الكاتبه ساره عبد السلام
في حي من احياء القاهره في بيت متوسط الحال كانت الام بصرخ وبتقول قومي يا منيله ابو شكل اليوم اللي عرفتك فيه و يخرب بيت تربيتك يا شيخه بتنامي اكتر ما بتقومي
******★*****★**
مليكه: ايه يا ماما انا عملت ايه طيب هو كل يوم شتيمه كده عايزه انام يا مرات ابويا تعبانه ومش قادره انا ما صدقت خلصت امتحانات
الام واللي كان اسمها ملك
اه يا اختي ما هو انتي مش شاطره غير في كده النوم والاكل وبس
مليكه: اه كلام كل يوم يا ماما يا حبيبتي انت ما بتزهقيش من الكلام ده كل يوم تسمعيني نفس المرشح ده خلاص يا ماما احنا كبرنا على الكلام ده
الام: اه يا اختي وكبرنا وفي الاخر ولا بتكبري ولا حاجه قومي يا اختي اما نشوف المشكله اللي حصلت بره دي
مليكه: ايه اللي حصل يا امي مشكله ايه ايوه اديلوا ادى يا ام خالد ضرب وشتيمه وقلة قيمه
الام: نفسي اعرف بتفرحي في المصايب ليه
مليكه: هيبقى فيها تلطيش للركب
الام: روحي يا بنتي ربنا يبعتلك اكل من غير فلوس وحد يحرصك من غير فلوس وتنامي نوم الهنيه ما تحلمي غير بالعفاريت كشفت راسي ودعيت عليكي يا مليكه يا بنت ام مليكه امشي من وشي يا بنت الجزمه
مليكه: حبيبتي يا امي كل ده حب ليا والله مكنتش عارفه ان انا غاليه عليكي اوي كده ربنا يخليكي لينا يا ست الكل
بعد ساعه كانت الام بترقع بالصوت في نص البيت وهي بتقول يا عيني عليك يا اخويا اتكسرت بدري بدري
طلعت مليكه وهي بتاكل الخياره وبتقول خير يا مرات ابويا مين مات فقالت بترقعي بل الصوت كده ليه جدي مات في داهيه في لحظه جلها شبشب الام المصريه في وشها
وهي بتقولها بتفولي على ابويا يا جزمه قديمه ده خالك عمل حادثه ودخل المستشفى وهو رايح الشغل يا قلب اخته
مليكه: يا عيني عليك يا نوح راح بدري بدري مات ولا لسه بدرى
الام:وهي بتصوت منك لله يا مليكه اشوف اللي يطلع عليكي كل حاجه بتعمليها معايا يا بنتي امشي من وشي اما اشوف خالك عمل ايه
مليكه: مانتي اللي عماله تزعقي كده مااعرفش بتزعقي لي ليه
نسيب مليكه في هبلها وجنانها ونروح لمكان تاني
****★***★****★**
في قصر كبير كان قاعد ببرود اعصابه وهو بياكل وكان بيكلم صاحبه وبيقوله هتفضل تاكل في ظوافرك كده كتير زهقتنى و وترتني
حمزة: اه يا اخويا ما انت مش عارف اللي جوايا احنا المفروض نروح سيناء انت عارف يعني ايه يعني احنا المفروض نروح نطلع البترول والغاز الطبيعي والمعدن ويالهوي
اتكلم بطلنا بهدوء وهو بيقول وفيها ايه يا ابني خليك جامد كده يا حمزه
حمزه: والنبي يا سيف نص برود الاعصاب بتاعك يا شيخ انت متعرفش هناك هناكل ايه وهنعمل ايه وهنشوف ايه يا لهوي ياما ده انا كل ما بتيجي في دماغي الفكره بحس ان جسمي بيقشعر
من غير اراده مني والنبي ما تفكرني اني انا بعد يومين هتزنق زنقه الكلاب واصحى ب معاد وانام ب معاد والاكل ب معاد
سيف: وفيها ايه يا ابني هي جديده يعني ما احنا طول عمرنا بنروح معسكرات و بنرجع منها وبتعدي
حمزه: مش عارف ليه يا سيف عندي احساس انك هتكون اول شخص راجع من المكان ده عايش قصه حب معشتهاش قبل كده
سيف: بعد الشر يا اخويا لازم السيره النكد دي
