...كمل فطارك الاول يا حبيبي
احمد...بس انا اتاخرت يا ماما
سناء..طب خلاص هعمل لك ساندوتشات
احمد...ماشي بسرعه لو سمحتي
سناء..دقيقه بس يا حبيبي
و فعلا عملت له الساندوتشات
و اخدها وطلع جري لقي حوراء واقفه عند اول الشارع بتدور علي تاكسي مد ايده ليه ب ال سندوتشات وقال...افطري ما ينفعش تمشي جعان
حوراء بضيق...شكرا مش جعان
احمد ضربها علي كتفها وقال...بلاش الكبرياء اللي كفيك على بوزك ده يلا عشان اوصلك
حوراء...شكرا هاخد تاكس
احمد...مش بقول لك كبريائك كافيكي على بوزك انت معك فلوس تركبي تاكسي اصلا
حوراء ب بسمه عبيطه...معايا
احمد...يلا يا اخره صبري اركبي
وفتح لها باب العربيه وركبت معاه واول ما ركبت قالت....ياه ده انا كنت هموت من الجوع وبدات تاكل في السندوتشات
احمد....طب من الاول ولا لازم حوار كل يوم
حوراء....يا ابني كرامتي فوق كل شيء
احمد ضحك وقال...ما هو باين من اكلك في الساندوتشات
حوراء... شكرا ابو الصحاب اللي ذللنا مش عارفه كنت هعمل ايه من غيرك ومن غير ذلك ليا
و بعد مرور ساعه عند الجامعه
احمد...انزلي يا لمضه واستنيني هاجي اوصلك واحنا مروحين
حوراء ...الف شكر للباشا اللي موفر لي مصاريف الشهر
احمد...طب امشي يا بنت بدل ما اضربك
حوراء ب ابتسامه...سلام يا حب
احمد...سلام يا لمضه
دخلت تجري للكليه ودخلت المدرج بس الدكتور وقف وقال...استاذه حوراء
حوراء ..نعم يا دكتور
الدكتور...انت كل يوم بتتاخري كده ما فيش مره تيجي في ميعادك
حوراء...مواصلات بقى وكده معلش يا دك اخر مره
الدكتور...حوراء اخر تحذير ليك بعد كده مش هتدخلي المدرج ده تاني
حوراء....خليك بحبوح كده يا دك متضايقهاش
الدكتور بغضب...ده اخر تحذير ليك يا حوراء بعد كده هبلغ مامتك بكل اللي بتعمليه مكانك يلا
قعدت وهي بتنفخ وقالت....هو مافيش غير حوراء في البيت حوراء وهنا حوراء اوف اوف
قالت صاحبتها جميله...ما تضايقش روحك يا جميل ولا يهمك
حوراء ...اتخنقت يا بنت الحلال مفيش غيري
جميله... ولا يهمك كله سنه ونتخرج وترتاحي من مامتك ومن الكليه كمان
حوراء... ما فيش حاجه مصبراني غير ان لما هتخرج هسافر اشتغل مع بابا وارتاح من هنا عشان اتخنقت
جميله... على سيره التخرج عملت ايه في مشروع التخرج بتاعك
حوراء...اما انا عامله حته مشروع تخرج ما فيش حد عمل ولا هيعمله بعد كده
جميله...ايه هو يا بت كده من ورايا ماشي
حوراء... وراك ايه يا جمي انا هاخدك تشوفيه النهارده ونجربه سوا
جميله....فل
حوراء كنت لسه هترد عليها بس قطعها الدكتور وقال...كفايه رغي انتم الاتنين بدل ما اطردكم بره
حوراء وجميله في صوت واحد اسفين يا دكتور
وخلصت المحاضره واخذت حوراء جميله وراح يجربوا الجهاز
حوراء شالت شال كبير وقال.... ترارا ايه رايك تحفه صح
جميله...هو ايه ده اصلا
حوراء...ده جهاز سفر عبر الزمن يا جمي
جميله بصدمه....جهاز ايه يا اختي سفر عبر الزمن انت اتجننت يا واليا
حوراء...اه سفر عبر الزمن تحبي تجربي
جميله....وماله نجرب عشان متاكده انه مش هيشتغل
وقالت حوراء بثقه...خلاص هتشوفي
وبدات تظبط في الجهاز عشان يرجع بالزمن وظبطته على 70 دقيقه
وقالت...كده هنرجع المحاضره تاني
بدات الغرفه تهتز بعد حوالي ساعه فاقف حوراء وجميله في مكان علي الرمل
قالت جميله....يخرب بيت ابوك ايه اللي انت عملتيه ده انا حاسه جسمي اتكسر
حوراء وهي مغمضه عينيها....شفتي اهو الجهاز اشتغل انا على طول صح
جميله بصدمه....طب افتحي عينيك كده ده احنا رحنا في داهيه ايه المكان ده وايه اللي جابنا هنا ايه الناس دي ايه اللي لابسينه ده
حوراء..... مش عارفه انا كنت ظبطاه ان هو يرجعنا 70 دقيقه بس في الجامعه مش هنا
جميله...بعصبيه فين الجامعه فين
حوراء..... هو اكيد غلط في المكان اكيد انا هقوم اشوف احنا فين
جميله....قومي يا تاعبه قلبي قومي
وقفه حوراء وبدات تلف في المكان حواليها بعد شويه رجعت
بصت ليها جميله وقالت...ها طلعنا فين
حوراء بتوتر وابتسامه عبيطه....شكلنا كده الله اعلم الله اعلم يعني مش اكيد تقريبا احنا في الصحره
جميله بغضب.... يخرب بيت ابوك ده انا هقتلك
واقفت تجري وراها لغايه ماوقفهم جماعه من حرس الملك
الحارس ....من انتم ماذا تفعلون هنا وما هذه الملابس الغريبه
جميله بصدمه.... ملابس مين الغريبه انت مش شايف نفسك لابس ايه
الحارس.... ما هذه اللغه هل انت من الهكسوس
جميله بصت ل حوراء بصدمه..... الهكسوس
حوراء ب براءة ....هم اكيد اكيد بيعملوا عرض هنا للسياحه اكيد اكيد مش اللي في بالك خالص
حوراء.....لو سمحت هو احنا فين
الحارس....ما الذي تقولينه انا لا افهم كلمه
جميله.....يا نهار طين
حوراء....اهدي اهدي ثانيه بس نتاكد
جميله.... تفضلي اتنيلي اتاكدي
حوراء ل حارس..... اين نحن في اي بلد وفي اي سنه
