بقلم الكاتبه المبدعه والمتميزة لادو غنيم
ــــــــــــــــــــ
جوة القصر كانت واقفه فلك في اوضتها قدام الجدة انعام اللي مسكها بقوة من دراعها و بتقولها بغضب
انتى ايه زي الجراد لازقة في خليل و مفكرانى هسيبك على زمته لاء تبقي غلطانه انا مش هسمحلك بكدا و سبق و قولت هالك مكان في البيت دا خدامة تحت رجلين الكل انما تبقي هانم تامر و تتشرطى و تقعدى و سطينا دا كلة في احلامك يا فلك و لازم تفهمى كويس ان وجودك هنا لفترة قليلة قوى و انا بنفسي اللي هخرجك من القصر كلة و هحرص انك مترجعيش تانى لو فيها موتى انا شخصيا اظن كلامى اوضح من الشمس اللي مالية الاوضة
رغم خوف فلك من انعام الا انها حاولت تتكلم برتباك ملحوظ و قالتلها
انا نفذت امرك لما طلبتى منى اخرج من القصر كله و مشيت من غير مفتح بوقي بحرف واحد و استحملت معاملة مهدى ليا و اسئلية في يوم واحد عمل فيا ايه بس انا مليش ذنب في ان خليل رجعنى ربنا شاهد انى عملت كل حاجه و قولتله كلام كتير عشان يطلقنى بس هو اللي صمم يرجعنى و ميطلقنيش فانا مليش اي ذنب والله و مش عارفه انتى لية بتكرهينى قوى كدا انا اه يمكن مش لايقه بيكم بس مستهلش كل الكلام الوحش دا
قربت منها الجدة و بصت جوة عنيها و بكل جفاء و تقزز قالت
عارفه ليه انا بكرهك لانك بتفكرينى بالبلاعه اللي بتاخد اي حاجه و ساعات كتر بيبقا من غير تمن يا فلك انتى ارخص بكتير من انى افكر حتى في انا ليه بكرهك قوى كدا الدقيقه اللي عندى اغلي من عمرك كلة و كل اللي قولتية دا ملوش اي تلاتين لازمه عندى عارفه ليه لانه مش هتبقا فرض مننا حتى لو وقفتى علي شعر راسك اما خليل فانا عارفه ازى هعرف اخلصه من عقربة زيك لابسه وش الطيبه و هى حية بتتلون علي كل لون زي مكانت بتنام علي كل سرير شوية مش بردو نمتى علي تلت سراير دا المعروف غير بقا الله اعلم لو كنتى مقضياها من غير جواز مش بعيد تطلعى نمتى علي سراير بعدد شعر راسك عشان كدا مش هسيبك تنجسي سرير حفيد بقزرتك
كلام انعام كان قاسي لدرجة انه خله فلك رجليها متشلهاش وقعدة علي السرير بتعيط من غير صوت و كسرة قلب وجرح شرفها خلها ترفع وشها وتبصلها و تقولها بحزن شديد
بس انا مش رخيصه و الا عديمة الشرف عشان انجس سرير حفيدك ربنا شاهد انى شريفه و منمتش علي سراير حد غير اللي كنت متحوزاهم ويشهد عليا ربنا انى عمري مبعت نفسي و يشهد علي تعذيبي وقهرتى عشان اوافق علي الجوزات اللي بتعايرينى بيها انا معملتش حاجه عشان استاهل كل القسوة دي لو مش عايزانى قولي لخليل يطلقنى و يسبنى اروح لحالي من غير ما تكسري فيا كدا حرام عليكى والله حرام عليكى
كلام فلك مهزش مشاعر الجده و دا اللي خلها تمسكها بقوة من دراعها ووقفتها قدامها و قالتلها بقرف
مهما بررتى و مهما قولتى هتفضلي رخيصه قوى في نظري و ملكيش اي قيمة و مكانك وسط الخدمين معا انهم انضف منك بكتير و شويتين الكهن بتاعك دا مش هيدخلوا عليا يا عقربه يالا اتجري علي تحت عايزاكى تمسحى القصر كله تخلية بيلمع و لو لقيت حد بيساعدك او بيحاول يدافع عنك هيخرج من القصر كلة و بسببك يالا غوري خلي حد من اخدم يديكى ادوات المسيح يالا
