بقلم الكاتبه المبدعه والمتميزه فاتن فتحى
تبدأ قصتنا
في المطار كانت بطلتنا مرجان واقفه وماسكه تليفونها وبتصور فيديو وبتقول
مرجان: هلا حبايب قلبي كيفكم انا بحكيكم من مصر هلأ وبطمنكم اني وصلت وهلأ راح اروح اشوف قرايب امي بحبكم اوي باي
وقفلت مرجان الموبايل
ومشيت مرجان من المطار
واول ما خرجت من المطار المنظر بره المطار عجبها فطلعت كاميراتها وفضلت تصور
في اللحظه دي جه ظابط وقال
الظابط: بتصوري اي يا انسه
مرجان: عادي عم اصور المناظر عجبتني ما فيها اشي
الظابط: هو انتي منين
مرجان: انا من سوريا المهم بدي اعرف ليش وقفتني وانا عم اصور
الظابط: عشان كده مينفعش ممنوع التصوير يا انسه دي ممتلكات دوله وممنوع تتصور
مرجان: ليش ممنوع يعني ما فيها اي اشي اني اصور
الظابط: يا انسه امشي لو سمحت هو ممنوع وخلاص
مرجان: لا انا بدي افهم ليش ممنوع انا المنظر عجبني وبدي اصوره
الظابط بغضب: وانا بقولك لا يا انسه ولو ممشتيش من قدامي هحبسك ها انتي كده هتخلبني اشك فيكي
مرجان: شو بتقول ليش بدي اتحبس يعني
الظابط: يا بنتي امشي ربنا يهديكي ممنوع هنا عندنا في مصر انك تصوري اي حاجه تخص ممتلكات الدوله قوانين الدوله يا بنتي
مرجان: ليش ممنوع بقى
الظابط: روحي اسأليهم
مرجان: اوكي اروح اسأل مين
الظابط: لا بصي انا تعبت منك انتي تيجي معايا على القسم وهما يفهموكي
مرجان: يعني هما هيقوليلي ليش ممنوع اني اصور
الظابط: اه تعالي معايا تعالي ربنا يهديكي ده انتي غبيه اوي
مرجان: انا ماني غبيه ما بتغلط فيني شو هاد يا
الظابط: يارب صبرني تعالي ورايا يا اذكى الاذكياء
وخد الظابط مرجان وراح بيها القسم ودخل بيها عند بطلنا اللي هو النقيب سلطان وحكاله اللي حصل
اتكلم سلطان وقال
سلطان: انتي عامله مشاكل يا بت انتي مش قالك ممنوع وامشي تبقي تمشي انتي بترغي كتير ليه
مرجان: اول اشي انت ليه متعصب تاني اشي انا بدي افهم ليه ما فيني اصور
سلطان: وانتي وحياة امك عايزه تصوري ليه وبعدين قالك قوانين دوله يبقى تفهمي وتمشي
مرجان: ثانيه بس قصدك بهالحكي اني ما بفهم
سلطان: اه قصدي انك غبيه وبتاعة مشاكل هتعملي اي يعني وريني يا بت باسبورك عشان اتأكد انك سوريه
مرجان: اول اشي انا ما بسمحلك تغلط فيني يا انت تاني اشي بدك تشوف باسبوري ليه
سلطان: عشان اتأكدت انك سوريه مش جاسوسه ممكن تكوني بتمثلي انك سوريه وغبيه عشان تعملي اللي انتي عايزاه في مصر
مرجان: جاسوسه يعني اي جاسوسه
سلطان بغضب: بقولك اي مش ناقصه غباء يا بتاعه انتي اتزفتي اديني باسبورك والا هحبسك مع المجرمين
مرجان: خلاص ما تتعصب علي انا ما بحب احد يتعصب علي بنوب هديك الباسبورد
وادلته الباسبورد واتأكد انها سوريه
بصلها سلطان وقال
سلطان: انا اتأكدت انك سوريه وشكلك فعلا غبيه بصي يا بنتي ممنوع تصوري اي حاجه في الشارع اساسا ده كده غلط وهيعرضك لمسئاله قانونيه وخصوصا الحاجه اللي تخص الحكومه ممنوعه
مرجان: انا اصلا جايه لهون عشان بدي اعرف ليش ممنوع الظابط قالي اني لما اجي هتقوليلي ليش
سلطان: بلا ليش لا عليش انتي ملكيش دعوة وغوري من وشي ولو شفت وشك تاني هحبسك مع المجرمين
مرجان: انت بتعيط في وشي انت خابر اني شو ممكن اعمل
سلطان: هتعملي اي يا مرجان هانم
مرجان:ببكي ببكي جامد وماحد يعرف يسكتني ها
سلطان: عارفه انتي لو ممشتيش من هنا دلوقتي هعمل فيكي اي يا بلوه انتي
مرجان: شو راح تعمل
في اللحظه دي قام سلطان ورفع المسدس في وشها وقال