الحارس .....نحن في ارض كيمت العظمى سنه 1550 واليوم هو يوم تولي الملك الجديد العرش الملك احمس
جميله ..... يا سواد السواد يابا رشدي
وقعدت تلطم على الارض
.... هنروح فين وهنجي منين هنرجع ازاي يا فقريه يعني المره الوحيده اللي اسمع كلامك فيها واجي معاكي تودينا في داهيه طول عمري بقول عليك مجنونه انا غلطانه اني سمعت كلامك ورضيت اجي معاكي يا حوراء الكلب
وقفت مسكت في حوراء وقالت..... رجعيني يلا زي ما جبتني هنا رجعيني يلا
حوراء بخوف.... ما تخافيش هنرجع الجهاز بيرجع معانا هنشوف هو فين هندور عليه وهنلاقيه اكيد ونرجع انا معاكي ما تخافيش
جميله ب ولولا......انا مش مخوفني غير انك معايا انت اللي وديتيني في داهيه
قطعهم الحارس وهم جميله ماسكه في رقبه حوراء وبتضربها وقال...سوف تاتون معي الى القصر سوف اهديكم هديه للملك بمناسبه تتويجه
جميله.... نعم
حوراء....عنك انت يا اختي سيبي لي الطلعه دي نعم نعم تدي من هديه لمين دا انا ادبحك هنا وادفنك مكانك يلا يا بت
وكانت ماشيه هي وجميله
بس وقفهم الحارس وهو بيقول... امسكوهم
واتلموا عليهم الحرس من كل نحيه ومسكوهم واخذوهم للقصر وطول الطريق جميله بتولول على حظها وعلى المصيبه السوداء اللي وقعت فيها.... انت السبب يا فقريه والله لاقتلك نخرج من هنا بس وانا هوريك ايام سوداء مش عايزه اعرفك تاني ومش هعرفك ثاني انا غلطانه اني جيت معاكي
حوراء.... وانا مالي يا لمبي ده غلطه الجهاز
جميله بعصبيه..... مالك اه مالك مش انت صاحبه الفكره السوداء دي
وبعد فتره طويله من الخناق والضرب والشتيمه وصلوا القصر
قال الحارس.... احضرهم الى هنا
و كمل وقال..... سيده نيفرتاري لقد احضرت هاتان الفتاتان كي اهديهما هديه للملكه جهزيهما ساهديهم له بعد التتويج
نيفرتاري ....حسنا سيدي......و بصت للبنات وقالت......هيا تعال يا معي
حوراء....نيجي معاكي فين ياختي
نيفرتاري.....ما الذي تقوله هذه الفتاه
قائد الحرس....اعتقد انهم من الهكسوس لهذه لهجتهم غريبه لكنهم يجدون لغتنا جيدا
نيفرتاري....حسنا امور جنودك بان يحضروهم ورائي
وفعلا أمر قائد الحرس الجنود يمسكو حوراء و جميله و يدخلوهم قصر الحريم و بداو يجهزوهم عشان يقدموهم هديه للملك
حوراء.....ابعدي عني يا بنت انتي سيبي هدومي
نيفرتاري بصت ل حوراء بشر وقالت....يبدو انك ستتعبيني يا فتاه.... و بصت ل جميله و رجعت بصت ل حوراء وقال.... اصمتي ولا قتلتك انتي و هي مع أوامر من الملكه ب أن امنع كل ما يزعج الملك
جميله وهي بيجهزوها.....يا سود السود عليكي يا جميله يا صغيره علي الهم يا لوزه
حوراء و هي بتقوم....بطلي ندب بقي
جميله....ايوه هو انتي عليكي حاجه ما انتي طبعا مرتاحه هنا ارتحتي من امك و من كل حاجه وانا اللي كنت هبقا الباش مهندسه جميله بقيت جاريه يا حزني عليا
حوراء...اتنيلي اصل من شطاره اللي جبوكي ايش حال مكنتيش بتنجحي كل سنه ب العافيه قال الباش مهندسه قال
جميله....ايوه ياختي بس بدال مكنت هبقا مهندسه بقيت جاريه يخرب بيت معرفتك يا حوراء يا رب تموتي يا حوراء
حوراء....اندبي علي راحتك بقي
نيفرتاري....يكفي حديث....هل انتهيتم يا فتيات من تجهيز الجريتين
ردت واحده من اللي بيجهزو البنات وقالت......نعم يا سيدتي بقي فقط بعض اللمسات الأخيرة
نيفرتاري..حسنا اسرعي سوف يصل الموكب خلال لحظات....و بصت ل حوراء.....تبدين جميله لكن جمالك لم ينقظك مني سوف تكوني مثل البقيه هنا
البارت الثانى
وفعلا كملو تجهيز البنات و وصل الموكب
و اشتغلت المزامير و الطبول ل استقبال الملك. و الموكب الخاص بيه
قال قائد الحرس....أحضر الفتيات يا سيده نيفرتاري
شورت نيفرتاري ل واحده من الخدم دخالت تجيبهم وهي بتسحبهم قالت
حوراء.... ابعدي عني يا واليا انتي
جميله ....سيبي دراعي ابعدي كده
الملك..... ما الذي يحدث هنا
قائد الحرس ب توتر.....أنهم فتاتان جدد يا مولاي احضرتهم هديه لك بماسب تتويجك
نزل الملك من علي حصانه و لف حوليهم وقال....من اي بلد انتم
حوراء بعصبيه سحبت درعها من الخدمه وقال....وانت مال اهلك
الملك احمس ب تعجب..ماذا
قائد الحرس...أنهم من الهكسوس يا مولاي
الملك احمس....إذن ماذا جا بكم اللي كيمت العظمى هل انت جوسيس
جميله بتترعش مكانها و بتحسبن في حوراء
حوراء....قولتلك و انت مال اهلك ابعد كده......و زقت احمس بعيد
قرب منها الحرس كانو هيقتلوها
احمس ....اتركها ابتعدوا عنها......و بص ل نيفرتاري و قال.....جهزي هذه الفتاه ل اليله
حوراء....دا عند امك
الملك....ماذا
حوراء....اقول لك بعيد عن شنبك يا ننوس عين ماما
الملك .بتعجب...ماذا ننوس
حوراء....ايوه ننوس
ابتسم الملك علي شكلها و هي مكشره و سبهم و دخال قاعه الاجتماعات مع الوزراء
