بقلم الكاتبة المبدعه والمتميزة نور مجدى
.png)
بتبتدي روايتنا في بيت بسيط كانت واقفه بطلتنا في المطبخ بتحضر الفطار علي ما أهلها يصحو فجاءه انتفضت لما حست بايد بتتجاوز الحدود علي جسمها بصت بخوف للي لمسها وقالت بتوتر
ليلي : قولتلك كذا مره بلاش تلمسني وخلي عندك دم انا في حكم بنتك اتقي ربنا بقي
رؤوف : بس مش بنتي ولا ايه
ليلي : بني ادم تنح وزباله اتفو
قال وهوا بيمسكها من شعرها
رؤوف: مين الي تنح وزباله يا بنت الكلب وبتفي في وشي كمان
كمل بسخريه
رؤوف : وهوا بردو مش انا في حكم ابوكي ولا هوا حلال ليكي وحرام ليا
ليلي : سبني سبني قولتلكك سبني
سابها وقال باستفزاز
رؤوف : سرعي بقي يا حلوه ابوكي جعان
مشي وهي قعدت علي الارض وقالت بدموع
ليلي : يا رب يا رب خلصني من الي انا فيه ده انا والله مستاهلش كل ده
( البطله ليلي بنت جميله عمرها ٢٢ سنه باباها ميت من وهي عندها ١٠ سنين مامتها اتجوزت بعد موت باباها بسنتين لما كبرت شويه بدأت تتعرض لمديقات من جوز مامتها )
بعد شويه البطله حطت الفطار علي السفره بعد ما مامتها صحيت وقالت
ليلي : ماما انا راحه الشغل
سها : غوري يا ختي
ليلي اتجهت لشغلها وفي مكان تاني كان قاعد في مكتبه خبط الباب سمح للي بيخبط بالدخول
احمد : مراد بيه اسر بيه اتصل بيا وسالني إذا كان فيه مواعيد كتير النهارده وقولتله لا فقالي اقول لحضرتك أنه عازمك علي العشا النهارده
مراد : تمام يا احمد اتفضل
( مراد شاب وسيم وقاسي عمره ٣٨ سنه )
عند ليلي فا وصلت للشغل ودخلت تغير لبسها
ليلي : ايه يا سوسو عامله ايه النهارده
ساره : الحمدلله بقيت كويسه شويه انا امبارح كنت بموت
ليلي : طب الحمدلله يلا بقي نشتغل احسن المدير يقدمنا احنا للزباين
ليلي بتشتغل جرسونه في مطعم
ساره : ههههه ايوه يا ختي يلا مش بعيد يعملها
بليل دخل مراد المطعم ولقي اسر بيشاورله وصل للترابيزه وقعد
مراد : مكنش ليه لزوم يعني كنت تعال اقعد معايا في البيت وخلاص
اسر : يا خي اطلع بقي من الكأبه الي انت فيها دي وافرحلك شويه
مراد : اسر متتخطاش حدودك
اسر : اسف يلا شوف
هتطلب ايه
مراد : اي حاجه
اسر بدأ يدور في المنيو وبصله وقاله
اسر : فين يا بني اي حاجه دي مش موجوده في المنيو
مراد باستهزاء
مراد : ههههههه مش ناقصه هي خفت دمك والله
اسر : خلاص خلاص هطلبلك زيي متتعصبش
اسر بدأ ينادي علي الجرسون قربت ساره وقالت
ساره : هتطلب ايه حضرتك
اسر قال بغمزه
اسر : رقمك يا مزه
ساره : لا حضرتك المتاح هنا اكلات ومشروبات بس
اسر : دوري اكيد هتلاقي رقمك وسطهم
ساره كانت هترد قال مراد بضيق
مراد : جرا ايه يا زفته انتي ما تمشي ولا تعملي اي حاجه بدل ما انتي واقفه تردي عليه كلمه بكلمه كده ما هوا لو مكنتيش مبسوطه من كلامو كنتي هزقتيه وغورتي من قدامه
اسر بص لمراد بتوتر وقال
اسر : مراد اهدي فيه ايه
مراد : مش ههدي هي لقت راجل قدامها مش محترم ما توقفه عند حده متقعدش ترد عليه بهدوء كده ولا كانه واحد من بقيت أهلها مهي لو محترمه كانت من اول كلمه ادتك علي وشك
قربت ليلي الي شافت كل حاجه قال لساره بهدوء
ليلي : ساره ادخلي جوا
ساره جريت وهي منهاره وقالت ليلي بعصبيه
ليلي : هوا انت بدل ما تعيب علي صاحبك يا استاذ جاي تعيب علي البنت الي سكتت لمجرد أنها مش عايزه تخسر اكل عيشها بسبب ناس زيكو ليهم قيمه في المجتمع اتقي الله وانت عمال تعيب في بنات الناس كده
مراد : وانتي مين انتي عشان تدخلي يا روح امك انا وجهت ليكي كلام
ليلي : موجهتش ليا بس وجهت لأختي وانا مش هسمح لواحد زيك مش متربي يعيب في اختي
مراد مسك دراعها بعنف وقال
مراد : انا مش متربي يا زباله أمال لو مكنتيش حته جرسونه كنت هتردي عليا ازاي
مدير المطعم جيه وبص لليلي بضيق وقال
..... : فيه ايه بس يا مراد بيه
مراد : فيه أن الزباله دي غلطت فيا
اسر قال بهدوء
اسر : محصلش حاجه مشكله بسيطه بس
مراد : اخرس انت يا اسر حالا تطرد البنت دي
.... : حاضر حاضر يا مراد بيه ليلي خدي الفلوس الي ليكي واتفضلي شوفي شغل في اي مكان تاني
ليلي بصت لمراد بكسره ودخلت تغير هدومها ساره قالت بدموع
ساره : والله اسفه يا ليلي انا معملتش حاجه والله هوا الي بني ادم مش محترم هوا وصاحبه
ليلي : متتاسفيش يا ساره الي حصل حصل كان لازم أوقفه عند حده بعدين الأرزاق علي الله هلاقي شغل كتير أن شاء الله المهم انتي بعد كده لو لقيتي واحد بيقل أدبه امشي بهدوء
ساره : حاضر
في مكتب المدير كان قاعد مراد وبيقول
مراد : تعرفني حالا كل حاجه عنها اسمها ايه وعنوانها فين
.... : حاضر حاضر يا باشا اسمها ليلي وعنوانها.......
البطل خرج ورن علي شخص
مراد : وليد عايزك تعرفلي كل حاجه عن البنت دي اسمها ليلي وعنوانهااا
عند البطله دخلت بيتها وكانت متجهه لاوضتها لكن وقفها روؤف لما وقف قدام باب أوضتها وبيقول
رؤوف : مش عيب تدخلي علي ابوكي كده من غير سلام و لا كلام يا لولو
ليلي بصتله باشمئزاز وقالت
ليلي : بالله عليك تبعد عني أنا مش طايقه نفسي دلوقتي ارجوك حل عني بقي
رؤوف ببرود
رؤوف : بتزعقي لابوكي كمان ده انا معرفتش اربي بقي
ليلي : يمكن عشان انت نفسك مش متربي
رؤوف لؤي درعها وقال بجحود
رؤوف : وانتي بتكلميني تكلميني باحترام يا روح امك ووشك يبقي في الأرض بلاش تقلي ادبك عشان في لحظه ممكن تبقي في الشارع ماشي اسمعي الكلام كده وخليكي عاقله
ليلي شدت نفسها منه وزقته ودخلت اوضتها وقعدت ورا الباب منهاره
تاني يوم كان البطل قاعد في مكتبه موبايله رن رد وقال
مراد :ها يا وليد
وليد : اسمها ليلي حسام عبد الرحمن فرج وعمرها ٢٢ سنه ابوها مات وهي ١٠ سنين ومامتها اتجوزت بعد موته بسنتين
مراد : طيب جوز امها ده شخص كويس ولا ايه حكايته
وليد : لا يا باشا شمال
مراد : طيب تعرفلي بيقعد فين
وليد : من عنيا يا باشا في خلال ساعات هكون عرفت واقولك
بعد عده ساعات
مراد : ها يا وليد
وليد :بيقعد علطول في مكان اسمه ......