مرجان: هفجر المسدس فيكي هصفيكي فتمشي زي الشاطره ولا تموتي
مرجان بخوف: خلاص خلاص راح امشي
وكانت هتمشي ولكن سمعت صوت سلطان وهو بيقول
سلطان: مرجااااااان تعالي
لفتله مرجان وقالت
مرجان: شو بدك انت قلتلي امشي وانا راح امشي انا ما بدي اتصفى انا بدي اعيش شبابي لسه ما شفت عيلة امي ولا رحت زرت الاهرامات
سلطان: تعالي خدي باسبورك عشان تغوري من هنا
راحت مرجان وخدت باسبورها وقالت
مرجان: بدي اسأل سؤال
سلطان: ارغي ما انا معنديش غيرك انهارده
مرجان: لما اروح ازور الاهرامات فيني اصورها
سلطان: اه عادي الكل بيتصور هناك عشان دي اثار ومسموح التصوير لكن الحاجات اللي في الشارع عشان الله اعلم ممكن تصوري حاجة تكون تخص ظابط او حاجات تخص الحكومه تروحي في داهيه
مرجان: ليش هروح في داهيه
سلطان: يادي النيله يا بنتي غوري من وشي والا هنفذ كلامي واصفيكي فعلا
اول ما مرجان سمعت كده خافت وجريت من قدامه
اول ما مشيت سلطان قال
سلطان: بلاوي بتتحدف علينا بت مجنونه يارب ما تخليني اشوفها تاني انا مش ناقص هم
وبعد وقت
كانت مرجان وصلت الحاره اللي فيها قرايب مامتها والكل كان بيبص عليها وعلى لبسها
اتكلمت مرجان وقالت
مرجان: شو هاد المكان معقول قرايب امي ساكنين هنا هلأ طيب انا مين بدي اسأل عشان يوصلني ليهم اممم شو بسوي انا ماني مرتاحه لاي حدا هون
في اللحظه دي جه راجل كبير في السن قالها
الراجل: خير يا بنتي انتي تايهه ولا اي
مرجان: لا انا ماني تايهه انا بدي اروح لعيلة حماد تعرف هما وين
الراجل: اه يا بنتي عارفهم ده كبير العيله محمد حماد صاحبي وحبيبي
مرجان: ايوه صح كان في حدا اسمه محمد حماد امي قالتلي كده انا بكون في المكان الصح طيب انت شو اسمك يا عمو
الراجل: اسمي احمد يا حبيبتي تعالي معايا عشان اوصلك للبيت
ومشيت مرجان مع الراجل ووصلت بيت عيلة حماد جدها وخالتها استقبلوها بطريقه حلوه
اتكلم محمد جدها وقال
محمد: نورتي الدنيا يا بت الغاليه كان نفسي نتقابل وتكون امك معانا بس هي في مكان احسن
مرجان: مكان احسن هي ماتت كيف مكان احسن يعني
محمد: هفهمك بعدين المهم انتي عامله اي يا حبببتي
مرجان: منيحه يا جدي
اتكلمت سوسن خالتها وقالت
سوسن : وانتي اي اللي اخرك كده انا احنا قلقنا عليكي
مرجان: كنت في القسم
اول ما قالت كده انصدموا اتكلمت سوسن وقالت
سوسن: ازاي في القسم يعني
مرجان: انا راح احكي شو صار
وحكتلهم مرجان اللي حصل
اتكلم محمد وقال
محمد: يلا حصل خير اطلعي مع خالتك هتوريكي اوضتك عشان ترتاحي
مرجان: تمام بطلع بس هو انتم الاتنين بس اللي عايشين هون
سوسن: لا ابني وبنتي جايين بليل ابني ظابط وبنتي لسه بتدرس هتشوفيهم على العشا ان شاء الله تعالي بس اوريكي اوضتك عشان تنامي شويه
هزت مرجان راسها بالموافقه ومشيت معاها
وفي مساء اليوم
كان محمد قاعد مع سوسن ومع رشا( بنت خالة مرجان)
بص محمد لي سوسن وقال
محمد: سوسن روحي نادي مرجان لحد ما سلطان يجي
سوسن: حاضر يا بابا
ومشيت سوسن
بعد لحظات كان سلطان جه وفي نفس اللحظه مرجان كانت نازله مع سوسن
اول ما سلطان شافها انصدم وقال
سلطان: انتي بتعملي اي هنا يا بلوه انتي هو انا مش قولت مش عاوز اشوف وشك
مرجان: بس لحظه هادا بيت جدي ابو امي انت شو بتعمل هون
سلطان اول ما سمع كده فتح بقه من الصدمه
سلطان بصدمه: نعم يعني انتي تبقي بنت خالتي ده ازاي يعني لا انا مش مصدق
مرجان: شو بتقول يعني انت بتكون قريبي هادا مستحيل انا ما راح اتحمل اقعد مع حدا متلك