بصت نيفرتاري ل حوراء وقالت....لا اعلم ماذا بكي اعجب الملك ايتها الفتاه صليتط السان
و حوراء قاعده تسب وتشتم فيهم
قالت جميله و هما داخليا ....احسن ربنا بيخالص عمايلك السوده
حوراء....اسلكي يا واليا دا صاحبتك
جميله....ولا اعرفك
حوراء...وطييييييييه
جميله.....تشكري دي شهاده اعتذ بيها ....بس هتعملي ايه يا موكوسه مع الملك اللي عايز يتحمرش بيكي ده
حوراء....كان غيره اشطر ولا يقدر يلمسني دا انا هوريه ايام سوده
جميله .....ناويه علي ايه يا اخرت صبري
حوراء ابتسمت بشر..... كل خير نيها ها ها
و بعد ساعات قليله كانت حوراء في غرفه الملك
دخال الملك الغرفه و بدأ يدور عليها لكن هي كانت مختفيه تماما قلق عليها و افتكر أن حد عمل ليها حاجه بسبب رفضها ليه و بعدين قعد علي الكرسي و سرح في تلك المشاكسه الصغيره و ابتسم لما افتكر شكلها و طريقه كلامها
بس قطع حبل أفكاره لما طلعت حوراء من ورا الستاره و صرخت فيه وهي عامله مكياج في وشها يخوف و مشغله صوت مرعب علي الموبايل و قالت.....عااااووووو
اتفزع الملك من شكلها و قال ....من انت هل انت شبح ابتعد عني
البارت الثالث
و هي لسه بتقرب منه بشكل غريب و بتقول كلمات غريبه ب النسبه ليه و قربت منه بشكل غريب وقالت....بقي انا عايزني اكون جاريه عندك يا ابن المقشفه انا هعلمك الادب
و احمس مرعوب من شكلها و طريقه كلامها بس قال....ارجوك ابتعد عني
خبط الحرس علي الباب لما سمعوا صوت الملك قرب الملك من الباب و راح يفتح بس هي جريت اتخبت بسرعه
و دخال الحرس وقالو...ماذا هناك يا مولاي كان صوتك مرتفع هل حدث شي
احمس بتوتر....لا لا يوجد شئ ربما هناك قط أسفل الشرفه
بعدها طلع الحرس من الاوضه
و اول ما احمس قفل الباب طلعت حوراء تاني و قربت منه و قالت .....عايز مني ايه يا ابن المقشفه
احمس...ماذا تقولين لا افهم
حوراء..اه ......اقول ماذا تريد مني يا ابن المقشفه
احمس ....انا لا اعرفك ماذا س اريد منك
حوراء مسحت وشها وقالت...هذه انا ماذا تريد مني إذا
احمس....هذه انتي ايتها المجنونه
حوراء ....مجنونه انا
احمس ب خوف....هل انتي ساحره كيف غيرتي وجهك هكذا
حوراء ب ابتسامه....ساحره ........أجل ساحره
احمس....هل اتيتي ل قتلي ارسلك الهكسوس صحيح
حوراء ابتسمت ب شر و قالت في سرها....دا خايف مني فل أن ما علمتك الادب يا احمس مبقاش انا و ضحكت بصوت عالي نيهاهاها
احمس بص ليه ب استغراب....ماذا بكي
حوراء....لا شئ
احمس ...هل س تقتليني
حوراء....أجل إلا إذا
احمس ...الا ماذا
حوراء.....اتبعت اوامري
احمس ....ماذا تريدين
حوراء...بشر..نام
احمس ....انام؟
حوراء....بقولك نام يلا نااااام
نام احمس برعب منها و حوراء نامت هي التانيه
وفي الصبح صحيت حوراء و كان احمس لسه نايم قعدت جنبه علي الكرسي وتتامل شكله
صحي احمس بعد شويه لقي حوراء مبحلقه فيه اتنفض من الخوف وقال...لماذا هذه النظره
حوراء مش بترد عليه و هي بتهز رجليها علي الكرسي
احمس...هل فعلت شئ ازعجك
حوراء .... بقولك ايه تعاله نتفق
احمس...انا لا افهم حديثك ابدا
حوراء...ماشي .....بص هيا نتفق
احمس ...اومرك
حوراء...بص انا س اذهب الان
احمس....الي قصر الجواري؟
حوراء... قصر الجواري ده ل امك يا ننوس عين ماما
احمس ...ماذا
حوراء...هو انا بتكلم هندي كل شويه ماذا ماذا هتجلتني يا عم.....و كملت....بص انا سوف اذهب الان و اعود لاحقا ل اتفق معك....و قامت تمشي ولفت راسها وقالت....أخبر تلك الطاووس المغروره نيفرتاري اني سوف أبيت هنا الليله ولا جيت بطريقتي
احمس بخوف ....حسنا سوف أخبرها
مشيت حوراء من عنده و راحت قصر الجواري قبلتها نيفرتاري وقالت....امسكي هذه المكنسه و نظفي الأرض و بعدها اذهبي الي المطبخ كي تساعدي في إعداد الطعام
ومشيت من قدمها بدأت حوراء في الكنس و هي بتقول....والله ل اعلمك الاب انتي التانيه يا بنت صلطح باشاء
و هي بتكنس لقيت جميله قاعده علي الارض بتغسل و بتقول...يا ميله بختك يا جميله يا سواد ايامك يا جميله بقي جميله هانم بنت حضرت وزير الشباب والرياضة كمال نصار تغسل هدوم و مش اي هدوم هدوم خدم يا ميله بختك يا جمي يا سواد ايام يا جمي
قعدت جنبها حوراء و بدأت تردد معاها....يا ميله بختك يا جمي يا سواد ايامك يا جمي يا منحوسه يا جمي
جميله بصت ليها بصدمه وحضنتها و قالت .... حوراء انتي كويسه انتي عايشه ازاي ....و بعدها زقتها بقوه علي الارض وقالت .....يخرب بيت ابوكي علي اللي عملتيه فيا بقي انا جمي هانم بنت كمال نصار تغسل هدوم الخدم
حوراء ب ملل...ما كنا حلوين ولسه بقول عليكي طيبه وقلبك بدأ يلين
جميله ....مين ده اللي يلين دا انا هنفخك أن مطلعتنيش من هنا
حوراء..... هنطلع بس القي طريق اطلع بيها من القصر و هاخدك و نرجع
