عشقنا قلوب عاصيه ( ظلمات آل نعمان ) الفصل الثالث عشر

  بقلم الكاتبه المبدعه والمتميزة لادو غنيم

ــــــــــــــــ

داخل المستشفي بعد ساعتين كان قاعد خليل داخل غرفة الطبيب اللي بيتكلم معاه و بيشرحله حالة فلك و بيقولة بهدؤ: 

واضح جداً أنها اتعرضت للاجهاد الشاق ودا واضح من اثار انتفاخ قدميها واضح انها وقفت عليهم لفترة طويلة جداً دا غير ان واضح بشدة انها مكلتش نهائي ودا سبب لها اصفرار و شحوب الوجه و كمان اتسبب بالاغماء لان جسمها اساسة ضعيف مش متغذي كويس دا غير ان عندها انيميا التحاليل اللي عملناها اتضح ان عندها انيميا شديدة عشان كدا علقتلها محاليل و هكتبلها علي شوية فيتامينات تانيه هتساعدها علي استعادة صحتها بس من الافضل كمان انها تسترخى قدر الامكان و كمان تعتنى كويس بصحتها لان بصراحه كدا شاكك في حاجه بس مش هقدر اصرح بيها غير لما اتاكد انا عملتلها شوية تحاليل تانية بس هتاخد يومين علي ما تظهر 

في الحظة دي كان خليل اتاكد انها بتكدب عليه و انها اتعرضت للاجهاد الفعال و انها مخبية عنه حاجه مهمه بس دا مكنش اهم بالنسبالة من تلميح الطبيب عن وجود شئ خفي عند فلك ودا اللي خله يقوص حاجبية بشكوك و يسال 

حاجة اي اللي شاكك فيها اشرح اكتر متنساش انها مراتى وواجب ابقا عارف كل حاجه عشان اعرف ازي اراعيها بطريقة صحية مفهاش اي تعقيدات او اذا ليها

وش الطبيب بان علية القلق و اتنهد و يص لخليل و بهدؤ مالية الشك قال

سؤالي الاول قبل ما اشرح اي شئ هل حصل اي تقارب بينك انت و زوجتك النهارده غير ادمية

اتجحظت عيون خليل بالغضب و الصدمة و بان علية الصدمة القوية و قال بطريقة دفاع قوية زي صوته اللي قال بيه و هو في حالة غريبة من الغضب منها لانه الحد دلوقتي مقربش منها باي طريقة و قال

اي اللي بتقولة دا شايفنى حيوان قدامك أنا  بعرف اتحكم كويس فى افعالي و ياريت بقا توضح قصدك اي

اتاكد الطبيب من شكوكه و قال بجدية 

من فضلك تهدا و انا هشرحلك 

الممرضة و هى بتغير للحالة لقت عندها نزيف خفيف من منطقة خاصة بجسدها أو بشكل اوضح منتطقة حساسة و كان لازم استعدى طبيبة نسائيها تكشف عليها احتراما لمركزك لانى متاكد انك مش هتفضل كشفي علية في منطقه زي دي بس المهم كنت معتقد أن النزيف بسبب تقارب بينكم ا بما انها زوجتك لكن الطبيبة اكدت ان النزيف مش بسبب أي علاقة و اكدت ان النزيف واضح من ثمكه و شكلة انه حاجه مختلفه جداً دا غير ان الطبيبة اكدت انه من المواكد النزيف مش اول مرة و ان الحالة بتعانى منه من فترة للتانية عشان كدا جالنا شكوك حول شئ اضطرنا اننا نعملها شوية تحاليل عشان نتاكد من شكوكا 

خبط خليل علي المكتب بغضب شديد و قاله

انت هتنقطنى بالكلام قول اللي عندك مره واحدة و خلص

الطبيب بلع ريقه و بقلق قال

احنا شاكين انها مصابة بكانسر الشرج يا خليل باشا ودا اللي مسببلها النزيف و 

كان لحظة صدمة بالنسبة لخليل لحظة حس فيها ان الزمن وقف معا انه مبيحملهاش جوة قلبه غير الوم و العتاب و الكره بس حس نحيتها بالحزن عليها و افتكرها لما اعترفتله بالعذاب اللي كانت بتشوفه معا اخوها حس ان دنيتها مش عايزه تنصفها و ناوية تقضي عليها نهائي و بص لطبيب و هو بيحاول يبان هادى و غير متاثر و قاله برسمية