سلطان بغضب: بت انتي لمي نفسك انا اللي مطقش اقعد مع واحده غبيه مبتفهمش الواحد يفضل يقولها ممنوع ممنوع وهي معلقه ليش ليش يا شيخه ده انتي تشلي تعلي متطاقيش
مرجان: انت ليش بتعيط علي هلأ انا شو سويتك دير بالك انا ما بحب حدا يعيط علي انت لو عيطت عليا ما بتعرف انا شو بدي اعمل
سلطان: هتعملي اي ان شاء الله اشجيني
مرجان: ببكي وببكي جامد وما حدا بيقدر يسكتني بنوب
وابتدت مرجان تعيط جامد
سلطان حط ايده على راسه وقال
سلطان: بت انتي لو مسكتيش هقتلك اديني بقولك اهو
مرجان بدموع: ما راح اسكت
وعيطت مرجان اكتر
كان لسه سلطان هيمد ايده عليا زعق فيهم محمد وقال
محمد بغضب: خلاااااااص اي مش عامليلي احترام سلطان في اي تمد ايدك عليا في وجودي
سلطان: جدي انا اسف بس هي تنرفز بصراحه
مرجان: شفت يا جدي كان بدو يضربني هو ما بيحبني وما بدو ياني اقعد هون بدو يكبني برا
سلطان: اسكتي يا دراما كوين
مرجان: يعني لو بايدك تكبني لبرا ما راح تكبني مو هيك
سلطان: اه بس
مرجان: شفت يا جدو قال اه انا خايفه اوي لاحسن يضربني او يأذيني
وجريت مرجان في حضن محمد
حضنها محمد وقال
محمد: متخافيش محدش يقدر يعملك حاجة وانا موجود
وبص على سلطان بغضب وقال
محمد: وانت متزعقلهاش تاني ومتفكرش تمد ايدك عليها تاني والا هيكون ليا تصرف معاك احنا كلنا هنعيش مع بعض لازم نتأقلم مع بعض مش عايزين كل يوم والتاني مشاكل يلا عشان ناكل كفايه مسخره
سلطان: مش طافح انا داخل انام
ومشي سلطان
محمد: خلاص يلا احنا ناكل
وقعدوا كلهم عشان ياكلوا
اتكلمت سوسن وقالت
سوسن: معلش على اللي حصل من سلطان انا هطلع اكلمه
رشا بصت على مرجان وقالت
رشا: بصي هو سلطان عصبي وميطاقش بس قلبه حنين فمعلش متزعليش منه يا مرجان تمام
مرجان: انا ماني زعلانه لان اللي بيزعل حد بيكون بيحبه والزعل على قد المحبه امي كانت دايما تقولي هيك اما سلطان هادا مانوا فارق معايا كرمال هيك انا ماني زعلانه
رشا بضحك: وربنا انتي عسل واخيرا في حد هيجبلنا حقنا من سلطان ههههه
محمد: رشا اسكتي
هزت رشا راسها بالموافقه
وقعدوا كملوا اكل
وانتهى اليوم على كده
وفي صباح يوم جديد
كان سلطان قاعد مع محمد على السفره
اتكلم محمد وقال
محمد: بص يا ابني انا زعلان منك عشان اللي عملته امبارح مع مرجان هي مش هنا دي من سوريا ومتدلعه لازم نكون حنيين عليها عشان متكرهناش مش من اول يوم نضربرلها الوش الخشب
سلطان: يا جدو انا مش طايقها من ساعة ما جت القسم دي غبيه بس عشان خاطر عيونك هحاول اتحملها
في اللحظه دي دخل راجل لابس جلابيه بيصرخ وبيقول
الراجل: سلطان بيه الحقني يا سلطان بيه الحصان بتاعي مش لاقيه في حد فكه وخده ده غالي حسبي الله ونعم الوكيل في اللي خدوا اتصرف يا باشا وهاتلي الحصان بتاعي ده انا دافع في دم قلبي
في اللحظه دي نزلت سوسن وهي بتصرخ وبتقول
سوسن: الحق يا بابا مرجان مش في اوضتها
في اللحظة دي اتكلم سلطان وقال
سلطان: اس مصايب انا من ساعة ما شفتها وانا بقول انها اس المصايب يارب صبرني
وبص سلطان على الراجل وقال
سلطان: متقلقش هرجعلك الحصان بتاعك
وبص على محمد وقال
سلطان: لو مرجان مرجعتش اعرف اني قتلتها سلام
ومشي سلطان جري
اول ما مشي محمد قال
محمد: ياربي ده انا لسه كنت مهديه من ناحيتها بالعافيه يادي النيله
وبعد لحظات
كانت مرجان واقفه في حاره وقدامها الحصان بتقوله
