طفله بين احضان الثلاثينى

الكـاتبتين: 

_ملك محـرم.    _ࢪيــناد محمد

•♡•♡•♡•♡•♡•♡•♡•♡•♡•♡•♡•♡•♡•♡•♡•♡•♡•

تبتدي قصتنا بعمار الى كان 

 واقف في ممر مستشفى العسكريه لابس بدلته ومضايق من جوا قلبه، بيبص على الباب اللي مكتوب عليه "العناية المركزة"

عمار همس لي نفسه: يا رب يكون بخير.. يا رب يطلع سليم يارب متحرمنيش منه انت عارف معزتوا في قلبي قد ايه و انه كان ليا الاب و الاخ و السند مش مجرد اللواء بتاعي يارب قومو لينا بالسلامه..

 

قربت عليه الممرضه و هي بتجري 

الممرضه: حضرتك النقيب عمار صح؟ 

عمار: أيوه انا النقيب عمار.. خير في حاجه 

الممرضه: اللواء شريف مستنيك من بدري.. حالته مش مستقرة.. و تعبان جدا بس قال ليا لو مجاش عمار ما يدخلش حد تاني ولا حد يزورو ابدا غيرك.. 

عمار: طب طمنيني.. هوا عامل اى و حالته اتحسنت اكتر من الاول ولا لا؟ وبرضوا هوا قال عاوزنى ف اى ولا لا؟ 

الممرض: بيطلع في الروح حرفيا الحقو قبل ما يحصلو حاجه انا مش عارفه هو عاوز ايه من حضرتك بصراحه

عمار عض على شفايفو بخوف من الي هيحصل 

عمار: طيب خاضر انا هدخل ليه حالا.. 

الممرضه: اتفضل ادخل بس قبل ما تدخل تعالي معايا اوضه التعقيم عشان اعقمك مينفعش تدخل كدا ل يحصل ليه حاجه او ينتقل ليه اى فيروس لقدر الله

عمار: تمام ماشى يلا بينا

قال كدا وراح مع الممرضه الى عقمتو 

عمار دخل الأوضة، النور خافت، واللواء شريف على السرير، ووشه أصفر، عينه مفتوحة بس تعبانة، بيشاور له بإيده الضعيفة

اللواء شريف: تعالى جنبي يا عمار.. تعالى يا حبييب عاوزك ف حاجه مهمه

عمار بيقرب ويمسك إيده: أنا جمبك يا فندم.. أنا جيت اهو متتعبش نفسك و تتكلم اكتر من كداا علشان ميحصلش ليك اى مضاعفات

اللواء شريف: كنت عارف إنك هتيجي.. كنت عارف.. أنت راجل ابن راجل يا عمار و واثق فيك وعارف انك هتلبيلى طلبى و مش هتكسفنى

عمار استغرب من كلامه بس معلقش: ألف سلامة عليك يا فندم..و حاول يكمل بهزار ما انا تربيتك بردو يا باشا.. اطلب ونا عيونى ليك ولو فيها روحى هعمل ليك الى تطلبوا

اللواء شريف: و انا فخور جدااا ان دي تربيتي المهم يا ابني عاوزك في موضوع 

عمار: اتفضل انا تحت امرك يا شريف باشا زى م قولت ليك عيونى ليك و لو فيها روحى هعمل الى تطلبوا

اللواء شريف: بص يا عمار.. أنا ماطلبتش حد غيرك.. لأنك الوحيد اللي أقدر أسيب له ضهري وأنا مغمض عنيا و اموت ونا مستريح انو يكمل المسيره من بعدى

عمار: تحت أمرك في أي حاجة يا فندم.. قولي بس انت عاوز ايه ونا انفذهولك

اللواء شريف: أنا ماعنديش حد غيرها و خايف اسيبها في الدنيا دي وحديه وانا مليش حد عايش و امها زي ما انت عارف معندهاش قرايب 

عمار: مين؟.. حضرتك بتتكلم عن مين يفندم؟ 

اللواء شريف: . ريفال.. ريفال بنتي 

عمار انصدم لي لحظات: حضرتك عندك بنت اول مره اعرف الصراحه لان حضرتك مجبتش سيره نهائي  

اللواء شريف: عندي ريفال... بنتي من مراتي الله يرحمها.. ماتت من 6 سنين.. وساعتها أنا بقيت أبوها وأمها وكل الناس ليها

عمار: ربنا يرحمها ويصبرك يارب ويجعل مثواها الجنه ويغفر ليها

اللواء شريف: اللهم آمين يارب العالمين.. أنا كتمت وجودها عن الدنيا كلها علشان أحميها.. علشان محدش يلمسها ولا يضايقها.. كنت بشتغل وأنزلها مدرسة خاصه ومعاها مربيه.. ومافيش حد يعرف عنها اى حاجه خالص من خوفى عليها ل تضيع منى زى امها.. 

عمار: طيب.. وإيه المطلوب مني ونا هعملو ل حضرتك؟

اللواء شريف: تاخدها تعيش معاك لو حصلي حاجه انا مش ضامن حياتي..غير كدا انا واثق فيك 

عمار  بيرجع خطوه ل ورا و قال بصدمه: ايه اخدها.. انت عارف انت بتقول اى يفندم؟!! 

اللواء شريف: ايوا عارف ي ابنى انا بقول اى.. تاخدها وتخلي بالك منها.. زي ما تخاف على أختك.. ولا حتى بنتك

عمار: يا فندم.. حضرتك عارف أنا شاب.. عايش أنا وأمي.. ماعنديش حتى إخوات بنات يقعدو معاها ..و مش هينفع خالص الى حضرتك بتقولو دا.. 

اللواء شريف: ماعنديش غيرك.. مافيش خال.. ولا عم.. ولا خاله.. ولا جارة حتى.. أنا كنت فاضي من جوه إلا ليها

عمار: يا فندم.. المجتمع ما بيرحمش.. وهنقول إيه؟ وهتعيش فين؟ و الناس هتتكلم عليها و تقول ايه.. الناس هتاكل وشها حرفيا ومش هتتعافى من كلام الناس! 

اللواء شريف: هتعيش في بيتك.. ومع أمك.. وهتعاملها على إنها أختك مش حاجه تاني.. انا زى م قولت ليك واثق فيك يا عمار وانك راجل قد المسؤوليه ومش هتخذلنى

عمار: طيب لما تكبر؟ لما يبقى عندها 18 مثلا.. الناس هتقول إيه؟..

اللواء شريف: لما تكبر ساعتها يبقى ربنا يفرجها.. بس دلوقتي أنا بموت.. ومش هرتاح وأنا سايبها لوحدها ارجوك حققلي امنيتي.. 

عمار ساكت شوية وبعدين قال بصوت واطي: 

أنا ماقدرش أقول لا.. الراجل بيموت.. بس خايف أظلمها.. خايف أكون مش مناسب لي تربيتها و انا عربيها ذي ما بباها رباني و خلا بالو مني كل السنين دى بعد وفاه ابويا.. 

اللواء شريف: أنت أنسب واحد.. قلبك أبيض..وراجل بجد.. وعارف ربنا.. وعارف الصح من الغلط قولت ايه 

عمار: طب وهي عارفه انت حضرتك ناوى على اى او عاوز تعمل؟

اللواء شريف: لا.. بس هتعرف.. وهتفهم بعدين انا عملت كدا ليه.. هتعرف انى كنت خايف عليها من قسوه الدنيا دى.. 

عمار: طيب.. هدور لها على مكان آمن تعيش فيه.. وهخيلى الداده بتاعتها تيجى تعيش معاها وتاخد بالها منها زى م كانت عايشه مع حضرتك.. 

اللواء شريف: لا.. عيشوا سوا.. البيت واسع.. وأمك قلبها كبير.. وأنا واثق فيها قبلك.. وانها هتعتبرها بنتها قبل م تكون بنت اللوا

عمار بيتنهد تنهيده طويله و بيقول: حاضر يا فندم الى حضرتك محتاجه كلو انا هعملهولك.. ريح نفسك بس و متتكلمش كتير علشان متتعبش

اللواء شريف: أوعدني اوعدنى يا عمار انك تحافظ عليها اكتر من نفسك.. حافظ عليها يا عمار دى وصيتى الاولى و الاخيره ليك

عمار: أوعدك.. 

اللواء شريف: ربنا يكرمك يا بني.. ويجعلها في ميزان حسناتك يارب و تحقق كل الى نفسك فيه. 