ايه اللي خلاك تشك في الموضوع من الشكل دا مش يمكن النزيف دا بسبب شئ تانى جايز عندها البواسير مثلا ليه شاكك انه كانسر ياريت تراجع نفسك انت اكيد غلطان يا دكتور الموضوع مش زي مانت اكيد فاهم و انا متاكد انك لو عدت الكشف عليها هتلاقيها مصابة بالبواسير الموضوغ اكيد ملوش علاقة نهائي بالكانسر و لو انت مش قادر تكشف عليها كويس قولي و هاخدها مكان تانى دا غير ان كانسر زي النوع دا هيجلها بسبب ايه 

كان الطبيب مقدر حالة خليل عشان كدا قال بهدو و جدية معا بعض عشان يحاول يوصله الفكرة ووجة نظرة بطريقة مبسطة

من غير اي عصبية او تشكيك في علمى تقدر تاخدها و تعرضها علي اي طبيب و انا متاكد انه هيقولك نفس الشئ انا مش هاوي يا خليل باشا انت عارف كويس انى متمكن في عملي و اقدر اشخص الحالات بشكل جيد اما بقا بالنسبة انه ممكن يكون بواسير فاكيد لو بواسير كنا عرفنا لكن الاعراض اللي شوفنها و شرحتها الطبيبة مختلفه كل الاختلاف عن البواسير و اللي اكدلنا اكتر انها بتعانى من كانسر الشرج 

خليل كان في حالة صدمه ممزوجه بالقلق عليها مكنش قادر يستوعب اللي بيتقال خصوصا لما لقا الدكتور بيتحمحم و بيقوله ببعض الاحراج

انا من شوية سالتك اذا كنت اقمت معاها علاقة من الشرج لكنك انكرت و انا مش هقدر اكدبك طبعاً لكن عشان نكون واضحين و صراحين كانسر الشرج في المنطقة دي مبيجيش غير لو الحالة اتعرضت 

في الحظة دي بدا الطبيب يشرحلة اعراض السرطان في المنطقه الخاصه دي و الاسباب اللي ممكن تادى لتسبب سرطان من النوع دا و كان خليل مصدوم من اللي بيسمعه اما الدكتور فسكت ثوانى و بعدين قال

  كل اللي هقدر اقول هولك ان الحالة فعلاً اتعرضت للي انا قولته اكتر من مرة وتقريبا بشكل مستمر و يومى لفترة من الفترات و طبعاً انا دكتور و عارف يعنى ايه اكتم اسرار المرضي بتوعى فمش عايزك تقلق نهائي الموضوع هيبقا بنا و في سرية كاملة حتى العلاج هيبقا كذلك انا مراعي جداً موقفك و حساسية مركزك يا فندم و اول ما التحاليل ما تظهر نتيجتها هكلمك و اقولك عليها اما دلوقتي فالحالة يستحسن تفضل هنا للصبح الحد لما تفوق و تستعيد صحتها عن اذنك المكتب مكتبك يا خليل باشا

قام الدكتور و خرج اما خليل فلقي نفسه بيقوم و بيخرج و بيتحرك الحد اوضتها و فتح الباب و دخل عندها و لقاها نايمه فقفل الباب و قعد علي الكرسي اللي جنب سريرها و فضل باصص لها و افتكر عياطها و هى بتقولة علي اللي اجوازتها كانوا بيعملو معاها و ازى كان بيقربوا منها بطريقة محرمة في الحظة دي اتملت عنيه بشرار احمر مليان كره من الرجالة اللي عملت فيها كدا و قام و قرب منها وواطى عليها و لمس شعرها بيديه كان بيوعدها بشئ عقله بس اللي قادر يعرفة