جميله...ازاي
حوراء ب ابتسامه...الملك هيطلعنا
جميله ....ازاي بقي يا اذكي اخوتك
حوراء ب شر....بكيفه و هتشوفي كام يوم بس
قربت منه جميله ب قلق ....هو انتي عملتي ايه امبارح مع الملك
حوراء ...ولا حاجه اختك شبح يا جمي
جميله...رورو حبيبتي عملتي ايه. احكيلي
حوراء ابتسمت بشر ...هحكيلك اخلص كنس قبل ما تيجي الواليا الحيزبونه نيفرتاري دي و تسود اليوم
رجعو لشغلهم و هما بيغسلو الاطباق بدات تحكي حوراء ل جميله
قالت جميله....يخرب عقلك بقي انتي يالي بتخافي من خيالك تعملي كل ده
حوراء ب فخر....اومال مش بقولك انا مش سهله استني و شوفي دي البدايه بس
دخالت نيفرتاري و صرخت فيهم و قالت ....يكفي لهو و اكمال عملكما ولا عقبتكما
حوراء ب ملل....اوف ماشي يا بنت صلطح باشاء حسابك معايا
و بعد شويه جه واحد من الحرس و قال ل نيفرتاري....جهزي الجاريه الجديده الملك أمر ب أن تكون هي معه في هذه الليله
نيفرتاري بضيق....حسنا
و قربت من حوراء وقالت....طلبك الملك الليله ايتها الجاريه لكن لا اعرف ماذا فعلتي له لم تدخال اي جاريه الي غرفه الملك مرتين طيله حياتي هنا أنه دائم الملل و يحب التغيير....سكتت شويه و قالت ...اعتقد أنه فقط أعجبه اختلفك عن باقي الجواري لكن انا واثقه بأن هذه ستكون اخر ليله
نغزتها جميله و قالت.... ايه مش هو المفروض مرعوب منك عايزك تاني ليه
حوراء...عايز يتكهرب نيهاهاها
نيفرتاري.....حسنا تعالي مع .....و شورت ل جميله و قالت .....اذهبي ل مساعدت الخدم في تنظيف الساحه
و بعد شويه في غرف احمس
دخالت حوراء بس لقيت كلب وافق مبحلق ليه طلعت تجري منه و اتخبت فوق الدولاب و هو بينبح عليها و هي بتقول....يا ميله بختك يا حوراء يا رب هو انا عملت ايه في حياتي عشان يحصل معايا كده يا سواد السواد يابا رشدي
دخل احمس يدور عليها ملقهاش بس سمع صوت ندبها و لقيها فوق الدولاب قال.....ماذا تفعلين عندك
البارت الرابع
حوراء بخوف....اجري من عندك هياكلك
احمس....ماذا تقولين
حوراء...يخرب بيت ام الفصحه اللي هتموتك دي اختبأ
احمس...اختبأ لماذا
حوراء شورت علي الكلب وقالت...هيقتلك
احمس....من اين هو....وبص علي الكلب وقال.....أنه صديقي الوفي حورس وسكت شويه وقال. هل انتي خايف منه
حوراء.....نعم
احمس مد ايده ليها ينزلها و عطها كوبيه ميه.....اهداي أنه لطيف
حوراء...الهي يلهفك يا ابن المقشفه
احمس بتعجب.ماذا تريدين اذا سيدتي الجميله
حوراء ....اولا ابعد البتاع ده عني
احمس....حسنا ......و طلع الكلب بره الموضه....و ماذا بعد
حوراء ....اجعل جميل كبيره الخدم و نيفرتاري خدمه
احمس....لماذا و من تلك جميله
حوراء...جميله صديقتي التي اتات مع البارحه
احمس ....حسنا ماذا تريدا أيضا
حوراء....اريد ان اتفقد الارضي القريبه و المجوره من هنا
احمس....لماذا
حوراء....اريد البحث عن شئ
احمس....ما هو و س اامر الحرس ب البحث عنه
حوراء ب تفكير...فكره برضو هما هيدور عليه و انا مرتاحه بس ممكن يبوظ منهم مش عارفه اعمل ايه
احمس...ماذا بكي
حوراء....ها حسنا سوف ارسم لك ذالك الشي و أخبر حرسك يبحث عنه
احمس....حسنا
حوراء.... اريد بعض الورق و الأقلام
جاب ليه احمس الورق و الأقلام و بدأت ترسم حوراء و هو سرحان في شكلها و شعرها البني الجميل اللي نازل علي وشها
شال الشعر من علي وشها و هو سرحان و قال بصوت واطي....ما هذا الجمال كم انتي جميله ايتها الساحره الصغيره
حوراء....نعم يا ابن المقشفه
اتنفض احمس من صرختها....ماذا ماذا حدث
ابتسمت حوراء و قالت...ماذا بك يلا
احمس ...لا شئ.....و سكت شويه وبعدين قال....اريد ان اتعرف عليكي أكثر أن كنتي لا تمانعين
حوراء....لا أمانع ماذا تريد أن تعرف
احمس...ما هو اسمك
حوراء ....اسمي نسيم
احمس....اسمك جميل لكن غريب ولا يليق بك يجب أن يكون اسمك عاصفة
حوراء....نعم نعم يا خوي
احمس ....ماذا بك انا اصفك فقط
حوراء....يعني أنا عاصفه ماشي يا ابن المقشفه تقل حسابك
احمس.....ما هذه اللغه الغريبه التي تتحدثين بها
حوراء....انها لغت بلدي أتريد أن اعلمك
احمس....أجل احب تعلم اللغات المختلفه
حوراء...فل هيا اعلمك
احمس....فل؟
حوراء....يعني اتفقنا
و بدات تعلمه
بعد شويه كانت حوراء بتقول....امك رقاصه
احمس و هو بيكتب....امك رقاصه ماذا تعني هذه الكلمه
حوراء ....دا مدح ب لغتي تعني أنك جميل جدا
و بدأ احمس يتعامل ب الكلمات دي مع اللي في القصر
و في أحد الاجتماعات كان الوزير جايب اخبار مهمه عن الهكسوس
راح الملك قله....احسنت امك رقاصه
و كانت حوراء فطسانه علي روحها من الضحك و قالت ل جميله....ايه رايك في اللي عملتع
قاطعتها جميله و قالت....مولاي هل لي أن أقول شئ
احمس ....أجل
البارت الخامس