حمزه: روح يا سيف ربنا يوعدك بواحده تطلع عليك زي اللي بتعمله فينا ب الظبط
سيف: امشي من وشي يا حمزه عشان هموتك دلوقتي
حمزه: خلاص يا اخويا عمر الشقي بقى سلموا عليكم يا خالتي انا ماشي
ام سيف وغلاوة منال عندك تقعد يا ابني في ايه يا سيف ما تعزم عليه يقعد
سيف: والنبي يا اختي بعد ما اخلص الاكل ما هيقعد ده ممكن ياكل خيرات مصر كلهو وفي الاخر هيقولك ايه مش عايز منكم حاجه
حمزه: شوفتي يا خالتي مفتري وبيفتري عليا
منال: خلاص يا حبيبي ما تزعلش اقعد كل وبراحتك انت في بيت خالتك مش في بيت حد غريب
سيف: سيبيه يا حجه ده رايح يجهز نفسه عشان رايحين سيناء بنروح نشوف البترول الغاز الطبيعي والحمد لله يصحا ب معاد وينام ب معاد وياكل ب معاد ونشوف بقى هيعرف يتعايش ولا لا
حمزه: هو انت بتغظني يعني ابعد عني يا سيف عشان اقسم بالله ما طايق نفسي
سيف: الحق خد لك شاور دافي بقى علشان
ممكن ما تستحماش اصلا هناك
حمزه: هو بجد لا ده انا ما اقدرش الحقيني يا خالتو
منال: بلاش هبل يا سيف وبلاش هبل يا حمزه انت كمان مفيش حاجات زي دي هو بس يا دوبك اسبوعين وهترجعوا تاني
وعند مليكه كانت قاعده بتاكل شيبسي في
المستشفى مستنيين خالها يطلع من اوضه العمليات طلع دكتور بعد مرور ساعه وهو بيقولهم ليه التوتر ده كله يا فندم الاستاذ مفهوش حاجه خالص هو يدوب كسر في الدراع الايمن وكسر في الدرع الايسر في شويه خدوش في وشه وفي كسر في الجمجمه في المخ يعني حاجات بسيطه
**""****★*******
مليكه: يا راجل يعني كل ده وحاجات بسيطه ده الراجل اتبهدل يعني عليك يا خالي حتى الدكتور اللي راح يكشف عليك مختل عقليا
الدكتور: ليه يا فندم ده انا بقولك اللي بيحصل غلطان انا يعني
مليكه: يا سيدي مش اطمنا قولنا الحقيقة ف الوش عالطول
الدكتور: تمام انتي اللي قولتي الاستاذ ما يتحركش لمده ست شهور وبعد ساعه ممكن يفوق عشان لو اتحرك ممكن يحصل مشكله كبيره ومضاعفات اكبر
الام: منك لله يا بنت العبيطه لازم يعني تنسحبي من لسانك
مليكه: الله يا مرات ابويا انا عملت ايه طيب مش بدي اعرف خالي الغالي في ايه ابو شكله حتى لا مريحنا هو وعايش ولا مريحنا وهو ميت
الام: هو اولا ما ماتش يا غبيه وبعد الشر عليه
مليكه: يا اختي اشبعي بيه انا نازله اجيب كيسين شيبسي
من السوبر ماركت كان سيف وحمزه بيجيبوا
طلبات ل منال وكان حمزه مطقق سيف حرفيا
سيف : اقسم بالله يا حمزه انت جبتلي الضغط
حمزه: وانا مالي لمبي مش خالتي هي اللي قالتلي اروح معاك
سيف: انا قولت دي مش امي انا قولت ان هي مرات ابويا ما هي اكيد عايزاني يجيلي السكر بسببك
حمزه: عارف يا سيف انا مستني بس يوم ما يحصل معاك حاجه ولا تقع في واحده وانا وهي نعمل عليك عصابه
وفي اللحظه دى كانت داخله مليكه السوبر ماركت وهي بتقول اغلي يا كنكه من نار و لا شاي ولا سكر حاطالك اغلي يا بن كيد الكل
سيف: يا شيخ منك لله حتى دعويك مهزقه شبهك
حمزه: لو مش عاجبك طلقني
سيف: بضحك طب امشي يا مهزق من وش
حمزه: اديلوا ادى يا ام خالد ضحكت يعني قلبها مال وخلاص الفرق ما بيننا اتشال
وكملت مليكه عنه الاغنيه وهي جايه من بعيد يلا يا قلبي روح لها يلا ما خلاص الفرق ما بينا اتشال