و فجأة الاجهزة بدات تصفرر و راحت الروح لي الي خالقها.. 

عمار بعياط: لا لاا قوم كداا مش هينفع تموت مش هينفع خاالص.. قوم يا ابوياا.. قووم يا سياده اللواء.. متسبنيش! 

فضل يعيط و يتوسل ليه انه يقوم بس بلا فايده لحد... ما دخل الدكتور و الممرضه وبدأو يكشفوا عليه.. 

الدكتور: البقاء والوام لله..ان لله وان اليه لراجعون.. المريض اتوفى.. 

قال كدا و طلع من الاوضه هو و الممرضه و عمار فضل يعيط وهوا مش مصدق انو فعلا راح ل الى خلقوا.. 

بعد ساعات خلص عمار ورق الدفن و راحو دفنو شريف تحت عياط ريفال بنتو الهستيري والى كانت منهاره جدا من العياط

، راح عمار عند ريفال الى كانت قاعده على الكرسي اللي برا، لابسه هدوم سودا، وشها أبيض وناعم بس باين عليه الكسرة و اثار العياط

عمار: يلا يا ريفال تعالى معايا.. 

ريفال بصت له بعين حزينة ومش بترد

عمار: أنا عارف إنك مش فاهمه حاجة دلوقتي.. بس هتفهمي بعدين ان باباكى عمل كدا لمصلحتك وانو بيحبك جدا.. أنا مش هسيبك لوحدك ابدا يلا بينا.. تعالى معايا

ريفال بخوف: انت.. انت.. انت مين، وعاوز منى اى انا مش عارفاك.. 

عمار: انا عمار يا ستي يعتبر كداا صاحب ولدك الله يرحمه و انا عارف اني انتي ملكيش حد فا هتيجي و تعيشي معايا ف البيت انا و ماما ثريا

ريفال: طب طب وحياتي و دراستي هسيبها واجي معاك و اضيع مستقبلي وكل حاجه ب اسعى ليها علشان اوصلها؟؟ 

عمار: متخافيش كل حاجه هتفضل زي ما هيا بس البيت بس الى هيتغير يلا بقي بينا على العربيه علشان منتأخرش

ريفال بوجع حاولت تمسك دموعها: تمام يلا بينا 

قالت كدا وراحت ركبت العربيه و هو بدا يسوق 

بعد ساعه وصلو عند البيت و نزلو 

بصت ريفال لي البيت بانبهار لانه فعلا كان جميلل جداا و دخلو 

في بيت عمار،، اكانت ثريا قاعدة في الصاله بتشرب شاي. بتسمع المسلسل فجاة سمعت صوت الباب بيتقتح

الأم: عمار الى جه صح

عمار: أيوه يا ماما.. مين غيرى هيتجرأ ويفتح كدا يعنى من غير م يخبط ع الباب 

راحت ثريا عنده

ثريا: الله.. مين البنت الحلووه دي.. باين عليها بنت ناس

ابتسمت ريفال رغم زعلها على كلامها

عمار:اسكتي يا ماما يا حبيبتي ادخلي الاوضه يا ريفو دلوقتي و ريحي شويه وبعدين لما تصحى نشوف هنعمل اى

ريفال: بابا كان بيقولي ريفو على طول.. انا بحب الاسم دا اوى

عمار: ربنا يرحمه يارب ويغفر ليه.. ماما وديها اوضتها اذا سمحتى يعنى

ثريا: ماشي يا حبييي حاضر.. يلا يا حبييتي اوديكى ل اوضتك الجديده

قالت كدا و و ريفال مشيت معاها لحد مل وصلت عند الاوضه و دخلتها ورجعتت لي عمار تفهم منه و ريفال بدات تظبط الاوضه و ترص لبسها 

عند ثريا كانت واقفه قصاد عمار

ثريا:ها بقي يا عمار فهمني مين البنت دي وجايبها تقعد معانا يومين ولا اى النظام؟ 

عمار:ادخلي على الاوضه و انا جي وراكي يا امي علشان مينفعش نتكلم هنا  لان الموضوع مهم

الأم: يا نهار أبيض.. في إيه هو الموضوع خطير ل درجت اننا ندخل الاوضه كدا

عمار: ادخلي بس الاول وهدخلك انا دلوقتي و افهمك كل حاجه 

ثريا  دخلت الأوضة و هي عاوزة تعرف مين البنت دي و مستنيه عمار على نار احر من الجمر 

في الأوضة

دخل عمار الاوضه و جريت عليه ثريا 

الأم: عمار مين البنت دي؟ شكلها مكسورة و حزبن و العياط باين عليها 

عمار: دي ريفال يا ماما.. انتى متعرفيهاش لسه ولا سمعتى عنها

الأم: مين ريفال؟

عمار: بنت اللواء شريف الله يرحمه ويغفر ليه

الأم: الله يرحمه..بس مات امتى كان راجل طيب.. واصلا هوا معندهوش بنات ازاى ريفال ظهرت دلوقتى؟ 

عمار: مات..مات في حضني يا ماما قلبي واجعني اوي عليه هو كان بالنسبالي بابا الله يرحمه بس انا هربي بنتو احسن ترببه وي ما رباني لحد ما كبرت كدا.. لان هوا وصانى قبل م يموت انى اخليها تعيش معانا واربيها احسن تربيه واحافظ عليها من نفسى قبل الناس.. 

الأم: لا حول ولا قوة إلا بالله.. ربنا يكون ف عونك يا بنتى.. صعبانه عليا اوى

عمار: بس قبل ما يموت وصاني آخد بالي منها.. ماعندهاش حد غيرو و قرايبهم. كلهم متوافيين 

الأم: تاخد بالك منها إزاي يعني يا حبيبى.. 

عمار:زى م قولت ليكى.. تعيش معانا يا ماما و نرببها لحد ما تكبر.. 

الأم: إيه...ازاى با حبيبى انت شاب و هي مشاءالله عليها بنت زى القمر.. 

عمار: ماما.. احنا ناس محترمين.. ومش هينفع نسيب بنت صغيرة لوحدها و كمان بنت الراجل الى ربانر واخد بالو مننا بعد وفاة بابا الله يرحمه 

الأم: والناس هنقولهم ايه.. الناس هياكلو وشنا ي ابنى

عمار: هنقول بنت صاحب ابويا.. بنت أخوه.. أي حاجة.. بس مش هنكسرها و نسبها لوحدها.. غير كدا انا وعدت عمى شريف الله يرحمه

الأم: طب وهي؟

عمار

: مش عارفه انا من ساعه ماشوفتها و هي حزينه و عمال تعيط 

الأم: طيب.. ماشى يا ابنى

شويه وراحت ثريا ل اوضه ريفال

الأم: عامله اى يا حبيبتي.. جعانه اجبلك اكل شكلك هفتان اوي و وشك اصفر كإنهم بياكلو اكلك

ريفال تهز راسها بالنفي

الأم: بتحبي البطاطس؟ ولا النودلز انا عارفه اكيد بتحبي النودلز مفيش مخلوق على وش الارض مش بيحبوا.. تعرفى الواد عمار ابنى.. لما بكون زعلانه منو بعمل سمك علشان مش بيحبوا ك عند فيه.. ف يتغاظ و يروح يجيب النوظلز او الاندومى وياكل ويقعد يقول ليا انو مهما ياكل منها عمروا م يزهق ابدا.. 

ريفال بصت لها بس من غير كلام لانها حرفيا مش عارفه تتكلم 

الأم: طيب بتحبي تلوني و ترسمي 

ريفال بصت شوية ليها و بعدين بصت على الأرض

الأم: عمار لما كان صغير كان بيرسم علي الحيط.. وكنت أضربه وأضحك في نفس الوقت لانه ايه يا بت كان بيرسم رسم وحش اوي.. وساعات كان في رسم بيخلينى اخاف منو.. تحسى ان مش بنى آدم الى بيرسم.. دا عفريت

ريفال ابتسمت بخفه 

الأم: كده.. كده تمام.. بس عايزاكي تضحكي أكتر يا حبيبتي مش هينفع كدا 

عمارمن بعيد بصوت هادي: ريفال انتي هنا في امان متخافيش.. متخافيش طول م انتى ف البيت دا

ريفال: ممكن لو سمحتي تطلعي عاوزة انام.. دا بعد اذن حضرتك يعنى

ثريا: ماشي يا حبيبتي.. هطلع اهو و اسيبك على راحتك

قالت كدا و طلعت وقفلت الباب وراها

بعد كام يوم، بدأ الروتين الجديد يتشكل

عمار كان بيصحى بدري، ويشوف جدول مواعيدها، و يوديها على مدرستها و دروسها وثريا بتحضر الفطار وتوصي عليها

وكل يوم، بيقربوا منها أكتر، وكل يوم الكسرة في قلبها بتخف سنة بسيطة

بس جوه عمار.. كان في خوف تاني..