مرجان: انا بدي اعرف انت ليش ما بتسلم عليا لك بمدلك ايدي وانا ما بتسلم عليا انت شو مدايقك انا افتكرت انك هتكون فرحان عشان حررتك بس بتعرف شو انا حبيتك اوي اعتبرتك رفيقي تعرف اني كنت خايفه عيلة امي ما تقبلني ويكرهوني بس حبوني عارف شو مشكلتي سلطان الغليظ السم اللي بلاذوق مدايقني اوي بدي اضربه جامد جامد جامد جامد
في اللحظة دي سمعت صوت سلطان وهو بيقولها
سلطان: والله ما حد هيتضرب جامد جامد غيرك انهارده
مرجان اول ما شافته بصتله جامد وفتحت بقيها وقالت
مرجان: شو هاد يا هادا كيف اجا لازم اهرب
وطلعت على الحصان وحاولت تمشي بيه وهو مكنش عايز يمشي وفضلت تقول
مرجان: امشي امشي بقى
في اللحظة دي جه سلطان وقال
سلطان: انزلي يا بلوه من على الحصان
هزت راسها بالموافقه ونزلت وهي نازله كانت هتقع جه هو مسكها من وسطها وقعدوا يبصوا لبعض
وسلطان اتكلم وقال
سلطان: اي مش عارفة تقعي
وبعدها عنه
اتكلمت مرجان وقالت
مرجان: شو بدك ليش اجيت لهون
سلطان: اي اللي انتي هببتيه ده تاخدي الحصان من صاحبه ليه
مرجان: هو هو كان مربوط في اش غريب وكان في خضره صعب عليا خدتوا هادا اسمه ظلم انتم ليش بتهلكوا الحصان
سلطان: مش بنهلكه ولا حاجة بس هو كده هو بيشتغل وبيساعد البياع انه يمشي بيه ويلف بيه عشان الراجل الغلبان يجيب فلوس لاهله وبالتالي الحصان ليه حته ينام فيها وياكل بردو يعني مش بنظلم الحصان ولا حاجة فهمتي
مرجان: لا ما فهمت اشي
سلطان بغضب: وانتي من امتى بتفهمي انا غلطان اني حاولت اتكلم معاكي زي البني أدمين وافهمك انتي عارفه الحصان ده بيفهم عنك انتي يومك اسود عشان تخرجي من غير اذن وكمان تسرقي الحصان
مرجان: انت ليش خلقك ضيق هيك وبعدين انت ليش بتعيط عليا انا ما بحب حد يعيط علي والا
سلطان: هتتنيلي تبكي عرفت يلا قدامي يا اس المصايب يلا على البيت
ومشيت مرجان وسلطان خد الحصان ومشي وراها
بعد وقت كان سلطان واقف وماسك شعر مرجان وبيقولها
سلطان: عارفه لو الحركه اللي انتي عملتيها دي اتكررت انا هعمل فيكي اي مش هخلي فيكي حته سليمه
مرجان: اتركني اتركني عم توجعني
سلطان: تتتوجعي احسن ما تعمللنا مشاكل الراجل كان هيفضح الدنيا لو كان الحصان حصله حاجة
مرجان: هو محسسني انه بيحبه وانا اصلا شفته عم يضربه
سلطان: انتي مالك هو الحصان كان جه اشتكالك ده انتي مستفزه بقولك اي متتنيليش تخرجي من غير اذن دي اول حاجة تاني حاجة ملكيش دعوة بحصان ولا بغيره فاهمه
مرجان: طيب طيب سيب شعري
اتكلم محمد وقال
محمد: خلاص كفايه عليها هي فهمت سيبها بقى
سابها سلطان وزقها على محمد وقال
سلطان: مستفززززه انا متنيل رايح الشغل
ومشي سلطان
اول ما مشي محمد بصلها وقال
محمد: معلش يا بنتي هو بس متعصب عشان انتي خرجتي من غير ما تقولي لحد وكمان عشان كنتي هتعملي مشكله بسبب الحصان متعملهاش تاني
سوسن: حقك عليا انا يا بنتي
مرجان: سلطان هادا ما بيفهم ما بيعرف غير انه يعيط وخلاص غلييييييظ انا ما بطيقه وجعلي خربلي شعراتي راح اتعب لحد ما اظبطه تاني اوف بقى
ومشيت مرجان
اول ما مشيت اتكلمت سوسن وقالت
سوسن: الحق يا بابا دي متدايقه عشان هتتعب انها هتظبط شعرها تاني
محمد في اللحظه دي قعد يضرب كف على كف وقال
محمد: انا قاعد في مورستان مرجان وسلطان ربنا يهدي
ومر اليوم دون احداث جديده
وانتهى اليوم على كده
وبعد يومين
العيله كلها كانت قاعدة بتفطر نزلت رشا وهي بتقول
رشا: الحقوا مرجان مش في اوضتها
سلطان: ده عدى يومين بس على اخر مصيبه يارب بقى
ومشي سلطان عشان يدور عليها