حمزه: ايوه اديلوا ادي يا ام خالد
سيف: باستغراب هو انت تعرفها ولا انت بتغني مع اي حد وخلاص
حمزه: اقسم بالله ولا اعرفها ولا عمري شوفتها بس تمام اي حد يدوس معايا وخلاص
سيف: اقسم بالله هموت منك امشي من وشي
وانتي يا انسه هو انت تعرفيه عشان بتغني معاه
مليكه: وانت ايه اللي حشرك انت هو انت اللي بتغني ولا هو اي دخلك
سيف : مالك يا اختي ده انت اللي راميه نفسك علينا
مليكه: لا يا اخويا مفكر نفسك توم كروز ده انت حتى شكلك لا حلو ولا مزة بى شنب الاعداديه ده
سيف: وادي يا حمزه هو انا وشي في شنب اعداديه
حمزه: الصراحه ولا بنت خالتها
سيف: ما تنطق يا زفت الصراحه طبعا
حمزه: في شنب الثانوي وقع على الارض من كتر الضحك وهو بيقول البنت بهدلتك قوي يا برنس
سيف: امشي يا حمزه من وشي ويلا عشان
خالتك بتتصل وباين عليها هتموتنا
حمزه: يلا يا اخويا
سيف: حمزه خالتك ما تعرفش باللي حصل هنا بدل ما تقول نتجوزها وهتلف الكره الارضيه على البنت دي
حمزه: عيب عليك يا كبير انا اقول سر انت قولته لا ابدا
سيف: اقسم بالله ما مرتاح ليك ولو قولتلها اقسم بالله يا حمزه هقعد عليك اموتك
حمزه: ما خلاص يا اسماعيل قولنا ماشي مش
هقولها حاجه والمصحف
وعند مليكه كانت واقفه في السوبر ماركت وهي بتحاول تجيب كيس الشيبسي جه واحد عليها وهو بيقولها ثانيه يا انسه هساعدك
مليكه: وتساعدني ليه ده العادى بعرف اساعد نفسي
الشاب: فيي ايه يا انسه ما انا كنت هساعدك
مليكه: تشكر يا اخويا مش محتاجين مساعده
الشاب: اريح وفرتي
بعد فتره قدرت مليكه توصل لكيس الشيبسي وراحت حسبت عليه وطلعت على المستشفى من تاني
في المستشفى في اوضه العنايه المركزه كان خال مليكه بينطق باسم اخته طلع دكتور وهو بيقول مين هنا ملك
ملك: انا يا دكتور في ايه ايه اللي حصل اخويا كويس
الدكتور: المريض عمال ينادي عليكي ادخلي شوفيه بس ما تتاخريش عنده كتير هما يدوب خمس دقايق
ملك: حاضر يا دكتور من عيني دخلت ملك بعد ما اتعقمت شافت اخوها في حاله صعبه
نوح: ملك قولي ل مليكه بنتك تروح المعسكر عشان فرصة شغل هنا بدل تضيع عليها يا ملك
ملك:ازاي وهى بنت مش هينفع
نوح:اعملى اى حاجة المهم انى مش عايزه اخسر الشغل
ملك: حاضر يا اخويا من عيني
طلعت ملك وهى عارفه انى بنتها ممكن ترفض وهى محتارة
وعند مليكه طلعت وهى بتقول انا محدش يتوقعنى بغيب بغيب وارجع تسمعنى بغني راب وبغنى شعبى انزل تحت اعمل قلبا
ملك: مليكه عايزاكى فى موضوع مهم
مليكه:خير يامرات ابويا انا جايه اهو
قعدت ملك وهى متوترة وحاسه ان مليكه ممكن تموتها
مليكه: وهي بتاكل كيس الشيبسي خير يا امي قولي اللي في بوقك ولاخايفه تقولي
ملك: في سرها هو انا خايفه بس ده انا مرعوبه
مليكه: ما تخلصي يا ماما عايزه ايه
ملك: الصراحه يا بنتي انا عايزه منك طلب وياريت مش توافقي
مليكه: قولي يا ست الكل وانا ان شاء الله مش هرفضه
ملك: بتوتر وبلجلجه في الكلام عايزه منك تروحي شغل خالك لحد ما يخف
مليكه: وهي لسه بتاكل في كيس الشيبسي اه بعدين وشغل خالي ده فين بقى
ملك: بخوف في سيناء
مليكه،: نعم لا انسي ان انا اروح
تانى يوم الصبح كانت مليكه لابسه الشنب و الباروكه و لابسه هدوم خالها وكانت واسعه عليها