خوف من المستقبل

خوف من كلام الناس

وخوف من اليوم اللي ريفال هتبصله ب عين تانيه. 

بعد مروور 4 سنين.. الاحوال اختلفت وخلصت ريفال مرحله الثانويه العامه وبقت ف اولى كليه.. كليه هندسه.. 

كانت واقفه ريفال قصاد الجامعه بتاعتها و مستنيا عمار و كانت وقفه معاها ريم صحبتها

ريم: يا بنتي تعالي معايه اوصلك بعربيتي و خلاص دا شكلو هيأخر

ريفال: لا استني بس دا انا لو مشيت مع حد غيرو يموتني فيها 

ريم: يخربيت كدااا.. دا انتى بقالك اربع سنين بحالهم بتستنيه بالشكل دا

جات عليهم وحده اسمها رنا قالت رنا بعنجهيه: الله صح يا ريفو فين مامتك و بباكي و اهلك مش بشوفهم يعني 

ريفال: حاجه متخصكيش. 

رنا: قولي بس لحسن انا عندي ليهم مفاجأة انماا ايه تحفه التوحفه.. 

ريم ببجاحه: ما خلاص يا حلتها قالتلك ميخصكيش انتي هتسوقي فيها ولا اييهه ما تلمي نفسك كدا و عدي الدور

رنا: مكلمتكيش انتي يا روحي.. محدش حشر الجموسه ف قلب البسبوسه

راحت ريم عندها و شدتها من شعرها

ريم: بقي انا تقوليلي كدا يا كللب البحر انتي انا جموسه يا شعر عيره يا لون خميره يا رد الرد يا مسطبه؟؟ 

فصلت تصربها لحد ما الكليه كلها اتلمت و حشوهاا 

ريفال: خلاص اهدي كدا.. انتر فضحتينا

ربم: بنت وسخه ربنا ياخدها و ارتاح منهاا.. دا اى البجاحه بتاع امها دى

جه عليهم عمار في الوقت دا 

عمار: ها اخرت عليكي ولا حاجه؟ 

ريفال:لا متأخرتش ولا حاجه انا كدا كدا لسه...

 كانت لسه هتكمل لكن ريم قطعتها

ريم: اه اخرتت دي واقفه بقالهاا ساعه

عمار بستغراب: مين دي اصلا يا ريفو انا مش عارفها

ريفال: دا دي ريم صحبتي.. 

عمار: تمام يلا بينا ع البيت

ريفال: ماشي باي يا ريموو 

ريم: باي يختي اشوفك بكره

سابتها ريفال و راحت ركبت العربيه جنب عمار

عمار: ها بقي يومك كان عامل ازاي النهردا

ريفال:عادي زي كل يووم.. مفيش اى حاجه جديده

عمار: اممم حد ضايقك ولا عملك حاجه

ريفال: ههههه ما انت مخلي الكليه كلها تخاف تقرب مني متخفش محدش ضايقني

عمار: حلو كدا بس قوليلي بجد في حاجه مزعلاكي حاسس كدا

ريفال: اه

عمار وقف العربيه و بصلها بهتمام: ايه بقي الي مزعل ريفوو حبيبتى ونا اموتهولك.. 

ريفال: حبيبتك!!؟؟ 

عمار: هاا لا متخديش في بالك قولي ايه بس الي زعلك

ريفال بدات تحكيلو على الي حصل معاها 

ريفال: بس كدا

عمار بغضب جحيمي: طب و حيات امي م هرحمها.. هخليها تبكى بدل الدموع دم

ريفال: اهدي كدا بس ريم عملت معاها الواجب و زياده 

عمار: و انتي ازاي تسكوتيلها كدا هااااا

ريفال: لا والله رديت اهدي انت كدا بس يا وحش 

بدا عمار انه يهدا شويه بشويه

و فضلوا يتكلموا في مواضيع مختلفه لحد ما وصلو عند البيت 

ريفال وهي بتضحك:

بصراحة اول مرة  بتتكلم كتير معايه  بس دمك خفيف.

عمار فتح باب العربية ونزل:

ده أنا لسه مستخدمتش كل الرصيد، استني لما تصحي تاني يوم هتلاقيني بتكلم في منامك.

ريفال نزلت وهي ماسكة هدومها على إيدها:

بس بجد شكراً… نسيت اللي حصل النهاردة وانت معايا.

عمار مشي جمبها: هو دا المطلوب دا انا وصيت الغالي يا بنت الغالى

ابتسمتلو ريفال بحب و بعدين دخلو على البيت 

ثريا: اخيراا جيتوو انا مستنياكم من بدري 

عمار: معلش يا ماما كان عندي شغل كتير النهردا 

ثريا.: خلاص عادي يا حبيبي ادخلو غيرو هدومكم و تعالو ناكل

ريفال و عمار في صوت واحد: ماشي يا ماما 

ريفال: ايه يا عم متخليني اتكلم

عمار: هو انا منعتك عن الكلام يحبيبتي

ريفال: انا داخله اغير و هطلع حالا و ارد عليك بقي

قالت كدا و طلعت تجري على الاوضه و قفلت عليها الباب و بدأت تغير و دخل عمار اوضه بردو و غير هدومه 

بعد شويه طلعو هما الاتنين من الاوضه و قعدو على السفرة

عمار بحده: ايه دا

ريفال: ايه في حاجه 

عمار بنفاز صبر: ايه البجامه المفتوحه اوي دي يا ريفال انتى مش واخده بالك من الى لابساه؟!؟ 

ريفال: هي كدا مفتوحه؟! 

عمار: اه يا هانم يا محترمه ادخلي غيريها بسرعه و تعالي

ريفال باحراج: حاضر

قالت كدا و راحت على اوضتها عشان تغير هدومها

ثريا: مكنش ينفع تتكلم كدا معاها يا عمار 

عمار: انتي مكنتيش شايفه البجامه عامله ازاي يا ماما

ثريا: خلاص يا حبيبي اهدا كدا مكانتش غلطه يعنى

بعد دقايق طلعت ريفال من الاوضه و قعدت جنبهم 

ريفال: حلوة دي يا عمار

عمار: اه كدا حلوة و ياريت متلبسيش التانيه دي تاني

ريفال: حاضر مش هلبسها تانى

خلصو اكل كلهم 

ريفال: تصبحو على خير بقي هدخل انام لحسن هموت على نفسي من النعس

عمار: خديني معاكي 

ثريا: يعني انا هقعد واحدي يلا بينا بقي كلنا على النوم

ضحكو كلهم و دخلو على اوضهم و راحو في نوم عمييق

تاني يوم صحيت ريفال و جهزت نفسها و راحت مع عمار على الجامعه

في العربيه

عمار: عاوزة حاجة يا ريفوو

ريفال: لا يا عموري عاوزة سلامتك بس 

عمار: بس ايه عاوزة فلوس

ريفال: لا لا مش حكايه فلوس اااا صحابي كلهن خارجين النهردة و عاوزة اخرج معاهم انت ايه رأيك

عمار: لا يا ريفال مفيش خروج مع صحابك

ريفال بتكشيرة: لا بقي يا عمار انا عاوزة اخرج معاهم كل شويه بيخرجو و انا مش بخرج معاهم

عمار: انتي مش هتسمعي كلامي ولا ايه يا ريفال

ريفال بحزن: مش كدا بس خلاص يا عمار مش عاوزة منك حاجه 

قالت كدا و نزلت من العربيه 

عمار: ريفال يا ريفال استني يا بت المجانين 

تجاهلت ريفال كلامه و دخلت على المحاضرة على طول

ريم: مالك يا وليه قالبه وشك مترين ليه كدا

ريفال: عماررر 

ريم: مالو سي عمار باشا

ريفال: مش راضي يخلينر اخرج مع الشله

ريم: ليه بقي ان شاء الله هو كل مره كدا بقي ولا ايه

ريفال: مش عارفه بقي انا زعقت

ريم: خلاص بس اهدي كدا و هقولك على حل 

ريفال: ها قولي بسرعه

ريم: بصي احتا بعد نا نخلص محاضراتنا هنخرج سوا ذي ما كنا متفقين 

ريفال: كب و عمار

ريم: اصبري و هو عييجي بقي الجامعه و يسأل عليكي و كدا و مش هيلاقيكي فا هيرن عليكي و انتي تقفلي موبايلك و بس كدا

ريفال: لا لا لا دا عنار يموتني

ريم: يقطعك انتي و سي عمار دا

ريفال: بس يا بت متغلطيش في 

ريم: يقطع الحب على الي يعمل في صاحبه كدا يا شيخه 

ريفال: ملكيش دعوه يا باردة انتي

ربم: طب هتعملي ايه دلوقتي 

ريفال: هبعتلو ماسج و هقفل الفون و هو كدت مش هيقلق عليا هو و ماما 

ريم: اشطا 

بعد انتهاء المحاضرة خرجت ريم و ريفال و بقيت اصحابهم و ركبو عربيه ريم. 