وانصدم لما لقاها قاعده في الشارع بلبس مكشوف اوي ولابسه السماعات ومغمضه عينها والشباب اللي في الحاره كلهم بيبصوا عليها
اتعصب سلطان وقال
سلطان: اي المهزله دي انتم واقفين بتتفرجوا على اي يلا كل واحد يغور من هنا مش عايز اشوف وش حد فيكم والا هتصرف تصرف مش هيعجبكم
الكل اول ما سمعوا صوت سلطان خافوا ومشيوا
وسلطان راح ومسك مرجان من قفاها وقومها من على الارض وبصلها بغضب وقال
سلطان: انتي مبتفهميش ولا اي ازاي تطلعي بلبسك ده في الحاره ومخليه الكل يشوفك عاوزه ناس تقول علينا اي
مرجان: ماني فهمانه شو المشكله انا بسوريا بالكمبوند كنت بطلع اقعد بالحديقه واعمل يوجا ما لقيت حديقه هون قولت اعمل يوجا بالشارع وبعدين الناس شو راح تسوي ما ني فهمانه شو معصبك
سلطان: هو انتي كل حاجة مش فاهمه مش فاهمه انا قرفت منك انا جبت اخري منك
ومسك سلطان ايدها جامد ومشي بيها على البيت واول ما دخلوا البيت زقها ووقعها على الارض سوسن ورشا قوموها ووقفوا جمبها
وسلطان بصلها بغضب وقال
سلطان: بقولك اي يا بتاعه انتي اللي كنتي بتعملي في الكمبوند بتاعكم هناك تنسيه هنا احنا معندناش الكلام ده هنا في حدود ولبسك اللي مش محترم ده مينفعش تتزفتي تنزلي بيه تاني ومن انهارده ممنوع تعتبي بره البيت ده نهائيا فاهمه
مرجان: انت ليش بتعيط بشو غلطت انا
سلطان: قولي بشو ما غلطتي يختي انا من ساعة ما شفتك وانتي بتغلطي اسكتي بقى انا خلاص هقطع شراييني منك ده انتي ممله
ومشي سلطان
واول ما مشي هي راحت لمحمد وقالت
مرجان: جدي بشو غلطت انا
محمد: بصي يا بنتي الحاره هنا حاجة وهناك عندكم حاجة تانيه هنا بيقولوا ان البت اللي بتلبس كده قليلة ادب وبيشتموا عيلتها وبتحصل مشاكل عشان كده اللي عملتيه ده غلط متعملهوش تاني ولو بتحبيني قبل ما تخرجي قولي بلاش تخوفينا وتختفي ممكن
مرجان: ماشي بس هو ليش سلطان الغليظ ما بيفهمني متلك جدي انا ما بحبه بنوب
محمد: هو عشان خايف عليكي معلش حقك عليا انا
مرجان: خلاص ما صار اشي انا طالعه على غرفتي
ومشيت مرجان
اول ما مشيت اتكلمت رشا وقالت
رشا: انا هطلع اتكلم معاها عشان شكلها زعلانه
ومشيت رشا
وبعد وقت كانت رشا ومرجان بقوا صحاب اتكلمت مرجان وقالت
مرجان: بتعرفي شو رغم اني لسه متكلمه معاكي بس حبيتك اوي كلكم هون كويسين ماعدا سلطان
رشا: اه سلطان هو عشان ظابط فتلاقيه متعصب شويه اتنين تلاته عشره
مرجان: بتعرفي شو يا رشا انا بدي انتقم منه بس ما بعرف كيف بدي اعمل فيه مقلب قوي
رشا: بصي هو سلطان اخويا وبحبه اه بس مفهاش حاجه لما نهزر معاه شويه انا عندي خطه عشان تنتقمي منه
مرجان: شو هي
رشا: هقولك يا ستي
وحكتلها رشا الخطه واتكلمت مرجان وقالت
مرجان: شو لئيمه عجبتني وراح انفذها
وفي مساء اليوم
كان سلطان داخل اوضته واتكعبل ووقع بسبب الميه والصابون اللي حاطوها رشا ومرجان
سلطان: اه ه ه ه ه مين اللي جاب الميه دي هنا
في اللحظه دي جم مرجان ورشا وكانوا بيضحكوا
اتكلمت رشا وقالت
رشا: تعيش وتاخد غيرها يا ابو السلاطين بقالي مده معملتش فيك مقالب هههه
مرجان: شكلك بيعقد وانت واقع هيك هههههه
في اللحظه دي جم محمد وسوسن وشافوا سلطان وهو واقع وباين عليه ملامح الغضب
اتكلم محمد وقال
محمد: في اي اللي حصل وقعت كده ازاي
سوسن: مالك يا ابني
سلطان: طيب ما تيجوا تقوموني الاول وبعد كده اعرفوا انا وقعت ازاي
وبالفعل محمد وسوسن ورشا راحوا قوموه ومرجان كانت واقفه بتضحك