مليكه وهي طالعه منك لله يا ماما كشفت راسي ودعيت عليكي في حد يعمل في بنته كده والله انا من يوم ما شوفتك وانا قلت ان انتي مش امي انتي مرات ابويا
ملك: ما انا قولتلك بهدوء وانتي مرضتيش بيه يبقى اعاملك بقله الادب اللي انتي هترضي بيها
مليكه: انا غلطانه يا ست الناس والنبي يا شيخه مش عايزه اروح
ملك: يلا يا بنت اما نشوف ويارب يبقى تمثيلك متقن
مليكه: ما تخافيش ده انا هبهرك
ملك: ويارب يكون تمثيلك متقن
وعند سيف نزل وهو ماسك شنطه السفر بتاعته وكان حاطط الموبايل على ودانه وكان بيتكلم
سيف :وبيقوله يلا يا ابني سرع الاتوبيس هيفوتنا
حمزه: اتوبيس ليه هو احنا مش معانا عربيه
سيف: يا ابني مينفعش ان احنا نركب في عربيه لازم كلنا نبقى في اتوبيس واحد علشان احنا رايحين صحراء
حمزه: هو انا كل ما انسى انت تفكرني
سيف : معلش يا استاذ حمزه ده امر واقع ومفروض نرضى بيه
حمزه: هو انت بتتكلم بتقول كده ليه
سيف: طب يلا يا حمزه وهنتخانق في الاتوبيس حاضر
حمزه: قصدك ان انا بجر شكلك
سيف: لا خالص عامل زي مراتي النكديه بس
حمزه: انا لبست ونزلت يلا يا سيف علشان انا تحت البيت
نازل سيف وحمزه ومشيوا على الاتوبيس ومليكه راحت على الاتوبيس هي كمان
دخلت مليكه وقعدت على الكرسي الاخير وحطت السماعه في ودنها وسرحت في الطريق وكان حمزه وسيف طول الطريق بيتخانقوا بعد ساعه
كانت مليكه نسيت نفسها مع الاغاني وبدات تغنى وتخبط على الشباك وبتقول سحرت لي ولا٩ سحرت لي وعيون مش محتاجه تسحر لي مش عايزه تجيب بس جابتني نسيتني وفي قصتي حبستني والله ووقعت بفكر فيك كتير بالي عليك مشغول ولا بيصعب عليا حالي وانا بكتب لك كلام معسول بعيد عن عيني وهي عيني
""""""*******★*****
سيف:لو سمحت
مليكه: نعم بعديها افتكرت ان هي ولد مش بنت ف حاولت تتخن صوتها وقالت خير يا فندم و اول لم شافت وشه اتفاجئت انه هو الشاب اللي اتخناقت مع امبارح
سيف: صوتك عالى لدرجة انك سمعتي الاتوبيس كله
مليكه:وانت مالك هو اللي فى الاتوبيس اشتكوا ليك
سيف:هو انت بتكلمنى كدة ليا كلمنى عدل
مليكه:ليه شايفنى متبعتر يا كبير
سيف: هى طريقه كلامك شبه البنات كدة ليه
مليكه:بتوتر بنات ازى يعني
سيف:بتردح زيهم
مليكه: قصدك ايه انت انا راجل وسيد الرجاله كمان
سيف: مش باين الصراحه هو انت اسمك ايه
مليكه: اسمي نوح ليك شوك فى حاجه بالمره
حمزة: مالك يا نوح واخد الدنيا قفش كده ليه ده احنا رايحين صحراء يا ابني فلازم نبقى مفرفشين كده يعني
حمزه: جدع يا سيف ادي يا ام خالد وكده يعني
سيف: اسكت يا حمزه بدل ما اقوم اولع فيك
حمزه: اشهد يا اخ نوح طول عمر مفتري وبيجى
عليا
مليكه: غلطان يا اخ سيف ده حمزه باين عليه ان هو سكر
حمزه: ربنا يفتح بنفسك يا اخي في الاسلام
سيف: دخلت الاسلام فجاه يعني ما مع مين اللي كان بيردح للصبح
حمزه: بعد اذنك يا اخ سيف انا عمري ما اقول الالفاظ السوقيه دي
سيف: خالص وعلى يدي عمرك ما قولتها قبل كده ولا جت على لسانك
حمزه: شوفت ظالمني دايما
مليكه: طب ممكن تناموا بقى علشان عايز انام
حمزه: نام يا اخ نوح علشان احنا لما نروح هناك نتفرم