سها الى كانت راكبه معاهم: يلا يا ريفو ابعتي لي عمار الماسج ذي ما قولي

ريفال: انا خايفه 

ريم: انجزي يا بت بطلي جبن و خوف بقي

ريفال: اووف تمام 

قالت كدا و مسكت موبايلها و بدات تكتب لي عمار الرساله 

ريفال: احم بص بقي يا عمار يا حبيبي انا خرجت مع صحابي هشان زهقت من قعدت البيت و ايتك تدور عليا او ترن عليا مفهوم كوت لاك بقي يا بيبي 

قالت كدا و قفل الموبايل

ريفال: والله لو حصلي حاجه بسببكم لهموتكم انتو الاتنين

سها: انا مليش دعوه يختي دي ريم الى قالتلك على الفكرة 

ريم: خلاص قفلو على ام الموضوع دا و بعدين يا ريفو عمار مش هيعملك حاجه

ريفال: يارب يختي 

بدات ريم تسوق العربيه لحد ما وصلو عند المول و فضلو يلفو و يشوفو الى هما عاوزينو

عند عمار وقف بعربيتو قدام الجامعه و فضل مستني ريفال اكتر من ساعه بس مفيش حد طلع 

مسك عمار موبايلو و بدا يرن عليها بس بلا فايده شاف عمار اشعتر برساله من ساعه و نص دخل و قرا الرساله 

عمار بغضب جخيمي: ماشي يا ريفال الكلب و دين امي ما انا سايبك 

قال كدا و روخ على البيت فتح الباب لقا مامتو قاعده على التلفزيون كالعاده 

ثريا: يووو متلم يا واد قالب وشك ليه كدا و فين ريفال

عمار: الست هانم المحترمه قالتلي هخرج مع صحابي قولتلها لأ دلوقتي خرجت من الجامعه و راحت معاهم من غير ما تقولي و قفلت موبايلها 

ثريا: احم اهدا كدا با حبييي هي شويه كدا و تيجي

عمار: تيجي بس و انا هوريها انا داخل انام يا ماما ساعه كدا و صحيني تكون الهانم جات

ثريا:ماشي يا حبيبي ادخل ارتاح شويه بس 

دخل عمار اوضتو و راح في نوم عمييق 

عدت تلت ساعات و صحي عمار من النوم و طلع على الصاله 

عمار:فين ريفال يا ماما 

ثريا بتوتر:ها اااا لسه لسه مجتش

عمار:نعممممم لسه اييهه مجتتش

ثريا:اهدا كدا بس هتلاقيها داخله دلوقتي

عمار:و ديني ما انا راحمه الوسخه دا 

في الوقت دا دخلت ريفال و هي متوتر و خايفه

ريفال: طب ليه الغلط دا بس يا عموري

راح عمار عندها و مسكها من قفاهاا

عمار: بقي انا يا روح اممك تغفليني و متسمعيش كلامي اناااا 

ريفال: اهدا بس كدا الاول 

عمار: اهدا ايه بقي دا تصرف يا هانم يا محترمه

ثريا: خلاص سيبها يا عمار 

عمار: لا يا ماما و اسكوتي انتي 

ريفال: خلاص لسفه والله مش هعمل كدا تاني

عمار: بصي بقي من النهردة ولا تكلميني و لا كأنك تعرفيني و انسي بقي انك كنتي تعرفيني عشان متسمعيش كلامي تاني

ريفال بدموع: لا اهدا كداا والله مكنتش اقصد بس كنت عاوزة اخرج متعقبنيش كداا

عمار: انا قولت الي عندي و خلاص يا ريفال قال كدا و راح على اوضتو و هي راحت قعدت جنب ثريا

ريفال بحزن: اعمل ايه دلوقتي يا ماما

ثريا: تستاهلي عشان انتي غلطانه

ريفال: عارفه بس، والله كان نفسي اخرج بس

ثريا: سبي لما يهدا و بكرا يبقي صالحي

ريفال: خلاص ماشي انا داخله انام بقي عاوزة حاجة 

ثريا: مش تاكلي

ريفال: لا اكلت مع البنات

ثريا: بالف هنا يا حبيبتي 

ابتسمتلها ريفال بحب و دخلت اوضتها و غيرت خدومها و راحت نامت على السرير و فضلت تفكر تصالح عمار ازاي

نطت من على السرير و قالت بفرح 

ريفال: بس انا لقيتهاااا 

قالت كدا و رجعت كملت نومها تاني 

تاني يوم صحيت ريفال و حضرت نفسها و طلعت لقت عمار قاعد و بيشرب قهوي

ريفال: ايه مش هتوصلني 

عمار: ماما انا طالع و الى عاوز ييجي ييجي و الى مش عاوزة يبقي وفر

قال كدا و طلع ركب عربيتو من غير اي كلام 

ريفال: ماشي يا عمار الكلب عاوزة حاجه يا ماما 

ثريا: لا يا حبيبتي عاوزة سلامتك 

باستها ريفال على خدها و طلعت من البيت و ركبه العربيه جنب عمار

ريفال: افرد وشك مبخبش اشفوك كدا

عمار تجاهل كلامها و مردتش عليها

ريفال: يعني مش هترد

عمار: تعرفي تخرصي خااالص

ريفلل: لا معرفش و اعلي ما في خيلك اركبو بقي بس ها

عمار: ريفااااااااال 

ريفال: ايه يا اخي جبتلي صرع بصزتك دا

عمار: لمي نفسك و  عدي الدور

ريفال: حاضررررر يا عموري

فضلت تتكلم معاه و هو بيتجاهل كلامها كالعادة لحد ما وصلو عند الجامعه

عمار: اخيراااا

ريفال: بتقول ايه يا عمور

عمار: مش بقول اتنيلي انزلي

ريفال: احسب 

قالت كدا و لقحت عليه القزازة و نزلت 

ريفال: احسن عشان تتجاهل كلامي حلو 

قالت كدا و طلعت تجري

عمار و هو بيمسح الميا من على وشه: ماشي يا ريفال ماشي

عدا اليوم زى م هما متعودين و راح عمار جاب ريفال من الكليه ورجعوا على البيت.. 

كانت ثريا و ريفال ف المطبخ بتاخد  ميه علشان تشرب.. 

كانت ثريا بترتب حاجات ف التلاجه لاكن وقع منها ربطه خضار

ريفال: تفتكرى يا ماما اصالح استاذ غضبان ازاى؟ 

ثريا: والله يا بنتى م اعرف هوا ديما قفوش بالشكل دا 

فجأه وقع عينيها على ربطه الخضار.. 

ريفال: اوعاا.. جاتلى الفكره

ثريا: انتى لحقتى يبنتى.. طب اشجينى

ريفال: المثل بيقول متجيبيش الراجل الا من كرشوا.. لازم اختبر صحه المثل دا.. 

ثريا: تقصدى انك هتطبخى ل عمار

ريفال: ايوا طبعا.. وهعمل ليه مكارونه بالبشاميل كمان.. 

ثريا: طب اساعدك ف حاجه طب

ريفال: لالا مش عاوزه مساعده انا هعتمد على نفسى النهاردا وهجيب من على النت.. 

وبالفعل بدإت ريفال تعمل الاكل لاكن عمار خبط على باب البيت.. 