في بيت البطله كانت ملزمه اوضتها ومبتطلعش غير للضروره باب اوضتها خبط وكانت امها وقالت بزعيق
سها : قومي يا ختي هتفضلي نيمالي في اوضتك قومي شوفي الشقه عايزه ايه
ليلي : حاضر يا ماما
خرجت ليلي من اوضتها اتجهت للمطبخ وكان رؤوف واقف بيشرب مايه بصلها بتفصيل
رؤوف : القمر طل علينا اخيرا
ليلي مردتش وتجاهلت كلامه
رؤوف : ما تردي يا بنت الكلب مش بكلمك
ليلي : عايز ايه سبني في حالي مش ناقصاك
رؤوف : هوا أنا يا بنت الجزمه مش قولتلك وانا بكلمك تحترميني ولا انتي غبيه مبتفهميش الكلام كويس
ليلي بضيق
ليلي : انا ممكن احترم الكلاب الي ماشيه في الشارع ومحترمكش لأنك أنت مش محترم عشان تستاهل اني احترمك فهمت
رؤوف : تعالي تعالي يا سها شوفي تربيتك بتقولي ايه
سها جريت علي المطبخ وبصت لبنتها بضيق وقالت
سها : في ايه قولتي ايه يا بنت الجزمه
رؤوف بتمثيل
رؤوف : بنتك الي اعتبرتها بنتي من ساعت ما اتجوزتك وربيتها وعلمتها جايه دلوقتي تقولي أنا احترم الكلاب الي في الشارع ومحترمكش
سها مسكت بنتها من شعرها وقالت
سها : يا بنت الكلب يالي متربتيش بتغلطي في الراجل الي اوينا وبيصرف علينا ده انتي من غيرو كان زمانك متشرده في الشوارع
ليلي عرفت تفلت من امها وقالت
ليلي : الشقه دي شقه ابويا يعني هي الي اوتنا بعد ربنا مش هوا أما عن الصرف فا أنا بشتغل من وانا ١٥ سنه يا ماما وانا الي بصرف علي نفسي وعلي البيت كمان فا يعني بيه أو من غيرو كنا هنعيش فا متصدقيش نفسك الراجل ده معملش حاجه ليا غير أنه جبلي عقد نفسيه
ليلي قالت كلامها ودخلت اوضتها قبل ما يمسكوها يضربوها
رؤوف : ربي بنتك يا سها وخليها تحترمني بعد كده انا خارج
سها : حاضر يا خويا أنا هعلمها الادب
في مكان ما كان قاعد رؤوف وسط ناس صحابه بيشربو حشيش
رؤوف : ايه مفيش تاني
محمد : لا ابقي شخلل جيبك وهيبقي فيه تاني يا خويا
رؤوف : قصدك ايه يعني
محمد : قصدي الي أقصده بقي
رؤوف : قصدك ايه يا محمد
محمد : قصدي انك انت بتشرب علي قفانا وانت عارف الحشيش مش ببلاش فا المفروض تدفع بعد كده عشان تلاقي
رؤوف : وانت عارف ان أنا معييش فلوس
محمد : أنا مليش دعوه بعد كده تجيب فلوس تلاقي كيفك ولا اي يا رجاله
كل الي قاعدين أكدو علي كلامو فقام رؤوف بضيق ومشي وهوا ماشي كان مراد ماشي بعربيته في المكان فقرب من رؤوف وقال
مراد : بقولك يا باشا متعرفش واحد بيقعد هنا اسمه رؤوف
روؤف : أنا رؤوف عايز ايه
مراد : اطلع
رؤوف : اطلع فين أنت عايز ايه
مراد : بقولك اطلع وانت تعرف
رؤوف طلع العربيه و مراد مشي بيها وقدام بيت كبير وقف مراد ونزل هوا ورؤوف
مراد : تعال ورايا
مراد فضل ماشي لحد ما وصل لمكتبه ودخل وقعد هوا ورؤوف
رؤوف : هاا مين انت وعايز ايه
مراد : أنا عايز اشتري منك بنت مراتك
رؤوف باستغراب
رؤوف : ليلي وانت تعرفها منين
مراد : ملكش دعوه أنا قولتلك الي عايزه هشتريها منك بالتمن الي أنت تحبه
رؤوف سكت شويه بعدين قال بطمع
رؤوف : ماشي يا باشا ٥ مليون جنيه
مراد : وهما جاهزين تجبهالي الاول بعدين تاخدهم
رؤوف : بكره تبقي عندك يا باشا
في اوضه سها ورؤوف كان قاعد رؤوف وبيقولها
رؤوف : يا وليه دول خمسه مليون جنيه يعني هيدلعونا احسن من وشها البوم ده
سها : يا راجل هي شكاره اسمنت دي بنتي
رؤوف : وهما دول الفين جنيه دول خمسه مليون جنيه فكري كده فيها بعدين أنا والفلوس ولا بنتك
سها بدأت تفكر بعدين قالت باستسلام
سها : ماشي بس هي هتروح معاك ازاي
رؤوف : هخدرها واخدها عشان مش ناقص وجع دماغ
سها : ماشي يا خويا الي تشوفه
تاني يوم الصبح كانو قاعدين بيفطرو غمز رؤوف لسها فا سها مدت أيدها بكوبايه عصير ل ليلي وقالت
سها : خدي يا حبيبتي كوبايه العصير دي طعمه جميل هيعجبك
ليلي خدت بصمت وبدأت تشربه وسها ورؤوف بيبصولها بابتسامه نصر وبعد شويه ليلي بدأت تحس بخمول قامت وقفت وقالت
ليلي : أنا هدخل انا م
ليلي وقعت من طولها ومسكها رؤوف وخرج من الشقه
وبعد شويه كانت ليلي نايمه علي الكنبه الي في مكتب مراد
رؤوف : جبتهالك اهو يا باشا الفلوس بقي
مراد طلع شنطه قدامه وروؤف فتحها وبدأ يمسك الفلوس ويشمها كان شبه الكلب الي بيمشمشم علي الاكل
مراد : يلا اتفضل ومتسالش عنها تاني ماشي
رؤوف : تأمر يا باشا
رؤوف خرج وقام مراد وجاب كوبايه المايه الي قدامه وقرب منها ورمي المايه عليها فاقت هي وعلي ما استوعبت هي فين قامت وقالت بخوف
ليلي : انت مين وأنا فين
مراد : معقول نسيتيني يا حلوه بس انا هقولك أنا مين أنا مصيرك الاسود يا ليلو
ليلي بدأت تركز في ملامحه وقالت بتذكر
ليلي : انت الي كنت في المطعم أنت عايز مني ايه وانا جيت هنا ازاي
مراد : جبتك هنا بفلوسي اشتريتك زي السلع من جوز امك