ــــــــــــــــــــــــــــــــــــ

عدا الليل و تانى يوم الصبح في القصر كانوا كلهم قاعدين علي طاولة الفطار اللي كانت ناقصه خليل و فلك ودا اللي خلة الجدة يبان عليها الغضب و تخبط بايديها علي الطاولة و تقول بزعيق

حقيقي مبقاش في احترام لنظام و الا لتقاليد و الا اي حاجه خلاص البيت باظ خالص من يوم ما شرفة الست فلك و خليل بقا معدوم النظام و بيتصرف بشكل همجى و غير صحيح مبقتش عارفه اعمل ايه معا الولد دا تعب اعصابي مش قادرة افهم هو ليه بيدمر مستقبلة و حياته عشان واحدة زبالة زي دي حتت بت هتجيبه الارض و مش هو و بس لاء هتجبنا كلنا معاه و هو مش قادر يفهم كدا و بيدافع عنها كانها سحرتله تربية الشوارع الزبالة دي

بصتلها مرات فواد ابنها و مكنتش راضية عن اللي بيتقال بس اتكلمت بهدو 

يا ماما دى مهما كان مراته و ميصحش اللي بيتقال عنه دا  و انتى عارفه خليل كويس بيدافع و بيحمى الغريب قبل القريب فمبالك بقا بمراته مظنش انه هيتخلي عنها دا غير ان البنت باين عليها طيبة و غلبانه جداً و لو علي الظروف اللي اتحطت فيها فهى ملهاش ذنب كل شئ كان غصب عنها بلاش ناخدها بذنب جشع اخوها كلنا عارفين كويس حكايتها معا اخوها و ازى كان بيبيع فيها للي يدفع اكتر فبلاش نبقا احنا و الناس عليها ربنا رحيم بيحب العبد اللي بيرحم و بيدافع مش اللي بيجرح و يغيب في الغير

سكتت زوجة فواد اما ملكة فبصت للجدة و كملت بـجدية

دا غير ان خليل مش عيل صغير و الا حتى همجى خليل رمز يدرس للخلاق و المواقف و الرجولة الكاملة و تحملة للمسئولية مهما كانت شديدة  اقوى من الازم و تحملة لمسئولية فلك فداه شئ نرفعله القبعه عليه لانه مكمل معاها رغم الكلام اللي اتقال و اتذاع و رغم كمان جوازته من نور اللي واضح جداً دلوقتي و بقا مثبت للكل هو ان خليل راجل المواقف الصعبه مش همجى و بيتصرف تصرفات عيال و من الواجب ندافع عن خليل زي ما تعودنا دايما انه بيدافع عننا كلنا و الا أنا غلطانة يا جماعة في حاجه من اللي قولتها

في الحظة دي بصت نور بغضب و كره لملكه لانها اناكدت من كلام نورا اللي قالته عنها  اما داليدا فبصت للجدة و كملت بذات الجدية

ملكة و طنط عندهم حق اولا فلك مش مذنبه هى ضحية اخ عاق كان بيبعها للشخص اللي يدفع اكتر اما خليل فهو فعلا رمز للراجل اللي قادر يحتوي زوجته و يدافع عنها و يتمسك بيها مهما كانت الظروف و الضغطاط من حواليه و احنا المفروض كعائلة واحدة زي متعودنا دايما اننا ندافع عنه و نسانده و نخلية دايما رافع راسه قدام الكل و ميحسش ابدا انه صورته مهزوزه قدام اي حد خصوصا قدامنا احنا

كانت الجدة في قمة غضبها و هى شايفه افراد بيدافعه عنهم اما فؤاد ابنها فكمل بدالهم الدفاع و قال

كل كلمة قالوها عندهم حق فيها فعلا خليل طول عمره رمز لينا كلنا في الاخلاق و الاستيعاب و تحمل المسئولية ووقوفه جانب زوجته دا مش شئ سئ بالعكس شئ مشرف جداً بيثب قد ايه هو شخص مسئول جيد قادر يتحمل الضغط و يبان هادى ورزيل وسط كل حاجه بيمر بيها و من الواجب علينا فعلا اننا ندافع عنه قدام اي حد و باي شكل عشان ميخسرش مكانته الا قدامنا و الا قدام غيرنا و اظن ان دا فعلا الافضل