طلعت ريفال ريفال وعلى وشها دقيق وهمومها كلها متبهدله.. 

عمار اتفاجأ من شكلها وفتح ف هستيريه ضحك مستمره.. 

عمار: ههههههه.... انتى عامله اى ف نفسك يا مجنونه

رفعت ريفال حاجبها وقالت بإصرار: بطبخ علشان اصالح حضرتك.. بس هتدوق اكل اى.. طووحفييه

عمار بضحك: طوووحفييه؟؟.. انا كنت اسمع ان اسمها تحفه لاكن اول مره اسمع طوووحفييه دى.. انا عاوز اقولك انى طبيخ ف المطبخ

فالوقت دا حضرت ثريا ف المكان وحطت ايديها على خدها وقالت: طبيخ يا عمار؟؟.. يوكستى.. دا انت لو دخلت المطبخ بتعمل مصايب

عمار: يماما ك نثقى فيا شويه.. انتى كدا بتقللى من معنوياتى

قالت ريفال بمكر: طب بما انك طبيخ يا عم عمار اتفضل ورينا ابداعاتك

رفع ليها عمار حاجبوا ب استنكار و اتوجه على باب المطبخ.. 

عمار: جاهزه للهزيمه يا ريفو؟؟ 

ريفال: انت الى لازم تجهز نفسك للخساره..

عمار: ماشى يا ست الشيف.. انا متحمس اشوف الكارثه.. 

ريفال: طب م تورينا انت يا عم الطبيخ.. 

دخل عمار المطبخ ووقف قدام البتوجاز.. ومش عارف يمسك اى حاجه

عمار: طب هوا المفروض انا ابدا منين.. 

ريفال: تبدا من انك تقطع البصل.. 

عمار:(شهقه) بصل... لالااا.. انا مبحبووش

ريفال: ومين قال ليك ان الموضوع متعلق ب حبك ليه.. قطع انت بس

عمار وهوا بيمسك السكينه بحذر: بس لو جرالى حاجه خليكى شاهده ان انا كنت بريئ

وفعلا بدأ يقطع البصل وبعد ثوانى عنيه كانت بدإت تدمع.. 

عمار: اى دا... انا كدا بتعاقب ولا اى

ريفال: هههه، لازم تمر بالتجربه دى طلام انت شيف او طبيخ محترف على كلامك يعنى.. 

عمار: انتى بتستمتعى بعذابى مش كدا

ريفال: انااا؟.. ابدا، بس شكلك دلوقتى بجد زى م تكون بتتفرج على مشهد درامى

عمار: طب هووف.. انا بعلن انسحابى.. المطبخ دا مش مكانى

ريفال: لا يا فندم.. لسه بدرى.. هتعمل كل حاجه النهاردا

عمار: خلااص فهمتت.. الخطوه الى جايه.. بس هتكلمى انتى مكانى يا ست الشيفه علشان انا لسه جاى من الشغل وتعبان

ريفال: هههههه.. دلوقت انت جاى من الشغل وتعبان؟.. علسان انا طيبه بس هكمل مكانك.. 

بالفعل طلع عمار و بدإت ريفال انها تجيب من على اليوتيوب وتكمل زى م بدإت

بعد وقت كانت قعدت ريفال على السفره بعد م رصت الاكل

عمار اخد مره من المكرونه وقال: اممممم... دا مطعم دا ولا اى

ثريا: فعلا ي ابنى والله صدقت.. الاكل طعموا حلو اوى وجميل زى الى عاملاه

ريفال: احم ثانك يو والله يا عمار باشا.. و يا ماما انتى الى جميله وقمر.. انا بدووب ي نااس.. 

ثريا: خلاص يا بنتى انت راحت عليا.. وشى كلو بقا تجاعيد وشعرى بقا ابيض.. وو

ريفال: هششششش... فى اى يا ماما.. انتى مش بتبصى ف المرايه ولا اى.. بقا ثريا هانم تقول على نفسها كدا.. دا وسك ولا القمر 

ضحكت ثريا ليها بحب وقالت: ربنا يخليكو ليا و ميحرمنيش منكوا ابدا واشوفكوا ديما فرحانين ويبعد عنكو العين الوحشه.. 

قامو الاتنين وباسو ايديها و دماغها وعدا اليوم بسلام.. 

ف يوم جديد..

ريفال: زى م قولتلك يا عمورى هكون ف المطعم الى ورا الكليه مع ريم صحبتى نتغدى سوا

عمار: تمام يا ريفو هاجى اخدك بعد ساعه من ميعاد الكليه تكونى قعدتى معاها شويه

ريفال: اشطوزه عليك.. لا الاه الا الله

عمار: محمد رسول الله.. سلام ي ريفو 

و اتوجه عمار على شغلوا.. بينما ريفال اتوجهت على المدرج.. 

ريم: اى ي بنتى نموسيتك كحل.. اتأخرتى كدا ليه

ريفال: ماما ثريا مرضيتش تخلينا نمشى انا وعمار غير لما نفطر

ريم: ولو كان الدكتور عماد دخل كنتى هتعملى اى يعنى

ريفال: هاكل بعقلو حلاوه زى كل مره.. ايزى يعنى

فالوقت دا دخل الدكتور وبدا المحاضره.. 

خلصوا محاضراتهم و اتوجهوا ناحيه المطعم.. 

اخدوا ترابيظه ل فردين و قعدوا.. 

ريم: عاوزاكى تبقى تيجى معايا بكره بعد الكليه اشترى فستان خطوبتى.. الخطوبه بعد بكره

ريفال: وانتى اى الى اخرك اوى كدا يمعفنه المفروض كان يتجاب بدرى 

ريم: علشان خطيبى كان اعلن افلاسوا.. استنيتوا على م قبض الجمعيه وكمل على الفلوس الى معايا عشان الفستان.. وبعدين انتى مش هتشترى طقم انتى كمان تحضري بيه؟؟. 

ريفال: ايوا طبعا هشترى طقم احضر بيه خطوبتك.. بس طبعا قبل كل دا لازم اقول ل عمار وماما ثريا.. 

فالوقت دا اتوجه ناحيتهم شابين صايعين.. 

واحد منهم قال: هااا يمزه مش ناويه تقبلى بيا بقا وتبقى بتاعتى انا وبس

فالوقت دا قامت ريفال و ريم

ريفال: هوا انت مبتحرمش يا نصه يا معفن.. وبعدين عمار جه حذرك كام مره متجيش ناحيتي؟؟ 

نصه: مين عمار القيحه دا.. انا ميهمنيش مين عمار انا الى يهمني تبقى مراتى وتقبلى بيا وتحبينى زى م بحبك.. 

ريفال بشرشحه: نعم نعم ناعاام يا عمار الى مش عاجبك دا ب ميه زيك واكتر.. جرا اى يا ابن الحسل و الكسل وابن الساحق واللاحق و الغضب المتلاحق يا تريل لباس من غير ترباس يا الى عيونك عيون بتوجاز يا محطه من غير جاز جرا اى يا لمبه من غير عمود يا ايحه يا تلقيحه يا الى عشره زيك احطهم ف درج التسريحه..

نصه: اى قله الذوق بتاعتك اى دا انتى عاوزه تتربى من اول و جديد ولو مش عاوزه بمزاجك يبقى غصب عنك.. 

ريم بشرشحه: بقا صحبتى انا قليله الذوق؟؟... يا برص ع الحيطان يا فار الغيطان.. يا قفا من غير ودان دا نهارك مدهون قطران.. 

فالوقت دا جت سها وشافت الوضع وقالت: ايه ايه ايه بقا صحبتى قليله الذوق يا شعر عيره يا لون خميره يا رد رد يا مسطره.. يا عصايه غليه تحت الكوم مرميههه

الكل ف المطعم كان فى منهم الى بيصور المشهد والى منهم كان فطسان على نفسوا من الضحك

ف الوقت دا دخل عمار بعد فشل محاولات الاتصال الى كان بيرنها على ريفال ومبتردش

دخل و اتفاجأ بمنظر نصه الى مغمى عليه من الصدمه واتكلم وقال: نهاركوا اسود.. امتو عملتوا اى ف الواد

اتوجه ناحيتوا شخص من الى كان بيصور المشهد و وراه ل عمار

عمار بإنصدام: الله يخربيتك يا ريفال دا كلو علشان قال عليا كلمه اومال لو كان لمينى كنتى عملتى اى

وبعدين اتوجه ناحيه نصه المرمى على الارض وجاب كوبايه مايه و رماها ف وشو و مسكوا من قفاه

عمار: بقا انت مبتحرمش وعمال تضايقها بردو.. انا هوريك

وبعدين نزل على نصه ضرب

نصه: خلاص بقا حرام عليك سيبى.. انا حرمت خلاص مش هقرب ليها تانى.. لشبعوا ببعض تتكو قرف

عمار: حرمت عليك عيشتك يا ابن الكلب.. ب ايدى انى افضحك بس هسيبك ل اخر مره

فلت نصه مم تحت ايد عمار و جرى ورا صاحبوا الى نفد ب نفسو قبل م عمار يمسكو.. 