ليلي : يعني ايه يعني يعني أنا دلوقتي هفضل معاك هنا من غير اي حاجه رسميه بيننا مينفعش
مراد : دلوقتي انتي بقيتي بقيتي خادمتي والي هقولهولك هتعمليه
ليلي : طيب انت عملت كده ليه أنا عملتلك ايه أنا حتي خسرت شغلي بسببك يعني انتقامك خلص ساعتها
مراد : عملتييي ايه انتي بس غلطتي فيا وانا زعلي وحش اووي فا لما زعلت كان لازم ازعلك وشغلك ده مكنش انتقام ده كان قرصه ودن مش اكتر لاكن دلوقتي يا حلوه انتي هتشوفي من العذاب الوان هخليكي تقولي يا ريت الي جرا ما كان
ليلي : انت اكيد مش بني ادم أنا معملتش حاجه لكل ده عشان تعمل كده انت اكيد مريض
مراد : مريض اممم مريض مش كده طيب تمام
مراد قرب منها ومسك شعرها بقوه وبدأ يجرجرها من علي الكنبه في البيت كله لحد ما وصل لاوضه ورماها فيها وكانت اوضه ضلمه مش باين ليها ملامح وقال بغل
مراد : ده استقبال بسيط كده مرضتش اجمد عليكي هتقعدي هنا ٢٤ ساعه هنا من غير اكل كفايه مايه بس عشان متموتيش شايفه أنا حنين ازاي عشان متقوليش بس اني مريض
ليلي كانت ساكته ومصدومه قفل عليها وفضلت هي علي
الحال ده لحد ما استسلمت للنوم وفي الصباح صحيت البطله علي نور بسيط طالل من شباك صغير في الأوضه قامت وبدأت تخبط علي الباب وتقول
ليلي : حد يفتحلي ارجوكم افتحولي
بعد فتره من تخطبها الباب اتفتح وكان البطل وبيبصولها بغل وقال
مراد : هوا برغم أن معداش ٢٤ ساعه بس انا قلبي طيب ومش قادر اقعدك اكتر من كده بصي بقي انتي دلوقتي هتروحي علي المطبخ والست الي هناك هتقولك هتعملي ايه بظبط اجي من بره الاقي الڤيلا بتنور تمام
ليلي بصتله بانكسار
ليلي : تمام
مراد اتجهه للخارج وهي وصلت للمطبخ
ليلي : ايه المطلوب مني دلوقتي
كريمه : خدي كلي اللقمه دي بس اتوتك بعدين اعملي بقي الي امرك بيه البيه
ليلي : حاضر
ليلي كلت وبدأت تنضف الڤيلا كلها خلصت ووقعت في طرقه الڤيلا بتعب
ليلي : حسبي الله ونعم الوكيل فيك وفي رؤوف الكلب وفي في امي
ليلي قالت اخر كلمه بانكسار
اي ام تسمح بده لبنتها
اي ام ترضي أن بنتها تبعد عنها
اي ام تبقي عارفه الي جوزها بيعملو مع بنتها وتسكت وتتجاهل
ليلي سمعت باب الڤيلا بيتفتح قامت وقفت وبصتله بخوف
مراد : واو الشقه بتنور ده انا كنت قولت انك هتوسخيها باعتبار يعني أنك زباله وكده
ليلي : احترم نفسك ومتغلطش
مراد : يا مامي خوفت بصي بقولك ايه أنا هنا اتكلم وانتي تسمعي وتخرسي ماشي عشان منتعبش مع بعض بعدين ايه شكلك المقرف ده روحي شوفيلك اي لبس حلو تلبسيه
ليلي : وانا هجيب منين
مراد : عادي هشتريلك لبس زي ما اشتريتك بسيطه
ليلي بانكسار قالت
ليلي : اشترتني بكام
مراد : عايزه تعرفي تمنك يعني متقلقيش يا ستي تمنك غالي اوي اشتريتك بخمسه مليون جنيه
ليلي : ههههم ده انا طلعت رخيصه اوي عند اهلي
مراد : رخيصه ! ده انا مستكترهم فيكي انتي كلك علي بعضك متجيش ب٥٠ الف جنيه تقولي خمسه مليون رخيصه
ليلي : انت بتشتري وتبيع في ملك مين يا استاذ اتقي ربنا أنا مش للبيع أنا ملك لله ربنا الي انت متعرفش عنه حاجه باي حق تعمل كده كل ده لمجرد انك معاك فلوس بس الفلوس متعملتش عشان تشتري بيهم عبيد الفلوس اتعملت وربنا رزقك بيها عشان تستثمرها في الخير تقوم انت رايح تشتري بيها عباد الله ربنا ينتقم منك بحق كل الي عملته فيا ولسا هتعمله ربنا يزول الفلوس الي مقوياك من وشك ربنا يجعلك عبد ذليل وعويل ربنا يفرج عليك كل الي ظلمتهم بسلطتك ربنا يسلط عليك الي اقوي منك عايزاك تعرف حاجه أنا مش خايفه منك أنا معايا ربنا
مراد : انتي قد كل الكلام ده بقي يا شاطره طيب بصي مكنتش عايز أبداها معاكي كده من الاول بس انتي الي اختارتي حالا تطلعي الاوضه الي في وش السلم هتلاقي كذا حاجه كده جيبهالك تلبس... هالي تلبسي الي يعجبك منهم وتيجي ورايا علي اوضتي سمعتي ولا أعيد تاني
ليلي ملامحها اتوترت وقالت بعدم استعياب
ليلي : قصدك ايه
مراد : قصدي الي فهمتيه يا حلوه مش معقوله يعني مش فاهمه كلامي انتي كبيره كفايه ولا ايه
ليلي دمها هرب ونبضاتها بدأت تزيد
ليلي : انت بني ادم زباله وانا عمري ما اعمل الي انت بتقول عليه ده
مراد : يا حبي انا مش بقترح عليكي
مراد ملامحه اتغيرت للشر وقال برفعه حاجب
مراد : أنا بأمرك في خلال دقايق يكون كلامي اتنفذ تمام
ليلي : أنا أموت ولا اعمل الي في دماغك ده
مراد وهوا طالع علي السلم
مراد : اتكلمي براحتك في خلال دقايق تكوني خدتي شاور ولبستي والإقيكي قدامي
ليلي قعدت علي السلم ومسكت قلبها الي كان بينغزها قالت بانهيار
ليلي : مش هقدر اعمل كده مش هقدر يا رب انجدني أنا مش هقدر اعصيك معصيه زي دي يا رب مستحيل اخلي كلب زي ده يلمس شعره مني
بعد شويه كانت لسا قاعده ليلي علي نفس الوضع انفتح باب اوضه مراد ووقف علي أول سلمه وقال بصرامه