مليكه: بتوتر ليه ان شاء الله هنتفرم
سيف: يهنى انت احنا رايحين صحراء ورايحين نطلع بترول وغاز طبيعي فتخيل بقى احنا هنشوف ايه هناك وكمان هنتدرب
مليكه: نهار احوس انا مليش دعوه بالقصه الطويله اللي انت لسه قايلها دي
سيف: او مال حضرتك مفكر ايه احنا داخلين عشان نتعلم الشغل علشان لما نروح شغل نبقى فاهمين فيه
مليكه: هو مين قالك ان انا نافع انا اصلا افشل خلق الله
سيف: ما تجمد كده يلا في ايه
مليكه: انا انا مش عارفني انا توهت مني انا مش انا
حمزه: ايوه والله وانا كمان انا كل ما اتخيل ان انا هاكل صراصير ببقى نفسي استفرغ
مليكه: نعم يا اخويا مين ده اللي هياكل صراصير انا بعد ما كنت باكل شاورما وفراخ ولحمه وكنت ما بحبش العدس هاكل صراصير
حمزه: امال ايه يا كبير انت رايح سيناء بلاد العظمه
سيف: هو انت ليه مش مقتنع يا حمزه انها اسمها ارض الفيروز
حمزه: والله العظيم اسمها ارض الفيروز بجد معلش يا جماعه كنت بهرب من حصه العربي
مليكه: وانا كمان كنت بهرب من حصه العربي
والدراسات
قعد حمزه ومليكه يتكلموا لحد ما الطريق خلص وكان سيف بيبص لهم بهبل لانهم كانوا بيتكلموا في حاجات غريبه جدا
بعد ساعتين في الطريق وصلوا ل سيناء ونزلوا وكل واحد منهم بيبص للمكان باستغراب وكانت
*****★****★*****
مليكه بتبص حواليها بصدمه كبيره المكان كان كله اصفر والرمله كانت صفراء والشمس حاميه نار
مليكه: هي و بتكلم نفسها يا عيني عليكي يا
مليكه يعني بعد ما كنتي بتنامي على السرير وبتصحي المغرب هتنامي في خيمه وهتصحي 5:00 الفجر يا لهوي يا لهوي يا لهوي ليه يا دنيا بتشقلبي حالي
سيف: يا نوح انت فين يا ابني
مليكه: انا هنا يا سيف عايز ايه
سيف: روحي يا اخويا شوف نفسك هتنام مع مين
مليكه: بصدمه لا مؤاخذه بس هو مش مفروض ننام كل واحد في خيمه لوحده
سيف:هو اولا انت مش هتنام في خيمه انت هتنام في اوضه عاديه وهيبقى فيها السريرين انت وواحد معاك
مليكه: نهار اسود ومهبب مين دي اللي هتنام ومعاها ولد
سيف: هو انت ليه محسس انك بنت ما انت ولد يا ابني
مليكه: ايوه يا اخويا معلش فين بقى اوضتي
سيف: ما انا بقالي ساعتين بقوللك روح شوف
اوضتك فين وهتنام مع مين
مليكه: طيب يا زميلي هروح اشوف انا هنام مع مين سلام
راحت مليكه عشان تشوف نفسها هتنام مع مين
عرفت انها هتنام مع ولد اسمه رؤوف
مليكه: احيه هو انا هنام مع ولد يا حظك الهباب يا مليكه يعني اخرتها انا وولد في اوضه واحده
وفي مكان تاني كانت واقفه بنت وهي متنكره في لبس ولاد وبتقول نهار ابيض يا ماما عايزه تنيميني مع ولد في اوضه لوحدي ده شرف العائله هيضيع يا عالم
****★"***★***★***
امها: يا بنت متبقيش اوفر انتي كده كده ولد وهو ولد فهو مش هيعرف ان انتي بنت اصلا
البنت اللي كان اسمها روجانا
طب افرض يا امي الطوبه وقعت في المعطوبه
واكتشف ان انا بنت
الام: لا خالص يا قلبي هناخد علقه موت وكمان هتتحبسي
روجانا: يا ليله سوداء والعروسه بيضاء انت بتقولي ايه يا ده بيقولوا ان فيها حبس وكلبوش كمان يا لهوي ياما بقى اخرتها عايزه تحبسيني
الام: وانا مالي يا بنتي مش انت اللي عملتي فيها بيتر بان وقررتي تروحي اشربي بقى.