ف البيت.... 

ثريا: ههههههه.. الله يسامحكو خليتو الواد ف نص هدومو ف المطعم

عمار: اسكتى يا ثريا دا لو هما معملوش كدا ونا كملت عليه كان هيفضل يرخم عليهم و مش هيبطل

ثريا: عندك حق والله

ريفال: هدخل انا المطبخ اشغل اغانى و اعدل الدنيا

ثريا ماشى ي بنتى

بالفعل دخلت ريفال و شغلت اغنيه و كانت واقفه بتدندن مع نفسها

ريفال: اسمارانى مر يما وجال لى هاى

عمار: هاى

اتخضت ريفال وبصت ل عمار بذهول.. كان واقف قدامها ومربع ايديه 

ريفال: انت جيت امتى

عمار: زى م انتى شايفه.. دلوقتى

عمار قرب منها وعمل نفسو بياخد حاجه من وراها

عمار: المج بتاعى.. المج الاسود بتاعى... كان هنا.. والله كان هنا

كانت واقفه قدامو و مش عارفه تتحرك لانو كان حاجز عليها الطريق ب جسمو العريض

ريفال: المج هناك

عمار: هناك فين.. انا بقولك المج بتاعى كان هنا.. طب استنى اقرب اكتر كدا يمكن اشوفو

ريفال: لالا متقربش بقولك المج هنا، هناك اهو انا شايفاه انا شايفاه

عمار: يا شييخهه

وبعدين نزل مستوى عينو ل عيونها وبص ف عيونها وقال: طب هوا فين؟؟.. قوليلى او ورينى

اتكسفت اكتر و حاولت انها ترجع ل ورا وبعدين قالت: يلهويي الميه مفتوحه الميهههع.. 

ضحك عمار وقال:هههه.. ماشى يختى روحى للميه..

شويه و كانت ريفال خلصت وعملت فشار و قعدت هيا و ثريا و عمار وهما فاتحين مسلسل.. 

ريفال: انا مش عارفه لسه ديما لما بنقعد سوا بتشغلوا المسلسل دا.. د انا حفظتوا من كتر م بتشغلوه.. 

عمار: وانتى مالك يا اوزعه... انا وماما بنحبوا اصلا بيفكرنا ب ايام زمان و الناس الطيبين.. 

ثريا بصت ليها فالوقت دا وقالت: ي بنتى د انتى لو دخلتى اى بيت مصرى هتلاقيهم فاتحين التلفزيون على المسلسل دا

ريفال بضحك: هههه.. فعلا يا ماما دا حتى عمو عادل بتاع عصير القصب ديما فاتح عليه وبيقول ان عمروا م هيلبس جلبيه ايوه زى عبد الوهاب علشان مكانش راضى يعيش ف جلباب ابوه ف المسلسل.. 

بيضحكو وبعدين بتقول ريفال: بقولكوا.. خطوبه ريم صحبتى بعد بكره واظن يا عمار انك عارف خطيبها.. هوا صاحبك واظن عازمك

عمار: المهم يعنى قولى المفيد

ريفال: احممم.. بصراحه بصراحه يعنى انا عاوزه اروح بكره معايا ريم بعد الكليه نشتري الفستان.. ونا كمان معايا فلوس كنت محوشاها من مصروفى ف هشترى طقم احضر بيه الخطوبه... ف انا بصراحه عاوزه موافقتكم على بكره

ثريا: عن نفسى انا موافقه

ريفال: هااا وانت ي عمورى

عمار بتفكير: طيب ماشى معنديش مشكله.. 

وبعدين طلع فلوس من جيبو وقال: خدى الفلوس دى جيبى بيهم طقم ليكى

ريفال: م انا هجيب من التحويشه بتاعتى

عمار: كلامى يتسمع يلا وبالمره اشتريلى بدله على ذوقك و نعمل ماتشينج مع بعض.. 

فرحت ريفال انه عاوز يعمل ماتشنح معاها  و اخدت منو الفلوس و دخلت اوضتها و راحت ف نوم عميق.. 

تانى يوم الصبح بتروح الكليه مع عمار الى وصلها وتحضر محاضراتها.. 

خلصوا هما الاتنين وودعوا سها و اتجهوا على المحل الى هيجيبوا منو الحاجات اللازمه.. 

لفوا شويه كتار لحد م اشتروا كل الى هما عاوزينو.. 

ريفال: ياااههه... اخيرا خلصنا.. انا حرفيا مش حسه ب رجلى

ريم: انتى بتقولى فيها.. دا انا حسه  ان رحلى ورمت خلاص مش كتر المشى

ريفال: انا كدا اصلا خلاص جبت كل حاجه محتاجاها وكمان جبت بدله عمار وهنعمل ماتشينج مع بعض بكرههع

ريم:  ايواا يا عمم.. انا مش عارفه هيعترفلك امتى بقاا

ريفال: ولا انا بجد.. بس مستنيه اللحظه دى بفارغ الصبر و هقول ليه على كل المشاعر الى انا مخبياها لسه كل السنين دى

ريم: يلا يا حبيبتى ربنا يسعدك و يحققلك الى بتتمنيه.. 

فالوقت دا عمار بييجى و ريفال بتودع ريم و بتركب مع عمار و بيروحو على البيت.. 

يوم خطوبه ريم كان واقف عمار قدام التسريحه وهوا بيحط البيرفيوم ك استعداد منو للخطوبه.. 

وعند الناحيه التانيه عند ريفال كانت خلصت وبتقول: يخربيتى مزهه دا اول م يشوفنى هدوب من جمالى.. 

فالوقت دا خبط باب الاوضه وعمار قال: خلصتى يا ريفو ولا لسه

ريفال: ايوا يا عمورى خلصت

فتحت ريفال الباب وكان عمار مبهور ب جمالها لاكن مره واحده كشر وقال: امسحى الزفت الى انتى حطاه على شفايفك دا

ريفال: لي يا عمار دى خطوبه خليها مره واحده بس النهاردا

عمار: هتمسحيه ولا امسحهولك بمعرفتى؟؟ 

كشرت ريفال وراحت مسحت كل الميكب الى كانت حطاه والاتنين ركبوا العربيه واتوجهوا لخطوبه ريم و امجد  

وصلو هناك ف حديقه كبيره معمول فيها خطوبه سنبل و بسيطه.. 

نزل عمار من العربيه و جنبوا ريفال الى متشعلقه ف ايديه

بنت اتوجهت ناحيه عمار بدلع وقالت: اى دااا.. عمورى.. 

عمار: اهلا يا جودى ازيك

جودى: انا بخيير طول م انت بحير ي عمورى.. بس اى الحلاوه دى.. ومبن البنت اليااى دى اكيد مش ذوقك

ردت ريفال وعلى وشها علامات الغضب: جرا اى يا الدلعه دى.. انا خطيبتوا وبعدين هوا اسمو الباشا عمار مش عمورى!!.. انا الوحيده الى ميموحلى اقول ليه عمورى وبس! 

اتصدم عمار و جودى و جودى قالت ببجاحه: هيهيهي.. خطيبك؟.. خطيبك منين يختى دا مش ذوق مارو خالص وبعدين هوا لو خطيبك فين الدبله وهوا مقالش لي اصلا؟؟ 

ريفال: وانتى مالك الى يا صفره يمقشفه يا جربوعه يا معفنه يا الى جايه من الشوارع.. ايش حشر مناخيرك ف الى ملكيش فيه يا صفره.. وبعدين.. 