وسلطان حكى لي محمد وسوسن عن المقلب وكان متعصب جدا
اتكلم محمد وقال
محمد: اي اللي انتم عملتوا ده ينفع كده يعني انتم غلطتوا انكم اتفقتوا عليه عشان توقعوا افرض حصله حاجة وكمان ده مش من الادب والاحترام خالص
وبص على رشا وقال
محمد: وانتي يا رشا ليه عملتي كده الفكره دي فكرتك انتي يعني مبسوطه لما تقوميهم على بعض تاني انا بقول عليكي العاقله
رشا: انا قولت اهزر شويه وبعدين انا بقالي مده معملتش مقالب في سلطان قولت فرصه وبالمره عشان مرجان متحسش انها قليله وسلطان فارض سيطرته عليها وتتعب نفسيا
سوسن: مكنش وقته لو كان الوضع كان احسن كنت اقول هزروا
رشا بحزن: انا اسفه
اتكلمت مرجان وقالت
مرجان: امممم ما تعيطوا على رشا بس انا الللي قولت بدي انتقم منه لانه دايما بيهيني فكان بدي اجيب حقي وهي ساعدتني وانا اللي نفذت وبعدين يعني هو غليظ ومستفز بيستاهل
سلطان: يعني هو انا بهينك مني لنفسي كده مش انتي اللي بتتنيلي تغلطي
مرجان: ما راح تفرق مهما صار تحاكيني باسلوب راقي مو بالطريقه الهجميه دي
سلطان: ما انتي اللي غبيه ومش بتفهمي
مرجان: شوف عم تغلط فيني
سلطان: لا انا مش بغلط مهما حكيت انتي مش بتفهمي
مرجان: وليش ما تقول انك انت اللي ما بتعرف توصل المعلومه صح
سلطان: كمان هتطلعيني انا غلطان
مرجان: اي انا ما بغلط بنوب اصلا
كان لسه هيرد عليها سلطان
اتكلم محمد بغضب وقال
محمد بغضب: خلاااااااص بقى انتم الاتنين انا تعبت منكم بجد مش بتتفاهموا من انهارده انتم الاتنين ممنوع تتخانقوا ولازم غصب عنكم تتفاهموا مش كل يوم والتاني مشاكل فاهمين كاتكم البلا
ومشي محمد ومعاه سوسن ورشا
وفضلوا سلطان ومرجان واقفين قدام بعض
اتكلمت مرجان وقالت
مرجان: عجبك عصبت جدي عارف لو جدي تعب او صارله اي اشي راح احملك المسئوليه كامله اي انا راح اروح اشوفه
ومشيت مرجان
اول ما مشيت سلطان حط ايده على راسه وقال
سلطان: البت دي مجنونه رسمي ومبتفمش وانا تقريبا كده بقيت زيها فجنان بجنان هسلط عليها الوحش
وانتهى اليوم على كده
وفي صباح يوم جديد
كانت مرجان نايمه واول ما صحيت انصدمت لما شافت اسد واقف وعمال يزئر
قامت وقعدت تتنط على السرير
وجم العيله كلها
وسلطان جه وكان بيضحك وخد الاسد وقال
سلطان: عشان متفكريش تلعبي معايا تاني بنت حلال وتستاهليها
مرجان نزلت واترمت في حضن محمد وقالت
مرجان: عجبك يا جدي اللي صار انا كنت حاسه ان قلبي راح يقف
بص محمد على سلطان بغضب وقال
محمد: روح رجع الاسد ده مكانه وتعالى عشان نتفاهم عشان لازم نحط حد للموضوع ده
هز سلطان راسه بالموافقه ومشي هو الاسد
وبعد لحظات
كان محمد قاعد في النص وعلى يمينه مرجان وعلى شماله سلطان
اتكلم محمد وقال
محمد: بصوا بقى انتم الاتنين مشاكلكم كترت وللاسف مفيش حد منكم عاقل حتى انت يا سلطان اتجننت شكلك ولا اي وانا مش كل يوم هصحى على صويط وعلى مشاكل عشان كده لازم من انهارده توعدوني انكم متتخانقوش مع بعض تاني ولا تعملوا مشاكل والا انتم الاتنين مش احفادي
مرجان: انا يا جدي ما فيني ازعلك بوعدك ما الي دخل فيه بنوب
سلطان: يعني انتي احسن مني وانا بردو من انهارده ماليش دعوه بيها انا بس كنت بجيب حقي منها مش اكتر
محمد: خلاص اتفقنا ياريت تلتزموا من انهارده انا مش عايز مشاكل فاهمين
سلطان ومرجان بصوت واحد: فاهمين
وبصوا هما الاتنين على بعض
وانتهى اليوم دون احداث جديده
وبعد شهر من اليوم ده وكانت طول المده دي مرجان وسلطان مكنوش بيتكلموا مع بعض غير كل فين وفين