قربت منه جميله و هي عيونها بتلمع ب شر و قالت بصوت واطي....امك رقاصه يعني سب يا مولاي
بص احمس ل حوراء بشر.....سوف اعلمك الادب
جميله..بصت ل حوراء..... يلا ربنا يقدرنا علي فعل الخير
طلعت حوراء تجري و جري ورها في القصر تحت انظار الكل
وهي بتطلع ليه لسانها و بتقول....مش هقدر تمسكني
بس اتزحلقت علي ضهرها قرب منها الملك و قال....لقد وقعتي في يدي سوف اعلمك الادب
و راح لفحها علي كتفه زاي الانبوبه وطلع بيه غرفته و قفل الباب
حوراء....ابعد عني بدال ما اخلي عفريتي تعفرتك
احمس....عفريتك دول يعفرتوكي انتي مش انا
و قرب منها ب الكرباج و قال...سوف اعقابك
و اتوصه بيه
و بعد شويه خرجت و هي بتفرق في جسمها من الوجع...ماشي يا احمس يا ابن المقشفه
و بعد مرور عدات ايام كان احمس بيتعلق ب حوراء كل يوم عن اليوم اللي قبله و بدأ يحس أنه بيحبه
أما في قصر الحريم كانت جميله مسيطره و مطلع عين نيفرتاري لدرجات انها بتخليها تغسل ليها رجليها
قالت جميله....اغسلي الارض كويس يا نوفه
نيفرتاري بحصره....حاضر سيدتي
أما حوراء كانت بتحول تعمل الجهاز تاني و في نفس الوقت الحرس بيدورو علي الجهاز بتاعها و كمان كانت بتحس ب مشاعر غريبه ناحيته احمس
احمس...عندي اخبار جيده لكي ايتها الساحره الصغيره
حوراء...ايه هي
احمس....لقد عثرت على جهازك الغريب
حوراء و هي بتنط من الفرحه....بجد احلف كده اخيرا هرجع البيت لولولولولوليييييي
احمس بحزن....سوف تعود إلي منزلك
حوراء....ايوه
احمس...لماذا تريدين الذهاب هل ازعجك أحد
حوراء...لا بس هرجع بيتي
احمس...لكن انا لا اريدك أن تذهبي
حوراء بدأ قلبها يدق بسرعه....ليه
احمس ب توتر....كي لا تخبري ملك الهكسوس عن خطتي للحرب لن اعطيكي الجهاز الا بعد انتهاء الحرب
اتديقت حوراء من كلامه لانه كانت متوقعه منه كلام تاني وقالت....ماشي سوف اسعدك كي تنتصر
احمس ب فرحه....حقا لن تذهبي
حوراء بحزن...بعد الحرب
احمس في سره....لن ادعكي تذهبين من هنا ابدا
و مشيت من قدامه راحت عند جميله و قالت....لقينا الجهاز
جميله اتنطتت من الفرحه و بات تزغرت بس لاحظت تكشير حوراء فقالت....مالك مكشره ليه كده
حوراء....الملك رفض أن يدهولنا الا بعد الحرب
جميله....مش مهم المهم أنه موجود و هنعرف نرجع....بس ده مش السبب اللي مخاليكي زعلانه كده
حوراء بدموع...مش عارفه حسيت بنغزه في قلبي حاسه اني مش عايزه امشي من هنا
جميله بصت ليه ب شفقه... حوراء انتي حبتيه
حوراء....حبيت مين
جميله....احمس
حوراء....مش عارفه بس حاسه ب مشاعر غريبه نحيته اول مره احس بيها
جميله....هدي اعصابك دي مجرد اعجاب هتنسي مع الوقت بس احنا لازم نرجع
أما عند احمس
قالت الملكه..لماذا منعت الجوري من القدوم اليك أخبرتني نيفرتاري ب أن لا أحد يأتي الي هنا الا تلك الجاريه الجديده
احمس....أخبرتني حوراء ب أن لا يمكنني أن اجعل اي فتاه تأتي عندي ولا لن تاتي عندي مجددا
الملكه...لماذا اتركها ترحل ف انا اريد وريث للعرش
قال احمس...لا يمكنني أن اتركها ترحل من هنا
الملكه .....لماذا هل احببتها يا بني
احمس.....لا اعرف يا امي لكن لا يمكنني العيش من دونها....و رجع رأسه علي الكرسي و قال......عندما عرفت انها ستذهب شعرت ب غصه غريبه في قلبي لن اتحمل فرقها لقد اعتدت على وجودها بجانبي
الملكه ب حب.....لقد وقعت في العشق يا بني لا تدعها تذهب في الحياه من دون حبيب أشبه ب الموت لا تتركب معشوقتك يا احمس
احمس...لكن لا اعرف كيف اجعلها تبقا يا امي
الملكه...امتلكها و احصل علي قلبها لن ترفضك ف انت الملك
احمس....س افعل ما بوسعي كي اجعلها تبقا
و باس راسها و طلع الاوضه بتاعته و أمر الحرس أنهم يبلغو حوراء تطلع عندهعند حوراء وصل ليها الحرس وبلغها بطلب الملك
طلعت حوراء ليه دخالت وقالت...عايز ايه يا سوما
احمس....قولت لك أن لا تقولي لي سوما لا احب هذا الاسم
حوراء مسكت خده و قالت ...بس انا بحبه...و بعدين احنا مش متفقين أن لما نكون لوحدنا تكلمني ب لغتي
احمس ب ابتسامه...ايوه اتفقنا يا ساحرتي الصغيره
حوراء ب ابتسامه....طيب كنت عايز مني ايه بقي
احمس....كنت عايز اشوفك
حوراء...نعم يا عين امك
احمس ب ارتباك....اقصد كنت أريد أن أعرف كيف س تساعديني في الحرب ايتها الساحره الصغيره
حوراء.....ماشي مع اني مش مصدقاك يا سوما
ابتسم احمس و بداو يتكلمو كتير عن الحرب اللي هي كانت حفظها اصلا بسبب حبها الشديد ل التاريخ و الاثار
عدت الايام و كان طول الوقت احمس بيشكسها و يقرب منها بكل الطرق
و في يوم راح احمس ل حوراء وقال....حوراءي هل تأتين معي
حوراء....هنروح فين
احمس..... تعالي مع فقط
راحت معاه واخدها الاسطبل
وقال ....تعرفي تركبي خيل
حوراء ..ايوه
احمس طب يلا