روجانا: يعني انا غلطانه عشان مش كنت عايزه ابنك يتحبس
الام: مكان يتحبس يا عبيطه بدل ما انتي اللي هتتحبسي العمر كله هو ولد وكان هيطلع منها شبه العجره من العجينه
روجانا: اسمها شبه الشعره من العجين خليتها العجره والنبي يا ماما احفظي الامثله وبعدين اتكلمي
الام: اه يا اختي ما انتي مش نافعه غير في الامثله روحي يا اختي شوفي خبتك اللي مش هتورد على حد دي وسلام بقى علشان عايزه اتفرج على المسلسل الهندي
روجانا: يا ماما يا اختي خدي اسمعيني انا زي بنتك برضوا انا قولت ان انا ضرتك محدش صدقني
خلصت روجانا سواح وراحت تشوف هتنام مع مين في الاوضه ولقيت ان هي هتنام مع واحد اسمه نوح
روجانا: يا رب يسر ولا تعسر انت عارف ان انا مبعملش كده بمزاجي بس يا رب اقف جنبي انا هبله وعبيطه والله خبطت على الباب
مليكه: مين
روجانا: ده ايه السؤال العبيط ده يعني مين هينام معاك في نفس الاوضه يا اخر صبري
مليكه: معلش ما خدتش بالي
روجانا : طيب انا داخل انام تصبح على خير
مليكه: وانت من اهل الخير
كانت مليكه فرحانه ان هو ما سالهاش هتنامي بهدومك كده ليه وكانت روجانا فرحانه عشان برضوا ما سالهاش انت هتنامي بهدومك كده ليه.
الساعه 5:00 الفجر كان الجرس عمال يرن في كل الاوض وكل الشباب صحيوا الا البنتين مليكه و روجانا
القائد: في اثنين ناقصين رؤوف محمد فؤاد ونوح يونس عمران فين هما
سيف: شكلهم لسه ما صحيوش يا فندم
القائد واللي كان اسمه مسلم روح صحيهم هم مش في بيت ابوهم هنا هما في تدريبات
سيف: تمام يا فندم هروح اصحيهم وبدا يخبط على الباب وهو بيقول يا نوح يا رؤوف قوم يا ابني منك ليه
مليكه: مين وليه وازاي وانا فين ونوح مين
روجانا: بصدمه احيه هو انتي بنت
مليكه: لا والمصحف انا ولد
روجانا: طيب قومي غيري عقبال ما انا كمان اغير ونشوف حوارك ده بعدين
مليكه: طيب يا رؤوف رد على سيف بدل ما يولع فينا
روجانا: خشي انتي وانا هرد عليه
دخلت مليكه الحمام واستحمت بالميه الساقعه علشان مش كان في ميه هناك غير في جردل وهي كانت ساقعه جدا كانت كل اما تنزل حبه ميه على وشها ترقع ب الصوت
روجينا: حاضر يا استاذ دقيقتين وجايين
سيف: تمام ما تتاخرش عشان القائد مش طايق نفسه
روجانا: تمام
وفجاه سمعت صوت صويت مليكه من جوه
روجانا: مالك يا بنتي انتي موتى جوه ولا ايه
طلعت مليكه وهي لابده في هدومها لان كانت الميه متلجه وهما كانوا في فصل الشتاء
مليكه: المياه ساقعه اوى
روجانا:معلش بتحصل في احسن العائلات
مليكه: نهار احوس هو انتي بنت مش ولد
روجانا: احيه هو انتي متعرفيش مانا نسيت اقولك
مليكه: لا والله ولا اعرف ولا قولتي
روجانا: انا يا ست روجانا وعندي 23 سنه
مليكه: وانا مليكه وعندي 24 سنه وبلاش تقولي ايه اللي خلاك تتنكري كده بعد المعركه اللي هتحصل بره هاجي احكيلك كل حاجه
"****,,*,,,,******"""""""""""
طلعوا بره و اتفجئوا بالمعسكر كله واقف على رجل
مليكه :في ايه هم واقفين كده ليه