قطع عمار كلامها وهوا بيكتم ضحكتو وبيقول: خلاص يا مجنونه.. وبعدين يا جودى هيا فعلا خطيبتى والى تقول عليه يتنفذ بالحرف الواحد

طلعت ريفال لسانها بطفوله وهيا بتكيدها

جودى: بس هياا

ريفال: بلا هيا بلا مهياش انتى متجيش تتكلمى معاه تانى ولا ليكى دعوه بيه

وبعدين شدت عمار وراحو ف حته تانيه

عمار بمكر: اه صحيح يا ريفو انا بقيت خطيبك امتى؟ 

ريفال بتوتر: م هوا هوا هوااا

عمار: هوا اى انتى هنجتى

ريفال: بصراحه البت دى صفره ومش مريحانى ف قولت كدا

عمار: بجددد.. امم قولتيلى صفره ومش مريحاكى.. طب واى يعنى لما تقولى عمورى م انا مز و اتحب

ريفال بعصبيه: عمورى ف عينها وبعدين انت عمورى انا وبس انت فاهم ولا اسمعك ومين دى الى تحبك حبها برص وحضنها عقرب انت مش هتتجوز حد غيرى.. 

اتصدم عمار ولسه هيتكلم كانت ريفال ادركت الى قالتوا و جريت من قدامو.. 

عمار بضحكه: دى شكلها هتحلو

على الناحيه التانيه عند ريفال

ريفال: عادى اى ي سهاا الكلب بقولك انى كنت شويه وهعترف

سها: يبنتى اهدى كدا و صلى على النبى.. وبعدين هوا لو بيحبك هيفهمها وهيا طايره و هيعترفلك

ريفال: تصدقى عندك حق ي بت ي سها.. بس يحربيت الحب الى يخلينى هبه وعصبيه بالشكل دا.. دا انا شويه وكنت هحس نفسى طالعه من العباسيه

سها: ههههه.. انتى بتقولى فيها.. دا انا ايام م كنت مخطوبه كنت بشرشح لاى بنت معغنه تيجى تكلموا.. وكنت بشوف مين البنات الى بتابعوا من على اكاونتاتو من كتر الغيره

ريفال: اللهم هذا الشعور وبعدين التانيه ف الشله خلاص فاضل ليها حاجه بسيطه وتدخل عش الزوجيه هيا كمان ويبقى فاضل انا و اروح اكتب كتابى ع عمورى من وراه وخلاص.. 

سها: ههههه... الله يخربيت هبلك تكتبى كتابك من وراه ازاى يعنى

فالوقت جه عليهم عمار وقال: هاا ي ريفو مش هنبارك ونروح بقا ولا اى

ريفال: لا بلا نبارك ونمشى لان كبس عليا النوم ومش قادره.. 

بالفعل الاتنين راحو باركو ل ريم و امجد وبعدين ركبوا العربيه و اتوجهو على البيت... 

ف الطريق: 

ريفال: تعرف.. انا عندى حلم نفسى احققوا بس مش هبتحقق

عمار: قولى ونا انفذ ملكيش انتى دعوه

ريفال ب ابتسامه: م هوا مش هينفع يتحقق حاليا

عمار: لي يعنى.. طلبات الاميره ريفوا ديما لازم تكون موجبه

ريفال: هقولك وهتعرف لي مش هيتحقق.. انا نفسى لما فارس احلامى يتجوزنى ننزل الساعه 3 الفجر نتمشى سوا ف الهدوء و ضوء القمر الى منور.. ويسلام لو الدنيا مطرت.. هنرقص تحت المطر على اغنيه هاديه وبعدين نروح.. 

عمار ب ابتسامه: بس كدا؟ 

ريفال: تقصد اى؟ 

عمار: اقصد كل خير قريب احلامك هتتحقق بس اتأكد من الى ف دماغى الاول.. 

وصلو الاتنين للبيت و دخلوا.. 

كل واحد فيهم دخل على اوضتوا و جهز للنوم وراحو ف نوم عميق.. 

فى يوم جديد..

صحيت ريفال  و حضرت شنطتها و خلصت فطار هي و عمار و ركبو العربيه 

ريفال: اله صحيح يا عمار انت مش ناوي تتجوز ولا اى

عمار بخبث: ليه السؤال دا 

ريفال: ها لا عادي بسأل يعني

عمار: اممم قرب انشاء الله 

ريفال: مين هي قوللييي بسرعهه

عمار: لا لا خليها مفاجأه

ريفال: اوف بقي يا عمار انا عاووزه اعرف علشان ممكن اكون عارفاها يمكن تكون مش محترمه انبهك

عمار: وهه ما قولنا قريب 

ريفال بديق: تمامم مااعشيي

وصلوا عند الجامعه و نزلت ريفال

عمار: عاوز حاجه منى قبل م امشى؟ 

ريفال: لا شكراا عاوزه سلامتك.. 

في الوقت دا جه الدكتور عماد 

عماد بنظرة حب: ازيك يا انسه ريفال عامله اى يارب تكونى ب احسن حال

ريفال: الحمدلله بخير يا دكتور نحمد ربنا

عماد: احم كنت عاوز اتكلم مع حضرتك شويه يا استاذ عمار

عمار نزل من العربيه و بصلو بتفحص

عمار: اممم  اتفضل قول سامعك

عماد: انا عارف ان مينفعش اتكلم معاكف الموضوعدا واحنا واقفين كدا بس انا كنت عاوز اطلب ايد الانسه ريفال منك

عمار بغضب و صوت عالي: نعمممم انت بتقول ايه سمعنني كداا

عماد: ايه هو انا قولت حاجه غلط يعنى ولا اى

عمار بتوتر : لا بس ريفال صغيره اويي على الجواز حاليا.. 

عماد: دي عندها 19 سنه ما كبيره اهو

عمار بغضب: هو انت هتعدل عليا و لا هتعرفنى هي عندها كام سنه ولا اى م تتكلم عدل احسنلك

عماد: تمام ماشى اسف ع الازعاج! 

قال كدا و مشي من قدامهم بغيظ شديد

ريفال بخبث: اووف لي رفضتوو هو مفهوش غلطه مشاءالله عليه يعنى وكمان مز ومعضل كدا

عمار: نعم يختتي سمعيني بتقولي اييهه كدااا اصلى مسمعتش كويس

ريفال: ها لا بهزر هدي اعصابك كدا يا مارو وبلاش تتعصب علشان العصبيه غلط عليك

عنار: اخففي من وشي دلوقتي ياا ريفال الكللب علشان معملتش فيكى جريمه حالا

ريفال: امرك يا باشا طلباتك كلها اوامر هوا انا قد جرايمك بردو

قالت كدا و طلعت تجري على المحاضره بتاعتها و ركب عمار عربيتو و راح على شغلو.. 

عند ريفال و البنات.. 

ريفال: زى ما بقولكم كدا دا اتعصبب عليه و عينوا احمرت كدا و وشو بقا  بارز فيها العروق يبقي دا معناه اييه

ريم: يبقي بيحبك يا هبلله يخربيت غبائك

ريفال: ياربب يختي يكون بيحبني يا ربب

سها: انتي بقيره بجد يعنى لان كل تصرفات عمار بتدل على انه بيحبك ومش بيحبك بس بيعشقك كمان

ريفال: دا يبقي يوم المني يوم ما يطلع مارو بيحبني انتو مش عارفين انا هنبسط قد اى 

دخل دكتور عماد عليهم في الوقت دا و بدا يبص لي ريفال نظرات مرعبه كلهاا غضب

ريفال: ياما هو بيبص كدا لييه زى م اكون واخده منو ورثوا ولا سالفه منو فلوس

سها: بيغير عليكي منناا هههههه

ريفال: اتلمي يا كلبه انتي و هي الله

ريم: هي غلطت يا ريفو ولا عملت حاجه.. 

فضلو قعدين مع بعض يتكلمو و يضحكو و يهزرو لحد ما اليوم ما خلص وكل واحده فيهم رجعت على بيتها.. 

كانت ريفال ف اوضتها وماسكه النوت بوك بتاعتها وهيا بتكتب وبتقول: 

انا بجد مستنيه اليوم الى عمار يقولى فيه انو بيحبنى.. بس بجد انا قلقانه انو يكون ف الاخر حب من طرف واحد و يكون بيحب واحده غيرى.. انا عشت معاه سنين وحبى ليه كل يوم بيبقى اكبر من اليوم الى قبلوا.. بس بجد لو طلع مبيحبنيش انا هموت من جوايا.. هموت علشان كان هوا كل كيانى و حياتى.. انا بحب عمار اوى لدرجه متتوصفش بحبوا ل مالا نهايه.. بدعى ربنا كل يوم انو يكون ليا النهاردا قبل بكره.. حققلى امنيتى دى يارب.. انا بجد مقدرش اعيش من غيرو.. حبو جوايا بقا زى الادمان الى بصعوبه ممكن اتخلص منو... 