مراد : هوا أنا مش قولتلك تغيري القرف ده وتيجيلي انتي مبتسمعيش الكلام ليه
ليلي : انت مصدق نفسك اني ممكن أخضع لأمرك ده الا شرفي
مراد نزل ومسكها من شعرها وقال
مراد : انتي الي مش عايزه تيجي برضاكي
بدأ يشدها من شعرها لحد ما طلع بيها بالوضع ده سلمه سلمه دخلها اوضه ورماها وقال
مراد : تعملي الي قولتلك عليه حالا لاما هعمله رغما عنك
مراد قفل الباب واتجهه لاوضته بينما هي انهارت ومكنتش عارفه تعمل ايه قامت عملت الي هوا قالها عليه وبعد ما خلصت لقا كوبايه مايه علي المرايه خدتها وكسرتها وخدت قطعه ازاي تحت هدومها واتجهت لاوضته دخلت اوضته وكانت لابسه قميص ساتر بدأ يتفحصها من فوقها لتحتها بوقاحه وقال بابتسامه
مراد : ايوه كده خليكي مطيعه
بدأ يقرب منها فا هي بحركه سريعه طلعت الازاز وحطته حاجز بينها وبينه
ليلي : اقسم بالله العظيم لو جيت ناحيتي لهموتك
مراد بصلها بثبات وقال
مراد : وانتي فاكره حته الازاز دي هتموتني لا ده انتي تبقي بريئه اوي و بهبل كمان أنا واقف اهو حابه تموتيني موتيني وريني شطارتك
ليلي بصتله بحيره رمت الازازه باستسلام وقعت علي الارض وقالت بانهيار
ليلي : ارجوك ابعد عني بقي ارجوك سبني أنا تعبت أنا مستاهلش كل ده انا معملتش حاجه تستحق ده كله أنا كنت بدافع عن صحبتي ماجرمتش لو تحب انا ممكن ابوس رجلك بس بلاش تعمل فيا كده
مراد بصلها بتشفي وقال
مراد : أنا مكنتش هعمل فيكي حاجه أنا كنت عايز بس اشوفك مزلوله قدامي
ليلي : يعني هتسبني امشي
مراد : لا انا قولت بس مش هعمل فيكي كده لاكن ده ميمنعش اني هفضل اعذب فيكي انتي نسيتي أن أنا شاريكي ولا ايه فا يعني اعمل فيكي الي أنا عايزة
ليلي بصتله بكره وقامت من مكانها وقالت
ليلي : تمام مطلوب مني حاجه دلوقتي
مراد : حاليا لا غوري ولما تيجي تنامي تنامي في المطبخ
ليلي خرجت اتجهت للاوضه غيرت هدومها ولبست حجابها وقالت
ليلي : ربي اغفر لي انت عالم ان أنا كنت مضطره سامحني يا رب
ليلي خرجت واتجهت للمطبخ وفي مكان تاني كان واقف أسر قدام المطعم نفسه دخل وبدأ يبحث عنها بعينه لحد ما لاقاها واقفه بتقدم طلب اتجهه وقف لمكان قريب منها لحد ما تخلص خلصت وكانت متجهه للمطبخ لقت حد بيشدها لحد ما وصل بيها لترئه في المطعم محدش واقف فيها سابها وقالت هي بغضب
ساره : فيهه ايه
أسر : ازيك
ساره : انت مين وازاي تعمل كده
أسر : مش فاكراني
ساره بدأت تركز في ملامحه بعدين قالت باشمئزاز
ساره : وهوا واحد بقذرتك يتنسي
أسر : ميبقاش قلبك اسود بقي انا جاي اصلح الي عملته
ساره : هتصلح ايه صحبتي اطردت من مصدر اكل عيشها بسببك وتقولي تصلح انت جاي تتسلي يا أستاذ امشي من هنا بدل ما اعملك فضيحه اقسم بالله
أسر : أنا آسف لصحبتك بس مش بسببي صحبي هوا الي عمل كده حتي أنا حاولت أهديه بس برضو اصر علي قراره وصحبتك غلطت فا واحد مبيرحمش حد
ساره : طيب انت عايز ايه حضرتك دلوقتي
أسر : نتعرف اكتر وصدقيني أنا مش ناوي علي تسليه وخلاص أنا عايز بس نعرف بعض اكتر وتحبيني بعدين هطلب ايدك ونتجوز
ساره : هوا انت معندكش دم انتي شايفني واحده شمال من الي أنت وصاحبك تعرفوهم
ساره قالت كلامها ومشيت أما هوا اتجهه لواحده صحبتها في الشغل وقال
أسر : لو سمحتي ممكن تديني رقم البنت ألي هناك دي
البنت نظرت له بعدم استيعاب
البنت : نعم!!
أسر طلع فلوس من جيبه وقال
أسر : بلا نعم بلا منعمش خدي دول واطلعي بالرقم
البنت نظرت للفلوس بطمع وقالت
البنت : تمام اكتب ........
بليل كانت نايمه بطلتنا في المطبخ قرب البطل منها وبدأ ينظر لجسمها بتفصيل مرت دقائق ولاحظ أن جسمها بيرتعش بقوه فقرب منها و لمس جبينها لقاها سخنه مولعه شلها بسرعه وطلعها اوضته حطها علي السرير وبدا يخبط علي خدها علي امل انها تفوق ولكن سمع منها تمتمه بصوت خافت قرب منها علشان يفهم بتقول ايه
ليلي : يا رب تعبت يا رب اموت بقي وارتاح يا رب ريحن..يي
مراد خرج من الاوضه ونادي بصوت عالي
مراد : يا كريمه يا كريمه
كريمه خرجت بسرعه وقالت
كريمه : فيه ايه يا بيه
مراد : جهزي شوربه سخنه بسرعه
كريمه : حاضر حاضر
مراد دخل وجاب كمادات وبدأ يحطها علي جبينها بعد شويه طلعت كريمه بالشوربه مراد بدأ يحاول يفوق ليلي ويقومها من مكانها
مراد : يلا قومي يا ليلي اشربي الشوربه دي قومي
ليلي بدأت تقوم معاه بدون وعي بدأ يبرد لها الشوربه ويشربها بعدين نيمها علي السرير وجاب خافض للحراره وقالها
مراد : ليلي قومي يلا عشان تاخدي الدوا ده
ليلي قامت براحه وبلعت الدوا ونامت تاني مراد سابها وخرج افكار كتير في دماغه
ليه عملت كده وكنت خايف عليها ؟
ما كنت تسبها تموت ولا تروح في ستين داهيه ؟
هوا مش انت جيبها هنا اصلا عشان تاذيها ولا حليت في عينك ؟!