روجانا: وانا ايش عرفني يا اختي شوفتيني جيت معسكر قبل كده
مليكه: شكلنا هنشوف ايام اسمر من قرن الخروف
روجانا: هي مش كانت اسمها اسود من قرن خروب
مليكه: مش وقته تعالي اما نشوف كلهم واقفين كده ليه
روجانا: طيب ماشي بس تخني صوتك علشان مش نتقفش قفشه حرام غسيل
مليكه: وهي بتحاول تتخن صوتها يلا يا بنتي اما نشوف اخرتها ايه
روجانا: اخرتها في السجن ان شاء الله
مليكه: يخرب بيتك بومه تفائلي يا بنتي يمكن مش يحصل لنا حاجه
كانوا بيتكلموا وهم ماشيين وفجاه طلع لهم القائد وهو بيقول ثابت يا عسكري منك ليه
مليكه: نهار احوس هم بيطلعوا الساعه كام ما تقول احم ولا دستور يا حاج
القائد: لا يا اخويا ما احنا مش في بيت الست الوالده هنا
روجانا: وهي بتحاول تتخن صوتها تمام يا فندم
القائد: يلا كل واحد فيكم هيروح مع اللي معاه علشان تعملوا اختبارات للبترول والغاز الطبيعي في هنا ولا لا
*"""***"“"****""""""""**""
مليكه: نعم مين قال كده
القائد: انا اللي قولت كده يا استاذ عندك مانع
مليكه: وهي على وشها ملامح العياط لا يا فندم مين قال ان عندي مانع
القائد: بحسب
مليكه: لا اطرح
القائد: طيب علشان استظراف دمك دة بعد ما تخلصوا الاختبارات ليك عندي مفاجاه
مليكه: لا يا فندم شكرا انا مبحبش المفاجأت ما بتفائلش بيها
القائد: لا يا نوح هتتفائل بيها جدا روح بقى شوف صحابك فين علشان تخلصوا الشغل اللي وراكم
مليكه: تمام يا فندم
روجانا: يلا يا اخره صبري مش عارفه هتبطلي تعملي بلوي امتي
مليكه:هو انت تعرفيني من امتى دانا و انتي لسه عارفين بعض مش كملنا يوم
روجانا:عادى يلا بقى بدل ما القائد يجي يولع فينا
مليكه: يلا يا اختي
*"""",****""""""********
وصلت مليكه هي وروجانا عند سيف وحمزه وبداوا يشتغلوا ويشوفوا التجارب لحد لما مليكه وسيف خلصوا وكان لسه حمزه و روجانا
طلعت مليكه مع سيف يشوفوا القائد عايز اي
مليكه: نعم يا فندم
****"""**★**★***★*
مسلم:عايزك انت والحلو اللي معاكي ده تلفوا المعسكر خمس مرات
سيف: نعم وانا مالى
مليكه:وانا كمان مالى
مسلم:كدة مزاجي
مليكه: بى صوت واطى ربنا يخدك يا مسلم يا بن ام مسلم
مسلم:فى حاجة
مليكه:لا خالص انا ماشى وخدت ايد سيف وبدوا فى الجرى
وكان سيف مضايق جدا هو مش عامل حاجه وكانت مليكه متضايقه وبتحاول بقدر الامكان تدخن صوتها وهي بتتكلم
مليكه: بتقول منك لله يا مسلم
سيف:باين علينا هنشوف ايام سودة
وفجاه سمعت صوت حمزة وهو وبيصرخ
سيف:دة صوت حمزة مالو وجرى هو ومليكه علشان يشوفوا حمزة لقيوا فى رمال متحركة تحته وبتتحرك بى حمزة
حمزة : الحقنى يا سيف
سيف:ازاي رمال متحركة فى سيناء
حمزه:هو انت بتفكر في ايه انا بموت كان حمزة كله تحت الرمله معادة راسه وكان عمال يولول ويقول يعانى على شبابك يا حمزة
سيف:اسكت علشان نعرف نفكر
حمزه:يلهوى يلهوى يلهوى الحقيني يامه ابنك هيكون من الضحايا اللي راحوا في الشغل يامه