قررت نورا تستغل الفرصة و ان الكل واخد صف فلك و خليل و بصت للجدة و قالت بمسانده ليها

معا احترامى لكلام الجميع طبعاً استاذ خليل لا غبار عليه لكن انعام هانم عندها حق استاذ خليل بيضيع نفسه بمساندته لفلك خصوصا انها مختلفه عنه تماما من جميع الجوانب لا شكلا و الا ذوقا و الا اجتماعيا و الا عايليا و الا حتى دراسياً ووقوفه جنبها و تمسكه بيها با الشكل دا مش هيتسبب غير في دمار مستقبله و العراقة المهولة الخاصه با العائلة و اظن ان فلك مجرد بنت ملهاش اي قيمة خصوصا وسط عائلة كلها مراكز و عراقة زيكم و اظن ان دا وجهة نظر انعام هانم و سبب غضبها من استاذ خليل

خلصت نورا كلامها و غمزت لنور عشان تقول حاجه فبصت نور للجدة و قالت بجدية 

نورا عندها حق هى و جدتى طبعاً خليل روح الشفق اللي عنده ماثرة عليه جداً و مخلياه مش قادر يتخلي عن فلك مش عشان هى تستاهل و مظلومه لاء عشان هو بيشفق عليها مش اكتر من كدا و فعلا بسبب شفقته عليها بيلوث اسمه و بيدمر مستقبله دا غير ان الكل عارف انه بيحبنى انا و بس و البنت التانية مجرد دخيلة بدمر حياته مش اكتر من كدا و المفروض نساعد في اننا نخلصه منها قبل ما تغرقه معاها في المستنقع اللي كانت عايشه فيه و افعالها الشنيعه اللي الكل عنده علم بيها

اعترض سليم علي كلامهم و قال بجدية 

اية اللي بتقوله دا يعنى ايه يتخلي عنها و مستنقع اه مش هننكر انها مختلفه كليا عندنا و عادتها غير عادتنا و مرة بظروف غيرا تماما بس دا مش معناه اننا كلنا نيجى عليها او حتى نلوم خليل المفروض نبقا جانبة خصوصا الفترة دي و نحاول نوضحله الصوره و العواقب و لو فضل متمسك بيها مش هيبقا علينا غير اننا ندعمه و نسانده بكل طاقتنتا مش نقف نعادية زي الناس الغريبه و الاعداء و بعدين كلنا عارفين كويس مدا عقلانية خليل و كمان مدا عينادة و عارفين ايه اللي ممكن يحصل لو حاولنا نوقفه عن حاجه با النسبالة قمة الصح هيركب دماغه و هيعاند اكتر و هيتمسك بتفكيرة اكتر  و كلنا عارفين كدا كويس جداً 

بصله ادهم بعتراض و قال

يعنى انت عايزنا نسمع كلامه في الغلط و نقولة حاضر و نعم اخرب و احنا معاك ايه اللي بتقوله دا يا سليم كلام جدتك و نورا هو اللي صح المفروض نعارض قراره و نحاول نردعه عن تفكيره باي طريقه مهما كانت بدل ما نبص و نلاقي نفسنا كلنا مدمرين معاه و انت عارف اعدئنا منتظرين غلطة واحده لينا و مش هيسموا علينا 

خبطت الجدة مرة تانية علي الطاولة و قالت بغضب

خلاص كل واحد قال اللي عنده خلاص خلصنا مسمعش كلام حد تانى و ممنوع الموضوع دا يتفتح تانى و ياريت محامين فلك هانم يهدو شوية بدل ما هحطهم في نفس الخانه و عليا و علي الكل انا مش هقبل بقلة الادب تانى او باي واحده تحاول تدافع عن المنحلة دي مهما حصل اظن كلامى واضح للجميع عشان ميرجعش حد يزعل 

مشيت الجدة و سابتهم كلهم بيبصوا لبعض وبقا واضح انهم مقسومين فرقين فريق بيدافع عن موقف فلك و خليل و فريق واقف ضددهم و عايزهم يتهزموا باي شكل من الاشكال