مراد : لا لا أنا عملت كل ده عشان مش عايزها تموت دلوقتي غير بس لما اخلص انتقامي منها
مراد دخل اوضه تانيه ونام والصبح صحيت البطله لقت نفسها في اوضه البطل حست بالخوف يكون عمل فيها حاجه قامت من مكانها بس لقت موجود علي المرايه كمادات وطبق شوربه فا فهمت ودخلت تويلت الغرفه خدت حمام ساقع وخرجت لبست لبسها وخرجت من الاوضه وفي الوقت ده كان خارج البطل قرب منها وقالت بهدوء
مراد : بقيتي كويسه دلوقتي
ليلي : ايوه شكرا اوي
مراد بتوتر
مراد : علفكره أنا معملتش كل ده لسواد عيونك يعني متفكريش أنا عملت كده عشان لسا مخلصتش انتقامي بس وبم انك بقيتي كويسه بقي عايزك تنضفي الڤيلا تمام
ليلي بصتله بحيره من أمره وقالت
ليلي : امرك
ليلي اتجهت للمطبخ وقابلت كريمه الي قالت
كريمه : الف سلامه عليكي يا حبيبتي بقيتي كويسه
ليلي : ايوه الحمدلله أنا هروح انضف الڤيلا عشان مراد .... بيه أمرني بكده
كريمه : بصي يا بنتي مراد بيه طيب وقلبه ابيض والله انتي مشوفتهوش كان خايف ازاي يحصلك حاجه امبارح كل الي بيعمله فيكي ده ليه اسباب هتعرفيها مع الوقت هوا عمرو ما ياذيكي أو ياذي غيرك وهتفهمي ده بعدين
ليلي حركت رأسها برغب أنها مستغربه الكلام
كريمه : كلي لقمه بعدين روحي اعملي الي قالك عليه متروحيش كده عشان متتعبيش زي امبارح
عند أسر كان قاعد في عربيته قدام المطعم مسك موبايله وبعت رساله لرقمها
أسر : عامله ايه
ساره كانت واقفه بتقدم طلب وسمعت اشعار رساله بعد ما خلصت وقفت علي جنب ومسكت موبايلها مفكره أنها ممكن تكون ليلي الي بقالها فتره مفيش عنها اخبار خالص لقت رساله من رقم غريب ردت
ساره : مين
أسر : أنا العاشق الولهان
ساره : امم وايه كمان
أسر : أنا بجد من ساعت ما شوفتك وانا مبفكرش في حاجه غير فيكي اديني فرصه بس
ساره : ااااه عرفت مين انت ويا تري بقي جبت رقمي منين
أسر : متدققيش بصي احنا ممكن منتقابلش ونفضل نتراسل بس لحد ما نتعود علي بعض بعدين صدقيني هتجوزك أنا حبيتك بجد مش بتسلي يعني
ساره : انت عندك كام سنه يا استاذ
أسر : ٣٨ سنه
ساره : ياااه امال مالك كده المراهقه وخداك ليه ده انت راجل شايب وعايب بصحيح عيب علي سنك الهبل الي بتعمله ده واحد زيك متجوز ومخلف عيال طوله دلوقتي
أسر بص لنفسه في المرايه وحس بالاحراج والصدمه
أسر : بس انا مش كبير لدرجاتي
ساره : لا يا جدع امال مين الي كبير أنا
أسر : لحظي أن كلامك جارح
ساره : امشي يا جدو روح شوف مراهقتك دي بعيد عني مش ناقصه هبل
أسر اتصدم وقال بتمتمه
أسر : جدو
أسر كمل كلامو معاها وقال
اسر : طيب بصي كده انتي بتاعتي ومن دلوقتي بقولك اهو مش هتكوني لغيري وانا واثق من كلامي
ساره : ماشي خليك في مخيالاتك بقي واحلي بلوك لاحلي شايب وعايب في الدنيا
رزعته بلوك وهوا كان قاعد حاسس أنه بيغلي ساق عربيته واتجهه لبيت مراد عند بطلتنا فا سمعت صوت جرز الڤيلا بيرن قربت تفتح الباب
أسر : مراد بيه ....... انتييي مين حاسس اني شوفتك قبل كده
البطله ضحكت بسخريه
ليلي : مدققش مراد بيه في المكتب اتفضل
أسر دخل علي مراد المكتب وقال
أسر : البنت الي بره دي أنا شوفتها قبل كده هي مين دي
مراد : دي البنت الي هزقتني في المطعم
أسر بصدمه
أسر : يا نهار ابيض يعني ايه وجبتها هنا ازاي وشكلها متمرمط كده ليه
مراد : اشترتها
أسر : اشترتها هي علبه سجاير اشترتها يعني ايه يعني
مراد : يعني اشترتها يا أسر عشان انتقم منها علي الي عملته معايا يوميها
أسر : وهي عملت ايه يا بني ده انت الي عملت وطردتها من مكان اكل عيشها
مراد : ملكش فيه يا أسر اتكلم كنت جاي ليه
أسر بصله بتوتر وقال
اسر : مراد هوا انا كبرت وراحت عليا خلاص
مراد ضحك وقال بسخريه
مراد : مين الي بيفهم الي قالك كده
أسر : مراد أنا مبهزرش انا كبرت بجد
مراد : أسر انت داخل علي ٤٠ سنه وتقولي مكبرتش أسر انت كان زمانك بتجوز عيالك دلوقتي وقربت تبقي جد فوق يا بابا
أسر نزل رأسه للأرض واتنهد وقال
أسر : هي قالتلي كده برضو
مراد : هي مين دي
أسر : واحده
مراد : اه الحكايه فيها واحده
أسر : قالتلي اني مراهق وراجل عايب وشايب
مراد : هههههههه مهي عندها حق يا شايب
أسر : البت مش مدياني وش خالص مبتسبش فرصه غير لما تهزقني
مراد : يا بني ما تشوفلك واحده غيرها واخلص بتوجع دماغك ودماغي معاك ليه
أسر : يا عم لا أنا مش عارف اطلعها خالص من دماغي لما بتيجي بس علي بالي بحس عيوني بتطلع قلوب كده وقلبي بيبقي عايز يطلع من مكانه
مراد : حبيتها يا خويا جاي تحبلي وانت عندك ٤٠ سنه
أسر بصله بضيق وقال
أسر : يا بني أنت ليه محسسني أن انت مجوز بنتك اول امبارح مانت حالك حالي
مراد : ايوه بس انا واضح لا بطيق صنف الستات ولا أشكالهم لاكن انت من صغرك وانت بتاع بنات يعني المفروض كنت شوفت حياتك من زمان بدل ما انت فاتك قطر الجواز وبقي بيتقال عليك شايب وعايب
أسر : يوه بقي مش مهم دلوقتي كل الكلام ده انا عايز ارد اعتباري واخليها تقع في حبي دي هزقتني علي الاخر
مراد : قولي بقي قالتلك ايه بظبط كده عشان دماغها عجبتني
أسر بصله بضيق وبدأ يحكيله ويضحكو سوا عند البطله كانت واقفه في المطبخ ماسكه ايد كريمه وبتبوسها وبتقول بترجي
ليلي : ارجوكي اديني الموبايل هعمل مكالمه واحده بس ساعديني لمره واحده اعتبريني زي بنتك ارجوكي ابوس رجلك توفقي
كريمه : يا بنتي أنا كده هتاذي
ليلي : والله ما هقوله حاجه والله ارجوكي مكالمه واحده
كريمه بتفكير
كريمه : ماشي خديه بس متخليش حد يشوفك
ليلي أشرت برأسها بحاضر وخدت الموبايل وطلعت اوضه من الاوضه بدأت تكتب رقم الشرطه
الشرطه : ايوه شرطه النجده معا حضرتك
ليلي : في واحد محتجزني في مكان غصب عني وبيعزبني ومش عارفه اهرب ارجوكو تعالو الحقوني
الشرطه : طيب العنوان واحنا هنيجي في أسرع وقت
ليلي :أنا معرفش العنوان بظبط بس انا اعرف اسم صاحب البيت اسمه مراد المنشاوي
الشرطه: تمام حضرتك في أسرع وقت هنكون عندك