في يوم كانت العيله قاعده
بص محمد على رشا وقال
محمد: قومي نادي مرجان تيجي تقعد معانا
رشا: اه بخصوص مرجان في موضوع كده الواد حسين اللي مشهور بسحس ده عمال في الرايحه والجايه يدايقها ويعاكسها هي بصراحه بتصده ومره ضربته بشنطتها بس هو جبله وانا لما اخرج معاها بيفضل يقول اقنعيها تتجوزني وهي تقول ده في احلامك احنا حاولنا نسيطر على الوضع بس معرفناش فقولت اقولك تتصرف معاه
سلطان كان سامع كده وكان متعصب اوي اتكلم وقال
سلطان:هو اتجنن ده ولا اي ازاي يتجرأ يدايق مرجان هي هتعيل ولا اي دي ليلة امه سودا معايا هعلقه في نص الحاره وهخليه عبره لمن يعتبر روحي ناديها عشان افهم منها كل حاجة
هزت رشا راسها بالموافقه
ومشيت رشا
اول ما مشيت اتكلم محمد وقال
محمد: دلوقتي مرجان نازله متتعصبش عليها هي ملهاش ذنب الغلط كله على المعفن حسين
سلطان: عارف يا جدي انا مش صغير هي بس تنزل وانا هفهم منها براحه متخافش
في اللحظه دي نزلت رشا وهي بتصرخ وبتقول
رشا: الحقوا الحقوا مرجان مش في اوضتها وفي اثار لغبطه في الاوضه شكلها انخطفت واحنا كنا قاعدين بنتكلم ومعليين التليفزيون مخدناش بالنا نعمل اي
اول ما رشا قالت كده العيله اتوترت وانصدمت وسوسن شهقت من الصدمه وسلطان اتعصب وقال
سلطان بغضب: اه يا حسين الكلب موته على ايدي انا هروح اجبها
وقام سلطان ومشي جري
واول ما مشي محمد قال
محمد: يارب ما يحصلش حاجة وحشه لمرجان وسلطان ينقذها يارب يارب
وعيط محمد وسوسن ورشا حاولوا يهدوا فيه
وبعد وقت في مكان مهجور
كانت مرجان قاعده ومربوطه وكانت بتقول
مرجان: في حدا هون بدي اطلع من هون حدا يساعدني لك وينكم بدا اطلع انا اوووووف
وانهارت مرجان من العياط
في اللحظه دي جه حسين وقف قدامها وقال
حسين: لا لا دموعك دي غاليه عليا اوي
مرجان: لك واطي انت اللي خطفتني فكني وخليني افل والا سلطان بيجي يقتلك هون
حسين: سلطان مين سلطان مهما عمل مش هيعرف يوصلي وانتي انسي العيله دي انتي خلاص من الليله دي هتبقى مراتي وبتاعتي
مرجان: ما راح يحصل بنوب انا ماراح اتجوزك على جثتي
حسين: ماهو مش بارادتك هتتجوزيني يعني هتتجوزيني
مرجان: لك انت ما عم تفهم انا ماراح اتجوزك انا بموت احسن ما اتجوز واحد متلك انا ما بحبك فكني وخليني افل لكن فكنييييييي
حسين بغضب: بس متزعقيش شويه والمأذون يجي ونتجوز واخدك ونسافر
مرجان: مستحيييييل انا ما بدي اتجوزك ما بدي انا بدي ارجع على البيت
سابها حسين ومشي
ومرجان انهارت من العياط
وبعد وقت جه حسين وقرب من مرجان وهي كانت خايفه وبتقول
مرجان: ليش عم تقرب هيك راح تخليني افل
حسين: لا بس المأذون جه وهنتجوز
مرجان: لا ما بدي ما بدي ما بدي
حسين بغضب: اسكتي ولمي نفسك
وفكها حسين ومسكها من ايدها جامد وراحوا هما الاتنين قعدوا جمب المأذون
اتكلم حسين وقال
حسين: يلا يا شيخنا ابتدي في الاجراءات
مرجان: لا لا ما بدي اتجوزه
حسين بغضب: اسكتي بقى
المأذون: معلش يا بنتي انا مجبور
وكان لسه هيبتدي المأذون في الاجراءات
دخل سلطان عليهم وقال بنبره كلها غضب
سلطان: الجوازه دي لا يمكن تتم
اول ما حسين شاف سلطان انصدم وساب ايد مرجان
اما مرجان جريت وحضنت سلطان جامد وقالت
مرجان: قلبي كان بيقولي انك راح تلاقيني وتيجي انا بدي ارجع معك لا تهملني هون
سلطان: متخافيش انتي هترجعي معايا وانا مش هسيبك ابدا بس اقفي ورايا دلوقتي
وقفت مرجان ورا سلطان