ـــــــــــــــــــــــ

اما في حى السيدة زينب فكان سلطان جوة شقته قاعد معا امه صفية اللي جات من الحج الصبح بدري و حكلها موضوع سمرا فكانت مستغربة و قالتله

بص اللي اعرفه يابنى و اللي كنت سمعاه انها متجوزه من ست شهور فاتت مش من ايام زي ما بتقول و بعدين انا متاكدة من الكلام اللي بقولة اصل عمك الشيخ توفيق لما جه يزورنى من البلد سالته علي احوال الناس و علي قرايبنا و قالى علي جواز سمرا و انها عايشه في نعيم معا جوزها و بتيجى البلد بزيارات و هدايا للكل فازي بقا الكلام اللي بنقوله دا

كانت الصدمة قوية لسلطان فكلام والدته بيعاكس كل حرف قالته سمرا فضيق عنية بستغراب شديد و سالها

ازي يعنى متجوزة من شهور و عايشه متهنية بقولك قالتلي بعضمة لسانها انها مكملتش اسبوع و يوم الفرح غرفت حقيقته الواسخه و هربت منه اومال علي اي اساس انا كنت بحاول اساعدها بقولك ايه يامى انتى متاكده من كلام عم توفيق يعنى ممكن يكون بيكدب او يقصد واحده تانيه غيرها ما هو اكيد في سمرا كتير غيرها يعنى في البلد مش لازم تكون سمرا دي و بعدين دي امها ماتت و هى اللي كانت موصياها تيجى لينا دا من ضمن الحكاية بتاعتها

رفعت صفية حاجبها بستغراب اشد و قالت

انت بتقول ايه امها مين اللي ماتت امها عايشة وصحتها زي الفل دي اخر حاجه عرفتها عنها من الحج توفيق ان سمرا مخلياها عايشه في نعيم وواخدلها بيت كبير قوى في البلد و عندها ناس بتخدمها 

كان سلطان مصدوم من الكل اللي بيسمعه كان حاسس ان مخه هيطق مبقاش فاهم مين الصادق و مين الكداب كل حاجه حكتها امه غير كلام سمرا نهائي اما صفية فكانت شايفه الحيرة علي وش ابنها و القلق و الغضب كانوا عنوان وش سلطان اللي خلة امه طبطبت علي رجلية و قالتله بنصيحه كلها حكمة

باب الكدب قصير و مهما كان كدب البت سمرا هيبان بس مش عايزاك تندم و الا تزعل انك كنت عايز تكسب فيها معروف جايز هى مخبية الحقيقة بسبب حاجه غصب عنها بلاش نحكم و الله اعلم جايز فعلا تكون امها ماتت و تكون سمرا اطلقت من عزت دا و اتجوزت واحد تانى بنفس الاسم و هربت منه زي ما حكتلك يمكن توفيق كان ناسي مثلا و هو بيحكيلي انا اهم حاجه عندي انك متندمش علي خير عملته يابنى الخير عند الله ما بيضعش ابدا و انت راجل و جدع و سيد الرجاله كلهم و حمايتك ليها كانت عين العقل

كلام صفية لابنها مكنوش ذات اي تاثير علي الغضب اللي ملئ سلطان كان حاسس ان في نار بتاكل في جسمة اكل و عقله هيضرب من اللي عرف و بص لولدته و قالها باصرار

لاء الخير يتعمل معا الصادق مش معا الكداب و انتى محدش جبرك تقولي الحقيقة انتى قولتيها لانك عرفت ان البت بتكدب عليا و اي كان السبب بقا مش هرحمها بس انا اتاكد الاول انها فعلاً كدبة عليا في كل حرف قالته ووقتها بقا متلمش غير نفسها ورحمة أبويا لا هخليها تعيش ايام اسود من لون طرحتها دانا الرجالة مفيش دكر منهم بيقدر يكدب عليا في حرف تقوم حتت بت تلعب بيا و تضربنى علي قفاية و تسوقنى وراها زي الخروف لاء دانا هسوقها زي اوسخها كلبة في الحارة بس اتاكد لاول 