ليلي قفلت الخط ومسحت أثر المكالمه وبدأ قلبها يدق من شده الخوف في خلال نص ساعه الباب كان بيخبط بقوه خرج علي أثره مراد واسر يشوفو في ايه ووقفت البطله في نص الڤيلا دخل الظابط ووقف قدام مراد
الظابط : وصلنا بلاغ أن حضرتك محتجز هنا واحده رغما عنها وبتعزبها
مراد بص لليلي بحقد وهي بدأت تقرب من الظابط وقالت
ليلي : ايوه انا حضرتك الي بلغت أنا هنا بقالي كام يوم غصب عني وبيعزبني بأبشع الطرق يا فندم
أسر كان باصص بصدمه ومراد بص لظابط بثبات وقال
مراد : بس يا حضره الظابط دي مراتي يعني أنا مش محتجزها ولا حاجه ولو علي كلامها اني بعزبها فده عادي وبراحتي أنا جوزها واعمل الي أنا عايزه فيها
ليلي وأسر بصوله بصدمه
الظابط: ايه يثبت كلامك
مراد : هدخل اجيب ورق جوزنا واجي لحضرتك
مراد دخل وخرج ومعاه ورق اداه لظابط و الظابط اتفحصه كويس بعدين بص بشك ونظر لليلي باسف وقال
الظابط : طيب احنا اسفين يا مراد بيه مدام حضرتك هي الي بلغتنا بلاغ كاذب
مراد :ولا يهمك يا حضره الظابط
الشرطه خرجت بهدوء وهوا قال بصرامه
مراد : أسر غور دلوقتي
أسر : ايه لازمتها غور ما انا كنت هغور من غير حاجه
مراد زغرله بعينيه وأسر مشي بسرعه الهوا مراد مسكها من ايديها وشدها علي اوضته وقال
مراد : انتي بتبلغي عني مش كده فكراني مش عامل حساب اي خطوه زي دي انتي دلوقتي هتشوفي بقي العذاب الحقيقي
ليلي : انت هتعمل ايه
مراد : متقلقيش انا بس هعلمك الادب بطريقتي وهتشوفي يعني ايه تتحديني بعد كده
مراد فقد أعصابه وانهال عليها بالضرب لحد ما فقدت وعيها مراد قرب منها وحاول يفوقها لأكن مفقتش شالها حطها علي السرير واتصل علي الدكتور وبعد دقائق وصل الدكتور وبدأ يتفحصها وقال
الدكتور : ضغطها وطي ونبضها ضعيف ودخلت في حاله صدمه من الالم والخوف هكتبلها علي محاليل ومحتاجة رعايه
بعد شويه كانت ليلي مركبه محلول وهوا قاعد جنبها ماسك قلبه الي بيوجعه بعد شويه فاقت البطله وهوا قرب منها ومسك ايديها
مراد : ليلي
ليلي بعدت ايده وانهارت وقالت من كل قلبها
ليلي : ااااه ابعدو عني بقي ليه محدش رحيم بيا ليه كلكو بتاذوني أنا عملت ليكم ايه كل ده بسبب اني يتيمه مليش ضهر بس ده مش مبرر عشان تعملو فيا كده ابعدو عني سبوني بقي
مراد : ليلي أنا آسف أنا مكنتش في كامل وعيي
ليلي : ابعد عنيي انت مريضضص بني ادم نرجسي وحقير انت كنت بتضربنيي بطريقه متوحشهه انت محتاج تتعالج ابعد عنيي بقي مكفكش كل الي عملته خلاص انت قضيت علي اخر ذره كويسه فيا بكفايه بقي خلاص مبقتش متحمله
مراد : ليلي انتي مراتي ومش هتخرجي من هنا بعد كده خلاص
ليلي : مراتك يعني ايه قولي مراتك امتي وازاي
مراد : مش وقته انتي تعبانه دلوقتي
ليلي : هوا ايه الي مش وقته
مراد سابها وقفل الباب وخرج وهي استسلمت لنوم عميق وتأني يوم صحيت لقته نايم علي الكنبه جمبها
ليلي : عايزه اشرب
مراد صحي علي صوتها وقرب منها
مراد : بقيتي كويسه
ليلي : عايزه اشرب
مراد جبلها المايه وساعدها تشرب وبعدين قعد قدامها وقال
مراد : أنا آسف
ليلي : آسف علي ايه آسف علي طردك ليا من أكل عيشي ولا آسف علي انك اشترتني ولا آسف علي انك حبستني في اوضه ضلمه لكام ساعه ولا آسف علي جررتك ليا علي السلالم ولا آسف علي اهانتك ليا ولا آسف على انك خلتني انام في المطبخ ولا آسف علي ضربك ليا زي ما المتوحش ولا آسف علي ايه بظبط انتي دمرتني اكتر ما كنت مدمره اوعي تفكر اني كنت عايشه في جنه قبلك عشان يجي في بالك تقول هخلي حياتها سواد لا أنا كنت بتعرض لحجات كتير من دي تحرش واهانه وضرب كل الي انت عملته أنك زودت العذاب ضعفين كده والضعفين دول نهوا كل حاجه كانت لسا كويسه فيا قولي دلوقتي انت كسبت ايه انتقامك كسبت منه أيه مانت لسا زي ما انت شخص حقودي ونرجسي وزباله أنا بس الي ادمرت وجاي تقولي أنا آسف اسف دي هتعملي ايه فكر كده شوف اسف دي هتعملي ايه
مراد : معرفش وانا يا ستي فعلا شخص حقودي ونرجسي وزباله ومريض وعايز اتعالج وده أنا مش هعرف اغير حاجه في نفسي ومفيش في أيدي غير الاعتذار
ليلي : طيب دلوقتي اعمل حاجه كويسه ليا وسبني امشي
مراد : مستحيل
ليلي : انت مصدق نفسك أنا لاول مره هقولها في حياتي اهو أنا اموت نفسي ولا كون مراتك ومكتوبه علي اسمك
مراد : متتخطيش حدودك يا ليلي
ليلي بتساول
ليلي : انت اتجوزتني ازاي
مراد بدا يحكلها
فلاش باك
كانت البطله نايمه علي الكنبه البطل قرب من الخزنه بتاعته وفتحها وجاب منها ورق وقعد جمب البطله وبدأ يخليها تبصم علي الاوراق
باك
ليلي : وانت جبت اوراقي أنا ازاي
مراد : مش شغلك جبته وخلاص
ليلي : بس الجواز ده باطل أنا مكنتش في وعيي
مراد : بس قدام القانون احنا متجوزين الاوراق كلها سليمه وبصمتك موجوده
ليلي : بس شرعا حرام
مراد : وانا مش طالب منك حاجه شرعيه أنا طالب منك حاجه قانونيه انك مش هتخرجي من هنا لاني جوزك وليا حق عليكي
ليلي فكرت في كلامه وقالت
ليلي : تمام براحتك
مراد : بقيتي كويسه المهم
ليلي : شويه الحمدلله ممكن تطلع بره
بعد كام يوم البطله كانت اتعافت وقررت انها تخليه يحبها وتكسر قلبه
البطل كان قاعد في مكتبه دخلت البطله عليه ليلي بلطافه
ليلي : فاضي
مراد : ايوه اتفضلي
ليلي : أنا فكرت وشوفت أن مينفعش افضل معاك هنا من غير حاجه شرعيه بعد ما بقيت كويس معايا يعني
مراد : ايوه عايزه ايه
ليلي : نتجوز تاني بس بموفقتي عشان يبقي جائر شرعا
مراد بتفكير
مراد : تمام
بعد يومين كانوا قاعدين الابطال والماذون بيقول
المأذون : بارك الله لكم وبارك عليكما وجمع بينكما في خير
البطله بصت للبطل بخبث وبعد شويه دخلت البطله اوضه البطل بهدوء وكان البطل بياخد شاور خرج من الحمام وهوا بيلبس هدومه
مراد : احم انتي اي دخلك هنا
ليلي : جايه اقعد معاك مش انت جوزي بردو
مراد : ايوه بس انتي مش حابه ده انتي متجوزاني بس عشان الشرع
ليلي : ما هوا الشرع بردو قايل مينفعش ابعد عن جوزي وحبيبي