و ركبو هما الاتنين الاحصانه و طلع بره القصر و بعد شويه وقف احمس..... وقال سوف اذهب الي الحرب غدا
حوراء بقلق....خد بالك من نفسك
احمس....سوف اشتاق اليك
حوراءقربت منه وقالت....عايزه اقولك سر
احمس...ما هو
حوراء....انا مش من الهكسوس
احمس...اومال منين
بدات تحكي ليه حوراء عن اللي حصل معاها و ازاي جت هنا و عن حياتها و عالمه وكل حاجه تخصه
كان مصدوم احمس من اللي قالته بس ماردش عليه
و مشيت ب الحصان
و جه يوم الحرب و انتصر احمس في الحرب
و رجع القصر ب موكب كبير جدا و طلبت حوراء انها تشوفه و قالت ليه بحزن....انا عايزه الجهاز بتاعي
احمس....مش هتقول مبروك طيب انا كسبت حرب كنت هموت فيها
حوراء بحب....بعد الشر عنك متقولش كده تاني
احمس...خايفه عليا
حوراء طلعت لسانها و حولت انها تغير الموضوع وقالت...لا
احمس ضربها علي دماغها وقال....ماشي يا حوراءي
حوراء....ها هتديني الجهاز انا عايزه امشي
احمس جته فكره وقال..ماشي بس تكوني ليا
حوراء...يعني ايه
احمس...انتي جاريتي اتركي لي ذكره منك اريد ان اكون معكي حتي لو ل ليله واحده
حوراء ضربته وقال...نعم يا ابن المقشفه
اولا انا حره مش جاريه و مسلمه يعني مينفعش اللي أنه بتقول عليه ده وغير كده انا لازم ارجع ل اهلي
احمس بحزن....حسنا سوف اامر الحرس ب أن يأخذوا الي غرفتك
حوراء ب حزن... شكرا
و رجعت اوضتها و هي كانت حاسه ب اليأس من اللي حصل معاها
في غرفه حوراء كانت قاعده هي وجميله و جاب ليه الحرس الجهاز
قالت جميله ب حماس.....يلا شغليه خلينا ارجع سريري وحشني
حوراء ب حزن.....ماشي
و حولت تشغل الجهاز بس مكنش بيشتغل
قالت حوراء ب بسمه.....الجهاز مش شغال اكيد عطل من الرمل
جميل....يعني ايه مش هنرجع .....و ليه البسمه اللي علي وشك دي
حوراء ب توتر....بسمه بسمه ايه انا زعلانه اوي عشان الجهاز عطلان بس هصلحه اكيد اديني فرصه كام يوم بس
جميله قعدت علي الارض....يا صغيره علي الهم يا لوزه مكنش يومك يا جمي اشتغلت لطم
و حوراء سرحانه في احمس و فرحانه انها هتقدر تقعد معاه كام يوم تاني
أما في الليل عند احمس كان قاعد حزين وسرحان في حوراء بس قاطعته حوراء وقالت بصراخ.....ولا يا سوما انا جيت نورت البيت
احمس وقف بحزن وقال....هل عدتي كي تودعيني
حوراء....افرد وشك يا سوما و بلاش التاكشيره ده و لا مش جايه اودعك
احمس....إذا لماذا انتي هنا
حوراء....جيت اقولك أن الجهاز طلع عطلان و مش هعرف ارجع دلوقت
احمس شالها وقال...ايه هتقعدي معايا مش هتمشي
حوراء ...نزلني يلا
نزلها احمس و قالت.... قمر و انت بتتكلم مصري يا سوما
و صرحه كده مش بظبت الجهاز فيه عطل بسيط بس هيتصلح و امشي
احمس ب حزن....لكن انا احبك يا حوراء لا استطيع العيش بدونك
حوراء ب دموع....و انا بحبك اوي
قرب منها احمس و حول يحضنها بس هي زقته وقال...ابعد عني اللي أنت بتعمله ده حرام
احمس...حرام؟
حوراء...ديني مش بيسمح ب الحاجات دي
احمس...يعني ايه
حوراء...انا مسلمه مينفعش يكون في اي علاقه بينا
احمس...يعني ايه مسلمه
بدات حوراء تشرح ليه دينها و أن ده غلط
تاني يوم في قصر الحريم كانت قاعده جميله و نيفرتاري بتعمل ليها مساج دخالت حوراء و قعدت جنبه و قالت....بت يا جمي انا هموت من الجوع طبخين ايه النهارده
جميله بصت ل نيفرتاري...طبخين ايه يا نوفا
نيفرتاري...لحم الثور المشوي و عدس و ارز مسلوق
حوراء...اكل العيانين ده مش ماشي معايا انا عايزه طبيخ
جميله...عايزه ايه يعني
حوراء..تعالي وانا اوريكي
و دخالت المطبخ و طلبت من الطباخ يجيب ليه حاجات
و بعد شويه رجع و معاه كيس اخدته منه وقالت....هنطبخ ملوخيه ايه رايك
جميله..يخرب بيتك.جبتيها منين دي
حوراء ط..شفتها في مره وانا مع احمس مزروعه علي النيل
بعد شويه بداو تحضير الملوخيه
قالت جميله...بتعرفي تعمليها ولا هنموت مثمومين
حوراء..عيب عليكي طبعا هنموت مثمومين
جميله...الله يطمنك
حوراء....الدادا كانت بتقول أن أهم حاجه فيها الشهقه
جميله....وماله نشهق
و حضرو الملوخيه
حوراء قالت ...اشهقي ياجمي
شهقت حوراء و جميله بقوه
قالت جميله... شكله مش كويسه
حوراء....يمكن الشهقه السبب نشهق تاني
و جميله زغرتت ل الملوخيه و حوراء قالت....يا لهوووووي يا خربي
كان معدي احمس و شافهم وقال...ماذا تفعلون
جميله...نحضر الطعام يا مولاي
احمس...لماذا كنتم تصرخون
حوراء....دي الشهقه يا سوما تجرب يمكن تخاف منك و تظبط بدال ماهي لازقه في قعر الحله
احمس ...حسنا
قالت حوراء...قول وريا يا لهوي يا خربي يا لهووووي
و احمس بردد وراها هو و باقي الخدم
قالت حوراء..كده فل يلا ناكل تاكل معانا
احمس...حسنا
و طلع لبره بداو يأكلو و احمس كان مبهور ب الملوخيه و اكلها كلها علي الرغم من أنها كانت بايظه علي راي اللي قال بصلت المحب خروف😂