زقتها الجدة لبره الاوضة فشقت فلك بصوت عياطها و مسحت دموعها بسرعه و مشيت تنفذ الامر اما الجدة فراحت لاوضة نور واول ما دخلت عليها لقتها قعدة في البلكونه فراحت عليها وشدتها من دراعها و قالتلها بغضب ملحوظ
طبعا قعدالي بتتفرجى علي الجنينة في الهوه الحلو والا علي بالك اي حاجه خالص هو انا كنت جابتك هنا ليه عشان تقعدى و تسكتى و الا عشان ترجعي خليل يحبك زي زمان ياست نور
بصتلها نور ببتسامه حزينة. و قالت
يرجع يحبنى زي زمان مظنش خلاص دا بقا في الاحلام خليل رافضنى نهائي و الكل شاف امبارح عمل ايه و ازي رجع اللي اسمها فلك و ازى دافع عنها قدام الكل عكس ما عمل معايا و هانى قدام الكل شكلك انتى اللي مش شايفه اللي بيحصل نهائي يا انعام هانم انا و خليل مدمرين و مش هيرجعلي مهما عملت انا عرفاه كويس قوى اكتر من اي حد فيكم كبريائه هيرفض اي مشاعر ليا و اللي شوفته امبارح اكدلي ان قلبه في يوم من الايام هيعشق فلك و كلنا هنشهد علي دا ووقتها محدش هيقدر يبعدها عنه زي ما قدرتى تبعدينا عن بعض
اضايقة الجدة و اتعصبت من كلامها قوى و قالت بغضب
انا مش جاية افتح في القديم انا بتكلم علي الحاضر و قلب خليل يوم ما يعشق فلك هكد ايده جوة صدره و اخرجه منه و ادفنه تحت رجلي انتى لسه متعرفنيش كويس يا نور انا محدش يعصانى و اللي يخالف اوامري او يمشي عكس مانا عايزه مش هيشوف غير العذاب و القهر و اظن انتى مجربة دا كويس و رجوعك لخليل قايم علي اتفقا ترجعية تانى ليكى و تشغليه عن فلك باي سعر و باي طريقه غير كدا مش هقبل نهائي اظن كلامى واضح
اضايقة نور من اسلوب الجدة اللي اتضح فيه الرخص و قالت
يعنى ايه باي سعر و اي طريقة عايزانى ادوس علي كرامتى و اعملها ممسحه لحفيدك عشان تنولي اللي عايزاه لاء انا مش كدا و مش هقبل اكون كدا و بلاش تعاملينى علي انى رخيصه انا كرامتى اغلي من اي حاجه و انتى عارفه كدا كويس و لو قبلت اتجوز خليل فده كان عشان ارجعه لحبي لكن محصلش كدا اعمل انا ايه مش فاهمه فبلاش بقا اسلوب التهديد و الاهانة دا عشان انا مش هقبل بكدا ابدا
في الحظة دي مسكتها الجدة بغضب من دراعها و مشتها وراها الحد لما وصلوا لدرج القصر و خلتها بصت علي فلك اللي بتمسح و قالتلها بحقارة
لو كلامى متنفذش هتلاقي نفسك بكره مكانها كدا خدامة و ممسحه للكل و للقصر بصلها كويس هى دي اللي خليل ساوة راسها امبارح بالكل و انا مهمنيش و خلتها تنزل النهارده خدامه و تمسح وساخة جزامنا و لو متعدلتيش ورحمة النعمان الكبير لا هدمرك و هخليكى اقل منها بكتير قوى يا نور و انا مبرجعش في كلمتى و الا بهدد ابدا انا كلامى امر و بنفذه مهما حصل
ذقتها فكانت نور هتقع بس سندة علي السور اما الجدة فمشيت و سابتها بتبص علي فلك اللي بقت خدامة القصر
ــــــــــــــــــــــــــــــ