مراد اتوتر وقال
مراد : ماشي براحتك
مراد دخل اوضه اللبس ولبس هدومه وخرج نام علي السرير وهي بصتله بتوتر وقالت
ليلي : طيب أنا هروح انام في اوضه تانيه بقي
مراد معلقش وسابها فا رجعت هي تاني
مراد : ايه رجعك تاني
ليلي : عادي حسيت أنه مش لازم يعني انت جوزي وعادي انام جمبك
ليلي نامت علي السرير وهوا لف واداها ضهره مراد كان مستغرب هي ليه بتعمل ده استمر يفكر لحد ما نام وهي كذلك والصبح صحيت البطله ملقتوش جمبها كان واقف قدام المرايه بيظبط لبسه قالت هي
ليلي : صباح الخير
مراد : صباح النور أنا رايح الشغل
البطله قامت وعدلتله شكل لبسه وطبعت قبله علي خده وقالت
ليلي : ربنا معاك
البطل جسمه اتخشب وحس بتوتر وقال
مراد : تمام تمام أنا ماشي
البطل مشي من قدامها وركب عربيته ومسك قلبه الي كان بيدق بقوه وفي المطعم دخل أسر بتوتر بيدور عليها بعنيه قعد علي ترابيزه وشافها وشاورلها قربت هي وقالت برسميه
ساره : تطلب ايه يا فندم
أسر : عايز اطلبك انتي وصدقيني المره دي مش بعاكس أنا عايز اطلبك بجد من باباكي
ساره : هوا انت مش بتزهق
أسر : انا ممكن ازهق من اي حاجه الا انتي ارجوكي اديني فرصه رقم باباكي بس
ساره فكرت بعدين قالت
ساره : تمام اتفضل
ادتله الرقم وجريت وهوا فضل يضحك زي المجنون والكل بيببصوله باستغراب
بليل البطل كان داخل البيت البطله خرجت من ورا الباب وقالت
ليلي : بخخخخ
مراد انتفض وقال
مراد : في ايه يا بنت المجنونه خضتيني
ليلي ضحكت ضحكه رنانه وقالت
ليلي : ما ده المطلوب يا معلم
مراد سرح في ضحكتها وقال
مراد : انتي بتعملي كده ليه
ليلي : بعمل ايه
مراد : ليه طلبتي الجواز وليه بتحاولي تقربي مني
ليلي : عادي بحاول اتاقلم
مراد : مظنش
ليلي : وليه متظنش
مراد : لان قلبي كان هيحس لاكن قلبي بيقولي انك بتعملي كده علشان بتحبيني او تخليني احبك
ليلي بصتله بتوتر وقالت
ليلي : يمكن
مراد : يمكن ! يعني انتي بتحبيني؟
ليلي جريت علي السلم طلعت الاوضه هربا من السؤال وهوا طلع وراها
ليلي : هوا انت ليه متجوزتش
مراد : عادي
ليلي : لا مش عادي انت شكلك معقد من الستات مش كده
مراد بضيق
مراد : متفتحيش الموضوع ده ارجوكي
ليلي : أنا بقيت مراتك المفروض تقولي كل حاجه عنك
مراد : لما تقوليلي انتي الاول قصدك ايه بأن كان في حد بيتحرش بيكي
ليلي : جوز امي كان دايما بيحاول يتعدا حدودو معايا
مراد : يا ابن ال......... اقسم بالله لهقتله
ليلي : بلاش عشان امي هوا خلاص ماضي وراح قولي أنت بقي
مراد اتنهد وقال
مراد : وانا صغير ابويا كان دايما بيسافر فا في مره كنت راجع من المدرسه وانا لسا عندي ١١ سنه لقيت امي مع واحد غريب في شقتنا كانت بتخون ابويا
مراد حط ايده علي عينه يمسح دموعه ليلي قربت منه وحضنته هي اتصدمت بكل الي عاشه
مراد : من ساعتها وانا مش قادر احب اي ست عشان كده متجوزتش وانتي لما غلطتي فيا طلعت فيكي كرهي للستات كلهم أنا آسف اسف اوي يا ليلي أنا قلبي اول مره يتفتح لوحده أنا حبيتك يا ليلي حبيتك حبيتك من ساعت تعبك اول مره ساعتها حسيت اني خايف عليكي اوي بس كنت غبي لما رجعت اذايكي تاني
أنا عارف انك مش بتحبيني ومش هتسامحيني بس يكفيني أني قدرت افتح قلبي واتخطي بعد سنين كتير اوي وانا مش هغصبك عليا لو مش عايزاني هطلقك
ليلي سبته وقالت
ليلي نكمل كلامنا بعدين
خرجت من الاوضه وراحت اوضه تانيه وانهارت جواها كلام كتير عايزه تسامحه وتبدأ معاه صفحه جديده لاكن بردو مش قادره هوا اذاها كتير سمعت صوت الجرز نزلت تشوف مين علي الباب فتحت ولقته أسر
ليلي : اتفضل
أسر : انتي كنتي بتعيطي ؟
ليلي : لا بعدين وانت مالك اتفضل من غير كلام كتير
أسر : ايوه ما أنا أصلي باجي اتهزق هنا فين مراد
مراد من فوق
مراد : نزلك يا أسر ادخل المكتب وانا جاي
أسر دخل المكتب ومراد نزل مسك ايد ليلي وقال بصرامه
مراد : متكتريش مع أسر تاني مادام انتي لسا مراتي
مراد دخل المكتب وهي ابتسمت بتلقائية وقالت
ليلي : غيران عليا
في المكتب قعد مراد وقال
مراد :خير يا أسر
أسر : وقفت تديني رقم باباها
مراد : مين دي ورقم ايه
أسر : أنا قررت اني مش هلعب تاني وهتجوز بقي وهستقر وطلبت منها رقم باباها عشان اتقدم ووقفت
مراد ابتسم وقال
مراد : الف الف مبروك يا صحبي
أسر : مقولتليش انت بقي جواز ايه ده
مراد : حوار كده المهم اني اتجوزت وخلاص
أسر : يعني طلعت بتمثل عليا ومبطقش الستات وبتاع وانت اصلا اتجوزت ده انت خبيث اوي يالا
مراد : المهم كلمت ابو البنت
أسر : لسا هكلمو قدامك عشان تعرف المعاد وتيجي معايا انت ومراتك
مراد : ونيجي ليه يا بني هوا احنا الي هنتجوز
أسر : اروح لوحدي يعني مانت عارف ان ابويا وامي ميتين
مراد : خلاص يا عم هتزفت اجي
أسر : انت ومراتك عايز احس اني داخل بعيله
مراد : حاضر اتصل يلا
أسر اتصل
أسر : السلام عليكم ورحمه الله وبركاته
.... : وعليكم السلام ورحمه الله وبركاته مين معايا
أسر : أنا أسر المهدي كنت عايز اجي اتقدم لبنت حضرتك
.... : وانت جبت رقمي منين يا بني
أسر بتوتر
أسر : الصراحه من بنت حضرتك
.... : تمام يا بني تقدر تشرفنا يوم الجمعه الجايه
أسر قفل وقام يرقص رقصه مجنونه انهار مراد ضحك علي أثرها
تاني يوم صحيت ليلي لقت مراد قاعد جمبها سرحان في ملامحها
ليلي : أنا حلوه لدرجاتي
مراد : اويي
ليلي بخجل
ليلي : طيب انا قررت اديك فرصه تانيه لاني مش قدامي حاجه غير كده انا معدش ليا حد غيرك ومادام قادره اسامحك هحاول بس انت بقي ساعدني علي ده
مراد حضنها بفرحه وقال
مراد : اكيد اكيد شكرا اوي يا ليلي
ليلي : عشان اسامحك أنا هخليك تعمل حجات مكنتش تتخيل انك تعملها في يوم هاا
مراد : كل حاجه هتطلبيها هعملها فورا
ليلي : لما يجيلي مزاجي هقولك
مراد قام وراح الشغل وهي فضلت طول اليوم تفكر هتعمل فيه ايه بليل دخل البطل البيت بص لقي الڤيلا مليانه بالطين والبطله وقفه في نصها وجمبها اعدادات النضافه