في الحظة دي خبط الباب فبض سلطان لامه و قالها و هو بيقوم

دي اكيد سمرا عرفت انك راجعتى و جاية تشوفك مش عايزك تقولي قدامها انك تعرفي اي حاجه عنها حتى لو فتحت الموضوع قدامك عايزك تتفاجئ و تسيريها في الكلام خلينى اجس مياتها ايه اكيد هيبان عليها لو بتكدب 

امها بجدية 

حاضر يابنى بس انت اهدا كدا و مضايقش نفسك كل حاجه بتعدى و بتتحل و يارب ربنا يخيب ظنك و ظنى و تطلع حكايتها اللي قالت هالك هى اللي صح

سلطان بجدية عقد ملامح وشة بضيق و قال

دلوقتي هنشوف

مشي سلطان و فتح الباب و اول ما شافها اخفا ملامحه الغضبانه و بان طبيعي و قالها بجدية 

اي خبط خبط ورن جرس كنت نايملك ورا الباب ما تهدى شوية الحد مكان حد يفتحلك 

لوت سمرا شفايفها بستهان و قالت

انا مش عارفه انت مش بطقنى كدا ليه اكنى مرات ابوك و بعدين انا مش جايلك انا جاية اشوف خالتى صفية الجيران سمعتهم و هما بيقوله انها رجعت من الحج والله فرحت قوي كانت وحشانى وسع كدا خلينى ادخل ابارك لها

وسعلها سلطان فدخلت و هى بتزغرط و سلمت على صفية و قالت ببتسامة ملية وشها

نورتى بيتك يا خاله الدنيا كانت مضلمة من غيرك حج مقبول باذن الله ماشاء الله ماشاء الله نور ربنا باين علي وشك والله يا خالة ليكى واحشة ربنا عالم بمعزتك في قلبي دا كفاية انك ام سلطان 

قعد سلطان و بصلها ببرود اما صفية فبصتلها ببتسامة و قالت

كتر خيرك يا حبييتي والله انتى اللي ليكى واحشة انتى و امك طمنيني عليها عاملة اي و صحتها اخبارها اي مش بخير يابنتى الحمدلله والله لوله مسافة السفر كنت خدتك وروحنا زورنها و طمنها عليكى يا حبييتي هى بردو ام و اكيد قلبها واكلها عليكى

بلعت سمرا ريقها و حاولت تبان طبيعية قدام سلطان اللي باصصلها و قالت

امى الله يرحمها يا خاله دي بردك كانت بتحبك قوي و ياما شكرتلي فيكى و بعدين طول مانا معاكى و معا سلطان امى هتفضل مرتاحه

ادخل سلطان و قال بمكر

مرتاحه في تربتها هو في ميت بيرتاح غير في تربته و الا اي

ارتبكت سمرا و قالت

ايوة في تربتها اومال هتكون فين يعنى يا سلطان 

اتنهد سلطان ورجع بضهره لورا و قال بجدية 

انا حكيت لامى حكايتك معا عزت و علي وساخته معاكى و استغربت قوى قالت المفروض كنتى جريتى علي القسم يوم الدخلة لما عرفتى حقيقته و كنت نسقتى معاهم و مسكتوه متلبس و كان هيتعمل معا احلة واجب احسن من انك فضلتى لتانى يوم و حاولتى تجاري صاحبة عشان تهربي

سمرا برتباك

ايوة هى عندها حق بس انا خوفت مانا قولتلك انه حابسنى و بصراحه مجاش في باللي غير انى اجيلك و اتحاما فيك يا سلطان انت و خالتى صفية و اهو ادينى قعدة و سطيكم و مدفية بحمايتك ليا والله يا خالة سلطان سيد الرجالة كلهم ربنا يباركلك فيه و يرزقه ببنت الحلال اللي تسعده 

سكتت سمرا اما سلطان ففضل باصصلها بشك اكتر بعد ما بقا متاكد انها مخبية عنه حاجه 

ــــــــــــــــــــــــــــــ يتبع

انتقل الى الفصل الرابع عشر

لينك قناة الواتساب اضغط هنا 

Related Posts