_ريفال. 

قفلت النوت بوك بعد م خلصت كتابه ومددت على سريرها وراحت ف نوم عميق.. 

عند ثريا وعمار.. 

ثريا: يعنى انت دلوقتى عاوز تفاتح ريفال ف موضوع حبك ليها وانك عاوز تتجوزها؟ 

عمار: ايوا بالظبط يا امى.. بحد انا بحبها من زمان ولو مكونتش متأكد من حبها ليا عمرى م كنت هاخد الخطوه دى.. كفايه بس واقعت لسانها ب انى مش هتجوز غيرها

ثريا: هههه.. مع ان لسانها مسحوب منها بس انا بحبها اوى.. دى بنتى الى مجابتهاش بطنى.. اتوكل على الله انت يا عمار ونا معاك وبشجعك.. 

عمار: بجد يا امى مش عارف اودى جميلك دا فين و كمان انا بكره بعد م تخلص محاضراتها هعترف ليها ف نص الكليه... 

 

قام عمار ب انبساط و باس راس امو و اديها وراح وهوا منشكح ل اوضتوا ومدد هوا كمان على السرير وراح ف نوم عميق..

ف بدايه يوم جديد عمار وصل ريفال للكليه كالعاده.. 

خلصت ريفال اول محاضرتين ليها وطلعت ف كاتنين الكليه قعدت على ترابيظه تستنى البنات.. 

لاكن وهيا قاعده جه حد من وراها و ضربها على راسها.. 

بعد وقت فاقت ريفال لقت نفسها على سرير و هيا من غير هدوم و مستغطيه بملايه.. 

شافت قدامها عماد الى كان قاعد على كرسى وهوا من غير اى تيشرت وماسك سيجاره و الفون بتاعو.. 

ريفال بعياط: انت.. انت.. انت عملت ايييهه.. انت مين سمحلك تجبنى هنا.. انت.. انت شيطاان

عماد: هششش م تسكتى بقا د انتى اول م صحيتى عماله ترغى.. المهم انى خلصت الى عملتوا و صورتك صورتين حلوين و هما معايا دلوقتى ك تهديد.. يعنى عندى شرط وكل الصور دى هتتمسح من ع الفون

ريفال بعياط وصريخ: خلصت ايييهه و صور اييه.. انت اييه يشييخ.. د انا كنت بقول عليك محترم وابن ناسس.. وبعدين شرط اييه الى بتقول عليه ي قظر يا ساذج

قرب منها عماد و مسكها من شعرها وقال: لسانك يتعدل ومعايا ي قطه بدل م اقطعهولك.. وبعدين طلبى بسيط يعنى.. يا توافقى تتجوزينى.. يا كل الصور الى معايا دى تكون مبعوته لحبيب القلب

وبعدين ساب شعرها وقال: هسيلك ساعتين تفكرى ع م اطلع مشوار و اجى ع السريع.. بس انا عاوز اقولك انتى وتكه بمعنى وتكه.. 

وبعدين طلع بره الاوضه وقفل عليها.. 

قامت ريفال مفزوعه من النوم وهيا بتصرخ: عمااار لاا.. الحقنى.. عماار متصدقهووش.. عمار انا خايفهه.. عماار

جه عمار بسرعه على الاوضه و جرى عليها وقعد جنبها على السرير وهوا بيحاول يطبطب عليها براحه: اغوذ بالله العلي العظيم من الشيطان الرجيم... اهدى يا ريفال مالك دا كان كابوس

قربت ريفال عليه وحضنتوا بقوه وقالت: مستيبنيش.. متصدقهوش.. هوا قظر.. انا بحبك.. 

عمار: انا كمان بحبك وبعشقك وبدمنك يا قلب عمار.. بس مالك.. مين الى حلمتى بيه

بعدت ريفال عنو وهيا بتعيط وبتحكيلو عن الكابوس

عمار وهوا بياخدها ف حضنوا مره تانيه: هششش.. دا الشيطان.. مفيش من دا هوا مش علشان بيضايقك تحلمى بيه.. 

وبعدين قال ب فرفشه: انتى قولتى متسيبنيش وبحبك حصل؟ 

ريفال بتوتر وهيا بتبعد عنو: ااا.. محصلش دا من اثر الكابوس بس تلاقينى هلوست غصب

دخلت ثريا فالوقت دا ورفعت حاجب عن حاجب وقالت: اه قولتيلى كابوس.. دا انا سامعه كل حاجه من بره يا بكاشه ي مفتريه

اتحرجت ريفال ووشها بقا احمر زى الطماطم 

عمار وهوا بيمسك خدها: يلهوي ع الى بيتكسف يولالددد... 

ف صباح يوم جديد..

كانت خلصت ريفال مخاضراتها وطلعت من المدرج تستناه كالعاده.. 

بس شافت حديقه الكليه الى متزينه و اليافطه الى متعلقه ومكتوب عليها "بحبك يا ريفال"  متعلقه بشكل جميل

و عمار الى كان واقف قدام عربيتوا ف نص جنينه الكليه ومعاه بوكيه ورد احمر و علبه قطيفه

ريم: انتى هتفضلى متنحه ومبسوطه كدا كتير م تتقدمى يلا

اتقدم عمار من ريفال ومسك ايديها و راح بيها ل نص الجنينه.. 

ركع على رجليه زى الفرسان وهوا بيقدم ليها دبله و هوا بيقول: تقبلي اسمك يبقى على اسمى وتكونى رفيقه دربى وعمرى الجاى و كل خطوه نمشيها سوا وتكونى مراتى و ام عيالى؟؟ 

دمعت عيون ريفال بفرحه وقالت: اكييدد.. اكيد موافقهه.. 

لبس عمار ريفال الدبله ورفع ايديها وقال: من النهاردا ريفال تخصنى واى حد منكم يضايقها انا هحاسبو

وبعدين قال بصوت عالى: بحباااااااااااااكككك... 

ريفال بدموع: ونا كمان بحبك اوي بجدد انا مش عارفه من غيرك كنت هعمل اى فحياتى.. 

•••

بعد مرور فتره.. 

 

دخلو ريفال وعمار الشقه بعد م الفرح خلص ف القاعه.. 

عمار وهوا بيسقف: الصلاه على النبى احس.. اى يبت حتت المهلبيه دي

ريفال وهيا بتشهق بصدمه: هييح جرا اى ي الدلعه دى م تلم الدور

عمار: مالك يوليه د امتى بقيتى مراتى وحلالى.. 

كان بيقول الكلام دا وهوا بيقرب منها.. ولسه هيحضنها راحت راقعه بالصوت: يالااااهويي الحقونيي اعع دا راجل متحمرش.. 

فتحت باب الشقه وجريت وهوا بيجرى وراها

نزلت ريفال من على السلالم وهيا بتجرى وفنفس اللحظه كان وراها عمار.. 

فتحت ريفال باب شقه ثريا الى كان معاها مفتاحه وهيا بتصرخ وبتقول: الحقيينييي.. الحقيتي يا اماا من ابنك المتحمرش كان هيفك روباط الفستان بحجه انو هيحضنى.. 

طلعت ثريا من اوضتها بخضه واتصدمت لما شافتهم بيجروا ورا بعض ب لبس الفرح 

جريت ريفال ورا ثريا وهيا بيقول: الحقيني يا مامااع.. ابنك عاوز يحضنيي

عمار: تعالى هنا يبت.. تعالى د انا م صدقت.. تعالى بقولك

ريفال: ابعد عنى يااض انا مش هطلع معاك النهاردا انا هنام مع امى حبيبتى 

ثريا بعصبيه وهيا بتخلع الشبشب: الله يفضحكم زى م فضحتونا... زمان الناس الى ف المنطقه عرفو و بقت فضيحه عالمى

وبعدين رمت عليهم الشبشب هما الاثنين و طلعتهم برا الشقه وقفلت الباب ف وشهم.. 

عمار: شوفتى.. ادى اخره الى يحبك ويتهبل معاكى

ريفال: بس احلى حب وربنا.. بحبك يا اغلى ما فى حياتى..

طفله بين احضان الثلاثينى _ حكايات شروق للقصص الكاملة