اما في بيت عزت فكان واقف و بيزعق معا الحرس اللي جم و بيقلوله علي هروب سلطان
اغبيا سايب ورايا شوية اغبيا يعنى ايه هرب منكم و مخلصتوش علية عارفين دا معناه ايه يا شوية بهايم
في الحظة دي دخل علية سلطان و قاطع كلامه و قال
معنا ان سلطان ابن حارس مش هيحلك يا تربية المره و انت يا بهيم منك ليه انكشحوا من خلقتى بدل ما سففكم نجيلة الجنينة يالا يالا منك لية
بصوا الحرس لعزت و خرجوا من غير ما يستنوا اي امر منه اما سلطان فقرب من عزت و كان باين جوة عنيه القلق خصوصا لما قال سلطان ببرود و هو بيفرك ايديه
تعرف يا عزت كان عندنا عيل زمان في الحارة اللي اتربيت فيها و انا لسة صغير كان عيل رزل كدا تشوفه تعرف ان رمز العكننه وصل كان العيل دا ما بيصدق يشوفنى عشان يرزل عليا عشان يتفشخر قدام صحابه لانى الحمدلله من يومى مسيطر و ليا وضعى و انا بقي كنت بعديلة كتير الحد لما في يوم حب يلعب و يتنصح و يعلم عليا عشان يكسب بونت علي قفاية بس واللي خلق الخلق معداش عشر دقايق و كنت مرقدة و مقلعه بلبوص وسط الحارة و مخلية تريند السيدة زينب و الحد دلوقتي يعدي من قدامى موطى راسة و مش قادر يرفع عينه اللي كسرتهاله الحادثة دي خطرت علي بالي و انا جايلك بعد ما افتكرت عملتك الهباب معايا و البونط اللي كنت عايز تاخده علي قفاية قدام رجالتك فقولت الل يا سلطان ما تعمل معاه زي ما عملت معا خالد عقلة و قلعه بلبوص و طلعوا تريند كل الاماكن العليوي
في الحظة دي بلع عزت ريقة و بان عليه الخوف و بعد خطوة لورا و قال بصوت يكاد مهزوز
انت مفكر نفسك هتقدر تتعدا عليا في بيت لاء انت متعرفنيش كويس بمكالمة تلفون واحده منى الداخلية كلها تبقا قدامك
ضحك سلطان و شاوره بصباعه و قال
يا جدع حكومة ايه بس اللي هتجبها اما انت عليك حاجات
استغرب عزت اسلوبه بس سلطان في لحظة اتحولت ملامحه لغضب شديد و قال بصوت هادى حرفيا هز وجدان عزت
العبد للة مش محتاج يتحامى في حكومة اللي قدامك دا دولة لوحدة يقوم بمية بيك و بامثالك باللي تتحامى فيه يا دكر و اسمع بقا المفيد عشان كلامى مش هيتعاد تانى قدامك تمنية و اربعين ساعه تطلق فيهم سمرا و تبعتلها ورقتها علي شقتى و الا قسما باللي خلق الخلق لا هتشوف كوبيس و انت صاحى و عمايلك الوسخه و التبادل القرف اللي بتعملة هشيعك بيه لعشماوي ههد البيت و العزا دا كلة علي دماغك و دماغ اللي يتشددلك انت شكلك كدا مخموم فيا و متعرفيش مين هو سلطان حارس النعمان بالبلدى كدا انا الفرع الصايع اللي فيهم عيال عمى محترمين ببدل و بشوات يتكلموا بالاصول و ياخده حقهم بالقانون انما انا بقا اتربيت علي اخد الحق بالايد و الصياعه و العين اللي تترفع فيا اقلعها لصحابها مبهبش حكومه و الا رئاسة و الا اي حد خلقة ربنا طول مانا علي حق فاظن كدا الرسالة وصلت عشان مترجعش تعيط زي النسوان يا حيلتها
ختم سلطان كلامه بنظرة لعزت من تحت لفوق بقرف و مشي اما عزت فقعد علي الكرسي و الخوف بدا يهزه بس في نفس الوقت كان في غضب مسيطر عليه