وسلطان بقى يضرب اي حد يقرب من ناحيته وراح عند حسين وفضل يضرب فيه جامد لحد ما خلاه غرقان في دمه
وبعد وقت عربية الشرطه جت وخدتهم كلهم
اول ما الشرطه مشيت سلطان مسك ايد مرجان وقال
سلطان: يلا بينا نرجع
مرجان حضنت سلطان تاني وانهارت من العياط وقالت
مرجان: انا كنت خايفه اوي سلطان انا ما سويت شي ما كنت بتكلم معه بنوب ولا كنت بديله وش انا كنت بصده حتى اسأل رشا
سلطان: رشا قالت كل حاجة خلاص متخافيش انا مصدقك يلا بقى نرجع عشان العيله قلقانه عليكي اوي
مرجان: اوكي يلا
ومشيوا ورجعوا على البيت
والعيله فرحت برجوع مرجان سليمه واحتفلوا بيها
ومرجان كانت سرحانه بتفكر في سلطان واللي عمله ولاول مره حست ان قلبها بيدق من ناحيته
وسلطان بردو كان حاسس باحساس غريب من ناحيتها وكان عمال يبص عليها ويقول في نفسه
سلطان في نفسه: لو كان حصلها حاجة انا كان ممكن اروح فيها مكنتش عارف انها ليها غلاوه خاصه في قلبي كده
واتنهد سلطان تنهيده عميقه
وانتهى اليوم على كده
وبعد اسبوعين
كانت مرجان في المطبخ بتطبخ وكانت رافضه ان حد يساعدها
اتكلمت سوسن وقالت
سوسن: يا بنتي خليني اساعدك انتي اول مره تطبخي
رشا: او خليني انا حساكي عكه اصلا
مرجان: لا ما بدي انا بدي افاجئ سلطان واقوله اني عملت كل الاكلات هي لحالي وبعدين انا عامله متل ما الكتاب بيقول ما تقلقوا راح تاكلوا اكل ما كلتوا مثله في حياتكم بنوب
رشا: الله يستر
وبعد وقت
كان سلطان قاعد هو والعيله ومرجان كانت بتقدم الاكل وبتقول
مرجان: الاكل ده كله انا اللي عملته ما خليت حدا يساعدني فيه بنوب كلوا راح يعجبكم
العيله كلها كانت مصدومه من شكل الاكل وكانت حاسه انه غريب فمحدش كل ماعدا سلطان هو اللي كل وماداش اي رد فعل
العيله كلها كانت بتبصله بصدمه اللي هو معقول يكون الاكل حلو
اتكلمت مرجان وقالت
مرجان: الاكل عجبك مو هيك كنت حاسه انا راح اكل
سلطان: ها لا بلاش تاكلي انتي احسن
مرجان: ليش لا راح اكل
وقعدت عشان تاكل واول ما كلت انصدمت لما لقت طعمه وحش
كحت وقالت
مرجان: شو هاد يا انت كيف عم بتاكلوا سيبوا سيبوا هاد يوجع البطن
وبصت على العيله وقالت
مرجان: اممم على فكره انا ما كدبت انا قولت ما راح تاكلزا مثلوا وفعلا ما في اوحش من هيك انا ما كدبت
العيله كلها ضحكت بما فيها سلطان
بصتله مرجان وقالت
مرجان: بجد يا سلطان كيف كنت بتاكل هاد ما بيتاكل
سلطان: كفايه انك تعبتي ووقفتي وحاولتي اه المرادي فشلت المره الجايه هتنجح ان شاء الله وبعدين بما انه من ايدك يبقى حلو
اول ما سلطان قال كده الكل قال بصوت واحد اووووو
اما مرجان حاطط ايدها على عينها من الخجل ومشيت جري راحت على اوضتها
والكل ضحك عليها
وانتهى اليوم على كده
بعد كام يوم
كان عيد ميلاد مرجان والعيله كانت بتحتفل بيه وكانوا بيقدملها الهدايا
وحه دور سلطان في تقديم الهدايا
ركع قدامها وقدملها خاتم وقال
سلطان: تتجوزيني انا ممكن اكون كنت بعاملك وحش اه بس اول ما حسيت انك هتروحي مني عرفت قد اي انا بحبك وعرفت ان القط ميحبش فعلا الا خناقه وعرفت ان حياتي مش هيكون ليها معنى من غيرك فياريت تتقبلي تتجوزيني
مرجان بفرحه: ببقبل اتجوزك بس دير بالك لا تعيط عليا لانه اذا عيطت راح ابكي جامد وما حدا راح يقدر يسكتني
اول ما قالت كده الكل. ضحك
وسلطان قام ولبسها الخاتم وحضنها
وبعد مده كان فرح سلطان ومرجان
كانوا بيرقصوا سلو واتصوروا صوره عائليه
وانتهت قصتنا على كده
صغيرة فى قبضة سلطان _ حكايات شروق للقصص الكامله