و بعد ما خلص اكل قالت حوراء....حلو الاكل ايه رايك تاكلني
احمس...ليه هو انتي ينفع تتاكلي
حوراء...ماهو ده اللي ناقص تاكلني انا والاطباق دي كمان دا علي تكه و كنت جبت الطبق من زورق
احمس. بحزن...بتبصي ليا في اللقمه
حوراء....كل ده لقمه تعاله كلني تعاله
بعد تلات ايام كانت راجعه حوراء من رحله صيد مع احمس
و نزلتها جميله من علي الحصان وقالت ....انتي دائره تصرمحي من هنا لهنا و مش ناويه تصلحي الجهاز عجبتك القعده هنا
حوراء ب توتر...صراحه كده انا صلحته من يومه كان في شويت رمل و لما نضفته رجع اشتغل بس انا مش عايزه امشي من هنا
جميله ...انتي اتجننتي ايه اللي يخليكي تقعدي هنا
حوراء...بس بحبه مش قادره ابعد
جميله...لازم نرجع عشان اهلك وترجع ل عالمك هنا مش مكانك
حوراء ب استسلام ....ماشي يلا
و راحت شغلت الجهاز و رجعت و كان واقف احمس يودعها و بعد ما اختفت هي والجهاز نزل علي الارض و بدأ يعيط
أما حوراء و جميله رجعو ل يوم اللي كانو فيه و طلعت حوراء تجري من الجامعه و اخوها احمد كان مستنيها بره وقال....و حشتيني يا حوراءي كل ده تأخير
و حوراء مش بترد وافتكرت احمس وهو بيقولوا يا حوراءي و بدأت تعيط
قلق عليها احمد وقال...مالك يا حوراء في حد دايقاك الدكتور اتخانق معاكي تاني
حوراء ....لا انا تعبانه شويه
و بعد فتره من الصمت وصلو البيت و نزلت حوراء و طلعت اوضتها و عدات الايام وهي مكتائبه في أوضتها و مش بتخرج
قال أحمد....هي حوراء لسه في اوضتها
سناء....مش عارفه مشفتهاش من كام يوم
احمد بغضب....انتي ام دي بنتك ليه بتعمالي معاها كده
البارت السادس
سناء ب برود...احمد حبيبي متشغلش بالك بيها هي كويسه
احمد....ابعدي عني حوراء ليها اربع ايام في اوضتها مش بتخرج وانتي تقولي كويسه ايه برود الأعصاب ده
سناء ....يا حبيبي
قطعها احمد...ابعدي عني
و طلع عند حوراء خبط علي الباب و هي مش بترد و فضل يخبط شويه وبعدين دخال الاوضه لقيها قاعده علي السرير بتعيط..... حوراء حبيبتي مالك ليه الدموع دي
حوراء..انا كويسه
احمد....لا مش كويسه انتي ليه بتعملي في نفسك كده
حوراء انهارت في العياط في حضنه وقالت...انا تعبت يا احمد كل حاجه ماشيه عكس انا زهقت
احمد....انتي زعلانه من ماما صح بس هي بتحبك يا حوراء حتي لو مش بتحبك مينفعش تدمري مستقبلك و حياتك كده لازم تعيشي مبسوطة
جو الكائبه ده مش ليق عليكي غيري هدمك و تعالي اوصلك الجامعه و نخرج نتغده بره بعدين
حوراء...مش عايزه اروح
احمد....متبقيش فقريه دا انا عزمك علي حسابي يلا عشان خاطري
و بعد شويه جهزت حوراء و احمد وصلها الجامعه و هي مكشره و حزينه
راحت حضرت المحضارت بتاعتها و بعدين مشيت نحيت المكان اللي فيه الجهاز بتاعها بس وقفتها جميله وقال ..رايحه فين يا حوراء بلاش اللي في دماغك
بصت ليه حوراء ب حصره وقال....وحشني مش قادره ابعد
ونزلت دموعها
مسحت جميله دموعها وقالت.... هتنسي مع الوقت لازم تبعدي
حوراء..انا هروح اشوف الجهاز بس مش هروح هناك
صعبت عليه و سبتها تروح عند الجهاز
وصلت حوراء الأوضه و قعدت علي الارض تعيط وفضلت علي الحال ده ايام كل يوم تروح تقعد جنب الجهاز و تعيط و تمنعها جميله انها ترجع ليه
و في يوم دخالت تجري جميله علي المدرج وقالت...... الحقي بيقولوا في راجل لابس فرعوني ماشي في وسط الجامعه ب حصان معقول يكون هو
ابتسمت حوراء ....مش ممكن هيجي هنا ازاي
و طلعت تجري ل بره لقيت احمس معاه رسمه ليها و ماشي بحصانه في وسط الجامعه و بيدور عليه و بيسال الكل عنها
و راحت عنده وقفت مصدومه وقالت....انت جيت ازاي هنا
قرب منها احمس و حوط وشها ب ايده....حبيبتي وحشتيني يا حوراءي متبعديش عني تاني
حوراء ب دموع....و انت كمان وحشتني
و كسرت كل الحواجز اللي بينهم و حضنته بقوه
و بعد دقائق قربت جميله و بعدتهم عن بعض وقالت....كفايه كده الناس كله بتتفرج تعالو معايا
و طالعت بيهم بره الجامعه و عند العربيه بتاعتها قالت...اركبو نروح اي حته هادي نتكلم
احمس...ما هذا الشي
جميله....كلمني مصري وحيات ابوك......و دي عربيتي اركب خلينا نمشي و بعدين هشرحلك
ركبت حوراء و احمس اللي كان مصدوم من كل اللي حوليه
و بعد فتره وصلو بيت جميله وسالت..... انت جيت هنا ازاي
احمس بص ل حوراء وقال.....أمرت المهندسين يكملوا جهازك و جيت اللي هنا كاي اركي
جميله...... و ايه اللي جابك هنا اكيد مش عشان تشوف حوراء بس
احمس....لاني احبها لم احتمل فكره اني لم أرها مجدداً
و بعدين بص ل حوراء برجاء....لا تتركيني لا استطيع العيش من دونك
حوراء بدموع ...ولا انا مش هقدر اعيش من غيرك بس مش هينفع
احمس...اعرف انك بترفضيني بسبب ديني انا هكون مسلم ممكن تساعديني
حوراء و جميله بصدمه...مسلم!