مراد : هييي ايه ده مين عمل فيها كده
ليلي : أنا يا حبيبي اصل اول طلب جيه في بالي انك تنضف الڤيلا تنضيفه حلوه زيك تمام ولا ايه
مراد بص باستسلام وقال
مراد : حاضر
مراد بدأ ينضف الڤيلا والبطله تضحك لحد ما اتزحلقت في المايه الي علي الارض
مراد : هههههههه تستاهلي
ليلي : ااهه تعالي حتي شدني مش قادره اقوم
مراد قرب ومسك ايديها راحت موقعاه جمبها
مراد : ااااه منك لله
ليلي : هههه عشان تضحك عليا تاني
كملوا نضافه الڤيلا سوا وتأني يوم كان يوم الجمعه كانوا واقفين قدام بيت ساره
طلعوا وخبطو وأبو ساره فتحلهم الباب
.... : اهلا وسهلا نورتونا
مراد : ده نورك يا حج
ليلي : امال فين العروسه
بعد ثواني خرجت ساره بالعصير وليلي ومراد بصولها بصدمه ليلي قامت حضنتها باشتياق
ليلي : ساره وحشتيني اوي
ساره باستغراب
ساره : انتي اكتر كنتي فين الفتره الي فاتت دي
مراد بص لأسر بتوعد لأنه مقلوش مين العروسه
.... : انتو تعرفو بعض يا ساره
ساره : ايوه يا بابا دي صحبتي
باباها تفهم وهي قعدت وقال مراد
مراد : احنا طبعا جايين نطلب ايد الانسه ساره لأسر
.... : اعذرني يا بني في السؤال بس استاذ أسر شكله كبير شويه هوا انت عندك كام سنه يا أسر يا بني
أسر بتوتر وأحراج
أسر : ٣٨ سنه
ابو ساره اتصدم لأن فرق السن كبير
..... :تعالي معايا يا ساره يا بنتي عن اذنكم لحظه
ساره وباباها مشيو بعيد عنهم ومراد قال
مراد : مقولتش ليه أنها نفس البنت
أسر بضيق
أسر : مجتش فرصه
ليلي حست بيه وقالت
ليلي : خلاص يا مراد عادي
عند ساره باباها قال
.... : انتي كنتي عارفه بفرق السن ده
ساره : ايوه بعدين المشكله مش فرق السن السن مش حاجه تعيبه عادي
.... : يعني انتي مواقفه فرق السن مش عملك مشكله
ساره : لا يا بابا عادي
رجعوا تاني وقال أبو ساره
.... : طيب يا ابني اقعدو مع بعض ولو لقيت القبول هنتفق علي كل حاجه
مراد وليلي قامو مع ابو ساره راحو يقعدو في مكان تاني في البيت وأسر وساره بصوا لبعض بخجل
أسر : باباكي مش موافق
ساره : لا هوا كل الي يهمه سعدتي انا لما قولتله أن فرق السن عادي قالي ماشي
أسر : يعني فرق السن عادي بالنسبالك مش هيعملك مشكله بعدين أنا لحد الان معرفش حتي سنك بس واضح أن اصغر كتير مني
ساره : أنا عندي ٢٤ فرق السن كبير لاكن عادي ميهمنيش
أسر : تمام في أي حاجه عايزه تستفسري عنها
ساره : كل الي عايزه اقولو ان الي كنت بتعمله قبل كده ينتهي بعد دخولي حياتك
أسر : اكيد اصلا من ساعت ما شوفتك وانا مبفكرش غير فيكي
ساره : تمام انت عايز تسالني عن حاجه
أسر : لا
ساره نادت باباها وبداو يتفقو واتفقو أن الخطوبه تبقي بعد شهر
وبعد شويه استأذنو وقبل ما يمشو قالت ساره
ساره : ليلي ابقي كلميني فهميني ايه الي حصل
ليلي :حاضر
في الڤيلا كان مراد ممدد علي السرير جت ليلي وقعدت جمبه وهوا قال
مراد : هااا سامحتيني
ليلي : لسا هسامحك لما تعملي فرح كبير اوي
مراد : انتي جيتي في جمل من عيوني
ليلي : فرحنا يبقي بعد شهر مع خطوبه ساره وأسر تمام
مراد : وانا لسا هستني شهر
ليلي : تستني متستناش ليه
مراد : اوفف حاضر
بعد شهر وقبل الفرح بيومين دخلت البطله المكتب علي البطل وقالت بهدوء
ليلي : مراد أنا عايزه اروح ازور امي
مراد : ليه
ليلي : عايزه اعرفهم ان حياتي اتصلحت بعد ما بعدت عنهم صحيح مش علطول واتعذبت شويه بس اهو
مراد ابتسم وقال
مراد : لسا بردو قلبك مصفيش
ليلي قربت وطبعت قبله علي خده وقالت
ليلي : لا طبعا أنا سامحتك من بدري ممكن تقول كده من ساعت لما عرفت مبرر ده كله
مراد : امال ايه العذاب الي عذبتهولي ده يا شيخه
ليلي : قرصه ودن ها هتوديني
مراد : تمام روحي البسي وتعالي
بعد شويه كانت واقفه ليلي هي ومراد قدام بيتها ليلي بصت للبيت بحزن ودخلت خبطت وامها فتحت
سها : ليلي !
ليلي : اه ليلي ايه فكرتي اني مت من زمان ولا ايه
ليلي دخلت لوحدها
ليلي : امال فين رؤوف
سها : رؤوف جوا نايم بعد ما باعك بيوم عمل حادثه ومبقاش قادر يمشي
ليلي بصتلها بأسف
ليلي : شوفي رغم كل الي عملتوه فيا صعبتو عليا أنا دلوقتي اتجوزت ودخلتي بعد يومين وخلاص ربنا فتحها عليا لو عوزتو مني اي حاجه ابقي كلميني علي الرقم ده سلام يا امي أنا كنت جايه بس اقولك أن أنا اخيرا ربنا عوضني بعد ما بعدت عنكم
ليلي خرجت ودموعها نزلت
مراد : في ايه
ليلي حكتله وهوا خدها في حضنه وركبه العربيه ومشيوا ويوم الفرح دخلوا ساره وأسر الاول القاعه وكانت ساره لابسه بفستان سمبل باللون الفضي بعديهم دخل ليلي ومراد الي كانت لابسه فستان منفوش لونه ابيض بدا كل كابل يرقص سوا علي اغنيه رومانسيه
مراد : شكلك حلو اوي النهارده عايز اخبيكي في حضني من عيون الناس
ليلي بخجل
ليلي : شكرا .... بحبك
مراد : ايه
ليلي : ب.ح.بك
مراد شلها ودار بيها
أسر : هههه يا ابن المجنونه
ساره : لا مانت هتعمل زيه كده ساعت فرحنا
أسر : وانتي شايفه جسمي يستحمل
ساره بصتله برفعه حاجب
ساره : قصدك اني تخينه
أسر : لا يا حبيبتي انا الي جسمي ضعيف بس اهدي اهدي اعوذ بالله من الشيطان الرجيم
ساره : هههه ايوه كده كش
أسر : بس ايه الحلاوه دي
ساره بخجل
ساره : احترم نفسك
أسر : اموت في الخدود الحمره
ساره داست علي رجله من الكسوف
أسر : ااااه خلاص خلاص
وبعد ٧ سنين كانوا الابطال قاعدين علي الرمله علي البحر
ليلي : لينا خلي بالك من الأطفال
لينا : حاضي يا ماما
أسر : البت بنتك دي عايزه تتاكل
مراد : ولا
أسر : هوا انا بعاكس مراتك أنا بقولك بنتك
مراد : ملكش دعوه لا بدي ولا بدي
أسر : بس يا حبيبي ده انا هجوزها لابني الي اصغر منها بسنتين ده
ساره : ههه انت كده هتجيب للواد عقده
ليلي : لا ليه عادي دول كلهم سنتين
أسر : دي الي بتفهم
مراد : انت عايز تضرب مش كده
أسر : خلاص يا عم مش موجه كلام ليهم تاني .... بس بردو ليلي بتفهم
مراد قام وجري ورا أسر وليلي وساره بيضحكو علي منظرهم وتوته توته خلصت الحدوته