ــــــــــــــــــــــــــــــ
بعد ساعة تقريبا كانت نازلة داليدا من علي السلم و جات تقع لقت حسام مسكها من وسطها و عدلها و قال
براحه كنتى هتقعى تقدري تقوليلي بقا انا كنت هعمل ايه لما ملاك زيك ينزل علي الارض اكيد كنت هتجنن من فضلك خلي بالك من نفسك لو مش عشانك ياستى فعشان في ناس بتحبك و بتخاف عليكى و مقدرة تدينك و استقامتك اظن دي كلها حاجات تخليكى تخلي بالك من نفسك و الا انا بقا غلطان يا داليدا هانم
بصتله داليدا بنتباه و حست انها كانت محتاجه تسمع الكلام دا من ادهم اللي دايما متجاهلها و بيعملها بقسوة و حست ان مشاعرها بتتحرك و بتحب الكلام اللي بتسمعه من حسام فقالت برتباك
شكرا يا استاذ حسام لولاك كنت وقعت و اتعورت ميرسي علي اهتمامك ربنا يجزيك خير علي مساعدتك ليا بجد و علي الكل الطيف اللي بتقول هولي حقيقي بيدينى طاقة ايجابية بتخلينى اكمل يومى بسعادة مريحه لقلبي اشكرك بجد من كل قلبي
ابتسم حسام و قرب منها خطوة و بص جوة عنيها الجميلة و قال
بتشكرينى علي ايه انا مش بجاملك و الا بحاول اقولك كلام و خلاص انا فعلا بقول الحقيقة اللي المفروض تيقي عارفها كويس و بتسمعيها من ادهم انت فعلا انسانه كاملة و تستهلي كل خير و انا هبقي محظوظ لو ربنا اكرمنى بزوجه مثلك في ادبك و اخلاقك و تدينك و جمالك و اهم حاجه عيونك ماشاء الله زي السحر بتجذب من غير اي تعب
كلامه الطيف خله مشاعرها تتحرك اكتر لانه حسسها بقيمتها اللي ادهم مش قادر يحسسها بيها ورغم تدينها الا ان حرمانها من مشاعر الحب اللي بتتمنى تعيشها معا ادهم خلتها تتعلق بكلام حسام و هى علي علم ان دا حرام و انها بتخطئ في حقها و حق جوزها اولا بس الشيطان كان سيطر علي عقلها شوية و بيحاول يوغوش علي عنيها خصوصا لما لقت حسام كمل كلامه و قال
تعرفي انى بحسد ادهم حقيقي لانه بيشوف جمالك كله اللي مخبياه تحت النقاب و بينعم بيه لوحدة حقيقي هو محظوظ ربنا مقدمله حرية من الجنه علي الارض تنور حياتها تصدقي بقا انى من امبارح صليت الفجر ودعيت بكل خشوع انه يكرمنى بزوجه فيها كامل مواصفاتك و متفكريش انى بتغزل فيكى لاء انا محترم انك طبعا متجوزه و متجوزه ادهم يعنى زي اخويا بالظبط بس دا ما يمنعش ان مرات اخويا تستاهل المدح و مش اي مدح دا مدح الملكات حوريات الجنه
كلامه كان زى السحر بيغويها بس حاولت تستغفر و تفوق بسرعه و قالت برتباك
طب بعد اذنك لازم اروح اشوف حاجه و شكرا مره تانية علي كلامك و انت فعلا في مقام اخويا عن اذنك
مشيت داليدا بخطوات سريعه لاحظها حسام فبتسم بمكر و عشق باين عليه وقال
اتكسفي يا حبيبتى بكرا تطلقي من الزفت جوزك و تبقي مراتى حلالي انا وبس ووقتها مش هلبسك بس نقاب لاء دانا هحبسك في بيت محدش يشوفك فيه غيري انا وبس يا داليدا
فضل حسام يبصلها واتضح ان حسام مهوس بيها و بيحبها حب تملك مخلية عايز يملكها باي طريقة و تبقا ملكة هو و بس