احمس ....ايوه عشان تكوني معايا انا ممكن اعمل المستحيل يا حوراءقلب احمس
جميله...مش هينفع ازاي هتكون مسلم
احمس....أخبرتك اني لا استطيع العيش بدونها
ممكن تساعديني
جميله ...ماشي استنا ثانيه
ابتسمت جميله ورأحت جابت ليه هدوم و اخدتهم عن شيخ عشان يعلن اسلامه
جميله....دلوقت تقدر تكون مسلم بس مش هينفع ترجع في كلامك
احمس...عشان حوراء اعمل المستحيل
ابتسمت حوراء علي حبه الشديد ليها
و دخال عند الشيخ و إعلان إسلامه
و بعد شويه قرب احمس عشان يحضن حوراء بس هي زقته وقالت...ابعد يا ابن المقشفه
احمس....ليه مش بقيت مسلم انتي ملكي الان
حوراء...في فرق بين انك تكون مسلم و اني اكون ملكك
جميله ...عشان تكون ملكك لازم تتجاوزها
احمس ب ابتسامه....نتجوز
جميله...مش هينفع هتسيب حياتك وتعيش معاها هنا ولا هي هتسب حياتها و تعيش معاك هناك
حوراء....انا موفقه نعيش شويه هنا و شويه هناك
احمس....بحماس ايوه شويه هنا و شويه هناك
جميله ....طب هتقولي ايه ل اهلك و هتجوزيه ازاي
حوراء. .هنقول أنه بيشتغل بره مصر و ه اسفر معاه و غير كده اهلي مش فضيين يسألو عنه وما هيصدقو يخلصوا مني و لو قصدك الورق ممكن نزور ليه بطاقه عادي
احمس...ايوه فكره حلوه
جميله بصدمه....انتو الاتنين مجانين و ايه الأفكار دي بس مش مهم المهم انك تكوني سعيده انا أقدر اخلص حور الورق يا ستي عدي الجمايل بقي
حوراء...انتي فوق فوق راسي يا حج كامل بس ازاي
جميله....هطلب من سكرتير بابا يعمله و كمان بطاقه اصليه مش مزوره
حوراء ....اصليه ازاي
جميله..... انتي ناسيه أن بابا وزير الشباب والرياضة و السكرتير بتاعه بيحبني من زمان ومش هيرفض طلبي اكيد ليه معارف و هيعرف يعمله
حضنتها حوراء بقوه وقالت....انا بحبك اوي انا لو كان عندي اخت عمرها ما هتكون زايك
جميله...عدي الجمايل بقي
و بعدين رجعت حوراء بيتها و رجع احمس ل عصره و خلال أيام كان الورق جاهز و حوراء طلبت معاد من مامتها عشان احمس يطلب أيدها و فعلا جه و طلب أيدها
و في يوم المقابله الصبح وصل احمس من عصره و كانت جميله و حوراء بيحفظوه اللي هيقوله
و في الليل راح احمس مع جميله
و قالت سناء....و انت جاي لوحدك ليه
احمس ...اهلي كلهم في الخليج عندهم شغل مش هينفع يجو
احمد ....هو انت بتشتغل ايه
احمس ...رجل اعمل عندي شركه خاصه
احمد. بس انا مش مرتاح
بصت ليه حوراء و قالت....عشان خاطري ارجوك
احمد افتكر شكلها و هي مكتائبه و شكله دلوقت و الابتسامه اللي علي وشها وقال....عشان خاطرك بس موفق بس و الكليه هتعملي فيه ايه
حوراء...هحول انتساب هي كلها كام شهر و تخلص
احمس...كويس. ممكن الفرح يكون الخميس الجاي عشان عندي شغل ولازم أسفر
حوراء ب ابتسامه ..... ينفع طبعا
احمد كان هيرفض بس منعته سناء وقالت ماشي موفقين
حضن احمد حوراء و قال ....الف مبروك يا لمضه بس الكليه مينفعش تهمليها
حوراء....ولا يهمك كله هيكون تحت السيطره
احمد... طب ما تأجيل لبعد التخرج
سناء...مش هتفرق كده ولا كده هي فاشله اصلا
حوراء اتجاهلت كلام امها وقالت...مش هينفع عشان عنده شغل ولازم يرجع ليه تاني
احمد ....مستعجله اوي بس مش مهم يلا خاليني اخد اوضتك اعملها مكتب
حوراء طلعت لسنها و قالت....هقفلها بقفل
و سناء قربت منه و حضنتها هي كمان وقال ....انا وفقت بس عشان ارتاح منك و من تصرفاتك المجنونه
حوراء...الله يبارك فيكي يا ماما
و بدو تجهزات الفرح و احمس رجع كيمت وبدا هو كمان تجهيز فرح كبير عشان يفاجأ حوراء
و بعد خمس ايام اتعمل الفرح و كان فرح بسيط يقتصر علي الأهل و الصحاب المقربين وبعد كتب الكتاب وقف احمس و قال....كده بقيتي مراتي يعني ينفع احضنك صح
ابتسم حوراء بخجل
و ردات جميله وقالت.... اه ينفع يا زماكس احضن بقيت حلالك و غمزت ل حوراء
قرب منها احمس و شالها و لف بيه و كانت مبسوطه جدا
و بعد الفرح راحت حوراء واحمس ل جهاز سفر عبر الزمن و راحو كيمت و لقيت موكب كبير في انتظارها مسك احمس أيدها و قال ...اليوم اشرقت شمس كيمت بوجود يا جلاله الملكه من كل قلبي بقولك احبك يا حوراء قلب احمس
حوراء...بحبك يا اجمل اختياراتي
و بعد الفرح نقلت جميله الجهاز عندها في البيت
وكانت حوراء بترجع كل فتره ل زمنها عشان تشوف احمد وجميله
و بعد خمس سنوات في في قصر الملك كانت بتجري حوراء و بتقول....يا ابني حرام عليك اللي بتعمله فيا تعاله هنا
و ابنها احمد بيجري و مش معبرها
مسكه احمس وقال ....انت كل يوم هتعزب مامتك كده
و قرب من نسيم و حضنها وقال....خدي ابنك المجنون ده
حوراء....يعني هو ابني لوحدي مثلا
احمس....لا يا حبيبتي مش قصدي خالص قصدي أن هو مجنون زيك دي جيناتك بس يا حوراءي
حوراء....بقي انا مجنونه طب والله ل اعلمك الادب
وأجريت وراه في كل القصر و الحرس بيفرجو عليهم
حوراء....خد ياد انا مش هضربك انا هعرفك غلطك بس
احمس....يا بنت المجنونه انا الملك عيب كده احترميني ولا هنفيكي بره القصر
حوراء...ملك علي نفسك يلا خد هنا
و عاشت حوراء اجمل قصه حب في التاريخ مع احمس اللي مش من عالمها ولا دينا ولا حتي لغتها لكن جمعهم الحب هما الاتنين اتغيرو علشان الحب
رابط القصة
حوراء فى قلب احمس _ حكايات شروق للقصص الكاملة