سيف:وهو بيقلع الكوفيه من على رقبته
وبيحدفها ل حمزة علشان يمسكه
سيف:كل واحد لابس حاجه يديها ل حمزة علشان نخلص
روجانا: اللهم لا شماته بس انا شمتان بتمنى ان الرمله تاكلك ونخلص منك يا حمزه
حمزة :عارفك متغاظ منى علشان بوظت ليك المختبر بتاعك
روجانا:وهى بتقلع الكوفيه من على رقبته وبتديها لى سيف وهى بتقولو بصوت تخين والله لو اتقطعت لقطع خبرك يا حمزة
حمزة: إنشاء الله مش هتتقطع
روجانا:انا ماشى علشان ماموتش منك
سيف:يله يابنى خلاص
مليكه:حمزة حاول علشان انا عايز اروح انام
حمزه:ماتروح تنام يا نوح
وبعد كذا محاوله قدر حمزة يطلع وكل واحد منهم داخل اوضته ونام ل الصبح
تانى يوم الصبح كانت مليكه عندها فضول ان هي تعرف روجانا اللي جابها هنا
مليكه: قوليلي انتى ايه اللي جابك هنا
روجانا: انا اخويا واخد علقت موت وكنت لازم اجى مكانه هنا علشان ميدفعش شرط جزائي وانتى
بدات مليكه تحكي ايه اللي حصل
مليكه: بدات تحكى اللي حاصل وهى بتقول وامى هدادتنى انى لو مرحتش هتمنع عنى النت والفلوس وامى وليى قادرة وتعملها
روجانا : اصلا انت هتشليني الصراحه قومى علشان القائد مش طايقنا
مليكه : قامت والشباب وقاموا وبدأ كل واحد منهم يخلص الشغل وراهم وبعد مروع اربع شهور والبنات كانوا كل واحدة منهم حاسه انها منجذبه ل الشباب
والشباب كانوا نفس الشئ بس كانوا رافضين الفكرة من دماغهم علشان بنسبالهم البنات ولاد
وكان سيف اول لم يشوف عنيها كان بيسرح فيهم وكان خايف على نفسه ليكون شخص شاز
ولا حاجة
حمزة: بقى كانت دماغه في الطراوة خالص بس كان بيحس ب انجذاب ناحية روجانا وكان بيرفض الحوار ويشيل الفكره من دماغه
اخر يوم في المعسكر كانت كل بنت بتجهز نفسها علشان تروح وكانت روجانا فى الحمام بتغير هدومها وخلصت
اتفاجت بى حمزة وهو بيقول رؤوف كنت عايز وسكت فجاة لم شاف روجانا على حقيقتها
حمزة:اى دة كدة يا رؤوف تجيب بنات المعسكر
روجانا: اسكت يا زفت
حمزة: ايه ده هو فين رؤوف ثانيه كده اصلا يعنى مفيش روؤف وانتى هو طيب ازاى انا عايز افهم
روجانا:اطلع وانا هفهمك لبست الشنب وطلعت
واتكلمت مع حمزة وفهمته
حمزه: انتى كده عملتي غلط وياريت ميتكررش تانى
روجانا:تمام وعلى فكره اللي معايا في الاوضه بنت مش ولد
رواحو الشباب والبنات كانت مليكه زعلانه أنها مش هتشوف سيف تانى وكان سيف كمان زعلان
بعد مرور يومين راح حمزة عند سيف وشافه سيف زعلان وبيقول أنه حب ولد بدا حمزة يحكيله على كل حاجه
سيف: يعنى بقالك ساعتين ولسه فاكر تحكى
راح سيف حدد معاد مع ابو مليكه وحدد حمزة معاد مع ابو روجانا وبعد ٣شهور كانوا نازلين البنات وكل واحده فى ايد أبوها. وبقدموهم لعرسانهم
سيف:يخربيت حلاوتك وحياته اللي خلق حسنك ولم الورد على غصنك وحلاكي تخفى جمالك على عينى اللي شيفاكى
حمزة:انا مش مصدق نفسي انك معايا وجانبى وهتفضلي معايا عالطول
معتوها في وسط صحراء سيناء_ حكايات شروق للقصص الكاملة