ــــــــــــــــــــــــــ
اما بعد ساعتين جوة مكتب سليم بالشركة لقي ملكة دخلت عليه و كلها عصبية و قالت
كدا كتير قوى يا سليم انا استحملت ضرب جدتك ليا و اهانتها ليا اكتر من مره بس متوصلش بيها الحكاية انها تختار بينى انا ونورا فاللي هتفضل في البيت و تختارها هى و تقولي لو مش هجبك امشي انا مش فاهمه مين فينا مرات حفيدها مين فينا اللي شايله اسم و شرف و سمعة حفيدها انا و الا نورا انا حقيقي خلاص فاض بيا الامر مش مستحملة كلمة كمان او فعل في اهانه ليا انا مستحملة كتير و ساكته بس حقيقي كفاية بقا كفاية
قرب منها سليم بسرعه و هو شايف العصبية مسيطرة عليها ووشها احمر من كتر الغضب فحاول يهديها وحضن وشها بايديه و قال
حبيبي يهدا بس كدا الاول و كل حاجه هتتحل انا مش فاهم ايه اللي حصل بالظبط عشان تتخانق معاكى او تتصرف معاكى بالاسلوب دا الايام دي انا مستغرب و الله يا حبيبتى و مش عايزك تتعصبي انا عايزك تهدى و تفهمينى و كمان تقوليلي ايه سبب انك عايزه تخرجى نورا بره القصر بالسرعه دي مش قولنا خلاص هتمشي لزمته ايه تتكلمى معاها تانى انا مش فاهم حاجه اهدى كدا و اشرحيلي عشان اقدر احل الموضوع معاكى
بعدت ايديه عن وشها و قالت بغضب اشد و عصبية سيطرت عليها بالكامل
تحل ايه قولتلك الف مرة نورا مش سالكه مش كويسه و انا متاكده انها ورا اللي حصلي يوم الفرح دا غير انها بتعشقك يا استاذ سليم بتعشقك و هى اللي اتعرفتلى كدا بنفسها بكل بجاحه مش كدا و بس دي حرقة صورنا قدام عينى في قلب اوضتنا و بتحاول تقلب جدتك عليا عشان تخليك تطلقنى تقدر تقولي استنا ايه اكتر من كدا و ااكدلك ايه عشان تعرف انى مش غلطانه و تقتنع ان نورا دي حية عايزه تبعدنى عنك باي شكل من الاشكال يا سليم ايه فهمتنى دلوقتي و الا لسه مش قادر تفهم
رغم كلامها اللي كان كله صريخ الا ان سليم حاول يمتص غضبها و خدها في حضنه و طبطب عليها و قال
طب اهدى انا مبحبش اشوفك كدا و بعدين قولتلك شيلي موضوع الفرح دا من دماغك نورا مش هتستفاد حاجه لما تعمل كدا اما اعترفها بحبها ليا قدامك اظن ان دا مجرد حلم شوفتيه و فكرتية حقيقة مفيش واحدة عاقله هتيجى تقولك انا بحب جوزك مهما كانت مدا بجاحتها و صور اي اللي اتحرقت انا كنت لسة بتفرج عليها الصبح قبل ماجى الشركة صدقينى يا ملكه كل دي اوهام داخل عقلك ملهاش اي واقع
في الحظة دي بعدت عنه و ابتسمت بدموع نزلت منها و قالت بستغراب
اوهام انا بتوهم يا سليم انتو عايزين تطلعونى مجنونة صح انا بقولك قالتلي بلسانها انها بتحبك كانت واقفه قدامى زي مانت واقف كدا بالظبط و ااه بجاحة نورا ملهاش مثيل و تخليها تقول اكتر من كدا و الصور اتحرقت قدام عينى و معنديش علم هى ازي لسه موجوده و الفرح متاكده انها ورا اللي حصلي و لو انت او غيرك شايفنى مجنونه فانا بقا مش هسكت و الا هرتاح غير لما اثبت كل حرف قولته و الايام بنا يا استاذ سليم
مشيت ملكه فنده عليها سليم بس مردتش فخبط الكرسي برجلية و بان علية الغضب و قال بصوت واطى
غبية يا نورا غبية بتعترفلها بحبك ليا تمام حساب غبائك معايا
بان من كلام سليم ان في سر خطير مخبية يخصه هو نورا
ـــــــــــــــــــــــــــــــ
عدا النهار وجه الليل ورجع خليل القصر و طلع علي اوضة فلك بس ملقهاش و لقي نور هى اللي قاعده علي السرير و ملابسة بجامة نوم خفيفه مبينه معالم جسدها فبصلها ببرود و عنية كلها شرار و قال
انتى بتعملي ايه هنا و فين فلك انطقي
اتنهدت بدلال و قررت تنفذ كلام جدته و قالت
الجدة قالتلي اعيش في الاوضة دي و بعتت فلك للاوضة التانيه انا مليش ذنب عايز تحاسب حاسب جدتك و بعدين هو مش انا التانية مراتك زي فلك مفرقتش مين فينا في انهى اوضه يا خليل و الا انا غلطانه
قامت نور و قربت منه وحضنة رقبته وبصت في عنية و ملقتش غير الكره و الرفض ليها فوجعها قلبها بس خبت حزنها و قالت بدلال
ايه هتفضل باصصلي كدا كتير مش هتغير هدومك و اعملك مساج عشان اعصابك ترتاح اكيد مجهد من الشغل غير هدومك علي محضرلك حمام دافي ينزل ارهاق يومك يا حبيبي و بعدين هطلعلك العشا لهنا عشان متتعبش نفسك في النزول تحت تانى اهم حاجه عندى راحتك انا لسه بحبك يا خليل
جات تتحرك عشان تمشي لقتها مسكها من دراعها و من غير و الا كلمه قرب بيها من السرير و مسك الروب بتعها و لبس هولها و مسك ايديها و خرج بيها وراح للاوضة اللي فيها فلك و اول ما فتح الباب لقاها قعدة عند البلكونه باين عليها التعب ووشها اصفر و عنيها منفوخه من كتر العياط فزق نور لجوة و قالها بكل برود
كلامك مهزش شعره فيا و مكانك هيفضل في الاوضة دي و مش هيتغير مهما عملتى يا نور و ياريت تحفظى كرامتك دا لو عندك كرامه فاضلة
جرحها بكلامه و اتحرك نحية فلك اللي وقفت و كانت هتقع من كتر التعب بس قرب منها و شالها و خرج بيها بره الاوضه و ساب نور في حالة من الصدمة و العياط اما خليل فرجع بفلك اوضتها و قفل عليهم الباب و قعدها علي الكنبة و سالها بستغراب بسبب شكلها
مالك ايه اللي حصلك باين عليكى معيطة و تعبانه لدرجة انك مش قادره تقفي علي رجلك قوليلي في ايه
رفعت عنيها و بصتله ببتسامه حزينة و قالت
مفيش انا بس مش راضيه باللي بيحصلك و المشاكل اللي بتصيبك بسببى ياريت تطلقنى عشان ترتاح و تعيش حياتك يا استاذ خليل معا نور انا عرفت انك بتحبها و هى كمان بتحبك
اضايق خليل من كلامها و بان عليه العصبية بس حاول يهدى صوته بقدر الامكان و قال
حب ايه و قرف ايه انا مش محتاج ابرر حاجه بس انا مبحبش نور و الا غيرها و سؤالي كان واضح مالك عشان موضوع الطلاق و صعبان عليكى مش هيدخل عليا واضح انك مجهدى و رجلك مش قادرة تمشي عليها فا هتقولي مالك و الا تحبي انزل تحت و اعرف بنفسي انتى مخبية عنى ايه ووقتها بقا متلوميش غير نفسك يا هانم هاا انطقي ايه اللي حصل
صوت شخطته اللي كانت في اخر الكلام خلتها ترتعش بخوف و تقولها بعياط
ـــــــــــــــــــــــــــ تمت
انتقل الى الفصل الثانى عشر